Ѓоко Велковски

07/09/2026

🇲🇰 35 години независна Македонија

Денес, присуствував на свечениот прием во Собранието по повод 8 Септември – Денот на независноста.

Ден кој не потсетува на историската одлука на македонските граѓани да го изберат својот пат, патот на самостојна, суверена и слободна македонска држава.

По 35 години, нашата обврска е да продолжиме да ја градиме Македонија како држава со силни институции, достоинство и подобра иднина за секој нејзин граѓанин.

07/09/2026

05/09/2026

Нова соработка за подобри социјални услуги

Денес го потпишавме Меморандумот за разбирање и соработка во областа на социјалните услуги со Министерството за семејство и социјални услуги на Република Турција.

Со министерката Махинур Оздемир Гокташ договоривме продлабочување на институционалната соработка и размена на искуства и добри практики.

Фокусот се подобри услуги и поголема поддршка за семејствата, жените, децата, лицата со попреченост и постарите лица.

🇲🇰🤝🇹🇷 Заеднички работиме на унапредување на социјалната заштита и подобар квалитет на живот за граѓаните.

04/09/2026

📌Во тек е исплатата на правата од социјална и детска заштита

Министерството за социјална политика, демографија и млади информира дека денеска 4 септември 2026 година започна исплатата на правата од социјална, детска и цивилна заштита за месец август 2026 година.

▶️Kорисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство.

▶️Исто така, и корисниците кои не користат картички од денеска ќе можат да ги подигнат своите средства во сите отворени филијали и експозитури на банките.

02/09/2026

Го решаваме проблемот со бездомниците од "Ранка Милановиќ"

02/09/2026

ПРИЈАВИ СЕ ЗА ВТОРА НАЦИОНАЛНА МЛАДИНСКА ЛЕТНА ШКОЛА

Нова можност за учење, развој, дружење и создавање нови пријателства

Министерството за социјална политика, демографија и млади, во соработка со Германското друштво за меѓународна соработка (ГИЗ) и Регионалната канцеларија за младинска соработка (РИКО), го објавува повикот за учество на Втората национална младинска летна школа.

Ако си млад/а и имаш од 15 до 29 години, ова е можност која не треба да ја пропуштиш

📍 Дојран
📅 14–18 септември 2026 година

На летната школа ќе се соберат околу 60 млади од целата земја, кои преку интерактивни активности ќе имаат можност да:

- развиваат лични и социјални вештини;
- работат во тим и создаваат нови пријателства;
- стекнат нови знаења и практични вештини;
- ги подобрат интерперсоналните односи;
- учат и се развиваат преку пристапот „Спорт за развој“.

Школата е креирана како платформа која ги поттикнува младите да бидат активни учесници и агенти на позитивни промени во општеството.

И најважно – немаш дополнителни трошоци

✅ Превоз
✅ Сместување
✅ Оброци

Се е обезбедено од организаторите.

📅 Рок за пријавување: до 6 септември 2026 година

Не ја пропуштај можноста да бидеш дел од едно ново искуство, да запознаеш млади од цела Македонија и да стекнеш знаења и вештини кои ќе ти користат и понатаму.

🔗 ПРИЈАВИ СЕ ТУКА:
https://www.mtsp.gov.mk/mk-MK/odnosi-so-javnost/javni-oglasi/javen-povik-za-prijavuvanje-na-vtorata-nacionalna-mladinska-letna-skola

01/09/2026

Двојно зголемување на социјалните услуги за само 2 години

31/08/2026

Инспекциските служби при Министерството редовно вршат контрола на работењето на домовите за стари лица, со цел да се обезбедат квалитетни услуги, соодветни услови и заштита на правата и достоинството на корисниците.

Паралелно, заедно со сопствениците на приватните домови за стари лица работиме на измени и унапредување на правилникот, со цел правилата да бидат појасни, пофункционални и во најдобар интерес на лицата кои ги користат овие услуги.

За нас, грижата за старите лица значи одговорност, контрола и континуирано подобрување на системот.