GAD Bogalay

11/05/2026

လေဖိအားနည်းရပ်ဝန်းအခြေအနေ
===================
၂၀၂၆ ခုနှစ်၊ မေလ ၁၁ ရက်နေ့ မြန်မာစံတော်ချိန် ၁၆:၀၀ နာရီအချိန် ထုတ်ပြန်ချက်
===================================================
ယနေ့မြန်မာစံတော်ချိန် ၁၅:၃၀ နာရီအချိန် တိုင်းထွာချက်များအရ ဘင်္ဂလားပင်လယ်အော် အနောက်တောင်ပိုင်း (သီရိလင်္ကာနိုင်ငံမြောက်ပိုင်းကမ်းလွန်) တွင် ဖြစ်ပေါ်နေသော လေဖိအားနည်း ရပ်ဝန်း (Low Pressure Area) သည် ဆက်လက်တည်ရှိနေပါသည်။ အဆိုပါ လေဖိအားနည်းရပ်ဝန်း သည် နောက် ၄၈ နာရီအတွင်း ပိုမိုအားကောင်းလာနိုင်သည်ဟု ခန့်မှန်းရပါကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သတင်းထုတ်ပြန်ထားပါသည်။

11/05/2026

လေဖိအားနည်းရပ်ဝန်းအခြေအနေ
==========================
၂၀၂၆ ခုနှစ်၊ မေလ ၁၁ ရက်နေ့ မြန်မာစံတော်ချိန် ၁၂:၀၀ နာရီအချိန် ထုတ်ပြန်ချက်
====================================================
ယနေ့မြန်မာစံတော်ချိန် ၁၀:၃၀ နာရီအချိန် တိုင်းထွာချက်များအရ ဘင်္ဂလားပင်လယ်အော် အနောက်တောင်ပိုင်း (သီရိလင်္ကာနိုင်ငံမြောက်ပိုင်းကမ်းလွန်) တွင် လေဖိအားနည်းရပ်ဝန်း (Low Pressure Area) တစ်ခု ဖြစ်ပေါ်နေပါသည်။ အဆိုပါ လေဖိအားနည်းရပ်ဝန်းသည် နောက် ၄၈ နာရီ အတွင်း ပိုမိုအားကောင်းလာနိုင်သည်ဟု ခန့်မှန်းရပါကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သတင်းထုတ်ပြန်ထားပါသည်။

11/05/2026

11/05/2026

ဘိုကလေးမြို့နယ်တွင် ၂၀၂၅-၂၀၂၆ ပညာသင်နှစ် လူရည်ချွန်မောင်မယ် (၂)ဦးအား ကြိုဆို ဂုဏ်ပြု

၂၀၂၆ ခုနှစ် မေလ (၁၁)ရက်

ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်တွင် ၂၀၂၅-၂၀၂၆ ပညာသင်နှစ်၌ အ.ထ.က(မြင်းကကုန်း)ကျောင်းမှ G-9 ကျောင်းသူ မစုရတီမြင့်နှင့် အ.လ.က(၂)ကျောင်းမှ G-9 ကျောင်းသား မောင်ဇွဲမြတ်ပိုင်လင်း တို့ လူရည်ချွန်(၂)ဦး ပေါ်ထွက်ခဲ့ရာ ယနေ့နံနက်(၇)နာရီ အချိန်တွင် ၎င်းလူရည်ချွန်မောင်မယ် (၂)ဦးအား ကြိုဆိုဂုဏ်ပြုပွဲ ကျင်းပဆောင်ရွက်သည်။
ကြိုဆိုရာတွင် ဘိုကလေးမြို့၊အမှတ်(၁)အခြေခံပညာအထက်တန်းကျောင်းရှေ့မှ စတင်၍ လွှတ်တော်ကိုယ်စားလှယ်များ၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးဇော်ဝင်းလှိုင်နှင့် ကော်မတီဝင်များ၊ မြို့နယ်ပညာရေးမှူး ဦးနန်းထိုက်ကျော် အပါအဝင် ဌာနဆိုင်ရာများ၊ ပညာရေးဝန်ထမ်းများ၊ ကျောင်းသား/သူများ တက်ရောက်၍ ပန်စည်း၊ ပန်းကုံး၊ သပြေခက် စသော လက်ဆောင်များပေးအပ်ကြိုဆိုခဲ့ကြသည်။
ဆက်လက်၍ ဂုဏ်ပြုပွဲကို မြို့တော်ခန်းမ၌ ဆက်လက်ကျင်းပရာ ဘိုကလေးမြို့၊ အ.ထ.က(၁)ကျောင်းသူ ဆို၊ က၊ ရေး၊ တီး ဗဟိုအဆင့် ရွှေတံဆိပ်ဆုရှင် မအေးငြိမ်းသူက လူရည်ချွန် သီချင်းသီဆို၍ ဂုဏ်ပြုပွဲအား ဖွင့်လှစ်ခြင်း၊ ပြည်သူ့လွှတ်တော်ကိုယ်စားလှယ် ဦးစန်းမောင်နှင့် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးဇော်ဝင်းလှိုင်တို့က ယခုကြိုဆိုဂုဏ်ပြုပွဲ တက်ရောက်လာကြသည့် ကျောင်းသား/သူများသည် လူရည်ချွန်များအား အားကျအတုယူ၍ ၎င်းတို့ကဲ့သို့ ကြိုးစားချင်စိတ်များ ဖြစ်ပေါ်လာရေးအတွက် ယခုကြိုဆိုဂုဏ်ပြုပွဲအား ကျင်းပခြင်းဖြစ်ကြောင်း၊ လူရည်ချွန်များကလည်း ထာဝရ လူရည်ချွန်များ ဖြစ်ပေါ်စေရေး အစဉ်တစိုက်ကြိုးပမ်း အားထုတ် နေထိုင်ပြုမူကြရန် လိုအပ်ကြောင်း ဂုဏ်ပြုအမှာစကား အသီးသီး ပြောကြားခြင်း၊ လူရည်ချွန်များအား တာဝန်ရှိသူများက ဂုဏ်ပြုဆုအသီးသီး ချီးမြင့်ခြင်း၊ အ.ထ.က(၃) ကျောင်းသား/သူများက မြန်မာ့ကျောင်း သီချင်း ဂုဏ်ပြုသီဆိုခြင်းတို့ ကျင်းပဆောင်ရွက်ခဲ့ကြကြောင်း သိရသည်။
သတင်းပေးပို့---မိုးစက်(ဘိုကလေး)

05/05/2026

အင်အားအနည်းငယ်ရှိသော မြေငလျင်တစ်ခုလှုပ်ရှား
-------------------------------------------------
၂၀၂၆ ခုနှစ်၊ မေလ ၅ ရက်နေ့၊ မြန်မာစံတော်ချိန် (၁၀)နာရီ၊ (၄၀)မိနစ်၊ (၅၅) စက္ကန့် အချိန်တွင် မြစ်ကြီးနားမြေငလျင်စခန်းမှ အနောက်ဘက် မိုင် (၆၀) ခန့်ကွာဝေးသော မြန်မာနိုင်ငံ ပြည်တွင်း (ကာမိုင်းမြို့၏ အနောက်ဘက်(၁၃) မိုင်ခန့်အကွာ)၊ မြောက်လတ္တီတွဒ် (၂၅.၅၀) ဒီဂရီ၊ အရှေ့ လောင်ဂျီတွဒ် (၉၆.၅၁) ဒီဂရီ၊ အနက် (၁၀) ကီလိုမီတာကို ဗဟိုပြု၍ ပမာဏ ၄.၅(M) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားသည်ကို တိုင်းထွာရရှိပါကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သတင်းထုတ်ပြန်ထားပါသည်။

Sorce - မိုးလေဝသနှင့်ဇလဗေဒညွှန်ကြားမှုဦးစီးဌာန

04/05/2026

ကျေးရွာမြေငှားဂရမ်ထုတ်ပေးရေးလုပ်ငန်းစဉ်များနှင့်ပတ်သက်၍ ရှင်းလင်းဆွေးနွေးပွဲကျင်းပ
---------------------------------------------------
၂၀၂၆ ခုနှစ်၊ မေလ(၄)ရက်နေ့တွင် ဘိုကလေးမြို့နယ်၊ ဘုရားချောင်းကျေးရွာအုပ်စု၊ ဘုရားချောင်းကျေးရွာ၊ ဒေါ်တင်မြတရားရိပ်သာ၌ အစိုးရသစ်၏ ရက်(၁၀၀)စီမံချက်ဖြင့် ကျေးရွာမြေငှားဂရန်ထုတ်ပေးရေးလုပ်ငန်းအကောင်အထည်ဖော်ဆောင်ရွက်နိုင်ရေးအတွက် တိုင်းဒေသကြီးလွှတ်တော်ကိုယ်စားလှယ် ဦးလှဌေး၊ မြေငှားဂရန်ထုတ်ပေးရေးမြို့နယ်လုပ်ငန်းအဖွဲ့ ဥက္ကဌ ၊ မြို့နယ်အုပ်ချုပ်ရေးမှူး ဦးဇော်ဝင်းလှိုင်နှင့် မြို့နယ်လုပ်ငန်းအဖွဲ့ဝင်များသည် ကျေးရွာမြေငှားဂရန်ထုတ်ပေးရေးလုပ်ငန်းအဖွဲ့ဝင်များ၊မြေငှားဂရန်ထုတ်ပေးရန်အဆိုပြုသူများနှင့်တွေ့ဆုံ၍ ကျေးရွာမြေငှားဂရန်ထုတ်ပေး​​ရေးလုပ်ငန်းစဥ်များနှင့်ပတ်သက်၍ ရှင်းလင်းဆွေးနွေးပွဲကျင်းပပြုလုပ်ခဲ့ပါသည်။

04/05/2026

(၈၀)နှစ်မြောက် မြန်မာနိုင်ငံမီးသတ်တပ်ဖွဲ့နေ့ကို ဂုဏ်ပြုကြိုဆိုသောအားဖြင့် ၂၀၂၆ ခုနှစ်၊ မေလ(၃)ရက်နေ့တွင် ဘိုကလေးမြို့နယ် မီးသတ်ဦးစီးဌာနအောက်ရှိ မီးသတ်စခန်းများမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များစုပေါင်း၍ ဘိုကလေးမြို့ရှိ တောင်လကျ်ာစေတီတော်၊ စက်ဆန်းကျေးရွာရှိ နေယျဝိလာသစေတီတော်၊ ကဒုံကနိကျေးရွာရှိ ဇိနမာရ်အောင်ဘုရားကြီးအား ရေသပ္ပါယ်ခြင်း၊ ဘုရားဝန်းအတွင်းသန့်ရှင်းရေး ပြုလုပ်ခြင်းနှင့် ပန်း၊ ရေချမ်း၊ ဆီးမီ ကပ်လှူပူဇော်ခြင်းများ ဆောင်ရွက်ခဲ့ကြောင်း သိရှိရပါသည်။

02/05/2026

မြေငလျင်သတင်း

၂၀၂၆ ခုနှစ်၊ မေလ ၂ ရက်နေ့၊ မြန်မာစံတော်ချိန် (၁၂)နာရီ၊ (၀၃)မိနစ်၊ (၂၈) စက္ကန့် အချိန်တွင် ကမ္ဘာအေးမြေငလျင်စခန်းမှ အနောက်ဘက် (၃၅) မိုင်ခန့်ကွာဝေးသော မြန်မာနိုင်ငံ ပြည်တွင်း (မအူပင်မြို့၏ မြောက်ဘက်(၁၂) မိုင် ခန့်အကွာ)၊ မြောက်လတ္တီတွဒ် (၁၆.၉၀) ဒီဂရီ၊ အရှေ့လောင်ဂျီတွဒ် (၉၅.၆၂) ဒီဂရီ၊ အနက် (၁၀) ကီလိုမီတာကို ဗဟိုပြု၍ ပမာဏ ၃.၅ (M) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သတင်းထုတ်ပြန်ထားပါသည်။

Source - မိုးလေဝသနှင့်ဇလဗေဒညွှန်ကြားမှုဦးစီးဌာန

01/05/2026

၂၀၂၆ ခုနှစ်၊ မေလ (၁)ရက်နေ့တွင် တိုင်းဒေသကြီးလွတ်တော်ကိုယ်စားလှယ် ဦးလှဌေး၊မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ ဦးဇော်ဝင်းလှိုင်နှင့်အဖွဲ့ဝင်များ လိုက်ပါလျှက် ၂၀၂၆-၂၀၂၇ ဘဏ္ဍာရေးနှစ်တွင် ပြည်ထောင်စုခွင့်ပြုရန်ပုံငွေဖြင့်ဆည်မြောင်းနှင့်ရေအသုံးချမှု့စီမံခန့်ခွဲရေးဦးစီးဌာနမှ တာဝန်ယူဆောင်ရွက်သည့် ဒေါင့်ကြီးအရှေ့ကျွန်းပတ်တာရေချိုသွင်းမြောင်းတူးဖော်ခြင်းလုပ်ငန်းအား ကွင်းဆင်းကြည့်ရှု့စစ်ဆေးခဲ့ပါသည်။ အဆိုပါမြောင်းမှာ အလျား(၇၀၀၀)ပေနှင့် မြေကြီးကျင်း(၁၃၇၄၆)ကျင်းဆောင်ရွက်ရမည်ဖြစ်ပြီးမိုးမကျမှီပြီးစီးအောင်ဆောင်ရွက်သွားမည့်လုပ်ငန်းတစ်ခု​ဖြစ်ပါသည်။အဆိုပါမြောင်းအားတူးဖော်ပေးခြင်းကြောင့်လယ်ယာမြေများမိုးရာသီရေကြီးနစ်မြုပ်မှု့မှကာကွယ်ပေးမည်ဖြစ်ပြီးနွေသီးထပ်(၂၀၀)ဧကတိုးတက်စိုက်ပျိုးလာနိုင်မည်ဖြစ်ပါသည်။

30/04/2026

၂၀၂၆ ခုနှစ်၊ ‌ဧပြီလ(၃၀)ရက်နေ့ (၁၂၀၀)နာရီအချိန်တွင် ဘိုကလေးမြို့နယ်၊ သာပေါင်းကျေးရွာအုပ်စု၊ သာပေါင်းကျေးရွာတွင် အစိုးရသစ်၏ ရက်(၁၀၀)စီမံချက်ဖြင့် နိုင်ငံသားစိစစ်ရေးကဒ်များ ဆောင်ရွက်ပေးမှုအား လွှတ်တော်ကိုယ်စားလှယ်များ၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးဇော်ဝင်းလှိုင်နှင့် ကော်မတီဝင်များက လှည့်လည်ကြည့်ရှုအားပေးခဲ့ပါသည်။

30/04/2026

ဘိုကလေးမြို့နယ်တွင် ကမ္ဘာ့ကာကွယ်ဆေးထိုးနှံတိုက်ကျွေးရေး ရက်သတ္တပတ် (၂၀၂၆) အထိမ်းအမှတ်နေ့ အခမ်းအနား ကျင်းပ

၂၀၂၆ ခုနှစ်၊ ဧပြီလ(၃၀)ရက်

ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်၊ ပြည်သူ့ကျန်းမာရေးဦးစီးဌာန၊ ကုတင်(၅၀)ဆေးရုံ၊ အစည်းအဝေးခန်းမတွင် ယနေ့နံနက် (၁၁)နာရီ အချိန်က ကမ္ဘာ့ကာကွယ်ဆေးထိုးနှံတိုက်ကျွေးရေး ရက်သတ္တပတ် (၂၀၂၆) အထိမ်းအမှတ်နေ့ အခမ်းအနား ကျင်းပဆောင်ရွက်သည်။
အခမ်းအနားသို့ တိုင်းဒေသကြီးလွှတ်တော်ကိုယ်စားလှယ် ဦးလှဌေး၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးဇော်ဝင်းလှိုင်နှင့် ကော်မတီဝင်များ၊ မြို့နယ်ပြည်သူ့ကျန်းမာရေး ဦးစီးဌာနမှူး ဒေါက်တာရဲဝင်းထွန်းနှင့် ဝန်ထမ်းများ၊ ဌာနဆိုင်ရာများ၊ လူမှုရေး အသင်းအဖွဲ့များ၊ ကိုယ်ဝန်ဆောင်သည်များ၊ ကလေးမိခင်များနှင့် ကလေးငယ်များ တက်ရောက်ကြပြီး အခမ်းအနားတွင် တိုင်းဒေသကြီးလွှတ်တော်ကိုယ်စားလှယ် ဦးလှဌေးနှင့် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးဇော်ဝင်းလှိုင်တို့က ကာကွယ်ခြင်းသည် ကုသခြင်းထက် ပို၍ကောင်းမွန်သောကြောင့် ကလေးငယ်များနှင့် ကိုယ်ဝန်ဆောင်သည်များ အနေဖြင့် ကာကွယ်ဆေးအား သတ်မှတ်ချက်များနှင့် အညီ ပြည့်မှီအောင် ထိုးနှံကြရန်၊ ကလေးငယ်များသည် အနာဂတ် နိုင်ငံတော်၏ လူ့စွမ်းအား အရင်းအမြစ် ဖြစ်သည့်အတွက် ကလေးငယ်များ ကျန်းမာသန်စွမ်းရေး ကာကွယ်ဆေးများ မဖြစ်မနေ ထိုးနှံကြရန် အမှာစကား အသီးသီး ပြောကြားပြီး မြို့နယ်ပြည်သူ့ကျန်းမာရေး ဦးစီးဌာနမှူး ဒေါက်တာရဲဝင်းထွန်းက မြို့နယ်အဆင့် ကမ္ဘာ့ကာကွယ်ဆေးထိုးနှံတိုက်ကျွေးရေး ရက်သတ္တပတ် (၂၀၂၆) အထိမ်းအမှတ်နေ့ အခမ်းအနား ကျင်းပဆောင်ရွက်ရခြင်း၏ ရည်ရွယ်ချက်များ ရှင်းလင်းပြောကြား၍ အခမ်းအနား တက်ရောက်လာကြသူများအား “မျိုးဆက်တိုင်းကို ကာကွယ်ထား၊ ကာကွယ်ဆေး၏ စွမ်းပကား” Documentary Storyနှင့် တေးသီချင်းအား ပြသခဲ့သည်။
ဆက်လက်၍ မြို့နယ်တွင်းရှိ အသက်(၂)လမှ (၁)နှစ်ခွဲအတွင်း ကလေးငယ်များအား ပိုလီယို၊ဝက်သက်၊ ဂျိုက်သိုး ကာကွယ်ဆေးများ၊ ငါးမျိုးစပ်ကာကွယ်ဆေးများ အပါအဝင် ပုံမှန်ကာကွယ်ဆေးများ၊ ကိုယ်ဝန်ဆောင်သည်များအား မေးခိုင်၊ ဆုံဆို့နာ ကာကွယ်ဆေးများ ပါဝင်သော ပုံမှန်ကာကွယ်ဆေးများအား ပြည်သူ့ကျန်းမာရေးဦးစီးဌာန၊ ဝန်ထမ်းများက ထိုးနှံပေးရာ တာဝန်ရှိသူများက ကြည့်ရှုအားပေး၍ ကလေးငယ်များနှင့် ကိုယ်ဝန်ဆောင်သည်များအား ဖြည့်စွက်စာ အာဟာရများနှင့် အလှူငွေများ ထောက်ပံ့ပေးအပ်ခဲ့ကြောင်း သိရသည်။
သတင်းပေးပို့---မိုးစက်(ဘိုကလေး)