PDF Myeik District Battalion 1 - P23401, Palaw (2026)

27/03/2026

TPS ထောက်ပို့ရဲဘော်များမှ တော်လှန်ရေးအတွက် လိုအပ်ရာများတွင် အသုံးပြုနိုင်ရန် စေတနာသဒ္ဓါတရား ထက်သန်စွာဖြင့် လှူဒါန်းထောက်ပံ့လိုက်သည့် ငွေများကို "မြိတ်ခရိုင်အမှတ်(၁)တပ်ရင်း" မှ ကျေးဇူးအထူးတင်ရှိစွာဖြင့် လက်ခံရရှိကြောင်း အသိပေးအပ်ပါသည်။

ယခုကဲ့သို့ ခက်ခဲကျပ်တည်းနေချိန်တွင် ပြည်သူများ၏ ထောက်ပံ့ကူညီမှုသည် ရှေ့တန်းရောက် ရဲဘော်များအတွက် ကြီးမားသော ခွန်အားတစ်ရပ် ဖြစ်စေပါသည်။
အာဏာရှင်စနစ် အမြစ်ပြတ်ချေမှုန်းရေးနှင့် ဖက်ဒရယ်ဒီမိုကရေစီ ပြည်ထောင်စုကြီး တည်ဆောက်ရေးအတွက် ရှေ့ဆက်ရမည့် ခရီးကြမ်းတွင် လိုအပ်ချက်များစွာ ရှိနေဆဲဖြစ်ပါသဖြင့် မိဘပြည်သူများ၊ ထောက်ပို့ရဲဘော်များ အနေဖြင့် ဆက်လက်၍ ဝိုင်းဝန်းပါဝင် ကူညီထောက်ပံ့ပေးကြပါရန် လေးစားစွာ ဖိတ်ခေါ်အပ်ပါသည်။

မြိတ်ခရိုင်အမှတ်(၁)တပ်ရင်း

21/03/2026

၂၀၂၅ ခုနှစ်မှ ၂ဝ၂၆ ခုနှစ်၊ မတ်လအထိ ဖမ်းဆီးသိမ်းဆည်းရမိသော မူးယစ်ဆေးဝါးနှင့် ဆက်စပ်ပစ္စည်းများအား မီးရှို့ဖျက်ဆီးခြင်း

၁။ ပြည်သူ့ကာကွယ်ရေးတပ်မတော်၊ မြိတ်ခရိုင်အမှတ်(၁)တပ်ရင်း အနေဖြင့် အကြမ်းဖက်စစ်ကောင်စီအား အမြစ်ပြတ်ချေမှုန်းရေးနှင့်အတူ ပြည်သူလူထု၏ လုံခြုံရေး၊ တရားဥပဒေစိုးမိုးရေး လုပ်ငန်းများကိုပါ အလေးထား ဆောင်ရွက်လျက်ရှိပါသည်။ ထိုသို့ဆောင်ရွက်ရာတွင် ၂၀၂၅ ခုနှစ်မှ ၂ဝ၂၆ ခုနှစ်၊ မတ်လအထိ ကာလအတွင်း နယ်မြေစစ်ဆေးရေးနှင့် ရှင်းလင်းရေးလုပ်ငန်းများမှတဆင့် တရားမဝင် မူးယစ်ဆေးဝါးများနှင့် ဆက်စပ်ပစ္စည်းများကို ဖမ်းဆီသိမ်းဆည်း ရမိခဲ့ပါသည်။

၂။ အဆိုပါ ဖမ်းဆီးသိမ်းဆည်းရမိသော သက်သေခံ မူးယစ်ဆေးဝါးများဖြစ်သည့် "WY စာတန်းပါ စိတ်ကြွရူးသွပ်ဆေးပြား စုစုပေါင်း(၈၃ဝဝ)လုံးနှင့် ဆက်စပ်ပစ္စည်းများအား ၂ဝ၂၆ ခုနှစ်၊ မတ်လ(၂၁)ရက်နေ့တွင် မြိတ်ခရိုင် အမှတ်(၁)တပ်ရင်းဌာနချုပ်၌ မီးရှို့ဖျက်ဆီးခဲ့ကြောင်း မိဘပြည်သူများထံသို့ အသိပေး ထုတ်ပြန်အပ်ပါသည်။

၃။ မူးယစ်ဆေးဝါးသည် ပြည်သူလူထု၏ ကျန်းမာရေး၊ လူမှုရေးနှင့် အနာဂတ်လူငယ်များ၏ ဘဝများကို ဖျက်ဆီး နေသော အဓိကအန္တရာယ်ဆိုးကြီး ဖြစ်ပါသည်။ ကျွန်ုပ်တို့ တပ်ရင်းအနေဖြင့် စစ်အာဏာရှင် စနစ်ဆိုးနှင့်အတူ ပိုမို ကြီးထွားလာသော မူးယစ်ဆေးဝါးအန္တရာယ်ကို ပြတ်သားစွာ ဆက်လက် တားဆီးနှိမ်နင်းသွားမည် ဖြစ်ပါသည်။

၄။ သို့ဖြစ်ပါ၍ မိဘပြည်သူများ အနေဖြင့်လည်း မူးယစ်ဆေးဝါး သယ်ဆောင်၊ ရောင်းဝယ်၊ သုံးစွဲမှုများနှင့် ပတ်သက်သည့် သတင်းအချက်အလက်များ သိရှိပါက ပြည်သူ့ကာကွယ်ရေးတပ်မတော်၊ မြိတ်ခရိုင်အမှတ်(၁)တပ်ရင်း ထံသို့ လုံခြုံရေးသတိဖြင့် ဆက်သွယ်သတင်းပေးပို့ ပူးပေါင်းကူညီကြပါရန် မေတ္တာရပ်ခံ တိုက်တွန်းအပ်ပါသည်။

ပြည်သူ့ကာကွယ်ရေးတပ်မတော်
မြိတ်ခရိုင်အမှတ်(၁)တပ်ရင်း

06/03/2026

ပြည်သူ့ကာကွယ်ရေးတပ်မတော်၊ မြိတ်ခရိုင်အမှတ် ၁ တပ်ရင်းအတွက် ကျည်ကာအင်္ကျီ အစုံ ၃၀ ထောက်ပံ့ပေးပါသော အမည်မဖော်လိုသူ တော်လှန်ပြည်သူများကို ကျေးဇူးအထူး တင်ရှိပါကြောင်း မှတ်တမ်းတင်အပ်ပါသည်။

မြိတ်ခရိုင်အမှတ် ၁ တပ်ရင်း

28/02/2026

ပုလောမြို့နယ်အတွင်း နယ်မြေစိုးမိုးရေး စစ်ဆင်ရေးနှင့် တိုက်ပွဲအခြေအနေများအား ထုတ်ပြန်ခြင်း

၁။ ပုလောမြို့နယ်အတွင်းသို့ ၂ဝ၂၆ ခုနှစ်၊ ဇန်နဝါရီလ ၁၆ ရက်နေ့မှစတင်၍ စစ်ကြောင်းထိုးဝင်ရောက်လာသော အင်အား ၁၈ဝ ခန့်ရှိ အကြမ်းဖက်စစ်ကောင်စီတပ်အား မြိတ်ခရိုင်အမှတ် ၁ တပ်ရင်း(PDF)၊ ကရင်အမျိုးသား ကာကွယ်ရေးတပ်ဖွဲ့ (KNDO) တပ်ရင်း ၇နှင့် မဟာမိတ်တပ်ပေါင်းစု ဒရုန်းတပ်ဖွဲ့မှ တစ်လကျော်ကြာ ခုခံတိုက်ခိုက်ခဲ့ပါသည်။

၂။ ရှပ်ပုံကျေးရွာတွင် တစ်လကျော်ဖြစ်ပွားခဲ့သော တိုက်ပွဲပေါင်း ၁ဝ ကြိမ်ထက်မနည်းအတွင်း အကြမ်းဖက် စစ်ကောင်စီဘက်မှ ၁၀ ဦး သေဆုံးပြီး ၅ ဦး ဒဏ်ရာရရှိခဲ့သည်။ တိုက်ပွဲအတွင်း အရေးနိမ့်နေသော စစ်ကောင်စီသည် လက်နက်ကြီးများဖြင့် ရမ်းသန်းပစ်ခတ်ခဲ့ရာ အပြစ်မဲ့ပြည်သူ ၂ ဦး သေဆုံးခဲ့သည့်အပြင် ဒရုန်းများအသုံးပြု၍ မီးလောင်ဗုံးများ ပစ်ချကာ ရှပ်ပုံကျေးရွာရှိ ပြည်သူ့အိုးအိမ် ၆ဝ ကျော်အား မီးရှို့ဖျက်ဆီးခဲ့ပါသည်။

၃။ ၂ဝ၂၆ ခုနှစ်၊ ဖေဖော်ဝါရီလ ၁၈ ရက်နေ့တွင် မိမိတို့ ပူးတွဲစစ်ကြောင်းမှ အရှိန်အဟုန်မြှင့် ထိုးစစ်ဆင်ခဲ့ရာ နံနက် (၈:၀၀)နာရီအချိန်တွင် တန်းရှင်း ဘုန်းကြီးကျောင်းအားလည်းကောင်း၊ ညနေ(၃းဝဝ)နာရီအချိန်တွင် သင်္ကန်းတော စေတီကုန်းနှင့် ဘုန်းကြီးကျောင်းတို့အားလည်းကောင်း အောင်မြင်စွာ တိုက်ခိုက်သိမ်းပိုက် နိုင်ခဲ့သည်။

၄။ တိုက်ပွဲကာလအတွင်း မိမိတို့ မြိတ်ခရိုင်အမှတ် ၁ တပ်ရင်းဘက်မှ ရဲဘော် ၇ ဦးနှင့် ကရင်အမျိုးသား ကာကွယ်ရေးတပ်မှ ရဲဘော် ၂ ဦး မစိုးရိမ်ရ ဒဏ်ရာရရှိခဲ့ပါသည်။ တိုက်ပွဲအတွင်း စစ်ကောင်စီတပ်ဖွဲ့ဝင် ၁ ဦးအား အရှင်ဖမ်းမိခဲ့ပြီး ၁ ဦးမှာ လက်နက်ခဲယမ်းအပြည့်အစုံဖြင့် မိမိတို့ထံ အလင်းဝင်ရောက် ခိုလှုံလာခဲ့ပါသည်။ ဖမ်းဆီး ရမိသူနှင့် အလင်းဝင်လာသူတို့အား နိုင်ငံတကာစစ်သုံ့ပန်း ဥပဒေနှင့်အညီ ကောင်းမွန်စွာ ထိန်းသိမ်းစောင့်ရှောက်ထားပါသည်။

၅။ အကြမ်းဖက်စစ်ကောင်စီသည် မြေပြင်တိုက်ပွဲတွင် အရေးနိမ့်ကာ စခန်းများ လက်လွှတ်ရသည့်အတွက် ဖေဖော်ဝါရီလ ၁၈ ရက် ညနေ(၃း၃၀)နာရီအချိန်တွင် ဂျက်ဖိုက်တာဖြင့် သင်္ကန်းတောဘုန်းကြီးကျောင်းအတွင်းသို့ ဗုံးကြဲ တိုက်ခိုက်ခဲ့ပါသည်။

၆။ စစ်ရေးအခြေအနေမှာ ဆက်လက်ပြင်းထန်နေဆဲဖြစ်သဖြင့် မိဘပြည်သူများအနေဖြင့် ဘေးကင်းလုံခြုံ ရာတွင် ဆက်လက်နေထိုင်ပေးကြပါရန်နှင့် တော်လှန်ရေးတပ်ဖွဲ့များ၏ စစ်ရေးသတိပေးချက်များကို တိကျစွာ လိုက်နာပေးကြ ပါရန် လေးစားစွာ မေတ္တာရပ်ခံအပ်ပါသည်။

ပြည်သူ့ကာကွယ်ရေးတပ်မတော်
မြိတ်ခရိုင်အမှတ်(၁)တပ်ရင်း

19/02/2026

ပြည်သူ့ကာကွယ်ရေးတပ်မတော်၊ တနင်္သာရီတိုင်းစစ်ဌာန၊ မြိတ်ခရိုင်အမှတ်(၁)တပ်ရင်း၏ အခြေခံစစ်ပညာသင်တန်းအပတ်စဉ်(၁၀)အား (၁၆.၂.၂၀၂၆)ရက်နေ့တွင် ပြုလုပ်ကျင်းပခဲ့သည်။

ပြည်သူ့ကာကွယ်ရေးတပ်မတော်
မြိတ်ခရိုင်အမှတ်(၁)တပ်ရင်း

22/01/2026

"သားကောင်းရတနာကို တိုင်းပြည်အတွက် စွန့်လွှတ်ခဲ့ရတဲ့ မိသားစုများရဲ့ မျက်ရည်များကို အသိအမှတ်ပြုခြင်း"

တိုင်းပြည်နဲ့ လူမျိုးအတွက် သားကောင်းရတနာများကို မွေးဖွားသန့်စင်ပေးခဲ့ပြီး၊ အလိုအပ်ဆုံးအချိန်မှာ ကိုယ်ကျိုးမငဲ့ဘဲ စွန့်လွှတ်ရဲတဲ့ သတ္တိတွေကို သွန်းလောင်းပေးခဲ့တဲ့ မိဘနှစ်ပါးနဲ့ မိသားစုဝင်တွေကို အထူးပင် လေးစားဦးညွှတ်မိပါတယ်။ မိသားစုရဲ့ ဆုံးရှုံးမှုဟာ ဘာနဲ့မှ အစားထိုးလို့ မရနိုင်တဲ့ နာကျင်မှုဆိုတာ ကျွန်တော်တို့ နားလည်ပါတယ်။
ဒါပေမဲ့ ဒီမျက်ရည်တွေ၊ ဒီပေးဆပ်မှုတွေဟာ အချည်းနှီး ဖြစ်မသွားပါဘူး။ ရဲဘော်များရဲ့ ပေးဆပ်မှုဟာ နွေဦးတော်လှန်ရေးရဲ့ သမိုင်းစာမျက်နှာမှာ ထာဝရ ကမ္ပည်းတင်ကျန်ရစ်မှာ ဖြစ်သလို၊ ပြည်သူလူထုတစ်ရပ်လုံးကလည်း အမြဲတမ်း အမှတ်ရနေမှာပါ။
ကျဆုံးလေပြီးသော အာဇာနည်ရဲဘော်များ ကောင်းရာသုဂတိလားပါစေ။
ကျန်ရစ်သူ မိသားစုဝင်များလည်း ကိုယ်စိတ်နှစ်ပါး ကျန်းမာကြံ့ခိုင်ပြီး ဆက်လက်ရှင်သန်ဖို့ ခွန်အားတွေ ရရှိပါစေကြောင်း ဆုတောင်းမေတ္တာ ပို့သအပ်ပါတယ်။

မြိတ်ခရိုင်အမှတ်(၁)တပ်ရင်း

19/01/2026

ထားဝယ်ခရိုင်အမှတ် ၁ တပ်ရင်းသို့ ပေးပို့သည့် ဝမ်းနည်းကြောင်းသဝဏ်လွှာ
၁။ ပြည်သူ့ကာကွယ်ရေးတပ်မတော်၊ ထားဝယ်ခရိုင်အမှတ် ၁ တပ်ရင်းမှ တပ်ရင်းမှူး နဂါး (ကိုယ်ပိုင်အမှတ် P23301077) သည် ၂၀၂၅ ခုနှစ်၊ ဒီဇင်ဘာလ ၃ဝ ရက်နေ့တွင် အကြမ်းဖက်စစ်ကောင်စီတပ်နှင့် တိုက်ပွဲ ဖြစ်ပွားစဉ် တိုင်းပြည်နှင့် လူမျိုးအတွက် မြင့်မြတ်စွာ အသက်ပေးလှူ ကျဆုံးသွားခဲ့ရကြောင်း ကြားသိရသည့်အတွက် ကျွန်ုပ်တို့ မြိတ်ခရိုင်အမှတ် ၁ တပ်ရင်းအနေဖြင့် များစွာ ဝမ်းနည်းကြေကွဲရပါသည်။

၂။ နွေဦးတော်လှန်ရေးခရီးကြမ်းတွင် အတူတကွ လက်တွဲတိုက်ပွဲဝင်ခဲ့သော ရဲဘော်ရဲဘက် ညီအစ်ကိုတစ်ဦး ဖြစ်သည့်အပြင် စစ်ရေးစွမ်းရည်၊ သတ္တိဗျတ္တိနှင့် ပြည့်စုံသော တပ်မှူးကောင်းတစ်ဦး ဆုံးရှုံးလိုက်ရခြင်းသည် ထားဝယ်ခရိုင်အမှတ် ၁ တပ်ရင်းနှင့် ကျန်ရစ်သူမိသားစုအတွက်သာမက တနင်္သာရီတိုင်းစစ်ဌာနနှင့် တော်လှန်ရေး တစ်ရပ်လုံးအတွက်ပါ ကြီးမားသော ဆုံးရှုံးမှုတစ်ရပ် ဖြစ်ပါသည်။

၃။ တိုင်းပြည်အတွက် အသက်၊ ခန္ဓာ၊ သွေးချွေးတို့ကို ပေးဆပ်စွန့်လွှတ်ခဲ့သော အာဇာနည်သူရဲကောင်း "တပ်ရင်းမှူး နဂါး၏ မြင့်မြတ်သော ဂုဏ်ကျေးဇူးများကို ကျွန်ုပ်တို့အနေဖြင့် အစဉ်အမြဲလေးစား ဦးညွှတ် မှတ်တမ်း တင်ရှိနေမည်ဖြစ်ပါသည်။

၄။ ကျဆုံးလေပြီးသော အာဇာနည်သူရဲကောင်း၏ မိသားစု၊ ဆွေမျိုးမိတ်သင်္ဂဟများ၊ ထားဝယ်ခရိုင်အမှတ် ၁ တပ်ရင်းမှ ရဲဘော်များနှင့်အတူ ထပ်တူထပ်မျှ ဝမ်းနည်းကြေကွဲရပါကြောင်းနှင့် တပ်ရင်းမှူး နဂါး မျှော်မှန်းခဲ့သည့် ဖက်ဒရယ်ပြည်ထောင်စု ပေါ်ပေါက်ရေးနှင့် စစ်အာဏာရှင်စနစ် အမြစ်ပြတ်ချေမှုန်းရေး တိုက်ပွဲများကို အဆုံးထိဆက်လက်တိုက်ပွဲဝင်သွားမည်ဖြစ်ကြောင်း သစ္စာပြုရင်း ဤဝမ်းနည်းကြောင်း သဝဏ်လွှာအား ပေးပို့အပ်ပါသည်။

ပြည်သူ့ကာကွယ်ရေးတပ်မတော်
မြိတ်ခရိုင်အမှတ်(၁)တပ်ရင်း

10/01/2026

🔴 စစ်ရေးသတင်းထုတ်ပြန်ချက် 🔴

ကျွန်းစုမြို့နယ်၊ တောင်သုံးလုံးရွာ ပျူစောထီးစခန်း တိုက်ခိုက်ခံရ၊ ပျူ (၁) ဦးသေဆုံးပြီး လက်နက်ခဲယမ်း သိမ်းဆည်းရမိ

📅 နေ့ရက် - ၂၀၂၆ ခုနှစ်၊ ဇန်နဝါရီလ (၉) ရက်
⏰ အချိန် - ည (၇:၀၀) နာရီ
📍 နေရာ - မြိတ်ခရိုင်၊ ကျွန်းစုမြို့နယ်၊ တောင်သုံးလုံးရွာ

ဖြစ်စဉ်အကျဉ်း
မြိတ်ခရိုင် ပြည်သူ့ကာကွယ်ရေးတပ်မတော် တပ်ရင်း (၁) နှင့် ပုလောမြို့နယ် (ပကဖ) တို့ ပူးပေါင်း၍ တောင်သုံးလုံးရွာရှိ ပျူစောထီးစခန်းအား ဝင်ရောက်စီးနင်း တိုက်ခိုက်ခဲ့သည်။

တိုက်ပွဲရလဒ်
🔸 ပျူစောထီး (၁) ဦး သေဆုံး။
🔸 ကျန်အဖွဲ့ဝင်များ စခန်းစွန့်ခွာ ထွက်ပြေး။
🔸 လက်နက် (၁) လက်နှင့် ခဲယမ်းများ သိမ်းဆည်းရမိ။

ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ခဲ့ပါသည်။

17/12/2025

ဆရာမကြီး ဒေါ်အေသီအောင်နှင့် ခင်ပွန်းဖြစ်သူတို့ လုပ်ကြံသတ်ဖြတ်ခံရမှုအား အမှုမှန်ပေါ်ပေါက်ရေး စုံစမ်းဖော်ထုတ်နေမှု အခြေအနေ

၁။ တနင်္သာရီတိုင်းဒေသကြီး၊ ပုလောမြို့နယ်၊ ဆားခဲကျေးရွာတွင်နေထိုင်ပြီး ဒေသတွင်း ကလေးငယ်များ၏ ပညာရေးနှင့် စာတတ်မြောက်ရေးအတွက် ရှေ့တန်းမှ ဦးဆောင်ကြိုးပမ်းနေသော ဆရာမကြီး ဒေါ်အေသီအောင်နှင့် ခင်ပွန်းဖြစ်သူတို့သည် ၂၀၂၅ ခုနှစ်၊ ဒီဇင်ဘာလ (၁၆) ရက်၊ နံနက် (၁) နာရီအချိန်ခန့်က ၎င်းတို့၏ နေအိမ်အတွင်း ရက်စက်စွာ လုပ်ကြံသတ်ဖြတ်ခြင်း ခံခဲ့ရပါသည်။

၂။ အပြစ်မဲ့ပြည်သူနှင့် နိုင်ငံ့ဝန်ထမ်းကောင်း ပညာရေးဝန်ထမ်းများအား ယခုကဲ့သို့ ရက်စက်စွာ သတ်ဖြတ်ခြင်းသည် လူမဆန်သော အကြမ်းဖက်လုပ်ရပ်ဖြစ်သည့်အတွက် ကျွန်ုပ်တို့ မြိတ်ခရိုင်အမှတ်(၁)တပ်ရင်းအနေဖြင့် ပြင်းထန်စွာ ရှုတ်ချပါသည်။

၃။ သို့ဖြစ်ပါ၍ ယင်းဖြစ်စဉ်နှင့် ပတ်သတ်ပြီး ကျူးလွန်သူ တရားခံများအား ဖမ်းဆီရမိရေးနှင့် ဥပဒေနှင့်အညီ ထိရောက်စွာ အရေးယူနိုင်ရေးအတွက် မြိတ်ခရိုင် အမှတ်(၁)တပ်ရင်းမှ ဦးဆောင်၍ မဟာမိတ် အဖွဲ့အစည်းများနှင့် ပူးပေါင်းကာ အထူးစုံစမ်းစစ်ဆေးရေးအဖွဲ့ ဖွဲ့စည်း၍ အမှုမှန်ပေါ်ပေါက်အောင် ဆောင်ရွက်လျက်ရှိကြောင်း အသိပေး ထုတ်ပြန်အပ်ပါသည်။

၄။ ပြစ်မှုကျူးလွန်သူများအနေဖြင့် မည်သည့်နေရာသို့ ထွက်ပြေးတိမ်းရှောင်သည်ဖြစ်စေ မိမိတို့တပ်ရင်းမှ အစွမ်းကုန် လိုက်လံစုံစမ်း ဖော်ထုတ်သွားမည်ဖြစ်ပြီး ပြည်သူလူထုအနေဖြင့်လည်း တရားခံနှင့် ပတ်သက်သော သတင်းအချက်အလက်များ ရရှိပါက တပ်ရင်းတာဝန်ရှိသူများထံသို့ ယုံကြည်စိတ်ချစွာ သတင်းပေးပို့နိုင်ပါသည်။

ပြည်သူ့ကာကွယ်ရေးတပ်မတော်
မြိတ်ခရိုင်အမှတ်(၁)တပ်ရင်း

15/12/2025

စစ်ကော်မရှင်အတွက်အတင်းအဓမ္မတပ်သားသစ်စုဆောင်းနေသူ ပုလောမြို့၊ အမှတ်(၁)အုပ်ချုပ်ရေးမှူးနှင့်စပ်လျဉ်း၍ထုတ်ပြန်ချက်

၁။ ပုလောမြို့၊ အမှတ်(၁)အုပ်ချုပ်ရေးမှူးမိုးနိုင်(အသက် ၅၈ နှစ်)သည် အကြမ်းဖက်စစ်ကောင်စီ၏ ယန္တရား လည်ပတ်ရေးအတွက် အဓိကထောက်တိုင်အဖြစ် ရပ်တည်ကာ ဒေသခံလူငယ်များအား အတင်းအဓမ္မစစ်မှုထမ်းခိုင်းစေရန် စီစဉ်ဆောင်ရွက်နေသူ ဖြစ်သည်။ ထို့အပြင် ၎င်း၏ မိသားစုဝင်များသည်လည်း ရပ်ရွာအတွင်း မူးယစ်ဆေး ရောင်းဝယ် ဖြန့်ဖြူးမှုများတွင် ပါဝင်ပတ်သက်နေကြောင်း တိုင်ကြားစာများ ရရှိထားပါသည်။

၂။ ထိုသို့ ပြည်သူလူထုအပေါ် ခြိမ်းခြောက်အန္တရာယ်ပြုလျက်ရှိသော ဦးမိုးနိုင်အားလိုအပ်သော စစ်ဆေးမေးမြန်းမှု များ ပြုလုပ်ရန်အတွက် မွန်းလွဲ(၁)နာရီခန့်တွင် ၎င်း၏ နေအိမ်မှတဆင့် ဝင်ရောက်စီးနင်းဖမ်းဆီးခေါ်ဆောင်လာခဲ့ ပါသည်။

၃။ ယင်းသို့ ဖမ်းဆီးခေါ်ဆောင်လာစဉ် လမ်းခရီးတွင် စစ်ကောင်စီတပ်ဖွဲ့ဝင်များ၏ ထပ်ကြပ်မကွာ လိုက်လံ ပစ်ခတ်တိုက်ခိုက်မှုကြောင့် ထိတွေ့တိုက်ပွဲဖြစ်ပွားစဉ် ဖမ်းဆီးရမိသူသည် ရှုပ်ထွေးနေသူသော စစ်ရေးအခြေအနေကို အခွင့်ကောင်းယူကာ ထွက်ပြေးလွတ်မြောက်ရန် ကြိုးပမ်းခြင်းများ ပြုလုပ်လာသည့်အတွက် လုံခြုံရေးအတွက် မလွှဲမရှောင်သာ ပစ်ခတ်ထိန်းသိမ်းရာမှ သေဆုံးသွားခဲ့ရပါသည်။

၄။ မြိတ်ခရိုင်အမှတ်(၁)တပ်ရင်းအနေဖြင့် စစ်ကောင်စီ၏ တရားမဝင် စစ်မှုထမ်းဥပဒေကို အသက်ဝင်စေရန် အားပေးကူညီနေသူများနှင့် ပြည်သူလူထု၏ ဘဝလုံခြုံမှုကို ခြိမ်းခြောက်နေသူများအား ဆက်လက် ထိရောက်စွာ တိုက်ဖျက်သွားမည်ဖြစ်ကြောင်း အသိပေးအပ်ပါသည်။

အရေးတော်ပုံသည် မုချအောင်မြင်ရမည်

ပြည်သူ့ကာကွယ်ရေးတပ်မတော်
မြိတ်ခရိုင်အမှတ်(၁)တပ်ရင်း

06/12/2025

ကျောက္ကာကျေးရွာ၌ စစ်ကောင်စီ၏ရွေးကောက်ပွဲအားပေးသူများအား အရေးယူဆောင်ရွက်မှုပတ်သက်သည့် သတင်းထုတ်ပြန်ချက်

ကျောက္ကာကျေးရွာနယ်မြေအတွင်း စစ်ကောင်စီ၏ တရားမဝင်ရွေးကောက်ပွဲဖြစ်မြောက်အောင်မြင်ရေးအတွက် ဦးဆောင်ပါဝင် ကူညီဆောင်ရွက်နေသူများအား ဝင်ရောက်ဖမ်းဆီးရှင်းလင်းခဲ့သည့် ဖြစ်စဉ်များနှင့် ပတ်သက်၍ အောက်ပါအတိုင်း တရားဝင် ထုတ်ပြန်အသိပေးအပ်ပါသည်-

၁။ ကျောက္ကာကျေးရွာနေ တိုင်းရင်းသားစည်းလုံးညီညွတ်ရေးပါတီ(တစည) ဥက္ကဌ ဦးကြည်သန်း(အသက် ၆၄ နှစ်) သည် စစ်ကောင်စီ၏ ရွေးကောက်ပွဲအားစနစ်တကျ အကောင်အထည်ဖော် ကူညီဆောင်ရွက်နေသူဖြစ်ပါသည်။ ၎င်းအား ဖမ်းဆီးထိန်းသိမ်းရန် ကြိုးပမ်းစဉ်တွင် လက်နက်လုယူ၍ ပြန်လည်ပစ်ခတ်ရန် ကြိုးစားလာသည့်အတွက် မိမိကိုယ်ကို ခုခံကာကွယ်သည့်အနေဖြင့် ပစ်ခတ်ရှင်းလင်းခဲ့ရပါသည်။

၂။ စစ်ကောင်စီ၏ ရွေးကောက်ပွဲလုပ်ငန်းများအား ထောက်ပံ့ကူညီနေသူ ကျောက္ကာကျေးရွာအုပ်ချုပ်ရေးမှူး ဒေါ်ပင့်ယော့ (ခ) ဒေါ်စန်းစန်းမူ၏ လက်ထောက်ဖြစ်သူ မချို အားလည်း ထပ်မံဖမ်းဆီး ထိန်းသိမ်းထားရှိပါသည်။

၃။ အဆိုပါ စစ်ဆင်ရေးဖြစ်စဉ်အတွင်း အရပ်သားပြည်သူတစ်ဦးဖြစ်သူ ဦးဝင်းကြိုင် ၏ လက်သန်းတွင် ကျည်ထိမှန် ၍ ဒဏ်ရာရရှိခဲ့မှုအပေါ် အထူးပင် စိတ်မကောင်းဖြစ်ရပါကြောင်း ဖော်ပြအပ်ပါသည်။ မတော်တဆထိခိုက်မှု ဖြစ်ပေါ်ခဲ့ သည့်အတွက် ကာယကံရှင်နှင့် မိသားစုအား လေးနက်စွာ တောင်းပန်အပ်ပါကြောင်းနှင့် နောင်တွင် ပြည်သူလူထု ထိခိုက်နစ်နာမှု မရှိစေရန် အထူးဂရုပြုဆောင်ရွက်သွားမည် ဖြစ်ကြောင်း အသိပေးအပ်ပါသည်။

အရေးတော်ပုံသည် မုချအောင်မြင်ရမည်

ပြည်သူ့ကာကွယ်ရေးတပ်မတော်
မြိတ်ခရိုင်အမှတ်(၁)တပ်ရင်း

03/12/2025

မြိတ်ခရိုင်အမှတ်(၁)တပ်ရင်းနှင့် စုပေါင်းညီညာအားမာန်ထောက်ပို့အဖွဲ့တို့မှ ပူးပေါင်းပြုလုပ်သည့် "အောင်ပွဲရဖို့ကျည်စုစို့" ကျည်တသောင်းကမ်ပိန်းတွင် ပြောကြားခဲ့သည့် ရွှေဝါရောင်ဆရာတော် ဘုန်းဘုန်းအရှင်ထာဝရ၏ အဖွင့်အမှာစကား။

PDF Myeik District Battalion 1 - P23401

27/03/2026

21/03/2026

06/03/2026

28/02/2026

19/02/2026

22/01/2026

19/01/2026

10/01/2026

17/12/2025

15/12/2025

06/12/2025

03/12/2025

Address

Website

Alerts

Contact The Organization

Shortcuts

Share

Category