01/06/2026
#မြိုင်မြို့နယ်အတွင်းနောက်ဆုံးရသတင်းများ
1.6.2026
ယနေ့နေ့လည် 11:50 ဝန်းကျင်က
မြိုင်မြို့နယ်မြောက်ပိုင်း လက်ယက်မရွာအား
မုံရွာနမခမှ တက်လာတဲ့ အသေခံ ဒရုန်းနှစ်စီးဖြင့်
လေကြောင်းတိုက်ခိုက်မှု ပြုလုပ်ခဲ့ရာ
ပြည်သူ 6 ဦး ဒဏ်ရာရာပြီး နေအိမ်များလည်း
ထိခိုက်ပျက်စီးခဲ့တယ်လို့ သိရပါတယ်။
မြိုင်မြို့အရှေ့မြောက်ပိုင်း လင်းကတောစခန်းကို
အခြေပြုပြီး အနီးနားရွာတွေကို စစ်ကြောင်းထိုးကာ
ပြည်သူပိုင်ပစ္စည်းများကို ခိုးယူ ဖျက်ဆီးနေတဲ့
စစ်ကောင်စီတပ်တွေဟာ မနေ့ကမနက်က
မရိုးကန်ရွာကို ဝင်ရောက်ခဲ့ပြီး
မနေ့ကမနက်ကနေ ယနေ့ညထိ မရိုးကန်ရွာမှာပဲ
ရှိနေတယ်လို့ သိရပါတယ်။
ယနေ့မနက်ပိုင်းက မြိုင်မြို့အနောက်တောင်ဘက်
စက်မှု (2) က ထွက်ပြီး ကုန်းရွာကို ဝင်ရောက်ခဲ့တဲ့
စစ်ကောင်စီတပ်တွေဟာ 7:00 ဝန်းကျင်မှာ
ကုန်းရွာမှ ပြည်သူနေအိမ်တချို့ကို
မီးရှို့ဖျက်ဆီးကာ လက်ရှိအချိန်ထိ
ကုန်းရွာနဲ့ စက်မှု (2) အနီးတဝိုက်မှာပဲ ရှိနေတယ်လို့
သိရပါတယ်။
ယနေ့ညနေ 6:00 ဝန်းကျင်က
မြိုင်မြို့အနောက်တောင်ဘက် စက်မှု (2) ထဲက
စစ်ကောင်စီတပ်တွေဟာ ဝက်ပုတ်ရွာဘက်ကို
ဒရုန်းများအသုံးပြုကာ
လေကြောင်းတိုက်ခိုက်မှုများ ပြုလုပ်ခဲ့တယ်လို့
သိရပါတယ်။
အဆိုပါ စစ်ကောင်စီတပ်တွေဟာ
နောက်ရက်တွေမှာ ဘယ်ကိုဆက်ပြီး
စစ်ကြောင်းထိုးမလဲ မသိရတာကြောင့်
မြိုင်မြို့နယ်အရှေ့မြောက်ပိုင်းနဲ့
မြိုင်မြို့နယ်အနောက်တောင်ပိုင်းမှ
မိဘပြည်သူများအားလုံး
သတိဝရိယနဲ့ နေထိုင်ကြဖို့ အသိပေးအပ်ပါတယ်။
#ပြည်သူတွေဘေးကင်းကြပါစေ
#ချစ်သောအညာမြေ
#စစ်ကြောင်းသတင်း
ဓာတ်ပုံ / မြိုင် ပကဖ /
လက်ယက်မရွာ လေကြောင်းတိုက်ခိုက်ခံရမှု
