Зоран Љутков е роден на 01.10.1977 година во Велес.
Основното образование го завршува во ООУ ,,Васил Главинов” во Велес, и средното образование во СОУ Гимназија,,Кочо Рацин”- Велес. Дипломира актерска игра на Факултетот за драмски уметности (2001). Запишува постдипломски студии за сценски дизајн на Универзитетот во Белград, Р.Србија (2002).
Работи во Драмски театар- Скопје од 2006. Покрај наста
пите на матичната сцена, Љутков настапува и на сцените на останатите национални установи и независни театарски сцени во Р.Македонија.
Од 2010-2013 покрај актерскиот ангажман ја извршува и функцијата уметнички раководител на Драмски театар.
Во 2009 година го формира здружението „ФАД Стоби“и преку истото го менаџира Интернационалниот фестивал на античка драма Стоби (2009-20018) и поетската манифестација ,,Рацинови средби“.
Во 2017 година станува и селектор за драмската програма на Меѓународниот Фестивал „Охридско лето“.
Селективна театрографија: Келнерот (Земјомерот, 2000); Јордан Квачкоски -Хамлет (Хамлет од Долно Гаштани, 2005); Кен (Жив човек, 2005); Сике (Комшилук наопаку, 2007); Мргуд (Македонски рулет, 2007); Деметар (Сон на летната ноќ, 2008); Клит (Александар, 2009); Окулистот/Пијаницата/Сињор Курва (Кинегонда во Карлаленд, 2009); Баал (Баал, 2011); Миле поштарот (Грев или шприцер, 2011); Баал (Баал, 2011); Војникот (Вртелешка, 2012); Петер Милер (Генетика на кучињата, 2012); Актер (Последните македонци , 2012); Војникот (Вртелешка, 2012); Цанде (Солунски патрдии, 2013); Вихинг (Огнени јазици, 2013); Господин Малиџин (Живот во тесни чевли, 2014); Големиот Пират (Капетанот Џон Поплфокс, 2014); Иван (Љубовници, 2015).
Селективна филмографија: Прашина (2001); Тајната книга (2002); Резервни делови (2003); Контакт (2004); Караула (2005); Коски (2006).
Кај детската публика е препознатлив по улогата на Комшо од телевизискиот серијал Петко (ОХО Продукција, 2014-).
Награди: Награда за млад актер „Трајко Чоревски”, за улогите во претставата „Синдром Чернодрински” на МТФ „Војдан Чернодрински” (Прилеп, 2002); Награда за најдобра машка улога за улогата на Цанде во претставата „Солунски патрдии“ на Првиот Интернационален Фестивал „Гола Месечина” – Општина Аеродром (Скопје, 2014). Наградата за најдобра машка улога, за улогата на Силен во сатирска игра во режија на Деан Дамјановски во претставата „Орестија", копродукција на велешкиот Народен театар „Ј Х К-Џинот" и Македонска опера и балет.
2019-2022 е претседател на комисијата за култура на ВМРО-ДПМНЕ.
Од 2022 е член на ИК на ВМРО-ДПМНЕ
