Александар Јанев

Александар Јанев Contact information, map and directions, contact form, opening hours, services, ratings, photos, videos and announcements from Александар Јанев, Government Official, Skopje.

Кога постои сомнеж за криминал, не застануваме кај сторителот. Го следиме и трагoт на парите.Во април беа пронајдени и о...
04/09/2026

Кога постои сомнеж за криминал, не застануваме кај сторителот. Го следиме и трагoт на парите.

Во април беа пронајдени и одземени 597.500 евра во готовина. Финансиската анализа покажа дека 500.000 евра во 2018 година биле внесени во банкарскиот систем како „семејна заштеда“, при што беа утврдени сериозни несразмерности меѓу приходите, имотот и реалните трошоци. Даночната контрола утврди и обврска од 1.962.173 денари.

Врз основа на собраните докази, СВР Струмица поднесе кривична пријава против две физички и едно правно лице за перење пари, даночно затајување и лихварство.

Горд сум на колегите и на институционалната координација што доведе до овој резултат.

Без селекција. Со факти и докази.

Таму каде што постои несразмер, прашањето е едноставно: Од каде се парите?

Не го следиме само кривичното дело. Го следиме и неговиот финансиски траг.

#ЗаконРедИнтегритет
#ЗаЕдноЗаБезбедност

Утрово во Скопје присуствував на отворањето на регионалната конференција „Организиран криминал во затворите – зајакнувањ...
02/09/2026

Утрово во Скопје присуствував на отворањето на регионалната конференција „Организиран криминал во затворите – зајакнување на интегритетот, разузнавањето и соработката во земјите од Југоисточна Европа“, организирана од Мисијата на ОБСЕ во Македонија и Амбасадата на САД во Скопје.

Конференцијата отвора ново поглавје во регионалниот, интегриран и системски пристап кон борбата против организираниот криминал.

Криминалот не завршува зад решетките. Криминалните структури и поединци наоѓаат начини да продолжат со своите активности и во затворите, но и по нивното излегување на слобода. Затоа, размената на информации, развојот на разузнавачките капацитети, институционалниот интегритет и меѓусебната доверба се клучни за безбедноста на целиот регион.

Во тој контекст, корупцијата е кислородот на криминалот. Секое коруптивно однесување, злоупотреба на службената положба или постапување што му овозможува на криминалот да опстојува мора навреме да биде препознаено, спречено и санкционирано.

Во изминатите две години покажавме дека полицијата има капацитет, знаење и решителност да застане на патот на организираниот криминал и криминалните групи. Продолжуваме одлучно и без калкулации. Сепак, борбата не завршува со полициската акција.

За правдата да биде испорачана до крај, целиот систем мора да функционира како една целина, од разузнавањето и истрагата, преку обвинителството и судовите, до извршувањето на санкциите и управувањето со затворскиот систем. Секоја институција има своја одговорност и ниту една алка не смее да биде слаба.

Оттука, неопходно е да ги зајакнуваме капацитетите и интегритетот во затворскиот систем, како и размената на информации за состојбите и ризиците во казнено-поправните установи. Само така можеме да спречиме криминалците, без разлика дали се зад решетки или повторно на слобода, да управуваат со криминални мрежи, да вршат нови кривични дела и да ги загрозуваат животите на чесните граѓани.

Организираниот криминал, корупцијата, нелегалната трговија со дрога, прекуграничниот криминал и сите други форми на криминално дејствување немаат место во нашето општество.
Македонија не е, а и нема да биде засолниште за криминалот.

Со силни институции, професионалност, интегритет, размена на информации и регионална соработка, заеднички ќе го затвориме секој простор во кој криминалот се обидува да опстојува.

#ЗаконРедИнтегритет
#ЗаЕдноЗаБезбедност

Денес, на 1 септември, во Средното полициско училиште „7 Мај“ започнува новата учебна година. За 310 млади луѓе ова е пр...
01/09/2026

Денес, на 1 септември, во Средното полициско училиште „7 Мај“ започнува новата учебна година. За 310 млади луѓе ова е првиот чекор кон професија што бара знаење, дисциплина, одговорност и чест.

Овој ден ме наврати 33 години назад, во 1993 година, кога и јас за првпат застанав пред портите на училиштето. Сè уште го паметам чувството од тој ден, кнедлата во грлото, неизвесноста и тивките солзи во очите на мајка ми, која со загриженост, но и гордост, го испраќаше својот петнаесетгодишен син по нов животен пат.

Тогаш не знаев дека токму овде ќе ги надградам своите знаења и вредности, ќе го изградам карактерот и ќе ја почувствувам силата на тимскиот дух. Ова училиште ми помогна да ја развијам љубовта кон државата, униформата и професијата, но и да разберам дека вистинската служба се темели на чест, интегритет и одговорност.

Денес, истото патување го започнуваат 310 млади луѓе. Пред нив има многу предизвици, успеси, но и моменти на сомнеж. Кога ќе се појават таквите мигови, запомнете:

Можете. Не се откажувајте.

Чекорете храбро и истрајно. Негувајте ја дисциплината, стекнувајте знаење и верувајте во себе. Со помош на професорите и воспитувачите, станете не само професионални полицајци, туку и чесни, одговорни и достоинствени луѓе.

Вашата иднина е и иднината на македонската полиција. Еден ден ќе ја носите униформата со чест, ќе го штитите законот и ќе бидете потпора на граѓаните.

Вие сте идните чувари на Македонија.

На вашите родители им упатувам искрени честитки. Бидете горди на своите деца, затоа што денес ги испративте по патот на една голема, тешка, одговорна и чесна професија.

Среќен почеток на новата учебна година!

Со гордост, знаење и срце за Македонија.
👨‍✈️🇲🇰👩‍✈️

#ЗаконРедИнтегритет
#ЗаедноЗаБезбедност

29/08/2026

Партнерството нè прави посилни. Соработката нè прави побезбедни.

Признанието од Фронтекс е силна потврда за професионалноста, посветеноста и капацитетите на македонската полиција, но и за нејзината важна улога како доверлив партнер во заштитата на европската безбедност.

На Скопскиот меѓународен аеродром, заедно со нашите европски партнери, ја претвораме соработката во конкретни резултати. Преку размена на информации, знаења и искуства, заеднички придонесуваме кон побезбедни граници и посигурна Европа.

Безбедноста не познава граници. Таа се гради со доверба, заедничка посветеност и партнерства што се темелат на професионалност и одговорност.

Македонска полиција, доверлив и препознаен партнер во европската безбедност.

Соработка е клучот за заедничка сигурност. Заедно градиме посилни партнерства, побезбедни граници, побезбедна Европа за сигурност и безбедност на граѓаните.

#ЗаконРедИнтегритет
#ЗаедноЗаБезбедност

https://www.facebook.com/share/v/1C8mjL24Rt/?mibextid=wwXIfr

Македонија домаќин на шефовите на граничните полиции од регионот и Европа.Во рамки на Берлинскиот процес, Македонија ден...
26/08/2026

Македонија домаќин на шефовите на граничните полиции од регионот и Европа.

Во рамки на Берлинскиот процес, Македонија денес и утре е домаќин на шефовите на граничните полиции, со една заедничка цел, да ја унапредиме соработката и заеднички да одговориме на современите безбедносни предизвици.

Денес, битката со прекуграничниот криминал бара брза и навремена размена на информации, меѓусебна доверба и координирано дејствување.

Иако сме индивидуални национални служби и агенции, мора да дејствуваме како еден безбедносен систем. Границите не треба да ги гледаме како ѕидови и пречки, туку како линии кои само ги означуваат териториите на секоја држава и нација.

Криминалот не ги препознава тие линии. Затоа, ниту нашата соработка не смее да биде ограничена со нив.

Со ваков пристап, со споделување на информации, искуства и капацитети, можеме да делуваме посилно, поефикасно и поодговорно, навремено да ги препознаваме ризиците и заеднички да ги спречуваме заканите.

Ова е суштината на партнерството, силни национални служби, поврзани во заеднички систем на безбедност.

За побезбедни граници. За побезбеден регион. За побезбедна Европа.

#ЗаЕдноЗаБезбедност
#ЗаконРедИнтегритет

Грижа за оние кои секојдневно се грижат за безбедноста на граѓаните.Денес ја започнуваме првата фаза од Програмата за по...
25/08/2026

Грижа за оние кои секојдневно се грижат за безбедноста на граѓаните.

Денес ја започнуваме првата фаза од Програмата за поддршка при психолошка траума, новина во нашиот полициски систем и важен чекор кон современа, професионална и одговорна полиција.

Програмата ја реализираме со поддршка од Мисијата на ОБСЕ во Македонија, со цел полициските службеници да стекнат знаења и практични вештини за препознавање на стресот и траумата, обезбедување психолошка прва помош, кризна интервенција, колегијална поддршка и навремено упатување кон стручна помош.

Полициските службеници се првите кои пристигнуваат на местото на несреќи, трагедии, насилства и други кризни ситуации. Се соочуваат со тешки сцени и човечка болка, а истовремено од нив се очекува да останат присебни, да носат одлуки под притисок, да го спроведуваат законот и да ја гарантираат безбедноста на граѓаните.

Но, зад секоја униформа стои човек.

Токму затоа е важно да бидеме отворени едни кон други, да разговараме и да си помагаме. Глобалните статистики покажуваат дека секој седми полицаец се соочува со сериозни ментални тешкотии, а приближно секој десетти во одреден период од кариерата размислувал за самоубиство.

Постојаната изложеност на трауматични настани и насилство, работата во смени, недостатокот на сон, стравот за сопствената безбедност и семејните предизвици можат да остават сериозни последици. Дополнително, стравот од стигматизација често ги спречува луѓето навреме да побараат помош.

Затоа барањето помош не е знак на слабост. Тоа е знак на одговорност, професионалност и грижа за себе и за колегите.

Оваа програма нема да биде еднократна активност. Таа ќе стане дел од континуираните обуки и системот за поддршка на полициските службеници, со што психолошката отпорност, превенцијата и колегијалната поддршка ќе се вградат како трајни елементи на современиот полициски систем.

Граѓаните заслужуваат силна, стабилна и ментално подготвена полиција – полиција која професионално одговара на секој предизвик и одговорно се грижи за своите луѓе.

Се грижиме за граѓаните.
Се грижиме едни за други.
Затоа што сме едно полициско семејство.

Не молчи. Побарај помош навреме. Прашај го колегата до тебе како е и биди поддршка без осуда.

Препознај. Реагирај. Помогни. Заедно сме посилни, никој не треба сам да се справува со стресот и траумата.

#ЗаконРедИнтегритет
#ЗаЕдноЗаБезбедност

Попладнево, во седиштето на Единицата за брзо распоредување, заедно со сегашните и поранешните припадници, поранешните к...
23/08/2026

Попладнево, во седиштето на Единицата за брзо распоредување, заедно со сегашните и поранешните припадници, поранешните команданти и семејствата на загинатите припадници, достоинствено и со особена емоција го одбележавме 25-годишниот јубилеј на ЕБР.

На сегашни и поранешни припадници, како и на поранешните команданти кои оставиле свој белег во историјата на Единицата, им беа доделени признанија.

Споделените спомени од годините исполнети со предизвици, храброст и пожртвуваност уште еднаш ја потврдија силата на големото полициско семејство. ЕБР ја сочинуваат луѓето, оние кои биле и се дел од нејзините редови и кои секогаш се подготвени да одговорат на повикот кога граѓаните и државата имаат потреба од нив.

Со особена почит се сеќаваме на припадниците кои, во служба на Македонија, го дадоа највредното, својот живот. Нивните имиња и нивната жртва засекогаш ќе останат вградени во историјата на ЕБР.

Вечна слава и благодарност до загинатите херои.

25 години храброст. 25 години чест. 25 години спомени.
СЕКОГАШ И СЕКАДЕ! 🇲🇰

#ЗаконРедИнтегритет
#ЗаЕдноЗаБезбедност

23/08/2026

25 години ЕБР, 25 години сила, чест и одговорност.

„Секогаш и секаде“ не само мото, туку храброст, обврска и начин на служба.
Обврска да се биде таму каде што е најтешко, секогаш подготвен да се заштити граѓанинот и државата.

Чест и почит до сите кои биле и кои денес се дел од ЕБР, а најдлабока почит и вечна благодарност до оние кои за својата должност го дадоа највредното - својот живот.

Честит јубилеј, ЕБР!
Секогаш и секаде! 🇲🇰

#ЗаконРедИнтегритет
#ЗаЕдноЗаБезбедност

Вечерва во Битола, заедно со битолчани и македонските граѓани, во предвечерието на 23 Август, денот кога одбележуваме 25...
22/08/2026

Вечерва во Битола, заедно со битолчани и македонските граѓани, во предвечерието на 23 Август, денот кога одбележуваме 25 години од постоењето на Единицата за брзо распоредување, со достоинствена свечена манифестација го одбележавме овој значаен јубилеј.

Четврт век историја исполнета со успеси, предизвици, подеми и падови. Четврт век во кој Единицата за брзо распоредување беше и остана стожер на безбедноста, гарант на јавниот ред и мир и сила на првата линија на полициското дејствување.

Единица која учествувала во безброј операции и била таму каде што државата и граѓаните најмногу ја барале, во борбата против сите форми на криминал, во најтешките безбедносни предизвици и секогаш кога полицискиот повик го барал тоа.

Денес, по 25 години, ова е модерна, сериозна и доверлива полициска единица, со знаење, опрема, капацитет и сила да одговори на секој безбедносен предизвик. Единица која е и ќе продолжи да биде еден од силните столбови на безбедноста и сигурноста и партнер на граѓаните кои својата доверба ја полагаат во униформата.

Но, зад секој успех стои и една болна страна на оваа историја. Оваа единица загуби свои припадници кои ги положија животите во служба на татковината.
Нивните имиња никогаш нема да бидат заборавени. За нивните дела ќе бидеме вечно благодарни, а почитта кон нив и кон нивните семејства ќе ја чуваме засекогаш.

Македонија и македонските граѓани можат да бидат горди на своите синови и ќерки кои стојат на првата линија на безбедноста.
Тоа не се само полициски службеници.
Тоа се луѓе со име и презиме, со храброст, интегритет, чест и безрезервна љубов кон полицијата и државата.

Честит 25-ти јубилеј, Единицо за брзо распоредување!

Чест и почит до сите сегашни и поранешни припадници на Единицата.

Секогаш и секаде – за граѓаните, за безбедноста, за Македонија!

Вечна да е Македонија!

#ЗаконРедИнтегритет
#ЗаЕдноЗаБезбедност

14/08/2026

Уште еден силен резултат од меѓународната полициска соработка.

Во заедничка операција со Грчката полиција, во близина на Солун, пресечен е меѓународен транспорт на над 320 килограми марихуана, сокриена во отпадна пресувана хартија и натоварена во приколка со македонски регистарски ознаки. Уапсени се македонски и косовски државјанин.

Случајот е резултат на размена на оперативни информации, заеднички истражни дејствија и координирано постапување на полициите од Македонија, Грција и Косово. Тој е продолжение на заплената на над 150 килограми марихуана во февруари 2025 година на ГП Богородица, реализирана во координација со Царинската управа.

Благодарност до колегите од Одделот за криминалистичка полиција при БЈБ, Грчката и Косовската полиција, како и до надлежните јавни обвинителства, за професионалната и посветена работа.

Македонската полиција ја потврдува својата подготвеност за регионален пристап во борбата против прекуграничниот криминал.

Продолжуваме посветено против нелегалната трговија со дрога и сите форми на прекуграничен криминал, застанувајќи им на патот на оние кои профитираат врз човечките судбини.

#ЗаконРедИнтегритет
#ЗаЕдноЗаБезбедност

Address

Skopje
1000

Website

Alerts

Be the first to know and let us send you an email when Александар Јанев posts news and promotions. Your email address will not be used for any other purpose, and you can unsubscribe at any time.

Shortcuts

Share

Category