Bago University Students' Union - ပဲခူးတက္ကသိုလ်ကျောင်းသားများသမဂ္ဂ

10/03/2026

တော်လှန်ရေးအင်အားစုအချင်းချင်းကြား လက်နက်အင်အား မသုံးဘဲ မဟာမိတ်နည်းလမ်း
ဖြင့်သာ ဖြေရှင်းကြရန် တော်လှန်ရေးအင်အားစုအသီးသီးမှ ထုတ်ပြန်ကြေညာချက်

ရက်စွဲ - မတ်လ (၁၀) ရက်/ ၂၀၂၆ ခုနှစ်

ယခုအချိန်တွင် စစ်အာဏာရှင်စနစ်ကို ဆန့်ကျင်တော်လှန်နေကြသည့် အင်အားစုအသီးသီးအနေဖြင့် လက်နက်ကိုင်တော်လှန်ရေးအဆင့်ထိ တက်လှမ်းနိုင်ခဲ့သည်အထိ တော်လှန်ရေးရေချိန်မှာ မြင့်မားခဲ့ပြီဖြစ်သည်။ အင်အားစုအချင်းချင်းကြား ညီညွတ်မှုကို ရှေ့တန်းတင်ကာ စစ်အာဏာရှင်တပ်များကို တိုက်ထုတ်နိုင်သည့် စစ်ရေးတိုက်ပွဲများကိုလည်း အောင်မြင်စွာ ဆင်နွှဲနိုင်သည်မှာ ဂုဏ်ယူအားတက်ဖွယ် ဖြစ်သည်။
သို့ရာတွင် တော်လှန်ရေးအင်အားစုအချင်းချင်းကြား စစ်အာဏာရှင် အမြစ်ပြတ်ဖြုတ်ချရေးကို မျက်နှာလွှဲ၍ မိမိအဖွဲ့အစည်း၏ ကိုယ်ကျိုးစီးပွားကို ရှေ့တန်းတင်ကာ အချင်းချင်းကြား ရန်သူသကဲ့သို့ လက်နက်ကြီးငယ်နှင့် ခြိမ်းခြောက်ဖြေရှင်းခြင်း၊ လူထုအပေါ် လက်နက်အားကိုး အနိုင်ကျင့်ခြင်း စသည့် ရုပ်ဆိုးအကျည်းတန်သည့် လုပ်ရပ်များကိုလည်း တနေ့တခြား ပိုမိုတွေ့မြင်လာရသည်။
ကျွန်ုပ်တို့၏ ဘုံရန်သူမှာ စစ်အာဏာရှင်စနစ်ဖြစ်သည်။ ကျွန်ပ်တို့၏ ဘုံရည်မှန်းချက်မှာ စစ်အာဏာရှင်စနစ်ကို အမြစ်ဖြတ်ရေး ဖြစ်သည်။ ထိုဘုံရန်သူကို ဆန့်ကျင်နေသည့် တော်လှန်ရေးအင်အားစုများအားလုံးသည် တလှေတည်းစီး တခရီးတည်းသွားနေကြသော မဟာမိတ်များ ဖြစ်သည်။ မည်ကဲ့သို့သော ပဋိပက္ခများရှိစေကာမူ မဟာမိတ်အင်အားစုများ အချင်းချင်းကြား စစ်အင်အားဖြင့် ဖြေရှင်းခြင်းသည် ရန်သူအပေါ်သဘောထားနှင့် ဆင်တူနေသကဲ့သို့ လက်နက်အားကိုးဖြင့် ဖြေရှင်းရေးသည် စစ်ဝါဒီရန်သူ၏ နည်းလမ်းဖြစ်ကြောင်းကို သတိထားရမည်ဖြစ်သည်။ ထိုလုပ်ရပ်များသည် ပြည်သူလူထုနှင့် တော်လှန်ရေးတစုံလုံးအပါအဝင် မည်သည့်တော်လှန်ရေးအင်အားစုအတွက်မှ အကျိုးအမြတ်မရှိဘဲ ရန်သူ အမြတ်ထုတ်နိုင်ရန်သာ ထောက်ပံ့ပေးသည်။
အမှန်မှာ ကျွန်ုပ်တို့တော်လှန်ရေးအင်အားစုများသည် “မဟာမိတ်ကို အားပြု၊ ကြားနေကို စည်းရုံး၊ ရန်သူကို တိုက်” ဆိုသည့် သဘောတရားကို လက်ကိုင်ထားကာ လုပ်ငန်းစဉ်များကို ဖော်ဆောင်ရမည်ဖြစ်သော်လည်း လက်တွေ့အခြေအနေမှာမူ ဆန့်ကျင်ဘက်သာ ဖြစ်နေသည်။ ယခုဆိုလျှင် တော်လှန်ရေးအဖွဲ့အစည်းအချင်းချင်း စစ်ရေးတိုက်ပွဲများ၊ တဖက်အဖွဲ့အစည်းမှ သူများကို ခိုင်မာသည့် အကြောင်းပြချက် မရှိ ဖမ်းဆီးမှုများ၊ မိတ်ဖက်အင်အားစုအချင်းချင်း နိုင်ငံရေးအရ တန်းတူမဆက်ဆံမှုများ၊ တော်လှန်ရေးအဖွဲ့အစည်းများမှ လူထုအပေါ် လက်နက်အားကိုးနှိပ်စက်မှုများအား ခပ်စိတ်စိတ် တွေ့လာရသည်။
ထို့ကြောင့် ကျွန်ုပ်တို့သည် တော်လှန်အင်အားစုအချင်းချင်းနှင့် ပြည်သူလူထုအပေါ် လက်နက်အားကိုး၊ စစ်ရေးအားကိုး၍ ဖြေရှင်းသည့် လုပ်ရပ်များအားလုံးကို ဆန့်ကျင်သည်။ ရန်ငါစည်းကို တိကျပြတ်သားစွာ သတ်မှတ်ထားပြီး ရန်သူကို တိုက်ချိန်တွင် မဟာမိတ်ချင်း ကျောချင်းကပ် ညှိနှိုင်းတိုင်ပင်ပြီး စုပေါင်းခေါင်းဆောင်မှုဖြင့် မဟာမိတ်များကြားပြဿနာကို အဖြေရှာသင့်သည်။ ပွင့်လင်းမြင်သာမှုနှင့် ညှိနှိုင်းဆောင်ရွက်မှုမရှိသော လုပ်ဟန်များသည် ဘဝတူအဖွဲ့အစည်းများကြား အရေးပါသည့် ယုံကြည်မှုကို ပျက်ပြားစေရာ ရန်သူ့အကြိုက်လည်း ဖြစ်ပေသည်။ ထို့ကြောင့် မဟာမိတ်များကြားပြဿနာကို မဟာမိတ်နည်းလမ်းဖြင့် ဖြေရှင်းရန်နှင့် စည်းရုံးရေးဆန်စွာ ဖြေရှင်းရန် တပါတည်း တိုက်တွန်းလိုသည်။
မည်သည့်အဖွဲ့အစည်းဝင်ဖြစ်နေကာမူ ပြစ်မှုကျူးလွန်ကြောင်း ထင်ရှားစွာစစ်ဆေးတွေ့ရှိသူများကို ထိုက်သင့်သည့် အပြစ်ပေးအရေးယူမှုများ မဖြစ်မနေလုပ်ဆောင်ရမည်။
သို့ရာတွင်လည်း တော်လှန်ရေးပုံရိပ်ကျမည်ကို စိုးရိမ်၍ ဖုံးဖုံးဖိဖိလုပ်ကြသည်ထက် ပြစ်မှုကျူးလွန်ကြောင်း ထင်ရှားသည်နှင့်အမျှ အပြစ်ပေးအရေးယူမှုကို အများသူငှာရှေ့တွင် ရဲရဲဝံ့ဝံ့ထုတ်ဖော်ပြောဆို စီရင်ချက်ချသည်မှာ မှန်ကန်နည်းလမ်းနှင့် ဖြေရှင်းခြင်းဖြစ်သည်။ ထို့အပြင် စီရင်ဆုံးဖြတ်ခြင်း လုပ်ငန်းများကို သက်ဆိုင်ရာအဖွဲ့အစည်းများအပြင် ပြည်သူလူထုထံသို့ ထိုက်သင့်သည့်အလျောက် ရှင်းလင်းချပြ အစီရင်ခံမှုပြုမှသာ လွတ်လပ်ပွင့်လင်းပြီး တရားမျှတမှုရှိသည့် တရားစီရင်ရေးစနစ်တခုကို အကောင်အထည်ဖော်နိုင်မည်။
တော်လှန်ရေး၏ အရေးပါသော အခန်းကဏ္ဍတွင် ရှိနေသည့် အမျိုးသားညီညွတ်ရေးအစိုးရ (NUG) ကဲ့သို့ အဖွဲ့အစည်းတရပ်အနေနှင့် လည်းကောင်း၊ လူမျိုးစုလက်နက်ကိုင်တော်လှန်ရေး အင်အားစုများသည်လည်းကောင်း မဟာမိတ်ဆက်ဆံရေးဆိုင်ရာ မူဝါဒများကို မှန်ကန်စွာ ချမှတ်ပြီး အခိုင်အမာလိုက်နာရန် ကျွန်ုပ်တို့က ထပ်ဆောင်းတိုက်တွန်းလိုသည်။ တဖက်တွင်လည်း တော်လှန်ရေးအင်အားစုအချင်းချင်းကြား အင်အားကြီးသူ၊ ငယ်သူ ကြီးနိုင်ငယ်ညှင်း ဆက်ဆံရေးများအား ရှုတ်ချပြီး အချင်းချင်းကြား နိုင်ငံရေးအရ တန်းတူသည့် စစ်အာဏာရှင်စနစ်အမြစ်ပြတ်ဖြုတ်ချရေး ဘုံရည်မှန်းချက်အပေါ် အခြေခံသော တပ်ပေါင်းစုတရပ် ပေါ်ထွက်နိုင်ရန် ရည်ရွယ်ချက်ရှိရှိ တည်ဆောက်ရန်လည်း အလျှင်အမြန် လိုအပ်နေပြီ ဖြစ်သည်။ သို့မှသာ ထိုကဲ့သို့ မိတ်ဖက်အဖွဲ့များကြား စစ်ရေးဖြင့် ဖြေရှင်းသည့်လုပ်ဟန်များ၊ ကြီးနိုင်ငယ်ညှင်းလုပ်ရပ်များ ပပျောက်နိုင်မည်ဖြစ်ပြီး ဘုံရန်သူ စစ်အာဏာရှင်စနစ်ကို အမြစ်ဖြတ်ချေမှုန်းရေးအတွက် အမှန်အကန် ထိရောက်သည့် လုပ်ငန်းစဉ်များ ချမှတ်နိုင်မည် ဖြစ်သည်။
ထို့ကြောင့် ကျွန်ုပ်တို့ တော်လှန်ရေးအင်အားစုများမှ စစ်အာဏာရှင်စနစ်ဆန့်ကျင်ရေးလမ်းကြောင်းပေါ် လျှောက်လှမ်းနေသည့် အခြားမိတ်ဖက်အဖွဲ့အစည်းများအား ယခုထုတ်ပြန်ချက်မှတဆင့် အချက်(၃)ချက်အား တောင်းဆိုလိုက်သည်။
(၁) တော်လှန်ရေးအင်အားစုအချင်းချင်းကြား စစ်ရေးနည်းမသုံးဘဲ မဟာမိတ်နည်းလမ်းဖြင့်သာ ညှိနှိုင်းဖြေရှင်းရန်
(၂) တော်လှန်ရေးအင်အားစုများကြား နိုင်ငံရေးအရ တန်းတူမှုရှိသည့် ဘုံသဘောထားနှင့် ရှင်းလင်းသည့် မူများအခြေခံပြီး
တပ်ပေါင်းစုတရပ်ကို ရည်ရွယ်ချက်ရှိရှိ တည်ဆောက်ရန်
(၃) ပသုံးလုံးယန္တရား၏ လူထုအပေါ်ထိခိုက်နစ်နာစေသည့် လုပ်ဟန်များအား အမြန်ဆုံးဖြေရှင်းပေးရန်
“တပ်ပေါင်းစု၍ အတူရပ်၊ စစ်သုံးစစ်ကို အမြစ်ဖြတ်”

Arakan Youth Peace Network - AYPN
ASR-ASSOCIATION of SPRING RAINBOW
Chin Students’ Union of Myanmar
Defend Myanmar Democracy
Former ABSDF (Communication & Advisory)
India for Myanmar
Interim Basic Education Federal School Unions' Representative Committee
MyaYar Knowledge Tree
New Generation Force - NGF
Save Myanmar SF
Alliance for Democracy in Myanmar
Anti Dictatorship in Burma DMVPA Area
Sisters2Sisters - S2S
Volunteers in Myanmar
Yangon Deaf Group
ကရင်နီပြည်လူငယ်များသမဂ္ဂ - UKSY
ကျောင်းသားသမဂ္ဂကိုယ်စားလှယ်များကော်မတီ - SURC
ကျောင်းသားသမဂ္ဂများတပ်ပေါင်းစု - မကွေး
ကျောင်းသားအင်အားစုများကွန်ယက် - NSF
ကျောက်တံတားမြို့နယ်သပိတ်ကော််မတီ - KSC
ကြည့်မြင်တိုင်လူငယ်များသပိတ်ကော်မတီ - KYSC
စီဒီအမ်ပညာရေးဝန်ထမ်းများသမဂ္ဂ - CDMUEW
ဆန်မာတေးအိုရ်ဗမာပြည်ကျောင်းသားများအစည်းအရုံး
စစ်ငြိမ်းပန်းဖောင်ဒေးရှင်း
တိုးတက်သောမွတ်စ်လင်မ်လူငယ်အစည်းအရုံး - PMYA
ပဲခူးတက္ကသိုလ်ကျောင်းသားသမဂ္ဂ
ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် - ABFSU
ဗမာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် - ABFTU
ဗမာနိုင်ငံလုံးဆိုင်ရာ တောင်သူလယ်သမား သမဂ္ဂများ အဖွဲ့ချုပ်
ဗမာနိုင်ငံလုံးဆိုင်ရာအမျိုးသမီးများသမဂ္ဂ - ABWU
မုံရွာတက္ကသိုလ်ကျောင်းသားများသမဂ္ဂ
မြန်မာနိုင်ငံ သူနာပြုသားဖွားသင်တန်းကျောင်းများကျောင်းသားသမဂ္ဂအဖွဲ့ချုပ်
ယောလူထုတိုက်ပွဲကော်မတီ
ယိမ်းနွဲ့ပါး - Yain Nweh Par
ရခိုင်ကျောင်းသားများသမဂ္ဂ - ASU
ရန်ကုန်တော်လှန်ညီနောင် ၄ ဖွဲ့ - Y4B
ရန်ကုန်ဖက်ဒရယ်‌ကျောင်း ကျောင်းသားများသမဂ္ဂ - YFSSU
ရန်ကုန်အရှေ့ပိုင်းတက္ကသိုလ်ကျောင်းသားများသမဂ္ဂ
ရတနာပုံတက္ကသိုလ်ကျောင်းသားများသမဂ္ဂ
ရေဘဝဲ (ပြည်သူ့အကျိုးပြု လူငယ်အဖွဲ့အစည်း)
လွတ်လပ်သောလူငယ်များအစည်းအရုံး - IYO
သွေးစွန်း‌ငွေ - BMC
စစ်အာဏာရှင်စနစ်တိုက်ဖျက်ရေး အထွေထွေသပိတ်ကော်မတီ - GSC
အထွေထွေသပိတ်ပေါင်းစပ်ညှိနှိုင်းရေးအင်အားစု - GSCB
အခြားအမည်ဖော်ပြရန် အခက်အခဲရှိသော အဖွဲ့အစည်း (၂)ဖွဲ့

01/02/2026

5 နှစ်ပြည့်ခဲ့ပြီ
ဒီလူအုပ်ကြီးမှာ သင်ပါခဲ့မယ်ဆိုရင် ဒီမေးခွန်းလေးတွေ ကိုယ့်ဘာသာဖြေကြည့်ပါ
အဲ့တုန်းက အချိန်ကိုပြန်တွေးကြည့်ပါ
အဲ့တုန်းက မတရားမှုကို လက်မခံနိုင်တဲ့စိတ်ဓာတ်မျိုး သင့်မှာရှိသေးလား ဒါမှမဟုတ် စစ်အာဏာရှင်ယန္တရားမှာ အသားကျပြီး ပျော်မွေ့နေပြီလား 🫵
သွေးအေးသွားပြီလား
ယခုထိအာဏာရှင်စနစ်မကျဆုံးသေးဘူးနော် လာပါငါတို့အတူတိုက်ထုတ်ကြမယ် ဒါနောက်ဆုံးပွဲပဲ ✊

22/07/2025

◾ ဒဂုံတက္ကသိုလ်ကျောင်းသားများသမဂ္ဂ ဗဟိုအလုပ်အမှုဆောင်

မဝတ်ရည်အောင်
(၂၀၀၀- ၂၀၂၅)

၂၀၀၀ပြည့်နှစ်၊ ဇန်နဝါရီလ ၂၇ ရက်တွင် အဖ ဦးသန်းမောင် (ကွယ်လွန်) ၊ အမိ ဒေါ်လှလှအေးတို့မှ ရန်ကုန်မြို့၌ မွေးဖွားသည်။

မွေးချင်း ငါးဦးအနက် အငယ်ဆုံးသမီး ဖြစ်သည်။ ငယ်မည် မီးမီး၊အပြုံး။

အ.ထ.က.(သုဝဏ္ဏ) တွင် ဆယ်တန်းအောင်မြင်ပြီး ၂၀၁၇ ခုနှစ်တွင် ဒဂုံတက္ကသိုလ်၌ သတ္တဗေဒဘာသာရပ်အထူးပြုဖြင့် ပညာသင်ယူခဲ့သည်။

၂၀၁၈ ခုနှစ်တွင် Unity & Progress ဒဂုံတက္ကသိုလ် ကျောင်းသားအစည်းအရုံးသို့ ဝင်ရောက်ခဲ့သည်။ဒဂုံတက္ကသိုလ် Cheer leaders အဖွဲ့တွင်လည်းပါဝင်ခဲ့သည်။ ထို့နောက် ဒဂုံတက္ကသိုလ်ကျောင်းသားများသမဂ္ဂသို့ဝင်ရောက်ပြီး ကျောင်းသားအရေးကိစ္စများတွင် တက်တက်ကြွကြွ ဆောင်ရွက်ခဲ့သည်။

၂၀၂၀ ပြည့်နှစ်တွင် ဒဂုံတက္ကသိုလ်ကျောင်းသားများသမဂ္ဂ ရွေးကောက်ပွဲကို Unity & Progress ကျောင်းသားများအစည်းအရုံး ကိုယ်စားပြု၍ ဝင်ရောက်ယှဉ်ပြိုင်ကာ အနိုင်ရရှိခဲ့သည်။

ဒဂုံတက္ကသိုလ်ကျောင်းသားများသမဂ္ဂ ဗဟိုအလုပ်အမှုဆောင်အဖွဲ့ဝင်၊ တွဲဖက်အတွင်းရေးမှူး အဖြစ်ဆောင်ရွက်ခဲ့သည်။

၂၀၂၀ပြည့်နှစ် ကိုဗစ်ကပ်ရောဂါကာလအတွင်း ရောဂါထိန်းချုပ်၊ကုသရေးအတွက် Quaratine Center များတွင် စေတနာ့ဝန်ထမ်းအဖြစ် ထမ်းဆောင်ခဲ့သည်။ ရန်ကုန်မြို့တွင်သာမက ရခိုင်ပြည်နယ်အထိသွားရောက်၍ စေတနာ့ဝန်ထမ်းအဖြစ် ဆောင်ရွက်ခဲ့သည်။

၂၀၂၁ စစ်အာဏာသိမ်းပြီးနောက် ဒဂုံတက္ကသိုလ်ကျောင်းသားများသမဂ္ဂနှင့်အတူ စစ်အာဏာရှင်ဆန့်ကျင်ရေးလှုပ်ရှားမှုများတွင် တက်တက်ကြွကြွ ပါဝင်လှုပ်ရှားခဲ့သည်။

၂၀၂၁ ခုနှစ်၊ စက်တင်ဘာလ ၁၄ ရက်တွင် ဒဂုံတက္ကသိုလ်ကျောင်းသားများသမဂ္ဂ ရဲဘော် ၅ဦးနှင့်အတူ စစ်တပ်၏ ဖမ်းဆီးခြင်းခံရသည်။ စစ်ကြောရေး၏ ပြင်းထန်သော နှိပ်စက်မှုများကြောင့် ဖမ်းဆီးခံရပြီး သုံးလအကြာတွင် လေဖြန်းဝေဒနါခံစားရသည်။

၂၀၂၂ ခုနှစ်၊ မတ်လ ၁၀ ရက်တွင် ပုဒ်မ ၅၀၅(က) ဖြင့် ထောင်ဒဏ် သုံးနှစ် ချမှတ်ခံရသည်။ ဧပြီလတွင် ဒိုက်ဦးအကျဉ်းထောင်သို့ ပြောင်းရွှေ့ခံရသည်။ ထို့နောက် ကျန်းမာရေးဆိုးရွားလာသဖြင့် အင်းစိန်ထောင်သို့ ပြန်လည်ပြောင်းရွှေ့ခံရသည်။

၂၀၂၃ ခုနှစ်၊ ဇွန်လ ၂၇ ရက်နေ့တွင် ပုဒ်မ ၅၂(က) ဖြင့် ထောင်ဒဏ် ၄နှစ်ချမှတ်ခံရရာ စုစုပေါင်း ထောင်ဒဏ် ၇နှစ်ဖြစ်လာသည်။

အင်းစိန်အကျဉ်းထောင်အတွင်း ဆိုးရွားသော အကျဉ်းထောင်စနစ်များကြောင့် ဆေးကုသမှူလုံလောက်စွာမရရှိဘဲ ဒဏ်ရာအခံကြောင့် မကြာခဏတက်ခြင်း၊ သတိလစ်ခြင်း ၊ နှလုံးရပ်ခြင်းများ ဖြစ်ပွားခဲ့သည်။

၂၀၂၅ ခုနှစ်၊ ဇူလိုင်လ ၂၀ ရက် နံနက် (၃) နာရီတွင် အင်းစိန်အကျဉ်းထောင်အတွင်း၌ ကျဆုံးခဲ့သည်။

◾ ဒဂုံတက္ကသိုလ်ကျောင်းသားများသမဂ္ဂ ဗဟိုအလုပ်အမှုဆောင်

မဝတ်ရည်အောင်
(၂၀၀၀- ၂၀၂၅)

၂၀၀၀ပြည့်နှစ်၊ ဇန်နဝါရီလ ၂၇ ရက်တွင် အဖ ဦးသန်းမောင် (ကွယ်လွန်) ၊ အမိ ဒေါ်လှလှအေးတို့မှ ရန်ကုန်မြို့၌ မွေးဖွားသည်။

မွေးချင်း ငါးဦးအနက် အငယ်ဆုံးသမီး ဖြစ်သည်။ ငယ်မည် မီးမီး၊အပြုံး။

အ.ထ.က.(သုဝဏ္ဏ) တွင် ဆယ်တန်းအောင်မြင်ပြီး ၂၀၁၇ ခုနှစ်တွင် ဒဂုံတက္ကသိုလ်၌ သတ္တဗေဒဘာသာရပ်အထူးပြုဖြင့် ပညာသင်ယူခဲ့သည်။

၂၀၁၈ ခုနှစ်တွင် Unity & Progress ဒဂုံတက္ကသိုလ် ကျောင်းသားအစည်းအရုံးသို့ ဝင်ရောက်ခဲ့သည်။ဒဂုံတက္ကသိုလ် Cheer leaders အဖွဲ့တွင်လည်းပါဝင်ခဲ့သည်။ ထို့နောက် ဒဂုံတက္ကသိုလ်ကျောင်းသားများသမဂ္ဂသို့ဝင်ရောက်ပြီး ကျောင်းသားအရေးကိစ္စများတွင် တက်တက်ကြွကြွ ဆောင်ရွက်ခဲ့သည်။

၂၀၂၀ ပြည့်နှစ်တွင် ဒဂုံတက္ကသိုလ်ကျောင်းသားများသမဂ္ဂ ရွေးကောက်ပွဲကို Unity & Progress ကျောင်းသားများအစည်းအရုံး ကိုယ်စားပြု၍ ဝင်ရောက်ယှဉ်ပြိုင်ကာ အနိုင်ရရှိခဲ့သည်။

ဒဂုံတက္ကသိုလ်ကျောင်းသားများသမဂ္ဂ ဗဟိုအလုပ်အမှုဆောင်အဖွဲ့ဝင်၊ တွဲဖက်အတွင်းရေးမှူး အဖြစ်ဆောင်ရွက်ခဲ့သည်။

၂၀၂၀ပြည့်နှစ် ကိုဗစ်ကပ်ရောဂါကာလအတွင်း ရောဂါထိန်းချုပ်၊ကုသရေးအတွက် Quaratine Center များတွင် စေတနာ့ဝန်ထမ်းအဖြစ် ထမ်းဆောင်ခဲ့သည်။ ရန်ကုန်မြို့တွင်သာမက ရခိုင်ပြည်နယ်အထိသွားရောက်၍ စေတနာ့ဝန်ထမ်းအဖြစ် ဆောင်ရွက်ခဲ့သည်။

၂၀၂၁ စစ်အာဏာသိမ်းပြီးနောက် ဒဂုံတက္ကသိုလ်ကျောင်းသားများသမဂ္ဂနှင့်အတူ စစ်အာဏာရှင်ဆန့်ကျင်ရေးလှုပ်ရှားမှုများတွင် တက်တက်ကြွကြွ ပါဝင်လှုပ်ရှားခဲ့သည်။

၂၀၂၁ ခုနှစ်၊ စက်တင်ဘာလ ၁၄ ရက်တွင် ဒဂုံတက္ကသိုလ်ကျောင်းသားများသမဂ္ဂ ရဲဘော် ၅ဦးနှင့်အတူ စစ်တပ်၏ ဖမ်းဆီးခြင်းခံရသည်။ စစ်ကြောရေး၏ ပြင်းထန်သော နှိပ်စက်မှုများကြောင့် ဖမ်းဆီးခံရပြီး သုံးလအကြာတွင် လေဖြန်းဝေဒနါခံစားရသည်။

၂၀၂၂ ခုနှစ်၊ မတ်လ ၁၀ ရက်တွင် ပုဒ်မ ၅၀၅(က) ဖြင့် ထောင်ဒဏ် သုံးနှစ် ချမှတ်ခံရသည်။ ဧပြီလတွင် ဒိုက်ဦးအကျဉ်းထောင်သို့ ပြောင်းရွှေ့ခံရသည်။ ထို့နောက် ကျန်းမာရေးဆိုးရွားလာသဖြင့် အင်းစိန်ထောင်သို့ ပြန်လည်ပြောင်းရွှေ့ခံရသည်။

၂၀၂၃ ခုနှစ်၊ ဇွန်လ ၂၇ ရက်နေ့တွင် ပုဒ်မ ၅၂(က) ဖြင့် ထောင်ဒဏ် ၄နှစ်ချမှတ်ခံရရာ စုစုပေါင်း ထောင်ဒဏ် ၇နှစ်ဖြစ်လာသည်။

အင်းစိန်အကျဉ်းထောင်အတွင်း ဆိုးရွားသော အကျဉ်းထောင်စနစ်များကြောင့် ဆေးကုသမှူလုံလောက်စွာမရရှိဘဲ ဒဏ်ရာအခံကြောင့် မကြာခဏတက်ခြင်း၊ သတိလစ်ခြင်း ၊ နှလုံးရပ်ခြင်းများ ဖြစ်ပွားခဲ့သည်။

၂၀၂၅ ခုနှစ်၊ ဇူလိုင်လ ၂၀ ရက် နံနက် (၃) နာရီတွင် အင်းစိန်အကျဉ်းထောင်အတွင်း၌ ကျဆုံးခဲ့သည်။

ဒဂုံတက္ကသိုလ်ကျောင်းသားများသမဂ္ဂ

Central Executive Committee Member of the Dagon University Students' Union

Wutt Yi Aung
(2000 – 2025)

Ma Wut Yi Aung was born on January 27, 2000, in Yangon to her parents U Than Maung (deceased) and Daw Hla Hla Aye.
She was the youngest of five siblings. Her childhood nickname was "Mi Mi" and A Pyone(Smile ).
She completed her matriculation at Basic Education High School (Thuwunna) and enrolled at Dagon University in 2017, specializing in Zoology.
In 2018, she have joined the Unity & Progress ( student organization) at Dagon University. She was also a member of the Dagon University cheerleader team. After that, she became actively involved with the Dagon University Students' Union, dedicating herself to student affairs.
In 2020, she contested in the Dagon University Students' Union election, representing by the Unity & Progress student group, and she won.
Ma Wutt Yi Aung served avtively as a Central Executive Committee member and Joint General Secretary of the Students' Union.
During the COVID-19 pandemic in 2020, she was also volunteered at quarantine centers to support disease control and treatment efforts—not only in Yangon but also in Rakhine State.
Following the military coup in 2021, she actively participated in anti-dictatorship movements together with the Dagon University Students' Union.
On September 14, 2021, she was arrested by the military along with five other members of the Dagon University Students' Union. Due to the harsh and abusive treatment during military interrogation, she began experiencing severe physical and mental trauma after three months of detention.
On March 10, 2022, she was sentenced to three years in prison under Penal Code Section 505(a). In April, she was transferred to Daik-U Prison. Due to worsening health, she was later moved back to Insein Prison.
On June 27, 2023, she was sentenced to an additional four years under Section 52(a), bringing her total prison sentence to seven years.
While imprisoned at Insein Prison, she suffered from serious health issues due to the harsh prison conditions and lack of adequate medical care. She frequently lost consciousness and suffered from heart-related complications.
On July 20, 2025, at 3:00 a.m., Ma Wut Yi Aung passed away and was honored inside Insein Prison.

Dagon University Students' Union

12/05/2025

⬛ ဒီပဲယင်းမြို့နယ်၊ အိုးထိန်းတွင်းကျေးရွာရှိ ပြည်သူ့အခြေပြုပညာရေးဖော်ဆောင်နေသော စာသင်ကျောင်း ဗုံးကြဲတိုက်ခိုက်ခံရမှုနှင့်ပတ်သက်၍ ပူးတွဲသဘောထားထုတ်ပြန်ချက်

12/04/2025

" တမာမိုး သံချပ် ၂၀၂၅”

မြန်မာနိုင်ငံတဝှမ်းလုံးရှိ တက္ကသိုလ်(၁၂) ခုမှ သမဂ္ဂကျောင်းသား/ကျောင်းသူများ ပါဝင်ဖျော်ဖြေထားသော “အတာစိုးမယ့် တမာမိုးသံချပ်”

🌧️ “အတာမိုးနဲ့ တံလျှပ်လာသလို သံချပ်ကဗျာမို့ သံချပ်မကာဘူး”
________________________
တေးဂီတ၊ အသံဖမ်းနှင့် studio- String Café
ရိုက်ကူးရေး-ကိုဖိုးသင်္ကြန်၊ တယောကိုဖိုးစံ၊ ကိုအံ့ထူး၊ ကိုညီ။

“တမာမိုးသံချပ် ၂၀၂၅” ကို ဖြစ်မြောက်အောင် အဘက်ဘက်က ကူညီပေးကြတဲ့ ကိုအငယ်ဆုံးလေး၊ ဒေါက်တာဝေယံလင်း၊ ကိုအေးချမ်း၊ ကိုထန်ထန်၊ String Café နဲ့ အနယ်နယ်အရပ်ရပ်က တမာမိုးအဖွဲ့သားများအားလုံးကို ကျေးဇူးအထူးတင်ရှိပါတယ်။

#တမာမိုး #တမာမိုးသံချပ် #သံချပ်

26/11/2024

"အမျိုးသားနွေဦး"

ငါတို့ "နွေဦး"တွေ ၊ မျက်ကန်းမဟုတ်ဘူး။
ဦးနှောက်မမဲ့ ၊ အသိမပဲ့ဘူး။
နှလုံးသားမရွဲ့ ၊ ခြေလှမ်းမနွဲ့ဘူး။
ဝင်သက်ထွက်သက်တိုင်း ၊ ပစ်မှတ်မပြောင်းဘူး။
ပလ္လင်ပေါ်က"ခွေး"နဲ့ ၊ ခွေးဖင်အောက်က"ယီးတပ်"
ဒင်းတို့ သောက်ကျင့် ၊ သောက်မွှေးတောင်မကျန်စေရ။
ဒါ------- ငါတို့ နွေဦးတွေရဲ့ "အမိန့်"
အမျိုးသားနွေဦး အောင်စေ ပြီးစေ တက်စေ။
တော်လှန်နွေဦး ချီလေ ပြည့်စေ ပြတ်စေ။

ရှင်မြတ်နိုးဦး
(၂၃-၁၁-၂၀၂၄)

#အမျိုးသား‌အောင်ပွဲ‌နေ့အထိမ်းအမှတ်
#ကဗျာတင်ဆက်ခြင်း

25/11/2024

⬛အမျိုးသားနေ့မှသည်...
*************************

မြန်မာထုကို
ကျွန်ပြုစေရေး ကောက်ကျစ်တွေးသည့်
ညစ်ထွေးအကြံ ဖက်ဆစ်ဉာဏ်ကို
တွန်းလှန်ကြိုးစား အမျိုးသားတို့
နိုးကြားမဆိတ် ကြိုးစားဖိတ်၍
သပိတ်လှုပ်ရှား ပြည်သူများနှင့်
ကျောင်းသားမကျန် ရဲစိတ်ထန်သည်
ကြိမ်ဖန်မမေ့ ထိုထိုနေ့...။

သုံးကြိမ်ကြိုးပမ်း နယ်ချဲ့သရမ်း၏
မှန်းချက်မထင် ဝေးဝေးကြဥ်လည်း
အစဥ်နိုးကြား အမျိုးသားတို့
စွမ်းအားဝရဇိန် မျိုးချစ်အိမ်မှာ
စိန်ရွှေတမျှ ဖိုးတန်လှ၍
မှတ်ကြအဟုတ် တန်ဆောင်ထုတ်လျက်
လဆုတ်ဆယ်ရက် နေ့ထူးမြတ်...။

ယနေ့ချိန်ခါ စစ်မိစ္ဆာလည်း
အာဏာရူးလျက် တိုင်းပြည်ဖျက်၍
အသက်များစွာ သတ်ဖြတ်လာသမို့
ငါတို့ကျောင်းသား ငြိမ်မနေအားဘဲ
တရားသောဘက် ရပ်ချီတက်ကာ
လက်နက်ကိုင်ဆွဲ တော်လှန်ဇွဲနှင့်
တောထဲတောင်ကြား တို့ကျောင်းသားတွေ
‌ကြိုးစားလျှောက်လှမ်း မမောပန်းပေါ့
တောလမ်းဆီက မွှေးမြမြလှိုင်
လှပတင့်ဆန်း တော်လှန်ပန်းတို့
စခန်းလျှိုလျှို လမ်းထိုထိုဝယ်
ဆောင်းကိုအံတု နွေမမှုဘဲ
မိုးဥတုဒဏ် ခါးဆီးခံသည်
တော်လှန်စစ်သား အမျိုးကောင်းများ။

နေရှင်နယ်ဒေး တည်တံ့ရေးတွက်
မမေ့အပ်ကြောင်း မြေပြင်ကျောင်းတိုင်း
ထပ်လောင်းလေးမြတ် ကဗျာဖတ်၍
တွေးမှတ်စာစီ နေ့ထူးမည်ကို
ရေးသီမဆုံး စာစီကုံးလျက်
နှလုံးအိမ်တိုး ခိုဝင်ပျိုးသည်
အမျိုးသားနေ့ ဘယ်မမေ့...။

ကန်ညီနောင်ရွှေဗျိုင်း

#အမျိုးသား‌အောင်ပွဲ‌နေ့အထိမ်းအမှတ်
#ကဗျာတင်ဆက်ခြင်း

05/10/2024

⬛ကမ္ဘာ့ဆရာများနေ့အခမ်းအနားသို့ ပေးပို့သော သ၀ဏ်လွှာ

08/08/2024

NEVER FORGET !
NEVER FORGIVE !
NEVER GIVE UP ✊

19/07/2024

ဇူလိုင် ၁၉ အာဇာနည်နေ့လှုပ်ရှားမှု
===================

"ကျဆုံးလေပြီးသော အာဇာနည်ခေါင်းဆောင်ကြီးများနှင့်တကွ တိုင်းပြည်နှင့်လူထုအတွက် မိမိအသက်ပေးဆပ်စွန့်လွှတ်သွားကြသည့် အာဇာနည်အပေါင်းတို့အား အလေးပြု "⭐️

📣ဇူလိုင် ၁၉ ရက် ၁၀:၃၇ မိနစ်တိတိတွင် ကား၊ ဆိုင်ကယ်၊ သင်္ဘော၊ ရထား အသီးသီးတို့ မှ ဟွန်းတီးကြရန် ၊ ဥသြဆွဲကြရန်

📣ဥသြသံနဲ့ ဟွန်းသံကို ကြားသည်နှင့် တပြိုင်နက် ရောက်ရာ အရပ်မှ သတိဆွဲ အလေးပြုကြရန်

📣မိမိတို့ မြို့ရွာများရှိ အာဇာနည်ကျောက်တိုင်များ၊ ဗိုလ်ချုပ်ရုပ်ထုများ ဆီသို့ ချီတက်ဂါဝရပြုကြရန်

❗️" ဖက်ဆစ်အခက်-လူထုအချက်" ဟေ့ ။❗️

အားနည်းပြိုကျနေပြီ ဖြစ်တဲ့ မင်းအောင်လှိုင်နဲ့ စစ်အုပ်စုကို ဆုံးမှတ် ( Ending Point) ထိရောက်အောင် ပြည်သူတွေ ညီညာဖြဖြ ရုန်းကန် အုံကြွကြပါစို့။

ပြည်သူအပေါင်း မျှော်ရည်တဲ့ အဆုံးသတ်ပန်းတိုင်ကို ပြည်သူအားလုံး ပါဝင်တဲ့ လူထုတိုက်ပွဲ၊ လူထု အထွေထွေ အုံကြွမှုကြီးနဲ့ ပုံဖော်ကြပါစို့ ။

‼️" တို့ပြည်သူတွေ ညီရဲ့လားဟေ့

ညီတယ်ဟေ့ ညီတယ်ဟေ့ "‼️

#အဆုံးသတ်တိုက်ပွဲကိုအာဇာနည်တွေသွေးနဲ့ရေးထိုးကြ

11/07/2024

ဗကသများအဖွဲ့ချုပ်အဖွဲ့ဝင် ကျောင်းသား ရဲဘော်မြင့်မြတ်ဦး မတရားသတ်ဖြတ်ခံရခြင်းနှင့် ပတ်သက်၍ သဘောထား ထုတ်ပြန်ချက်

"မတရားမှုမှန်သမျှ ဆန့်ကျင်တွန်းလှန်ကြ"

09/07/2024

တော်လှန်ရေး ရှည်ကြာလာတာနဲ့အမျှ တော်လှန်ရေး အကျိုးစီးပွါး၊ လူထု အကျိုးစီးပွါးပေါ်ကနေ လမ်းလွဲ သွားပြီး တစ်ကိုယ်ရည် အတ္တအကျိုး နဲ့ အစုအဖွဲ့ တစ်ခုတည်း ရဲ့အကျိုးကိုသာ ဦးတည် လာတာတွေ ဒေသတော်တော်များများမှာ ဖြစ်ပေါ်လာပါတယ်။
တော်လှန်ရေး အင်အားစုတွေ အနေနဲ့ ရပ်တည်ချက် ပိုမို ခိုင်မာလာစေဖို့နဲ့၊ တော်လှန်ရေးမှာ လူထုဘက်က ပြတ်သားစွာ ရပ်တည် တိုက်ပွဲဝင်နိုင်ဖို့ ကျနော် တို့ ကျောင်းသားသမဂ္ဂများ က
"တော်လှန်ရေး ဗန်းပြပြီး ကိုယ်ကျိုးမရှာနဲ့ ၊ photo cover campaign ကို တော်လှန်ရေး ရဲ့ တွန်းအားတခုအဖြစ် အပြုသဘောဆောင် ပြုလုပ်ရခြင်းဖြစ်ပါတယ်။
ဘုံရန်သူ(စစ်အုပ်စု) တူကြတဲ့ တော်လှန်ရေး အင်အားစုများ အနေနှင့်လည်း အဖွဲ့အစည်း တခုနှင့် တခုကြား အပြန်အလှန်ထိန်းကျောင်း နိုင်ကြစေရန်လည်း ရည်ရွယ်ပါသည်။
ဒါ့ကြောင့် ဒီcampaign မှာ ပါဝင်ပေးကြဖို့ တော်လှန်ရေး အင်အားစု များကို ဖိတ်ခေါ်လိုက်ပါတယ်။

#တော်လှန်ရေး_ဗန်းပြပြီး_ကိုယ်ကျိုးမရှာနဲ့။