01/08/2026
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သမဝါယမနှင့်စီမံခန့်ခွဲမှုပညာတက္ကသိုလ် (သန်လျင်) မှ ရန်ကုန်တက္ကသိုလ်၊ စိန်ရတုခန်းမ၌ ကျင်းပပြုလုပ်သည့် သုတေသနနှင့်ဆန်းသစ်တီထွင်မှုဖိုရမ်သို့ တက်ရောက်ခြင်း
=============================================================================================================================
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်)၊ စာရင်းအင်းပညာဌာန၊ သမဝါယမပညာဌာန၊ ဘောဂဗေဒဌာန၊ ဝါဏိဇ္ဇဗေဒဌာန၊ အင်္ဂလိပ်စာဌာနတို့မှ ဆရာ/ဆရာမ(၆)ဦးနှင့် အထူးပြုဘာသာရပ်(၅)ခုမှ မဟာတန်းကျောင်းသား/သူ (၂၀)ဦး၊ စုစုပေါင်း(၂၆)ဦး တို့သည် ရန်ကုန်တက္ကသိုလ်၏ ဖိတ်ကြားမှုအရ (၃၁-၇-၂၀၂၆)ရက်နေ့တွင် ရန်ကုန်တက္ကသိုလ်၊ စိန်ရတု ခန်းမ၌ ကျင်းပပြုလုပ်သည့် "သုတေသနနှင့်ဆန်းသစ်တီထွင်မှုဖိုရမ်"သို့ တက်ရောက်ခဲ့ကြပါ သည်။
အဆိုပါ စာတမ်းဖတ်ပွဲအခမ်းအနားကို နံနက်(၉:၃၀)နာရီမှစတင်၍ စိန်ရတုခန်းမတွင် ကျင်းပ ပြုလုပ်ခဲ့ရာ သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်)မှ ဆရာ၊ ဆရာမ၊ ကျောင်းသား၊ ကျောင်းသူများသည် Session (၃)၊ အခန်း (၂၀၆) တွင် စီးပွားရေးပညာစာတမ်း၊ ခရီးသွားစာတမ်း၊ စီမံခန့်ခွဲမှုပညာစာတမ်းနှင့် အင်္ဂလိပ်စာစာတမ်းများ ဖတ်ကြားသည့်Sessionသို့ တက်ရောက်ခဲ့ကြပါသည်။
Session(၃) စာတမ်းဖတ်ပွဲတွင် မအူပင်တက္ကသိုလ်၊ စီးပွားရေးပညာဌာန၊ ဒေါက်တာသန်းသူဇာ၊ ပါမောက္ခ (ဌာနမှူး)မှ “Female Leadership Traits, Knowledge Sharing and Employee Innovation Performance of MSMEs in Myanmar Women Entrepreneurs’ Association (MWEA)” ခေါင်းစဉ်ဖြင့်လည်းကောင်း၊ ထားဝယ်တက္ကသိုလ်၊ စိတ်ပညာဌာန၊ ဒေါက်တာတင်ဇော်လှိုင် (ပါမောက္ခ)မှ “The Role of Emotional Intelligence in Managing Perceived Stress Among Academic and Administrative Staff at Dawei University” ခေါင်းစဉ်ဖြင့်လည်းကောင်း၊ အမျိုးသားစီမံခန့်ခွဲမှု ဒီဂရီကောလိပ်၊ ခရီးသွားစီမံခန့်ခွဲမှုပညာဌာန၊ ဒေါက်တာဝင်းမိုးမိုးကျော်(ပါမောက္ခ)မှ “Key Influencing Factors, Responsible Business Practices and Competitive Sustainability Performance of SMEs in Tourism and Hospitality Sector in Myanmar” ခေါင်းစဉ်ဖြင့်လည်းကောင်း၊ မိတ္ထီလာ စီးပွားရေးတက္ကသိုလ်၊ ဦးအောင်ချမ်းအေး(ကထိက)မှ “Psychological Empowerment and Organizational Citizenship Behavior of Teachers in Meiktila University of Economics” ခေါင်းစဉ်ဖြင့်လည်းကောင်း၊ ရန်ကုန်တက္ကသိုလ်၊ အင်္ဂလိပ်စာဌာနမှ ဒေါက်တာသီရိစိုး (ပါမောက္ခ)မှ “Assessing the Effectiveness of English Language Course for Basic Education Teachers in Yangon” ခေါင်းစဉ်ဖြင့်လည်းကောင်း၊ မန္တလေးတက္ကသိုလ်၊ အင်္ဂလိပ်စာဌာနမှ ဒေါ်ဖြူဖြူခင် (တွဲဖက်ပါမောက္ခ)မှ “Investigating the level of Artificial Intelligence Literacy of the Students at the University of Mandalay” ခေါင်းစဉ်ဖြင့်လည်းကောင်း အသီးသီးဖတ်ကြားဆွေးနွေးခဲ့ပါသည်။
တက်ရောက်ခဲ့ကြသော ကျောင်းသား၊ ကျောင်းသူများက သုတေသနစာတမ်းများနှင့် ပတ်သက်၍ သိရှိလိုသည်များကို အသီးသီးမေးမြန်းခဲ့ပါသည်။ အဆိုပါ သုတေသနစာတမ်းဖတ်ပွဲမှ ကျောင်းသား၊ ကျောင်းသူများအနေဖြင့် မိမိတို့လေ့လာနေသော ဘာသာရပ်နှင့်သက်ဆိုင်သည့် သုတေသနများ၊ အယူအဆများနှင့် တွေ့ရှိချက်များကို သိရှိရခြင်းအပြင် ဘာသာရပ်ဆိုင်ရာသုတေသနစာတမ်းများကို လေ့လာခြင်းဖြင့် မိမိတို့ကိုယ်တိုင်သုတေသနပြုလုပ်ရန် စိတ်အားထက်သန်မှုရှိလာခြင်းနှင့် သုတေသန ပြုစုခြင်းဖြင့် အဖွဲ့အစည်းနှင့်ဘာသာရပ်နယ်ပယ်ဖွံ့ဖြိုးတိုးတက်ရေးအတွက် အထောက်အကူပြုနိုင်ကြောင်း လေ့လာသိရှိရခြင်း အစရှိသည့်အကျိုးကျေးဇူးများ ရရှိခဲ့ပါသည်။
