Tada YESC

05/10/2026

တံတားမြို့သို့ အုပ်စု (A) နှင့် အုပ်စု (B) ဖြင့် အုပ်စု ၂ခု ခွဲ၍ ၄ နာရီ ကြာ အလှည့်ကျ ဓါတ်အားပေးလျက်ရှိပါသည်။ ဓာတ်အားပြတ် ဧရိယာအနေဖြင့် အုပ်စု (A)
ဝန်အားလျော့ချိန်တွင် မြို့ပေါ် (၁,၂,၃,၄) ရပ်ကွက်တို့
ဓါတ်အားပြတ်တောက်မည်ဖြစ်ပြီး၊ အုပ်စု (B) ဝန်အား လျော့ချိန်တွင် စင်မကော်၊ ကဒပ္ပန၊ ဇီးဖြူပင်၊ တာပ၊
ပန်းချောင်း၊ စစ်တန်း၊ တမံကြီးကုန်း၊ တူးမြောင်း၊
ပုတ္တလုတ်၊ မရမ်းဘေး၊ အဝကောက်၊ သုခအောင်၊ အောင်သပြေ ကျေးရွာများနှင့် ၂ ရပ်ကွက် တစ်ပိုင်း တို့ ဓါတ်အားပြတ်တောက်မည် ဖြစ်ပါကြောင်း အသိပေးပန်ကြားအပ်ပါသည်။
#တံတားမြို့လျှပ်စစ်

10/06/2026

ဓာတ်အားသုံးစွဲသူများသို့ အသိပေးတင်ပြချက်
+++++++++++++++++++++++++++++++
(၁၁.၆.၂၀၂၆) ရက်နေ့၊ နံနက် (၉:၀၀)နာရီ မှ နေ့လည် (၁၃:၀၀) နာရီအထိ 33 kV သုံးခွ-တံတား ဖီဒါ ဓါတ်အားလိုင်းတလျောက်သစ်ပင်သစ်ကိုင်းများခုတ်ထွင်ရှင်း လင်းခြင်း၊ ထိန်း/ပြင်လုပ်ငန်းဆောင်ရွက်ခြင်းတို့အား တံတားမြို့ လျှပ်စစ်မန်နေဂျာရုံးဝန်ထမ်းများမှ ဓါတ်အားပိတ်၍ လုပ်ငန်းဆောင်ရွက်မည်ဖြစ်ပါသည်။
အဆိုပါလုပ်ငန်းများဆောင်ရွက် နေစဥ် အချိန်အတွင်း တံတားမြို့တစ်မြို့လုံး (၄:၀၀) နာရီခန့် ဓါတ်အားပြတ်တောက်မည် ဖြစ်ပါကြောင်း သိရှိနိုင်ပါရန်
အသိပေးတင်ပြအပ်ပါသည်။

ရန်ကုန်လျှပ်စစ်ဓါတ်အားပေးရေးကော်ပိုရေးရှင်း

28/05/2026

19:23 hr တွင် 230 kV ခရမ်းပင်မဓါတ်အားခွဲရုံတွင် 33 kV Main Bus Dropper Clamp (Red Hot) ဖြစ်၍ ပြုပြင်ရန် အရေးပေါ် S/D ဖြင့် 33 kV သုံးခွ-တံတား
ဖီဒါ ဓါတ်အားပြတ်တောက်လျက်ရှိပါကြောင်း တင်ပြအပ်ပါသည်။

28/05/2026

25/04/2026

“မီးသုံးစွဲသူပြည်သူများသို့ အသိပေးပန်ကြားချက်”
ယနေ့ ၂၅-၄-၂၀၂၆ ရက်နေ့၊ ည ၂၀:၀၄ နာရီအချိန်တွင် ၂၃၀ ကေဗွီ ရွှေတောင်-မြောင်းတကာ ဓာတ်အားလိုင်း အပြစ်ဖြစ်ပေါ်ခဲ့မှုကြောင့် တစ်နိုင်ငံလုံး ဓာတ်အားပြတ်တောက်မှု (System Shutdown) ဖြစ်ပွားခဲ့ပါသည်။
လက်ရှိတွင် လျှပ်စစ်နှင့်စွမ်းအင်ဝန်ကြီးဌာနမှ တာဝန်ရှိသူများနှင့် ဝန်ထမ်းများက အဆိုပါဓာတ်အားလိုင်းအား အသေးစိတ်စစ်ဆေးကာ အမြန်ဆုံးပြုပြင်နိုင်ရေးအတွက် စစ်ဆေးဆောင်ရွက်လျက်ရှိပါသည်။

ရန်ကုန်တိုင်းဒေသကြီးအတွင်းသို့ ၃/၄ နာရီအတွင်း အရန်ဓာတ်အားလိုင်းများမှတစ်ဆင့် ဓာတ်အားအမြန်ဆုံး ပြန်လည်ပို့လွှတ်ဖြန့်ဖြူးပေးနိုင်ရန် စီစဉ်ဆောင်ရွက်လျက်ရှိပါသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း

03/04/2026

မိဘပြည်သူများထံသို့ ၂၃၀ ကေဗွီ ရွှေတောင် - မြောင်းတကာ အမှတ်(၁+၂) ဓာတ်အားလိုင်း ဓာတ်အားပြန်လည်ပို့လွှတ်ပြီးစီးမှု အသိပေးပန်ကြားခြင်း

၁။ ၂၃၀ ကေဗွီ ရွှေတောင် - မြောင်းတကာ အမှတ်(၁+၂) ဓာတ်အားလိုင်း ပြုပြင်ခြင်းလုပ်ငန်းများအား ညွှန်ကြားရေးမှူး(စက်/လျှပ်) ဦးဆောင်သော (၁၀ + ၁၂၅) စုစုပေါင်း (၁၃၅) ဦးပါဝင်သော ပြန်လည်ပြုပြင် ရေးအဖွဲ့များသည် နယ်မြေခံ တပ်ရင်းတပ်ဖွဲ့များ၏ လုံခြုံရေးစီစဉ်ဆောင်ရွက်မှုဖြင့် (၂၈-၃-၂၀၂၆) ရက်မှ (၃-၄-၂၀၂၆) ရက်အတွင်း တိုင်အမှတ် (၃၁၀နှင့်၃၁၁) တာဝါ(၂)တိုင် ပြိုလဲပျက်စီးမှုများအား ပြန်လည် ပြုပြင်နိုင်ရေး ပျက်စီးတာဝါတိုင်များအားဖြုတ်သိမ်းခြင်းနှင့် တာဝါတိုင်အသစ်(၂)တိုင် ပြန်လည်တည် ဆောက်တပ်ဆင်ခြင်းလုပ်ငန်းများအားလည်းကောင်း၊ တိုင်အမှတ် (၃၀၉ နှင့် ၃၁၂) တာဝါ(၂)တိုင် ယိုင်/ စောင်းမှုအား ပြန်လည်ပြုပြင်ခြင်းလုပ်ငန်းများအားလည်းကောင်း၊ တိုင်အမှတ်(၃၀၉ မှ ၃၁၂) အကြား ဓာတ်အားလိုင်းကြိုးပျက်စီးမှုနေရာများအား ပြန်လည်ပြုပြင်ခြင်းနှင့် ဓာတ်အားလိုင်းကြိုး၊ Earth Wire၊ OPGW ကြိုးများ ပြန်လည်ချိတ်ဆွဲတပ်ဆင်ခြင်းလုပ်ငန်းများအားလည်းကောင်း ဆောင်ရွက်ခဲ့ပါသည်။
၂။ ပြန်လည်ပြုပြင်ခြင်းလုပ်ငန်းများ ရာနှုန်းပြည့်ဆောင်ရွက်ပြီးစီးခဲ့ပါသဖြင့် (၂-၄-၂၀၂၆) ရက်၊ (၂၁:၁၅) နာရီတွင် ၂၃၀ ကေဗွီ ရွှေတောင် - မြောင်းတကာ အမှတ်(၁) ဓာတ်အားလိုင်းအားလည်းကောင်း၊ (၃-၄-၂၀၂၆) ရက်၊ (၁၇:၂၀) နာရီတွင် ၂၃၀ ကေဗွီ ရွှေတောင် - မြောင်းတကာ အမှတ်(၂) ဓာတ်အားလိုင်းအား လည်းကောင်း ပုံမှန်အတိုင်း ဓာတ်အားပြန်လည်ပို့လွှတ်လျက်ရှိပါသည်။
၃။ သို့ဖြစ်ပါ၍ အဆိုပါ အမှတ်(၁+၂) ဓာတ်အားလိုင်းဖြင့် အထက်မြန်မာပြည်မှ ထုတ်လုပ်လျက်ရှိသော လျှပ်စစ်ဓာတ်အား (၃၀၀)မဂ္ဂါဝပ်ခန့်အား ဓာတ်အားစနစ်အတွင်းနှင့် ရန်ကုန်တိုင်းဒေသကြီးအတွင်းသို့ ဓာတ်အားပို့လွှတ်ထားရှိပါကြောင်းနှင့် ယခုလက်ရှိအခြေအနေတွင် လိုအပ်သော လျှပ်စစ်ဓာတ်အားကိုသာ ချွေတာသုံးစွဲခြင်းပြုလုပ်ပေးပါရန် မိဘပြည်သူများထံသို့ လေးစားစွာ မေတ္တာရပ်ခံ အသိပေးပန်ကြားအပ်ပါသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း

01/04/2026

မိဘပြည်သူများထံသို့ အသိပေးပန်ကြားခြင်း
++++++++++++++++++++++++++++++
၁။ ဓာတ်အားစနစ်မှရန်ကုန်နှင့်ဧရာဝတီတိုင်းဒေသကြီးသို့ အဓိကဓာတ်အားပေးနေသော ဓာတ်အားလိုင်းကြီး (၄) လိုင်းရှိရာ ၎င်းလိုင်းကြီး (၄)လိုင်းအနက် အလယ်ရိုးမ အနောက်ဘက်ရှိ ရွှေတောင်မှမြောင်းတကာ(ရန်ကုန်)သို့ သွယ်တန်းထားသည့် ၂၃၀ ကေဗွီ နှစ်ထပ်ဓာတ်အားလိုင်း သည်(၂၇.၃.၂၀၂၆) ရက်နေ့တွင် အကြမ်းဖက်သောင်းကျန်းသူများမှ မိုင်းခွဲဖျက်စီးခံခဲ့ရပါသည်။
၂။ ၎င်းအခြေအနေတွင် ကျန်ရှိနေသော ၂၃၀ ကေဗွီ ရွှေတောင်-မြောင်းတကာ ဓာတ်အားလိုင်းတစ်လိုင်းသည် လိုင်းအပြစ်ဖြစ်ပေါ်ခဲ့ပါသဖြင့် အခြားဓာတ်အားလိုင်း(၂)လိုင်း၌ဝန်အား ပိုမိုစီးဆင်းခြင်းကြောင့် ယနေ့ (၁.၄.၂၀၂၆) ရက်နေ့၊ (၁၄:၄၅) နာရီအချိန်ခန့်တွင် System Breakdown ဖြစ်ပေါ်ခဲ့ရပါသည်။
၃။ သို့ဖြစ်ပါ၍ အကြမ်းဖက်သောင်းကျန်းသူများဖျက်စီးမှုကြောင့် ပျက်စီးခဲ့သည့် ၂၃၀ ကေဗွီ ရွှေတောင်-မြောင်းတကာနှစ်ထပ်ဓာတ်အားလိုင်းအားလျှပ်စစ်ဝန်ထမ်း (၁၃၅)ဦးဖြင့် အမြန်ပြုပြင်လျှက်ရှိပြီး လက်ရှိတွင်(၇၅)% ခန့်ပြီးစီးနေပြီဖြစ်ပါကြောင်းနှင့် ဓာတ်အားအမြန်ပြန်လည်ရရှိရေး စီစဉ်ဆောင်ရွက်လျှက်ရှိပါကြောင်း မိဘပြည်သူများထံသို့ လေးစားစွာ အသိပေးပန်ကြားအပ်ပါသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း

27/03/2026

မိဘပြည်သူများထံသို့ အသိပေးပန်ကြားခြင်း
+++++++++++++++++++++++++++++
၁။ (၂၇.၃.၂၀၂၆)ရက်နေ့ (၁၁:၄၁)နာရီအချိန်တွင်၂၃၀ကေဗွီ ရွှေတောင်-မင်းလှ-မြောင်းတကာ Double Circuit ဓာတ်အားလိုင်းသည် မင်းလှမြို့နယ်အနီး အကြမ်းဖက်သောင်းကျန်းသူအဖွဲ့မှ ဖောက်ခွဲဖျက်စီးခဲ့ သဖြင့် တာဝါတိုင် (၂)တိုင် ပြိုလဲခဲ့ပြီး တာဝါတိုင် (၂)တိုင်မှာ တိမ်းစောင်းသွားခဲ့ သဖြင့် ၎င်းဓာတ်အားလိုင်း မှ ပို့လွှတ်လျက်ရှိသော လျှပ်စစ်ဓာတ်အား (၄၀၀) မဂ္ဂါဝပ် ခန့်မှာ ထုတ်လုပ်နိုင်မှု လျော့နည်းလျက်ရှိပါ သည်။
၂။ သို့ဖြစ်ပါ၍ ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးအတွင်း လျှပ်စစ်ဓာတ်အားဖြန့်ဖြူးမှု လျော့နည်းလျက်ရှိပါကြောင်းနှင့် အမြန်ဆုံးပြန်လည် ဖြန့်ဖြူးပေးနိုင်ရေး ပြင်ဆင် ဆောင်ရွက်လျက် ရှိပါ ကြောင်း မိဘပြည်သူများထံသို့ လေးစားစွာ အသိပေးပန်ကြားအပ်ပါသည်။

ရန်ကုန်လျှပ်စစ်ဓာတ်အားပေးရေးကော်ပိုရေးရှင်း