What are the opening hours?

Monday 07:30 - 16:30 Wednesday 07:30 - 16:30 Friday 07:30 - 16:30

Државен инспекторат за земјоделство / Inspektorati shtetëror për bujqësi

Home
Macedonia
Skopje
Државен инспекторат за земјоделство / Inspektorati shtetëror për bujqësi

Добредојдовте на Официјалната страна на Државниот инспекторат за земјоделство.

18/08/2026

Денес, в.д. директорот на Државниот инспекторат за земјоделство, Ивица Ангеловски, во придружба на државни земјоделски инспектори, во Валандово и Гевгелија оствари работна посета на неколку регистрирани преработувачки капацитети, кои што вршат откуп на ајварската пиперка наменета за преработка.

Според изјавите од страна на преработувачките капацитети, откупот на ајварската пиперка се одвива непречено, со утврдена динамика и според претходно договорените цени за откуп.

Државниот инспекторат за земјоделство продолжува со редовни инспекциски контроли на регистрираните откупни пунктови во Струмичкиот регион, со цел целосно почитување на законските одредби, договорените услови за откуп и утврдените откупни цени.

13/08/2026

Денес, в.д. директорот на Државниот инспекторат за земјоделство Ивица Ангеловски во присуство на неколку државни земјоделски инспектори го посети Струмичкиот регион, каде што во тек е интензивниот откуп на ајварска пиперка од годинешната реколта.

Во рамки на посетата беа реализирани обиколки на повеќе откупни пунктови, при што беше извршен увид во текот на откупот, примената на законските прописи и условите под кои се одвива приемот на ајварската пиперка.

Според договореното, ајварската пиперка се откупува по цена од 40 денари за прва класа, 30 денари за прва-втора класа и за индустриска класа, и 15 денари за пиперка класифицирана како најниска класа.

Најголем дел од откупените количини се наменети за преработка кај домашните преработувачи, додека одреден дел од откупените количини се наменети за извоз во Хрватска, Србија, Бугарија и други држави.

Државниот инспекторат за земјоделство и во наредниот период ќе продолжи со засилени инспекциски контроли на откупните пунктови во Струмичкиот регион, со цел доследно почитување на законските одредби, обезбедување фер и транспарентен откупен процес и заштита на интересите на земјоделските производители.

30/07/2026

Денес, в.д. директорот на Државниот инспекторат за земјоделство Ивица Ангеловски и Министерот за дигитална трансформација Стефан Андоновски, одржаа заедничка прес конференција за медиумите, на која ги промовираа новите дигитални услуги на инспекторатот, кои се ставени во функција на порталот за електронски услуги uslugi.gov.mk.
Државниот инспекторат за земјоделство е меѓу првите институции во државата, која што пристапи кон дигитализација на своите услуги, така што во наредниов период компаниите ќе имаат можност да аплицираат и да ги добијат по електронски пат документите „Уверение за квалитет – сертификат за земјоделски производи, преработки и стоки“ и „Уверение за квалитет V1 – сертификат за извоз на вино“.
Со оваа дигитализација се поедноставува целокупната постапка за користење на услугите, се скратува времето потребно за добивање на сертификатите, се елиминира потребата од нивно лично подигнување во Инспекторатот и се намалуваат финансиските трошоци што компаниите ги имаат при користењето на овие услуги.
Со овие активности правиме уште еден значаен чекор кон современа, ефикасна и транспарентна јавна администрација, која е во служба на граѓаните и стопанството и ги следи современите дигитални стандарди.

22/07/2026

Денес, в.д. директорот на Државниот инспекторат за земјоделство, Ивица Ангеловски, беше во работна посета на расадникот ЗЗ „Овоштар“ од село Аргулица, при што оствари работна средба со сопственикот Бојанче Стефанов.

Расадникот ЗЗ „Овоштар“ е меѓу најголемите производители на сертифициран овошен и лозов саден материјал во Република Македонија, чии садници се наменети како за домашниот пазар, така и за извоз на странските пазари.

Производството на сертифициран саден материјал претставува темел за развојот на современото и конкурентно овоштарство и лозарство, бидејќи обезбедува здрав, квалитетен и сортно чист почетен материјал, што директно влијае врз приносите, квалитетот на производството и конкурентноста на македонските производители.

Државниот инспекторат за земјоделство останува посветен партнер на регистрираните расадници преку вршење на законит и навремен инспекциски надзор, со цел обезбедување квалитетен и здравствено исправен саден материјал, заштита на земјоделското производство и унапредување на конкурентноста на македонското овоштарство и лозарство

17/07/2026

Денес, в.д. директорот на Државниот инспекторат за земјоделство Ивица Ангеловски, оствари работна посета на А.Д. Тутунски Комбинат Прилеп, при што одржа работна средба со генералниот директор Александар Алексовски и директорот на Погон Цигари, Игор Митрикески.

На средбата се разговараше за тековните активности и работењето на Комбинатот, подготовките за претстојниот откуп на тутунот, предизвиците со кои се соочува секторот, како и за други прашања од заеднички интерес поврзани со тутунопроизводството и почитувањето на законските прописи.
Особен акцент беше ставен на потребата од навремена координација и соработка меѓу институциите и откупувачите, со цел обезбедување фер, транспарентен и законски спроведен процес на откуп, во интерес на тутунопроизводителите и сите учесници во секторот.

Државниот инспекторат за земјоделство останува целосно посветен на спроведување редовни инспекциски контроли за време на претстојниот откуп на тутунот, доследно спроведување на законските надлежности и заштита на правата и интересите на тутунопроизводителите.

10/07/2026

Денес, в.д. директорот на Државниот инспекторат за земјоделство, Ивица Ангеловски, одржа работен состанок со г-ѓа Верче Мицевска, национален координатор во областа на безбедноста на храната, ветеринарната и фитосанитарната политика при Владата на Република Македонија.

На состанокот беа разгледани актуелните прашања од надлежност на Државниот инспекторат за земјоделство, со посебен акцент на законската регулатива, кадровската екипираност, како и можностите за понатамошно унапредување на системот на официјални контроли. Воедно, беа разменети мислења и предлози насочени кон зајакнување на институционалната ефикасност и подобрување на координацијата меѓу надлежните институции.

Државниот инспекторат за земјоделство и во иднина ќе остане посветен на доследно, законито и професионално извршување на своите надлежности, со цел обезбедување ефикасен инспекциски надзор и заштита на јавниот интерес. Инспекторатот ќе продолжи да ја унапредува соработката со сите надлежни институции, преку координирани активности, размена на информации и заеднички пристап во спроведувањето на законските обврски.

01/07/2026

Денес, в.д. директорот на Државниот инспекторат за земјоделство Ивица Ангеловски ја посети Општина Росоман, еден од најзначајните овоштарски региони во државата, каде што во тек е интензивниот откуп на праска и кајсија - препознатливи земјоделски култури кои имаат исклучително значење за македонското овоштарство.

Во рамки на посетата беа реализирани обиколки на повеќе откупни пунктови, при што беше извршен увид во текот на откупот, примената на законските прописи и условите под кои се одвива приемот на годинешната реколта.

Директорот Ангеловски при средба со откупувачите потенцираше дека успешниот, навремен и транспарентен откуп е од клучно значење за заштита на трудот на овоштарите и за одржување на довербата во целиот синџир на производство и пласман на македонското овошје.

Државниот инспекторат за земјоделство и во наредниот период ќе продолжи со засилени инспекциски контроли на откупните пунктови низ државата, со цел доследно почитување на законските одредби, обезбедување фер и транспарентен откупен процес и заштита на интересите на земјоделските производители.

29/04/2026

Денес, во интервју за "Тема на денот" за МРТ 1, в.д. директорот на Државниот инспекторат за земјоделство, Ивица Ангеловски, говореше за влијанието на нафтената криза врз прехранбениот сектор и состојбите во домашното земјоделско производство.

Директорот Ангеловски се осврна на можните поскапувања на земјоделските производи, владините мерки за продажба на ѓубривата, трговската размена, како и состојбата со увоз и извозот на земјоделски производи.

Дел од разговорот беше посветен и на безбедноста на храната на домашниот пазар, како и значењето на ИПАРД програмите за земјоделскиот сектор.

06/04/2026

Денес, в.д. директорот на Државниот инспекторат за земјоделство Ивица Ангеловски, оствари работна посета на два откупни пунктови во селата Куклиш и Банско (Струмичко), каде се одвива откупот на пролетната зелка.

Присутните откупувачи го информираа директорот Ангеловски дека засега откупот се одвива непречено, согласно договорената откупна цена од 35 ден/кг, а најголем дел од количините се извезуваат во Хрватска, Бугарија, Србија и Украина.

Државниот инспекторат за земјоделство внимателно ќе ја следи состојбата со откупот и во наредниов период и доколку бидат утврдени одредени неправилности ќе бидат изречени соодветни прекршоци, согласно законските надлежности по кои постапува.

03/04/2026

Во изјава за МРТ 1, в.д. Директорот на Државниот инспекторат за земјоделство Ивица Ангеловски го сподели своето видување за моменталната состојба со појавата на рани пролетни мразеви и ризикот од измрзнување на овошните насади.

Оваа пролет се одликува со изразени температурни осцилации - просечни дневни температури и студени ноќи, што создава услови за појава на слаби, но опасни мразеви. Иако нема најави за екстремни и долготрајни студени бранови, сепак краткотрајните ноќни заладувања се доволни за да предизвикаат проблеми на одредени локалитети во државата.
Според Ангеловски, ризикот е особено изразен кај раноцветните овошни видови како кајсијата, праската и бадемот, кои во моментов се наоѓаат во најчувствителната фаза цветање.

Како навремена превенција од мразеви се препорачува задолжителна примена на агротехнички мерки во насадите, вклучувајќи наводнување, избор на отпорни сорти за одгледување и користење на биостимулатори за одложување на вегетацискиот циклус.

Address

Goce Delcev Br. 18
Skopje
1000

Opening Hours

Monday	07:30 - 16:30
Wednesday	07:30 - 16:30
Friday	07:30 - 16:30

Telephone

+38923121462

Website

http://diz.gov.mk/

Alerts

Be the first to know and let us send you an email when Државен инспекторат за земјоделство / Inspektorati shtetëror për bujqësi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Државен инспекторат за земјоделство / Inspektorati shtetëror për bujqësi:

Want your organization to be the top-listed Government Service in Skopje?