09/08/2018
MYEN MUNGDAN PHONE JAI LANG AI LAM HTA ASIA-PACIFIC MUNGDAN NI LAPRAN RAWTJAT DIK HTUM NGU NNA GSMA INDEX HTAWNG MADUN
Myen mungdan ting hta Phone hte internet lang ai madang gaw 2017 ning hta tsalam shadang 34 nga nna masha jahpan Wan 18 ting jai lang ai raitim ngam nga ai Wan 35 gaw Internet matut mahkai ai lam n nga shi ai hpe htawng madun nga ga ai re. Myen mungdan hku nna 2014 – 2017 laman hta Asia-Pacific mungdan ting hta amat 16 hte rau rawt jat dik htum ai mungdan langai byin wa saga ai. Ndai zawn rawt jat wa ai raitim Pacific mungdan ting hta gaw naw yawm nga ga ai. Myen mungdan a ra ahkyak dik htum gaw ningpawt ninghpang ra madung ngu ai (Infrastructure) nan rai nga ai.
Internet matut mahkai ai hkridun grau nna matut jahkrak ya nna 4G hkridun hpe grau dam lada hkra byin lu jang hkridun kaja ai hte ya na Phone lang ai ni a mung mu ni grau rawt jat wa na rai nga ga ai. Myen mungdan ting hta 4G hkridun galaw lajang ya ai lam rawtjat wa na hta Internet matut mahkai ai hkridun matut nna jahkrat ya ra nga ga ai.
Asia-Pacific mungdan ginwang hta phone jai lang ai 2017 du hkra matsun ru hkum jahpan hta Thai (70.7), Laos (45.3), Vietnam (63), Malaysia (68), Cambodia (48), Indonesia (61.1), Philippine (67.3), Singapore (86.5) hte Myen mungdan gaw (53.2) rai nga ai.
Matut nna yu mayu jang gaw: https://www.mobileconnectivityindex.com/ =2017
