17/06/2020
လူဝင်မှုကြီးကြပ်ရေးနှင့်လူ့စွမ်းအားအရင်းအမြစ်ဝန်ကြီးမှ ထားဝယ်မြို့နယ် ရပ်ကွက်/ကျေးရွာ အုပ်ချုပ်ရေးမှူးများနှင့်တွေ့ဆုံ
ထားဝယ် ဇွန် ၁၆
တနင်္သာရီတိုင်းဒေသကြီးအစိုးရအဖွဲ့ဝင်၊လူဝင်မှုကြီးကြပ်ရေးနှင့်လူ့စွမ်းအားအရင်းအမြစ် ဝန်ကြီးဦးကျော်မင်းသည် ယနေ့ ဇွန်လ ၁၆ရက်နေ့၊ နံနက်(၁၀:၀၀)နာရီက ထားဝယ်မြို့နယ်၊ မြို့တော် ခန်းမတွင် ရပ်/ကျေးအုပ်ချုပ်ရေးမှူးများနှင့် တွေ့ဆုံပွဲပြုလုပ်ရာ အခမ်းအနားသို့ ထားဝယ်မြို့နယ် ပြည်သူ့ လွှတ်တော်ကိုယ်စားလှယ်၊ တိုင်း/ခရိုင်/မြို့နယ် လူဝင်မှုကြီးကြပ်ရေးဦးစီးမှူးများနှင့် ဝန်ထမ်းများ၊မြို့နယ်အုပ်ချုပ်ရေးမှူး၊ ရပ်ကွက်နှင့်ကျေးရွာ အုပ်စုများမှ ရပ်/ကျေးအုပ်ချုပ်ရေးမှူးများ တက်ရောက်ကြပါသည်။
အခမ်းအနားတွင် လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီး ဦးကျော်မင်းမှ
"ထားဝယ်မြို့နယ်တွင်နေထိုင်သော နိုင်ငံသားတိုင်းမှတ်ပုံတင်ရရှိရေး၊ မှတ်ပုံတင်ကိုင်ဆောင်ရမည့် အသက်အရွယ်၊ မှတ်ပုံတင်ရရှိသင့်သူတိုင်း မှတ်ပုံတင်ရရှိရေးရည်ရွယ်၍ တွေ့ဆုံပွဲပြုလုပ်ရခြင်းဖြစ်ကြောင်း၊ထိုကဲ့သို့လုပ်ဆောင်ရာတွင် လ.ဝ.က ဝန်ထမ်းများနှင့်အတူ ပြည်သူတွေကပူးပေါင်းပါဝင်ဖို့ လိုအပ်ကြောင်း၊ ပြည်သူများ မှတ်ပုံတင်ပြုလုပ်ရမည်ဆိုတာကို နားလည် သဘောပေါက်ရန်လည်းလိုကြောင်း၊ အနည်းငယ်သော ပြည်သူများ မှတ်ပုံတင်နှင့်ပတ်သက်ပြီး နားလည်မှုနည်းပါးနေသေးကြောင်း၊ မှတ်ပုံတင်မရှိသေးသူများကို ရှိအောင်ကြိုးစားပေးရမည် မရှိသေးသူများကိုလည်းရှိအောင် ကြိုးစားပေးရမည်ဖြစ်ကြောင်း၊ ဆောင်ရွက်မည့်ရက်ကိုလည်း တိတိကျကျသတ်မှတ်စေလိုကြောင်း" ပြောကြားခဲ့ပါသည်။
ထို့နောက် တက်ရောက်လာသောရပ်/ကျေးအုပ်ချုပ်ရေးမှူးများက မိမိတို့ရပ်ကွက်ကျေးရွာ အုပ်စုအလိုက် မှတ်ပုံတင်ရရှိရေး၊ အိမ်ထောင်စုကိစ္စများနှင့် ပါတ်သက်၍ အသီးသီးတင်ပြ ဆွေးနွေး မေးမြန်းကာ ဝန်ကြီး၊ တိုင်းဒေသကြီးလူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာန ညွှန်ကြားရေးမှူး တို့မှ ပြန်လည်ဖြေကြားဆွေးနွေးခဲ့ကြပါသည်။
https://www.facebook.com/IHR.MINISTRY/
