ИНТЕГРА - Македонска конзервативна партија

18/08/2026

Се наближува времето, кога созрева потребата за враќање на моќта на македонската армија.

ИНТЕГРА - Македонска конзервативна партија повеќе години наназад заговара нов воено стратегиски пристап, бараме јавноста да се ослободи од комплексот на пониска вредност и сите заедно да погледнеме од повисока перспектива дека можеме, знаеме и умееме да изградиме моќна држава, со моќен армиски одбранбен систем, моќно наоружани и подготвени до перфекција за секаков вид на воено безбедносни ризици.

Финансии се наоаѓаат, ама треба знаење, умеење и вештини, пред се' голема храброст и љубов кон својот народ и татковина...но и моќни контакти низ светот.

Ако ја препознавате ИНТЕГРА во овие квалификации, тогаш придружете ни се на овој благороден пат до целосна преродба на татковината. Тоа е и мора да е нашиот заеднички сон, на сите нас без исклучок.

Честито роденден...наша Македонска армија.

05/08/2026

Чудно е како може еден млад човек, пред кого е иднината, да поддржува и гласа социјализам и комунизам, да поддржува ограничување наместо слободи, да гласа за сиромаштија, наместо за богатство🤔

Слободата е СЕ' и таа мора да е над се' на пиедесталот на општеството. Слободата на духот, да творите, да создавате без тутор над глава, без политички надзор на она кое е ваша додадена вредност, вредност која може да ја потврди и награди само слободниот пазар и никој друг.

Ваков модел кој ќе го издигне творечкиот потенцијал на секоја индивидуа над сите можни граници и со сите расположливи механизми и инструменти на државниот апарат е кор на политичката платформа на ИНТЕГРА - Македонска конзервативна партија и ниту на една друга политичка партија.

Едно е да знаете што е најдоброто, но многу поважно е да умеете како до таа благородна цел. За тој процес да е успешен, ќе мора да сте занаетлија, кој знае, умее и обилува со вештини како се води држава до високо поставени цели: просперитет и благосостојба на секој поединец.

САМО НАЈДОБРОТО Е ДОВОЛНО ДОБРО...

01/08/2026

Денес со длабока почит, гордост и благодарност се поклонуваме пред вековниот копнеж на македонскиот народ за слобода, правдољубивост и сопствена држава.

Илинден не е само историски настан, тоа е генетскиот код на македонскиот пркос, на желбата за слобода и на подготвеноста да се застане во одбрана на татковината.

Од Крушево во 1903 година до АСНОМ во 1944 година, генерации македонски синови и ќерки ги вградија своите животи во идејата за слободна, суверена и достоинствена Македонија.

Историјата нè учи дека кога сме обединети околу вистинските вредности, ниеден предизвик не е непремостлив.

​Ние, ИНТЕГРА - Македонска конзервативна партија, сме силни поборници за:

✅ Силна и богата Македонија заснована на традиционални, конзервативни вредности.

✅ Достоинство за секој Македонец и за сите кои ја чувствуваат Македонија за своја татковина.

✅ Зачувување на македонскиот идентитет, јазик, култура и историја.

🇲🇰 ЧЕСТИТ 2 РИ АВГУСТ - Денот на Македонската република!

#ИНТЕГРА - Македонска конзервативна партија

21/06/2026

Претставници на ИНТЕГРА - Македонска конзервативна партија учествуваа во дводневната работилница ,,Помеѓу два изборни циклуси: Градење активни и граѓански ориентирани политички партии", која се одржа од 20 до 21 Јуни 2026 година, во хотелот Оаза во Штип.

Работилницата беше спроведена во рамките на Швајцарската програма за подршка на изборите, спроведувана од Меѓународната фондација за изборни системи (ИФЕС).

Целта на Семинарот беше да се зајакнат организациските, комуникациските и политичките капацитети на претставниците на политичките партии во државата, во насока поголема политичка одговорност и посилна поврзаност со граѓаните.

Оваа работилница претставува континуирано продолжение за политичките партии, што ИФЕС ги спроведе во Јуни 2025 година во Велес, каде учествуваа претставници од нашата партија.

23/05/2026

🇲🇰 Честит 24 Мај – Денот на семакедонските и сесловенските просветители Св. Кирил и Методиј!

Вредностите на традицијата, духовноста и писменоста се столбовите врз кои стои силната македонска иднина.

Просперитетна и богата нација почива врз образовани генерации кои го почитуваат своето минато за да градат сигурна иднина.

Во времиња кога сме соочени со обиди за негирање на нашите корени, делото на солунските браќа нè потсетува дека македонската писменост и култура одамна се вградени во цивилизациските вредности на Европа.

Ние, ИНТЕГРА - Македонска конзервативна партија ветуваме дека никогаш нема да отстапиме од одбраната на македонското национално достоинство, јазик и културно наследство.

Честит и вековит празник!

20/05/2026

Тоа е тоа. Ајде сега некој нека каже дека големите идеи немаат влијание, дека визијата не дава плодови - кога, тогаш.

Големите идеи и визијата на ИНТЕГРА - Македонска конзервативна партија допрва ќе фаќаат длабоки корени на овие простори...се' ќе врви на добро, за тоа кое е од Бога и со Бога.

Пречудни се патиштата Господови!

19/05/2026

Alexis de Tocqueville
„America is great because America is good. If America ever ceases to be good, America will cease to be great.“

Македонија ќе мора да се сврти кон Христос и Неговата вистина, за да стане 'добра' (благоугодна на Бога)...за да стане 'голема', не по границите, туку по достигнувањата.

Насушно ни е потребна 'НОВА МАКЕДОНСКА РЕНЕСАНСА', која ќе не вброи во трајните вредности на светската цивилизација...по втор пат.

Овој пат, со Божествената премудрост како највисок приоритет во сите државнички политики, но и во животот на секоја душа човечка, која е родена, чекори и твори на ова парче света македонска земја.

04/05/2026

Денеска, 4-ти мај, со положување свежо цвеќе, оддаваме почит на апостолот на македонската револуционерна борба – Гоце Делчев. Неговиот завет не е само историски запис, туку жив патоказ за сите нас кои веруваме во силна, суверена и достоинствена Македонија.

Гоце ​Делчев не нè научи само како да се бориме, туку како да ја сакаме татковината – без калкулации и со целосен интегритет.

Како партија која ги чува столбовите на македонскиот идентитет, семејството и суверенитетот, денес потсетуваме: Името на Гоце е симбол на нашата самобитност. Неговата жртва е потсетник дека слободата не се добива на подарок, туку се зачувува со карактер и верност кон сопствениот корен.

​Во времиња на искушенија, ликот на Гоце Делчев е нашиот морален компас. Остануваме на браникот на неговите идеали, за Македонија каква што тој ја сонуваше – слободна и горда!

​Нека му е вечен споменот на македонскиот син Гоце Делчев! 🇲🇰
#ИНТЕГРА - МАКЕДОНСКА КОНЗЕРВАТИВНА ПАРТИЈА

20/04/2026

Во текот на вчерашниот ден се одржа работилница со претставници и претставнички на ИНТЕГРА - Македонска конзервативна партија, посветена на справувањето со насилството врз жените во политиката, ​во соработка со Меѓународната фондација за изборни системи (ИФЕС), преку Програмата за поддршка на изборите.

Нашата идеологија како конзервативна партија се заснова на заштита на достоинството на секој поединец и почитување на традиционалните вредности, кои во својата суштина не познаваат место за насилство и дискриминација.

Упативме јасна порака: политичкото дејствување мора да биде безбедно, достоинствено и ослободено од каква било форма на насилство.

Работилницата ја водеше Каролина Леаковиќ, меѓународна консултантка со долгогодишно искуство во Европскиот парламент и експерт за родови прашања и стратешко планирање.

​Како партија која се стреми кон европски стандарди и демократско владеење, остануваме посветени на создавање на амбиент каде жените ќе бидат рамноправни и заштитени лидери.

​Најдоброто за Македонија! 🇲🇰
ИНТЕГРА - Македонска конзервативна партија

16/04/2026

Неверојатно🤔како може приход кој го овозможил друг систем, на друга држава, а за кој Мк не вложила ништо, да биде предмет на оданочување?

Умот и генијалноста, најумешните ли ќе ги даночат затоа што не се под Завод или на државно?

Или пак, можеби цирка 600 милиони евра остварени приходи во странство им се проблем, па сакаат да откријат кој од каде и како заработува, па ако може да го прекинат тој брзорастечки извор на финансиска моќ и да ги згаснат амбициите на младите за финансиска слобода...?

Држава на која очите и се вперени само во џебовите на граѓаните е држава во очај, држава која во својата немоќ да креира додадена вредност, која не знае како да го бустира БДП, а се фаќа за моќта на аутсорс бизнисите кои знаат и умеат да креираат додадена вредност е држава која пропаѓа во жива кал.

Наместо да покаже државата малку мудрост и да се фокусира на творечката енергија, слободата и моќта на тие млади лидери и да ги поттикне да прераснат од сегашните 600 милиони на над 6 милијарди евра приход кој ќе го трошат дома, во татковината, таа-државата се гуши во тежок комунистички мајндсет.

Ајде запрашајте се, која странска инвестиција им донела/исплатила на толкав број на вработени во Македонија сума од 600 милиони евра годишно, а сепак државата упорно ги ослободува странците од сите даноци цели 10 години?

Има ли барем малку разум во нашава држава?

УЈП појаснува дека оданочувањето на приходите од странство не е нова мерка, туку законска обврска што постои со години. Објавени и податоци за контроли и доброволн....