မိုးကုတ်ဗျူဟာ

19/07/2026

အာဇာနည်နေ့ ဒို့မမေ့....
၁၉၄၇ ခုနှစ်၊ ဇူလိုင်လ (၁၉)ရက်တွင် ဗိုလ်ချုပ်အောင်ဆန်းနှင့် အာဇာနည်(၉)ဥိီးတို့ ကျဆုံးခဲ့ပြီးနောက် မြန်မာနိုင်ငံ လွတ်လပ်ရေးအတွက် ကိုယ်ကျိုးစွန့် အနစ်နာခံပြီး အသက်နှင့်ခန္ဓာ ပေးဆပ်ခဲ့ကြသော အာဇာနည်သူရဲကောင်းများစွာရှိခဲ့သည်။

ခေတ်အဆက်ဆက်တွင် မြန်မာနိုင်ငံ၌ အကြမ်းဖက်စစ်တပ်၏ ပုံစံမျိုးစုံ ညှင်းပန်းနှိပ်စက်မှုကို ခံစားခဲ့ကြရပြီး နိုင်ငံသားအခွင့်အရေး၊ လူ့အခွင့်အရေး ချိုးဖောက်ခံရမှုပေါင်းများစွာကို ဆန့်ကျင်တော်လှန်ရင်း ရဲရင့်စွာ ကျဆုံးခဲ့ကြရသည့် အာဇာနည်သူရဲကောင်းများမှာလည်း နေရာအနှံ့တွင် ပေါ်ထွန်းခဲ့ပါသည်။

၂၀၂၁ ခုနှစ်၊ ဖေဖော်ဝါရီလ (၁) ရက်နေ့တွင်လည်း အကြမ်းဖက်စစ်ကောင်စီသည် ပြည်သူလူထုမှ ရွေးကောက်တင်မြှောက်ထားသော ပြည်သူ့အစိုးရကို ဖမ်းဆီးအကျဥ်းချ ပြီး မတရားသဖြင့် အာဏာသိမ်းမှုကြောင့် နိုင်ငံတဝန်းမှလူငယ်များစွာတို့သည် နွေဦးတော်လှန်ရေးကို ဆင်နွှဲခဲ့ကြသည်မှာ (၅)နှစ်ကျော်ခဲ့ပြီဖြစ်ပါသည်။

မိုးကုတ်ဗျူဟာ ရဲဘော်များသည်လည်း တော်လှန်ရေးစတင်ခဲ့သည့်အချိန်မှစ၍ ယနေ့အချိန်ထိ စစ်အာဏာရှင်ကျရှုံးရေးတွင် မမှိတ်မသုန် ဆက်လက်တိုက်ပွဲဝင်နေကြပါသည်။

နွေဦးတော်လှန်ရေးကာလတစ်လျှောက် မိုးကုတ်ဗျူဟာနှင့်အတူ ခံယူချက်ခိုင်မာစွာဖြင့် လက်တွဲတိုက်ပွဲဝင်ရင်း တိုင်းပြည်နှင့် ပြည်သူလူထု၏ အနာဂတ်အတွက် အသက်နှင့်ခန္ဓာ ပေးဆပ်သွားခဲ့ကြသော အာဇာနည်သူရဲကောင်း များစွာရှိခဲ့ပါသည်။

၂၀၂၆ ခုနှစ်၊ ဇူလိုင်လ (၁၉) ရက်နေ့ (၇၉) နှစ်မြောက် အာဇာနည်နေ့ ၌ ခေတ်အဆက်ဆက် အာဏာသိမ်းမှုကို ဆန့်ကျင်ခဲ့သော အာဇာနည်သူရဲကောင်းများနှင့်အတူ နွေဦးတော်လှန်ရေးကာလအတွင်း မြင့်မြတ်စွာ ကျဆုံးခဲ့ကြသော နိုင်ငံတစ်ဝန်းမှ အာဇာနည် သူရဲကောင်းများ၊ မိုးကုတ်ဗျူဟာမှ ရဲဘော်ရဲဘက် အာဇာနည်သူရဲကောင်းများအား အခမ်းအနားနှင့်တကွ မိုးကုတ်ဗျူဟာ ရဲဘော်များအားလုံးမှ ဦးညွှတ် အလေးပြုအပ်ပါသည်။

#မိုးကုတ်ဗျူဟာ
#အာဇာနည်နေ့အခမ်းအနား
#19.7.2026

02/05/2026

Myin Gyuan Black Tiger (MBT) ၊မြင်းခြံခရိုင် အမှတ် (၉)တပ်ရင်း တပ်တည်ထောင်ခြင်း (၄) နှစ်ပြည့် ဂုဏ်ပြုသဝဏ်လွှာ ပေးပို့ခြင်း

#မိုးကုတ်ဗျူဟာ

# 2.5.2026

29/04/2026

သစ္စာဖောက်တပ်ပြေးအဖြစ်ကြေငြာခြင်း

အောက်ဖော်ပြပါ မိုးကုတ်ဗျူဟာမှ ရဲဘော်များသည် တပ်ဖွဲ့မှပေးအပ်သောတာဝန်ကို မျက်ကွယ်ပြု၍ တပ်ဖွဲ့စည်းကမ်းများကို ချိုးဖောက် ထွက်ပြေးပြီး ရန်သူဘက်သို့ သစ္စာဖောက်ထွက်ပြေးသွားခဲ့ပါသည်။

ထို့အပြင် တော်လှန်ရေးဘက်မှ ရဲဘော်များ စိတ်ဓာတ်ပျက်ပြားစေရန် ရည်ရွယ်၍ ရဲဘော်များအား video call ခေါ်ဆို၍ စစ်ကောင်စီထံ အညံ့ခံရန်တိုက်တွန်းပြောဆိုခြင်း၊ တပ်ဖွဲ့တည်နေရာမေးခြင်း၊ မပြောလျှင် အိမ်များချိတ်ပိတ်မည်ဖြစ်ကြောင်း ခြိမ်းခြောက်ပြောဆိုကာ သွေးဆောင်ဖြားယောင်းမှုများ ပြုလုပ်လျှက်ရှိနေပါသည်။

မိုးကုတ်ဗျူဟာ အနေဖြင့် တပ်ဖွဲ့အပေါ် ၊ ရဲဘော်များအပေါ်၊ တော်လှန်ရေးအပေါ် သစ္စာဖောက်ခဲ့ကြသော သစ္စာဖောက်လောက်ကောင်များအား တပ်အင်အားစာရင်းမှ ထုတ်ပယ်၍ ​ပြင်းထန်စွာ အပြစ်ပေး အရေးယူသွားမည်ဖြစ်ကြောင်း ထုတ်ပြန် ကြေငြာအပ်ပါသည်။

#မိုးကုတ်ဗျူဟာ

24/03/2026

အောက်မေ့ဂုဏ်ပြု ဦးညွှတ်အလေးပြုခြင်း

#ပြည်သူ့ကာကွယ်ရေးတပ်မတော်

#မိုးကုတ်ဗျူဟာ

#မိုးကုတ်၊မိုးမိတ် - စစ်ဆင်ရေး

#နွေဦးတော်လှန်ရေး

25/02/2026

အထူးလှုပ်ရှားတပ်မ (ပြည်သူ့ကာကွယ်ရေး တပ်မတော်-မန္တလေး) ဖွဲ့စည်းတည်ထောင်ခြင်း (၅)နှစ်ပြည့်သို့ ပေးပို့သော သဝဏ်လွှာ

ရက်စွဲ ။ ။ ၂၀၂၆ ခုနှစ်၊ ဖေဖော်ဝါရီလ (၂၅)ရက်။

၁။ ယနေ့ ၂၀၂၆ ခုနှစ်၊ ဖေဖော်ဝါရီလ (၂၅)ရက်နေ့တွင် အထူးလှုပ်ရှားတပ်မ (ပြည်သူ့ကာကွယ်ရေး တပ်မတော်-မန္တလေး) ဖွဲ့စည်းတည်ထောင်ခဲ့သည်မှာ (၅)နှစ် ပြည့်မြောက် ခဲ့ပြီဖြစ်သည်။

၂။ အထူးလှုပ်ရှားတပ်မ (ပြည်သူ့ကာကွယ်ရေးတပ်မတော်-မန္တလေး) အနေဖြင့် ၂၀၂၁ ခုနှစ်၊ စစ်တပ်အာဏာသိမ်းခဲ့သည့် အချိန်မှစတင်၍ နွေဦးတော်လှန်ရေး၏ အရေးပါသော အခန်းကဏ္ဍများတွင် စစ်အာဏာရှင်စနစ် အမြစ်ဖြတ် တွန်းလှန်နိုင်ရန် ရည်ရွယ်၍ တိုက်ပွဲဖော်ဆောင်မှု၊ စုစည်းကျစ်လစ်မှု၊ ရဲစွမ်းသတ္တိရှိမှု၊ ပြည်သူလူထု၏ အားကိုး ယုံကြည်ချက်ရရှိမှုတို့ဖြင့် တော်လှန်ရေး ကာလတစ်လျှောက် ဂုဏ်ယူဖွယ်ကောင်းစွာ စွမ်းဆောင် ပြသခဲ့ပြီးဖြစ်သည်။

၃။ ယနေ့ ကျရောက်သည့် အထူးလှုပ်ရှားတပ်မ (ပြည်သူ့ကာကွယ်ရေးတပ်မတော်-မန္တလေး)၏ (၅)နှစ်မြောက် နှစ်ပတ်လည်နေ့တွင် သပြေညိုစစ်ဆင်ရေးမှစတင်၍ ညီအကိုတပ်ရင်းများအဖြစ် ၁၀၂၇ စစ်ဆင်ရေး၊ ရှမ်းမန်းစစ်ဆင်ရေးတို့တွင် လက်တွဲညီညီ တိုက်ပွဲဝင်ခဲ့ကြသည့်နည်းတူ ဆက်လက်ဆင်နွဲရမည့် စစ်အာဏာရှင်စနစ် အမြစ်ဖြတ်စစ်ဆင်ရေးများ၊ ဖက်ဒရယ် ဒီမိုကရေစီစနစ် ဖော်ဆောင်ရေးတို့တွင် ညီအကိုရင်းသဖွယ် လက်တွဲသွားမည်ဖြစ်ကြောင်း ကတိသစ္စာပြုရင်း အားကောင်းမောင်းသန်ဖြင့် အောင်မြင်မှုများစွာ ဆက်လက်ဆွတ်ခူး ရယူနိုင်ပါစေကြောင်း ဂုဏ်ပြုသဝဏ်လွှာ ပေးပို့အပ်ပါသည်။

#ပြည်သူ့ကာကွယ်ရေးတပ်မတော်
#မိုးကုတ်ဗျူဟာ
#အထူးလှုပ်ရှားတပ်မ_(MDY_PDF)

16/01/2026

Red Wolves of Mogok အမှတ်တံဆိပ်နှင့်ပတ်သက်ပြီးရှင်းလင်းခြင်း

၁။ Red Wolves of Mogok ဘတ်တံဆိပ်သည် မိုးကုတ်ဗျူဟာမှ အမျိုးသားညီညွှတ်ရေးအစိုးရ၊ ကာကွယ်ရေးဝန်ကြီးဌာန၏ တပ်ရင်းတပ်ဖွဲ့များအဖြစ် မှတ်ပုံတင်စဉ်ကတည်းက တပ်ရင်း (၁၂၂၁) ၏ အမှတ်တံဆိပ်အဖြစ် တရားဝင် မှတ်ပုံတင်ထားပြီးဖြစ်ပါသည်။ အလားတူ သုံးစွဲမည့် page ကိုလည်း ဝန်ကြီးဌာန၏ မူဝါဒနှင့်အညီသုံးစွဲရန် မှတ်ပုံတင်ထားပြီးဖြစ်ပါသည်။

၂။ မိုးကုတ်ဗျူဟာရှိ တပ်ရင်း (၁၂၂၁) ကိုလည်း ရဲဘော်ဟောင်းများဦးဆောင်မှုဖြင့် ရဲဘော်ဟောင်း၊ ရဲဘော်သစ်များ မျှတခိုင်မာစွာ တရားဝင် ပြင်ဆင်ဖွဲ့စည်းပြီး ဂုဏ်သိက္ခာရှိစွာ ရပ်တည်နေကြပါသည်။

၃။ ယခုအခါ Red Wolves of Mogok page ကို တပ်ပြေးတစ်စုမှ သီးခြားခွဲထွက်ပြီး တရားဝင်မဟုတ်သောနည်းလမ်းဖြင့် ယူဆောင်သွားပါကြောင်းနှင့် Red Wolves of Mogok ဘတ်တံဆိပ်သည်လည်း ခိုင်မာစွာဖွဲ့စည်းထားသော တပ်ရင်း (၁၂၂၁) ၏ ဘတ်တံဆိပ်ဖြစ်သောကြောင့် အခြားမည်သည့်အစုအဖွဲ့ကမှ သုံးစွဲခွင့်မရှိကြောင်း အသိပေးအပ်ပါသည်။

၄။ လက်ရှိအချိန်တွင် Red Wolves of Mogok page သည် မိုးကုတ်ဗျူဟာ၏ ခွင့်ပြုချက်မရရှိပဲ တပ်ပြေးတစ်စုမှ အလှူခံခြင်း၊ Post တင်ခြင်းများ ပြုလုပ်နေကြောင်း တွေ့ရှိရပါသည်။ လှူဒါန်းထားသော ငွေကြေးနှင့် အခြားကြေငြာချက်များကို မိုးကုတ်ဗျူဟာမှ တာဝန်ခံမည်မဟုတ်ကြောင်း အသိပေးအပ်ပါသည်။

၅။ မိုးကုတ်ဗျူဟာသည် စတင်ဖွဲ့စည်းစဉ်အချိန်မှစ၍ အမျိုးသားညီညွှတ်ရေးအစိုးရ၊ ကာကွယ်ရေးဝန်ကြီးဌာန၏ မူဝါဒများ၊ စည်းမျဉ်းစည်းကမ်းများ၊ အမိန့်ပေးညွှန်ကြားချက်အတိုင်း လိုက်နာခဲ့သော ခိုင်မာသည့် အဖွဲ့အစည်းအဖြစ်ရပ်တည်ခဲ့၊ ရပ်တည်နေဆဲဖြစ်ပါသည်။ သို့ဖြစ်ပါ၍ စည်းကမ်းနှင့် မကိုက်ညီသော အပြုအမူများ၊ လုပ်ကိုင်ဆောင်ရွက်မှုများကို ဝန်ကြီးဌာနမှ ချမှတ်ထားသော ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း မိဘပြည်သူများသိစေရန် အသိပေးအပ်ပါသည်။

#မိုးကုတ်ဗျူဟာ

12/01/2026

ပလောင်ပြည်နယ်လွတ်မြောက်ရေးတပ်ဦး (PSLF/TNLA) တည်ထောင်ခြင်း (၆၃)နှစ်မြောက် တပ်မွေးနေ့သို့ ပေးပို့သော သဝဏ်လွှာ

၂၀၂၆ ခုနှစ် ၊ ဇန်နဝါရီလ (၁၂)ရက်

14/12/2025

ကျွန်တော်တို့ မိုးကုတ်ဗျူဟာအနေဖြင့် နွေဥိီးတော်လှန်ရေး စတင်ခဲ့သည့်အချိန်မှစ၍ ပြည်သူလူထု၏ ထောက်ပံ့အားပေးမှုဖြင့် ရပ်တည်လာသည်မှာ ယနေ့အချိန်ထိဖြစ်ပါသည်။

ထောက်ပို့ ပါဝင်တော်လှန်ခဲ့ကြသည့် မိဘပြည်သူအားလုံးတို့၏ ချွေးနည်းစာ​ထောက်ပို့ငွေများကိုလည်း အစဥ်လေးစားတန်ဖိုးထားစွာဖြင့် တော်လှန်ရေးအတွက် အထောက်အကူဖြစ်စေမည့် ကဏ္ဍအသီးသီးတွင်သာ အသုံးချခဲ့သည်ကို လိပ်ပြာလုံစွာတာဝန်ယူပါသည်။

ယမန်နေ့ 13.12.2025 ရက်နေ့တွင် ဖြစ်ပျက်ခဲ့သော ငွေကြေးအလွဲသုံးစားမှု သံသယဝင် စွပ်စွဲခံရမှုအပေါ် များစွာဝမ်းနည်းရပါသည်။

သို့သော် မှန်ကန်ခြင်းနှင့်ရဲရင့်ခြင်း ဆိုတဲ့ လက်စွဲနှင့်အညီ မိုးကုတ်ဗျူဟာ၏ ပုံရိပ်ကျဆင်းစေမည့်ပြောဆိုခြင်းအပေါ် ပွင့်လင်းမြင်သာရှိစေရန် ဗွီဒီယိုဖိုင်နှင့်တကွ ချပြဖြေရှင်းခြင်းဖြစ်ပါသည်။

#မိုးကုတ်ဗျူဟာ

06/12/2025

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ပြည်သူ့ကာကွယ်ရေးတပ်မတော်၊ စစ်ရုံးချုပ်မှ အနီးကပ်ကွပ်ကဲမှုနှင့်အတူ မိုးကုတ်ပြည်သူတို့၏ လွတ်လပ်သည့် အိမ်ပြန်လမ်း မျှော်လင့်ချက်ကို ဖော်ဆောင်ကြိုးပမ်းကြရာမှာ မိုးကုတ်ဗျူဟာ လည်းအတူတူ လက်တွဲပူးပေါင်း တိုက်ပွဲဝင်နေ​ကြောင်း အသိပေးအပ်ပါသည်။

မိုးကုတ်မြို့မှတဆင့် တနိုင်ငံလုံး လွတ်မြောက်ပြီး ကျွန်တော်တို့မိဘပြည်သူအားလုံး တို့၏ အဓိက မျှော်လင့်ချက်ဖြစ်သည့် ဖက်ဒရယ်ဒီမိုကရေစီ နိုင်ငံတော်သစ်တစ်ခု ပေါ်ပေါက်လာမည့်အချိန်ထိ ဆက်လက်တိုက်ပွဲဝင်သွားမည်ဖြစ်ကြောင်း မိုးကုတ်ဗျူဟာ ရဲဘော်များအားလုံးမှ ကတိသစ္စာပြုပါသည်။

#အရေးတော်ပုံမုချအောင်ရမည်။

#မိုးကုတ်ဗျူဟာ

https://www.facebook.com/share/1Bf94wstwm/

မိုးကုတ် - မိုးမိတ်ဒေသ နောက်ဆုံးအခြေအနေဆိုင်ရာ သတင်းထုတ်ပြန်ချက်

၁၃၈၇၊ နတ်တော်လဆုတ် ၂ ရက်
(၂၀၂၅ ခုနှစ်၊ ဒီဇင်ဘာလ (၆) ရက်)

(၁) အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ စစ်ရုံးချုပ်အနေဖြင့် မိုးကုတ် - မိုးမိတ်ဒေသ စစ်ဆင်ရေးစစ်ဦးစီးအဖွဲ့ကို ၂၀၂၅ ခုနှစ်၊ နိုဝင်ဘာလ (၉) ရက်နေ့ ကတည်းက စတင်ဖွဲ့စည်းခဲ့ပြီး သက်ဆိုင်ရာဒေသတွင်းရှိ PDF များ၊ ပကဖ များကို စုစည်းစေလျက် တသမတ်တည်းသော အမိန့်ပေးကွပ်ကဲမှုစနစ်အောက်မှတဆင့် စစ်ဆင်ရေးကိစ္စများကို အနီးကပ်ကြီးကြပ်ကွပ်ကဲလျက်ရှိပါသည်။

(၂) တိုက်ပွဲများမဖြစ်ပွါးမီကတည်းက အပြစ်မဲ့ အရပ်သားပြည်သူလူထုများ ထိခိုက်မှုမရှိစေရေးအတွက် ဘေးလွတ်ရာနယ်မြေများသို့ ကြိုတင်ရွှေ့ပြောင်းပေးခြင်း၊ နေရာချထားပေးခြင်း နှင့် လိုအပ်သော ထောက်ပံ့ကူညီမှုများကို အချိန်နှင့်တပြေးညီ ပေးအပ်နိုင်ရေးတို့ကို အရပ်ဘက်လူမှုအဖွဲ့အစည်းများနှင့် ပူးပေါင်း၍ အလျင်အမြန် ဆောင်ရွက်ခဲ့ကြပါသည်။

(၃) ၂၀၂၅ ခုနှစ်၊ နိုဝင်ဘာလ (၃၀) ရက်နေ့၊ ၁၈:၀၀ နာရီ အချိန်မှ စတင်ပြီး မိုးကုတ်မြို့နယ်အတွင်းရှိ ရန်သူခြေကုတ်ယူလာသော နယ်မြေများကို မိမိတို့ တပ်ဖွဲ့ဝင်များမှ အပြင်းအထန်
ထိုးစစ်ဆင် တိုက်ခိုက်ခဲ့ကြပါသည်။

(၄) တိုက်ပွဲများစတင်ခဲ့သည့် ၂၀၂၅ ခုနှစ်၊ နိုဝင်ဘာလ (၃၀) ရက်နေ့မှ ယနေ့ ၂၀၂၅ ခုနှစ်၊ ဒီဇင်ဘာလ (၆) ရက်နေ့အထိ တပတ်တာကာလအတွင်း တိုက်ပွဲကြီးငယ်ပေါင်း (၉) ကြိမ်ထက် မနည်း ဖြစ်ပွါးခဲ့ပြီး အရေးပါသော ရန်သူ့စခန်းကုန်းတခုအား မိမိတို့ဘက်မှ လက်ရသိမ်းပိုက်ထားနိုင်ပါသည်။

(၅) မိမိတို့ ပြည်သူ့ကာကွယ်ရေးတပ်မတော် နှင့် ပြည်သူ့ကာကွယ်ရေးအဖွဲ့များ အနေဖြင့် မိုးကုတ် - မိုးမိတ်ဒေသ သို့ ကျူးကျော်ဝင်ရောက်လာသော အကြမ်းဖက် စစ်အုပ်စု တပ်များကို ပြည်သူလူထုနှင့် လက်တွဲပြီး ရွပ်ရွပ်ချွံချွံဆက်လက်တိုက်ပွဲဝင်လျက်ရှိကြောင်း အသိပေးထုတ်ပြန်အပ်ပါသည်။

ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ

12/11/2025

အကြောင်းအမျိုးမျိုးကြောင့် မကြည့်လိုက်ရတဲ့မိဘပြည်သူအပေါင်းတို့အတွက် မိုးကုတ်ဗျူဟာ အချစ်ဆုံးသူ ကမ်ပိန်းက ရုပ်ရှင်လေးတွေကို ကြည့်ရှုနိုင်မယ့် အခွင့်အရေးလေးလာပါပြီဗျာ...

#မိုးကုတ်ဗျူဟာ

https://www.facebook.com/share/1EYEutkH4e/

ဒေါက်တာစိုးသူရဇော်အကြောင်း ရိုက်ကူးထားတဲ့ မှတ်တမ်းရုပ်ရှင်ကို ပြသမယ်
နိုဝင်ဘာ ၁၂ ၊ ၂၀၂၅

အမျိုးသားညီညွတ်ရေးအစိုးရ ၊ ကာကွယ်ရေးဝန်ကြီးဌာန ၊ PDF တပ်မတော်စစ်ရုံးချုပ် ဒုတိယစစ်ဦးစီးအရာရှိချုပ်ဖြစ်သူ MDY PDF ရဲ့ ဒေါက်တာစိုးရသူဇော်အကြောင်း ရိုက်ကူးထားတဲ့ မှတ်တမ်းရုပ်ရှင် “Dr. Soe Thuya Zaw” ကို နိုဝင်ဘာ ၁၅ ရက် မြန်မာစံတော်ချိန် ည ၉ နာရီမှာ PVTV ကနေ ထုတ်လွှင့်သွားမှာဖြစ်ပါတယ်။

မိုးကုတ်ဗျူဟာက ပြုလုပ်တဲ့ “ရုပ်ရှင်ပွဲတော််” မှာ ပြသနေတဲ့ ဇာတ်ကား ၃ ကားကို တစ်ပတ်လျှင် တစ်ကားနှုန်းနဲ့ ၃ ပတ်ဆက်ပြသမှာဖြစ်ပါတယ်။

“ခေတ်ကောင်းလို့ အသံထွက်ခဲ့သူမဟုတ်ဘူး… ယုံကြည်ချက်၊ ရပ်တည်ချက် ခိုင်မာသူ .... တိုင်းပြည်ဖျက်အုပ်စုတွေလက်ထဲက မြန်မာပြည်နဲ့ ဒီမိုကရေစီကို ပြန်လည်တိုက်ယူမယ့် ပညာတတ်လူငယ် ....။ နာမည်ကျော် စကားပုံတစ်ခုရှိပါတယ်။ ပညာတတ် လူယုတ်မာတွေဟာ သိပ်ကို ကြောက်စရာကောင်းတာတဲ့။၏ ကျနော်တို့နိုင်ငံမှာ အဲလိုလူတန်းစားဟာ သီးသန့် တည်ရှိနေသလို ဒေါက်တာစိုးသူရဇော်တို့လို အရာရာကို ပေးဆပ်ပြီး တိုင်းပြည်ကို အမှောင်ထုကနေဆွဲထုတ်ဖို့ ကြိုးစားနေကြတဲ့ နယ်ပယ်အသီးသီးက အသိပညာရှင်၊ အတတ်ပညာရှင်ပေါင်းများစွာဟာ ဒီနွေဦးထဲမှာ တည်ရှိနေကြပါတယ်။” လို့ မိုးကုတ်ဗျူဟာက မှတ်ချက်ပြုထားပါတယ်။

“Dr. Soe Thuya Zaw” မှတ်တမ်းရုပ်ရှင်ကို ဒါရိုက်တာ ကေ ရိုက်ကူးခဲ့တာဖြစ်ပါတယ်။
ဒီမှတ်တမ်းရုပ်ရှင်ကို မိုးကုတ်မြို့သိမ်းတိုက်ပွဲကာလအတွင်း ရိုက်ကူးထားတာဖြစ်တယ်လို့လည်း သိရှိရပါတယ်။





PVTV Telegram Channel -https://t.me/pvtvmyanmar
PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်းဖြင့်တော်လှန်ရေးတွင် တတပ်တအား ပါဝင်ကူညီနိုင်ပြီဖြစ်ပါတယ်။