Bagan Arch

06/12/2024

မြန်မာ့ရိုးရာအတာသင်္ကြန်အား ICH တင်သွင်းမှု ကြည့်ရှုအားပေးသည့် မှတ်တမ်းဓာတ်ပုံများ

30/08/2024

ပုဂံကမ္ဘာ့အမွေအနှစ်ဒေသအတွင်းသန့်ရှင်းသာယာလှပစေရေးဆောင်ရွက်မှု
****************************************
ပုဂံဒေသသည် စေတီပုထိုး၊ဂူကျောင်းများပေါများပြီး ဧရိယာအားဖြင့်လည်းကျယ်ပြန့်သော အမွေအနှစ်များပေါကြွယ်ဝသောဒေသတစ်ခုဖြစ်ပါသည်။ ကမ္ဘာ့အမွေအနှစ်စာရင်းဝင် ဒေသတစ်ခုဖြစ် သည့်အပြင် ခရီးသွားဧည့်သည်များ၊ လေ့လာသူများ စိတ်ဝင်စားရာဒေသဖြစ်၍ လာရောက်သော ဧည့်သည်များ ပုဂံ၏ အလှသဘာဝကို ကောင်းစွာခံစားနိုင်ရန်၊ ဘေးအန္တရာယ်ကင်းစေရန်နှင့် အမွေ အနှစ် အဆောက်အအုံများသန့်ရှင်းသပ်ယပ်၍ ရေရှည်တည်တံ့စေရန် ရည်ရွယ်ပြီး နှစ်ပတ်လည် ပုံမှန် ဆောင်ရွက်ရန် စီမံချက်ရေးဆွဲပြီး ဧရိယာ(၁၁)ပိုင်း သတ်မှတ်၍ ရှေးဟောင်းအဆောက်အအုံများ၏ ရင်ပြင်တော်မှ‌ ပေ (၂၀) အကွာ ပတ်ပတ်လည် ပေါင်းမြက်ချုံနွယ်များ ရှင်းလင်းခြင်း၊ အပေါ်ပိုင်းတွင် ပေါက်ရောက်နေသော ပေါင်းမြက်များအား သန့်ရှင်းရေး ဆောင်ရွက်ခြင်း ၊ ဆင်းတုတော်ရှိ‌သော ဘုရား များ၏ လိုဏ်ပတ်လမ်းများရှိ ခိုချေးများ ၊ ဖုန်များ ပင့်ကူမျှင်များအား သန့်ရှင်းရေးဆောင်ရွက်ပြီး ဆင်းတုတော်များအား ရောင်တော်ဖွင့်ခြင်းလုပ်ငန်းများကို ဦးစားပေးအလိုက် ဆောင်ရွက်လျက် ရှိပါ သည်။
(၂၀၂၃)ခုနှစ် ဇူလိုင်လမှ စတင်ဆောင်ရွက်ခဲ့သော ဧရိယာ(၁၁)ပိုင်း သန့်ရှင်းသာယာလှပရေးလုပ်ငန်း သည် တစ်ပတ်လည်ပြီးစီးပြီဖြစ်၍ ၂၀၂၄ ဩဂုတ်လ လဆန်း(၉)ရက်နေ့မှစတင်၍ ဧရိယာ (Cနှင့် E) ကိုစတင်ဆောင်ရွက်ခဲ့ရာ ဘုရားအစုများကို မြင်ကွင်းကွယ်စေသော ချုံနွယ်ပိတ်ပေါင်းများရှင်းလင်း ခြင်းနှင့် ငုတ်များအား တူးထုတ်ခြင်းလုပ်ငန်းများကိုပါ ထပ်ဖြည့်ဆောင်ရွက်လျက်ရှိပါသည်။

26/08/2024

ရှေးဟောင်းသုတေသနနှင့်အမျိုးသားပြတိုက်ဦးစီးဌာနအနေနှင့် ပုဂံကမ္ဘာ့အမွေအနှစ်ဒေသတွင် အမွေအနှစ်များကို ထိန်းသိမ်းစောင့်ရှောက်ခြင်းလုပ်ငန်းများကို ထုတ်ပြန်ထားသော ဥပဒေများ၊ စီမံခန့်ခွဲရေးမူဘောင်များ၊ လမ်းညွှန်ချက်များအရ ဆောင်လျက်ရှိပါသည်။ ဆောင်ရွက်ရာတွင်လည်း ဌာနမှဝန်ထမ်းများအပြင် ဆက်စပ်ဌာနများ၊ အမွေအနှစ်ထိန်းသိမ်းစောင့်ရှောက်ရေးကော်မတီများ၊ အမွေအနှစ်ထိန်းသိမ်း စောင့်ရှောက်ရေးအတွက် ဝိုင်းဝန်းကူညီနေကျသူများ ပူးပေါင်း၍ညှိနှိုင်း ဆောင်ရွက်နေပါသည်။
ပုဂံဒေသသည် ပူပြင်းခြောက်သွေ့သောရာသီဥတုဖြစ်သော်လည်း ရာသီဥတုအပြောင်းအလဲ များအရ မိုးသည်းထန်စွာရာတွင် မိုးရေများကောင်းစွာမစီးဆင်းနိုင်ပဲ ဘုရားများအနီးတွင်ရေဝပ်ခြင်း၊ ဘုရားစေတီများ၏ပရဝိုဏ်အတွင်းရေဝပ်ခြင်းများဖြစ်ပေါ်ခဲ့ပါသည်။ ပုဂံခေတ်ကတဲကရှိခဲ့သော ရေလမ်းကြောင်းများမှာ လမ်းများဖေါ်ဆောင်ခြင်း၊ အဆောက်အအုံများဆောက်လုပ်ခြင်းစသော လုပ်ငန်းများကြောင့် ရေလမ်းကြောင်းများပိတ်ဆို့၍ရေဝပ်ခြင်းများဖြစ်ပေါ်လာခြင်းဖြစ်သောကြောင့် မူလရေလမ်းကြောင်းကို ဌာနအနေဖြင့် ပြန်လည်ဖေါ်ထုတ် လေ့လာခြင်းများ ဆောင်ရွက်သည့် အပြင် ရှေးဟောင်းအဆောက်အအုံပရဝုဏ်အတွင်း ရေမဝပ်စေရေးလုပ်ငန်းများကိုလည်း ဆောင်ရွက်လျက်ရှိပါသည်။
လက်ရှိတွင် ရွှေစည်းခုံစေတီတော်ကြီး၏ ရင်ပြင်တော်တွင် မိုးရွာသွန်းပြီးနောက်ရေတင်ကျန်မှုများဖြစ်ပေါ်၍ ရေဆင်းကောင်းစေရန် လိုအပ်သည့်ပြုပြင် ထိန်းသိမ်းမှုများ ဆောင်ရွက်ရန်နှင့် ရှေးဟောင်းသဲကျောက်ပြားကြီးများကို ညီညာပေါ်လွင်စေရေး ပြုပြင်ထိန်းသိမ်းရန် အတွက် (၈၇’x၂၆’) အတွင်း ၁ မီတာ Grid ကွက်များ Pattern ပြုလုပ်၍စနစ်တကျ Documentation ပြုလုပ်ဆောင်ရွက်ခြင်း၊ သဲကျောက်ပြားများကို တိုင်းတာသုတေသနပြုလုပ်ခြင်း၊ သဲကျောက်ပြားများ၏ကြားလပ်နေသောနေရာတွင် အစားထိုးဖြည့်စွက်နိုင်ရေး ပုံထုတ်ရေးဆွဲခြင်း၊ ရေဆင်း ကောင်းမွန်စေရေး သဲကျောက်ပြားကြားတွင်ရှိသော နောက်ပိုင်းမှဆောင်ရွက်ထားသည့် ဘိလပ်မြေအလွှာအားဖယ်ရှား၍ Level ညှိခြင်းလုပ်ငန်းနှင့် ရွှေစည်းခုံဘုရားရှိ ကျောက်သပိတ် များ၏ ထုံးအင်္ဂတေများ ချေးချွတ်သန့်စင်ခြင်း‌လုပ်ငန်းတို့ကို ရှေး‌ဟောင်းသုတေသနနှင့် အမျိုးသားပြတိုက်ဦးစီးဌာနမှ ကြီးကြပ်ဆောင်ရွက်လျက်ရှိပါသည်။

06/08/2024

ပုဂံကမ္ဘာ့အမွေအနှစ်ဒေသရှိရှေးဟောင်း‌အဆောက်အအုံ(၉)ဆူတွင် မိုးကြိုးလွှဲတပ်ဆင်ရန် ဆောင်ရွက်လျက်ရှိခြင်း
****************************************
သာသနာရေးနှင့်ယဉ်ကျေးမှုဝန်ကြီးဌာနမှ ရှေးဟောင်းသုတေသနနှင့် အမျိုးသားပြတိုက် ဦးစီးဌာန၊ဆောက်လုပ်ရေးဝန်ကြီးဌာနမှအဆောက်အဦ ဦးစီးဌာန (လျှပ် စစ်)၊ မန္တလေးတိုင်း ဒေသကြီးအစိုးရအဖွဲ့၊ ညောင်ဦးခရိုင်စီမံအုပ်ချုပ်ရေးအဖွဲ့တို့၏ စီမံကြီးကြပ်လမ်းညွှန်မှုနှင့် ဆက်စပ်ဌာနများ၊ ဘုရားဂေါပကအဖွဲ့များ တို့၏ ပူးပေါင်းဆောင်ရွက်မှုတို့ဖြင့် သဘာဝ ဘေးအန္တရယ်ကာကွယ်ရေးလုပ်ငန်းစဉ်တစ်ခုအနေဖြင့် ပုဂံကမ္ဘာ့အမွေအနှစ်ဒေသရှိ ရှေးဟောင်း အဆောက်အအုံ(၁၁)ဆူအား မိုးကြိုးလွှဲတပ်ဆင်ခြင်း လုပ်ငန်းများကို ဆောင်ရွက်ခဲ့ပြီးဖြစ်ပါသည်။
၂၀၂၄ ခုနှစ် သြဂုတ်လ(၂)ရက်နေ့နံနက်(၁၀:၀၀)နာရီအချိန် ညောင်ဦးခရိုင် အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် ခရိုင်စီမံအုပ်ချုပ်ရေးအဖွဲ့နှင့် ဆက်စပ်ဌာနများ၊ သက်ဆိုင်ရာဘုရားဂေါပကအဖွဲ့များတို့သည် ရှေးဟောင်းအဆောက်အအုံ(၉)ဆူ ဖြစ်သည့် လောကနန္ဒာဘုရား၊ တုရင်တောင်ဘုရား၊ အလိုတော်ပြည့်ဘုရား၊ ဗူးဘုရား၊ ငှက်ပစ်တောင်ဘုရား၊ရှင်အဇ္ဈဂေါဏဘုရား၊မင်းနန်သူလေးမျက်နှာဘုရား၊မင်္ဂလာစေတီဘုရားနှင့် စေတနာကြီးဘုရားတို့တွင် မိုးကြိုးလွှဲတပ်ဆင်ခြင်း လုပ်ငန်းစဉ်များအား စတင် ဆောင်ရွက်ရန် လုပ်ငန်းညှိနှိုင်းဆွေးနွေးမှုများဆောင်ရွက်ခဲ့ကြပါသည်။

29/05/2024

ရှေးဟောင်းဝတ္ထုပစ္စည်းထိန်းသိမ်းခွင့်လက်မှတ် ပေးအပ်သည့် အခမ်းအနားကျင်းပခြင်း
*********************
ဘူမိအမွေအနှစ်များ၊ ဇီဝမျိုးစုံမျိုးကွဲ၊ ဂေဟစနစ်များ၊ ယဉ်ကျေးမှုနှင့်ရှေးဟောင်း အမွေအနှစ်များ၊ ဘူမိသွင်ပြင်အနေအထားနှင့် ပတ်ဝန်းကျင်အား ထိန်းသိမ်းစောင့် ရှောက်ရန်၊ ရေမြေတောတောင်သဘာဝအလှနှင့် ဒြပ်မဲ့တန်ဖိုးများအား စနစ်တကျထိန်းသိမ်း၍ပညာပေးနိုင်ရန် စသည့်ရည်ရွယ်ချက်များဖြင့် သက်ဆိုင်ရာဌာနများမှ ပုပ္ပါးတောင်အမျိုးသားဘူမိဥယျာဉ်ကို တည်ထောင်ရန် အကောင်အထည်ဖေါ်ဆောင်ရွက်လျက်ရှိပါသည်။
ကျောက်ပန်းတောင်းမြို့နယ်၊ ပုပ္ပါးမြို့၊ ဗျတ္တလမ်း၊ လင်းဟိုတယ်လုပ်ငန်းပိုင်ရှင်ဖြစ်သည့် ဒေါက်တာထွန်းလှအောင်နှင့်ဇနီးဒေါ်တင်တင်မာတို့မှ ပုပ္ပါးတောင်တဝိုက်မှရရှိသော ကျောက်ဖြစ် ရုပ်ကြွင်းများကို သက်ဆိုင်ရာဌာနဆိုင်ရာများ၏အသိပညာပေးမှုအရ ထိန်းသိမ်းစောင့်ရှောက်ရမည့် အသိကိုရရှိပြီး အများပြည်သူကြည့်ရှုလေ့လာနိုင်ရန်နှင့် ပုပ္ပါးတောင်အမျိုးသားဘူမိဥယျာဉ်ကို အထောက်အကူဖြစ်နိုင်စေရန် ရည်ရွယ်၍ ဧရာဝတီကျောက်လွှာစုတွင်တွေ့နိုင်သော နို့တိုက် သတ္တဝါကျောက်ဖြစ် ရုပ်ကြွင်းနှင့် အင်ကြင်းပင်ကျောက်ဖြစ်ရုပ် ကြွင်း (၁၄၀)ခုအား ထိန်းသိမ်း၍ ပြတိုက်အနေဖြင့် ထိန်းသိမ်းထားမှုကို သက်ဆိုင်ရာဌာနမှ Geosite အဖြစ်ထည့်သွင်းနိုင်ရေး သဘောထားတောင်းခံမှုအရနှင့် လင်းဟိုတယ်မှလည်း ကိုယ်ပိုင်ထိန်းသိမ်း ပြသလိုပါသဖြင့် ရှေးဟောင်းဝတ္ထုပစ္စည်း ထိန်းသိမ်းခွင့်လက်မှတ်ထုတ်ပေးပါရန် "ရှေးဟောင်းဝတ္ထုပစ္စည်းများ ကာကွယ်ထိန်းသိမ်းရေး" နည်းဥပဒေပါ ပုံစံ(၃) ဖြင့် တင်ပြလျှောက်ထားလာခြင်းအား ဥပဒေနှင့် အညီဖြစ်စေရေးအတွက် သာသနာရေးနှင့် ယဉ်ကျေးမှုဝန်ကြီးဌာန(ယဉ်ကျေးမှု)က ကွင်းဆင်းစစ်ဆေး၍ “ရှေးဟောင်းဝတ္ထုပစ္စည်းများ ကာကွယ်ထိန်းသိမ်းရေး" နည်းဥပဒေပါ ရှေးဟောင်းဝတ္ထုပစ္စည်း ထိန်းသိမ်းခွင့်လက်မှတ် ပုံစံ(၄)ဖြင့် ထုတ်ပေးခဲ့ပါသည်။
လင်းဟိုတယ်လုပ်ငန်းပိုင်ရှင်အား လက်မှတ်ပေးအပ်သည့်အခမ်းအနားကို ၂၈-၅-၂၀၂၄ ရက်နေ့ မွန်းလွဲ (၁၅:၀၀) အချိန်တွင် ရှေးဟောင်းသုတေသနနှင့်အမျိုးသားပြတိုက်ဦးစီးဌာန၊ ပုဂံဌာနခွဲ အစည်းအဝေးခန်းမ၌ကျင်းပခဲ့ရာ အဆိုပါအခမ်းအနားသို့ ဌာနခွဲ အရာထမ်းများ၊ မန္တလေးတိုင်းဒေသကြီး အမွေအနှစ်ထိန်းသိမ်းရေးကော်မတီဝင်များ၊ လင်းဟိုတယ်ပြတိုက်နှင့် သက်ဆိုင်သူများ တက်ရောက်ခဲ့ပါသည်။

27/05/2024

ပုဂံကမ္ဘာ့အမွေအနှစ်ဒေသနှင့် မြေယာထိန်းသိမ်းမှု
**************
ပုဂံကမ္ဘာ့အမွေအနှစ်ဒေသအတွင်းတွင် ယဉ်ကျေးမှုအမွေအနှစ်ဒေသများ တည်ရှိရာဒေသ (property Area) (၁၂၃၄၂.၂၉)ဧကနှင့် ကြားခံဒေသ(Buffer Area) (၄၄၃၄၆.၂၉)ဧက စုစုပေါင်း (၅၆၆၈၉.၂၁)ဧက အတွင်းတွင် ညောင်ဦးမြို့၊ ပုဂံမြို့စသည့် မြို့(၂)မြို့နှင့် ကျေးရွာပေါင်း (၄၁)ရွာ ပါဝင်သည်။ ယဉ်ကျေးမှုအမွေအနှစ်များတည်ရှိရာဒေသအတွင်း ရှေးဟောင်းအဆောက် အအုံပေါင်း (၃၅၉၅)ဆူ၊ ကြားခံဒေသအတွင်း (၂၄၂)ဆူ စုစုပေါင်း (၃၈၃၇)ဆူ ပုဂံဌာနခွဲမှ ထိန်းသိမ်းထားပါ သည်။ ထိုသို့ထိန်းသိမ်းခြင်းအားဖြင့် ယဉ်ကျေးမှုအမွေအနှစ်သည်နိုင်ငံတစ်နိုင်ငံရှိ လူမျိုးတစ်မျိုးစီ တိုင်း၏ အရည်အသွေး၊ တန်ဖိုး နှင့် ဂုဏ်သိက္ခာဖြစ်သဖြင့် ကာကွယ်ထိန်းသိမ်း စောင့်ရှောက်ရမည့် သမိုင်းတန်ဖိုးကိုသိပြီး အမွေအနှစ်များကို တန်ဖိုးထားသတ်မှတ်မှသာလျှင် နိုင်ငံနှင့်လူမျိုးကို ပိုမို တန်ဖိုးထားချစ်မြတ်နိုးနိုင်မည်ဖြစ်၍ ရိုးရာယဉ်ကျေးမှုတန်ဖိုး ပျက်စီးပျောက်ကွယ်မသွားစေရန်အတွက် ယဉ်ကျေးမှုအမွေအနှစ်ကို ကာကွယ်ထိန်းသိမ်းရခြင်းဖြစ်ပါသည်။ ရှေးဟောင်းအမွေအနှစ် အဆောက်အအုံများပြားကာ ၎င်းအဆောက်အအုံများနှင့် တွဲလျက်ရှိသော မြေယာရှုခင်းများနှင့် မြေယာထွန်ယက်စိုက်ပျိုးခြင်းဓလေ့သည်လည်း ထိန်းသိမ်းစောင့်ရှောက်ရမည့် လှပသော အမွေအနှစ်ပင်ဖြစ်ပါသည်။
ထိုသို့ ထိန်းသိမ်းစောင့်ရှောက်နိုင်ရေးအတွက် ယဉ်ကျေးမှုအမွေအနှစ်ဒေသအတွင်း လယ်ယာ မြေအခြားနည်းသုံးစွဲခွင့်နှင့် ဂရန်ထုတ်ပေးခြင်းများနှင့်ပတ်သက်၍ ရှေးဟောင်းသုတေသန နှင့် အမျိုသားပြတိုက်ဦးစီးဌာန၌ (၈.၁၀.၂၀၂၀) ရက်နေ့ ပြုလုပ်သည့် ပုဂံဒေသအမျိုးသားအဆင့် ပူးပေါင်းဆောင်ရွက်ရေးကော်မတီ (BAGANCOM) ပဉ္စမအကြိမ်အစည်းအဝေးတွင် “ပုဂံယဉ်ကျေးမှု ဒေသအတွင်း စက်မှုစီးပွားမြေငှားဂရန် ပြောင်းလဲထုတ်ပေးခြင်း၊ လယ်ယာမြေအခြားနည်း သုံးစွဲခွင့်နှင့် ထုတ်ပေးခြင်းများ ထိန်းချုပ်ကန့်သတ်ရန်နှင့် ဇုန်ပြင်ပတွင်သာ ခွင့်ပြုရန်” ဟု ဆုံးဖြတ်ခဲ့ကြပါသည်။
ပုဂံကမ္ဘာ့အမွေအနှစ်ဒေသတွင် သတ်မှတ်ထားသော မြို့ပြလူနေထိုင်ရာဧရိယာပြင်ပရှိ ယာမြေကွက်၊ မြေလွတ်မြေလပ်ကွက်များသည် လယ်ယာမြေအခြားနည်းသုံးစွဲခွင့် ထုတ်ပေးမရသော နေရာများဖြစ်သဖြင့် မြေကွက်များ၊ ယာမြေကွက်များကို ဝယ်ယူ၍ အခြားနည်းအသုံးပြုလိုသူများ၊ လူနေအဆောက်အဦများ၊ သာသနိကအဆောက်အဦများ၊ ဈေးဆိုင်ခန်းများ ဆောက်လုပ်လိုသူများ သည် လုပ်ငန်းဆောင်ရွက်ခွင့်မရနိုင်သောကြောင့် ဝယ်ယူသူနှင့် လုပ်ငန်းဆောင်ရွက်သူကာယကံရှင် များ ငွေကြေးဆိုင်ရာ ဆုံးရှုံးနစ်နာမှုရှိနိုင်ပါသည်။
ထို့အပြင် ပုဂံဒေသဘက်စုံလွှမ်းခြုံသော စီမံခန့်ခွဲရေးမူဘောင်(၅.၂)တွင် “ကမ္ဘာ့အမွေအနှစ်ဇုန် အတွင်းရှိ မြို့ပြဧရိယာများသည် အပြည့်အဝကာကွယ်ရန်လိုအပ်ပြီး ဖွံ့ဖြိုးရေးလုပ်ငန်းများကို အကန့်အသတ်ဖြင့် အသုံးပြုနိုင်သည်။ အဆောက်အအုံမဆောက်ရသေးသည့် နေရာများသည် ယခုအတိုင်းထားရှိပြီး မည်သည့်ဆောက်လုပ်ရေးလုပ်ငန်းကိုမျှ ဆောက်လုပ်ခွင့်မပြုပါ။ အမွေအနှစ် ဇုန် အတွင်းရှိ မြေယာရှုခင်းဆိုင်ရာ စည်းကမ်းချက်များကို လိုက်နာရပါမည်” ဟု ဖော်ပြပါရှိ ပါသည်။
ထို့ကြောင့် မြေယာ ဝယ်ယူမည်ဆိုပါက မှားယွင်းမှုမရှိစေရေး ဝယ်ယူမှုမပြုခင် ရှေးဟောင်း အမွေအနှစ်များ ကာကွယ်ထိန်းသိမ်းစောင့်ရှောက်လျက်ရှိသည့် ရှေးဟောင်းသုတေသနနှင့်အမျိုးသား ပြတိုက်ဦးစီးဌာန၊ ပုဂံဌာနခွဲသို့ ဆက်သွယ်မေးမြန်းစုံစမ်းနိုင်ပါ‌ကြောင်းအသိပေးအပ်ပါသည်။

14/05/2024

၂၀၂၄ ခုနှစ်၊မေလ ၁၈ ရက်နေ့တွင် ကျရောက်မည့် အပြည်ပြည်ဆိုင်ရာ ပြတိုက်များနေ့ (International Museum Day) အားဂုဏ်ပြုသည့်အနေဖြင့် (၁၈.၅.၂၀၂၄) တွင် ပုဂံရှေးဟောင်း သုတေသနပြတိုက်သို့ ပြည်တွင်း၊ ပြည်ပလေ့လာသူများ ဝင်ကြေးအခမဲ့ဖြင့် ဝင်ရောက်ကြည့်ရှုလေ့လာနိုင်ပါသည်။

04/05/2024

ပြည်ထောင်စုဝန်ကြီးများနှင့် မန္တလေးတိုင်းဒေသကြီးဝန်ကြီးချုပ် ပုဂံယဉ်ကျေးမှုအမွေအနှစ်ဒေသရှိ ရှေးဟောင်းရေကန်များ ၊ ရှေးဟောင်းသာသနိက အဆောက်အအုံများ ပြုပြင်ထိန်းသိမ်းမှုအခြေအနေလှည့်လည်စစ်ဆေး
********************************
နယ်စပ်ရေးရာဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်၊ သာသနာရေးနှင့်ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီး ဦးတင်ဦးလွင် ၊ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဦးမင်းနောင် ၊ မန္တလေးတိုင်း ဒေသကြီးဝန်ကြီးချုပ် ဦးမျိုးအောင်တို့သည် ဌာနဆိုင်ရာ တာဝန်ရှိသူများနှင့်အတူ မန္တလေးတိုင်း ဒေသကြီး ပုဂံယဉ်ကျေးမှု အမွေအနှစ်ဒေသရှိ နိုင်ငံတော်အကြီးအကဲ၏ ခရီးစဉ်လမ်းညွှန်ချက်ပါ ဆောင်ရွက်ထားရှိမှုများအား ကြည့်ရှုစစ်ဆေးပြီး လွန်ခဲ့သော နှစ်ပေါင်း ၉၀၀ ကျော်က ရှေးမင်းကောင်းမင်းမြတ်များနှင့် ပြည်သူများ တူးဖော်အသုံးပြုခဲ့သည့် ရှေးဟောင်းရေကန်ဖြစ်သော မြကန်အပါအဝင် ရှေးဟောင်းရေကန်များ ဆယ်ယူထိန်းသိမ်းခြင်း၊ ပုဂံမြို့ဟောင်းကျုံးတူးဖော် ထိန်းသိမ်းမှုအခြေအနေများကို (၂၉.၄.၂၀၂၄) နံနက်ပိုင်းတွင် လှည့်လည်ကြည့်ရှုစစ်ဆေးသည်။
ကန်အတွင်း ‌ရေဝင်လမ်းကြောင်းများ ရေဝင် ရောက်ရှိရေး၊ ကန်အတွင်း ရေစိမ့်မှုများ မရှိ‌စေရေး၊ ရေအဆက်မပြတ် ရှိစေရေး၊ ရေကန်များ ကြံ့ခိုင်မှုရှိရေး၊ ရေကန် တစ်ကန်နှင့်တစ်ကန် ချိတ်ဆက်သည့် ရေလမ်းကြောင်းများ မိုးမကျမီ အပြီး တူးဖော်ထိန်းသိမ်းရေးစသည်တို့ကို လမ်းညွှန် မှာကြားခဲ့ပါသည်။
နိုင်ငံတော်အကြီးအကဲ အာနန္ဒာဘုရားသို့ ဖူးမြော်ကြည်ညိုစဉ်က လမ်းညွှန် မှာကြားချက်များအားဆောင်ရွက်ထားရှိမှု အခြေအနေများကို ကြည့်ရှုစစ်ဆေး၍ အားလုံးပြီးစီးအောင် တွန်းအားပေးဆောင်ရွက်သွားကြရန် လမ်းညွှန် မှာကြားခဲ့ပါသည်။
ပုဂံရှေးဟောင်းသုတေသနပြတိုက် အစည်းအဝေးခန်းမတွင် ရှေးဟောင်းသုတေသန နှင့်အမျိုးသားပြတိုက်ဦးစီးဌာန ညွှန်ကြားရေးမှူးချုပ်က ပုဂံကမ္ဘာ့အမွေအနှစ်ဒေသအတွင်း လွန်ခဲ့သောနှစ်ပေါင်း ၁၀၀၀ ကျော်ကာလ ပျဉ်ပြားမင်းနန်းစံစဉ်ကတည်းက မြို့ရိုး၊ ကျုံး၊မြောင်း များနှင့်အတူ ရေတွင်းရေကန်များ တူးဖော်ခဲ့ပြီး သဘာဝမြေမျက်နှာပြင် အနိမ့်အမြင့်ပေါ် မူတည်၍ အမြင့်ဆုံး တုရင်တောင်ခြေရှိ မြကန်မှ အလံပုဂံ၊ ၎င်းမှအလယ်ကန် ၊ ၎င်းမှလေးမျက်နှာကန်၊ ၎င်းမှ ညောင်လက်ဖက်ကန်၊ဖိုးသူတော်ကန်စသည်ဖြင့် ရေကန်အဆင့်ဆင့်သို့ ရေစီးလမ်းများဖြင့် သွယ်ယူ၍ ပုဂံမြို့ ကျုံးအတွင်းထိ ရေသွယ်ယူ စီမံခဲ့သည်ကို ပြည်တွင်း၊ ပြည်ပ ပညာရှင်များနှင့် ပူးပေါင်းသုတေသနပြု၍ တူးဖော်ထိန်းသိမ်းမှု အခြေအနေ၊ ယဉ်ကျေးမှုအမွေအနှစ်များ ထိခိုက်မှု မရှိစေရန် စစ်ဆေးအကြံပြုမှု (HIA) စစ်ဆေးအကြံပြုချက်အတိုင်း ဆောင်ရွက်မှု၊ ပြည်ပ ရေစီမံခန့်ခွဲမှု ကျွမ်းကျင်ပညာရှင်ကိုပါ ဖိတ်ခေါ်၍ ပူးပေါင်း၍ ညှိနှိုင်းဆွေးနွေးခြင်း ၊ ကွင်းဆင်း လေ့လာ၍ အကြံပြု အကဲဖြတ်ခြင်းများကို Power Point ဖြင့် ရှင်းလင်းတင်ပြခဲ့ပြီး တက်ရောက်လာသူများမှ အသီးသီး ဆွေးနွေးခဲ့ကြပါသည်။
ဆက်လက်၍ ပြည်ထောင်စုဝန်ကြီးများနှင့် တိုင်းဒေသကြီး ဝန်ကြီးချုပ်တို့အဖွဲ့သည် ညနေပိုင်းတွင် ကျောက်ပန်းတောင်းမြို့နယ်သို့ ရောက်ရှိခဲ့ပြီး မြို့ရေပေးဝေရေးလုပ်ငန်း ဆောင်ရွက်မည့် မြေနေရာသို့ သွားရောက်ခဲ့ရာ တာဝန်ခံအရာရှိက မြို့ရေပေးဝေရေးစီမံကိန်း ဆောင်ရွက်သွားမည့် အခြေအနေများအား ရှင်းလင်းတင်ပြခဲ့ရာ ပြည်ထောင်စုဝန်ကြီးများနှင့် ဝန်ကြီးချုပ်တို့သည် လိုအပ်သည်များညှိနှိုင်းပေါင်းစပ်ဖြည့်ဆည်းပေးခဲ့ကြပါသည်။
သာသနာရေးနှင့် ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီး ဦးတင်ဦးလွင်နှင့် မန္တလေးတိုင်းဒေသကြီးဝန်ကြီးချုပ် ဦးမျိုးအောင် တို့သည် (၃၀.၄.၂၀၂၄) နံနက် ၀၈၃၀ နာရီအချိန်တွင် ပုဂံရှေးဟောင်းသုတေသနပြတိုက် အစည်းအဝေးခန်းမ၌ ဘုရားများ၏ သမိုင်းကြောင်း၊ အချက်အလက်များ၊ အနုလက်ရာဗိသုကာ အမွေအနှစ်များကို Online၊ Offline တို့ဖြင့် လေ့လာနိုင်ရန်အတွက် Pagoda Digital Directory ပြုလုပ်ခြင်းဆိုင်ရာ အစည်းအဝေးသို့ တက်ရောက်ပြီး ပြည်ထောင်စုဝန်ကြီးက နိုင်ငံတော်အကြီးအကဲ၏ လမ်းညွှန်ချက်ကို အကောင်အထည်ဖော်ဆောင်ရွက်ရန်အတွက် ပထမအဆင့်အနေဖြင့် ရန်ကုန်မြို့ရှိ ရွှေတိဂုံစေတီတော်၊ မန္တလေးမြို့ရှိ မဟာမြတ်မုနိဘုရား အပါအဝင် (၉) ဆူကို စတင်ဆောင်ရွက်ခဲ့ပြီး ပဲခူးမြို့ရှိ ရွှေမော်‌ဓော ဘုရားကို ထပ်မံထည့်သွင်း၍ ၎င်းဘုရား (၁၀) ဆူတို့၏ Pagoda Digital Directory အဖြစ် ၂၀၂၃ ၊ ဩဂုတ်လမှ စတင်ဆောင်ရွက်ခဲ့ခြင်းဖြစ်ကြောင်း၊ Pagoda Digital Directory အဖြစ် website များ ပြသနိုင်ရေးအတွက် ရှေးဟောင်း သုတေသနနှင့် အမျိုးသားပြတိုက် ဦးစီးဌာန၊ ကွန်ပျူတာတက္ကသိုလ် (ပြည်၊မကွေး၊ တောင်ငူ၊ သထုံ) ပူးပေါင်း၍ ဆောင်ရွက်ခဲ့ ပါကြောင်း၊ ဆက်လက်၍ လည်း မြန်မာနိုင်ငံတစ်ဝှမ်းလုံးရှိ သမိုင်းဝင် ထင်ရှားသော ဘုရားများ အတွက်ပါ ဆောင်ရွက်သွားမည်ဖြစ်ကြောင်း၊ ထိုသို့ ဆောင်ရွက်ခြင်းဖြင့် နောက်လာနောက်သား မျိုးဆက်သစ်များအနေဖြင့် မိမိတို့၏ ဘာသာ၊ သာသနာရေးနှင့်ပတ်သက်၍ အလွယ်တကူ သိရှိ ဖတ်ရှုလေ့လာနိုင်မည်ဖြစ်ကြောင်းစသည်ဖြင့်အမှာစကားပြောကြားခဲ့ပါသည်။
မန္တလေးတိုင်းဒေသကြီး အစိုးရအဖွဲ့ ဝန်ကြီးချုပ်က ဘုရား စေတီတွင် Pagoda Digital Directory ပြုလုပ် တပ်ဆင်ခြင်း သည် အလွန်ကောင်းမွန်သည့် အစီအစဉ်ဖြစ်သဖြင့် သက်ဆိုင်ရာ ဌာန၊ အဖွဲ့အစည်းများအနေဖြင့် ပူးပေါင်းဆောင်ရွက်ရန်ဖြစ်ပါကြောင်း ပြောကြားပါသည်။
ဆက်လက်၍ ပြည်ထောင်စုဝန်ကြီးနှင့် တိုင်းဒေသကြီးဝန်ကြီးချုပ်သည် ပုဂံယဉ်ကျေးမှု အမွေအနှစ်ဒေသအား ဧရိယာ၁၁ပိုင်းခွဲ၍ ဘုရားစေတီသာသနိကအဆောက်အအုံတို့၏ ပတ်ဝန်း ကျင် ပေါင်းမြက်၊ ချုံနွယ်၊ ညောင်ပင်၊ ကန္တာရပင်များ ရှင်းလင်းရေးလုပ်ငန်း အခြေအနေများကို ကြည့်ရှုစစ်ဆေးပြီး လာမည့်မိုးရာသီမတိုင်မီပြီးပြတ်အောင် ထပ်မံအားဖြည့် ဆောင်ရွက်ရန်၊ ရှင်းလင်းပြီးအပင်ငုတ်များမှ ထပ်မံပေါက် လာပါက ချက်ချင်းရှင်းလင်းရန်၊ ဆက်လက်၍လည်း လစဉ် စီမံချက်ရေးဆွဲ၍ ယခုကဲ့သို့ အမြဲသန့်ရှင်း သပ်ရပ်နေရန် အလေးထား၍ စီမံဆောင်ရွက်သွားရန် မှာကြားခဲ့ပါသည်။
ပြည်ထောင်စုဝန်ကြီးနှင့် မန္တလေးတိုင်းဒေသကြီးဝန်ကြီးချုပ်တို့သည် ကမ္ဘာလှည့်ခရီးသည် များနှင့် ပြည်တွင်းခရီးသွားများဘုရားဖူးများ ပုဂံရှုခင်းကြည့်ရှုနိုင်ရန် ယာယီတည်ဆောက်ထားသော ရှုခင်းကြည့်တောင်ကုန်း(၄)ခုရှိသည့်အနက် ကိုမောက်ကန်နှင့် ဖိုးသူတော်ကန်တို့၏ ပတ်ဝန်းကျင် နေရာကို ကြည့်ရှုစစ်ဆေးပါသည်။ ပြည်ထောင်စုဝန်ကြီးက ပတ်ဝန်းကျင်မြင်ကွင်း၊ ကျေးလက်ဓလေ့ ဆိတ်ကျောင်း/ နွားကျောင်း ပြန်ချိန်များ၌ တိရစ္ဆာန်များ ကိုမောက်ကန် ၌ ရေသောက်ဆင်းသည့် အလေ့အထတို့နှင့် ပြည့်စုံသည့် လှပသောနေရာဖြစ်သည်နှင့်အညီ ကိုမောက် ရေကန်ကိုလည်း နုံးဆယ်ပြီး ခရီးသွားများ ကြည့်ရှုနိုင်သည့်နေရာကောင်း ဖြစ်အောင် ဆောင်ရွက်ရန် လိုအပ်ပါကြောင်း၊ ပိုမိုကောင်းမွန်သည့်ရှုခင်းကြည့်ရှုနိုင်ရန်နှင့် ရေနေသော ၊ ကြည်လင်သော၊ တိရစ္ဆာန်များ သန့်သန့် ရှင်းရှင်း သောက်သုံးနိုင်သော ရေကန်အဖြစ် ဆောင်ရွက်ရန်နှင့် ရှေးဟောင်း ရေစီးဆင်းမှုနှင့် ရေကန်ဓလေ့တို့ကိုပါလေ့လာနိုင်ရေးစီမံသွားရန် လိုအပ်ပါကြောင်း လမ်းညွှန် မှာကြားခဲ့ပါသည်။
၎င်းနောက် စူဠာမဏိဘုရားသို့သွားရောက် ဖူးမြော်ကြည်ညိုခဲ့ပြီး နိုင်ငံတော်အကြီးအကဲ လမ်းညွှန်ချက်အရ ဆောင်ရွက်ထားသည့် နံရံပန်းချီများ ရေရှည်တည်တံ့ခိုင်မြဲစေရေးအတွက် Tempered Glass တပ်ဆင်ကာရံခြင်းလုပ်ငန်း၊ လျှောက်လမ်းခင်းကျင်းခြင်းလုပ်ငန်းနှင့် မိုးကြိုးလွှဲတပ်ဆင်ပြီးစီးမှုအခြေအနေများအား ကြည့်ရှုစစ်ဆေးပြီး လမ်းညွှန်ချက်များအား အမြန်ပြီး မြောက်စေရေး သက်ဆိုင်ရာဌာနများက ပူးပေါင်းညှိနှိုင်း ဆောင်ရွက်ကြရန်နှင့် ပုဂံသည် ကမ္ဘာ့အဆင့်အမျိုးသားအဆင့် အရေးကြီးထိန်းသိမ်းစောင့်ရှောက်ရမည့် အမွေအနှစ်ဖြစ်သဖြင့် ဂေါပကအဖွဲ့အနေဖြင့် ဌာန၏ကြီးကြပ် လမ်းညွှန်ချက်များကို တိကျစွာလိုက်နာ၍ ပူးပေါင်း ဆောင်ရွက်ပေးရန်မှာကြားခဲ့ပါသည်။
၎င်းနောက် Archaeological Survey of India-ASI အဖွဲ့က ပြုပြင်ထိန်းသိမ်းခဲ့သည့် သိကြားပုန်းဘုရားသို့ သွားရောက်ရာတွင် ASI အဖွဲ့တာဝန်ရှိသူက ပြုပြင်ထိန်းသိမ်းမှုလုပ်ငန်း အဆင့်ဆင့်ကို ရှင်းလင်းတင်ပြခဲ့ပါသည်။ ဆက်လက်၍ ဘုရားအမှတ် (၂၀၇) တိဿဘုရား နှင့် ဘုရားအမှတ် (၂၁၁) တို့အား သွားရောက်ဖူးမြော်ကြည်ညိုခဲ့ပြီး လိုအပ်သည်များမှာကြားခဲ့ပါသည်။
ထို့နောက် ပြည်ထောင်စုဝန်ကြီးနှင့် တိုင်းဒေသကြီးဝန်ကြီးချုပ်တို့သည် ရွှေစည်းခုံ စေတီတော် တွင် နိုင်ငံတော်အကြီးအကဲ လမ်းညွှန်ချက်အရ Digitization ပြုလုပ်၍ Touch Screen ဖြင့် ပြသထားသည့် ကျန်စစ်သားမင်း အတ္ထုပ္ပတ္တိ ကျောက်စာတိုင် အား သွားရောက် ကြည့်ရှုစစ်ဆေး၍ ဘုရားဂေါပကအဖွဲ့နှင့် ဌာနဆိုင်ရာ တာဝန်ရှိသူများအား မူရင်းကျောက်စာတိုင်အား စနစ်တကျ ထိန်းသိမ်းသွားရန် မှာကြားခဲ့ပါသည်။
ပြည်ထောင်စုဝန်ကြီးနှင့် တိုင်းဒေသကြီးဝန်ကြီးချုပ်တို့သည် အဆောက်အဦ ဦးစီးဌာနက တည်ဆောက်နေသော ညောင်ဦးမြို့တော်ခန်းမ တည်ဆောက်ရေးလုပ်ငန်းကို သွားရောက် ကြည့်ရှုစစ်ဆေးပြီး တာဝန်ရှိသူက တည်ဆောက်ရေးဆောင်ရွက်နေမှုကို ရှင်းလင်းတင်ပြခဲ့ရာ မြို့တော်ခန်းမသည် ဘက်စုံသုံးခန်းမဖြစ်သည့်အတွက် သက်ဆိုင်ရာ ဝန်ကြီးဌာနသို့ တင်ပြ၍ လုပ်ငန်းများ ဆောင်ရွက်သွားရန် မှာကြားပြီး လုပ်ငန်းဆောင်ရွက်မှုများကို လှည့်လည်စစ်ဆေး ခဲ့ပါသည်။
ဆက်လက်၍ ပြည်ထောင်စုဝန်ကြီးနှင့်တိုင်းဒေသကြီးဝန်ကြီးချုပ်တို့သည် ကျောက်ပန်းတောင်း မြို့နယ်၊ ဇလင်းတောင်ရွာရှိ ထောက်ရှာကန်ကို လည်းကောင်း၊ နယ်စပ်ရေးရာဝန်ကြီးဌာန ရန်ပုံငွေဖြင့် ရွာလတ်ကျေးရွာရှိ ညောင်ကန်ကို လည်းကောင်း ကြည့်ရှုစစ်ဆေးခဲ့ကြပြီး ဒေသခံများ သောက်သုံးရေ ရှားပါးမှု အဆင်ပြေစေရေး ဆောင်ရွက်ပေးခဲ့ခြင်းဖြစ်ရာ ရေကန်များ ရေရှည်တည်တံ့စေရေး၊ သန့်သန့်ရှင်းရှင်းသုံးစွဲစေရေး သက်ဆိုင်ရာဌာနများ၊ ဒေသခံ ပြည်သူများ ပူးပေါင်းထိန်းသိမ်း ဆောင်ရွက်ရန် လမ်းညွှန်မှာကြားခဲ့ပါသည်။
၎င်းနောက် ပြည်ထောင်စုဝန်ကြီးနှင့်တိုင်းဒေသကြီးဝန်ကြီးချုပ်တို့သည် ကျောက်ပန်းတောင်း မြို့နယ်၊ စိတ္တပါလ ဂူကျောင်း စာသင်တိုက်တွင် စိတ္တပါလ ဂူကျောင်း ဆရာတော်နှင့် သုခဝတီ စာသင်တိုက်ဆရာတော်တို့အား ဖူးမြော် ကြည်ညိုခဲ့ပြီး လှူဖွယ်ဝတ္ထုပစ္စည်းများ ဆက်ကပ် လှူဒါန်း၍ သာသနာရေးဆိုင်ရာများ လျှောက်ထားခဲ့ပါသည်။
ဆက်လက်၍ ကျောက်ပန်းတောင်းမြို့နယ်၊ မြို့ရေပေးဝေရေးလုပ်ငန်းသို့ လှည့်လည် ကြည့်ရှု စစ်ဆေးခဲ့ပြီး လိုအပ်သည်များ ညှိနှိုင်းပေါင်းစပ် ဖြည့်ဆည်းပေးခဲ့ပါသည်။

27/04/2024

အင်္ဂလိပ်စာ ဒီပလိုမာသင်တန်းကို Face to Face နှင့် Online နှစ်မျိုးစလုံးဖွင့်လှစ်မည်ဖြစ်

Diploma in English for Communication Skills သင်တန်းကို Face to Face နှင့် Online နှစ်မျိုးစလုံးကို ဖွင့်လှစ်သင်ကြားပေးသွားမည်ဖြစ်ကြောင်း ရန်ကုန်နိုင်ငံခြားဘာသာတက္ကသိုလ်မှ အသိပေးကြေညာထားသည်။

အဆိုပါ သင်တန်းကို ရန်ကုန်နိုင်ငံခြားဘာသာတက္ကသိုလ်မှ CHRD အစီအစဥ်ဖြင့် ဖွင့်လှစ်သင်ကြားပေးမည်ဖြစ်သည်။

English Basic Level 1 သို့မဟုတ် Level 2 အထိ YUFL တွင်တက်ရောက်ပြီးသူများသည် တစ်ဆင့်မြင့်အတန်းတွင်တိုက်ရိုက်တက်ရောက်နိုင်ပြီး ၀င်ခွင့်ဖြေဆိုရန်မလိုအပ်ကြော င်း သိရသည်။

သို့သော် ကျောင်းသားသစ်များသည် English Basic Level 1 မှ စတင်တက်ရောက်ရမည်ဖြစ်ပြီး ၀င်ခွင့်စာမေးပွဲဖြေဆိုရမည်ဖြစ်ကာ Face to Face တက်ရောက်ရန်လျှောက်ထားသူများသည် ၀င်ခွင့်စာမေးပွဲကို YUFL တွင်လာရောက်ဖြေဆိုရမည်ဖြစ်ကြောင်း သိရသည်။

Online မှ တက်ရောက်ရန်လျှောက်ထားသူများသည် ၀င်ခွင့်စာမေးပွဲကို Online တွင် ဖြေဆိုရမည်ဖြစ်ပြီး ဖြေဆိုချိန်ရောက်ပါက Email မှ တဆင့် Web link ပေးပို့မည်ဖြစ်ကြောင်း သိရသည်။

Online မှတက်ရောက်ရန်လျှောက်ထားသူများသည် မိမိ၏ ဖုန်းနံပါတ် နှင့် Email address ကို မှန်ကန်စွာပေးပို့ထားရန် လိုအပ်ကြောင်း ကြေညာချက်တွင် ဖော်ပြထားသည်။

27/04/2024

အဲ့လိုပဲအိပ်ရတော့မလို......😁

EPC မီးမလာလည်း
အေးဆေးအိပ်လို့ အဆင်ပြေတဲ့နည်းလမ်းလေး

😄

24/04/2024

မိုခါမုန်တိုင်းဒဏ်သင့် ရှေးဟောင်းအ‌ဆောက်အအုံများ ပြန်လည်ပြုပြင်ထိန်းသိမ်း ဆောင်ရွက်ပြီးစီးခြင်း
**************************************
ပုဂံကမ္ဘာ့အမွေအနှစ်ဒေသတွင် (၁၃.၅.၂၀၂၃)ရက်နေ့မှ (၁၅.၅.၂၀၂၃)ရက်နေ့ထိ မိုခါမုန်တိုင်း တိုက်ခတ်မှုကြောင့် မိုးသည်းထန်စွာရွာသွန်းခဲ့ပြီး (၃)ရက်အတွင်း ရွာသွန်းခဲ့သည့် မိုးရေချိန်မှာ (၁၅.၇၅) လက်မ အထိ ရှိခဲ့ပါသည်။ အဆိုပါမိုးသည်းထန်စွာ ရွာသွန်းမှုကြောင့် ပုဂံကမ္ဘာ့အမွေအနှစ်ဒေသရှိ ရှေးဟောင်း အဆောက်အအုံများအနက် (၅၉)ဆူတွင် ထိခိုက်မှုများဖြစ်ပေါ်ခဲ့သဖြင့် သာသနာရေးနှင့်ယဉ်ကျေးမှု ဝန်ကြီးဌာန၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာ၏ လမ်းညွှန်ချက်ဖြင့် ပုဂံဌာနခွဲက အရေးပေါ် ပြန်လည်ပြုပြင်ထိန်းသိမ်းခြင်းလုပ်ငန်းများကို ဆောင်ရွက်ခဲ့ပါသည်။ အဆိုပါ ထိခိုက်မှုရှိခဲ့ သည့် (၅၉)ဆူအနက် (၉)ဆူမှာ ဂေါပကရှိသော ရှေးဟောင်းအဆောက်အအုံများဖြစ်သဖြင့် ဂေါပက ရန်ပုံငွေဖြင့်လည်းကောင်း၊ (၅၀)ဆူမှာ တရုတ်ပြည်သူ့သမ္မတနိုင်ငံက လှူဒါန်းခဲ့သည့် ရန်ပုံငွေဖြင့် လည်းကောင်း ဌာန၏ အဆင့်ဆင့်စီမံခန့်ခွဲကြီးကြပ်မှုဖြင့် ပြုပြင်ထိန်းသိမ်းခြင်း လုပ်ငန်းများ ဆောင်ရွက် ခဲ့ခြင်းဖြစ်ပါသည်။ ပုဂံကမ္ဘာ့အမွေအနှစ်ဒေသရှိ ရှေးဟောင်းအဆောက်အအုံများအား ပြုပြင်ထိန်းသိမ်းရာ တွင် မူလလက်ရာနှင့် မူလစံတန်ဖိုးများ ထိခိုက်ပျက်ယွင်းမှု မရှိစေရေး UNESCO Guideline, Conservation Guideline, ပြုပြင်ထိန်းသိမ်းရေး စံနှုန်းများနှင့်အညီ ဆောင်ရွက်ခဲ့ခြင်းဖြစ်ပါသည်။ မိုခါမုန်တိုင်းကြောင့် ထိခိုက်မှုဖြစ်ပေါ်ခဲ့သော ရှေးဟောင်းအဆောက်အအုံ(၅၉)ဆူ ပြုပြင်ထိန်းသိမ်းခြင်း လုပ်ငန်းများကို (၂၀.၅.၂၀၂၃)ရက်နေ့မှ စတင်၍ စနစ်တကျဖြင့် ဆောင်ရွက်ခဲ့ရာ (၃၀.၇.၂၀၂၃) ရက်နေ့ တွင် လုပ်ငန်းများအား (၁၀၀)ရာခိုင်နှုန်းဆောင်ရွက်နိုင်ခဲ့ပြီးဖြစ်ပါသည်။ ‌ဌာနအနေဖြင့် ပုဂံကမ္ဘာ့အမွေ အနှစ်ဒေသရှိ ရှေးဟောင်းအဆောက်အအုံများ ရေရှည် တည်တံ့ခိုင်မြဲ စေရန် အတွက် (Conservation Procedure)နှင့်အညီ စဉ်ဆက်မပြတ် ကြိုးပမ်းဆောင်ရွက်လျက်ရှိပါသည်။