27/05/2026
အသိပေးကြေငြာအပ်ခြင်း
------------------------
ဆရာကြီးဒေါက်တာဦးမောင်မောင်သန်းနှင့်ဆရာမကြီး ဒေါက်တာဒေါ်အမာ တို့ ဦးစီးတည်ထောင်၍ ၁၉၉၂ မှစတင်ဖွင့်လှစ်ခဲ့ပြီး ၃၄နှစ်ကြာ အောင်မြင်မှုနှင့်ကြော်ကြားခဲ့သော "မြတ်သုခ ဆေးရုံ" လုပ်ငန်းကြီးအား အကြောင်းအမျိုးမျိုးကြောင့် ၁.၆.၂၀၂၆ မှစတင်ကာ ယာယီရပ်နားထားမည် ဖြစ်ပါသည်။
စတင်ဖွင့်လှစ်ချိန်ကစ၍ လက်တွဲလုပ်ဆောင်ခဲ့သော ဆရာဝန်ကြီးများ၊အစဥ်တစိုက်ယုံကြည်ကုသမှု ခံယူခဲ့ကြသော မိတ်သင်္ဂဟများနှင့် ဆွေမျိုးများ၊အခက်အခဲရှိတိုင်း မိသားစုသဖွယ်လက်တွဲမဖြုတ်စတမ်း အတူရင်ဆိုင်ခဲ့သော ဝန်ထမ်းများ၊အားပေးကူညီခဲ့ကြသူများ အားလုံးကို အထူး(အထူး)ကျေးဇူးတင်ရှိအပ်ပါသည်။
များမကြာမီအချိန်အတွင်းတွင် ပိုမိုဆန်းသစ်ခေတ်မီသော စက်ပစ္စည်းကရိယာများ၊ ပို၍ပို၍ ကောင်းမွန်သော ဝန်ဆောင်မှုများနှင့် သစ်လွင်သော ဆေးရုံအဆောက်အဦးကြီးဖြင့် ပြန်လည်ဖွင့်လှစ်နိုင်ရန် အထူးပင်ကြိုးစားအားထုတ်လျက်ရှိပါသည်။
ထိုသို့ပြန်လည်ဖွင့်လှစ်တော့မည့် အချိန်တွင်လည်း ကျေးဇူးရှင်များသိရှိနိုင်ပါရန် မီဒီယာအသီးသီးမှ ကြော်ငြာပေးသွားမှာ ဖြစ်ပါသည်။
၁.၆.၂၀၂၆ မှစ၍ မန္တလေးမြို့ လမ်း၃၀ ၇၀×၇၁လမ်းကြားတွင်"မြတ်သုခ ဆေးရုံ" အမည်ဖြင့် ဆေးရုံဖွင့်လှစ်ထားခြင်း မရှိတော့ပါကြောင်း အသိပေးအပ်ပါသည်။
“မြတ်သုခ ဆေးရုံ”
မိသားစု
