26/08/2026
Неодговорно е политички партии да шират непроверени и неточни информации за образовниот процес и на тој начин да создаваат непотребна вознемиреност кај учениците и родителите.
Гимназијата „Кирил Пејчиновиќ“ преку соопштение јасно ги демантира тврдењата изнесени од партијата Левица.
Електронските уписи се реализирани без проблеми, а во августовскиот рок немало пријавени ученици за настава на македонски јазик, поради што и не биле објавени списоци за тие паралелки.
Дополнително, училиштето информира дека веб-страницата била хакирана, но проблемот е успешно надминат и страницата повторно функционира.
Како целосна невистина се отфрлаат и тврдењата дека по 50 ученици ќе следат настава во една училница.
Наместо политички манипулации и собирање дневни политички поени врз грбот на учениците, јавноста заслужува факти и одговорност. Образованието не смее да биде жртва на партиски конструкции и дезинформации.
Поддршка за наставниот кадар и раководството кои посветено работат за подобри услови и квалитетно образование за сите ученици.
Најдобро е Левица да се повлече од намерата да прави штета на тетовската гимназија која со новите инвестиции го врати сјајот кој го заслужува.
ВМРО-ДПМНЕ ОК Тетово
