Zaw Myo Naing Library, Monywa (2026)

12/05/2020

လေယာဉ်ပျံတစ်စီးရဲ့ကိုယ်ထည် တစ်ခုလုံးကို( fuselage)လို့ခေါ်တယ်။
The body of the plane is called the fuselage.

လေယာဉ် (ဘီး)တွေကိုတော့ (Landing gear)လို့ခေါ်တယ်။
The wheels of a plane are called the landing gear.

လေယာဉ်ပျံတွေမှာ (Landing gear) နှစ်မျိုးရှိတယ်။Main landing gear နဲ့ Nose landing gear ဖြစ်ပါတယ်။

Main landing gear ကတော့ လေယာဉ်ပျံတွေရဲ့ ကိုယ်ထည်အောက်ပိုင်း အတောင်ပံအနားမှာ ရှိပါတယ်။

Nose landing gear ကတော့ လေယာဉ်တွေရဲ့အရှေ့ ခေါင်းခန်းရဲ့အောက်မှာ ရှိပါတယ်။

747 boeing လေယာဉ်ကြီးတွေမှာ(၁၈)ဘီး ပါရှိပါတယ်။လေယာဉ်တွေရဲ့နောက်ဘီးကို(Main wheels)လို့ခေါ်ဆိုပြီး လေယာဉ်တွေရဲ့အရှေ့ဘီးကို(Nose wheels) လို့ခေါ်ဆိုပါတယ်။

လေယာဉ် အဆင်း ဂီယာ ချို့ယွင်းပျက်စီးသွားရင် ဘာတွေ၊ဘယ်လိုဖြစ်နိုင်သလဲဆိုတော့..
What happens if a plane's landing gear fails?

ကိုယ်ထည် ဝမ်းဗိုက်နဲ့ဆင်းသက်(“belly” landing)လာရခြင်းကြောင့် မီးလောင်ပျက်စီးဆုံးရှုံးနိုင်သည့်အပြင် ခရီးသည်များ မတော်တဆမှုတွေနဲ့ရင်ဆိုင်ကြုံတွေ့နိုင်ပါတယ်။

ဒီနေ့ ၁၂/၀၅/၂၀၁၉ ရက်နေ့ ၀၇၁၅ နာရီတွင်မြန်မာအမျိုးသားလေကြောင်းလိုင်း ၏ခရီးစဉ်အမှတ် UB103 ရန်ကုန်- မန္တလေး- ရန်ကုန် ခရီးစဉ်ကို လေယာဉ်အမှတ် XY-AGQ , Embraer 190AR နှင့် ခရီးသည် ၈၂ ဦးတင်ဆောင်၍ Captain မြတ်မိုးအောင်၊ FO ကောင်းဆက်လင်း၊ FOမျိုး သီဟအောင် တို့မောင်းနှင်ပျံသန်းလာသော လေယာဉ်ဟာ အဆင်းမှာ ရှေ့ဂီယာ(Nose landing gear)ချို့ယွင်းချက်ကြောင့် ဆင်းသက်ဖို့အဆင်မပြေဖြစ်ခဲ့သည့်အချိန်မှာ လေယာဉ်ဆီအားလုံးကို ဖောက်ထုတ် စွန့်ပစ်အပြီးမှ Captain မြတ်မိုးအောင် ဦးဆောင်ပြီး မြေပြင်သို့ အန္တရာယ်ကင်းစွာဆင်းသက်လာနိုင်ခြင်းဖြစ်ပါတယ်။

အကယ်၍ လေယာဉ်ဆီးတွေကို ဖောက်ထုတ် စွန့်ပစ်ခြင်း မပြုလုပ်ဘူးဆိုရင် မီးလောင်နိုင်တဲ့အခြေနေမျိုးအထိ့ ကျရောက်နိုင်ပါတယ်။

ဒါ့ကြောင့် Captain မြတ်မိုးအောင် ရဲ့ ဆုံးဖြတ်ချက်ဟာ အရမ်းမှန်ကန်ပါတယ်။

*လေးစားပါတယ် Captain မြတ်မိုးအောင်*Congratulations ပါ။

ထို့ကြောင့် ယနေ့အဖြစ်အပျက်ဟာ လေယာဉ်ရှေ့ဘီး(Nose wheels)ကြောင့်မဟုတ်ပဲ လေယာဉ်အရှေ့အဆင်း ဂီယာ(Nose landing gear)ချို့ယွင်းချက်ကြောင့်သာ ဖြစ်ပါကြောင်း.......

Credit..

12/05/2020

ရုရှားနိုင်ငံက အီတလီနဲ့ ဗြိတိန်ကို ကျော်ပြီး
ကိုရိုနာဗိုင်းရပ်စ်အတည်ပြုလူနာ တတိယ
အများဆုံးနိုင်ငံဖြစ်လာ
****************************************

မော်စကို၊ မေလ ၁၁ ရက်။

ရုရှားနိုင်ငံမှာ ကိုရိုနာဗိုင်းရပ်စ်အတည်ပြုလူနာ ဆက်တိုက် စံချိန်တင်တွေ့ရှိခဲ့တာကြောင့် အီတလီနဲ့ ဗြိတိန်တို့ကို ကျော်ဖြတ်ကာ တတိယအများဆုံး ကူးစက်ခံရတဲ့နိုင်ငံအဖြစ် စာရင်းဝင်သွားပါတယ်။

ရုရှားသမ္မတ ဗလာဒီမှာပူတင်ကတော့ အခုလို ကူးစက်မှုတရှိန်တိုးမြင့်တက်နေတာကြောင့် နိုင်ငံတွင်း ထုတ်ပြန်ထားတဲ့ လော့ဒေါင်းအစီအမံတွေကို ပြန်လည်သုံးသပ်သွားမှာဖြစ်တယ်လို့ ပြောကြားလိုက်ပါတယ်။

ယနေ့ တနင်္လာနေ့မနက်အတွက် ရုရှားကျန်းမာရေးအာဏာပိုင်တွေ ထုတ်ပြန်ချက်အရ ၂၄ နာရီအတွင်း ကိုဗစ် အတည်ပြုလူနာ ၁၁,၆၅၆ ထပ်မံတွေ့ရှိခဲ့တာကြောင့် ကူးစက်ခံရသူ စုစုပေါင်း ၂၂၁,၃၄၄ ထိရှိသွားကာ အမေရိကန်နဲ့ စပိန်ပြီးရင် တတိယကူးစက်ခံရမှုအများဆုံး နိုင်ငံဖြစ်သွားခဲ့ပါတယ်။

ကူးစက်အတည်ပြုလူနာတွေနဲ့ သေဆုံးသူတွေရဲ့ တစ်ဝက်လောက်ဟာ မြို့တော် မော်စကိုမှာနေထိုင်သူတွေဖြစ်ကြပြီး မော်စကိုမြို့သား ၁၁၅,၉၀၉ ဦးကူးစက်ခံထားရတယ်လို့ သိရပါတယ်။

တနင်္ဂနွေတစ်ရက်တည်းကို သေဆုံးသူ ၉၄ ဦးရှိခဲ့ပြီး စုစုပေါင်းသေဆုံးသူ ၂,၀၀၉ ဦးရှိသွားပြီဖြစ်ကြောင်း ရုရှားကိုရိုနာဗိုင်းရပ်စ် တုန့်ပြန်ရေးစင်တာက သတင်းထုတ်ပြန်ထားပါတယ်။

ပန်ပန်/Myanmar Harp

ကိုးကား/ ရိုက်တာ
Crd #ငြိမ်းချမ်း(ဧရာဝတီ)

12/05/2020

ကြောက်ဘို့တော့ ကောင်းနေပါပြီ
************************************

NTU (National Taiwan University) ၏ ဆရာဝန်အသင်းအဖွဲ့မှ အများပြည်သူ သုံးသပ်ဆင်ခြင်နိုင်ရန် မှာကြားချက်：Chen Yu Neng

"ဒီတစ်နှစ်အတွင်း" COVID-19 ရောဂါ #ကူးစက်ခံထားရဖူးသူတို့နှင့်အနီးကပ်ထိတွေ့ခြင်း၊ တွေ့ဆုံခြင်းနှင့် မိတ်ဆုံစားပွဲပြုလုပ်ခြင်းမှ #အတတ်နိုင်ဆုံးရှောင်ရှားပါ။ ကာကွယ်စောင့်ရှောက်သည့် အမြင်ထားရှိပြီး လုံးဝမပေါ့ဆသင့်ပါ။

1. #သေဆုံးသူအလောင်းခွဲစိတ်စစ်ဆေးချက်အရ

(1) ပြင်းထန်သော COVID-19 ရောဂါလက္ခဏာမှာ "SARS နှင့် AIDS တို့ ပေါင်းစပ်ထားသောပုံစံ" နှင့် သဏ္ဌာန်တူနေသည်။ ဆရာဝန်အများစုယူဆချက်အရ ဆေးရုံဆင်းပြီးသောလူနာများ၏ Nucleic Acid စစ်ဆေးချက်များ positive ပြန်ဖြစ်ပေါ်ရခြင်းမှာ ရောဂါပြန်လည်ဖြစ်ပေါ်ခြင်းမဟုတ်ဘဲ အမြစ်ပြတ်အောင် မကုသနိုင်ခြင်းကြောင့်သာဖြစ်သည်။ ဒီအချက်ဟာ COVID-19 ၏ သွင်ပြင်လက္ခဏာနှင့် ဆက်စပ်နေပါသည်။

(2) လူနာ၏ ကိုယ်ခံစွမ်းအားစနစ်အားလုံးနီးပါး ဖျက်ဆီးခြင်းခံထားရပြီးဖြစ်သည်။ "SARS ရောဂါဟာ အဆုတ်ကိုသာ တိုက်ခိုက်ပြီး လူ၏ ကိုယ်ခံစွမ်းအားစနစ်ကို မဖျက်ဆီးပါ။ AIDS ရောဂါမှာ အဆုတ်သာမက ခန္ဓာတစ်ခုလုံး၏ ကိုယ်ခံစွမ်းအားစနစ်များကိုပါ အကုန်ဖျက်ဆီးပစ်သည်။ COVID-19 ရောဂါပုံစံမှာ ထို SARS နှင့် AIDS ရောဂါလက္ခဏာနှင့် ဆင်တူနီးပါးဖြစ်နေသည်။

(3) SARS ရောဂါဖြင့် သေဆုံးသူများ၏ အဓိကအကြောင်းရင်းမှာ ပြင်းထန်သော အဆုတ်ထိခိုက်ပျက်စီးခြင်းကြောင့်ဖြစ်သည်။ သို့သော် COVID-19 ဖြင့် သေဆုံးရခြင်းမှာ အဓိကအားဖြင့် ခန္ဓာကိုယ်အတွင်းရှိ အင်္ဂါအစိတ်အပိုင်းများစွာ ယိုယွင်းပျက်စီးခြင်းပင်ဖြစ်သည်။

2. ရှိ အရေးပေါ်ကုသရေးဌာန ဒါရိုက်တာ Dr. Peng Zhi Yong ဟာ အလောင်းခွဲစိတ်စစ်ဆေးမှုအဖြေ ထွက်လာပြီးနောက် အဖွဲ့ဝင်များနှင့်အတူ ဆွေးနွေးမှုများ ဦးဆောင်ပြုလုပ်ခဲ့ပါသည်။

(1) ဆေးရုံဆင်းလူနာတစ်ချို့၏ သွေးစစ်ဆေးမှုတွေ့ရှိချက်အရ lymphocyte စံနှုန်းသည် ပုံမှန် level အနေအထားသို့ ပြန်မရောက်သေးရုံသာမက ကိုယ်ခံစွမ်းအားစနစ်သည်လည်း အပြည့်အဝကောင်းမွန်လာခြင်း မရှိသေးပါ။

(2) လက်ရှိ ဆေးရုံဆင်းပြီး လူနာများ၏ Nucleic Acid စစ်ဆေးချက်မှာ Negative ဖြစ်သော်လည်း ကိုယ်ခံစွမ်းအားစနစ်ဟာ အလွန်အားနည်းပြီး ပြန်လည်ကောင်းမွန်ခြင်း မရှိသေးသောကြောင့် Positive အနေအထားသို့ ပြန်လည်ရောက်နိုင်ချေရှိသည်။

(3) ဆေးရုံဆင်းလူနာများသည် အသည်းရောင်ရောဂါ B ပိုး လူနာများကဲ့သို့ ခန္ဓာကိုယ်ထဲတွင် ရောဂါပိုးကို အချိန်ကြာကြာ သယ်ဆောင်ပြီးအသက်ရှင်လျက်နေနိုင်သည်။

(4) ယခု စဉ်းစားသုံးသပ်ရန်လိုသည်မှာ ထိုသို့ ရောဂါပိုး သယ်ဆောင်ရင်း အသက်ရှင်နေထိုင်နေသည့်လူနာများမှ ကူးစက်နိုင်ချေ ရှိမရှိ ဖြစ်သည်။

3. #ရှေ့တန်းဆရာဝန်များ၏ ထင်မြင်ချက်အရ

(1) အစပိုင်းမှာ ဆေးဝါးကုသမှုအရင်းအမြစ်အားလုံးကို COVID-19 ရောဂါကူးစက်ခံထားရသူများအတွက်သာ အဓိကအားစိုက်အသုံးပြုပေးခဲ့ပါသည်။ ယခု ဆေးရုံဆင်းလူနာအရေအတွက် များပြားလာသည့်အလျောက် ကျန်းမာရေးပြန်လည်ကောင်းမွန်လာသူများအတွက် စနစ်တကျစီမံထိန်းချုပ်မှုကိစ္စများကို အာရုံစိုက်ရန် အဓိကကျလာပါသည်။

Dr. Peng Zhi Yong မှ "ကျွန်တော်တို့အနေဖြင့် ဒီတစ်နှစ်ပတ်လုံး ထိုလူနာများ၏ ဆေးရုံဆင်းပြီးသည့်ကာလတစ်လျှောက် ကျန်းမာရေးပြောင်းလဲမှု အခြေအနေ၊ ခန္ဓာကိုယ်ထဲက ရောဂါပိုးများဟာ ပြန့်ပွားနိုင်ချေရှိမရှိ၊ ဘေးပတ်ဝန်းကျင်က လူတွေကို သက်ရောက်နိုင်ချေရှိမရှိ တို့ကို မျက်ခြေမပျက် ကြည့်ရှုနေမှာဖြစ်ပါတယ်။"

(2) လက်ရှိအနေအထားအရ ပြောရမည်ဆိုလျှင် COVID-19 နှင့် ပတ်သက်သည့်တိုက်ပွဲဟာ ပြီးဆုံးရန် ခရီးအဝေးကြီးလိုပါသေးသည်။

သို့ဖြစ်၍ အားလုံးကို အကြံပြုချင်တာကတော့ ရှေ့လျှောက် တစ်နှစ်ပတ်လုံး၌ အပြင်ထွက်လျှင် maskကို တပ်ဆင်ပါ။ လူစုလူဝေးပြုလုပ်ခြင်းကို အတတ်နိုင်ဆုံးရှောင်ပါ။ Public area တွေမှာ အချိန်ကြာကြာ မနေမိစေရန် သတိပြုပါ။

credit to post
May Khine Chan

17/04/2020

💐မင်္ဂလာနံနက်ခင်းပါ💐

🌹နှစ်ဟောင်းကုန်လို့
နှစ်သစ်ရောက်ပြီမို့💐

မြန်မာနိုင်ငံအတွင်းမှာ မီတင်းနေထိုင်ကြကုန်သော...

ရဟန်း၊ရှင်၊လူ၊အရွယ်သုံးပါး
ဝေနေများနှင့်🌺🌼🌹

မင်းစိုးရာဇာ၊ဘာသာမခြား၊
လူအများသို့၊မေတ္တာဆုမွန်
ခွန်းတုံ့ချွေလိုက်ပါသည်။
🙏🙏🙏🌹💐🌺

အားလုံးပဲ စိတ်၏ချမ်းသာခြင်း
ကိုယ်၏ကျန်းမာခြင်းတို့နှင့် အစဉ်ထာဝရ ပြီးပြည့်စုံကြ၍ 🌼🌹💐

ရေ၊မီး၊မင်း၊ခိုးသူ၊မချစ်မနှစ်သက်သောသူ၊ငါးပါးရန်သူဘေးအပေါင်းမှကင်းဝေးကြ၍🙏

အနာရောဂါဘေး၊အစာငတ်ခြင်းဘေး၊စစ်မက်ဘေးတို့မှကင်းဝေးကြပါစေခင်ဗျာ.🙏🙏🙏

Zaw Myo Naing Library
#ကျွဲကျောင်းသား....ငညို

15/04/2020

🇪🇨 အီကွေဒေါနိုင်ငံ Guayaquil ဆိပ်ကမ်းမြို့မှာ ကိုရိုနာဗိုင်းရပ်စ်ကြောင့် သေဆုံးခဲ့ကြသူတွေကို မြေမြှုပ်ဖို့အတွက် သင်္ချိုင်းဆီ သွားနေကြတဲ့ကားတွေကို ပြီးခဲ့တဲ့ စနေနေ့က တွေ့ရတာပါ။ အီကွေဒေါဟာ ဒေသတွင်းနိုင်ငံတွေထဲ ကိုဗစ်ရောဂါပိုးအစောဆုံးတွေ့ရှိခဲ့တာလည်းဖြစ်တဲ့အတွက် ဒါဟာ လက်တင်အမေရိကနိုင်ငံတွေကြုံလာရမယ့် ရှေ့ပြေးပုံရိပ်လိုဖြစ်လာမှာကိုလည်း စိုးရိမ်နေကြတာပါ။ အခုလက်ရှိမှာတော့ ကူးစက်ခံရသူ ၇၅၀၀ ကျော်နဲ့ သေဆုံးသူ ၃၅၀ကျော် ရှိပြီလို့ တရားဝင်ထုတ်ပြန်ချက်အရ သိရပါတယ်။

(Zawgyi)

🇪🇨 အီကွေဒေါနိုင်ငံ Guayaquil ဆိပ်ကမ်းမြို့မှာ ကိုရိုနာဗိုင်းရပ်စ်ကြောင့် သေဆုံးခဲ့ကြသူတွေကို မြေမြှုပ်ဖို့အတွက် သင်္ချိုင်းဆီ သွားနေကြတဲ့ကားတွေကို ပြီးခဲ့တဲ့ စနေနေ့က တွေ့ရတာပါ။ အီကွေဒေါဟာ ဒေသတွင်းနိုင်ငံတွေထဲ ကိုဗစ်ရောဂါပိုးအစောဆုံးတွေ့ရှိခဲ့တာလည်းဖြစ်တဲ့အတွက် ဒါဟာ လက်တင်အမေရိကနိုင်ငံတွေကြုံလာရမယ့် ရှေ့ပြေးပုံရိပ်လိုဖြစ်လာမှာကိုလည်း စိုးရိမ်နေကြတာပါ။ အခုလက်ရှိမှာတော့ ကူးစက်ခံရသူ ၇၅၀၀ ကျော်နဲ့ သေဆုံးသူ ၃၅၀ကျော် ရှိပြီလို့ တရားဝင်ထုတ်ပြန်ချက်အရ သိရပါတယ်။

Credit..

08/04/2020

စက်ပြင် သင်တန်းတက်နေသူ
ညီငယ်/ညီမငယ်များနှင့်

စက်ပြင် ဝါသနာရှင် မိတ်ဆွေများအတွက်ပါ...

Kubota ထွန်စက်ရဲ့
ဂီယာဘောက်နှင့်
တန်းဒရွိုက်များပြုပြင်ခြင်း
နည်းပညာVideo File လေးကို

မေတ္တာဖြင့် ပြန်လည်မျှာ့ဝေလိုက်ပါတယ်ဗျာ...

UMK,Heavy Machinery
Service Group..

09/03/2020

စက်ပြင် ဝသနာကြီးသူများအတွက်
Zaw Myo Naing Library

01/03/2020

"အနိမ့်စား စိတ်ဓာတ်တွေနဲ့
ဝန်ထမ်းလောက"
*****************

ဒီနေ့ အလုပ်ပြီးသွားချိန်မှာ
မနက်ဖြန်အတွက် လုပ်ရမယ့်
လုပ်ငန်းကို ကြို၍
ပြင်ဆင်ထားသူနှင့်။

ဒီနေ့ပြီးသွားတဲ့
အလုပ်ဆိုတာကိုပဲ တာဝန်ကို
ကျေပွန်စွာ မထမ်းဆောင်ခဲ့တဲ့သူတွေနဲ့

မနက်ဖြန်မှာ ဆက်ပြီးတွေ့
မြင်နေရဦးမှာက စိတ်ပျက်စရာအကောင်းဆုံးပါပဲ...

"အနိမ့်စား စိတ်ဓာတ်တွေနဲ့
ဝန်ထမ်းလောက"

#ကျွဲကျောင်းသား....ငညို

06/01/2020

🤔 ဆင်တွေ မကျော်ဖြတ်နိုင်တဲ့ ပျားအုံခံတပ်
========================

အာဖရိကတိုက်ရှိ ကင်ညာနိုင်ငံမှ လယ်သမားတွေအတွက် ကောက်ပဲသီးနှံခင်းတွေကို ခြေဦးတည့်ရာ သွားလာနေတတ်တဲ့ ဆင်တွေ ဝင်ရောက်သောင်းကျန်းမှုမှ ကာကွယ်ရတဲ့ အလုပ်က မလွယ်ကူလှပါဘူး။ ဗြိတိန် သုတေသီတစ်ဦးရဲ့ တီထွင်ကြံဆမှုရဲ့ အကူအညီကို ရရှိခဲ့ပြီးနောက်မှာတော့ ကင်ညာလယ်သမားတွေအတွက် ဆင်တွေရဲ့ရန်ကို ကာကွယ်နိုင်တဲ့ နည်းလမ်းကို တွေ့ရှိအသုံးချ နိုင်ခဲ့ပါတယ်။

ဗြိတိန်သုတေသီက ဆင်တွေရဲ့ သဘာဝကို သိရှိအသုံးချခဲ့တာ ဖြစ်ပါတယ်။ ဆင်တွေဟာ သဘာဝအားဖြင့် အကောင်ကြီးတဲ့ တောရိုင်းတိရစ္ဆာန်တွေ ဖြစ်ပေမဲ့ သူတို့ထက် များစွာသေးငယ်လှတဲ့ ပျားတွေကို ကြောက်ကြတယ်လို့ ဆိုပါတယ်။ တိရိစ္ဆာန်ဗေဒ ကျွမ်းကျင်သူတွေရဲ့ လေ့လာမှုအရ ဆင်တွေဟာ ပျားအုံတစ်အုံမှ ပျားတွေရဲ့ တဝီဝီအသံကို ကြားရတဲ့အခါ အဝေးကို အဆိုပါနေရာမှ အဝေးကို အလျင်အမြန် ထွက်ခွာသွားလေ့ရှိကြောင်း သိရပါတယ်။

ပျားတွေရဲ့ တဝီဝီအသံကို ကြားခဲ့ရတဲ့ ဆင်တွေက အခြား ဆင်တွေကိုလည်း သတိပေးတတ်ကြတယ်လို့ ဆိုပါတယ်။ ဒီအချက်ကို အသုံးချပြီး အောက်စ်ဖို့ဒ်မှ တိရစ္ဆာန်ဗေဒ ကျွမ်းကျင်သူ လူစီကင်းက ပျားအုံးတွေကို ပုံးများဖြင့် ထည့်သွင်းပြီး ခြံစည်းရိုးသဖွယ် တန်းစီးစိုက်ထူးထားတဲ့ တိုင်များတွင် ချိတ်ဆွဲပြီး ပျားအုံခံတပ် ဖန်တီးထားပြီး ဆင်တွေရန်ကို ကာကွယ်နိုင်ခဲ့ကြောင်း သိရပါတယ်။

ယခုအခါ အာဖရိကနဲ့ အာရှဒေသရှိ ဆင်ရိုင်းများ သောင်းကျန်တဲ့ အန္တရာယ်ရှိရာ နေရာတွေမှာ ပျားအုံခံတပ်ဖြင့် ကာကွယ်ခြင်းက တွင်ကျယ်လာတယ်လို့ ဆိုကြပါတယ်။

Source & Photo: AMZP
===========
Credit to Min Htike

05/12/2019

ဖိလစ်ပိုင်တွင် မုန်တိုင်းဒဏ်ကြောင့် သေဆုံးသူ ၁၁ ဦးအထိရှိလာ
------------------------------

ဖိလစ်ပိုင်နိုင်ငံ၌ ဒီဇင်ဘာ ၂ ရက်မှစတင်ကာ တိုင်ဖွန်းမုန်တိုင်းအရှိန်ကြောင့် မိုးသည်းထန်စွာရွာသွန်းခြင်းနှင့် လေပြင်းတိုက်ခတ်ခြင်းတို့ကြောင့် အနည်းဆုံး လူ ၁၁ ဦးသေဆုံးခဲ့ရကြောင်း ၊ မုန်တိုင်းလမ်းကြောင်းတစ်လျှောက် ဖိလစ်ပိုင်နိုင်ငံ၊ လူဇွန်ကျွန်း၏တောင်ပိုင်းပြည်နယ်များ၊ နိုင်ငံအလယ်ပိုင်း စာမာပြည်နယ် တို့တွင် အပျက်အစီးများပြားခဲ့ကြောင်း ရဲတပ်ဖွဲ့က ဒီဇင်ဘာ ၄ ရက်တွင် ပြောကြားသည်ဟု ဆင်ဟွာသတင်းက ဆိုသည်။
တိုင်ဖွန်းမုန်တိုင်း ကမ်မူရီ (Kammuri) သည် အင်အားအလွန်ပြင်းထန်သော မုန်တိုင်းအဖြစ် ဝင်ရောက်တိုက်ခတ်ခဲ့ပြီးနောက် ယနေ့ဒီဇင်ဘာ ၄ ရက် နံနက်ပိုင်းတွင် အားပျော့လာခဲ့ကြောင်း ဖိလစ်ပိုင်မိုးလေဝသဌာန(PAGASA) က ထုတ်ပြန်သည်။
ကမ်မူရီမုန်တိုင်းသည် တောင်တရုတ်ပင်လယ်ကို ဦးတည်၍ လေတိုက်နှုန်း တစ်နာရီ ၂၀ ကီလိုမီတာဖြင့် အနောက်မြောက်အရပ်သို့ ဆက်လက်ရွေ့လျားနေကြောင်း ဒေသစံတော်ချိန် ယနေ့နံနက် ၄ နာရီတွင် ထုတ်ပြန်သော PAGASA ၏ ကြေညာချက်၌ ဖော်ပြထားသည်။
ကမ်မူရီမုန်တိုင်းသည် Batangas ပြည်နယ် Ambulong မြို့အနောက်ဘက်တွင် လေတိုက်နှုန်း တစ်နာရီ ၁၀၀ ကီလိုမီတာမှ ၁၂၅ ကီလိုမီတာအထိ မြင့်တက်ခဲ့ပြီး မုန်တိုင်းဗဟိုချက်နေရာတွင် လေတိုက်နှုန်းတစ်နာရီ ၂၅၅ ကီလိုမီတာအထိရှိခဲ့ကြောင်း PAGASA က ဆိုသည်။
တိုင်ဖွန်းမုန်တိုင်းကြောင့်သေဆုံးသူ ၁၁ ဦးထိရှိခဲ့ရာ ယင်းတို့အနက် Camarines Sur ပြည်နယ်မှ သုံးဦး ၊ Sorsogon ပြည်နယ်မှ ၂ ဦး ၊ အရှေ့Mindoro ပြည်နယ်မှ ၄ ဦး ၊ Marinduque ပြည်နယ်မှ ၁ ဦး နှင့် Leyte ပြည်နယ်မှ ၁ ဦးတို့ အသီးသီးဖြစ်ကြကြောင်း ရဲတပ်ဖွဲ့က ဆိုသည်။
သေဆုံးသူအများစုသည် ဓာတ်လိုက်ခြင်း ၊ သစ်ပင်သစ်ကိုင်း ပိမိခြင်း နှင့် ရုတ်တရက် နှလုံးခုန်ရပ်သွားခြင်းတို့ကြောင့် သေဆုံးရခြင်းဖြစ်ကြောင်း ရဲတပ်ဖွဲ့က ဆက်လက်ပြောကြားခဲ့သည်။
Luzon အလယ်ပိုင်း ၊ Bicol ဒေသ ၊ အရှေ့ဖျား Visayas နှင့် အနောက်တောင်ပိုင်း Tagalog ဒေသများတွင် ကမ်မူရီမုန်တိုင်းဒဏ်သင့် ပြည်သူ ၅၀၀,၀၀၀ နီးပါးရှိကြောင်း ဖိလစ်ပိုင်နိုင်ငံ သဘာဝဘေးအန္တရာယ်လျှော့ချရေး နှင့် စီမံခန့်ခွဲမှုကောင်စီညွှန်ကြားရေးမှူး တာဝန်ယူထားသည့် ကာကွယ်ရေးဒုတိယဝန်ကြီး ရီကာဒိုဂျာလက်က သတင်းထောက်များကို ရှင်းပြသည်။
တိုင်ဖွန်းမုန်တိုင်းကြောင့် သေဆုံးသူဦးရေအတိအကျကို အစိုးရက ထုတ်ပြန်ခြင်း မရှိသေးသော်လည်း မုန်တိုင်းဒဏ်ကြောင့် နေအိမ် ၃၈ လုံးပျက်စီးခဲ့ပြီး နယ်မြေ ၈ ခုရေနစ်မြုပ်သွားကြောင်း၊ နယ်မြေပေါင်း ၂၀၃ ခုတွင် လျှပ်စစ်ဓါတ်အားပြတ်တောက်နေကြောင်း ဂျာလက်က ဆက်လက်ရှင်းပြသည်။
ပြည်တွင်းလေကြောင်း ခရီးစဉ် ၃၂၉ ခု နှင့် နိုင်ငံတကာလေကြောင်းခရီးစဉ် ၁၉၂ ခု ဖျက်သိမ်းခဲ့ရကြောင်း Ninoy Aquino နိုင်ငံတကာလေဆိပ်ကို လေဆိပ်အာဏာပိုင်များက ဒီဇင်ဘာ ၃ ရက် ဒေသစံတော်ချိန် နံနက် ၁၁ နာရီမှ ည ၁၁ နာရီထိ ၁၂ နာရီကြာ ပိတ်ထားခဲ့ရကြောင်း ၎င်းက ဆိုသည်။
ထို့ပြင် တိုင်ဖွန်းမုန်တိုင်းကြောင့် ရေလမ်းခရီးသည် ၃,၃၃၀ ဦး ၊ ကုန်တင်သေတ္တာ ၇၈၉ ခု ၊ သင်္ဘော ၂၈ စင်း နှင့် ကူးတို့လှေ ၃၄ စင်းတို့ ခရီးစဉ်များကို ရပ်နားထားရပြီး မြို့ငယ်ပေါင်း ၈၆၅ မြို့ နှင့် မြို့ကြီးပေါင်း ၂၃၁ မြို့ရှိ လခစားဝန်ထမ်းနှင့်အလုပ်သမားများ ပိတ်ရက်ရရှိနေသည်။
ကမ်မူရီသည် ယခုနှစ်တွင် ဖိလစ်ပိုင်နိုင်ငံသို့ ဝင်ရောက်တိုက်ခတ်သော အလုံး၂၀ မြောက် တိုင်ဖွန်းမုန်တိုင်းဖြစ်ကြောင်း သိရသည်။ ပျမ်းမျှအားဖြင့် ဖိလစ်ပိုင်နိုင်ငံသည် နှစ်စဉ် တိုင်ဖွန်းမုန်တိုင်းဒဏ် အလုံး ၂၀ ခန့် နှစ်စဉ်ခံရကြောင်း နှင့် ယင်းတို့အနက်အချို့မှာ အင်အားအလွန်ပြင်းထန်၍ အပျက်အစီးများဖြစ်ပေါ်ကြောင်း ဆင်ဟွာက ရေးသားထားသည်။
Source : Xinhua, edition.cnn.com

24/11/2019

#ဖရဲစိုက်ပျိုးနည်း

မြန်မာအမည် - ဖရဲ
အင်္ဂလိပ်အမည် - WATERMELON
ရုက္ခဗေဒအမည် - Citrullus vulgaris
မျိုးရင်းအမည် - CUCURBITACEAE
၁။ မူရင်းဒေသ
ဖရဲ၏မူရင်းဒေသမှာ အာဖရိကတိုက်ဖြစ်သည်။ (၁၆) ရာစုနှစ်မှစ၍ အာဖရိကတိုက်မှ ဥရောပတိုက်၊ အာရှတိုက်၊ အမေရိကတိုက်အစရှိသည့် ကမ္ဘာ့အနှံ့အပြားဒေသများသို့ ပျံ့နှံ့ရောက်ရှိသွားသည်။
၂။ အပင်ပုံသဏ္ဍာန်
ဖရဲပင်သည် နွယ်အမျိုးအစားအဖြစ်၍ အပင်ပျော့မျိုးဖြစ်သည်။ အနွယ်ရော အရွက်ပါ အစိမ်းရင့်ရောင်ပို သည်။ အရွက်မှာ (၄) လက်မှ (၆) လက်မခန့် ရှည်လျားသည့် လက်ခြားအရွက်များဖြစ်ကြသည်။ ပင်စည်နှင့် အရွက်များတွင် အမွှေးများ ဖုံးလွှမ်းလျက်ရှိသည်။

၃။ အသီးပုံသဏ္ဍာန်
အသီးပုံသဏ္ဍာန်မှာလည်း လုံးဝိုင်းပုံ၊ လုံးရှည်ပုံ၊ ဘဲဥပုံ အစရှိသည်ဖြင့် ပုံသဏ္ဍာန်အမျိုးမျိုးရှိသည်။ အသီးအရှည်မှာ မျိုးကိုလိုက်၍ (၉)လက်မမှ (၃၀) လက်မခန့်အထိရှည်ပြီး သီးလုံးအချင်း (၆) လက်မမှ (၁၅) လက်မခန့် အထိရှိသည်။ အတွင်းသားအရောင်မှာလည်း အနီရောင်၊ အဝါရောင်၊ လိမ္မော်ရောင်၊ အဖြူရောင်တို့ရှိ ကြပြီး အပြင်အခွံရောင်မှာလည်း အစိမ်းဖျော့ရောင်၊ အစိမ်းရင့်ရောင်၊ အဝါရောင်၊ အစင်းပါစသည်ဖြင့် အရောင် အမျိုးမျိုးရှိကြသည်။ အပြင်ခွံမှာ အစင်းပါနှင့် အစင်းမဲ့ဟူ၍ ကွဲပြားသည်။

၄။ မြေအမျိုးအစား
ဖရဲစိုက်ပျိုးရန် သင့်လျော်သော မြေအမျိုးအစားမှာ သဲနုန်မြေဖြစ်ပါသည်။ မိုးရာသီအကုန် မြစ်ရေကျချိန် မြစ်ကမ်းဘေးရှိ ကျွန်းမြေများတွင်လည်းကောင်း၊ စပါးစရိတ်သိမ်းပြီးသည့် လယ်ကွက်များတွင်လည်းကောင်း စိုက်ပျိုးနိုင်ပါသည်။ မြေအချဉ်အငံဓာတ် (၆ မှ ၆.၈)အတွင်း ရှိသည့်မြေတွင် ဖရဲကိုကောင်းစွာ စိုက်ပျိုးနိုင်သည်။ မြေတစ်နေရာတည်းတွင် သီးနှံတစ်မျိုးတည်း ဆက်တိုက်စိုက်ပျိုးပါက ရောဂါပိုးမွှား ကျရောက်ဖျက်ဆီးမှုများ သဖြင့် သီးနှံအလှည့်ကျ စိုက်ပျိုးသင့်ပေသည်။ ရေအစိုဓာတ် လိုအပ်သော်လည်း ရေ၀ပ်ခြင်း၊ စိုထိုင်းဆများခြင်း ကို မနှစ်သက်ပေ။
၅။ မြေနေရာရွေးချယ်ခြင်း
နေရောင်ခြည်ပြည့်ပြည့်၀၀ရရှိနိုင်ပြီး ရေရရှိနိုင်သော နေရာနှင့် သယ်ယူပို့ဆောင်ရန်လွယ်ကူသော နေရာများတွင် ဖရဲကို စိုက်ပျိုးသင့်ပေသည်။

၆။ ရာသီဥတု
အပူချိန် (၂၁-၃၄) ဒီဂရီစင်တီဂရိတ်အတွင်း နေရောင်ခြည်ပြည့်၀စွာ ရရှိပြီး လေစိုထိုင်းစနည်းသော ဒေသများတွင် ဖရဲသည် ကောင်းစွာဖြစ်ထွန်းပါသည်။
၇။ စိုက်ချိန်
မိုးများသောဒေသများတွင် အောက်တိုဘာလမှ ဖေဖော်ဝါရီလအထိ ဖရဲကို စီးပွားဖြစ်စိုက်ပျိုးနိုင်ပြီး မိုးနည်းသောဒေသများတွင် မေလမှစ၍ ဖေဖော်ဝါရီလအထိ စီးပွားဖြစ်စိုက်ပျိုးနိုင်ပါသည်။ ပူလွန်းသောအချိန် တွင် စိုက်ပျိုးပါက အချိုဓာတ် လျော့နည်းသွားသည်။
၈။ မျိုးစေ့အညှောက်ဖောက်ခြင်း
ဖရဲစေ့ကို မြေတွင် တိုက်ရိုက်စိုက်၍သော်လည်းကောင်း၊ ပျိုးထောင်ပြီး ရွှေ့ပြောင်း၍သော်လည်း ကောင်း စိုက်ပျိုးနိုင်ပါသည်။ မြေတွင် တိုက်ရိုက်စိုက်ပါက မျိုးစေ့ကုန်ကျမှုနှင့် ပြုစုထိန်းသိမ်းစရိတ်များသဖြင့် ပျိုိးထောင်စိုက်ပျိုးသင့်ပါသည်။ ယခုအခါ အစေ့မဲ့နှင့် အစေ့ပါဟူ၍ နှစ်မျိုးရှိပါသည်။ အစေ့မဲ့ဖရဲသည် အစေ့ခွန် မာသောကြောင့် မျိုးစေ့အညှောက်ဖောက်ရာတွင် အပင်လောင်းရှိသည့်မျိုးစေ့၏ ထိပ်ချွန်ဘက်ကို လက်သည်း ညှပ်နှင့် အစေ့ခွံအက်ကွဲလာရုံညှပ်ပြီးနောက် အပေါက်ငယ်လေးများဖောက်ထားသော ပလပ်စတစ်အိတ်တွင် ထည့်ရသည်။ ၄င်းအိတ်ကို ရေထဲတွင် နာရီ၀က်စိမ်ပြီးနောက် အိတ်ထဲမှ ရေများခါထုတ် ပေးရသည်။ ထို့နောက် မျိုးစေ့ထုတ်ကို မျက်နှာသုတ်ပဝါတွင်ထည့်၍ လိပ်ပြီး အခြားပလပ်စတစ်အိတ်ထဲတွင် ထည့်ကာ (၂) ပေခန့် အမြင့်ရှိသော စက္ကူကပ်ပုံးထဲတွင် ထားရသည်။ မျိုးစေ့ထုတ်အပေါ်မှ (၁) ပေခွဲခန့်အကွာတွင် (၄၀) ၀ပ် (သို့မဟုတ်) (၆၀) ၀ပ်မီးသီးဖြင့် (၂၄) နာရီကြာအောင် အပူပေးထားရသည်။ မျိုးစေ့ထုတ်ပေါ်တွင် သတင်းစာ စက္ကူုဖြင့် ဖုံးအုပ်ပေးထားခြင်းဖြင့် အလင်းရောင်နှင့် ထိတွေ့ခြင်းမှ ကာကွယ်ပေးပါသည်။
အစေ့ပါ ဖရဲမျိုးစေ့များကိုမူ လက်သည်းညှပ်နှင့် ညှပ်ရန် မလိုဘဲ ရေတွင် (၄)ကြိမ်ကြာ စိမ်ပြီးနောက် ရေများခါပြီး အစေ့မဲ့ ဖရဲစေ့များအတိုင်း မီးသီးအောက်တွင် (၂၄) နာရီအကြားထား၍ အညှောက်ဖာက်ပါသည်။ အညှောက်မပေါက်သေးသော မျိုးစေ့များကို ရေဖြင့်ဆေးပြီး အထက်ပါအတိုင်း ထပ်မံအညှောက်ဖောက်ပေးပြီး ဆက်လက်လုပ်ဆောင်ရသည်။ လျှပ်စစ်မီးမရှိသေးသည့် ဒေသများတွင် မျိုးစေ့ကို ရိုးရိုးရေ (သို့မဟုတ်) ဟိုမိုင်း (Homai) မှိုသတ်ဆေး (၂.၅) ဂရမ်ကို ရေတစ်လီတာတွင် ဖျော်စပ်ပြီး (၄) နာရီကြာရေစိမ်ပြီးနောက် မြေဆွေးများ ရောစပ်ထည့်ထားသော (၄x၄) လက်မအရွယ် ပလပ်စတစ်အိတ်များတွင် လက်မ၀က်ခန့်အနက် တွင် ပျိုးထောင်ရပါသည်။
ပျိုးအိတ်တွင် ထည့်ရန် မြေအမျိုးအစားမှာ မြေဆွေး (၃)ဆ၊ ရိုးရိုးမြေ (၃) ဆ၊ နွားချေးဆွေး (၁)ဆ ရောထားသော မြေအရောအဆ (၅၀၀) တွင် တီစူပါဓာတ်မြေသြဇာ (၁၁/၂) ရောစပ်ပြီး အသုံးပြုရပါသည်။ ပျိုး ထောင်ပြီး (၂) ရက်မှ (၃) ရက်အကြာတွင် ပျိုးပင်ငယ်များ ပေါက်လာသည်။ ပျိုးအိတ်တွင် စိုက်ပြီးနောက် နေ့စဉ်နံနက် (၉) နာရီတွင် ရေလောင်းပေးသည်။ ပျိုးပင်ငယ်စဉ်တွင် ခါးရိရောဂါများကျရောက်တတ်သဖြင့် Tarrazole မှိုသတ်ဆေး (၈) စီစီကို ရေ (၁၀) လီတာ (သို့မဟုတ်) Topsin မှိုသတ်ဆေး (၁) ဆ၊ ရေအဆ (၈၀၀) မှ (၁၀၀၀) တွင်ဖျော်၍ ပျိုးပင်များအား ပက်ဖျန်းပေးရသည်။
ပျိုးပင်များကို ပျိုးထောင်ထားသည့်အချိန်တွင် စိုက်ခင်းကို ထယ်ထိုး၊ ထွန်မွှေပြီးနောက် စိုက်ခင်းအား မြေညီညာအောင် ပြုပြင်ပြီး စိုက်ဘောင်များ ဖော်ရပါမည်။

၉။ စိုက်ဘောင်ပြင်ဆင်ခြင်း
စိုက်မြောင်းနေရာကို မှတ်သား၍ ပေါက်ပြား (သို့မဟုတ်) စက်ဖြင့် (၆) လက်မအကျယ် (၆) လက်မအနက်ရှိသော မြောင်းများဖော်ပြီး တစ်ဧကလျှင် ယူရီးယားမြေသြဇာ (၉၉) ပေါင်၊ တီစူပါ (၉၉) ပေါင်၊ ပိုတက်ရှ် ဓာတ်မြေသြဇာ (၇၇) ပေါင်၊ နွားချေးဆွေး လှည်း (၄၀) စီး၊ Borax (၉) ပေါင်နှင့် Furadan 3% G (၁၁) ပေါင်နှုန်း ထည့်ပေးရသည်။ ထို့နောက် ၄င်းစိုက်မြောင်းပေါ်တါင် (၁၁/၂) ပေ အကျယ်ရှိသော ဘောင်များ ပါသည်။ ဘောင်ပေါ်တွင် ပလပ်စတစ်စ အမဲအုပ်ခြင်းဖြင့် ပေါင်းမြက်များ မပေါက်ရောက်နိုင်သည့်အပြင် အစိုဓာတ်နှင့် မြေသြဇာ မဆုတ်ယုတ်စေနိုင်ပေ။ ပလပ်စတစ်စ အပြင်ဘက်တွင် ငွေရောင်ရှိသဖြင့် အလင်ပြန် ခြင်းကြောင့် အင်းဆက်ပိုးမွှားများ လာရောက်ခြင်းနည်းစေသည်။ မိုးရွာသွန်းပါက ရေအလွယ်တကူ ထွက်စေရန် (၆) လက်မအနက်ရှိသော ဗွီပုံသဏ္ဍာန် ရေထုတ်မြောင်းငယ်ကို ဘောင်နှစ်ခုအကြားတွင် ဖော်ပေးရသည်။ အပင်အကွာအဝေးမှ အောက်ပါအတိုင်း ဖြစ်ပါသည်။
တစ်ပင်နှင့်တစ်ပင် အကွာအဝေး ရိုးရိုးဖရဲ (အလုံးကြီး) - ၃၂ လက်မ
(အလုံးသေး) - ၂၄ လက်မ
အစေ့မဲ့ဖရဲ - ၃၆ လက်မ
တစ်တန်းနှင့်တစ်တန်းအကွာအဝေး ရိုးရိုးဖရဲ (အလုံးကြီး) - ၂၁ ပေ
(အလုံးသေး) - ၁၅ ပေ
အစေ့မဲ့ဖရဲ - ၂၀ ပေ
၁၀။ ရွှေ့ပြောင်းစိုက်ပျိုးခြင်း
ပျိုးထောင်ပြီး (၁၀) ရက်မှ (၁၅) ရက်အတွင်း ရွှေ့ပြောင်းစိုက်ပျိုးနိုင်ပါသည်။
၁၁။ မြေသြဇာထည့်သွင်းခြင်း
(၁) ရွှေပြောင်းစိုက်ပြီး (၃-၅) ရက်အကြာတွင် ရေ (၂၀) လီတာတွင် ယူရီးယားမြေသြဇာ (၄၈) ဂရမ် (လက်ဖက်ရည် ပန်းကန် တစ်၀က်) ၊ တီစူပါ မြေသြဇာအမှုန့် (၅၂) ဂရမ်၊ (လက်ဖက်ရည် ပန်းကန်တစ်၀က်) ဖျော်ပြီး အပင်ခြေတွင် တစ်ပင်လျှင် (၁၀) စီစီခန့် လောင်းပေးရမည်။
(၂) စိုက်ပြီး (၂) ပတ်အကြာတွင် တစ်ဧကလျှင် ယူရီးယားမြေသြဇာ (၁၈) ကီလိုဂရမ်၊ တီစူပါ (၁၈) ကီလိုဂရမ်နှင့် ပိုတက်ရ်ှမြေသြဇာ (၁၄) ကီလိုဂရမ်နှုန်း ထည့်ပေးရမည်။
(၃) စိုက်ပြီး (၃) ပတ်အကြာတွင် ရေ (၂၀) လီတာ (သို့မဟုတ်) (၄.၅) ဂါလံတွင် ယူရီးယား (၁၃) ဂရမ် (ဟင်းခတ်ဇွန်း တစ်ဇွန်း) ၊ တီစူပါ (၂၉) ဂရမ် (ဟင်းခတ်ဇွန်း ၁၁/၂ ဇွန်း) ပိုတက်ရှ် (၁၃) ဂရမ် (ဟင်းခတ်ဇွန်း တစ်ဇွန်း) ၊ မြေသြဇာကြီး Boyfolan (၄၀) စီစီနှင့် Borax (၄၀) ဂရမ်ကို ဖျော်ပြီး အပင်များအား ပက်ဖျန်းပေးရ မည်။ Borax ကို ရေနွေးနှင့် ပျော်အောင်ဖျော်ပြီးမှ ရေနှင့် ရောပါသည်။
(၄) စိုက်ပြီး (၄) ပတ်အကြာတွင် Borax မှ အပ အထက်ပါအတိုင်း မြေသြဇာအရောကိုဖျော်၍ ပက် ဖျန်းပေးရမည်။
(၅) အသီးတင်ပြီး (၁၄) ရက်အကြာတွင် တစ်ဧကလျှင် ယူရီးယားမြေသြဇာ (၁၈) ကီလိုဂရမ် (၁၅) ပြည်၊ တီစူပါမြေသြဇာ (၁၈) ကီလိုဂရမ် (၇ ပြည်ခွဲ) နှင့် ပိုတက်ရှ် မြေသြဇာ (၂၇) ကီလိုဂရမ် (၁၅) ပြည်နှုန်း ထည့်ပေးရမည်။
၁၂။ အပင်ပြုစုခြင်း
ဖရဲပင်များ စိုက်ပျိုးပြီးနောက် အပင် (၁၁/၂) ပေခန့် ရှိလာချိန်တွင် နွယ်များကို ဖြောင့်တန်းပေးပြီး၊ တန်းကြားတွင် ကောက်ရိုးခြောက်များကို ဖုံးအုပ်ဖြန့်ထားပေးရမည်။ ကောက်ရိုးဖုံးထားခြင်းဖြင့် ပေါင်းမြက်များ ကင်းရှင်းခြင်း၊ အစိုဓာတ်ဆုံးရှုံးမှုလျော့နည်းခြင်း၊ ဖရဲပင်မှ နှာမောင်းများက ကောက်ရိုးကို ကုတ်တွယ်ထားခြင်း ဖြင့် လေပြင်းတိုက်သော်လည်း အပင်မရွေ့လျားစေနိုင်ခြင်း စသည့်အကျိုးကျေးဇူးများကို ရစေနိုင်ပါသည်။

၁၃။ ၀တ်မှုန်ကူးပေးခြင်း
ပျိုးပင်များရွှေ့ပြောင်းစိုက်ပြီး (၂၀-၃၀) ရက်အကြာတွင် ပန်းပွင့်ပါသည်။ အစေ့ပါ ဖရဲမျိုးများတွင် ပျား များက ၀တ်မှုန်ကူးပေးခြင်းဖြင့် အသီးတင်သည်။ ၀တ်မှုန်ကူးခြင်းဖြင့် အရည်အသွေးကောင်းသော ဖရဲသီးများ ရနိုင်သည်။ အစေ့မဲ့ဖရဲတွင် အဖိုမြုံသောကြောင့် ပင်တည်း ၀တ်မှုန်ကူးပြီး အသီးမတင်နို်င်ပေ။ အစေ့မဲ့ဖရဲ အမပွင့်ကို ရိုးရိုးအစေ့ပါဖရဲပင်မှ အဖို၀တ်မှုန်ဖြင့် နံနက် (၇-၉) နာရီအတွင်း ၀တ်မှုန်ကူးပေးခြင်းဖြင့် အသီးတင် သည်။ အစေ့မဲ့ဖရဲ အဖိုပွင့်မှ ၀တ်မှုန်ကို အသုံးမပြုရပေ။ ပန်းပွင့်ချိန်တွင် ဆေးဖျန်းရန်လိုအပ်ပါက ညနေပိုင်း တွင် ပက်ဖျန်းသင့်သည်။
၁၄။ အသီးခြွေခြင်း
ပထမဆုံးအပွင့်မှ သီးသောအသီးသည်အသီးအရည်အသွေးမကောင်းသဖြင့် ထိုပထမအပွင့်ကို ခြွေပေး ရသည်။ ပင်ခြေမှ (၂) ပေခွဲ (၃) ပေအကွာတွင်ရှိသော အသီးကိုယူခြင်းဖြင့် အရည်အသွေးကောင်းသော အသီး များကို ရရှိနိုင်သည်။ ဖရဲအလုံးကြီးမျိုးတွင် တစ်ပင်လျှင် တစ်လုံးအလုံးလတ်မျိုးတွင် (၂-၃) လုံး၊ အလုံးငယ်မျိုး တွင် (၄) လုံး ယူနိုင်သည်။
၁၅။ ဆွတ်ခူးခြင်း
သင်လျင်မျိုးနှင့် အလုံးသေးမျိုးတွင် ပန်းပွင့်ပြီး (၂၅ မှ ၃၀) ရက်အကြာတွင် အသီးဆွတ်ခူးနိုင်သည်။ အလုံးကြီးမျိုးနှင့် အစေ့မဲ့မျိုးတွင် ပန်းပွင့်ပြီး (၃၅) ရက်အကြာတွင် ဆွတ်ခူးနိုင်သည်။ သက်လျင်မျိုးတွင် ပန်းပွင့်ပြီး (၂၅ မှ ၃၀) ရက်အကြာတွင် အသီးညှာ၍ အနီးဆုံး နှာမောင်းအရောင်သို့ ပြောင်းလာလျှင် ဆွတ်ခူး နိုင်သည်။ သို့မဟုတ် အသီးကိုလက်နှင့် ပုတ်ကြည့်ပါက ရင်ခေါင်းသံမြည်လျှင် အသီးရင့်မှည့်ပြီဖြစ်၍ ဆွတ်ခူး နိုင်ပြီဖြစ်သည်။ အတွင်းသား အဝါရောင်မျိုးသည် အနီရောင်မျိုးထက်စော၍ မှည့်ပြီး အလုံးသေးမျိုးသည်လည်း အလုံးကြီးမျိုးထက်စော၍ မှည့်သည်။ အစေ့မဲ့ဖရဲမျိုးသည် အစေ့ပါ ဖရဲမျိုးထက် (၅-၁၀) ရက်ခန့် နောက်ကျပြီးမှ ရင့်မှည့်သည်။ ဖရဲအပြင်ခွံအရောင်ရင့်မျိုးသည် အရောင်နုမျိုးထက် စော၍ ရင့်မှည့်သည်။
၁၆။ ပိုးမွှားကျရောက်ဖျက်ဆီးခြင်းနှင့် ကာကွယ်ခြင်း
ပိုးမွှားကာကွယ်ဆေးများကို ပျိုးပင်အဆင့်မှ အသီးမခူးမီ (၁၄) ရက်အထိ ပိုးမွှားကျရောက်မှု အခြေ အနေပေါ်မူတည်ပြီး (၅-၇) ရက်ခြားတစ်ကြိမ် ပက်ဖျန်းသင့်ပါသည်။ ပိုးသတ်ဆေးပက်ဖျန်းရာတွင် နံနက်ပိုင်းနှင့် ညနေပိုင်းတွင်သာ ပက်ဖျန်းသင့်သည်။ နေပူမလွန်းသော အချိန်များတွင် မပက်ဖျန်းသင့်ပါ။
အဓိကဖျက်ပိုးများမှာ လှေးပိုး၊ ပျပိုး၊ ဘူးဖရုံ၊ ကျိုင်းဝါနှင့် မွှားပင့်ကူနီတို့ ဖြစ်ကြပါသည်။
ကာကွယ်နှိမ်နင်းနည်းမှာ -
(၁) အိုင်အိုဒင်း (၃၀) ရာခိုင်နှုန်း အီးစီ (၃၀) စီစီကို ရေ (၂) ဂါလံနှင့် ရော၍လည်းကောင်း
(၂) ဒိုင်ယာစီနွံ (၄၀) ရာခိုင်နှုန်း အီးစီ (၃၀) စီစီကို ရေ (၂) ဂါလံနှင့်ရော၍လည်းကောင်း ပက်ဖျန်းနိုင်ပါသည်။
၁၇။ ကျရောက်တတ်သော ရောဂါများနှင့် ကာကွယ်ခြင်း
မှဲ့ပြောက်စွန်းရောဂါ၊ ဒေါင်းနီးမှိုရွက်ခြောက်ရောဂါနှင့် ပင်စည်ခြောက်ရောဂါများ ကျရောက်တတ်ပါ သည်။
လေဘလိုက် (၇၅) ရာခိုင်နှုန်း ဒလလျူပီ၊ ဒက်ကိုနေး (၇၅) ရာခိုင်နှုန်း ဒလလျူပီနှင့် ရီဒိုမေးလ် (အမ်ဇက်) မှိုသတ်ဆေးတစ်မျိုးမျိုး (၂၅-၃၀) ဂရမ်ကို ရေ (၂) ဂါလံနှင့် ရောစပ်ပက်ဖျန်းပါ။
ပင်ညှိုးရောဂါကျရောက်ပါက ဟိုမုန်း (၈၀) ရာခိုင်နှုန်း ဒလလျူပီဆေးမှုန့် (၅) ဂရမ်ကို မျိုးစေ့ (၁) ကီလိုဂရမ်နှုန်း လူးနယ်ပြီး ပျိုးထောင်စိုက်ပျိုးခြင်းဖြင့် ကာကွယ်နိုင်ပါသည်။
ပျပိုးနှင့် လှေးပိုးများကို နှိမ်နင်းပေးမှုမရှိက ဗိုင်းရပ်ရောဂါများ ကျရောက်နိုင်သည်။ ရောဂါကျ အရွက်များ ကုပ်သွားပြီး တွန့်လိမ်ကာ သေးငယ်သွားသည်။ ဆစ်ကြားတိုပြီး အသီးပုံသဏ္ဍာန် မမှန်ဘဲ ပိန်ရှုံ့နေ တတ်သည်။ အသီးအတွင်းသားများ မာကြောနေတတ်သည်။
ဗိုင်းရပ်ကျရောက်နေသော အပင်များကို နှုတ်ယူ မီးရှို့ ဖျက်ဆီးပေးရသည်။ ရောဂါကနေသော အပင်ကို ကိုင်တွယ်ပြီးပါက အသုံးပြုပြီးသော ပစ္စည်းများကို ဆိုဒီယမ်ဟိုက်ပိုကလိုရိုဒ် (၅) ရာခိုင်နှုန်း ဖျော်ရည်နှင့် စိမ်ပြီး သုံးသင့်သည်။

¬¬¬ဖရဲ စိုက်ပျိုးနည်း

မြန်မာအမည် - ဖရဲ
အင်္ဂလိပ်အမည် - WATERMELON
ရုက္ခဗေဒအမည် - Citrullus vulgaris
မျိုးရင်းအမည် - CUCURBITACEAE
၁။ မူရင်းဒေသ
ဖရဲ၏မူရင်းဒေသမှာ အာဖရိကတိုက်ဖြစ်သည်။ (၁၆) ရာစုနှစ်မှစ၍ အာဖရိကတိုက်မှ ဥရောပတိုက်၊ အာရှတိုက်၊ အမေရိကတိုက်အစရှိသည့် ကမ္ဘာ့အနှံ့အပြားဒေသများသို့ ပျံ့နှံ့ရောက်ရှိသွားသည်။
၂။ အပင်ပုံသဏ္ဍာန်
ဖရဲပင်သည် နွယ်အမျိုးအစားအဖြစ်၍ အပင်ပျော့မျိုးဖြစ်သည်။ အနွယ်ရော အရွက်ပါ အစိမ်းရင့်ရောင်ပို သည်။ အရွက်မှာ (၄) လက်မှ (၆) လက်မခန့် ရှည်လျားသည့် လက်ခြားအရွက်များဖြစ်ကြသည်။ ပင်စည်နှင့် အရွက်များတွင် အမွှေးများ ဖုံးလွှမ်းလျက်ရှိသည်။

၃။ အသီးပုံသဏ္ဍာန်
အသီးပုံသဏ္ဍာန်မှာလည်း လုံးဝိုင်းပုံ၊ လုံးရှည်ပုံ၊ ဘဲဥပုံ အစရှိသည်ဖြင့် ပုံသဏ္ဍာန်အမျိုးမျိုးရှိသည်။ အသီးအရှည်မှာ မျိုးကိုလိုက်၍ (၉)လက်မမှ (၃၀) လက်မခန့်အထိရှည်ပြီး သီးလုံးအချင်း (၆) လက်မမှ (၁၅) လက်မခန့် အထိရှိသည်။ အတွင်းသားအရောင်မှာလည်း အနီရောင်၊ အဝါရောင်၊ လိမ္မော်ရောင်၊ အဖြူရောင်တို့ရှိ ကြပြီး အပြင်အခွံရောင်မှာလည်း အစိမ်းဖျော့ရောင်၊ အစိမ်းရင့်ရောင်၊ အဝါရောင်၊ အစင်းပါစသည်ဖြင့် အရောင် အမျိုးမျိုးရှိကြသည်။ အပြင်ခွံမှာ အစင်းပါနှင့် အစင်းမဲ့ဟူ၍ ကွဲပြားသည်။

၄။ မြေအမျိုးအစား
ဖရဲစိုက်ပျိုးရန် သင့်လျော်သော မြေအမျိုးအစားမှာ သဲနုန်မြေဖြစ်ပါသည်။ မိုးရာသီအကုန် မြစ်ရေကျချိန် မြစ်ကမ်းဘေးရှိ ကျွန်းမြေများတွင်လည်းကောင်း၊ စပါးစရိတ်သိမ်းပြီးသည့် လယ်ကွက်များတွင်လည်းကောင်း စိုက်ပျိုးနိုင်ပါသည်။ မြေအချဉ်အငံဓာတ် (၆ မှ ၆.၈)အတွင်း ရှိသည့်မြေတွင် ဖရဲကိုကောင်းစွာ စိုက်ပျိုးနိုင်သည်။ မြေတစ်နေရာတည်းတွင် သီးနှံတစ်မျိုးတည်း ဆက်တိုက်စိုက်ပျိုးပါက ရောဂါပိုးမွှား ကျရောက်ဖျက်ဆီးမှုများ သဖြင့် သီးနှံအလှည့်ကျ စိုက်ပျိုးသင့်ပေသည်။ ရေအစိုဓာတ် လိုအပ်သော်လည်း ရေ၀ပ်ခြင်း၊ စိုထိုင်းဆများခြင်း ကို မနှစ်သက်ပေ။
၅။ မြေနေရာရွေးချယ်ခြင်း
နေရောင်ခြည်ပြည့်ပြည့်၀၀ရရှိနိုင်ပြီး ရေရရှိနိုင်သော နေရာနှင့် သယ်ယူပို့ဆောင်ရန်လွယ်ကူသော နေရာများတွင် ဖရဲကို စိုက်ပျိုးသင့်ပေသည်။

၆။ ရာသီဥတု
အပူချိန် (၂၁-၃၄) ဒီဂရီစင်တီဂရိတ်အတွင်း နေရောင်ခြည်ပြည့်၀စွာ ရရှိပြီး လေစိုထိုင်းစနည်းသော ဒေသများတွင် ဖရဲသည် ကောင်းစွာဖြစ်ထွန်းပါသည်။
၇။ စိုက်ချိန်
မိုးများသောဒေသများတွင် အောက်တိုဘာလမှ ဖေဖော်ဝါရီလအထိ ဖရဲကို စီးပွားဖြစ်စိုက်ပျိုးနိုင်ပြီး မိုးနည်းသောဒေသများတွင် မေလမှစ၍ ဖေဖော်ဝါရီလအထိ စီးပွားဖြစ်စိုက်ပျိုးနိုင်ပါသည်။ ပူလွန်းသောအချိန် တွင် စိုက်ပျိုးပါက အချိုဓာတ် လျော့နည်းသွားသည်။
၈။ မျိုးစေ့အညှောက်ဖောက်ခြင်း
ဖရဲစေ့ကို မြေတွင် တိုက်ရိုက်စိုက်၍သော်လည်းကောင်း၊ ပျိုးထောင်ပြီး ရွှေ့ပြောင်း၍သော်လည်း ကောင်း စိုက်ပျိုးနိုင်ပါသည်။ မြေတွင် တိုက်ရိုက်စိုက်ပါက မျိုးစေ့ကုန်ကျမှုနှင့် ပြုစုထိန်းသိမ်းစရိတ်များသဖြင့် ပျိုိးထောင်စိုက်ပျိုးသင့်ပါသည်။ ယခုအခါ အစေ့မဲ့နှင့် အစေ့ပါဟူ၍ နှစ်မျိုးရှိပါသည်။ အစေ့မဲ့ဖရဲသည် အစေ့ခွန် မာသောကြောင့် မျိုးစေ့အညှောက်ဖောက်ရာတွင် အပင်လောင်းရှိသည့်မျိုးစေ့၏ ထိပ်ချွန်ဘက်ကို လက်သည်း ညှပ်နှင့် အစေ့ခွံအက်ကွဲလာရုံညှပ်ပြီးနောက် အပေါက်ငယ်လေးများဖောက်ထားသော ပလပ်စတစ်အိတ်တွင် ထည့်ရသည်။ ၄င်းအိတ်ကို ရေထဲတွင် နာရီ၀က်စိမ်ပြီးနောက် အိတ်ထဲမှ ရေများခါထုတ် ပေးရသည်။ ထို့နောက် မျိုးစေ့ထုတ်ကို မျက်နှာသုတ်ပဝါတွင်ထည့်၍ လိပ်ပြီး အခြားပလပ်စတစ်အိတ်ထဲတွင် ထည့်ကာ (၂) ပေခန့် အမြင့်ရှိသော စက္ကူကပ်ပုံးထဲတွင် ထားရသည်။ မျိုးစေ့ထုတ်အပေါ်မှ (၁) ပေခွဲခန့်အကွာတွင် (၄၀) ၀ပ် (သို့မဟုတ်) (၆၀) ၀ပ်မီးသီးဖြင့် (၂၄) နာရီကြာအောင် အပူပေးထားရသည်။ မျိုးစေ့ထုတ်ပေါ်တွင် သတင်းစာ စက္ကူုဖြင့် ဖုံးအုပ်ပေးထားခြင်းဖြင့် အလင်းရောင်နှင့် ထိတွေ့ခြင်းမှ ကာကွယ်ပေးပါသည်။
အစေ့ပါ ဖရဲမျိုးစေ့များကိုမူ လက်သည်းညှပ်နှင့် ညှပ်ရန် မလိုဘဲ ရေတွင် (၄)ကြိမ်ကြာ စိမ်ပြီးနောက် ရေများခါပြီး အစေ့မဲ့ ဖရဲစေ့များအတိုင်း မီးသီးအောက်တွင် (၂၄) နာရီအကြားထား၍ အညှောက်ဖာက်ပါသည်။ အညှောက်မပေါက်သေးသော မျိုးစေ့များကို ရေဖြင့်ဆေးပြီး အထက်ပါအတိုင်း ထပ်မံအညှောက်ဖောက်ပေးပြီး ဆက်လက်လုပ်ဆောင်ရသည်။ လျှပ်စစ်မီးမရှိသေးသည့် ဒေသများတွင် မျိုးစေ့ကို ရိုးရိုးရေ (သို့မဟုတ်) ဟိုမိုင်း (Homai) မှိုသတ်ဆေး (၂.၅) ဂရမ်ကို ရေတစ်လီတာတွင် ဖျော်စပ်ပြီး (၄) နာရီကြာရေစိမ်ပြီးနောက် မြေဆွေးများ ရောစပ်ထည့်ထားသော (၄x၄) လက်မအရွယ် ပလပ်စတစ်အိတ်များတွင် လက်မ၀က်ခန့်အနက် တွင် ပျိုးထောင်ရပါသည်။
ပျိုးအိတ်တွင် ထည့်ရန် မြေအမျိုးအစားမှာ မြေဆွေး (၃)ဆ၊ ရိုးရိုးမြေ (၃) ဆ၊ နွားချေးဆွေး (၁)ဆ ရောထားသော မြေအရောအဆ (၅၀၀) တွင် တီစူပါဓာတ်မြေသြဇာ (၁၁/၂) ရောစပ်ပြီး အသုံးပြုရပါသည်။ ပျိုး ထောင်ပြီး (၂) ရက်မှ (၃) ရက်အကြာတွင် ပျိုးပင်ငယ်များ ပေါက်လာသည်။ ပျိုးအိတ်တွင် စိုက်ပြီးနောက် နေ့စဉ်နံနက် (၉) နာရီတွင် ရေလောင်းပေးသည်။ ပျိုးပင်ငယ်စဉ်တွင် ခါးရိရောဂါများကျရောက်တတ်သဖြင့် Tarrazole မှိုသတ်ဆေး (၈) စီစီကို ရေ (၁၀) လီတာ (သို့မဟုတ်) Topsin မှိုသတ်ဆေး (၁) ဆ၊ ရေအဆ (၈၀၀) မှ (၁၀၀၀) တွင်ဖျော်၍ ပျိုးပင်များအား ပက်ဖျန်းပေးရသည်။
ပျိုးပင်များကို ပျိုးထောင်ထားသည့်အချိန်တွင် စိုက်ခင်းကို ထယ်ထိုး၊ ထွန်မွှေပြီးနောက် စိုက်ခင်းအား မြေညီညာအောင် ပြုပြင်ပြီး စိုက်ဘောင်များ ဖော်ရပါမည်။

၉။ စိုက်ဘောင်ပြင်ဆင်ခြင်း
စိုက်မြောင်းနေရာကို မှတ်သား၍ ပေါက်ပြား (သို့မဟုတ်) စက်ဖြင့် (၆) လက်မအကျယ် (၆) လက်မအနက်ရှိသော မြောင်းများဖော်ပြီး တစ်ဧကလျှင် ယူရီးယားမြေသြဇာ (၉၉) ပေါင်၊ တီစူပါ (၉၉) ပေါင်၊ ပိုတက်ရှ် ဓာတ်မြေသြဇာ (၇၇) ပေါင်၊ နွားချေးဆွေး လှည်း (၄၀) စီး၊ Borax (၉) ပေါင်နှင့် Furadan 3% G (၁၁) ပေါင်နှုန်း ထည့်ပေးရသည်။ ထို့နောက် ၄င်းစိုက်မြောင်းပေါ်တါင် (၁၁/၂) ပေ အကျယ်ရှိသော ဘောင်များ ပါသည်။ ဘောင်ပေါ်တွင် ပလပ်စတစ်စ အမဲအုပ်ခြင်းဖြင့် ပေါင်းမြက်များ မပေါက်ရောက်နိုင်သည့်အပြင် အစိုဓာတ်နှင့် မြေသြဇာ မဆုတ်ယုတ်စေနိုင်ပေ။ ပလပ်စတစ်စ အပြင်ဘက်တွင် ငွေရောင်ရှိသဖြင့် အလင်ပြန် ခြင်းကြောင့် အင်းဆက်ပိုးမွှားများ လာရောက်ခြင်းနည်းစေသည်။ မိုးရွာသွန်းပါက ရေအလွယ်တကူ ထွက်စေရန် (၆) လက်မအနက်ရှိသော ဗွီပုံသဏ္ဍာန် ရေထုတ်မြောင်းငယ်ကို ဘောင်နှစ်ခုအကြားတွင် ဖော်ပေးရသည်။ အပင်အကွာအဝေးမှ အောက်ပါအတိုင်း ဖြစ်ပါသည်။
တစ်ပင်နှင့်တစ်ပင် အကွာအဝေး ရိုးရိုးဖရဲ (အလုံးကြီး) - ၃၂ လက်မ
(အလုံးသေး) - ၂၄ လက်မ
အစေ့မဲ့ဖရဲ - ၃၆ လက်မ
တစ်တန်းနှင့်တစ်တန်းအကွာအဝေး ရိုးရိုးဖရဲ (အလုံးကြီး) - ၂၁ ပေ
(အလုံးသေး) - ၁၅ ပေ
အစေ့မဲ့ဖရဲ - ၂၀ ပေ
၁၀။ ရွှေ့ပြောင်းစိုက်ပျိုးခြင်း
ပျိုးထောင်ပြီး (၁၀) ရက်မှ (၁၅) ရက်အတွင်း ရွှေ့ပြောင်းစိုက်ပျိုးနိုင်ပါသည်။
၁၁။ မြေသြဇာထည့်သွင်းခြင်း
(၁) ရွှေပြောင်းစိုက်ပြီး (၃-၅) ရက်အကြာတွင် ရေ (၂၀) လီတာတွင် ယူရီးယားမြေသြဇာ (၄၈) ဂရမ် (လက်ဖက်ရည် ပန်းကန် တစ်၀က်) ၊ တီစူပါ မြေသြဇာအမှုန့် (၅၂) ဂရမ်၊ (လက်ဖက်ရည် ပန်းကန်တစ်၀က်) ဖျော်ပြီး အပင်ခြေတွင် တစ်ပင်လျှင် (၁၀) စီစီခန့် လောင်းပေးရမည်။
(၂) စိုက်ပြီး (၂) ပတ်အကြာတွင် တစ်ဧကလျှင် ယူရီးယားမြေသြဇာ (၁၈) ကီလိုဂရမ်၊ တီစူပါ (၁၈) ကီလိုဂရမ်နှင့် ပိုတက်ရ်ှမြေသြဇာ (၁၄) ကီလိုဂရမ်နှုန်း ထည့်ပေးရမည်။
(၃) စိုက်ပြီး (၃) ပတ်အကြာတွင် ရေ (၂၀) လီတာ (သို့မဟုတ်) (၄.၅) ဂါလံတွင် ယူရီးယား (၁၃) ဂရမ် (ဟင်းခတ်ဇွန်း တစ်ဇွန်း) ၊ တီစူပါ (၂၉) ဂရမ် (ဟင်းခတ်ဇွန်း ၁၁/၂ ဇွန်း) ပိုတက်ရှ် (၁၃) ဂရမ် (ဟင်းခတ်ဇွန်း တစ်ဇွန်း) ၊ မြေသြဇာကြီး Boyfolan (၄၀) စီစီနှင့် Borax (၄၀) ဂရမ်ကို ဖျော်ပြီး အပင်များအား ပက်ဖျန်းပေးရ မည်။ Borax ကို ရေနွေးနှင့် ပျော်အောင်ဖျော်ပြီးမှ ရေနှင့် ရောပါသည်။
(၄) စိုက်ပြီး (၄) ပတ်အကြာတွင် Borax မှ အပ အထက်ပါအတိုင်း မြေသြဇာအရောကိုဖျော်၍ ပက် ဖျန်းပေးရမည်။
(၅) အသီးတင်ပြီး (၁၄) ရက်အကြာတွင် တစ်ဧကလျှင် ယူရီးယားမြေသြဇာ (၁၈) ကီလိုဂရမ် (၁၅) ပြည်၊ တီစူပါမြေသြဇာ (၁၈) ကီလိုဂရမ် (၇ ပြည်ခွဲ) နှင့် ပိုတက်ရှ် မြေသြဇာ (၂၇) ကီလိုဂရမ် (၁၅) ပြည်နှုန်း ထည့်ပေးရမည်။
၁၂။ အပင်ပြုစုခြင်း
ဖရဲပင်များ စိုက်ပျိုးပြီးနောက် အပင် (၁၁/၂) ပေခန့် ရှိလာချိန်တွင် နွယ်များကို ဖြောင့်တန်းပေးပြီး၊ တန်းကြားတွင် ကောက်ရိုးခြောက်များကို ဖုံးအုပ်ဖြန့်ထားပေးရမည်။ ကောက်ရိုးဖုံးထားခြင်းဖြင့် ပေါင်းမြက်များ ကင်းရှင်းခြင်း၊ အစိုဓာတ်ဆုံးရှုံးမှုလျော့နည်းခြင်း၊ ဖရဲပင်မှ နှာမောင်းများက ကောက်ရိုးကို ကုတ်တွယ်ထားခြင်း ဖြင့် လေပြင်းတိုက်သော်လည်း အပင်မရွေ့လျားစေနိုင်ခြင်း စသည့်အကျိုးကျေးဇူးများကို ရစေနိုင်ပါသည်။

၁၃။ ၀တ်မှုန်ကူးပေးခြင်း
ပျိုးပင်များရွှေ့ပြောင်းစိုက်ပြီး (၂၀-၃၀) ရက်အကြာတွင် ပန်းပွင့်ပါသည်။ အစေ့ပါ ဖရဲမျိုးများတွင် ပျား များက ၀တ်မှုန်ကူးပေးခြင်းဖြင့် အသီးတင်သည်။ ၀တ်မှုန်ကူးခြင်းဖြင့် အရည်အသွေးကောင်းသော ဖရဲသီးများ ရနိုင်သည်။ အစေ့မဲ့ဖရဲတွင် အဖိုမြုံသောကြောင့် ပင်တည်း ၀တ်မှုန်ကူးပြီး အသီးမတင်နို်င်ပေ။ အစေ့မဲ့ဖရဲ အမပွင့်ကို ရိုးရိုးအစေ့ပါဖရဲပင်မှ အဖို၀တ်မှုန်ဖြင့် နံနက် (၇-၉) နာရီအတွင်း ၀တ်မှုန်ကူးပေးခြင်းဖြင့် အသီးတင် သည်။ အစေ့မဲ့ဖရဲ အဖိုပွင့်မှ ၀တ်မှုန်ကို အသုံးမပြုရပေ။ ပန်းပွင့်ချိန်တွင် ဆေးဖျန်းရန်လိုအပ်ပါက ညနေပိုင်း တွင် ပက်ဖျန်းသင့်သည်။
၁၄။ အသီးခြွေခြင်း
ပထမဆုံးအပွင့်မှ သီးသောအသီးသည်အသီးအရည်အသွေးမကောင်းသဖြင့် ထိုပထမအပွင့်ကို ခြွေပေး ရသည်။ ပင်ခြေမှ (၂) ပေခွဲ (၃) ပေအကွာတွင်ရှိသော အသီးကိုယူခြင်းဖြင့် အရည်အသွေးကောင်းသော အသီး များကို ရရှိနိုင်သည်။ ဖရဲအလုံးကြီးမျိုးတွင် တစ်ပင်လျှင် တစ်လုံးအလုံးလတ်မျိုးတွင် (၂-၃) လုံး၊ အလုံးငယ်မျိုး တွင် (၄) လုံး ယူနိုင်သည်။
၁၅။ ဆွတ်ခူးခြင်း
သင်လျင်မျိုးနှင့် အလုံးသေးမျိုးတွင် ပန်းပွင့်ပြီး (၂၅ မှ ၃၀) ရက်အကြာတွင် အသီးဆွတ်ခူးနိုင်သည်။ အလုံးကြီးမျိုးနှင့် အစေ့မဲ့မျိုးတွင် ပန်းပွင့်ပြီး (၃၅) ရက်အကြာတွင် ဆွတ်ခူးနိုင်သည်။ သက်လျင်မျိုးတွင် ပန်းပွင့်ပြီး (၂၅ မှ ၃၀) ရက်အကြာတွင် အသီးညှာ၍ အနီးဆုံး နှာမောင်းအရောင်သို့ ပြောင်းလာလျှင် ဆွတ်ခူး နိုင်သည်။ သို့မဟုတ် အသီးကိုလက်နှင့် ပုတ်ကြည့်ပါက ရင်ခေါင်းသံမြည်လျှင် အသီးရင့်မှည့်ပြီဖြစ်၍ ဆွတ်ခူး နိုင်ပြီဖြစ်သည်။ အတွင်းသား အဝါရောင်မျိုးသည် အနီရောင်မျိုးထက်စော၍ မှည့်ပြီး အလုံးသေးမျိုးသည်လည်း အလုံးကြီးမျိုးထက်စော၍ မှည့်သည်။ အစေ့မဲ့ဖရဲမျိုးသည် အစေ့ပါ ဖရဲမျိုးထက် (၅-၁၀) ရက်ခန့် နောက်ကျပြီးမှ ရင့်မှည့်သည်။ ဖရဲအပြင်ခွံအရောင်ရင့်မျိုးသည် အရောင်နုမျိုးထက် စော၍ ရင့်မှည့်သည်။
၁၆။ ပိုးမွှားကျရောက်ဖျက်ဆီးခြင်းနှင့် ကာကွယ်ခြင်း
ပိုးမွှားကာကွယ်ဆေးများကို ပျိုးပင်အဆင့်မှ အသီးမခူးမီ (၁၄) ရက်အထိ ပိုးမွှားကျရောက်မှု အခြေ အနေပေါ်မူတည်ပြီး (၅-၇) ရက်ခြားတစ်ကြိမ် ပက်ဖျန်းသင့်ပါသည်။ ပိုးသတ်ဆေးပက်ဖျန်းရာတွင် နံနက်ပိုင်းနှင့် ညနေပိုင်းတွင်သာ ပက်ဖျန်းသင့်သည်။ နေပူမလွန်းသော အချိန်များတွင် မပက်ဖျန်းသင့်ပါ။
အဓိကဖျက်ပိုးများမှာ လှေးပိုး၊ ပျပိုး၊ ဘူးဖရုံ၊ ကျိုင်းဝါနှင့် မွှားပင့်ကူနီတို့ ဖြစ်ကြပါသည်။
ကာကွယ်နှိမ်နင်းနည်းမှာ -
(၁) အိုင်အိုဒင်း (၃၀) ရာခိုင်နှုန်း အီးစီ (၃၀) စီစီကို ရေ (၂) ဂါလံနှင့် ရော၍လည်းကောင်း
(၂) ဒိုင်ယာစီနွံ (၄၀) ရာခိုင်နှုန်း အီးစီ (၃၀) စီစီကို ရေ (၂) ဂါလံနှင့်ရော၍လည်းကောင်း ပက်ဖျန်းနိုင်ပါသည်။
၁၇။ ကျရောက်တတ်သော ရောဂါများနှင့် ကာကွယ်ခြင်း
မှဲ့ပြောက်စွန်းရောဂါ၊ ဒေါင်းနီးမှိုရွက်ခြောက်ရောဂါနှင့် ပင်စည်ခြောက်ရောဂါများ ကျရောက်တတ်ပါ သည်။
လေဘလိုက် (၇၅) ရာခိုင်နှုန်း ဒလလျူပီ၊ ဒက်ကိုနေး (၇၅) ရာခိုင်နှုန်း ဒလလျူပီနှင့် ရီဒိုမေးလ် (အမ်ဇက်) မှိုသတ်ဆေးတစ်မျိုးမျိုး (၂၅-၃၀) ဂရမ်ကို ရေ (၂) ဂါလံနှင့် ရောစပ်ပက်ဖျန်းပါ။
ပင်ညှိုးရောဂါကျရောက်ပါက ဟိုမုန်း (၈၀) ရာခိုင်နှုန်း ဒလလျူပီဆေးမှုန့် (၅) ဂရမ်ကို မျိုးစေ့ (၁) ကီလိုဂရမ်နှုန်း လူးနယ်ပြီး ပျိုးထောင်စိုက်ပျိုးခြင်းဖြင့် ကာကွယ်နိုင်ပါသည်။
ပျပိုးနှင့် လှေးပိုးများကို နှိမ်နင်းပေးမှုမရှိက ဗိုင်းရပ်ရောဂါများ ကျရောက်နိုင်သည်။ ရောဂါကျ အရွက်များ ကုပ်သွားပြီး တွန့်လိမ်ကာ သေးငယ်သွားသည်။ ဆစ်ကြားတိုပြီး အသီးပုံသဏ္ဍာန် မမှန်ဘဲ ပိန်ရှုံ့နေ တတ်သည်။ အသီးအတွင်းသားများ မာကြောနေတတ်သည်။
ဗိုင်းရပ်ကျရောက်နေသော အပင်များကို နှုတ်ယူ မီးရှို့ ဖျက်ဆီးပေးရသည်။ ရောဂါကနေသော အပင်ကို ကိုင်တွယ်ပြီးပါက အသုံးပြုပြီးသော ပစ္စည်းများကို ဆိုဒီယမ်ဟိုက်ပိုကလိုရိုဒ် (၅) ရာခိုင်နှုန်း ဖျော်ရည်နှင့် စိမ်ပြီး သုံးသင့်သည်။

ကိုးကား- ဟင်းသီးဟင်းရွက်စိုက်ပျိုးနည်း

Zaw Myo Naing Library

12/05/2020

12/05/2020

12/05/2020

17/04/2020

15/04/2020

08/04/2020

09/03/2020

01/03/2020

06/01/2020

05/12/2019

24/11/2019

Address

Website

Alerts

Shortcuts

Share

Category