03/02/2021
ဌာနတွင်း Orientation and Knowledge Sharing အစီအစဉ် ကျင်းပပြုလုပ်ခဲ့ခြင်း ရက်စွဲ။ (၂-၂-၂၀၂၁) ရက်
စိုက်ပျိုးရေးဖွံ့ဖြိုးတိုးတက်မှုမဟာဗျူဟာ အကောင်အထည်ဖော်ရေး ပံ့ပိုးမှုယူနစ် (ADSISU) သည် အသစ်ရောက်ရှိလာသော ဝန်ထမ်းများ၏ လုပ်ငန်းစွမ်းဆောင်ရည် တိုးတက်မြင့်မားလာ စေရန် (Capacity Building) နှင့် မိမိတို့ဆောင်ရွက်ရမည့် တာဝန်နှင့် လုပ်ငန်းစဉ်များအား သိရှိ နားလည်စေရန် ရည်ရွယ်ကာ ဌာနတွင်း Orientation and Knowledge Sharing အစီအစဉ်ကို (၂-၂-၂၀၂၁) ရက်၊ နံနက် (၁၀:၃၀) နာရီတွင် ရုံးအမှတ် (၁၅) ရှိ ADSISU ရုံးခန်း၌ ကျင်းပခဲ့သည်။
ဆွေးနွေးပွဲ၌ ဦးစီးအရာရှိများဖြစ်ကြသော ဦးအေးမင်းသူ၊ ဦးစစ်ထွဋ်ဝင်း၊ ဒေါ်ခိုင်စောဝေ၊ ဒေါ်အိအိဖြိုးမြင့်နှင့် ဒုတိယဦးစီးမှူး ဒေါ်နှင်းမိုးလှိုင်တို့က ၂၀၁၆ ခုနှစ် စိုက်ပျိုးရေးမူဝါဒ၊ မြန်မာ့ စိုက်ပျိုးရေးဖွံ့ဖြိုးတိုးတက်မှုမဟာဗျူဟာ (ADS) နှင့် ရင်းနှီးမြှုပ်နှံမှုအစီအစဉ်(IP) ဆိုင်ရာ ဖတ်ရှု လေ့လာသိရှိသည်များကို PowerPoint ဖြင့် အပိုင်းလိုက် ရှင်းလင်းဆွေးနွေးတင်ပြခဲ့ပြီး၊ ညွှန်ကြား ရေးမှူး၊ ဒေါ်ယဉ်ယဉ်နွယ်က ၎င်းတို့ဆွေးနွေးချက်များအပေါ် လိုအပ်သည်များကို ဖြည့်စွက် ရှင်းလင်းခဲ့ကာ၊ ADS နှင့် IP ဆိုင်ရာ အဓိကသိမှတ်ဖွယ်ရာများနှင့် အကောင်အထည်ဖော်မှု အခြေအနေ၊ ADSISU အဖွဲ့၏ ရှေ့ဆက်ဆောင်ရွက်မည့် လုပ်ငန်းများအကြောင်းကိုလည်း ဝန်ထမ်းများအား ဆက်လက်ရှင်းလင်းဆွေးနွေးခဲ့ကြောင်း သိရသည်။
