17/09/2023
💧 WATER is LIFE 🌿
---------
လူသားများရဲ့ ခန္ဓာကိုယ်မှာ ရေဓာတ် ၆၀%နဲ့ ပါဝင်ဖွဲ့စည်းထားပါတယ်။ ဒါ့အပြင် ကိုယ်ခန္ဓာကနေ ရေကို တချိန်လုံး စွန့်ထုတ်နေပါတယ်။ ဆီးများ ချွေးများအနေနဲ့ ဖြစ်ပါတယ်။ ရေဓာတ်ခန်းခြောက်ခြင်းကို ကာကွယ်ဖို့အတွက် လုံလောက်တဲ့ ရေပမာဏကို သောက်သုံးဖို့ လိုအပ်ပါတယ်။ တနေ့တာ ရေပမာဏကို ဘယ်လောက်သောက်သုံးသင့်သလဲဆိုတာနဲ့ ပတ်သက်ပြီး ထင်မြင်ချက်မျိုးစုံ ရှိပါတယ်။ ဒီတစ်ခေါက်တော့ ရေများများသောက်ကြဖို့ အကြောင်းလေး ပြောပြပေးချင်ပါတယ်။
ရေများများသောက်ကြဖို့ ပြောရတဲ့ အကြောင်းအရင်းလေးကို ကြည့်လိုက်ရအောင်နော်။
ရေသောက်ခြင်းဟာ ကိုယ်ခန္ဓာရဲ့ စွမ်းအင်ပမာဏနဲ့ ဦးနှောက်လုပ်ငန်းတွေကို ထိခိုက်နိုင်သလား
လူအများယုံကြည်ချက်ကြတာကတော့ ရေဓာတ်ကို ပြည့်ဝစွာ မရရင် စွမ်းအင်ကုန်ခမ်းပြီး ဦးနှောက်ရဲ့ လုပ်ငန်းတွေလည်း ထိခိုက်လာမှာပဲ ဖြစ်ပါတယ်။ ဒီအယူအဆကို ထောက်ခံမှု ပြုထားတဲ့ သုတေသနတွေလည်း ရှိပါတယ်။ သုတေသနတခုမှာဆိုရင် လေ့ကျင့်ခန်း ပြုလုပ်ပြီးချိန်မှာ ရေဓာတ် ၁.၃၆% ဆုံးရှုံးသူများဟာ စိတ်ပိုင်းဆိုင်ရာ အခြေအနေနဲ့ အာရုံစူးစိုက်နိုင်စွမ်းကို ထိခိုက်မှုဖြစ်စေပြီး ခေါင်းကိုက်လာတတ်ပါတယ်။ နောက်ထပ် လေ့လာချက်တွေအရ လေ့ကျင့်ခန်း ဒါမှမဟုတ် အပူချိန်ကြောင့် အသင့်အတင့်ရေဓာတ်ဆုံးရှုံးခြင်း (ခန္ဓာကိုယ် အလေးချိန်ရဲ့ ၁ မှ ၃ %) ဖြစ်ရင် ဦးနှောက်ရဲ့ လုပ်ဆောင်ချက်တွေကို ထိခိုက်စေတယ်လို့ ဆိုပါတယ်။ ခန္ဓာကိုယ်အလေးချိန်ရဲ့ ၁% ဆိုတာဟာ အတော်လေး သိသာတဲ့ပမာဏဖြစ်ပြီး အလွန်အမင်း ချွေးထွက်ရင် ဖြစ်တတ်ပါတယ်။
💧 ရေသောက်ခြင်းဟာ ကိုယ်အလေးချိန်လျှော့ချရာမှာ အထောက်အကူဖြစ်သလား
ရေများများသောက်ရင် ဇီဝဖြစ်ပျက်မှုကို မြန်ဆန်စေခြင်း၊ အစားနည်းစေခြင်း စတာတွေကြောင့် ကိုယ်အလေးချိန်ကျစေတယ်လို့ ဆိုကြပါတယ်။ သုတေသနတွေအရ ရေ ၁၇အောင်စ (၅၀၀ မီလီလီတာ)ကို သောက်သုံးရင် ဇီဝဖြစ်ပျက်မှု ၂၄ ကနေ ၃၀%ထိ ယာယီ မြင့်တက်လာတယ်လို့ သိရပါတယ်။ သုတေသီများရဲ့ အဆိုအရ တနေ့တည်းမှာ ရေ ၆၈ အောင်စ (၂လီတာ) သောက်သုံးရင် ၉၆ ကယ်လိုရီ ပိုမိုလောင်ကျွမ်းစေတယ်လို့ သိရပါတယ်။ ဒါ့အပြင် ရေသောက်လိုက်တဲ့အခါ အေးမြသွားတာကြောင့် ခန္ဓာကိုယ်အပူချိန်ကို ပြန်တက်လာအောင် မြှင့်တင်ရာကနေ ကယ်လိုရီ ပိုမိုလောင်ကျွမ်းစေတယ်လို့ ဆိုပါတယ်။
ဒါ့အပြင် အစာမစားခင် နာရီဝက်လောက်ကြိုပြီး ရေသောက်ခြင်းဟာ စားသောက်ခြင်းကနေ ရလာမယ့် ကယ်လိုရီဓာတ်တွေကို လျော့နည်းစေပါတယ်။ အထူးသဖြင့် သက်ကြီးပိုင်းတွေမှာ ဖြစ်ပါတယ်။
ခြုံကြည့်မယ်ဆိုရင် ရေကို ပုံမှန်သောက်ပေးခြင်းဟာ (အထူးသဖြင့် အစားမစားမီ) ကိုယ်အလေးချိန် လျှော့ချရာမှာ အထောက်အကူပြုပါတယ်။
ရေသောက်ခြင်းကနေ ဘာအကျိုးကျေးဇူးတွေ ရသေးလဲ
ရေကိုများများသောက်ခြင်းအးဖြင့် အောက်ပါပြဿနာတွေကို ဖြေရှင်းနိုင်ပါတယ်။
💧 ဝမ်းချုပ်ခြင်း။ ရေများများသောက်ရင် ဝမ်းချုပ်ခြင်းကို သက်သာစေပါတယ်။
🌿 ကင်ဆာ။ သုတေသနအချို့အရ ရေများများသောက်သူများဟာ ဆီးအိမ်ကင်ဆာနဲ့ အူမကြီးကင်ဆာ ဖြစ်ပွားနိုင်ခြေ လျော့ကျတယ်လို့ ဆိုထားပါတယ်။
🌿 ဆီးကျောက်တည်ခြင်း။ ရေများများသောက်တဲ့အခါ ကျောက်ကပ်နဲ့ ဆီးလမ်းကြောင်းမှာ ကျောက်တည်ခြင်းကို ကာကွယ်နိုင်ပါတယ်။
🌿 ဝက်ခြံအပါအဝင် အရေပြားပြဿနာများ။ ရေသောက်တဲ့အခါ အရေပြားကို ရေဓာတ်ပြည့်ဝစေပြီး ဝက်ခြံပေါက်ခြင်းကိုလည်း လျှော့ချနိုင်ပါတယ်။
💧 တခြားအရည်တွေကိုရော ထည့်တွက်နိုင်သလား
ခန္ဓာကိုယ်ရဲ့ တနေ့တာရေလိုအပ်ချက်ဆိုတာ ရိုးရိုးရေတမျိုးတည်းကိုပဲ ဆိုလိုတာ မဟုတ်ပါဘူး။ တခြားသော အဖျော်ယမကာများနဲ့ အစားအသောက်တွေ အားလုံး အကျုံးဝင်ပါတယ်။ အချိုရည်၊ သစ်သီးဖျော်ရည် စတာတွေအပြင် အသား၊ ငါး၊ ဥအမျိုးမျိုးနဲ့ အသီးအရွက်တွေကလည်း ရေဓာတ်ကို ပေးနိုင်ပါတယ်။
💧 ရေကို ဘယ်လိုသောက်ရမလဲ
လူတယောက်ဟာ တနေ့တာမှာ ရေဘယ်လောက်လိုအပ်သလဲဆိုတာ အတိအကျ ပြောပြဖို့ ခက်ပါတယ်။ လူတဦးချင်းစီပေါ် မူတည်ပါတယ်။ ကောင်းတာကတော့ ရေဆာပြီ ဆိုတာနဲ့ ရေသောက်ပါ။ ရာသီဥတုပူပြင်းချိန်၊ ကိုယ်လက်လေ့ကျင့်ခန်း ပြုလုပ်နေချိန်မှာ ပိုသောက်ပါ။
----------
LOTUS Purified Drinking Water 20 လီတာ ရေဗူးများကို အိမ်သုံး ၊ ရုံးသုံး အတွက် ဖြန့်ချိပေးနိုင်သော #✨ အရောင်းကိုယ်စားလှယ်တော်ကြီးများအတွက် အထူး ခံစားခွင့်များ
*-*-*-*-*-*-*-*-*-*--
🎖️ တစ်နှစ်ရောင်းအား ပေါ်မူတည်၍ အများနဲ့ မတူတဲ့ Promotion Gift များ Commission များ
🎖️အများထက် သက်သာတဲ့ ဈေးနှုန်း
🎖️ ရေသန့်ဖြန့်ဝေမှု မှန်ကန်မြန်ဆန်ခြင်း
🎖️Brand စစ်စစ်တစ်ခုဖြစ်တာကြောင့် ယုံကြည်စွာ ရေရှည်လက်တွဲနိုင်ခြင်း
🎖️သောက်ရေသန့်၏ သန့်စင်မှုအဆင့်မြင့်မားခြင်းကြောင့် နေ့စဉ်သောက်သုံးသူများထံမှ နာမည်ကောင်းရခြင်း
တို့ကို အထူးအာမခံပါတယ် ခင်ဗျာ
Lotus သောက်ရေသန့် ဖြန့်ချိရေး ...............
ရုံး - No.16, 3rd Floor, Zayawaddy(Baho) Street, San Chaung Township., Yangon, Myanmar . 01 525 853
ရေသန့်စက်ရုံ - အမှတ် ၆၆၄-B ၊ စစ်စီးတော(၁)လမ်း ၊ ကွမ်းခြံကုန်းကျေးရွာ ၊ သန်လျင်မြို့နယ် ၊ ရန်ကုန်တိုင်း ။
Hot Line: 09775015014, 09775015019, 017525853
Experience the Purity. Embrace the Nature. Choose LOTUS Purified Drinking Water. 🌿💧
