Филозофски факултет - Скопје

31/08/2026

Курс по новогрчки јазик – нивоа Β2 и Γ1
Институтот за класични студии при Филозофскиот факултет – Скопје, во рамките на Центарот за менаџмент на човечки ресурси при Филозофскиот факултет, организира онлајн курс по новогрчки јазик за нивоата Β2 и Γ1.
Курсот е наменет за кандидати кои сакаат систематски да ги унапредат своите јазични компетенции и да се подготват за полагање на испитот за сертификат за познавање на новогрчкиот јазик – Πιστοποίηση Ελληνομάθειας.
Курсот опфаќа:
• 24 наставни часа по 90 минути
• онлајн настава преку MS Teams
• електронски наставни материјали (PDF и аудио)
• развивање на јазичните вештини: читање, пишување, слушање и говорење
• подготовка согласно барањата и структурата на испитот
• сертификат за посетување на курсот издаден од Филозофскиот факултет
Цена: 12.000 денари
Почеток на наставата: 22.09.2026
Термини: вторник и четврток, во попладневните и вечерните часови
Рок за пријавување: 15.09.2026
Пријавување и информации:
[email protected]
Курсот претставува можност за континуирано и систематско изучување на современиот грчки јазик, со посебен акцент на подготовката за официјалното сертифицирање на јазичното знаење.

26/08/2026

26/08/2026

Поддршка на учениците преку физичко образование – заедно градиме инклузивно образование

Денес на Филзоофскиот факултет во Скопје се одржа завршната конференција на Македонското научно здружение за аутизам (МНЗА), посветена на резултатите и достигнувањата од Еразмус+ проектот „Поддршка на учениците преку физичко образование“.

Конференцијата претставуваше можност за презентирање на реализираните активности, развиените ресурси и практичните решенија насочени кон унапредување на инклузивното физичко образование и создавање подобри услови за активно и рамноправно учество на учениците со аутизам.

Настанот со пригодни обраќања го поздравија деканот на Филозофскиот факултет при Универзитетот „Св. Кирил и Методиј“ во Скопје и градоначалничката на Општина Кисела Вода, госпоѓа Бети Стаменкоска Трајкоска, кои ја истакнаа важноста на инклузивното образование, меѓуинституционалната соработка и создавањето еднакви можности за сите ученици.

Особено значајно е што преку овој проект физичкото образование се препознава не само како образовна активност, туку и како важен инструмент за социјална инклузија, развој на моторните и социјалните компетенции, самодовербата и активно учество на учениците со аутизам во училишната заедница.

Овој настан е уште еден чекор кон нашата заедничка цел – образование во кое секое дете има право да учествува, да се развива и да ги реализира своите потенцијали.

Голема благодарност до сите партнери, наставници, стручни лица, институции, родители и учесници кои со својот придонес го направија овој проект успешен.

Заедно за поинклузивно образование. Заедно за подобра иднина на секое дете. 💙

18/08/2026

18/08/2026

🎓 ОТВОРЕН ПОВИК ЗА 50 СТИПЕНДИИ ЗА СТУДЕНТСКА ИЗВОНРЕДНОСТ

Фондацијата „Атанас Близнакоф“ објави повик за доделување стипендии за редовни студенти кои во академската 2026/2027 година ќе се запишат во прва година на прв циклус студии на Универзитетот „Св. Кирил и Методиј“ во Скопје.

Ќе бидат доделени:

🔹 40 стипендии за студенти запишани на кој било факултет при УКИМ;

🔹 10 дополнителни стипендии за студенти кои ќе се запишат на:

* Факултетот за земјоделски науки и храна;
* Факултетот за шумарски науки, пејзажна архитектура и екоинженеринг „Ханс Ем“;
* Природно-математичкиот факултет;
* Факултетот за ветеринарна медицина;
* Факултетот за дизајн и технологии на мебел и ентериер.

Право на аплицирање имаат кандидати кои:

✅ се запишуваат како редовни студенти во прва година на УКИМ;
✅ имаат просечен успех од средното образование од најмалку 4,00;
✅ се државјани на Република Северна Македонија;
✅ имаат потреба од финансиска поддршка за продолжување на образованието.

Во моментот на аплицирање не е потребно кандидатот веќе да биде запишан на УКИМ. Потврдата за редовен студент се доставува дополнително доколку биде избран за стипендист.

📅 Краен рок за аплицирање: 31 август 2026 година до 23:59 часот.

📌 Детални информации, потребната документација и електронската апликација се достапни на следниот линк:

👉 https://e-scholarship.macedonia2025.com/ #/scholarship-details/23

Споделете ја информацијата за оваа можност да стигне до идните студенти на УКИМ! 🎓🌟

18/08/2026

📚 Уписите на Филозофскиот факултет се во тек!

Денес, ходниците и амфитеатрите повторно се исполнети со млади луѓе, нови идеи и големи очекувања. Започнува едно ново поглавје исполнето со знаење, пријателства, предизвици и личен развој.

Филозофскиот факултет е место каде што студентите не само што стекнуваат академски знаења, туку учат да размислуваат критички, да истражуваат и да придонесуваат за развојот на општеството.

Доколку сè уште не сте ја донеле вашата одлука, ве очекуваме. Изберете студии што ќе ви помогнат да ги претворите вашите интереси во професија и вашите идеи во иднина.

🎓 Уписите се во тек. Вашето место ве очекува на Филозофскиот факултет.

17/08/2026

🎓 Започнува уписот на новата генерација студенти на Филозофскиот факултет – Скопје!

Ги потсетуваме идните студенти дека пријавувањето во првиот уписен рок ќе се реализира на:

📅 18 и 19 август 2026 година

Резултатите од успехот во средното образование ќе бидат објавени на 24 август, а конечната ранг-листа и решението за прием – на 27 август 2026 година.

📝 Запишувањето на примените кандидати ќе се одржи на 3 и 4 септември 2026 година.

Филозофскиот факултет нуди можност за стекнување знаења, развивање критичко мислење и подготовка за професии што придонесуваат за човекот и општеството.

Ве очекуваме да станете дел од нашата академска заедница! 📚

Добре дојдовте на Филозофскиот факултет – Скопје! ❤️

#ФилозофскиФакултет #УКИМ #Уписи2026 #ИдниСтуденти #СтудирајНаУКИМ

15/08/2026

15/08/2026

🎓 Започнете ја својата академска приказна на Филозофскиот факултет при УКИМ!

Објавен е конкурсот за упис на студенти за учебната 2026/2027 година.

Студирањето е многу повеќе од стекнување диплома. Тоа е период во кој се градат знаења, вредности, професионални вештини и пријателства што остануваат за цел живот.

Филозофскиот факултет повеќе од еден век е препознатлив по академската извонредност, квалитетната настава и посветеноста во создавањето генерации професионалци кои оставаат значаен придонес во општеството.

📖 Погледнете го конкурсот, информирајте се за условите и направете го првиот чекор кон вашата иднина.

Ве очекуваме!