Kachin State Government Office

Kachin State Government Office ကချင်ပြည်နယ်အစိုးရအဖွဲ့ရုံး

မြစ်ကြီးနားမြို့၌ အရေးပေါ်လူနာများအတွက် သွေးလုံလောက်စွာရရှိနိုင်ရေး စုပေါင်းသွေးလှူဒါန်းပွဲ ကျင်းပမြစ်ကြီးနား သြဂုတ် ၃ ...
03/08/2026

မြစ်ကြီးနားမြို့၌ အရေးပေါ်လူနာများအတွက် သွေးလုံလောက်စွာရရှိနိုင်ရေး စုပေါင်းသွေးလှူဒါန်းပွဲ ကျင်းပ

မြစ်ကြီးနား သြဂုတ် ၃

#ကချင်ပြည်နယ်အတွင်း အရေးပေါ်လူနာများအတွက် သွေးလုံလောက်စွာရရှိနိုင်ရေးနှင့် ပုံမှန် သွေးသွင်းရန်လိုအပ်သောလူနာများကို ကူညီနိုင်ရေးအတွက် (၁၁) ကြိမ်မြောက် စုပေါင်းသွေးလှူဒါန်းပွဲကို သြဂုတ် ၃ ရက် နံနက် ၉ နာရီခွဲက မြစ်ကြီးနားမြို့ ပြည်သူ့ဆေးရုံကြီးရှိ သွေးလှူဘဏ်ခန်းမ၌ ကျင်းပ သည်။
#အဆိုပါ စုပေါင်းသွေးလှူဒါန်းပွဲသို့ ပြည်နယ်အစိုးရအဖွဲ့ဝင် သယံဇာတနှင့် သဘာဝပတ်ဝန်း ကျင်ထိန်းသိမ်းရေးဝန်ကြီး ဒေါက်တာအောင်ဝင်းနှင့်တာဝန်ရှိသူများက ကျန်းမာ‌ရေးဝန်ထမ်းများ၏ အကူညီဖြင့် ကချင်ပြည်နယ်သွေးဖောင်ဒေးရှင်း၊ မြစ်ကြီးနားမြို့ပေါ်ရှိ သွေးအလှူရှင်ပြည်သူများ၊ လူမှုကူညီရေးအသင်းအဖွဲ့များ၊ သွေးလှူရှင်အသင်း အဖွဲ့များ၊ ဘာသာရေးအသင်းအဖွဲ့များ၊ ပညာရေး ကောလိပ်၊ ကွန်ပျူတာတက္ကသိုလ်နှင့် နည်းပညာအထက်တန်းကျောင်းများမှ သွေးလှူရှင်(၆၅)ဦး‌တို့ စုပေါင်းသွေးလှူဒါန်းပေးနေမှုများအား လှည့်လည်ကြည့်ရှုအားပေးခဲ့ကြကာ အာဟာရဖြည့် အစားစာ များကို လိုက်လံပေးအပ်ခဲ့ကြကြောင်း သိရသည်။

ကချင်ပြည်နယ်ဝန်ကြီးချုပ် လမင်းစီမံချက် ဖြင့် နိုင်ငံသားစိစစ်ရေးကတ်ပြားများနှင့် UID ထုတ်ပေးခြင်းလုပ်ငန်းအား ကြည့်ရှုအားပ...
03/08/2026

ကချင်ပြည်နယ်ဝန်ကြီးချုပ် လမင်းစီမံချက် ဖြင့် နိုင်ငံသားစိစစ်ရေးကတ်ပြားများနှင့် UID ထုတ်ပေးခြင်းလုပ်ငန်းအား ကြည့်ရှုအားပေး

မြစ်ကြီးနား သြဂုတ် ၁

#ပြည်နယ်ဝန်ကြီးချုပ်နှင့် အဖွဲ့ဝင်များသည် မြစ်ကြီးနားမြို့ အောင်နန်းရိပ်သာရပ် ကွက်အတွင်းရှိ အမှတ်(၂) အခြေခံပညာအထက်တန်းကျောင်း၊ နိုင်ငံ့ရတနာခန်းမ၌ လူဝင်မှုကြီးကြပ် ရေးနှင့် ပြည်သူ့အင်အားဝန်ကြီးဌာန၊ မြို့နယ်ဦးစီးမှူးရုံးက လမင်းစီမံချက်ဖြင့် နိုင်ငံသားစိစစ်ရေး ကတ်ပြားများနှင့် UID ထုတ်ပေးခြင်း အခမ်းအနားသို့ တက်ရောက်သည်။
#ယင်းအခမ်းအနားတွင် ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝင်များ၊ ပြည်နယ် ဦးစီးမှူးတို့က ကျောင်း၌ လမင်းစီမံချက်ဖြင့် နေ့ချင်းအပြီး ဆောင်ရွက်ပေးခဲ့သော နိုင်ငံသားစိစစ်ရေး ကတ် ပြားများကို ကျောင်းသား/ ကျောင်းသူများ လက်ဝယ်အရောက် အသီးသီးပေးအပ်ခဲ့ကြပြီး အဆိုပါ ခန်းမအတွင်း ကျောင်းသား/ကျောင်းသူများအ တွက် မြို့နယ်ဦးစီးမှူးဦးဆောင်သည့် အရာထမ်း/ အမှုထမ်းများက နိုင်ငံသားစိစစ်ရေးကတ်ပြားများနှင့် UID ထုတ်ပေးခြင်းအား One Stop Service ဖြင့် ပြုလုပ်ဆောင်ရွက်ပေးနေမှုများကို လှည့်လည်ကြည့်ရှုအားပေးခဲ့ကြကာ ပြည်နယ်ဝန်ကြီးချုပ်က ဝန်ထမ်းများအတွက် ချီးမြှင့်ငွေများကို ပေးအပ်ချီးမြှင့်ခဲ့ကြကြောင်း သိရသည်။

ကချင်ပြည်နယ်၏ အားကစားဖွံ့ဖြိုးတိုးတက်ရေး၊ လူငယ်ကစားသမားများ မွေးထုတ်ပေးနိုင်ရေး၊ ပံ့ပိုးကူညီမှုများ တိုးမြှင့်ပေးနိုင်ရေ...
03/08/2026

ကချင်ပြည်နယ်၏ အားကစားဖွံ့ဖြိုးတိုးတက်ရေး၊ လူငယ်ကစားသမားများ မွေးထုတ်ပေးနိုင်ရေး၊ ပံ့ပိုးကူညီမှုများ တိုးမြှင့်ပေးနိုင်ရေးနှင့် ဆပ်ကော်မတီအလိုက် ပြင်ဆင်ဖွဲ့စည်းခြင်းများ ဆောင်ရွက်

မြစ်ကြီးနား သြဂုတ် ၁

#ကချင်ပြည်နယ်၏ အားကစားအဆင့်အတန်း တိုးတက်မြင့်မားရေး၊ အောင်မြင်မှုများရရှိရေး၊ လူ ငယ်မျိုးဆက်သစ်ကစားသမားများ မွေးထုတ်နိုင်ရေး၊ ပံ့ပိုးကူညီမှုများတိုးမြှင့်ပေးနိုင်ရေးအတွက် ယနေ့ နံနက် (၁၀)နာရီခွဲက ပြည်နယ်အားကစားနှင့်ကာယပညာဦးစီးဌာနရုံး အစည်းအဝေးခန်းမ၌ ပြည်နယ်အစိုးရအဖွဲ့ဝင် လူမှုရေးရာဝန်ကြီး ဦးကျော်မင်းခိုင်နှင့် အားကစားဆပ်ကော်မတီအသီး သီးမှ တာဝန်ရှိသူများ တွေ့ဆုံဆွေးနွေးခဲ့ကြသည်။
#ထိုသို့တွေ့ဆုံစဉ် ပြည်နယ်ဝန်ကြီးက ပြည်နယ်အစိုးရအဖွဲ့အနေဖြင့် ယခုအခါ အားကစားကဏ္ဍတိုးတက်မြင့်မား‌ရေး၊ အားကစားနည်းအလိုက် ပံ့ပိုးကူညီမှုများ တိုးမြှင့်လုပ်ဆောင်နိုင်ရေး၊ ဆပ်ကော် မတီများအနေဖြင့် လိုအပ်ချက်၊ အခက်အခဲများကို ပွင့်လင်းစွာတင်ပြကြရေးနှင့် အနာဂတ်ပြည်နယ်၏ အားကစားအဆင့်အတန်းမြင့်မားရေးကို အားလုံးက ဝိုင်းဝန်းကြိုးစားဆောင်ရွက်ကြရေး၊ လက်ရှိ ဆပ် ကော်မတီတာဝန်ရှိသူများအနေဖြင့်လည်း မိမိတို့ဝါသနာပါရာ အားကစားတွင်ရင်းနှီးမြှုပ်နှံ၍ စေတနာဆောင်ရွက်ပေးခြင်းကို ကျေးဇူးတင်ရှိကြောင်း ပြောကြားသည်။
#ထို့နောက် ပြည်နယ်အားကစားနှင့်ကာယပညာဦးစီးဌာန၊ ပြည်နယ်ဦးစီးမှူး ဦးသီဟအောင်က တိုင်းဒေသကြီးနှင့် ပြည်နယ်ပြိုင်ပွဲများ ဝင်ရောက်ယှဉ် ပြိုင်ခဲ့မှုနှင့် ဆက်လက်ယှဉ်ပြိုင်သွားမည့် အားက စားအစီအစဉ်များ၊ အားကစားကဏ္ဍတိုးတက်မြင့်မားရေးအတွက် ရည်မှန်းချက်ထားဆောင်ရွက်သွားမည့်အစီအစဉ်များကို ရှင်းလင်းတင်ပြပြီး ဆပ် ကော်မတီအသီးသီးမှ တာဝန်ရှိသူများက ဆပ်ကော် မတီအလိုက် ပြိုင်ပွဲများယှဉ်ပြိုင်ခဲ့မှု၊ ဆုတံဆိပ်များ ရရှိခဲ့မှု၊ လူငယ်ကစားသမားများ ရွေးချယ်လေ့ ကျင့်နေမှုနှင့် အခက်အခဲများ၊ လိုအပ်ချက်များ၊ ပြည်နယ်အစိုးရအဖွဲ့က ပေါင်းစပ်ဆောင်ရွက်ပေးရမည့် ကိစ္စရပ်များကို အသီးသီးရှင်းလင်းတင်ပြကြရာ ပြည်နယ်ဝန်ကြီးနှင့် ပြည်နယ်ဦးစီးမှူးတို့က ဆပ် ကော်မတီအချို့ ပြင်ဆင်ဖွဲ့စည်းနိုင်ရေး၊ မျိုးဆက်သစ်လူငယ်ကစားများ စဉ်ဆက်မပြတ် မွေးထုတ် ပေးနိုင်ရေး၊ တိုင်းဒေသကြီး/ ပြည်နယ်ပြိုင်ပွဲများတွင် ဆုတံဆပ်များ တိုးမြှင့်ရရှိရေး၊ လေ့ကျင့်မှုများ တိုးမြှင့်လုပ်ဆောင်နိုင်ရေးနှင့် လိုအပ်သည်များ အစိုးရအဖွဲ့က ပံ့ပိုးပေးနိုင်ရေးတို့ကို ညှိနှိုင်းပေါင်း စပ်ဆွေးနွေးခဲ့ကြကြောင်း သိရသည်။

ကချင်ပြည်နယ်ဝန်ကြီးချုပ် ဘောလုံးအားကစားနည်း အဆင့်အတန်းမြင့်မားလာစေရေးအတွက် စည်းကမ်းသတ်မှတ်ချက်များနှင့်အညီ အရည်အ ချင်းပြ...
03/08/2026

ကချင်ပြည်နယ်ဝန်ကြီးချုပ် ဘောလုံးအားကစားနည်း အဆင့်အတန်းမြင့်မားလာစေရေးအတွက် စည်းကမ်းသတ်မှတ်ချက်များနှင့်အညီ အရည်အ ချင်းပြည့်ဝသည့် ဒိုင်လူကြီးမျိုးဆက်သစ်များ မွေးထုတ်နိုင်ရေး ဖွင့်လှစ်ပေးခဲ့သော အပြည်ပြည်ဆိုင် ရာ ဒိုင်လူကြီးသင်တန်းဆင်းပွဲသို့ တက်ရောက်

မြစ်ကြီးနား သြဂုတ် ၂

#ကချင်ပြည်နယ်၏ ဘောလုံးအားကစားအဆင့် အတန်းမြင့်မားလာစေရေးနှင့် စည်းမျဉ်းစည်းကမ်း သတ်မှတ်ချက်များနှင့်အညီ အရည်အချင်းပြည့်ဝသော ဒိုင်လူကြီးမျိုးဆက်သစ်များ မွေးထုတ်နိုင် ရေးအတွက် ဖွင့်လှစ်ပေးခဲ့သော ၂၀၂၆ ခုနှစ်၊ အပြည်ပြည်ဆိုင်ရာ ဒိုင်လူကြီးသင်တန်းဆင်းပွဲကို ယနေ့ နံနက်ပိုင်းက ပြည်နယ်အားကစားနှင့်ကာယ ပညာဦးစီးဌာနရုံး အစည်းအဝေးခန်းမ၌ ကျင်းပပြုလုပ်သည်။
#အဆိုပါ သင်တန်းကို ကချင်ပြည်နယ်အားကစားနှင့် ကာယပညာဦးစီးဌာနနှင့် မြန်မာနိုင်ငံဘောလုံးအဖွဲ့ချုပ်၏ ဒိုင်ဆပ်ကော်မတီတို့ ပူးပေါင်းဖွင့်လှစ်ပေးခဲ့ခြင်းဖြစ်ပြီး ဒေသတွင်းရှိ လူငယ်မျိုးဆက်သစ် ဒိုင်ဝါသနာပါသူ သင်တန်းသား (၄၃)ဦးတို့အား (၅)ရက်ကြာ ဖွင့်လှစ်သင်ကြားပေးခဲ့ခြင်းဖြစ်ပြီး သင်တန်းဆင်းပွဲတွင် ပြည်နယ်ဝန်ကြီးချုပ် ဦးခက်ထိန်နန်က ပြည်နယ်၏ ဘောလုံးအားကစားအဆင့် အတန်းတိုးတက်စေရုံသာမက စည်းကမ်းပြည့်ဝပြီး အရည်အချင်းပြည့်မီသည့် ဒိုင်လူကြီးမျိုးဆက်သစ်များ မွေးထုတ်ပေးရနိုင်ရေး ဖွင့်လှစ်ခြင်းဖြစ် ကြောင်း၊ သင်တန်းသားများအနေဖြင့်လည်း ရုပ် ပိုင်းဆိုင်ရာ၊ စိတ်ပိုင်းဆိုင်ရာကြံ့ခိုင်မှုများ စဉ်ဆက်မပြတ်လေ့ကျင့်တည်ဆောက်ကြရေး၊ ဒိုင်လူကြီးကောင်းတစ်ဦးရှိရမည့် သိက္ခာနှင့်သမာသမတ်ကျမှုကို အလေ့အကျင့်ကောင်းတစ်ခုအဖြစ် လက်ကိုင်ကျင့်သုံးကြရန် တိုက်တွန်းလိုကြောင်း ပြောကြားခဲ့သည်။
#ထို့နောက်ပြည်နယ်ဝန်ကြီးချုပ်က သင်တန်းသား များထံ သင်တန်းဆင်းလက်မှတ်များနှင့် ဒိုင်သင် တန်းနည်းပြများအတွက် ဂုဏ်ပြုချီးမြှင့်ငွေကျပ် ၁၅ သိန်းကို ပေးအပ်ချီးမြှင့်ရာ သင်တန်းနည်းပြ ဆရာက သင်တန်းနှင့်ပတ်သက်သည့် ဆောင်ရွက်ခဲ့မှုများနှင့် အတွေ့အကြုံများ၊ သင်တန်းများ၏ အလားအလာများကို ရှင်းလင်းတင်ပြပြီး သင်တန်း သားတစ်ဦးက ကျေးဇူးတင်စကားပြောကြားခဲ့ ကြောင်း သိရသည်။

ကချင်ပြည်နယ်ဝန်ကြီးချုပ် ဒေသတွင်း နှစ်ဖက်ချောစက္ကူထုတ်လုပ်နိုင်သည့် ဖြိုးဝေဝေ စက္ကူနှင့် စာအုပ်ထုတ်လုပ်ရေးသမဝါယမအသင်းပို...
03/08/2026

ကချင်ပြည်နယ်ဝန်ကြီးချုပ် ဒေသတွင်း နှစ်ဖက်ချောစက္ကူထုတ်လုပ်နိုင်သည့် ဖြိုးဝေဝေ စက္ကူနှင့် စာအုပ်ထုတ်လုပ်ရေးသမဝါယမအသင်းပိုင် စက်ရုံလည်ပတ်နေမှုနှင့် ဝိုင်းမော်မြို့နယ်အတွင်းမှ ယာယီတိမ်းရှောင်မိသားစုများအတွက် ဆန်အိတ် (၂၃၄၅) အိတ် ထောက်ပံ့

မြစ်ကြီးနား သြဂုတ် ၁

#ကချင်ပြည်နယ်အတွင်း နိုင်ငံ့စီးပွားမြှင့်တင်ရေး ရန်ပုံငွေ မတည်ပံ့ပိုးမှုဖြင့် ပထမဆုံး နှစ်ဖက် ချောစက္ကူထုတ်လုပ်လျက်ရှိသော ဖြိုးဝေဝေ စက္ကူနှင့် စာအုပ်ထုတ်လုပ်ရေးသမဝါယမအသင်းလီမိ တက်ပိုင် စက်ရုံအား နေရာသစ်ပြောင်း‌ရွေ့တည် ထောင်လည်ပတ်မှုလျက်ရှိသည့် အခြေအနေများကို ပြည်နယ်ဝန်ကြီးချုပ် ဦးခက်ထိန်နန်သည် ဇူလိုင် ၃၁ ရက် ညနေ ၃ နာရီခွဲက မန်ခိန်ရပ်ကွက်အတွင်းရှိ အဆိုပါ စက်ရုံသို့ သွားရောက်ကြည့်ရှုစစ်ဆေးခဲ့ကြသည်။
#အဆိုပါ ဖြိုးဝေဝေ စက္ကူနှင့် စာအုပ်ထုတ်လုပ်ရေး သမဝါယအသင်းလီမီတက်အနေဖြင့် ဒေသတွင်း ရုံးသုံး၊ ကျောင်းသုံး စာအုပ်ဟောင်းများနှင့် စာရွက်အပိုင်းအစများ Recycle ပြုလုပ်၍ ပျော့ ဖတ်များမှတစ်ဆင့် စက္ကူ(အကြမ်း/ အချောများ) တစ်ရှူးစက္ကူများနှင့် ကတ်ထူစက္ကူများကို ထုတ် လုပ်ဆောာင်ရွက်လျက်ရှိရာမှ ကချင်ပြည်နယ်အစိုးရ အဖွဲ့က ဒေသတွင်းကုန်ထုတ်လုပ်မှုစွမ်းအား မြှင့်မားလာစေရေးနှင့် ပထမဆုံး နှစ်ဖက်ချောစက္ကူထုတ် လုပ်နိုင်ရေးအတွက် နိုင်ငံ့စီးပွားမြှင့်ရေး ရန်ပုံငွေ (ရန်ပုံငွေစက်ဝန်း)အလိုက် သိန်း ၁၀၀၀ ကျော် မတည်ပေးခဲ့သဖြင့် နှစ်ဖက်ချော ကျောင်းသုံးဗလာ စာအုပ်များ ထုတ်လုပ်နိုင်ခဲ့ပြီဖြစ်ရာ ယခုအခါ စက် မှုရပ်ကွက်မှ မန်ခိန်ရပ်ကွက်အတွင်း စက်ရုံသစ် ၁၂၀ ပေ၊ ၄၀ ပေ၊ ၁၇ ပေ အဆောက်အဦတည် ဆောက်ထားပြီး တစ်ရှူးစက်၊ တစ်ဖက်ချောစက် နှင့် နှစ်ဖက်ချောစက်ကြီးများတပ်ဆင်၍ လည်ပတ်ထုတ်လုပ်လျက်ရှိရာ ပြည်နယ်ဝန်ကြီးချုပ်နှင့် ပြည်နယ်အစိုးရအဖွဲ့ဝင်များ၊ ဌာနဆိုင်ရာတာဝန်ရှိသူများက လှည့်လည်ကြည့်ရှုစစ်ဆေးခဲ့ကြကာ လိုအပ်သည်များနှင့် ကုန်ကြမ်းရရှိမှု အခြေအနေများ၊ နှစ်ဖက်ချောစက္ကူတိုးမြှင့်ထုတ်လုပ်နိုင်ရေး ဆောင်ရွက်နေမှု အခြေအနေများကို မေးမြန်းဆွေး နွေးခဲ့ကြပြီး လိုအပ်သည်များ လုပ်ထုံးလုပ်နည်းနှင့် အညီ ကူညီပေးနိုင်ရေး ပေါင်းစပ်ဆောင်ရွက်ပေးခဲ့သည်။
#ထို့အတူ ပြည်နယ်ဝန်ကြီးချုပ်သည် ယနေ့ နံနက်ပိုင်းကလည်း မြစ်ကြီးနားမြို့နယ်စုပေါင်းရုံး မနောရွှေပြည်ခန်းမ၌ ဝိုင်းမော်မြို့ အမှတ်(၃)၊ (၄)၊ (၅) ရပ်ကွက်များ၊ မုတ်လွဲ၊ ခတ်ချို၊ မိုင်းနား၊ နောင် တာလောနှင့် ဝူယန်ကျေးရွာအုပ်စုများမှ မြစ်ကြီးနားမြို့ပေါ်ရှိ ယာယီတိမ်းရှောင်စခန်း (၂၁)ခုတွင် နေထိုင်လျက်ရှိသော အိမ်ထောင်စုများအား ရင်းရင်းနှီးနှီးသွားရောက်တွေ့ဆုံပြီး အိမ်‌ထောင်စုများ အတွက် ဆန်(၂၄)ပြည်ပါအိတ်ပေါင်း(၂၃၄၅)အိတ်ကို အသီး သီးထောက်ပံ့ပေးအပ်ခဲ့ကြရာ အိမ်ထောင်စုများကိုယ်စား ပြည်သူတစ်ဦးက ကျေးဇူးတင်စကားနှင့် စခန်းအသီးသီးရှိ မိသားစုများ၏ လို အပ်ချက်များကိုတင်ပြပြီး ပြည်နယ်ဝန်ကြီးချုပ်က စခန်းအလိုက် ထောက်ပံ့မှုများအပြင် လိုအပ်ချက် များပေါ်ပေါက်ပါကလည်း အချိန်နှင့်တစ်ပြေးညီ ပံ့ပိုးပေးလျက်ရှိပါကြောင်း၊ သို့ဖြစ်ပါ၍ အိမ်ထောင်စုများအနေဖြင့် လိုအပ်ချက်များ ပေါ်ပေါက်ပါက တင်ပြကြရန်နှင့် အတတ်ဆုံးဖြည့်ဆည်းပေးနိုင်ရေး ကြိုးစားဆောင် ရွက်ပေးသွားမည်ဖြစ်ကြောင်း တိုက်တွန်းမှာကြားသည်။

ကချင်ပြည်နယ်ဝန်ကြီးချုပ် မြစ်ကြီးနားမြို့ ဆွမ်ပရာဘွမ်လမ်းပေါ်၌ ယာဉ်စည်းကမ်း၊ လမ်းစည်း ကမ်းဆိုင်ရာ အသိပညာပေးခြင်းနှင့် ဆိ...
31/07/2026

ကချင်ပြည်နယ်ဝန်ကြီးချုပ် မြစ်ကြီးနားမြို့ ဆွမ်ပရာဘွမ်လမ်းပေါ်၌ ယာဉ်စည်းကမ်း၊ လမ်းစည်း ကမ်းဆိုင်ရာ အသိပညာပေးခြင်းနှင့် ဆိုင်ကယ်စီးဦးထုပ် Campaign ပြုလုပ်၍ Helmet များ အခမဲ့ဖြန့်ဝေပေး

မြစ်ကြီးနား ဇူလိုင် ၃၁

ကချင်ပြည်နယ်၏ ဦးဆောင်မှုဖြင့် မြစ်ကြီးနားမြို့တွင် အမှတ်(၁၅) ယာဉ်ထိန်းရဲ ဒုတပ်ဖွဲ့ခွဲ (ကချင်) က ပြည်သူ့အကျိုးပြုအစီအစဉ်ဖြင့် ဒေသတွင်း ပြည်သူများအား ယာဉ်စည်းကမ်း၊ လမ်းစည်း ကမ်းဆိုင်ရာ အသိပညာပေးခြင်းနှင့် ဆိုင်းကယ်စီးဦးထုပ် Campaign ပြုလုပ်၍ ဦးထုပ်များ အခမဲ့ဖြန့်ဝေပေးခြင်းကို ယနေ့ နံနက်ပိုင်းက ဆွမ်ပရာဘွမ်လမ်းမကြီးပေါ်ရှိ အမှတ်(၈) အခြေခံပညာ အထက်တန်း ကျောင်းရှေ့၌ ကျင်းပပြုလုပ်ခဲ့ကြသည်။
အဆိုပါ အသိပညာပေးခြင်းနှင့် Campaign တွင် ပြည်နယ်ဝန်ကြီးချုပ်နှင့် ပြည်နယ်တရားလွှတ်တော် တရားသူကြီးချုပ်နှင့် ပြည်နယ်အစိုးရအဖွဲ့ဝင်များ တက်ရောက်အားပေးခဲ့ကြပြီး ပြည်နယ်ဝန်ကြီးချုပ်က မော်တော်ဆိုင်ကယ်စီးရာတွင် အရည်အသွေးပြည့်မီသည့် ဆိုင်ကယ်စီးဦးထုပ်များကို မေးသိုင်း ကြိုး မြဲမြံစွာတပ်ဆင်ကြစေရေး ပညာပေး၊ စစ် ဆေး၊ အရေးယူမှုများ ဆောင်ရွက်ရန်လိုအပ် ကြောင်း၊ ထို့အပြင် ယာဉ်စည်းကမ်း/ လမ်းစည်း ကမ်းလိုက်နာခြင်းသည် ဥပဒေကို လေးစားခြင်းဖြစ် သကဲ့သို့ မိမိ၏ အသက်၊ မိသားစု၏ ပျော်ရွှင်မှုနှင့် အခြားသူများ၏ အသက်စည်းစိမ်ကို ကာကွယ် စောင့်ရှောက်ခြင်းလည်း ဖြစ်ပါကြောင်း၊ သို့ဖြစ်ပါ၍ ပြည်သူလူထုအနေဖြင့် ယာဉ်စည်းကမ်း/ လမ်းစည်းကမ်းများကို လိုက်နာခြင်းနှင့် အန္တရာယ်ကင်းရှင်းသော လူမှုဘဝကို အတူတကွဖော်ဆောင်ကြရန် လိုအပ်ပါကြောင်း တိုက်တွန်းမှာကြားခဲ့သည်။
ထို့နောက် အမှတ်(၁၅) ယာဉ်ထိန်းရဲတပ်ဖွဲ့ ဒုတပ်ဖွဲ့ခွဲ(ကချင်)ဒုတပ်ဖွဲ့ခွဲမှူး ရဲမှူးမင်းရန်ထွန်းက မြစ်ကြီးနားမြို့၌ နှစ်အလိုက် ယာဉ်မတော်မဆမှုဖြစ်ပေါ်ခဲ့သည့် အခြေအနေများ၊ အသိပညာပေးလုပ်ငန်းများ ဆောင်ရွက်ခဲ့မှု အခြေအနေများနှင့် Campaign ဆောင်ရွက်ရခြင်း၏ရည်ရွယ်ချက်များကို ရှင်းလင်း တင်ပြသည်။
ယင်းနောက် ပြည်နယ်ဝန်ကြီးချုပ် ဦးဆောင်၍ ပြည်နယ်တရားလွှတ်တော်တရားသူကြီးချုပ်၊ ပြည် နယ်အစိုးရအဖွဲ့ဝင်များ၊ ယာဉ်ထိန်းရဲတပ်ဖွဲ့ဝင်များက အခမ်းအနား တက်ရောက်လာကြသည့်လွှတ် တော်ကိုယ်စားလှယ်များ၊ ဌာနဆိုင်ရာဝန်ထမ်းများနှင့် ဒေသခံပြည်သူများအား ဆိုင်ကယ်စီးဦးထုပ်များ အခမဲ့ဖြန့်ဝေဆောင်းစေပြီး မေးသိုင်းကြိုး မြဲ မြံစွာ တပ်ဆင်စီးနင်းနိုင်ရေး အသိပညာပေးခြင်းနှင့် ယာဉ်စည်းကမ်း/ လမ်းစည်းကမ်းဆိုင်ရာ သိသင့်သိထိုက်သည်များပါဝင်သည့် လက်ကမ်းစာစောင်များကို ဖြန့်ဝေပေးခဲ့ကြကြောင်း သိရသည်။
ကချင်ပြည်နယ်အတွင်း ၂၀၂၄ ခုနှစ်မှ ၂၀၂၆ ခုနှစ်အထိ ယာဉ်မတော်တဆမှုဖြစ်စဉ်ပေါင်း ၁၇၁ မှုဖြစ်ပေါ်ခဲ့ပြီး ဒဏ်ရာရရှိမှု၌ ၁၇၄ ဦး၊ သေဆုံးမှု၌ ၁၃၀ဦးရှိခဲ့ပြီး ဆုံးရှုံးမှုတန်ဖိုးအနေဖြင့်၇၉၉၂၈၀၀၀ ရှိခဲ့ကြောင်းနှင့် အမှတ်(၁၅) ယာဉ်ထိန်းရဲ ဒုတပ်ဖွဲ့ခွဲ(ကချင်)ဒုတပ်ဖွဲ့ခွဲမှူးရုံးအနေဖြင့် ပြည်သူများ ယာဉ်စည်းကမ်း၊ လမ်းစည်းကမ်းဆိုင်ရာ သိရှိလိုက် နာစေရေးအတွက် ပညာပေးဟောပွဲ များကို ၂၀၂၄ ခုနှစ်မှ ၂၀၂၆ ခုနှစ်အထိ အကြိမ်ရေစုစုပေါင်း ၅၉ ကြိမ်တွင် ကျောင်းသား/ ကျောင်းသူများအပါအ ဝင် ပြည်သူစုစုပေါင်း ၁၂၃၈၄ ဦးထိ ဟောပြောနိုင်ခဲ့ကာ လက်ကမ်းစာစောင်ဖြန့်ဝေမှုများကိုလည်း ဆောင်ရွက်ခဲ့ကြောင်း သိရသည်။

မြစ်ကြီးနားမြို့၌ အသေးစားစက်မှုလက်မှုလုပ်ငန်းမှတ်ပုံတင်ပေးအပ်ပွဲအခမ်းအနားကျင်းပ-------------------------မြစ်ကြီးနား ဇူလိ...
30/07/2026

မြစ်ကြီးနားမြို့၌ အသေးစားစက်မှုလက်မှုလုပ်ငန်းမှတ်ပုံတင်ပေးအပ်ပွဲအခမ်းအနားကျင်းပ
-------------------------
မြစ်ကြီးနား ဇူလိုင် ၃၀

#အသေးစား၊ အငယ်စားနှင့် အလတ်စားစီးပွားရေးလုပ်ငန်းများ (MSMEs) ဖွံ့ဖြိုးတိုးတက်ရေးအတွက် ကချင်ပြည်နယ်အတွင်းရှိ လုပ်ငန်းရှင်များအား အသေးစားစက်မှုလက်မှု လုပ်ငန်းမှတ်ပုံတင်များ ပေးအပ်ပွဲအခမ်းအနားကို ပြည်နယ်အသေးစားစက်မှုလက်မှုလုပ်ငန်းဦးစီးဌာနရှိ သင်တန်းခန်းမ၌ ယနေ့ကျင်းပပြုလုပ်သည်။
#အခမ်းအနားတွင် ပြည်နယ်အစိုးရအဖွဲ့ဝင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးရဲရင့်ဆွေက လုပ်ငန်းရှင်များအနေဖြင့် လုပ်ငန်းမှတ်ပုံတင်ရရှိခြင်းဖြင့် မိမိတို့၏ ထုတ်ကုန်များကို ဈေးကွက်တွင် တရားဝင်ဖြန့်ဖြူးရောင်းချခွင့်ရှိသည့်အပြင် စားသုံးသူများကလည်း ပိုမိုယုံကြည် စိတ်ချမှုရှိလာမည်ဖြစ်ပါကြောင်း ပြောကြား သည်။
#ပြည်နယ်ဝန်ကြီးက ပြည်နယ်အတွင်းရှိ မြစ်ကြီးနား၊မိုးကောင်း၊ မိုးညှင်းမြို့နယ်များမှ စားသောက်ရေးဆိုင်ရာလုပ်ငန်း၊ အိမ်သုံးကုန်ဆိုင်ရာလုပ်ငန်း၊ ရက်ကန်းလုပ်ငန်း၊ အထည် လုပ်ငန်းနှင့် အထွေထွေဆိုင်ရာလုပ်ငန်းရှင် (၉)ဦးတို့အား အသေးစားစက်မှုလက်မှုလုပ်ငန်းမှတ်ပုံတင်များပေးအပ်ခဲ့ရာ လုပ်ငန်းရှင်များအနက်တစ်ဦးမှ ကျေးဇူး တင်စကားပြောကြားသည်။
#ဆက်လက်၍ ပြည်နယ်ဝန်ကြီးသည် အဆိုပါဦးစီးဌာနရှိ အစည်းအဝေးခန်းမ၌ လက်မှုရွာစီမံကိန်းဆောင်ရွက်နိုင်ရေးအတွက် ရက်ကန်းလုပ်ငန်းရှင်များနှင့်တွေ့ဆုံညှိနှိုင်းဆွေးနွေးခဲ့သည်။
#ထို့မှတစ်ဆင့် ပြည်နယ်ဝန်ကြီးနှင့် တာဝန်ရှိသူ များသည် မြစ်ကြီးနားမြို့ ရက်ကန်းနှင့် အသက်မွေး ပညာသင်တန်းကျောင်းရှိ လက်ရက်ကန်းနှင့် စက်ရက်ကန်းလက်တွေ့ဆောင်ရွက်နေမှုတို့အား လှည့်လည်ကြည့်ရှုစစ်ဆေးခဲ့ကြကာ လိုအပ်သည်များ လမ်းညွှန်မှာကြားခဲ့ပြီး ဆရာ/ဆရာမများနှင့် သင် တန်းသူများအတွက် ထောက်ပံ့ငွေများ ချီးမြှင့်ပေး အပ်ခဲ့ကြောင်းသိရသည်။

‎ကချင်ပြည်နယ်ဝန်ကြီးချုပ် ယာယီတိမ်းရှောင်ဝန် ထမ်းများနှင့် စခန်းပေါင်း (၂၀)မှ အိမ်ထောင်စုများအတွက် ဆန်အိတ်များထောက်ပံ့‎-...
30/07/2026

‎ကချင်ပြည်နယ်ဝန်ကြီးချုပ် ယာယီတိမ်းရှောင်ဝန် ထမ်းများနှင့် စခန်းပေါင်း (၂၀)မှ အိမ်ထောင်စုများအတွက် ဆန်အိတ်များထောက်ပံ့
‎---------------------------
‎မြစ်ကြီးနား ဇူလိုင် ၃၀
#ပြည်နယ်ဝန်ကြီးချုပ်သည် ပြည်နယ်တရားလွှတ်တော်တရားသူကြီးချုပ်၊ ပြည်နယ်အစိုးရအဖွဲ့ဝင် ဝန်ကြီးများနှင့်အတူ ပြည်နယ်အစိုးရအဖွဲ့ရုံး ဆမားဒူဝါဆင်ဝါးနော်ခန်းမ၌ ပြည်နယ်အထွေထွေအုပ်ချုပ်ရေးဦးစီးဌာန ကွပ်ကဲမှုအောက်ရှိ ခရိုင်/ မြို့ နယ်ရုံးမှ ယာယီတိမ်းရှောင်လာသော ဝန်ထမ်းများအား ထောက်ပံ့ပေးအပ်ပွဲ အခမ်း အနားသို့တက်‌ရောက်ပြီး နယ်မြေလုံခြုံရေးအခြေအနေအရအထွေ ထွေအုပ်ချုပ်ရေးဦးစီးဌာနရုံး အဆင့်ဆင့်မှ မြစ်ကြီးနားမြို့သို့ ယာယီတိမ်းရှောင်ရောက်ရှိနေသော မြစ်ကြီးနားခရိုင်မှ ၁၂၆ ဦး၊ ချီဖွေခရိုင်မှ ၇၇ ဦး၊ ဗန်းမော်ခရိုင်မှ (၈၁)ဦးနှင့် ဆွမ်ပရာဘွမ်မြို့နယ်မှ (၁၀) ဦး စုစုပေါင်း (၂၉၄)ဦးတို့အား နေထိုင်စားသောက်မှု အဆင်ပြေစေရန်အတွက် ဝန်ထမ်း(၁)ဦးလျှင် ဆန် (၁)အိတ်နှုန်းဖြင့် စုစုပေါင်း (၂၉၄)အိတ်ကို ထောက်ပံ့ပေးအပ်ခဲ့သည်။
‎ #မွန်းလွဲပိုင်းတွင်လည်း မြစ်ကြီးနားမြို့နယ်စုပေါင်းရုံး မနောရွှေပြည်ခန်းမ၌ ဝိုင်းမော်မြို့နယ်အတွင်းရှိ ကျေးရွာများ၊ ဆဒုံး၊ ဖားကန့်၊ ဆော့လော်၊ ကံပိုင်တည်၊ ဗန်းမော်၊ ချီဖွေမြို့နယ်များမှ ယာယီတိမ်းရှောင်၍ မြစ်ကြီးနားမြို့ပေါ်နှင့် ဝိုင်းမော်မြို့တို့တွင် ယာယီတိမ်းရှောင်နေထိုင်လျက်ရှိသော စခန်းပေါင်း(၂၀)ခုတို့မှ အိမ်ထောင်စု (၁၃၂၂)တို့နှင့် သွားရောက်တွေ့ဆုံပြီး အိမ်ထောင်စုများ အတွက် တန်ဖိုးငွေကျပ် ၁၂၅၅၉၀၀၀၀ တန်ဖိုးရှိ ဆန်(၂၄) ပြည်ပါအိတ်ပေါင်း (၁၃၂၂)အိတ်ကို အသီးသီးထောက်ပံ့ပေးအပ်ခဲ့ကြပြီး စခန်းနေအိမ်ထောင်စုများကိုယ်စား တာဝန်ခံတစ်ဦးက ကျေးဇူးတင်စကားပြန်လည်ပြောကြားရာ ပြည်နယ်ဝန်ကြီးချုပ်က နိဂုံးချုပ်အားပေးအမှာစကားပြောကြားခဲ့ ကြောင်း သိရသည်။

ကချင်ပြည်နယ်ဝန်ကြီးချုပ် တိုင်းရင်းသားအခွင့်အရေးဆိုင်ရာ အသိပညာပေးဟောပြောပွဲနှင့် စက်ချုပ်သင်တန်းဖွင့်လှစ်ပေး------------...
30/07/2026

ကချင်ပြည်နယ်ဝန်ကြီးချုပ် တိုင်းရင်းသားအခွင့်အရေးဆိုင်ရာ အသိပညာပေးဟောပြောပွဲနှင့် စက်ချုပ်သင်တန်းဖွင့်လှစ်ပေး
------------------------
မြစ်ကြီးနား ဇူလိုင် ၃၀
#ပြည်နယ်ဝန်ကြီးချုပ်နှင့်အဖွဲ့သည် မြစ်ကြီးနားမြို့ မန်ခိန်ရပ်ကွက်အတွင်းရှိ တိုင်းရင်းသားလူမျိုးများရေးရာဝန်ကြီး ဌာန၊ ကချင်ပြည်နယ်ညွှန်ကြားရေးမှူးရုံး၌ တိုင်းရင်းသားအခွင့်အရေးများ ကာကွယ်စောင့်ရှောက်ရေးဦးစီးဌာနနှင့် အဆိုးရွားဆုံးပုံစံဖြင့် ခိုင်းစေခြင်းခံရသော ကလေးအလုပ် သမားများ ဖယ်ရှားရေးနှင့် ပြန်လည်ကုစားရေးလုပ်ငန်း ဆပ်ကော်မတီတို့ ပူးပေါင်း ကျင်းပပြုလုပ်သော ဒေသခံတိုင်းရင်းသားမျိုးနွယ်စု လူငယ်များအတွက် တိုင်းရင်း သားအခွင့်အရေးဆိုင်ရာ အသိပညာပေးဟောပြောပွဲနှင့် စက်ချုပ်သင်တန်းဖွင့်ပွဲ အခမ်းအနားသို့ ၃၀-၇-၂၀၂၆ ရက်နေ့တွင် တက်ရောက်ဖွင့်လှစ်ပေးခဲ့ကြသည်။
#အဆိုပါအခမ်းအနားကို ဒေသတွင်း တိုင်းရင်းသား မျိုးနွယ်စုများအတွက် အခြေခံ စက်ချုပ်နည်းပညာအပြင် တိုင်းရင်းသားအခွင့်အရေးဆိုင်ရာ သိသင့်သိထိုက်သည်များ၊ ဥပဒေ၊ နည်းဥပဒေပါအချက်များ၊ ယဉ်စည်းကမ်း လမ်းစည်းကမ်းဆိုင်ရာ သိသင့်သိထိုက်သည်များကို ဟောပြောသွားမည့်အပြင် ရပ်/ရွာအခြေပြု အသက် မွေးဝမ်းကျောင်းပညာလိုအပ်ချက်များကို ဆန်းစစ်ချက်ကောက်ယူသွားမည်ဖြစ်ကြောင်း ပြည်နယ်ဝန်ကြီးချုပ်က ပြောကြားခဲ့ပြီး ပြည်နယ်လူမှု‌ရေးရာဝန်ကြီး ဦးကျော်မင်းခိုင်က သင်တန်းဖွင့်ရခြင်း၏ ရည်ရွယ်ချက်များကို ရှင်းလင်းတင်ပြခဲ့ကြောင်း သိရသည်။

ကချင်ပြည်နယ်ဝန်ကြီးချုပ် မိုင်းနားကျေးရွာအုပ်စု လဝမ်ကထောင်ကျေးရွာအတွက် နိုင်ငံတော် အစိုးရ၏ ရက် ၁၀၀ စီမံချက်ဖြင့် ကျေးရွာ...
30/07/2026

ကချင်ပြည်နယ်ဝန်ကြီးချုပ် မိုင်းနားကျေးရွာအုပ်စု လဝမ်ကထောင်ကျေးရွာအတွက် နိုင်ငံတော် အစိုးရ၏ ရက် ၁၀၀ စီမံချက်ဖြင့် ကျေးရွာမြေငှားဂရန်များ ပြည်သူများလက်ဝယ်အရောက်ထုတ်ပေး
-------------------
မြစ်ကြီးနား ဇူလိုင် ၃၀
#ကချင်ပြည်နယ်အတွင်း နိုင်ငံတော်အစိုးရ၏ ရက် (၁၀၀) စီမံချက်ဖြင့် ခရိုင် (၄) ခရိုင်၊ မြို့နယ် (၇) မြို့နယ်တွင် ကျေးရွာ (၇) ရွာအား မြေငှားဂရန်ထုတ်ပေးရေးဆောင်ရွက်ခဲ့ရာ မိုင်းနားကျေးရွာအုပ်စု၊ လဝမ်ကထောင်ကျေးရွာအတွက် ဆောင်ရွက်ပေးခဲ့သည့် မြေငှားဂရန်များပေးအပ်ပွဲအခမ်းအနားကို ယနေ့ နံနက်ပိုင်းက အဆိုပါကျေးရွာ ဒူဝါလဝမ်လီအောက်မေ့ဖွယ်ခန်းမဆောင်၌ ကျင်းပပြုလုပ်ပြီး ကျေးရွာနေပြည်သူများလက်ဝယ်အရောက်မြေဌားဂရန်များထုတ်ပေးခဲ့ကြသည်။
#အခမ်းအနားတွင် ပြည်နယ်ဝန်ကြီးချုပ် ဦးခက်ထိန်နန်က ကျေးရွာများအတွင်း ပိုင်ဆိုင်မှုအထောက်အထားကင်းမဲ့စွာ နေထိုင်ရခြင်းအစား ခိုင်မာသည့် တရားမဝင် အထောက်အထားဖြစ်သော မြေငှားဂရန်ရှိခြင်းအားဖြင့် ကျေးရွာနေပြည်သူများ၏ စိတ်ပိုင်းဆိုင်ရာလုံခြုံမှု၊ ရုပ်ပိုင်းဆိုင် ရာလုံခြုံမှုများ ပိုမိုရရှိကာ နိုင်ငံတော်အနေဖြင့်လည်း ရသင့်ရထိုက်သော အခွန်ငွေများ ရရှိစေမည်ဖြစ်ပါကြောင်း၊ ကချင်ပြည်နယ်အတွင်း ခရိုင်(၄)ခရိုင်မှ မြို့နယ် (၇)မြို့နယ်ရှိ ကျေးရွာ (၇)ရွာ ကို ရက် (၁၀၀)စီမံချက်ဖြင့် မြေငှားဂရန် ထုတ်ပေးခြင်းပင်ဖြစ်ပါကြောင်း ပြောကြားခဲ့သည်။
#ပြည်နယ်ဝန်ကြီးချုပ်နှင့် တာဝန်ရှိသူများက ရက် (၁၀၀) စီမံချက်အရ ကွင်းဆင်းဆောင်ရွက်ပေးခဲ့သော လဝမ်ကထောင်ကျေးရွာမှ အိမ်ခြေ (၈၆)၊ အိမ်ထောင်စု (၈၆) စု ဧရိယာ (၃၀ ဒဿမ ၃၇) ဧကတို့အတွက် ကျေးရွာမြေငှားဂရန်များကို ပြည်သူများလက်ဝယ်အရောက်ပေးအပ်ခဲ့ကြရာ ရပ်မိရပ်ဖပြည်သူတစ်ဦးက မြေငှားဂရန်ပြုလုပ်ဆောင်ရွက်ပေးခဲ့ခြင်းအတွက် ကျေးဇူးတင်စကားပြန်လည်ပြောကြားခဲ့ကြောင်းသိရသည်။

Address

Pyi Thaung Su Road × Office Road
Myitkyina
01011

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+95742522486

Website

Alerts

Be the first to know and let us send you an email when Kachin State Government Office posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kachin State Government Office:

Shortcuts

Share

Category