Комисија за образование и наука на ВМРО - ДПМНЕ

15/07/2026

Во 7 години владеење на СДСМ и ДУИ бројот на ученици е намален за 17 илјади. Затоа сега е неопходна оптимизација на училишната мрежа. Имаме многу подрачни училишта со по две-три деца кои ниту се социјализираат, ниту имаат можност да се натпреваруваат со другарчиња, ниту применуваат современа технологија бидејќи во училиштето ја нема. Тие треба да се приклучат кон најблиските поголеми училишта и да имаат поквалитетен воспитно – образовен процес. Тоа е од нивен интерес, а нивните интереси се приоритетни во политиките на МОН. Притоа, потенцирам, ниеден наставник нема да ја изгуби работата.

Во изминатите две години од мандатот на Владата ниту еден наставник не е отпуштен од работа и нема да биде ниту во периодот што следи. На сите им даваме можност да ги надополнат часовите кои им недостасуваат, преку дополнителна работа со талентирани ученици или со ученици кои заостануваат во реализацијата на наставните програми, преку дополнителни наставни и воннаставни активности, водење разни секции и слично.

Ова се прави и заради потребата децата подолго да остануваат на училиште, со оглед дека имаат многу помалку часови од европскиот просек. Учениците во Македонија поминуваат 6.816 часа на училиште до 14 годишна возраст, а просекот во земјите членки на ОЕЦД е 7.775 часа. Се бориме да го достигнеме овој процес и нашите ученици да не бидат последни на ПИСА тестирањата.

25/06/2026

❗️Ниту еден наставник нема да биде отпуштен од работа при оптимизирањето на училишната мрежа. Во законите предвидовме опции за оние наставници кои останале без ученици, со нивна согласност да бидат ангажирани како образовни асистенти во период од една година. Ништо не се прави насилно, исклучиво транспарентно, со согласност на наставниот кадар и во соработка со општините, УНИЦЕФ и Светска банка.

📌Две третини од сите училишни објекти во Македонија се подрачни училишта, но во нив учат само 12% од вкупниот број ученици. Во околу 100 училишни објекти учат помалку од 5 деца. Нив мора да ги интегрираме во поголемите училишта, заради поголема социјализација и едукација во подобри услови. Нивните најдобри интереси се примарната причина за оптимизирањето на училишната мрежа. Второстепено е дека општините ќе заштедат средства кои потоа можат да ги вложуваат во инфраструктура.

❌Овој процес требаше да се спроведе одамна, но Владата на СДСМ немаше храброст тоа да го направи.

26/03/2026

✅Актуелната Влада вложи над 67 милиони евра во образовната инфраструктура за помалку од две години, а паралелно се фокусираме и на модернизација на наставните програми и на изработка на нови учебници за учениците да ги имаат сите неопходни услови за поквалитетен воспитно – образовен процес.

📌Пред неколку дена беше заокружена темелната реконструкција на Регионалниот центар за стручно образование и обука „Моша Пијаде“ во Тетово, вредна 5 милиони евра кои се обезбедени од државата и од ИПА фондовите на ЕУ. Во тек е доградба на неколку објекти во склоп на училишта во општините Ѓорче Петров, Карпош и Центар каде треба да се овозможи едносменска настава. Се реконструираат 15 училишни спортски сали, а 30 нови етапно започнуваат да се градат. Кумановската гимназија ќе добие нов објект до крајот на тековната година. Се откочи изградбата на објектите за потребите на ФИНКИ и се реконструираат државните студентски домови.

24/03/2026

23/03/2026

06/02/2026

✅Со големо задоволство споделувам дека изработивме нови закони што ќе донесат квалитет во високото образование и науката!

ℹ️Со поддршка од над 60 стручни лица и експерти, Министерството за образование и наука ја подготви новата законска регулатива од која очекувам да обезбеди поквалитетна академска едукација и да ја поттикне научно – истражувачката дејност во државата. Нов Закон за високо образование и Закон за квалитет во високото образование и науката се веќе достапни за коментари и сугестии на владиниот ЕНЕР систем, додека Законот за научно – истражувачка дејност наскоро ќе биде споделен и тој исто така ќе може да се погледне и дополни или измени со конструктивни забелешки.

❗️Ова беше неопходно да се направи затоа што актуелниот Закон за високо од 2018 - создаде повеќе проблеми отколку што реши, Агенцијата за квалитет во своите 5 години постоење спроведуваше само акредитации, но не и евалуации на студиски програми, а во науката има многу новитети кои сегашниот закон не ги интегрира.

📌Зајакнати се критериумите за напредување во звања на факултетите. Предлагаме нов начин на финансирање на универзитетите во кој ќе има и развојна компонента. Нов начин на избор на ректор. Се воведуваат нови стручни студии. Предност при вработување на државните високообразовни установи добиваат студентите кои студирале на најдобрите 100 светски универзитети, студирале во земјата и се избрани за најдобри во генерацијата, како и оние кои се добитници на Инженерски прстен. Се реорганизира работата на АКВО. Се утврдуваат типови на научни установи кои може да се основаат...

🤝Изразувам благодарност до сите кои без било каков надомест учествуваа во изработката на новата законска регулатива, а особено до Националното координативно тело за реформи во високото образование и научно истражувачката дејност кое одлично ја заврши првата задача заради која и беше формирано од страна на Владата и се покажа како добар начин на работа од која никој не е исклучен и сечие мислење е важно.

👉На ред е јавноста, сите заинтересирани да дадат свој придонес во подобрувањето на содржината, пред законите да бидат доставени на расправа во Собранието.

31/01/2026