Општина Гази Баба

16/08/2026

🏗️ ГАЗИ БАБА Е ГОЛЕМО ГРАДИЛИШТЕ – ГРАДИМЕ ЗА ИДНИНАТА‼️

👷 Градоначалникот Бобан Стефковски заедно со претседателот на Владата, Христијан Мицкоски, денес извршија увид во изградбата на првата фаза од фекалната канализација во населеното место Идризово – капитален проект со кој решаваме уште еден децениски проблем на граѓаните.

🚧 Во рамки на првата фаза ќе бидат изградени 1.478 метри нова канализациска мрежа, а вредноста на договорот изнесува 49.188.012 денари.

🏗️ Проектот во првата фаза предвидува и изградба на 4 пумпни станици, неопходни за ефикасно и непречено функционирање на канализацискиот систем.

🔧 За изградбата се користат современи двослојни ребрасти полипропиленски цевки тип Б, со дијаметар ФИ 250, 315 и 400 милиметри, со што создаваме модерна и долгорочно одржлива комунална инфраструктура.

🇲🇰 Средствата за реализација на овој значаен капитален проект се обезбедени од Владата на Република Македонија, преку вториот јавен повик за финансирање на капитални проекти.

📈 На територијата на Општина Гази Баба , во рамки на мандатот на градоначалникот Стефковски е изградена нова мрежа на фекална канализација во должина од над 36 километри!

💪 Тоа се повеќе од 36 километри конкретни решенија, инвестиции и подобри услови за живот на нашите сограѓани.

🤝 Ги решаваме децениските проблеми кои со години биле оставани настрана, а така ќе продолжиме и во иднина – сè до нивното конечно решавање!

🏘️ Гази Баба денес е едно големо градилиште – градиме детски градинки, ново училиште, спортски сали, канализациски системи, реконструираме и асфалтираме улици и го уредуваме јавниот простор.

🏗️ Едноставно, работиме и делуваме во секоја пора од општината, затоа што развојот мора да стигне до секое населено место и до секој наш сограѓанин.

🙏 Благодарност упати градоначалникот Стефковски до Владата на Република Македонија и премиерот Христијан Мицкоски за силната поддршка што ја добива Гази Баба во реализацијата на голем број капитални проекти.

❤️ Кога имаме јасна визија, посветена работа и силна институционална поддршка – резултатите се гледаат на терен!

🏗️ ГАЗИ БАБА ГРАДИ!

💪 ГАЗИ БАБА СЕ РАЗВИВА!

🇲🇰 ПРОДОЛЖУВАМЕ УШТЕ ПОСИЛНО – ЗА МОДЕРНА И РАЗВИЕНА ГАЗИ БАБА!

15/08/2026

13/08/2026

🦟 ЗАСИЛЕНИ МЕРКИ ЗА ЗАШТИТА НА ЗДРАВЈЕТО НА ГРАЃАНИТЕ.

Поради зголемениот број на регистрирани случаи на западнонилска треска, Општина Гази Баба во координација со Центарот за јавно здравје презема навремени и засилени превентивни мерки за заштита на здравјето на граѓаните.

Одделението за заштита и спасување, во соработка со Центарот за јавно здравје, спроведе итна дополнителна терестичка адултицидна дезинсекција на повеќе локации низ Oпштина Гази Баба.

Со третманот се опфаќаат критичните и приоритетни локации, а превентивното делување ќе продолжи и во наредните денови, согласно состојбата и препораките на надлежните институции.

⚠️ Нема простор за паника, но потребни се внимателност и одговорност. Надлежните служби ја следат состојбата и се преземаат сите неопходни мерки и активности со цел намалување на ризикот и заштита на населението.

🤝 Апелираме и до граѓаните да придонесат во превенцијата – да не оставаат садови и површини со застоена вода во дворовите, на терасите и околу домовите, бидејќи тие претставуваат погодна средина за размножување на комарците.

Здравјето и безбедноста на граѓаните се наш приоритет!

✅ Дејствуваме навремено.
✅ Преземаме конкретни мерки.
✅ Ја следиме состојбата на терен.

💪 Општина Гази Баба продолжува со засилени превентивни активности и во следниот период!

#Продолжуваме

12/08/2026

👇🏻👇🏻👇🏻

СТОП ЗА МАНИПУЛАЦИИТЕ: ВОДАТА ВО СКОПЈЕ Е БЕЗБЕДНА ЗА ПИЕЊЕ!

Почитувани граѓани,
Од утрово до мене пристигнуваат бројни пораки и повици од загрижени граѓани, жители на општина Гази Баба поради информациите што се пласираат во јавноста за наводно присуство на бактерија во водата за пиење во Скопје.

Да бидеме јасни: со здравјето и безбедноста на граѓаните не смее да се манипулира!

Во период кога температурите се енормно високи и кога граѓаните со право очекуваат институциите да бидат гаранција за сигурност и стабилност, неодговорното ширење непроверени информации создава паника и непотребен страв.

Најостро ги осудувам ваквите манипулации!

Политичката борба може да биде жестока, критиката може да биде остра, но здравјето на луѓето не е тема за политички игри, пресметки и измислени вести.

Жално е што опозицијата, наместо да понуди решенија, визија и конкретни идеи, очигледно се обидува политички да профитира преку создавање страв и недоверба кај граѓаните.

Граѓаните заслужуваат факти, а не паника. Заслужуваат одговорност, а не манипулации!

Ја поддржувам иницијативата на градоначалникот на Град Скопје Орце Ѓорѓиевски - Orce Gjorgjievski да се утврди кој ја креирал и кој ја пласирал оваа лажна информација, да се утврди целокупниот синџир на одговорност и доколку има основ, секој што ги прекршил законите да понесе одговорност пред надлежните институции.

Ова не е прашање на политика!
Ова е прашање на одговорност!

Никој нема право да си поигрува со мирот, здравјето и довербата на граѓаните!

Стоп за лажните вести!
Стоп за политичките манипулации!

#Вода
#СтопЗаЛажниВести

12/08/2026

🌍 12 АВГУСТ – МЕЃУНАРОДЕН ДЕН НА МЛАДИТЕ!

👫 Младите се нашата енергија, нашата сила и нашата иднина. Нивните идеи, храброст и желба за промени се двигателот што го носи општеството напред.

💡 Наша обврска е да создаваме услови во кои секој млад човек ќе има можност да учи, да се развива, да создава и својата иднина да ја гради овде – во својата општина и во својата Македонија.

🤝 Треба да ги слушаме младите, да веруваме во нив и да им дадеме простор да бидат активни учесници во носењето на одлуките што ја определуваат нивната иднина.

🏡 Продолжуваме да вложуваме во образование, спорт, култура, подобри услови за живот и конкретни мерки кои отвораат нови можности за младите.

🇲🇰 Македонија има иднина кога младите имаат иднина во Македонија!

❤️ На сите млади им го честитаме Меѓународниот ден на младите со порака: верувајте во себе, бидете храбри, создавајте и никогаш не се откажувајте од своите соништа!

💪 Денес млади – утре лидери!

#Продолжуваме
#Млади
#Македонија
#ГазиБаба

11/08/2026

🇲🇰 ЧЕСТ, ГОРДОСТ И ЉУБОВ КОН МАКЕДОНИЈА – ОТВОРЕН 19-ТИОТ ТУРНИР ВО МАЛ ФУДБАЛ ВО ТРИАНГЛА! 🇲🇰

⚽️ Вечерва градоначалникот Бобан Стефковски го отвори 19-тиот традиционален турнир во мал фудбал во населбата Триангла, кој се одржува во пресрет на 8 Септември – Денот на независноста на Република Македонија!

🇲🇰 Ова не е само спортски турнир. Ова е традиција која трае, заедништво кое нè обединува и љубов кон Македонија која се пренесува од генерација на генерација.

❤️ На спортските терени се градат пријателства, се учи што значат борбеност, почит и фер-плеј, но пред сè се создава чувство на припадност кон своето маало, својата општина и својата татковина.

💪 Како и досега, така и во иднина, ќе продолжиме силно да го поддржуваме овој турнир, спортот и секоја иницијатива што ги обединува младите и ги негува нашата традиција и македонскиот патриотизам.

🇲🇰 НЕКА Е ВЕЧНА МАКЕДОНИЈА! 🇲🇰

#Продолжуваме
#Македонија

11/08/2026

🏗️ ЈА УРЕДУВАМЕ АВТОКОМАНДА – СОЗДАВАМЕ НОВИ И УРЕДЕНИ ЈАВНИ ПОВРШИНИ!

👷 Денес градоначалникот Бобан Стефковски беше на терен во Автокоманда, каде што во тек се активности за уредување на јавните површини со поставување на нови павер елементи.

🌳 Просторот го менува својот лик! Создаваме уредени и функционални катчиња за одмор, дружење и рекреација на граѓаните.

🚶 Дополнително, изградивме и нови пристапни патеки со павер елементи, со што овозможуваме подобро и полесно движење.

🏘️ Нашата цел е секое маало да биде почисто, поуредено и попријатно место за живеење.

🤝 Ги слушаме граѓаните и постапуваме по нивните барања, затоа што токму тие најдобро знаат што е потребно во нивното маало.

🔨 Градиме и создаваме.

🌿 Го уредуваме јавниот простор.

🚶 Создаваме подобри услови за секојдневието на граѓаните.

✅ Продолжуваме со работа на терен – за поубава Автокоманда и поубава Гази Баба!

#Продолжуваме

11/08/2026

🏡 НУЛА КОМУНАЛИИ ЗА ИЗГРАДБА НА КУЌА ЗА МЛАДИ ДО 35 ГОДИНИ.

✅ Една од мерките од нашата изборна програма која веќе е реализирана е ослободувањето од плаќање комуналии за изградба на куќа за млади до 35 години.

👨‍👩‍👧‍👦 Иако првично мерката беше наменета за лица до 29 години, по детална анализа и препознавање на реалните потреби на младите, ја зголемивме старосната граница до 35 години, со што опфаќаме уште повеќе семејства кои сакаат да го изградат својот сопствен дом.

📌 КОЈ МОЖЕ ДА ГО ОСТВАРИ ОВА ПРАВО?

🎯 Лицата да имаат најмногу 35 години на денот на поднесување на барањето.
📍 Да се жители на Општина Гази Баба.
🏠 Да градат, доградуваат или надградуваат прв дом во нивна сопственост.
🔑 Објектот да се гради исклучиво за лични станбени потреби.
📑 Да поднесат комплетна техничка документација согласно Законот за градење.
✍️ Да достават изјава дека објектот ќе го користат за сопствено домување најмалку 10 години.

💙 ЗОШТО Е ВАЖНА ОВАА МЕРКА?
🌱 Затоа што ги стимулираме младите да останат тука, во нашата општина, да создадат свој дом, своја иднина и своја приказна – токму во Гази Баба.
🏘️ Кога младите градат дом тука, градиме и ние посилна, посигурна и подинамична општина.
🤝 Им помагаме на младите брачни парови, ги растеретуваме од голем финансиски трошок и им овозможуваме полесно да го направат еден од најважните чекори во животот – создавањето на сопствено семејно огниште.

🚀 Ова не е само мерка. Ова е инвестиција во иднината!

❤️ Поддршката за младите е поддршка за развојот, напредокот и иднината на Општина Гази Баба.

📢 Драги сограѓани,

💪 Ова е вистинска поддршка, реална мерка и силен чекор напред!
🏆 Продолжуваме да работиме за општина која ги слуша потребите на своите жители и создава конкретни решенија, особено за младите – нашата најголема вредност и иднина.
🙌 Ги повикувам сите млади брачни парови да ја искористат оваа можност и да го направат својот следен чекор кон својот дом, своето семејство и својата иднина!

🏡 ЗА МЛАДИТЕ. ЗА СЕМЕЈСТВАТА. ЗА ГАЗИ БАБА. ЗА НАШАТА ИДНИНА! 🇲🇰

#Продолжуваме

10/08/2026

🌿 ЧИСТ ВОЗДУХ ЗА НАШИТЕ НАЈМЛАДИ – СЕ ГРИЖИМЕ ЗА СЕКОЕ ДЕТЕ!

💨 Обезбедивме прочистувачи на воздухот во сите детски градинки на територијата на Општина Гази Баба, затоа што здравјето и безбедноста на нашите најмлади се наш апсолутен приоритет.

👧👦 Децата поминуваат голем дел од денот во градинките, а наша обврска е да им обезбедиме чиста, здрава и безбедна средина во која ќе растат, учат и се развиваат.

🌱 Со поставувањето на прочистувачите создаваме подобри услови за престој и дополнително го унапредуваме квалитетот на грижата за децата во нашите предучилишни установи.

🏫 Продолжуваме да инвестираме не само во нови градинки и поголеми капацитети, туку и во подобар квалитет на условите во секоја градинка.

❤️ За нас, грижата за децата не е само збор – таа значи конкретни мерки, инвестиции и дела кои го подобруваат нивното секојдневие.

🤝 Чист воздух. Здрава средина. Безгрижно детство!

💙 Се грижиме за секое дете!

#СеГрижиме
#Продолжуваме

07/08/2026

🕯️ 10 ГОДИНИ ОД ПОПЛАВИТЕ… СЕЌАВАЊЕТО НЕ ИЗБЛЕДУВА. ГАЗИ БАБА ПАМЕТИ..

🥲Денес, со длабока почит, се поклонивме пред споменот на сите оние кои ги загубија своите животи во катастрофалните поплави што во 2016 година ја погодија Општина Гази Баба.

🙏 Десет години подоцна, болката не е помала. Времето не ги избриша спомените, ниту пак ја намали тагата на семејствата кои ги загубија своите најмили. Нивната болка останува и наша болка.

🥲Вечерва на комеморативниот настан во Домот на културата 11 Октомври во Ченто беа прочитани имињата на загинатите за да порачаме дека имаме обврска да се сеќаваме и да ги споменуваме.

🕊️ Комеморативниот настан не беше само потсетник на една голема трагедија. Тој беше чин на почит, достоинство и благодарност.

🤝 Изразивме искрена благодарност до сите институции и поединци кои во најтешките моменти покажаа човечност, храброст, солидарност и несебична пожртвуваност. Благодарноста ја изразивме преку доделување плакети за благодарност на:
• Министерството за внатрешни работи,
• Армијата на Република Македонија,
• Амбасадата на Соединетите Американски Држави во Македонија,
• Амбасадата на Република Бугарија во Македонија,
• Амбасадата на Република Туркије во Македонија,
• Коце Трајановски, поранешен градоначалник на Град Скопје,
• Тони Бојковски, координатор на Општина Гази Баба со институциите за справување со последиците од поплавите.

❤️ Во тие денови не постоеја разлики. Постоеше само една цел – да се спасуваат човечки животи, да се помогне на секое семејство и да се врати надежта таму каде што поплавата остави пустош.

🌹 Нека споменот на жртвите биде вечен, а нивната трагедија вечен потсетник дека човечноста, солидарноста и заедништвото се најсилни токму тогаш кога е најтешко.

🖤 Никогаш нема да ве заборавиме.
Никогаш да не се повтори‼️

#СеСеќаваме
#ГазиБабаПамети