KYO - Karen Youth Organization, Hpa-an District

09/08/2023

ဖားအံခရိုင် ရေကြီးမှုအခြေအနေများ လှိုင်းဘွဲမြို့ ဒေါနတောင်ကျ ရေကြောင့် တစ်မြို့လုံးနီးပါးရေးကြီးလွမ်းမိုးခံရပြီး ဆက်သွယ်သည့်လမ်းကြောင်းများလည်း လမ်းတံတားများ အချို့ မြေပြို ပျက်စီး ခဲ့သည့်အတွက် သွားလာရေး အခက်အခဲ ဖြစ်။ 9.8.2023

04/08/2023

ပေးဆပ်မှုကြီးက မတန်လိုက်တာ စောဘဦးကြီးရာ...
လူငယ်တစ်ဦးရဲ့ ရင်ဖွင့်သံပါ

ကရင်တစ်မျိုးသားလုံးအတွက်ပါ ဆိုပြီးတော့ ကရင်တစ်မျိုးသားလုံးအတွက် အာဏာရှင်အောက်မှ လွတ်မြောက်ခြင်းအလို့ငှာ အသက်ကိုပင် သေရင်သေပါစေ ရှိသမျှစည်းစိမ်တွေအားလုံးစွန့်လွန်ခဲ့သည် သာမက. သွေးမြေကျသည်အထိ အသက်ပင် ပေးစပ်ခဲ့သည့်တိုင် ကရင်တစ်မျိုးသားလုံးရဲ့ ပန်းတိုင် ရောက်ရှိနိုင်ရန်အတွက် ကြိုးစားခဲ့ရှာတဲ့ တော်လှန်ရေးဖခင်ကြီး စောဘဦးကြီးး..

12/07/2023

knu ဆိုတာဘာလဲ

ခေဝ့်အာင်းယောဝ် ကြွက်ကိုကိုက်တဲ့ကျား လို့အဓိပ္ပါယ်ထွက်
တစ်ချိန်တစ်ခါတုန်းက. သရော်ခေါ်တဲ့ စကားလုံး အထင်သေးအမြင်သေးခေါ်တဲ့ အသုံးအနှုန်း တကယ်လည်း အဲလိုမျိုးဘဲလား knu အနေဖြင့် ဖြစ်နိုင်ပါသလား ဖြစ်နေတာလား ဆိုတာကို ကေအန်ယူ အစည်းအရုံးမှာ တာဝန်ထမ်းဆောင်နေတဲ့ သူများအသိသာ
မည်သို့ပင်ဆိုစေကာမူ ကေန်အန်ယူ ဆိုတာက ကရင်တစ်မျိုးသားလုံးအစည်းအရုံးလို့ အဓိပ္ပါယ်နဲ့ ဖွဲ့စည်တည်ထောင်ထားတဲ့ အစည်းအရုံးကြီးတစ်ခုဖြစ်ပါတယ်။
ကေအန်ယူသည် မြန်နိုင်ငံရေးဖြစ်စဥ်အတွင်းတွင် လွတ်လပ်မှု တရားမျှတမှု ကိုယ်ပိုင်ပြဌာန်းခွင့် အပြည့်အဝရရှိစေနိုင်ရန်အတွက် မြန်မာနိုင်ငံမှာ အုပ်ချုပ်ခဲ့ တဲ့အုပ်ချုပ်မှုစနစ်ကို တွန်းလှန်တိုက်ခိုက်သည်မှာ ပထမဆုံးသော အဖွဲ့အစည်း​ကြီးတစ်ခု ဖြစ်ပါတယ်။
အဖွဲ့အစည်းတစ်ခု အစည်းအရုံးတစ်ခု ဖွဲ့စည်းတည်ထောင်လိုက်သည်နှင်တစ်ပြိုင်နက် ထိုအဖွဲ့အစည်းအား​​
ပြန်လည်းထိန်းကြောင်းနိုင်မည့် စနစ်နှင့် ဖွဲ့စည်းပုံ များ ရှိကြသည်စမြဲပါ။
ထိုဖွဲ့ပုံမှတစ်ဆင့် မိမိတို့အဖွဲ့အစည်းရဲ့ တစ်ခုလုံး ရပ်တည်ချက် ၊ ရည်ရွယ်ချက် လုပ်ငန်းဆောင်ရွက်နိုင်မည့်ပုံစံအဆင့်ဆင့်တို့အားလည်း ဖွဲ့စည်းပုံအတိုင်း ဆောင်ရွက်ကြရမှာ ဖြစ်ပါ။
ကေအန်ယူ စတင်ခဲ့သည့်နှစ်မှစပြီးတော့ ကရင်တစ်မျိုးသားလုံးအတွက် မိမိတို့လိုခြင်သည့် ပန်းတိုင်အား အရောက်လှန်းနိုင်ရန်ရန်အတွက်သာ ဖွဲစည်းတည်ထောင်ခဲ့သည် ဆိုသော်ငြားလည်း ယခု ခေတ်ကာလမှာတော့ အဖိနှိပ်ခံ နိုင်ငံသူနိုင်ငံသားအတွက် တော်လှန်တိုက်ခိုက်ပေးနေတဲ့ အစည်းအရုံးကြီး တစ်ခုလည်း ရပ်တည်နေခဲ့ပြီးဖြစ်ပါတယ်။
စာရေးသူ အတွေးအခေါ်ဖြစ်သာ ရေးသားခြင်းမဟုတ်ဘဲ လေ့လာသိရှိခြင်း မြင်ရ ကြားရ သိရ မှုကနေတစ်ဆင့် သိရှိခြင်းကို ပြန်လည်ရေးသားခြင်းဖြစ်ပါတယ် စာဖတ်သူများအား လေးစားစွာဖြင့်
အကြံအညာဏ်ပေးခြင်းအား လက်ခံပါသည်။
ကျေးဇူးတင်ပါသည်။

05/07/2023

ကော်သူးလေ သစ်ပင်စိုက်နေ့အား ၁၇ ကြိမ်မြောက် ကွန့်ကရက်အပြီးမှာတော့ ဇူလိုင်လတစ်လတာ လုံးအား ကော်သူးလေ သစ်ပင်စိုက်နေ့အဖြစ် သတ်မှတ်လိုက်ပါတယ်

ဥတုရာသီတောကိုမှီ
ရာသီဥတု ကောင်းခြင်လျင် သစ်တောများ မဖြုန်းတီးအောင် အရင် ထိန်းသိမ်းသင့်ပါသည် ကရင်အမျိုးသားအစည်းအရုံးအနေဖြင့် သစ်ပင်များ စိုက်ပျိုးသည့်ကာလကို တစ်လတာအတွင်း သတ်မှတ်ထားပေမယ့်လည်း ထိန်းသိမ်းသည့်ကာလကိုတော့

အရင်နှစ်တွေများမှာက ကော်သူးလေ သစ်ပင်စိုက်နေ့အား ဇူလိုင်လ. ၁ ရက်နေ့မှာသာ သတ်မှတ်ထားပေမယ့်လည်း ယခုနှစ် ၂၀၂၃. ခုမှာတော့ ဇူလိုင်လတစ်လ လုံးအတိုင်းအတာဖြင့် ကော်သူးလေ သစ်ပင်စိုက်ပျိုး နေ့အဖြစ် သတ်မှတ်ထားပြီး ဇူလိုင်လ ၁ ရက်နေ့မှာတော့ ကရင်အမျိုးသားအစည်းအရုံး ၊ ကရင်အမျိုးသမီး အစည်း အရုံး ၊ ကရင်လူငယ်အစည်းအရုံး၊ ကော်သူးလေ ဌာနဆိုင်ရာ များတို့နှင့် ကော်သူးလေ သစ်တောနှင့် သဘာဝပတ်ဝန်းကျင် ထိန်းသိမ်းစောင့်ရှောက်ရေးဌာန. တို့မှ ဦးဆောင်ပြီး ဒေသခံပြည်သူများနှင့် ကျောင်းသူကျောင်းသားများနှင့်အတူ သစ်ပင်စိုက်ပျိုးခြင်းအား သက်ဆိုင်ရာ ကော်သူလေ တပ်မဟာတိုင်းမှာ ဇူလလိုင်လတစ်ရက်နေ့မှစတင်ပြီး စိုက်ပျိုး လုပ်ငန်းအား စတင်ဆောင်ရွက်ခြင်းနှင့်အတူ ကော်သူးလေ သစ်ပင်ပျိုးရေးလ သတ်မှတ်ရခြင်းရဲ့ ရည်ရွယ်ချက်များကိုလည်း ပြည်သူလူထု အနေဖြင့် သိရှိနားလည်နိုင်စေရန်အတွက် ဟောပြောပွဲ များကိုလည်း ကျင်းပပြုလုပ်ပေးလျက်ရှိတယ်လို့ သိရှိရပါတယ်

05/07/2023

ကော်သူးလေ ကရင်အမျိုးသားလွတ်မြောက်ရေးတပ်မတော်နေ့အား ဂုဏ်ပြုသည့်အားဖြင့် နဘူး မြို့နယ် ဇူလိုင်လ သစ်ပင်စိုက်ပျိုးပွဲ ကျင်းပ

ဇူလိုင် လ ၅ ရက်နေ့မှာ ကြရောက်သည့် ကော်သူးလေ ကရင်အမျိုးသားလွတ်မြောက်ရေးတပ်မတော့နေ့အား ဂုဏ်ပြုသည့်အနေဖြင့် နဘူးမြို့နယ် knu ၊ knla ၊ kwo၊ kyo ၊ kndf နှင်အတူ ဒေသခံ ပြည်သူများနှင့် လူငယ်မောင်မယ်များတို့မှ စုပေါင်းသစ်ပင် စိုက်ပျိုးခြင်းအား ကျင်းပပြုလုပ်ခဲ့ပါတယ်။

05/07/2023

04/02/2023

၇၄ နှစ်ပြည့်သွားပြီးဖြစ်တဲ့ ကရင်တော်လှန်ရေး

21/12/2022

ကရင်အမျိုးသားနှစ်သစ်ကူးနေ့ ကရင်အမျိုးသားအစည်းအရုံး ဥက္ကဌမှ ပေးပို့သော သဝဏ်လွှာ

06/12/2022

ဆူလာင့်ဖါသိုင့် ထ်ုအင်ခြိုင့်
ယှူးခ်ုလိင်းလာဗေထီ့ နိုင်မိုင့်လာ ဗေဖဝ့်

(ဒေါနသူးလေ ဖာစည်မြေ ရေလိုအေး ပန်းနှယ်မွေးစေ)

ရက်လရှည်ကြာ နှစ်များစွာနှင့် နယ်မြေဝေးကွာ ခွဲခွာနေရသော တိုင်းရင်းသား ညီနောင်အပေါင်းတို့ စည်းစာ်းလုံးလုံး စုစုရုံးရုံးဖြင့် ချစ်ထင်ကြည်ဖြူစွာ ပြန်လည်ဆုံဆည်း ကြပါလျှင် အလွန်ပင် ကြည်နူးပျော်ရွှင်စရာ ကောင်းလှပေတော့၏။

သွေးရင်ညီနှောင် ကရင်အမျိုးသားတို့လဲ ပြမ်လည်လက်တွဲ မခွဲအတူနေကြရင် အခက်အခဲ ရှိလာလျှင်လည်း မစိုးမကြောက် တွန်းလှန် ဖြတ်ကျော်နိုင်မည်။
ရင်နှစ်သည်းချာ သွေးရင်းများသာဖြစ်သည်မို့ စုစုစည်းစည်း ချစ်ခင်ရင်းနှီးစွာ နေထိုင်ကြမည်။

သွေးရင်းညီနောင် ဆိုသည်မှာ တစ်ဦးနှင့်တစ်ဦး ဘယ်သောအခါမှ ဖယ်ခွာ ပစ်ပယ်ကြရန် မသင့်ပါ။ ယခုအခါ ကရင်အမျိုးသား နှစ်သစ်မဂ်လာ အခါသမယမှာ KNU ၊ ငြိမ်းချမ်းရေး၊ BGF ၊ DKBA ကရင်တိုင်းရင်းသာ အစုအဖွဲ့ အပေါင်းတို့သည် ကရင်အမျိုးသားနှစ်သစ်ကူး ပွဲတော် ကြီးအား စုပေါင်းကျင်းပလျှက် အမျိုးဂုဏ် မျက်နှာ ပွင့်လန်းလှပအောင် ၊ အမျိုးဂုဏ်ရောင် ယဥ်ကျေးမှုဂုဏ်ရောင် ထွန်းပြောင်အောင် စုပေါင်းညီညာစွာ ပြုဆောင်ကြရာသကဲ့သို့ မကွဲမကွာ ချစ်ခင် ကြည်ဖြူကြစွာ ရှိကြပါစေတော့။

စာရေးသူအမည် စောလျာဖောင်မနိုက်ထွန့်
စာရေးသူအားလေးစားစွာဖြင့်

27/11/2022

ဗဟို စည်းရုံးရေး၊ပြန်ကြားရေး ဌာနနှင့် ဖားအံခရိုင် ကရင်လူငယ်အစည်းအရုံး ၊မြို့နယ် လူငယ်အစည်းအရုံးတို့မှ ပူးပေါင်း ပိုချသည့် ကရင်သမိုင်းအကြောင်း သင်တန်းအား ကျေးရွာအဆင့် လုပ်ငန်းများ ဆောင်ရွက်နေပြီး ဖြစ်ပါကြောင်း
27.11.2022

22/11/2022

“မရှိသုံး” ထက် ပိုရတော့မဲ့ ကရင့် ပညာရေး

BAP၊ နိုဝင်ဘာ ၁၅။

‘မရှိသုံး’ ဆိုတဲ့ အသုံးအနှုန်းကို ကြားရခြင်းက အတော်လေး ရင့်သီးကောင်း ရင့်သီးနေနိုင်ပေမဲ့ ပညာရေးနဲ့ပတ်သတ်ပြီး အနာဂတ်ပျောက်လုနီးပါးဖြစ်နေတဲ့ ကရင့်လူငယ်တွေအတွက်ဆိုရင်တော့ တရားတယ်လို့ဆိုရမှာပါ။

မတူညီတဲ့ မြို့နယ်ကျေးရွာတွေက ကရင်လူငယ်တွေနဲ့ တစ်နှစ်ကျော်ထိတွေ့ဆက်ဆံပြီးမှ အခုလိုသုံးနှုန်း ပြောဆိုရခြင်းလည်းဖြစ်ပါတယ်။

မြေပြန့်တောင်ပေါ် ဘယ်လိုပဲ မတူကွဲပြားမှုတွေရှိနေပါစေ ကရင်ဟာ ကရင်ပဲလို့ လူမျိုးအချင်းချင်း ပြောစမှတ်ထားရှိကြပါတယ်။

အဲဒီကရင်တွေအားလုံးရဲ့ အိပ်မက်ဟာ ကော်သူးလေဆိုတဲ့ ကိုယ်ပိုင်ပြဌာန်းခွင့်ရှိတဲ့ အဝန်းအဝိုင်းတစ်ခု ဖြစ်ပါတယ်။

ကော်သူးလေကို ထူထောင်ဖို့အတွက် ကရင်တွေဟာ လွန်ခဲ့တဲ့နှစ်ပေါင်း ၇၀ ကျော်ကတည်းက စစ်ရေး၊ နိုင်ငံရေးနည်းလမ်းတွေနဲ့ ကြိုးပမ်းခဲ့ကြသလို ယနေ့တိုင်လည်း ကြိုးပမ်းနေဆဲဖြစ်ပါတယ်။

အမျိုးမျိုးအဖုံဖုံကွဲပြားနေတဲ့ ကရင်တွေရဲ့ နိုင်ငံရေး၊ စစ်ရေး ကိုယ်စားပြုအဖွဲ့အစည်းဟာ ကရင်အမျိုးသား အစည်းအရုံး-ကေအဲန်ယူ ဖြစ်ပါတယ်။

ကေအဲန်ယူဟာ သူ့ရဲ့စစ်ရေးနဲ့ နိုင်ငံရေးအင်အားကို နိုးကြားတဲ့ကရင်လူငယ်တွေနဲ့ ဖွဲ့စည်းထားပြီး အတွေ့အကြုံရှိတဲ့ လူကြီးတွေနဲ့ဝန်းရံထားပါတယ်။

အခြားတစ်ဖက်မှာလည်း ကရင်တို့ရဲ့ ရည်မှန်းချက်တွေကို မျိုးဆက်အလိုက် လက်ဆင့်ကမ်းနိုင်ဖို့ ကရင့်ပညာရေးစနစ်ကို ကေအဲန်ယူ အုပ်ချုပ်မှုနယ်မြေတွေမှာ ထူထောင်ထားပါတယ်။

ကရင့်ပညာရေးစနစ်ဟာ ဗုံးဆံ၊ ကျည်ဆံတွေကြားမှာ ထူထောင်ရတာဖြစ်လို့ ခက်ခဲတယ်ဆိုတာထက်ကို ပိုပါတယ်။

ကရင်တွေရဲ့ တော်လှန်ရေးလှုပ်ရှားမှုထက်စောတဲ့ ကရင့်ပညာရေးစနစ်ကို မြန်မာပြည်ကို အုပ်ချုပ်ခဲ့တဲ့ ဘယ်အစိုးရကမှ ယနေ့အထိ တူတူတန်တန် ဆက်ဆံခဲ့တာမရှိပါဘူး။

နှစ်ပေါင်းများစွာ ခွဲခြားဆက်ဆံခြင်းခံခဲ့ရတဲ့ ကရင့်ပညာရေးဟာ ၂၁ ရာစု နောက်ပိုင်းကာလတွေမှာတော့ ကရင်မျိုးဆက်သစ် လူငယ်တွေကိုယ်တိုင်နဲ့ မိသားစုတွေကပါ ကရင့်ပညာရေးအပေါ် ယုံကြည်မှု အားနည်းလာခဲ့ပါတယ်။

ပြည်မကနေ အသိအမှတ်ပြုမှု မခံရခြင်းဟာ အာမခံချက်မရှိတဲ့ ပညာရေးမှာ အချိန်တွေ၊ ငွေတွေ ပေးနေရတာပဲလို့ လက်ခံလာကြပါတယ်။

ဒီလို တွေးခေါ်မှုတွေ ရှိလာပြီးနောက်ပိုင်းမှာ ကေအဲန်ယူ ထိန်းချုပ်နယ်မြေထဲက လူငယ်တွေသည်ပင် မြို့ပြမှာရှိတဲ့ အစိုးရစာသင်ကျောင်းတွေကိုပဲ ရွေးချယ်လာခဲ့ပါတယ်။

ဘယ်လိုမှ ရွေးချယ်စရာ မရှိတဲ့ မိသားစုအနည်းငယ်ကသာ ကရင့်ပညာရေးကို ဆက်ခံကြပါတယ်။

မူလတန်း၊ အထက်တန်း၊ ကောလိပ် အထိရှိတဲ့ ကရင့် အခြေခံပညာရေးရဲ့ လှေကားထစ်တိုင်းဟာ ကိုယ်ထူကိုယ်ထရယ်၊ ပြင်ပ အထောက်အပံ့တွေပေါ်မှာပဲ လုံးလုံးလျားလျား မှီခိုထားရတဲ့ အခြေအနေဖြစ်ပါတယ်။

သက်ဆိုင်ရာ အုပ်ချုပ်မှုနယ်ပယ်က ပညာရေးဌာနကို ဦးဆောင်နေသူတွေရဲ့ စေတနာ၊ ဝီရိယ စိုက်ထုတ်မှုအပေါ်မှုတည်ပြီး တွက်ချက်ရမှာဖြစ်လို့ ကရင်ပညာရေးဟာ နိမ့်ကျတယ်လို့လည်း ဆိုရခက်ပါတယ်။ ကရင်တွေရဲ့ သင်ရိုးညွန်းတမ်းဟာလည်း စနစ်တကျရေးဆွဲခဲ့တာ အမှန်ပါပဲ။

ဒါပေမဲ့ ကရင့်အခြေခံပညာရေးဟာ သင်ယူပြီးမြောက်ခဲ့ရင်တောင် ထပ်မံသင်ကြားဖို့အတွက် ရွေးချယ်စရာ နည်းတယ်ဆိုတာက ဘယ်သူမှ မငြင်းနိုင်ပါဘူး။

ကော်သူးလေ အထက်တန်းကျောင်းမှာ ပညာသင်ပြီးဆုံးတဲ့ကျောင်းသားတွေဟာ ကေအဲန်ယူ ထိန်းချုပ်နယ်မြေထဲက ကရင့်ပညာရေးအတတ်သင်ကောလိပ် ဒါမှမဟုတ် ခရိုင်အချို့မှာရှိတဲ့ ဂျူနီယာ ကောလိပ်တွေကိုပဲ ရွေးချယ်စရာအဖြစ် ရှိနေပါတယ်။

ဆေးဘက်ဆိုင်ရာလို အခြားသော အသက်မွေးပညာသင်တန်းကျောင်းတွေနဲ့ ပြင်ပတက္ကသိုလ်တွေမှာ ပညာဆက်သင်နိုင်တဲ့ ကြားခံပေါင်းကူးစနစ်ပညာရေးဟာ နယ်စပ်တွေနဲ့ မြို့ကြီးတွေမှာသာရှိပြီး ငွေရေးကြေးရေးနဲ့ သွားရေးလာရေး လုံခြုံရေးကြောင့် မိဘနဲ့ ကျောင်းသားတိုင်း လက်လှမ်းမီတဲ့ ပညာရေးတော့ မဟုတ်ပါဘူး။

ဒီလို အခြေအနေရှိတာကို သိပြီးသားဖြစ်တဲ့ ကရင်လူငယ်တွေဟာ အာဏာသိမ်းပြီးနောက်မှာတော့ စစ်တပ်ပေးတဲ့ပညာတွေကို ဆန့်ကျင်ပြီး ကော်သူးလေ ကျောင်းတွေဘက် ခြေဦးလှည့်ခဲ့ပြန်ပါတယ်။

သူတို့ရဲ့ဟာ ကရင့်ပညာရေးကို ချက်ခြင်းလက်ငင်း ယုံကြည်လာတယ်ဆိုတာထက် “ရွေးချယ်စရာမရှိ” လို့သာ “မရှိသုံး” အခြေအနေနဲ့ အများစုက ဒီနေရာတွေကို ရောက်လာကြတာပါ။ ဒါက အရှိတရားတစ်ခုပါပဲ။

ယခင်ကထက် သုံးဆပိုတဲ့ ကျောင်းသားတွေ ဝင်ရောက်လာမှုအတွက် ကော်သူးလေ အထက်တန်းကျောင်းတွေမှာရော အထက်တန်းပြီးရင် သင်ရမဲ့ ကောလိပ်တွေမှာပါ ထပ်တိုးလူဦးရေအတွက် စနစ်တကျ ပြင်ဆင်ထားမှုမရှိသေးပါဘူး။

အနီးစပ်ဆုံးအနေနဲ့ဆိုရင် အာဏာသိမ်းပြီးနောက်မှာ တိုက်ပွဲဖြစ်ပွားမှုအများဆုံးဖြစ်တဲ့နေရာတွေထဲမှာပါတဲ့ ကေအဲန်ယူ- တပ်မဟာ (၆)၊ ဒူးပလာယာ ခရိုင်တစ်ခုထဲမှာတင် ယခု ၂၀၂၂-၂၀၂၃ ပညာသင်နှစ်မှာ ကော်သူးလေ အထက်တန်းတက်နေသူ ၆၀၀ ကျော်ရှိနေပါတယ်။

ဒါက ၂၀၁၉- ၂၀၂၀ ပညာသင်နှစ် နောက်ပိုင်းမှာ ထပ်မံတိုးလာတဲ့ ကော်သူးလေ ကျောင်းသား အရေအတွက်ဖြစ်ပါတယ်။ ဒီမတိုင်ခင်ကာလတွေမှာတော့ ဒူးပလာယာခရိုင်ရဲ့ ကော်သူးလေကျောင်းသား အရေအတွက်ဟာ ရာဂဏန်းဝန်းကျင်သာရှိပါတယ်။

ကော်သူးလေကျောင်းကိုရောက်လာတဲ့ ကျောင်းသားတွေ တက်ရောက်နေရတဲ့ အထက်တန်းကျောင်း တွေမှာဆိုရင်လည်း လေ့ကျင့်သားပြည့်ဝတဲ့ ဆရာ ဆရာမတွေနည်းပါးတာ၊ ကျောင်းအဆောက်အအုံနဲ့ သင်ထောက်ကူ ပစ္စည်းမရှိတာ စတဲ့ ပြဿနာတွေရှိနေပါတယ်။

အထက်တန်းပြီးရင် ရွေးချယ်စရာဖြစ်တဲ့ ကရင့်ပညာရေးကောလိပ်နဲ့ ခရိုင်အချို့မှာရှိတဲ့ ဂျူနီယာ ကောလိပ်တွေဟာလည်း အကန့်အသတ်နဲ့သာ လက်ခံတာဖြစ်ပါတယ်။

ဥပမာအားဖြင့် ကေအဲန်ယူ အုပ်ချုပ်မှုနယ်မြေအားလုံးမှာ နှစ်ခုသာရှိတဲ့ ကရင့်ပညာရေးအတတ်သင် ကောလိပ်တွေထဲမှာမှ ဒူးပလာယာခရိုင်မှာရှိတဲ့ ကောလိပ်ဟာ ယမန်နှစ်ကအထိ ကျောင်းသားအသစ် ၇၀ ဝန်းကျင်သာလက်ခံသင်ကြားပေးနိုင်ပြီး PDJC လို့ ခေါ်တဲ့ ဂျူနီယာကောလိပ်ဟာလည်း ကျောင်းသား ၁၀၀ ဝန်းကျင်လောက်သာ လက်ခံပေးနိုင်တဲ့ အခြေအနေသာရှိနေပါတယ်။

ဆိုတော့ ကေအဲန်ယူ အုပ်ချုပ်မှုနယ်မြေ (၇) ခုအနက် ဒူးပလာယာ ခရိုင်တစ်ခုထဲမှာတင် ယခုနှစ် ကော်သူးလေ အထက်တန်းဖြေဆိုမဲ့ ကျောင်းသား ၆၀၀ ကျော်ရှိနေတာကြောင့် သူတို့ထဲက တစ်ဝက်လောက်ပဲ အောင်ခဲ့ရင်တောင် အဲဒီ အောင်မြင်သူအားလုံးရဲ့ ထက်ဝက်ကပဲ ပညာသင်ဆက်လက်သင်ကြားဖို့ အခွင့်အရေးရှိနေပါတယ်။

လက်ရှိအချိန်မှာလည်း ကေအဲန်ယူ ထိန်းချုပ်နယ်မြေအတွင်း ကောလိပ်တွေ ထပ်မံတိုးချဲ့ဖို့အတွက် ဆွေးနွေးမှုတွေ ရှိနေတယ်လို့ သတင်းသဲ့သဲ့ထွက်ပေါ်နေပေမဲ့ ယခု ကော်သူးလေ ပညာသင်နှစ် ထက်ဝက်ရောက်လာတဲ့အထိတော့ တစ်စုံတစ်ရာ အကောင်အထည်ပြနိုင်တာမရှိသေးပါဘူး။ ဆွေးနွေးနေဆဲ အဆင့်မှာပဲ ရှိနေပါသေးတယ်။

ဒီအတိုင်းသာဆိုရင် စစ်ကျွန်ပညာရေးကို စုန်ကန်ထွက်လာပြီး ကော်သူးလေပညာရေးကို အားကိုးတကြီးလာတဲ့ ကရင်လူငယ်တွေအတွက်တော့ ပညာဆက်လက်သင်ကြားရေးက အင်မတန်ရင်လေးဖို့ကောင်းတဲ့ အခြေအနေတစ်ခုလို့ဆိုရမှာပါ။

ပညာရေး၊ ပညာသင်ကြားခွင့်ဆိုတာတွေနဲ့ ပတ်သတ်လာရင် ပါကစ္စတန် ဆွပ်တောင်ကြားကလာတဲ့ ငြိမ်းချမ်းရေး နိုဘယ်ဆုရှင် မာလာလာရဲ့ “One child, one teacher, one pen, and one book can change the world.” က ထင်ရှားပါတယ်။

အဲဒီလိုဖြစ်ဖို့အတွက်ဆိုတာ ပညာသင်ယူမယ့် လူငယ်တွေနဲ့ပဲ သက်ဆိုင်တာ မဟုတ်ဘဲ လူငယ်တွေကို လုံလောက်တဲ့ ယုံကြည်ချက်ရှိတဲ့ အာမခံချက်တိတိကျကျရှိတဲ့ ပညာရေးအခွင့်အလမ်းတွေ ဖန်တီးပေးဖို့ကိုလည်း လူကြီးတွေမှာ တာဝန်ရှိနေပါတယ်။

အကယ်၍ ကော်သူးလေ ပညာရေးဟာ ဒီလို အခြေအနေမှာမှ “မရှိသုံး” ဆိုတဲ့ အခြေအနေက ရုန်းမထွက်နိုင်သေး သို့မဟုတ် ရုန်းထွက်ဖို့ မကြိုးစားခဲ့ဘူးဆိုရင် လူငယ်မျိုးဆက်တွေကို ပညာရေးနဲ့ နောက်တစ်ကြိမ် စည်းရုံးစုစည်းနိုင်ဖို့ဆိုတာ ကံတရားသက်သက်ကိုပဲ အားကိုးရမလိုဖြစ်နေပါလိမ့်မယ်။

Burma Associated Press
#