https://www.facebook.com/100320091648229/

Kham K Lue Library, Mêttã, Taunggyi (2026)

27/03/2022

ကိုယ်လမ်းလျှောက်တုန်းက
ကားမောင်းတဲ့လူကို ပြစ်တင်မိတယ်။
-
ကိုယ်ကားမောင်းပြန်တော့
လမ်းလျှောက်တဲ့လူကို ဆဲဆိုမိပြန်တယ်။
-
သူများဆီမှာ အလုပ်သမား လုပ်တုန်းက
အလုပ်ရှင် ကို ဆိုးတယ်၊ ကပ်တယ်လို့ ပြောဆိုဖူးတယ်။

ကိုယ်အလုပ်ရှင် ပြန်ဖြစ်တော့ အလုပ်သမားတွေ
မကြိုးစားဘူးဆိုပြီး ငြူစူပြန်တယ်။
-
ကိုယ်တိုင်စျေး၀ယ်တုန်းက ဆိုင်ရှင်ကို
အမြတ်ကြီးစားတယ်၊ လောဘကြီးတယ် ပြောတယ်။
-
ကိုယ်ကိုယ်တိုင် ဆိုင်ရှင်ပြန်ဖြစ်တော့
စျေး၀ယ်တွေ ဂျီးများလွန်းတယ်လို့ ထင်မိပြန်တယ်။
-
-
ကိုယ်ကိုယ်တိုင် တာ၀န်ယူလိုက်တော့ သူများနည်းနည်း မကောင်းပြောတောင်မှ မကြိုက်ချင်တော့ဘူး။
-
အမှန်တော့ ကျွန်တော်တို့ အားလုံး မမှားကြပါဘူး၊

နေရာချင်းမတူတော့ စဉ်းစားပုံချင်းမတူလိုက်တာပါ။

နေရာလဲပြီးသာ စဉ်းစားတတ်ကြမယ်ဆိုရင်

အားလုံး အဆင်ပြေသွားပါလိမ့်မယ်။

Crd။

09/03/2022

ဆရာအောင်သင်း ပြောသလိုပဲ

ကိုယ့်နိုင်ငံမို့လို့သာ ချစ်နေရတာ
အတော်စိတ်ပျက်ဖို့ ကောင်းတဲ့နိုင်ငံ....

ဘာသာမဲ့ မာဖီးယားလို လူဆိုးဂိုဏ်းတောင်
အရက်နဲ့ စီးကရက်ကို မှောင်ခိုပဲသွင်းတယ်၊
အတု မလုပ်ဘူး။

ဘာသာရှိတဲ့ ကောင်တွေက ဆေးတောင်
အတုလုပ်တယ်။

အင်မတန် စာနာစိတ်မရှိတဲ့ကောင်တွေဆီမှာ
ဥပဒေရဲ့ကျေးဇူးကို ဖာသည်တောင် ခံစားရချိန်
မေတ္တာသုတ်ရွတ်နေတဲ့ ကောင်တွေက
ဖာသည်ဆီက လိုင်းကြေးတောင်းတယ်။

ဖရီးကစ်တယ်၊ပါးတောင်၂ချက် ရိုက်သွားသေး.
ထိုင်းလို ဖာသည်ကို လိုင်စင်ပေးထားတဲ့ နေရာမှာ
လေဘေး ရေဘေး ငလျင်ဘေးကြုံရပြီဆို
နောက်တနေ့ အခြေခံစားကုန်တွေ ဖြစ်တဲ့
ဆန် ဆီ ဆား ငြုတ် ကြက်သွန်ကို စျေးထဲသွားဝယ်ရင်
တဝက်နှုံးနဲ့ လျှော့ရောင်းပေးတယ်။

ဒီမှာ နာဂစ်အလှူသွားကြတဲ့လူတွေကို
ကျေးဇူးတင်ပါတယ်ဆိုပြီး
ဒေသခံစက်လှေတွေက ၂ဆတောင်းတယ်။

လူမသေတဲ့ မြို့ကြီးတွေပေါ်မှာတော့
လိုအပ်ချက်ကိုသိပြီး အခြေခံစားကုန်တွေကို
စျေးအဆမတန် တင်ပလိုက်ကြတယ်။
ဆိုင်တွေကို ပိတ်လိုက်တယ်
ဒီတော့ အလုခံရတယ်။
ကားခတွေ တထောင်လမ်းကို တသောင်းနဲ့ဆွဲတယ်။

စင်္ကာပူလိုနိုင်ငံမှာ မိုးတွင်းလိုအချိန် အများပြည်သူ
ထီး မိုးကာ လိုအပ်ချက် များလာလိမ့်မယ်ဆိုတာ
သိတော့ discount ချရောင်းတယ်။
ဒီမှာက မိုးတွင်းမှ စျေးတင်တယ်။

ဘာမှ မကိုးကွယ်တဲ့ ကွန်မြူနစ် အရိုင်းကောင်တွေဆီမှာ
``ထမင်းစားနေတဲ့လူကို မိုးကြိုးမပစ်ဘူးဆိုတဲ့စကား
ပြောလေ့ရှိကြတယ်။

အပြစ်ရှိလို့ အရေးယူရမဲ့ မိုးကြိုးတောင်
ထမင်းစားနေတုန်း မပစ်သေးဘူး၊ ရှောင်ပေးတယ်
လူလူချင်း ဘာလို့မရှောင်ရမလဲလို့ ပြောချင်တာ..

မင်္ဂလသုတ် အာဂုံဆောင်ထားတဲ့ လူတွေက
သားသမီး ထမင်းစားနေတဲ့ အချိန်ကို
ချောင်းမှာ ရေလာသောက်တဲ့နွား စောင့်ဖမ်းသလို
ထိုင်စောင့်ပြီး ဆူတယ် ရိုက်တယ်။

သိပ်ရိုင်းတဲ့ ဘာသာမဲ့မိဘတွေက
သူတို့သားသမီးကိုမရိုက်ဘုး
စာသင်ကျောင်းတွေမှာလဲ မရိုက်ဘူး။
ကိုးကွယ်မှု စုံစီနဖာစေ့နေတဲ့ ကောင်တွေဆီမှာ
ဘုရားက ရိုက်မယ်လို့ပြောတယ်။
ကလေးကို မကျည်းပင်မှာ ဇောက်ထိုးဆွဲထားတယ်။

``ဘာမှမမြဲဘူး ကိုယ့်ကိုယ်ကိုယ်တောင် မပိုင်ဘူး
ဆိုတဲ့ တရားကို ၄၁ ကြိမ်မြောက် နာထားတဲ့
အဖွားကြီးဟာ သူ မပိုင်တဲ့ အိမ်ရှေ့မြေကွက်လပ်မှာ
စည်ပင်ပိုင်မှန်းလဲ သိပါရက်နဲ့ ကားခနရပ်ဖို့
သဘော မတူဘူး။

မကြိုက်ဘူး လာမရပ်နဲ့...တဲ့

ပုတီးကို စလွယ်သိုင်းပြီး ပြောလိုက်တယ်။

ဒါနဲ့ပဲ
ကမ္ဘာမှာ ဘယ်လိုတရားမဲ့တဲ့ နေရာမှာမှ
မဖြစ်ဖူးတဲ့ ကားရပ်တဲ့ နေရာအတွက်
လူသတ်မှုတွေ လုပ်ကြတယ်။

အဲဒီယဉ်ကျေးမှုမျိုးနဲ့
လူလူချင်း အားရအောင်ယုတ်မာ ကုန်းတိုက်
ဆဲဆိုလို့ ဝပြီဆိုတော့မှ ဘုရားရှေ့သွားပြီး
ပွစိပွစိနဲ့ ငါးပါးသီလခံကြတယ်

Credit : Original Writer
Crd.

11/02/2022

#စောင့်ထိန်းအပ်သော_လူမှုကျင့်ဝတ်များ

(၁) ဘယ်လောက်ပဲ ချစ်ခင်ရင်းနှီးပါစေ
စကားကို လက်လွယ်စပယ် မပြောပါနဲ့။
ခံစားတတ်တဲ့ ဝေဒနာဆိုတာ
လူတိုင်းမှာ ရှိပါတယ်။

(၂) ဘယ်လောက်ပဲ မုန်းတီးနေပါစေ
အခြားသူရဲ့ပုဂ္ဂိုလ်ရေးကို
နှိမ့်ချစော်ကားတာမျိုး မပြုလုပ်ပါနဲ့။
လေးစားမှုဆိုတာ လူတိုင်းနဲ့ထိုက်တန်သလို
မိမိကိုယ်တိုင်နဲ့လည်း ထိုက်တန်ပါတယ်။

(၃) ဘယ်လောက်ပဲ သဘောကောင်းတဲ့သူနဲ့
တွေ့ပါစေ အခွင့်အရေးကို တဆုံးမနှိုက်ပါနဲ့။
မိမိကိုယ်ကိုယ် ထိန်းသိမ်းတတ်ပါစေ။
အခွင့်အရေးသမားကို
လူတိုင်းက ရွံ့မုန်းကြပါတယ်။

(၄) ဘယ်လောက်ပဲ အလကားရနေပါစေ။
မိမိရသင့်တဲ့ အတိုင်းအရှည် ပမာဏကို
အသိစိတ်နဲ့ ဆင်ခြင်တတ်ပါစေ။
သိက္ခာတရားဆိုတာ မွေးမြူသင့်ပါတယ်။

(၅) ဘယ်လောက်ပဲ အခက်အခဲပြဿနာနဲ့
ကြုံရပါစေ မိမိကိုယ်ပိုင် အစွမ်းအစနဲ့ အရင်
ဖြေရှင်းတတ်ပါစေ။ အကူအညီကို အလွယ်
တကူ လိုချင်တဲ့သူ မဖြစ်ပါစေနဲ့။

(၆) ဘယ်လောက်ပဲ ရိုးသားတဲ့လူကို တွေ့ပါစေ။
သင့်အကျိုးအမြတ်အတွက် အသုံးမချပါနဲ့။
ရိုးသားမှူ့ဆိုတာ အရည်အသွေးတစ်ခုဖြစ်ပြီး
အခြားသူအတွက် ဖြစ်တည်နေတာမဟုတ်ပါဘူး။

(၇) ဘယ်လောက်ပဲ အင်အားကြီးမားတဲ့သူ
သင်ဖြစ်နေလည်း အလွယ်တကူ
အနိုင်ကျင့်ချင်တဲ့ စိတ်ဓာတ်မျိုး မမွေးပါနဲ့။
ဒီကနေ့ အင်အားကြီးမားသူဟာ
နောင်တစ်နေ့မှာ အင်အား ပျောက်ဆုံးသွားနိုင်လို့ပါ။ သံသရာဆိုတာ လည်ပတ်နေပါတယ်။

(၈) ဘယ်လောက်ပဲ အတွေးအခေါ်တွေ ဆန့်
ကျင်ဖက် ဖြစ်နေပါစေ။ ကိုယ်ပဲ မှန်နေတယ်
လို့ မထင်ပါနဲ့။ မကျင့်သုံးနိုင်ရင် ပယ်လိုက်ပါ။
အခြားသူရဲ့ အတွေးအခေါ်ထဲ သင်လည်း
မနေနိုင်သလို သူလည်း နေမှာမဟုတ်ပါဘူး။

(၉) သင်ဘယ်လောက်ပဲ ထူးချွန်ထက်မြက် နေပါစေ တခြားသူကို ညံ့ဖျင်း တုံးအတယ်လို့ အလွယ်တကူ
မှတ်ချက်မပေးပါနဲ့။
နောက်ခံအခြေအနေဆိုတာ တသမတ်တည်း
ရရှိနိုင်တာ မဟုတ်လို့အရည်အချင်းတွေ
ကွဲပြားနေတာကို သတိပြုမိပါစေ။

(၁၀) မိမိကြိုက်နှစ်သက်တဲ့ လူ အရာဝတ္ထု
အတွေးအခေါ် အခြေအနေ တစ်ခုကို
မိမိဘာသာ စိတ်ကြိုက် နှစ်သက်ခွင့်ရှိပါတယ်။
ဒါပေမယ့် သူတစ်ပါးကြိုက်နှစ်သက်တဲ့အရာ
တွေကိုတော့ ကဲ့ရဲ့ရှုတ်ချပြီး
သင်ကြိုက်တဲ့အရာတွေကို
ဂုဏ်တင်ပြီး ပြောတာမျိုးတော့မဖြစ်သင့်ပါ။

Credit_to_the_Original_Uploader

22/01/2022

#အကောင်းဆုံးယတြာ၂၈ခု

၁။ ဝင်ငွေမကောင်းတဲ့အခါ
ချွေတာသုံးစွဲတာ
အကောင်းဆုံး ယတြာ။

၂။ လမ်းသွားတဲ့အခါ
ကြီးမားတဲ့ဝီရိယထားခြင်းဟာ
အန္တရာယ်ကင်းဖို့အတွက်
အကောင်းဆုံး ယတြာ။

၃။ ရန်လိုနေတဲ့လူနဲ့
ဖက်ပြိုင်ပြီးမငြင်းတာ
အကောင်းဆုံး ယတြာ။

၄။ ဒေါသထွက်စရာ
ကြုံတဲ့အခါ
စိတ်ဖြေသာတဲ့နေရာကို
ရှောင်ထွက်သွားခြင်းဟာ
အကောင်းဆုံး ယတြာ။

၅။ မနာလိုဝန်တိုစိတ်ကို
မမွေးအောင်
ကံကံရဲ့အကျိုး
လက်ခံနိုင်အောင် ကြိုးစားတာ
အကောင်းဆုံး ယတြာ။

၆။ စိတ်ကောင်းထားခြင်း
ရိုးသားမှုရှိခြင်းဟာ
ကြီးပွားရာ ကြီးပွားကြောင်း
အတွက်
အကောင်းဆုံး ယတြာ။

၇။ အားလပ်ချိန်မှာ
စာဖတ်တဲ့အကျင့်ကို
မွေးမြူခြင်းဟာ
အသိအလိမ္မာ တိုးတက်စေဖို့
အတွက်
အကောင်းဆုံး ယတြာ။

၈။ ကံဆိုးချိန်မှာ
ရတနာသုံးပါးကို အထူးတလည်
ဆည်းကပ်ကိုးကွယ်တာသည်
အကောင်းတွေရောက်စေဖို့
အတွက်
အကောင်းဆုံး ယတြာ။

၉။ တစ်စုံတစ်ရာ
ကျွေးမွေး ပေးအပ်သူကို
ကျေးဇူးရှင် တစ်ဦးအဖြစ်
မမေ့အပ်တာ
အကောင်းဆုံး ယတြာ။

၁ဝ။ သူ့တာဝန် ကိုယ့်တာဝန်ကို
တိတိကျကျ ခွဲခြားပြီး
တာဝန်ကျေပွန်စွာလုပ်တာ
အကောင်းဆုံး ယတြာ။

၁၁။ရှေ့နောက်မြော်မြင်တတ်တဲ့
ပညာရှိ လူကြီးမိဘရဲ့
ဆိုဆုံးမမှုကို လိုက်နာတာ
အကောင်းဆုံး ယတြာ။

၁၂။ မရသေးတဲ့ ဥစ္စာကို
အပူတပြင်းမတောင်းတ
မလိုချင်တာ
စိတ်ချမ်းသာစေဖို့ အတွက်
အကောင်းဆုံး ယတြာ။

၁၃။ တတ်နိုင်သလောက်
စုဆောင်းသွားတာဟာ
အနာဂတ်ခရီးအတွက်
အကောင်းဆုံး ယတြာ။

၁၄။ဘဝအရေးနိမ့်တဲ့ကာလမှာ
စိတ်ဓါတ်ကိုကြံ့ကြံ့ခံနိုင်အောင်
သတိထားမွေးမြူခြင်းဟာ
မိမိမပျက်စီးဖို့အတွက်
အကောင်းဆုံး ယတြာ။

၁၅။ စီးပွားဖြစ်တဲ့အခါ
အောက်ခြေမလွတ်အောင်
သတိတရားနဲ့ နေထိုင်တာ
အကောင်းဆုံး ယတြာ။

၁၆။ ငယ်စဉ်အခါ
ပညာသင်ချိန်မှာ
ပညာတတ်ရေးတစ်ခုတည်းကို
ရှေ့ရှု့ပြီးတစိုက်မက်မက်
ကြိုးစားခြင်းဟာ
နောင်ရေးအတွက်
အကောင်းဆုံး ယတြာ။

၁၇။အခွင့်အလမ်းပေါ်လာတဲ့
အခါ လုံ့လဝီရိယကို
ရှေ့တန်းတင်ပြီး အမိအရ
ဆုပ်ကိုင်လိုက်ခြင်းဟာ
အောင်မြင်ကြီးပွားဖို့အတွက်
အကောင်းဆုံး ယတြာ။

၁၈။ ဘာကိုမှမစဉ်းစားပဲ
မလုပ်တာမပြောတာ
နောင်မှ နောင်တရတယ်ဆိုတဲ့
အဖြစ်မျိုးကိုမရောက်ဖို့
အတွက်
အကောင်းဆုံး ယတြာ။

၁၉။သုံးနိုင်တဲ့အခြေအနေရှိရက်နဲ့
စိတ်ကိုလွှတ်ပေးပြီး
အရမ်းမဲ့မသုံးစွဲတာဟာ
နောင် စိတ်ဆင်းရဲစရာ
မကြုံဖို့အတွက်
အကောင်းဆုံး ယတြာ။

၂ဝ။ ဘေးရှိတဲ့စကား
ကြမ်းတမ်းတဲ့စကားကို
မဆိုခြင်းဟာ
နောင်အခါပြဿနာ
အရှုပ်အရှင်းနဲ့ ရင်မဆိုင်ရဖို့
အတွက်
အကောင်းဆုံး ယတြာ။

၂၁။ သူ့ဘက် ကိုယ့်ဘက်
မျှမျှတတကြည့်တာ
စဉ်းစားတာ လုပ်ကိုင်တာသည်
ရေရှည်လက်တွဲဖို့ အတွက်
အကောင်းဆုံး ယတြာ။

၂၂။ မနိုင်တဲ့ဝန်ကို
မထမ်းတာဟာ
အသက်ရှည်ဖို့အတွက်
အကောင်းဆုံး ယတြာ။

၂၃။ မိမိကိုယ်ကိုအမှန်ရှု့ထောင့်မှ
ဝေဖန်သုံးသပ်တာဟာ
ရှေ့လျှောက်ရမယ့် ဘဝခရီးမှာ
ပန်းခင်းလမ်းဖြစ်ဖို့အတွက်
အကောင်းဆုံး ယတြာ။

၂၄။ ဒေါသကို
အပြင်မထွက်အောင်
ထိန်းနိုင်တာဟာ အစစအရာရာ
ပြဿနာနည်းပါးစေဖို့အတွက်
အကောင်းဆုံး ယတြာ။

၂၅။ ကျော်ဖြတ်ရတဲ့ဘဝခရီးမှ
အမှားများကို ဆင်ခြင်သုံးသပ်ပြီး
ချက်ချင်းပြုပြင်သွားတာ
ရှေ့ခရီးချောမောဖို့အတွက်
အကောင်းဆုံး ယတြာ။

၂၆။ အတိတ်ကိုပြန်တွေးပြီးလဲ
မပူဆွေး အနာဂတ်အရေးကို
လှမ်းမျှော်ပြီးလည်းမပူပန်
ပစ္စုပ္ပန်တည့်တည့်မှာသာရပ်ပြီး
လုပ်သင့်လုပ်ထိုက်တာတွေကို
လုပ်ကိုင်သွားတာဟာ
တိုးတတ်ဖို့အတွက်
အကောင်းဆုံး ယတြာ။

၂၇။ အကောင်းမြင် ဝါဒနဲ့
ဘဝခရီးကိုဆက်ခြင်းဟာ
အကောင်းဆုံး ယတြာ။

၂၈။ကျန်းမာရေးယိုယွင်းစေတဲ့
အပျော်အပါးလိုက်စားမှု
မူးယစ်ဆေးဝါးနဲ့ အရက်သေစာကို
ရှောင်ရှားတာဟာ
အသက်ရှည်ကျန်းမာစေဖို့
အတွက်
အကောင်းဆုံး ယတြာ။

နေ့စဉ်
ဒီအချက်ကလေးတွေနဲ့အညီ
ကျင့်ကြံနေထိုင်သွားကြမယ်
ဆိုရင်တော့
ယတွာဆိုတာ
အထူးချေစရာမလိုပါဘူး"လို့
ပြောချင်ပါတယ်

ဒါ့ကြောင့်----,,အဖိုးတန်တဲ့
လူသားတစ်ယောက်ဘဝကိုရဖို့
နေ့စဉ်ယတြာချေကြစို့,,

ကိုးဘွဲ့ရဆရာတော်

12/11/2021

ဟုတ်တော့ဟုတ်သလိုပဲ ဖြစ်နိုင်ခြေအများဆုံးတော့ရှိတယ်။

အိမ်တစ်အိမ်ရဲ့စီးပွားရေးကိုသိချင်ရင်
ဘုရားတရားကိုင်းရှိုင်းတာကိုကြည့်ပါ။

စည်းကမ်းကိုသိချင်ရင် ရေချိုးခန်း အိမ်သာ
ထိုင်ခွက်ကိုကြည့်ပါ။

စည်းလုံးမှုကို သိချင်ရင်တော့
ထမင်းဝိုင်းကို ကြည့်ရပါမယ်တဲ့။

လူတစ်ယောက်ရဲ့စည်းကမ်းကိုသိချင်ရင်တော့
ဖိနပ်ချွတ်ပုံကိုကြည့်ရင်သိနိုင်တယ်။

လူမှုအဆင့်အတန်းကိုသိချင်ရင်
အိပ်ခန်း နဲ့ အိပ်ယာကိုကြည့်ပါ တဲ့။

စာနာမှုနဲ့ ကြင်နာတရားသိချင်ရင်တော့
စကားအပြောအဆို စကားလုံးနဲ့ ဆက်ဆံမှုကို ကြည့်နိုင်ပါတယ်။

ယဉ်ကျေးမှုကို သိချင်ရင်
ကိုယ်ဟန်မူယာကနေသိနိုင်ပါတယ် တဲ့။

အိမ်တအိမ်ရဲ့ ကျန်းမာရေးအတွက်ကိုတော့
မီးဖိုချောင်ကို ကြည့်ပါ။

#မေတ္တာတရားနဲ့ပျော်ရွှင်မှု့ ကိုသိချင်ရင်တော့
အိမ်ရှင်မရဲ့အဆင်းရူပကာ ကိုကြည့်ပါတဲ့။

ဒါ တကယ့်ကို အမှန်တရားတွေပါ။

28/10/2021

1.အိမ် ကိုအရင်ဝယ်ပါ။
ကားက လိုရာခရီးသွား လို့ ရရင်တော်ပီ။

2.တာရှည်သုံးရတဲ့ ပစ္စည်းဆို
ဈေးကြီးကောင်းတာဝယ်။

3.သူငယ်ချင်း အမျိုးတွေနဲ့
စီးပွါးတွဲ မလုပ် ပါနဲ့။

4.ကျန်းမာ ရေးကို အထူးဂရုစိုက်ပါ။

5.အခွင့်ရေးရရင် ကိုယ်ပိုင်လုပ်ငန်း လုပ်ပါ
တသက်လုံးလခစားမလုပ်နဲ့။

6. ကိုယ် က သူများကို ပြောပြနိုင်‌တဲ့
အဆင့် ရအောင်ကြိုးစားပါ။

7.တယောက်ထဲနေတတ်နိုင်အောင်ကြိုး စားပါ။

8.အလုပ်လုပ် ရင် ပုံသေ လခ နဲ့
အလုပ် မလုပ် ပါနဲ့။

9. စာအုပ် ဖတ် တတ်တဲ့ အကျင့် လုပ်ပါ။

10. စိတ်တည်ငြိမ် ဆုံးဖြတ် နိုင်တဲ့
လူငယ်တယောက် ဖြစ် အောင် ကြိုးစားပါ။

11.အလုပ်လုပ်ရာမှာ.တစ်ဖက်သားကို
မထိခိုက်ပါစေနဲ့

12.တစ်ဖက်ကတိုက်ခိုက်လာရင်
ရှောင်သွားလိုက်ပါ

သူများရဲ့ စကားတခွန်းကြောင့်
ကိုယ့်ရဲ့ ပျော်ရွှင်မှုကို မဆုံးရှုံးပါစေနဲ့။

Credit # Sale Mollar
Photo-crd

06/08/2021

အေးချမ်းတဲ့ကမ္ဘာ

13/06/2021

🤦‍♂️ တချို့က...
စိတ်နာတတ်အောင် သင်ပေးတယ်...။

🤦‍♂️ တချို့က...
နေတတ်သွားအောင် သင်ပေးတယ်...။

🤦‍♂️ တချို့က...
ကိုယ့်အခြေအနေကို နားလည်သွားအောင်
သင်ပေးတယ်...။

🤦‍♂️ တချို့ကကျ...
တဘဝစာ သင်ခန်းစာတွေ ပေးသွားတယ်...။

🤦‍♂️ နားနဲ့နာလိုက်
ဖဝါးနဲ့နာလိုက် ရင်ဘတ်နဲ့နာလိုက်နဲ့...

🤦‍♂️ လူတိုင်းအပေါ် နားလည်နိုင်ဖို့
ကြိုးစားနေရတယ်...။

...🙏

05/06/2021

ညံ့ဖျင်းတဲ့ လူတစ်ချို့က ……
အတိတ်ကို အပြစ်တစ်ခုလိုတွေးပြီး ……
အနာဂတ်တွေကို ရိုက်ချိုးပစ်တတ်ကြတယ်။

သိပ်တော်တဲ့ လူတွေကတော့ ……
အတိတ်ကို သင်ခန်းစာယူပြီး ……
အနာဂတ်အတွက် လမ်းသစ်တွေရှာရင်း……
ဘဝကိုအကောင်းဆုံး ဖန်တီးယူကြတယ်။

တကယ်တော့ ………
အတိတ်ဆိုတာ သင်ခန်းစာတစ်ခုထက် မပိုပါဘူး။

ယူတတ်ရင် ဘဝရဲ့လှေခါးထစ်တွေအဖြစ် ……
ချနင်းပြီး အမြင့်ကို တက်သွားလို့ရတယ်။

တစ်ချို့က အတိတ်ရဲ့အရိပ်တွေကြောင့် ……
သံသရာထဲမှာပဲ ဝဲလည်နေတယ်။

ထိုသူတွေက လူမသေပေမယ့် ……
သူတို့ရဲ့ဘဝတွေ သေကုန်ကြပြီ။

သင်ခန်းစာ ယူတတ်ကြပါစေ...

02/06/2021

ငယ်ငယ်က ဆင်းရဲတဲ့ သူတွေဆို သနားတယ်
ကြီးလားတော့ ဆင်းရဲနေတဲ့သူတွေမှာ
ဘာ့ကြောင့်မွဲနေရလဲ ဆိုတဲ့
အကြောင်းပြချက်တွေရှိတာကို သိလာခဲ့တယ်

ဆင်းရဲတဲ့သူက ကံကြောင့်တင်မဟုတ်ပဲ
ဉာဏ်ကော ဝီရိယကောပါ နုံချာလို့
ဆင်းရဲတာပါလား ဆိုတာ သိခဲ့ရတယ်

ငယ်ငယ်က သင်္ဘောသီးသုပ်ရောင်းတဲ့
အန်တီကြီးတစ်ယောက်
အရမ်းဆင်းရဲတယ် …
သူက ၂ လုံးပေါက်တဲ့နေ့ဆို တစ်ပတ်လုံး
အသုပ်ဆိုင် ကို မဖွင့်တော့ဘူး

တစ်ပတ် တစ်ရက်နားတာကို မပြောပါဘူး
လူပဲ … အားလပ်ရက် ဆိုတာ ရှိရမယ်
ဟုတ်တယ်

ဒါပေမဲ့ သူ အဲတုန်းက
၂ လုံးလေး ၁၀၀ ဖိုးလောက်ပေါက်လို့
၈၀၀၀ လောက် ရရင် တစ်ပတ်လုံး
ဆိုင်ကို မဖွင့်တော့တာ …
(၂၀၀၄ တုန်းက ၈၀၀၀ ဆိုတာ
အခြေခံလူတန်းစားအတွက် တစ်ပတ်လောက်
အေးဆေးစားလို့ ရပါတယ်)

သူဘာလို့ နားလိုက်တာလဲ ?
သူ့လို တစ်နေ့လုပ်မှ တစ်နေ့စား တစ်ယောက်အတွက်
၂ လုံး ပေါက်တာက အသားတင်ဝင်ငွေ မဟုတ်ဘူးလား???

ကိုယ်သာဆို အဲဆိုင်လေးက အဲခေတ်က
တစ်နေ့ ၁၀၀၀ ပဲ မြတ်တယ်ပဲ ထား
၂ လုံး ပေါက်လည်း ကိုယ့်ဆိုင်ပိတ်ရက် ကလွဲလို့
ဘယ်တော့မှ နားမှာမဟုတ်ဘူး

အဲလိုအတွေးမျိုး မရှိလို့ … အဲလို မွဲနေတာကိုး
ဆိုတာ သဘောပေါက်လာတယ်

တစ်ချို့လူဆင်းရဲတွေက တွေးတတ်တယ်
ဒါပေမဲ့ ရေသာခိုတယ်
ကိုယ့်အလုပ်တင် မဟုတ်ဘူး
သူများ အလုပ်လုပ်လည်း ခိုတယ် ကပ်တယ်
စေတနာမပါဘူး
ဘဝပေးကံကြောင့် အလုပ်ကြမ်းလုပ်နေရပေမဲ့
ကိုယ်မပင်ပန်းရင် ပြီးရော
နောင်ခါလာ နောင်ခါစျေးဆိုတဲ့
အတွေးတွေနဲ့ ဘဝတစ်လျှောက်လုံးနေလာတဲ့
သူတွေ အများကြီး

အဲလိုလူမျိုး ၂ လုံးလေး ထ ပေါက်ကြည့်
အလုပ်မဆင်းတော့ဘူး ….
၂လုံး ၃ လုံးပေါက်တာ
တစ်သက်လုံးစာ စားမရဘူး ဆိုတာ
သူတို့ကိုယ်တိုင်လည်း သိပေမဲ့
သူတို့ နားရဖို့သာ အဓိက ပဲ
အချိန်တန်လို့ ပိုက်ဆံကုန်ရင်
အလုပ်ကို မျက်နှာငယ်လေးတွေ နဲ့ ရောက်လာပြီ

လူတိုင်းတော့ မဟုတ်ပါဘူး
အလုပ်ကြိုးစားပါရက် နဲ့ ဆင်းရဲနေတဲ့သူတွေလည်း
တကယ် ရှိပါတယ် …
ဒါပေမဲ့ အများစုက တော့ ပျင်းလို့
ဆင်းရဲနေတဲ့သူ က ပိုများတယ်

ကျနော့် ဘဝမှာ
အကြွေး ၁၅ သိန်း နဲ့ ၂၀ တိုးမို့
အကြွေးနွံနစ်လို့ ဆင်းရဲနေပါတယ်ဆိုတဲ့
မိသားစုကို ကိုယ့်လက်စွပ်ချွတ်ပြီးကို
အကြွေးတွေ ဆပ်ပေးပြီး ကူညီပေးဖူးတယ်

ငါအဲလို ကူညီလိုက်လို့
အကြွေးတွေ မရှိတော့ ရင်
သူတို့ အဆင်ပြေမယ် ပေါ့ အဲလိုထင်ခဲ့တာ

ကိုယ်က ကြွေးဟောင်းဆပ်ပေးပြီးတာတောင်
နောင်တစ်နှစ်နေတော့ သူတို့မှာ နောက်ထပ်
၁၅ သိန်းလောက် ကြွေးသစ်တွေ ထပ်တင်ပါတော့တယ်

အဲမှာ ကျနော် အစ က စိတ်ဆိုးမိတယ်
နောက်တော့ …. အော် … ဒါကြောင့် သူတို့တွေ
ဆင်းရဲနေပါလားဆိုတာ သဘောပေါက်သွားတယ်

ဆင်းရဲတိုင်း မသနားတော့ဘူး

ဒါနဲ့ ပြောရင် ယုံမလားတော့ မသိဘူး

တကယ့်လက်တွေ့ဘဝမှာ

“ချမ်းသာတဲ့ သူတွေ ကဆင်းရဲတဲ့ သူတွေထက်
ပိုအလုပ်လုပ်ကြတယ် “

“ဆင်းရဲတဲ့သူတွေက ချမ်းသာတဲ့ သူတွေထက်
ပိုပျင်းကြတယ် … “

ဒါကြောင့်
ချမ်းသာတဲ့သူတွေက ချမ်းသာမြဲ ချမ်းသာပြီး
ဆင်းရဲတဲ့သူတွေက ဆင်းရဲမြဲ ဆင်းရဲနေရတာပါ ပဲ

31/05/2021

#နှစ်သက်မိသောစကား၇ခွန်း

(၁) တောင်းပန်ပါ

ကိစ္စတစ်ခုခုကြောင့် တစ်ယောက်ကိုတစ်ယောက်
စိတ်ခုကြပြီဆိုရင် ကိုယ်ကအရင်စပြီး တောင်းပန်လိုက်ပါ။
သူ့ကို ကိုယ်တောင်းပန်လိုက်တာက အောက်ကျတယ်၊
ကိုယ်မမှားဘူးဆိုတာထက်ကိုယ်တွေကြားကဆက်ဆံရေးကို
တန်ဖိုးထားခြင်းအတွက် လုပ်ဆောင်တာပါလို့ ခံယူလိုက်ပါ။

(၂) ချစ်ခင်မြတ်နိုးပါ

ပြီးပြည့်စုံတဲ့သူတစ်ယောက်ကိုရှာဖွေလက်တွဲမှချစ်ခြင်း
လို့မည်တာမဟုတ်ပါဘူး။လူတိုင်းကပြီးပြည့်စုံလှပနေတာ
မရှိပါဘူး။ မပြည့်စုံတဲ့ လူတစ်ယောက်ကို ကိုယ့်ရဲ့
ပြီးပြည့်စုံတဲ့ မျက်လုံးတစ်စုံနဲ့ကြည့်ရှုပြီးချစ်ခင်စုံမက်ပါ။

(၃) တည်ငြိမ်ပါ

လူတစ်ယောက်ကို တစ်သက်လုံးမပြောင်းလဲပဲ ချစ်ဖို့ဆိုတာ
ဖြစ်နိုင်ချင်မှ ဖြစ်နိုင်ပါလိမ့်မယ်။ ဒါပေမဲ့ ကိုယ့်လူတစ်ယောက်ကို
ချစ်ခင်နေတဲ့အချိန်မှာတော့ မပြောင်းလဲတဲ့ စိတ်ထားနဲ့ ချစ်ပါ။

(၄) အဆင့်တန်းမြင့်စွာနေထိုင်ပါ

လူတစ်ယောက်ရဲ့ အဆင့်တန်းကို သူ၀တ်ဆင်ထားတဲ့ Branded အသုံးဆောင်တွေနဲ့ မဆုံးဖြတ်ပါနဲ့ ။ ပင်ကိုစရိုက်ကြောင့် ဖြစ်ပေါ်လာတဲ့ သွင်ပြင်နဲ့ အဆင့်တန်းကို ဆုံးဖြတ်ပါ။

(၅) အရှိန်အဝါနဲ့နေပါ

ရာထူးဂုဏ်ရှိန်ကြောင့် ဖြစ်ပေါ်လာတဲ့ အရှိန်အဝါထက်
ပင်ကိုယ်သဘောထားကြီးပြီးကောင်းမွန်တဲ့
အတွေးခေါ်ရှိတဲ့သူရဲ့ကိုယ်ရှိန်ကိုယ်ဝါက ပိုတောက်ပပါတယ်။

(၆) ဆွဲဆောင်မှုရှိအောင်နေပါ။

လူတစ်ယောက်ရဲ့ ဆွဲဆောင်မှုအရှိဆုံးက ပိုက်ဆံ၊
အလှအပ တွေထက် ဥာဏ်ပညာရှိခြင်းဆိုတဲ့ ဆွဲဆောင်မှုက
လိမ်းထားတဲ့ မိတ်ကပ်ထက်ပိုပြီး တခြားသူတစ်ယောက်ရဲ့
အမြင်မှာပိုမိုလှပ တင့်တယ်ပါတယ်။

(၇) ခွင့်လွှတ်ပါ

တစ်ခါတစ်လေလူတစ်ယောက်ကိုခွင့်လွှတ်လိုက်တယ်ဆိုတာက သူ့ရဲ့ အမှားကို ဗွေမယူဘူးဆိုတာထက် သူကောင်းစေချင်တာနဲ့ သူ့ကို လက်လွှတ်ရမှာကို ပိုကြောက်လို့ ခွင့်လွှတ်ပေးလိုက်ပါ ။

Credit.......
မူရင်းရေးသားသူအား လေးစားလျှက်

သစ္စာကာရီ
မေတ္တာဖြင့်.......
စာဖတ်လျှင် ကမ္ဘာပတ်စရာ မလိုဘူး

27/05/2021

စာဖတ်ခြင်း 📚📚📚🍉🍉

စာဖတ်ခြင်းဟာ ဘ၀မှာ အရေးကြီး
တယ်ဆိုတာ လူတိုင်းသိကြပါတယ်။

ထို့ကြောင့်ပင် “အလိမ္မာ စာမှာရှိ” ၊
“ စာအုပ်စာပေ လူ့မိတ်ဆွေ” လို့
ဆိုကြပါတယ်။

ကဲ . . . ဒါဆိုရင် စာဖတ်ခြင်းဟာ
ဘာကြောင့်အရေးကြီးသလဲ မေးလာ
ရင် အချက်ကျကျ ဖြေတက်သူ
နည်းပါတယ်။

လူတိုင်း လူတိုင်း စာပေကို ဘာကြောင့်
ဖတ်သင့်သလဲဆိုတာ အချက် (၈) ချက်
တင်ပြပါမယ်။

(၁) ဗဟုသုတကြွယ်ဝခြင်း ( ကိစ္စတိုင်းကို အရင်သိခြင်း)

စာဖတ်အားကောင်းသူတွေဟာ သူများထက် မသိတာမရှိဖြစ်ပြီး ကိစ္စတိုင်းကို ခေါင်းအေးအေးနဲ့ ဖြေရှင်းနိုင်စွမ်းရည် ပိုကောင်းပါတယ်။

(၂) ဘ၀တိုးတက်ခြင်း

စာဖတ်မှသာလျင် မိမိဘ၀တိုးတက်နိုင်ပါတယ်။ စာဖတ်ခြင်းအားဖြင့် လောကကြီးအကြောင်းကို ပိုသိရှိုနိုင်ပါတယ်။

(၃) နားလည်နိုင်စွမ်းရည် တိုးတက်ခြင်း

စာအုပ်များများ ဖတ်တဲ့အခါ နားလည်မှုစွမ်းရည် မြင့်တက်ပြီး လောကကြီးရဲ့ အကြောင်းပိုနားလည်လာပါတယ်။ စာဖတ်တယ်ဆိုတာ လူလောကသဘော၊သဘာ၀ကို ပိုပြီးသိရှိစေပြီးလူတွေရဲ့ သဘောကို သိနေရင် အောင်မြင်ဖို့ မခက်ခဲတော့ပါဘူး။

(၄) ပွဲမ၀င်ခင် ပြင်ဆင်ခြင်း

မင်း အလုပ်တစ်ခုလုပ်မယ်ဆိုရင် ဘယ်အရာတွေက လိုအပ်ချက်ရှိမလဲ၊ ဘယ်အရာတွေက အားနည်းချက်ရှိသလဲဆိုတာ သိသင့်ပါတယ်။ ဒါတွေကလည်း စာဖတ်မှပဲ သိမှာပါ။ မင်းဆုံးဖြတ်ချက်ချတဲ့နေရာမှာ အသုံး၀င်ပါလိမ့်မယ်။ ကိစ္စတိုင်းကို မပြုလုပ်ခင် အရင်သုံးသပ်ပြီး လုပ်ဆောင်ရင် အောင်မြင်ဖို့ နီးစပ်မယ်ဆိုတာ စာဖတ်ခြင်းကပဲ မင်းကို သင်ပေးနိုင်တာပါ။

(၅) အခြားသူများထံမှ အတွေ့အကြုံရရှိခြင်း

ကမ္ဘာကျော်ပုဂ္ဂိုလ်တွေရဲ့ ကိုယ်ရေးအကျဉ်းကို ဖတ်ပြီး သူတို့ရဲ့ ဘ၀အတွေ့အကြုံ၊ ဖြတ်သန်းမှုတွေကို သင်ယူရရှိနိုင်ပါတယ်။ မင်းဟာ လိုချင်တဲ့ပန်းတိုင်ကို သွားတဲ့နေရာမှာ မှားဖူးတဲ့အမှားကို နောက်တစ်ကြိမ်ထပ်မမှားနိုင်တာကြောင့် ဘ၀မှာလွယ်လွယ်ကူကူနဲ့ ပန်းတိုင်ကို ရောက်နိုင်ပါတယ်။အောင်မြင်သူတွေရဲ့ အကြံဥာဏ်၊ ကျရှုံးသူတွေရဲ့ လုပ်ရပ်တွေကို သိထားတဲ့အတွက် စာဖတ်ထားတဲ့သူဟာ စာအုပ်ကိုင်ပြီး ရတနာသိုက်ရှာရသလိုပါပဲ။

ဘ၀ဆိုတာ ခေါက်ရိုးကျိုး အမှားတွေကို ထပ်ခါထပ်ခါ လုပ်နေဖို့ အချိန်မရှိပါဘူး။ တိုတောင်းလွန်းပါတယ်။ ယနေ့ခေတ်မှာကြိုးစားလို့ရတယ်ဆိုတာ စာအုပ်ဖတ်ထားမှပဲ ဖြစ်နိုင်ပါတယ်။

(၆) ဆက်ဆံရေး မဟာဗျူဟာ ကောင်းခြင်း

မင်းဟာ စာဖတ်ထားရင် စာမဖတ်တဲ့သူနဲ့ နှိုင်းယှဉ်ရင် လူမှုပေါင်းသင်းဆက်ဆံရေးဘက်မှာ မင်းဟာ ပိုပြီး သာနေမှာဆိုတာ သေချာပါတယ်။ ယနေ့ခေတ် ဘာတွေဖြစ်နေတယ်ဆိုတာ သိရှိပြီး လူမှုဆက်ဆံရေး အဆင်ပြေကာ အောင်မြင်မှုပန်းတိုင်ကို လှမ်းကိုင်နိုင်ပါပြီ။

(၇) အာရုံစူးစိုက်ခြင်း

စာအုပ်တစ်အုပ်ကို အေးအေးဆေးဆေး
တိတ်တိတ်ဆိတ်ဆိတ် ထိုင်ပြီးဖတ်နေမယ်ဆိုရင် စာရေးဆရာဘာကို ဆိုလိုသလဲဆိုတာ ရှင်းရှင်းလင်းလင်းနားလည်ပြီး
ပိုမိုထိရောက်စေပါတယ်။ ထို့အပြင် အာရုံစူးစိုက်မှု အားကောင်းစေပြီး စာဖတ်ကောင်းသူတွေဟာ အများအားဖြင့် ဆုံးဖြတ်ချက်မမှားကြပါဘူး။

(၈) စိတ်ကူးယဉ်၊ဖန်တီးမှု ပိုကောင်းခြင်း

စာဖတ်အား ကောင်းသူတွေဟာ
သူများနှင့်မတူ အတွေးအခေါ် ပိုကောင်းလေ့ရှိပါတယ်။ လူအမျာမမြင်နိုင်တဲ့ ကိစ္စရပ်တွေကို ပိုမိုတွေးခေါ်လေ့ရှိပြီး မထင်မှတ်တဲ့လုပ်ရပ်တွေကို လုပ်ပြလေ့ရှိပါတယ်။ “ မဖြစ်နိုင်ဖူးဆိုတာ လောကမှာ မရှိ၊ မဖြစ်သေးတာပဲ ရှိတယ်” လို့ ခံယူထားကြလို့ပါ.။ စာအုပ်တွေဆိုတာ ရှုပ်ထွေးလှတဲ့ ပင့်ကူအိမ်ကြီးနဲ့ တူပါတယ်။ ဘယ်လိုတစ်ခုကို တစ်ခု ချိတ်ဆက်နေတယ်ဆိုတာ မင်းသိလာလေလေ မင်းဟာ အတွေးအခေါ်အသစ်တွေ ကွန့်မြူးလာလေလေ ဖြစ်ပါတယ်လို့ ဆိုချင်ပါတော့တယ်။

Credit:
#မေတ္တာဖြင့်
(မြေပြန့်ချင်း)

Kham K Lue Library

27/03/2022

09/03/2022

11/02/2022

22/01/2022

12/11/2021

28/10/2021

06/08/2021

13/06/2021

05/06/2021

02/06/2021

31/05/2021

27/05/2021

Address

Website

Alerts

Shortcuts

Share

Category