Општина Босилово

19/08/2026

НОВА ЖЕНСКА ОДБОЈКАРСКА ШКОЛА БОСИЛОВО 🏐
Со големо задоволство го најавуваме отворањето на новата Женска одбојкарска школа Босилово со седиште во с.Иловица!
Ќе бидат опфатени повеќе возрасни групи од предучилишна возраст до средно образование.
Агенцијата Sports Factory, со нов спортски проект започнува мисија за развој и промоција на женскиот спорт во општина Босилово.
По веќе докажаните и успешни спортски проекти, Sports Factory продолжува со нов предизвик за создавање нови здрави генерации и давање можност на младите девојки да тренираат, напредуваат и ги остваруваат своите спортски соништа.
Босилово добива ново место кадешто талентот, дисциплината и тимскиот дух ќе растат заедно.

15/08/2026

Се е подготвено вечерва за кино проекција во Моноспитово.

Ќе се прикажува филмот "Трето полувреме".
Почеток: 20:30 мин.
Ве очекуваме!

БОСИЛОВО КУЛТУРНО ЛЕТО 2026

14/08/2026

13/08/2026

Поставени се седишта на фудбалскиот стадион "Кукуш" во Турново.
Општина Босилово со благодарност до ФФМ и ОФС Струмица за донацијата и поддршката.
Спортската инфраструктура е исклучително важна за развој на спортот во нашата општина.
Стадионот "Кукуш" во Турново има фудбалски терен по сите стандарди. Периодов се гради и обновува и останатата логистика и инфраструктура ( соблекувални, бањи, трибини.
Наредниот период ќе гледаме убави и важни фудбалски натпревари на овој стадион. До крајот на Август, ќе бидат поставени и столчињата во Радово.

12/08/2026

Известување за трето прскање против возрасни комарци и ларвицид по земјен пат на територијата на општина Босилово.

Центарот за развој на Југоисточниот плански регион и општина Босилово ги известува граѓаните дека согласно Планот за спроведување на адултицидна терестријална дезинсекција ќе се спроведе третото прскање против возрасни комарци и ларвицид по земјен пат на територијата на Општина Босилово.

Активностите ќе се реализираат на:

13.08.2026 година (Четврток), почеток во 21:00 часот.

Се известуваат пчеларите навремено да ги преземат потребните мерки за заштита на пчелните семејства. Исто така, се препорачува граѓаните за време на третманот да избегнуваат непотребен престој на отворено во подрачјата каде што ќе се спроведува прскањето.

Доколку временските услови не дозволуваат реализација на активностите во предвидениот термин, прскањето ќе биде одложено и ќе се изврши во првиот нареден поволен ден.

10/08/2026

Почитувани граѓани на Секирник

Како што веќе сте информирани, мостот во Могила, кој што е правен од граѓаните на Секирник пред 40 години е небезбеден за користење и е забрането движење по истиот.
Со цел земјоделците да можат да ги обработуваат своите ниви од страна на АД Водостопантво (Струмички поле) со поддршка на општината, направен е привремен премин кој ќе биде отстранет по завршувањето на земјоделската сезона.
Општина Босилово распиша втор тендер за изработка на техничка документација и урбанизам и за таа цел обезбедени се 2.000.000 денари од буџетот на Општина Босилово. Целта е оваа година да ги комплетираме сите документи и согласности и следната година да започнеме со изградба на нов мост.
Ви благодарам на разбирањето!

08/08/2026

🎶💃 МОНОСПИТОВО СО ПЕСНИ И ОРА 💃🎶

Општина Босилово ве поканува на прекрасна културно-музичка вечер исполнета со песна, оро, традиција и добро расположение! ❤️

📍 с. Моноспитово, пред Центарот за алтернативен туризам и креативен развој
📅 11-ти Август 2026 година (вторник)
🕘 Почеток: 21:00 часот

Да ја зачуваме и негуваме нашата богата традиција и заедно да уживаме во македонската песна и игра! 🇲🇰🎵

✨ Ве очекуваме на една незаборавна вечер во Моноспитово!

03/08/2026

БОСИЛОВО КУЛТУРНО ЛЕТО 2026

🎬🌙 КИНО ПОД ОТВОРЕНО НЕБО ВО ПЕТРАЛИНЦИ! 🌙🎬
Ве покануваме на незаборавна филмска вечер под ѕвездите! ✨

📽️ Ќе го прикажуваме македонскиот филм „The Third Half (Трето Полувреме)” на видео бим, во прекрасен амбиент на спортското игралиште во Петралинци.

📅 05.08.2026 (среда)
🕘 Почеток: 21:30 часот
📍 Спортско игралиште – Петралинци
🎟️ Влезот е слободен!

Повелете со семејството и пријателите и уживајте во една од најдобрите македонски филмски приказни под отворено небо. 🍿🎥

Со вашето присуство ја поддржуваме македонската кинематографија и заеднички создаваме уште една убава летна вечер во Петралинци.

Ве очекуваме! 🇲🇰🍿

27/07/2026

Повеќе од традиција, повеќе од патување – тоа е чест, достоинство и љубов кон татковината.

Општина Босилово со особена гордост ја испраќа Радовската коњаница, која и оваа година, по повод големиот државен празник Илинден, тргнува на пат кон Крушево, носејќи ја пораката за слобода, единство и почит кон илинденските херои.

Ова патување претставува жив мост меѓу минатото и сегашноста, потсетувајќи нè на жртвата и идеалите на нашите предци. Нека нивниот пат биде безбеден, исполнет со гордост, достоинство и силен патриотски дух.

На коњаницата ѝ посакуваме среќен пат и успешно пристигнување во Крушево, каде достоинствено ќе ја продолжи традицијата и ќе оддаде почит на Илинденците.