11/11/2024
Државен архив - Одделение Велес дел од програмата за одбележување на 9 ноември - Денот на ослободувањето на Велес
Со документарниот филм „Кон минатото и сегашноста - 80 години слободен Велес“ подготвен во соработка со Општина Велес, Народен музеј - Велес, Локалната библиотека „Гоце Делчев“ - Велес и ДСУ РЦСОО „Коле Неделковски“ - Велес, Државниот архив - Одделение Велес го одбележа јубилејот 80 години слободен Велес.
Во просториите на Европската куќа соработниците како „институции на меморија“ со повеќе од 500 документи и фотографии покажаа како се собира и чува локалната историја врежувајќи ги трајно идентитетот, името, јазикот, културата, традицијата, фолклорот на своите сограѓани. Навратија кон градот кој во периодот меѓу двете светски војни полека почнуваше да се модернизира, го покажаа и разрушувањето што градот го доживеа за време на Втората светска воја, бранет од плејадата велешани народни херои, но потсетија и на изградувањето на градот од 1944 г. со сите свои падови и подеми, процеси и трансформации.
Државниот архив изразува благодарност до сите соработници вклучени во проектот.
