19/06/2026
🆕️📌 Во рамки на редовните оперативни активности и програмата за одржување на комуналната инфраструктура, екипите на ЈП Еремја Вевчани во изминатиот период реализираа повеќе интервенции од значење за непречено функционирање на водоводниот и канализациониот систем, како и за одржување на јавните површини.
✅️ Извршена е санација на повеќе дефекти на водоводната мрежа, со навремена замена и поправка на оштетени делови, со цел намалување на загубите на вода и обезбедување стабилно и квалитетно водоснабдување за корисниците.
✅️ Спроведено е машинско и рачно отпуштање на главна канализациона линија, како и на повеќе секундарни канализациони краци, каде беа отстранети наслаги и отпад кои го попречуваа нормалниот проток на отпадните води.
✅️ Реализирано е косење на православните гробишта, како и на локалитетот Јанков Камен, одржување на јавните простори.
✅️ Извршена е санација и поправка на оштетени корпи за ситен отпад на повеќе локации, со цел подобрување на комуналната хигиена и функционалноста на урбаната опрема.
✅️ Иако одржувањето на каналите за наводнување не е во надлежност на ЈП Еремја Вевчани, поради нивната нефункционалност и последиците што ги предизвикуваат, бевме принудени да интервенираме. За жал, на терен повторно се соочивме со големи количини отпад фрлен од несовесни поединци, што претставува неодговорен однос кон заедничкото добро, животната средина и трудот на работниците кои секојдневно вложуваат напори за одржување на јавниот простор.
🚫 Каналите за наводнување, каде беа констатирани значителни количини на несоодветно одложен отпад, како и бесправни интервенции со кои е намален профилот на каналите и е попречен нормалниот проток на водата. Ваквите постапки не само што ја нарушуваат функционалноста на системот за наводнување, туку создаваат и ризик од прелевање, оштетување на инфраструктурата и дополнителни финансиски трошоци за нивна санација. Загрижувачки е што и покрај бројните апели, сè уште постои неодговорен однос кон заедничките добра и јавната инфраструктура.
💧🌿♻️ ЈП Еремја Вевчани останува посветена на навремено, одговорно, професионално и во интерес на граѓаните извршување на своите обврски, со цел обезбедување квалитетни комунални услуги и зачувување на животната средина.
🙏 Упатуваме апел до граѓаните совесно да ја користат и чуваат комуналната инфраструктура и да не одлагаат отпад во канализационите системи и каналите за наводнување, бидејќи нивната функционалност е од заеднички интерес за целата заедница.
