17/03/2026
"စုံ/မ" စနစ်ကို ဖျက်သိမ်းဖို့ တောင်းဆိုသံတွေ ကျယ်လောင်လာနေပြီ
"ဆီကိုလည်း QR နဲ့ ကန့်သတ်ထားပြီ၊ ပမာဏကိုလည်း သတ်မှတ်ထားပြီ... ဒါဆို လမ်းပေါ်မှာ စုံ/မ စစ်ပြီး ဖမ်းနေတာက ပြည်သူကို ဒုက္ခပေးတာ သက်သက်ပဲ မဟုတ်ဘူးလား?"
လက်ရှိ နေပြည်တော်၊ ရန်ကုန်၊ မန္တလေးနဲ့ တောင်ကြီးမြို့တွေမှာ QR စနစ်နဲ့ စက်သုံးဆီ ရောင်းချနေမှုအပေါ် ပြည်သူတွေရဲ့ ဝေဖန်သံတွေ အတော်လေး ပြင်းထန်လာနေပါတယ်။ အဓိကအချက်ကတော့ ဆီကို QR နဲ့ ထိန်းချုပ်ထားပြီးသား ဖြစ်နေတာကြောင့် လမ်းပေါ်မှာ "စုံ/မ" ခွဲခြား မောင်းနှင်ခိုင်းနေတာဟာ အပိုအလုပ်တွေ ဖြစ်နေတယ်လို့ မြို့ခံတွေက ဆိုပါတယ်။
"တိုင်းပြည်ပိုက်ဆံ ဖြုန်းတာ သက်သက်ပဲ"
ရန်ကုန်မြို့ခံ ကားပိုင်ရှင်တစ်ဦးကတော့ "တစ်ခါထည့်ရင် ၁၅ လီတာထက် ပိုမရဘူး၊ တဆိုင်မှာ ထည့်ပြီးရင် နောက်ဆိုင်မှာ ထည့်မရအောင်လည်း QR နဲ့ လုပ်ထားပြီးသား။ ဒါဆို စုံရက်မှာ မကား ထွက်ထွက်၊ မရက်မှာ စုံကား ထွက်ထွက်... သတ်မှတ်ထားတာထက် ပိုပေးစရာမှ မလိုတာ။ ဘာလို့ အချိန်တွေ၊ လူအင်အားတွေသုံးပြီး လမ်းပေါ်မှာ လိုက်ဖမ်းနေတာလဲ" လို့ ထိထိမိမိ ဝေဖန်လိုက်ပါတယ်။
"ကလေးတွေ ကျောင်းပို့တာတောင် အဖမ်းခံနေရတယ်"
နောက်ထပ် စိုးရိမ်စရာ တစ်ချက်ကတော့ ကျောင်းကားတွေ ခွင့်ပြုထားတယ် ဆိုပေမဲ့ ကလေးတွေကို ကျောင်းပို့တဲ့ အိမ်ကားတွေကိုတော့ ထောက်ခံစာပါပါလျက်နဲ့ ဖမ်းဆီးမှုတွေ ရှိနေတာပါ။ ဒါဟာ လူငယ်တွေရဲ့ ပညာရေးကိုပါ ထိခိုက်စေပြီး တိုင်းပြည်ရဲ့ ကုန်ထုတ်စွမ်းအားကို ကန့်သတ်လိုက်တာပဲ ဖြစ်ပါတယ်။
ပြည်သူတွေရဲ့ အကြံပြုချက်ကတော့ ရှင်းပါတယ် -
QR ကုဒ်စနစ်နဲ့ ဆီရောင်းတာကို လက်ခံတယ်။
ဒါပေမဲ့... "စုံ/မ" ခွဲပြီး လမ်းပေါ်မှာ မောင်းနှင်ခွင့်ကိုတော့ အမြန်ဆုံး ပယ်ဖျက်ပေးရမယ်။
တကယ်လို့ စုံ/မ ခွဲချင်ရင် ဆီဆိုင်မှာပဲ အလှည့်ကျ ဆီထည့်တဲ့ စနစ်ကိုပဲ ကျင့်သုံးသင့်ပါတယ်။
ပြည်သူတွေ နေ့စဉ်ဘဝကို အဆင်ပြေပြေ ဖြတ်သန်းနိုင်ဖို့ဆိုရင် အနှစ်သာရမရှိတဲ့ ကန့်သတ်ချက်တွေကို ဖယ်ရှားပေးဖို့ အချိန်တန်နေပါပြီ။
မိဘပြည်သူတို့ရော ဘယ်လိုမြင်ကြလဲဗျာ? "စုံ/မ" စနစ်ကြောင့် ဘယ်လို အခက်အခဲတွေ ကြုံနေရလဲ... Comment မှာ ဝင်ရောက် ဆွေးနွေးသွားကြပါဦး။
#စက်သုံးဆီ #စုံမစနစ် #ရန်ကုန် #သတင်း
