https://www.facebook.com/146198345245684/

United States Of Burma Army - USBA, Magway (2026)

17/04/2026

ဗမာပြည်သူ့လွတ်မြောက်ရေးတပ်တော်(BPLA) ဖွဲ့စည်းတည်ထောင်ခြင်း (၅)နှစ်ပြည့်သို့ ဗမာပြည်ကာကွယ်ရေးတပ်(USBA)မှ ပေးပို့သော သဝဏ်လွှာ

၂၀၂၆ ခုနှစ်၊ ဧပြီလ (၁၇)ရက်

10/04/2026

တော်လှန်ရေးရဲ့ သင်ရိုးညွှန်းတမ်းကြီး ပေါ်ပေါက်ခဲ့တာ (၁၇) နှစ်ပြည့်ခဲ့ပြီ

အကိုချေတို့ အိပ်မက်တွေ အပြန်ဆုံး ပြီးပြည့်စုံပါစေ

လေးစားဂုဏ်ယူလျှက်ပါ

02/04/2026

စစ်ရေးသတင်း ထုတ်ပြန်ခြင်း
သရက်မြို့နယ်

၁။ ဆင်ပေါင်ဝဲမြို့နယ်ကို ဖြတ်သန်းကာ ဧရာ၀တီမြစ်နှင့်အပြိုင်တည်ဆောက်ထားသော သရက် - မင်းလှ ရထားလမ်းအား အကြမ်းဖက်စစ်အုပ်စုမှ ထောက်ပံ့ပို့ဆောင်ရေးလမ်းကြောင်းအဖြစ် အသုံးပြန်ရန်ဟုဆိုကာ ၂၀၂၆ ခုနှစ် မက်လ (၁၄) ရက်နေ့မှ စတင်ကာ သရက်မြို့နယ်မြောက်ခြမ်း နှင့် ဆင်ပေါင်ဝဲမြို့နယ် တောင်ဘက်ခြမ်းရှိ ဧရာ၀တီမြစ်ကမ်းဘေး ရှိ ရထားလမ်း ဖြတ်သန်းရာ ကျေးရွာများတွင် အင်အား (၁၈၀) ၀န်းကျင်ဖြင့် တပ်ဖြန့်ကာ လာရောက်တပ်စွဲထားသည်။

၂။ ရထားလမ်းလုံခြုံရေးအမည်ခံကာ ပြည်သူလူထုအား ဗိုလ်ကျ အနိုင့်ကျင့်လျှက်ရှိသော အဆိုပါ အကြမ်းဖက်စစ်အုပ်စု အား သရက်မြို့နယ် ကြာကံ ကျေးရွာ ဘူတာရုံ၌ ဖဲထိုင်ရိုက်နေကြစဉ် ၂၀၂၆ ခုနှစ် ဧပြီလ (၂) ရက်နေ့ နံနက် ၁၀ နာရီ ၄၅ မိနစ်အချိန်တွင် ကျွန်ုပ်တို့ ဗမာပြည်ကာကွယ်ရေးတပ် - USBA မှ အလစ်အငိုက် ၀င်ရောက်တိုက်ခိုက်ခဲ့ရာ အကြမ်းဖက် စစ်အုပ်စု တပ်ဖွဲ့၀င် (၁) ဦး နေရာတွင် ကျဆုံးပြီး ၂ ဦး သရက်ဆေးရုံသို့ အရေးပေါ် ပို့ဆောင်လိုက်ရကြောင်း သိရှိရပါသည် ။

၃။ တိုက်ပွဲဖြစ်ပွာချိန် မိနစ်အနည်းငယ်ခန့် ကြာမြင့်ခဲ့ပြီး အထိခိုက်မရှိ ပြန်လည်ဆုတ်ခွာခဲ့ပါသည် ။ အထိနာသွားသော အကြမ်းဖက်စစ်အုပ်စုမှ တိုက်ပွဲပြီးသည့်နောက်ပိုင်း နာရီ၀က် ၀န်းကျင်ကြာသည်ထိ ငါးကျင်းမြှီးဖြင့် မည်းမည်းမြင်ရာပစ်ခြင်း လက်နက်ကြီးများဖြင့် ရမ်းသမ်းပစ်ခြင်း လက်နက်ငယ်များ ပစ်ဖောက်ခြင်းများအား တစ်ဘက်သက် လုပ်ဆောင်၍ ကျန်ရစ်ခဲ့ပါသည် ။

၄။ ရထားလမ်း လုံခြုံရေး‌နှင့် ပြန်လည်ပြင်ဆင်ရေးလုပ်ငန်းများတွင် ဒေသတွင်းရှိ ပြည်သူများအား အတင်းအဓမ္မ ခြိမ်းခြောက်စေခိုင်းလျှက်ရှိပြီး ပြည်သူပိုင် ဥစ္စာပစ္စည်းများကိုလည်း စိတ်တိုင်းကျ ခိုးယူလျှက်ရှိပါသည် ။

၅။ ဒေသခံပြည်သူလူထုအား အတင်းအဓမ္မ ပေါ်တာဆွဲခြင်း ၊ အတင်းအဓမ္မ ပြန်ပေးဆွဲ ငွေတောင်းခံခြင်း နှင့် ဖမ်း‌ဆီးရိုက်နှက်မှုများလည်း ပြုလုပ်လျှက်ရှိကြောင်း သိရှိရပါသည် ။

၆။ အဆိုပါဒေသ သည် ၅ နှစ်တာကာလပက်လုံး အကြမ်းဖက်စစ်အုပ်စု၏ အုပ်ချုပ်ရေးယန္တရား ၁၀၀ ရာနှုန်း လည်ပက်ခဲ့သည့် အကြမ်းဖက်စစ်အုပ်စု၏ အမာခံများ အားကောင်းသည့် အကြမ်းဖက်စစ်အုပ်စု၏ အတုအယောင် ရွေးကောက်ပွဲများ အောင်မြင်စွာ ကျင်းပခဲ့သည့် ဒေသဖြစ်သည်နှင့်အညီ ယခု ၁ ကြိမ်သည် အဆိုပါဒေသတွင် ပထမဆုံးအကြိမ် တိုက်ပွဲဖြစ်ပွာခြင်းဖြစ်ပါသည် ။ သို့ဖြစ်၍ အတွေ့ကြုံမရှိသေးသည့် ဒေသခံပြည်သူများ စိုးရိမ်ကြောက်လန့်ကာ ပြေးလွှားတိမ်းရှောင်လျှက်ရှိကြောင်း သိရှိရပါသည်။

၇။ လွန်ခဲ့သည့် ၃ လခန့်မှ စတင်ကာ အခက်ခဲများစွာဖြင့် ကျွန်ုပ်တို့ ဗမာပြည်ကာကွယ်ရေးတပ် - USBA တပ်များ အဆိုပါ ဒေသသို့ စတင်ထိုးဖောက် လှုပ်ရှားခဲ့ခြင်းဖြစ်ပါသည်။ အကြီးမားဆုံး အခက်ခဲသည် သူလျှိုဒလံများပေါများပြီး အကြမ်းဖက်စစ်အုပ်စု ထောက်တိုင်များ လွန်စွာ ပေါများနေခြင်းဖြစ်ပါသည်။ အကြမ်းဖက်စစ်အုပ်စုတပ်များ လာလျှင် ခရီးဦးကြိုပြုကာ ထမင်းချက်ကျွေးပြီး တော်လှန်ရေးရဲဘော်များလာလျှင် ထွက်ပြေးတိမ်းရှောင်ကြသည်ထိ တော်လှန်ရေးနှင့် အလှမ်းကွာခဲ့သော ဒေသတစ်ခုဖြစ်ပါသည် ။ ဤသို့ တင်ပြခြင်းသည် ဒေသခံ ပြည်သူများအပေါ် ထိခိုက်စေလို့သည့်ရည်ရွယ်ချက်တစ်စုံတစ်ရာ လုံး၀ မပါရှိပဲ ကျွန်ုပ်တို့တပ်၏ လုပ်ငန်းပိုင်‌ဆိုင်ရာ မြေပြင် အခက်ခဲများကို မိဘပြည်သူများသိရှိစေရန် တင်းပြခြင်းသာဖြစ်ပါသည် ။

၈။ ယခုကဲ့သို့ အကြမ်းဖက်စစ်အုပ်စုအား ထိခိုက်မှုတစ်စုံတစ်ရာဖြစ်စေရန် ပြောက်ကျား တိုက်ခိုက်နေရသည့် အခြေနေမှ ပြည်သူလူထုအား အပြည့်အ၀ ကာကွယ်ပေးနိုင်သည်ထိ စနစ်တကျ ကြိုစား တိုက်ပွဲ၀င်သွားပါမည်ဟု ဒေသခံ လူထုအား ကတိပြုပါသည် ။

မိဘပြည်သူများအားလုံး အကြမ်းဖက်စစ်အုပ်စု၏ ကျွန်ပြုနှိပ်စက်ခြင်းဒဏ်မှ အမြန်ဆုံးကင်းဝေးကြပါစေ

ဗမာပြည်ကာကွယ်ရေးတပ် - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

31/03/2026

စစ်ရေးသတင်း ထုတ်ပြန်ခြင်း
မင်းတုန်း/မင်းလှ

တိုက်ပွဲဖြစ်စဉ်(၁)

၁။ ၂၀၂၆ ခုနှစ် မတ်လ(၂၈) ရက်နေ့ နံနက် ၉ နာရီ ၀န်းကျင် အချိန်တွင် သရက်မြို့နယ်အခြေစိုက် ကပစ (၁၂) မှ ကား(၃) စီးဖြင့် သရက်ဘက်မှ မင်းတုန်းဘက်သို့မောင်းနှင်လာသော အင်အား (၄၀) ၀န်းကျင်ပါ အကြမ်းဖက်စစ်အုပ်စု ယာဉ်တန်းနှင့် သရက် - မင်းတုန်းလမ်းပေါ်ရှိ မြို့ဟောင်းကျေးရွာအနီးတွင် ထိတွေ့တိုက်ပွဲဖြစ်ပွားခဲ့ပါသည် ။

၂။ မိမိတို့ဘက်မှ အထိခိုက်မရှိခဲ့ပဲ ရန်သူအကြမ်းဖက်စစ်အုပ်စု (၃) ဦးကျဆုံးပြီး (၂) ဦး ဒဏ်ရာပြင်းထန် ရရှိသွားပါသည် ။

၃။ အဆိုပါ ထိခိုက်ကျဆုံးများအား မင်းတုန်းမြို့ဘက်သို့ သယ်ဆောင်သွားပါသည် ။

တိုက်ပွဲဖြစ်စဉ် ၂

၁။ အထက်မင်းလှမြို့နယ် ဒဟတ်ပင် ရေနံမှော်တွင် ရက် ၂၀ ၀န်းကျင်ကြာသည်ထိ အင်အား (၂၀၀) ကျော်ဖြင့် အထိုင်ချတပ်စွဲနေသော ကပစ (၂+၁၀+၁၃) ပူးပေါင်း စစ်ကြောင်းမှ ခန့်မှန်းအင်အား (၈၀) ၀န်းကျင်သည် ၂၀၂၆ ခုနှစ် မတ်လ (၃၀) ရက်နေ့ နံနက်(၄)နာရီခွဲတွင် လင်းကယ် ရခစခန်းဘက်သို့ ကား၊‌ဆိုင်ကယ်များဖြင့် အရှိန်ပြင်းစွာ မောင်းနှင်၀င်ရောက်လာပြီး ထိုမှတဆင့် ပေရင်းကျေးရွာ နှင့် စမ်းအိုင်ကျေးရွာများဘက်သို့ စစ်ကြောင်းထိုး၀င်ရောက်ခဲ့ပါသည် ။

၂။ ပြည်သူပိုင် ရွှေငွေပစ္စည်းများ ၊ရေနံတူးရာတွင် အသုံးပြုသည့် ပစ္စည်းကိရိယာများ၊ကား၊ဆိုင်ကယ်များ အား မွှေနှောက်ခိုးယူခဲ့ကြသည့်အပြင် ကျေးရွာပတ်၀န်းကျင်များအား လက်နက်ကြီး၊လက်နက်ငယ်များဖြင့် အချက်ပေါင်းများစွာ ရမ်းသန်းပစ်ခတ်ခြင်းများကို အလွန်အကျွံ ပြုလုပ်ခဲ့ပါသည် ။

၃။ ဒရုန်းဗုံးများဖြင့် စမ်းအိုင်ကျေးရွာ စာသင်ကျောင်းကို ပစ်မှတ်ထား တိုက်ခိုက်ခဲ့သဖြင့် စာသင်ကျောင်းဆောင် ၂ ဆောင် ထိမှန်ပြီး များစွာ ပျက်ဆီးခဲ့ရပါသည် ။

၄။ ထိုကဲ့သို့ ယုတ်မာရိုင်းစိုင်းနေသော အကြမ်းဖက်စစ်အုပ်စုအား ဒဟတ်ပင်ရေနံမှော်ရှိ ၎င်းတို့ စခန်းသို့ အပြန်လမ်းခရီးတွင် လင်းကယ်ကျေးရွာအနီးမှ အသင့်စောင့်ကြိုတိုက်ခိုက်ခဲ့ရာ ညနေ (၃) နာရီ၀န်းကျင်မှ ည (၁၀) နာရီ၀န်းကျင်ထိ နှစ်ဘက် တိုက်ပွဲပြင်းထန်စွာဖြစ်ပွားခဲ့ပါသည် ။

၅။ မိမိတို့ဘက်မှ လက်ဦးမှုယူတိုက်ခိုက်ခဲ့ရသည့်အတွက်အကြမ်းဖက်စစ်အုပ်စု တပ်ဖွဲ့၀င် (၁၁) ဦးကျဆုံးခဲ့ပြီး (၁၅) ဦးထက် မနည်း ဒဏ်ရာပြင်ထန်စွာ ရရှိသွားခဲ့ပါသည် ။

၅။ အကြမ်းဖက်စစ်အုပ်စုဘက်မှ အဆိုပါ ထိခိုက်ကျဆုံး များအား ဒဟတ်ပင် ရေနံမှော်မှတဆင့် အထက်မင်းလှမြို့ဘက်သို့ ပို့ဆောင်လိုက်ကြောင်း နောက်ဆက်တွဲသတင်းရရှိပါသည် ။

၆။ အဆိုပါ တိုက်ပွဲအတွင်း အချိန်ကြာလာသည်နှင့်အမျှ လက်နက်အင်အားလူအင်အားမမျှသဖြင့် မိမိတို့ တပ်ဖွဲ့၀င်(၁)ဦးလည်း မြင့်မြတ်စွာ အသက်ပေးလှူခဲ့ရပါသည် ။

မိဘပြည်သူများအားလုံး အကြမ်းဖက်စစ်အုပ်စု၏ ကျွန်ပြုနှိပ်စက်ခြင်းဒဏ်မှ အမြန်ဆုံးကင်းဝေးကြပါစေ

ဗမာပြည်ကာကွယ်ရေးတပ် - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

19/03/2026

သတင်းထုတ်ပြန်ချက်
မင်းတုန်းမြို့နယ်

၁။ ၂၀၂၆ ခုနှစ် မက်လ(၁၈) ရက်နေ့ နံနက် (၁၀) နာရီအချိန်တွင် သရက်မြို့နယ်အခြေစိုက် ကပစ (၁၂) မှ ထွက်ခွါလာပြီးမင်းတုန်းမြို့နယ် ကျောက်တိုင် အထိုင်ဂိတ်စခန်းသို့ တပ်ချိန်းရန်လာသော သံပြာကာကားများနှင့်ခြေလျင်စစ်ကြောင်း ပေါင်းစပ်ထားတဲ့ စုစုပေါင်း အင်အား (၇၀) ၀န်းကျင်ပါ စစ်အုပ်စုစစ်ကြောင်းနှင့် ဗမာပြည်ကာကွယ်ရေးတပ် - USBA တို့ မင်းတုန်းမြို့နယ် ခုန်တိုင်ကျေးရွာအနီးတွင် ထိတွေ့တိုက်ပွဲဖြစ်ပွားခဲ့ပါသည် ။

၂။ အကြမ်းဖက်စစ်အုပ်စု တပ်ဖွဲ့၀င် (၂) ဦး ကျဆုံးပြီး (၁) ဦးဒဏ်ရာအပြင်းထန် ရရှိသွားပါသည်။ အဆိုပါ ထိခိုက်ကျဆုံးများအား ကပစ (၁၂) သို့ ပြန်လည်သယ်ဆောင်သွားပါသည် ။

၃။ တိုက်ပွဲ ကြာချိန်(၁၀) မိနစ်၀န်းကျင်ဖြစ်ပြီး မိမိတို့ဘက် အထိခိုက်မရှိခဲ့ပါ ။

မိဘပြည်သူများအားလုံး အကြမ်းဖက်စစ်အုပ်စု၏ ကျွန်ပြုနှိပ်စက်ခြင်းဒဏ်မှ အမြန်ဆုံးကင်းဝေးကြပါစေ

ဗမာပြည်ကာကွယ်ရေးတပ် - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

15/03/2026

သတင်းထုတ်ပြန်ချက်
-ဆင်ပေါင်ဝဲမြို့နယ်

၁။ ၂၀၂၆ ခုနှစ် မက်လ(၁၅) ရက်နေ့ နံနက် (၉) နာရီခွဲ အချိန်တွင် ဆင်ပေါင်ဝဲမြို့နယ် ဆူးလေကုန်းရွာ ၊စိုင်းစုရွာ ၊ရှားတိုင်းကြီးရွာ စသည့် ရွာ(၃) ရွာ ကြား မီးရထားလမ်းဘေးတစ်နေရာတွင် အကြမ်းဖက်စစ်အုပ်စုနှင့် ဗမာပြည့်ကာကွယ်ရေးတပ် - USBA တို့ အနီးကပ်ထိတွေ့တိုက်ပွဲဖြစ်ပွားခဲ့ပါသည် ။

၂။ အကြမ်းဖက်စစ်အုပ်စု တပ်ဖွဲ့၀င် (၂) ဦး ကျဆုံးပြီး (၃) ဦးဒဏ်ရာအပြင်းထန် ရရှိသွားပါသည်။ အဆိုပါ ထိခိုက်ကျဆုံးများအား စင်ပေါင်ဝဲမြို့ဘက်မှ ဧရာ၀တီမြစ်ကြောင်းအတိုင်း စက်လှေ (၁) စီးဖြင့် နေ့လည် (၁) နာရီ၀န်းကျင်တွင် လာရောက် သယ်ဆောင်သွားပါသည် ။

၃။ ရန်သူအင်အား (၅၀) ၀န်းကျင်ရှိမည်ဟု ခန့်မှန်းရပါသည် ။ စစ်ကြောင်းထိုးတာမျိုးမဟုတ်ပဲ နယ်မြေစိုးမိုးရေးအတွက် စစ်အုပ်စုအမာခံနယ်မြေကို လုံခြုံရေးပေးရန် အမာခံကျေးရွာများအကြားရှိ တောတောင်များအတွင်း၌ နေရာယူ တပ်ဖြန့်ထားခြင်းဖြစ်ပါသည် ။

၄။ ထိုသို့တပ်ဖြန့်ထားသော အကြမ်းဖက်စစ်အုပ်စုအား ဗမာပြည်ကာကွယ်ရေးတပ် - USBA မှ သွားရောက်ရှာဖွေတိုက်ခိုက်ခဲ့ခြင်းဖြစ်ပါသည် ။

၅။ တိုက်ပွဲ ကြာချိန်(၁၀) မိနစ်၀န်းကျင်ဖြစ်ပြီး မိမိတို့ဘက် အထိခိုက်မရှိခဲ့ပါ ။

၆။ အဆိုပါဒေသသည် ၅ နှစ်လုံးလုံး အကြမ်းဖက်စစ်အုပ်စု (၁၀၀) ရာနှုန်း အပြည့်ထိမ်းချုပ်ထားသည့် ရွေးကောက်ပွဲများကျင်းပသည့် စစ်အုပ်စုလက်အောက်ခံ ပညာရေး၊ကျန်းမာရေး၊တရားစီရင်ရေး၊အုပ်ချုပ်ရေး အပြည့်အ၀ လည်ပက်နေသော ဒေသဖြစ်ပါသည် ။ ပြည်သူများ စိုးရိမ်ထိပ်လန့်မှုများ ဖြစ်ပွားခဲ့သော်လည်း တိမ်းရှောင်ရခြင်းမျိုးမရှိခဲ့ပါ ။ အကြမ်းဖက်စစ်အုပ်စုလာရင် ခရီးဦးကြိုပြု ထမင်းချက်ကျွေးကြပြီး PDF မမြင်ဖူးကြသေးပဲ PDF တွေ ရွာထဲ၀င်ရင် အနီးစပ်ဆုံး ရခ စခန်းသို့ ချက်ချင်းသတင်းပို့လေ့ရှိကြတဲ့ ဒေသဖြစ်ပါသည် ။

မိဘပြည်သူများအားလုံး အကြမ်းဖက်စစ်အုပ်စု၏ ကျွန်ပြုနှိပ်စက်ခြင်းဒဏ်မှ အမြန်ဆုံးကင်းဝေးကြပါစေ

ဗမာပြည်ကာကွယ်ရေးတပ် - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

24/02/2026

နွေဦးတော်လှန်ရေး ပန်းတိုင်သို့ အမြန်ဆုံးရောက်ရှိရန် ယခုလို ထောက်ပို့တာ၀န်များ ထမ်း‌ဆောင်ပေးကြပါသော နေရာဒေသအသီးသီးမှ ထောက်ပို့များအား အထူးကျေးဇူးတင်ရှိပါကြောင်း မှတ်တမ်းတင် ဂုဏ်ပြုအပ်ပါသည် ။

ဗမာပြည်ကာကွယ်ရေးတပ်

United States Of Burma Army - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

04/02/2026

မိဘပြည်သူများ သိရှိစေရန် သတင်းထုတ်ပြန်ခြင်း
၂၀၂၆ ခုနှစ် ဖေဖော်ဝါရီလ (၄) ရက်နေ့

၁။ ၂၀၂၆ ခုနှစ် ဇန်နဝါရီလ ၂၉ ရက်နေ့ ည (၇) နာရီ၀န်းကျင်တွင် အထက်မင်းလှမြို့နယ် ရေနံမ ရခ စခန်းအား လက်နက်ကြီးများဖြင့် ပစ်ခတ်တိုက်ခဲ့ရာ ညတွင်းချင်း ဆေးရုံပို့ရသည်ထိ ထိခိုက်ဒဏ်ရာများ ရရှိသွားသည်ဟု သတင်းရရှိသော်လည်း ထိခိုက်ကျဆုံး အရေးအတွက် အတိအကျကို စုံစမ်းရခက်ခဲနေ၍ အတိအကျ မသိရှိရသေးပါ ။

၂။ ၂၀၂၆ ခုနှစ် ဖေဖော်ဝါရီလ (၃) ရက်နေ့ ညနေ (၃) နာရီ ၀န်းကျင်အချိန်တွင် သရက် - မင်းလှ လမ်းပေါ်ရှိ အထက်မင်းလှမြို့နယ် ဇီးတောကျေးရွာနှင့် မင်းဂံကျေးရွာကြား ဘွဲ့ကျေးရွာလမ်းပေါက်တွင် ရပ်နားနေသော လင်းကယ်တိုက်နယ်တဝိုက်တွင် ၃ ရက်တာ စစ်ကြောင်းထိုးလှည့်လည်နေသော အကြမ်းဖက်စစ်အုပ်စု ကား(၃) စီးနှင့် အင်အား (၉၀) ၀န်းကျင်အား မီတာ(၇၀) ၀န်းကျင်သို့ အနီးကပ် ချဉ်းကပ်တိုက်ခိုက်ခဲ့ရာ မိနစ်အနည်းငယ်ခန့် အသာစီးရယူပစ်ခတ်နိုင်ခဲ့ပြီး အကြမ်းဖက်စစ်အုပ်စုတပ်ဖွဲ့၀င် (၅) ဦး ကျဆုံးပြီး အများအပြား ထိခိုက်ဒဏ်ရာရသွားသည်ကို မျက်မြင်တွေ့ရှိခဲ့ရပါသည် ။

၃။ ၂၀၂၆ ခုနှစ် ဖေဖော်ဝါရီလ (၄) ရက်နေ့ နံနက် (၉) နာရီ (၁၅) မိနစ် ခန့်တွင် ဒဟတ်ပင် ရေနံမြေအ‌တွင်းရှိ ကွန်းသွန်းရွာ လမ်းပေါက်‌၌ ဇီးတော ကျေးရွာဘက်မှ ထွက်လာသော ယမန်နေ့က တိုက်ခိုက်လိုက်သည့် ကား(၃) စီးနှင့် စစ်ကြောင်းအား အသင့်စောင့်ကြိုပြီး မီတာ ၅၀ ၀န်းကျင်မှ အနီးကပ် ၀င်ရောက် စီးနင်းတိုက်ခိုက်ရာ နောက်ဆုံးမှ လိုက်ပါလာသော ကား (၁) စီးလုံး ပစ်ကွင်းထဲ ထိုးရပ်သွားပြီး ပြန်လည်ပစ်ခတ်နိုင်ခြင်းမရှိတော့သည်ထိ ချေမှုန်းလိုက်နိုင်ပါသည်။ ရှေ့ကားများမှ လက်နက်ကြီး၊လက်နက်ငယ်များဖြင့် တရစပ် ပြန်လည်ပစ်ကူလာသည့်အတွက် လက်နက်ခဲယမ်းများ သိမ်းဆည်းနိုင်ခြင်းမရှိသော်လည်း အကြမ်းဖက်စစ်အုပ်စုတပ်ဖွဲ့၀င် အနည်းဆုံး(၁၅) ဦးထက်မနည်း ထိခိုက်ကျဆုံးနိုင်ကြောင်း‌ကိုတော့ မျက်မြင် အတည်ပြုနိုင်ခဲ့ပါသည် ။ အဆိုပါနောက်ဆုံးကားပေါ်မှ တစ်ယောက်မှ လှုပ်ရှားတာ ပြန်လည်ပစ်ခတ်တာမရှိတော့ပဲ အကုန် ခေါင်းငိုက်စိုက်ဖြင့် ထိမှန်ပြီး မှောက်ကုန်သည်ကိုတော့ အနီးကပ်မြင်‌တွေ့ခဲ့ရပေမယ့် အားလုံး သေမသေတော့ အတည်မပြုနိုင်ခဲ့ပါ ။ အကယ်၍ အားလုံးသာ ကျဆုံးခဲ့လျှင် ရန်သူ့ကျဆုံးစာရင်းသည် (၃၀) ၀န်းကျင်ထိ တိုးမြင့်သွားနိုင်သည်ဖြစ်သည် ။

၄။ ပစ်ခတ်မှုအောင်မြင်၍ ပြန်လည်ဆုပ်ခွာပြီးနောက်ပိုင်း အဆိုပါနေရာ၌ အကြမ်းဖက်စစ်အုပ်စု တပ်ဖွဲ့၀င်များ လက်နက်ကြီးလက်နက်ငယ်များအား အချက်ပေါင်းများစွာ တစ်ဘက်သက် တစ်ဖွဲ့တည်း ပစ်ခတ်ရင်း ကျန်ရစ်ခဲ့ပါသည် ။

၅။ အဆိုပါအလောင်းများနှင့် ဒဏ်ရာသူများအားတင်ဆောင်သွား‌သော အကြမ်းဖက်စစ်အုပ်စု ကားများသည် လမ်းဘေးဝဲယာများရှိ ခြုံနွယ်ပိတ်ပေါင်းများအား မီးများရှို့လိုက်Drone ဖြင့်ကင်းထောက်လိုက် ခြေလျင်တက်လိုက် စသဖြင့် အဆိုပါနေရာမှ မင်းလှမြို့ ဘက်သို့ တရွေ့ရွေ့ ဆက်လက် ရွေ့လျားနေပါသည် ။

၆။ အသင့်စောင့်ကြိုပြီး လက်ဦးမှုယူ တိုက်ခိုက်ခဲ့သော ပြောက်ကျားစစ်ဆင်ရေးများ ဖြစ်သဖြင့် ဗမာပြည်ကာကွယ်ရေးတပ် - USBA မှ တပ်ဖွဲ့၀င်များ အထိခိုက်မရှိအောင်မြင်စွာ တိုက်ခိုက်နိုင်ခဲ့ပါသည် ။

မိဘပြည်သူများအားလုံး အကြမ်းဖက်စစ်အုပ်စု၏ ကျွန်ပြုနှိပ်စက်ခြင်းဒဏ်မှ အမြန်ဆုံးကင်းဝေးကြပါစေ

ဗမာပြည်ကာကွယ်ရေးတပ် - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

26/01/2026

မိဘပြည်သူများ သိရှိစေရန် သတင်းထုတ်ပြန်ချက်
ရက်စွဲ။ ။၂၀၂၆ ခုနှစ် ဇန်နဝါရီလ (၂၆) ရက်‌နေ့

၁။ ယနေ့ နေ့လည် (၁၂) နာရီ ၀န်းကျင်တွင် အထက်မင်းလှမြို့နယ် တောင်ဘက်ခြမ်းရှိ စစ္စနို့ကျေးရွာ အတွင်း၌ လူထုစည်းရုံးရေးလုပ်ငန်းများ လုပ်ဆောင်နေသော ကျွန်ုပ်တို့ ဗမာပြည်ကာကွယ်ရေးတပ် - USBA မှ တပ်ဖွဲ့၀င်များအား ဒလံမှ သတင်းပို့သဖြင့် စစ္စနို့ကျေးရွာမြောက်ဘက် 1 Km အကွာရှိ လမ်းဆုံဂိတ်မှ အကြမ်းဖက်စစ်အုပ်စုတပ်ဖွဲ့၀င် ၂၀ ကျော် မှ ကျွန်ုပ်တို့တပ်ဖွဲ့၀င်များအား စီးနင်းတိုက်ခိုက်ရန် လာရောက်ချဉ်းကပ်ခဲ့ပါသည် ။

၂။ ထို့သို့ ဂိတ်စခန်းမှ ထွက်လာသည်ကို ကြိုတင်သတင်းရရှိသဖြင့် အသင့်စောင့်ကြိုတိုက်ခိုက်ရာ ရှေ့ဆုံးမှတက်လာသော အကြမ်းဖက် စစ်အုပ်စုတပ်ဖွဲ့၀င် (၄) ဦး နေရာတွင်ပင် ပွဲချင်းပြီး ကျဆုံးသွားသည်ကို မျက်မြင်တွေ့ခဲ့ရပြီး အဆိုပါရွာအ၀င်၌ပင် မီတာ ၃၀ ၀န်းကျင် အနီးကပ်တိုက်ပွဲ ၅ မိနစ်ဝန်းကျင်ခန့်ဖြစ်ပွာခဲ့ပါသည် ။

၃။ အသင့်စောင့်ကြိုပစ်ခတ်ခဲ့ရသဖြင့် မိမိတို့တပ်ဖွဲ့၀င်များ အထိခိုက်မရှိခဲ့ပါ ။ လက်ရှိအချိန်တွင် နောက်တိုး အင်အားများဖြင့် စစ္စနို့ကျေးရွာအတွင်း၌ မွှေနောက် သောင်းကျန်းနေပြီး လက်နက်ငယ်၊လက်နက်ကြီးများ အချက်ပေါင်းများစွာ ပစ်ဖောက်လျှက်ရှိပါသည် ။

၄။ အဆိုပါကျေးရွာသည် ပြီးခဲ့တဲ့ရက်ပိုင်းထိ စစ်အုပ်စု ယန္တရား ၁၀၀ လည်ပက်နေသော ကျေးရွာများ ဖြစ်ပြီး စစ်အုပ်စုအား အားပေးထောက်ခံသူများပြားသော ဒေသဖြစ်ပါသည် ။

ဗမာပြည်ကာကွယ်ရေးတပ် - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

21/01/2026

မိဘပြည်သူများ သိရှိစေရန် သတင်းထုတ်ပြန်ချက်
၂၀၂၆ ခုနှစ် ဇန်နဝါရီလ (၂၁) ရက်နေ့

၁ ။ ၂၀၂၆ ခုနှစ် ဇန်နဝါရီလ(၁၉၊၂၀၊၂၁) ရက်နေ့များတွင် သွေးစွန်းငွေဖြတ်တောက်ရေးအဖြစ် လှုပ်ရှားနယ်မြေအတွင်း ရှာဖွေစစ်ဆေးခဲ့ရာ မင်းဘူးမြို့နယ် မကျီးသုံးပင် ၊ ရေပေါ်ကြီး ၊ရေပေါ်လေး ၊ချောင်းဖြူ ၊ သီးကုန်း၊ ကျွန်းပြား ၊ဓာတ်ကုန်း ၊ကန်သာယာ(ခရုကန်) ကျေးရွာများ နှင့် အထက်မင်းလှမြို့နယ် ကျောက်ပုံ၊နွားလဲ ၊၀က်‌မြေကန်၊ နဂါးအိုင် ၊အိုးဘိုကုန်း၊ ရေပေါ် ၊စစ္စနို့ ၊ တောင်ဦး ၊ ပြည်စိုး ၊ရွာသာလှ ကျေးရွာများမှ စကစ ထုတ်ကုန် များ ရှာဖွေတွေ့ရှိခဲ့ရပါသည် ။ စကစထုတ်ကုန်များအနက်မှ အရက်ဘီယာနှင့်ဆေးလိပ်အများစု ၊ ဘိလပ်မြေ အချို့ တွေ့ရှိခဲ့ရပါသည် ။

၂။ ပြည်သူလူထု မနစ်‌နာစေရန် ပညာပေးကာလ(၁) လ သတ်မှတ်ပေးထားလိုက်ပြီး လက်ကျန်ကုန်ပစ္စည်များကို (၁) လအတွင်း ရောင်းချပြီးသည်နှင့် စကစ ထုတ်ကုန်များအား ထပ်မံ ရောင်း၀ယ်ဖောက်ကားလက်၀ယ်ထားရှိ သုံးစွဲခြင်းများမပြုလုပ်ကြဖို့ စနစ်တကျ ရှင်းပြပြီး ဆွေးနွေးစည်းရုံးခဲ့ပါသည် ။

၃။ စကစ သူလျှို ဒလန် သတင်းပေးများမှ ဆက်သွယ်ခေါ်ဆိုမှုများကြောင့် အဆိုပါ ကျေးရွာများသို့ မင်းဘူးမြို့နယ်၊မင်းလှမြို့နယ်များမှ စကစ စစ်ကြောင်းများ အင်အားအလုံးအရင်းဖြင့် အကြမ်းဖက်စစ်အုပ်စုမှ စစ်ကြောင်းထိုး မွှေနှောက်လျှက်ရှိပါသည် ။

၄။ အဆိုပါဒေသများသည် ယနေ့အချိန်ထိ အကြမ်းဖက်စစ်‌အုပ်စု၏ ပညာရေး ၊ကျန်းမာရေး၊ အုပ်ချုပ်ရေး၊ တရားရေး (၁၀၀%) လည်ပက်နေသည့်ဒေသဖြစ်သည်နှင့်အညီ ယခုအကြိမ်မှသာ တော်လှန်ရေးရဲဘော်များကို မျက်ဝါးထင်ထင်မြင်တွေ့ဖူးကြခြင်းဖြစ်သဖြင့် ရပ်ရွာများအတွင်း၌ ၀မ်းပန်းတသာကြိုဆိုမှုများကို အားတက်ဖွယ်ရာတွေ့ရှိရသကဲ့သို့ တိုက်ပွဲများဖြစ်ပွားမည်ကိုစိုးရိမ်ကြောက်လန့်မှုများရှိသည်ကိုလည်း တွေ့ရှိခဲ့ရသည့်အတွက် ပြည်သူလူထုအားမိဘသဖွယ် တန်ဖိုးထားကာ စနစ်တကျဖြင့် မိတ်ဆက်ခြင်း ၊ သိရှိလိုသည်များကို ဖြေကြားပေးခြင်းများနှင့် အားပေးစကားများပြောခြင်းများ ပြုလုပ်ခဲ့ပါသည် ။

ဗမာပြည်ကာကွယ်ရေးတပ် - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

06/01/2026

မိဘပြည်သူများ သိရှိစေရန် သတင်းထုတ်ပြန်ချက်
ရက်စွဲ။ ။၂၀၂၆ ခုနှစ် ဇန်နဝါရီလ (၆) ရက်‌နေ့

၁။ သရက် - မင်းတုန်း လမ်းပိုင်းရှိ ပက်မခမ်းလမ်းပေါက်အနီးတွင် ၂၀၂၆ ခုနှစ် ဇန်နဝါရီလ (၅) ရက်နေ့တွင် (၁) ကြိမ် (၆) ရက်နေ့တွင်(၁) ကြိမ် ၊သရက် - မင်းတုန်း လမ်းပိုင်း ခုန်တိုင်ရွာအနီးတွင် ၂၀၂၆ ခုနှစ် ဇန်နဝါရီလ (၆) ရက်နေ့တွင်(၁) ကြိမ် သရက်-မင်းတုန်းလမ်းပိုင်းတွင် (၂) ရက်အတွင်း စုစုပေါင်း ထိတွေ့တိုက်ပွဲ (၃) ကြိမ် ဖြစ်ပွားခဲ့ပါသည် ။ အကြမ်းဖက်စစ်ကောင်စီတပ်ဖွဲ့၀င်အချို့ ထိခိုက်ကျဆုံးသည်ဟု နောက်ဆက်တွဲကြားသိရပေမယ့် ရန်သူ့ထိခိုက်ဒဏ်ရာရစာရင်းအ တိတိကျကသိရှိနိုင်ရန် စုံစမ်းဆဲဖြစ်သည် ။ ကျွန်ုပ်တို့တပ်မှ တပ်ဖွဲ့၀င်များ အထိခိုက်မရှိပါ ။

၂။ သရက် - မင်းတုန်း လမ်းပိုင်းတွင် ယခုရက်ပိုင်း စစ်အုပ်စု အင်အား ရာနှင့်ချီပြီး စိုးမိုးလှုပ်‌ရှားနေသဖြင့် တိုက်ပွဲများ အချိန်မရွေးမေရာမရွေး ဖြစ်ပေါ်လာနိုင်သဖြင့် ခရီးသွားမိဘပြည်သူများအနေဖြင့် ဂရုစိုက်သွားလာကြပါရန် လေးစားစာ အသိပေးအပ်ပါသည် ။

ဗမာပြည်ကာကွယ်ရေးတပ် - USBA

#စစ်မှန်သောဖက်ဒရယ်ဒီမိုကရေစီစနစ်
ပြည်သူ့လက်ဝယ်ရောက်ရမည်

#အရေးတော်ပုံအောင်ရမည်

United States Of Burma Army - USBA

17/04/2026

10/04/2026

02/04/2026

31/03/2026

19/03/2026

15/03/2026

24/02/2026

04/02/2026

26/01/2026

21/01/2026

06/01/2026

Address

Telephone

Website

Alerts

Shortcuts

Share

Category