https://www.facebook.com/101846808678327/

Democracy Movement Strike Committee-Dawei, Tavoy (2026)

03/10/2026

■ ရ/သုံး/လက်ကျန် ငွေစာရင်းရှင်းတမ်း
DDMSC/ အောက်တိုဘာလ ၃ ရက်

ဒီမိုကရေစီအရေးလှုပ်ရှားမှုသပိတ်
ကော်မတီ(DDMSC) ၏ စက်တင်ဘာလကုန်အထိ ရ/သုံးငွေ လက်ကျန်စာရင်းရှင်းတမ်းအား အများပြည်သူသိရှိနိုင်ရန် တင်ပြအပ်ပါသည်။

$သဘာဝဘေးဒဏ် ကူညီကယ်ဆယ်ရေးကာလအတွင်း အပစ်အခတ်ရပ်စဲကြရန် တိုက်တွန်းတောင်းဆိုခြင်းအမှတ်(၄/၂၀၂၆)DDMSC\အောက်တိုဘာလ ၁ ရက်တနင်္သာ...$

01/10/2026

သဘာဝဘေးဒဏ် ကူညီကယ်ဆယ်ရေးကာလအတွင်း အပစ်အခတ်ရပ်စဲကြရန် တိုက်တွန်းတောင်းဆိုခြင်း

အမှတ်(၄/၂၀၂၆)
DDMSC\အောက်တိုဘာလ ၁ ရက်

တနင်္သာရီတိုင်း၊ ထားဝယ်ခရိုင်အတွင်းရှိ လောင်းလုံးမြို့နယ်၊ သရက်ချောင်းမြို့နယ်နှင့် ထားဝယ်မြို့နယ်တို့အတွင်း စက်တင်ဘာ ၂၅ ရက်နေ့မှ စတင်၍ မကြုံစဖူး မိုးသည်းထန်စွာ ရွာသွန်းမှုများကြောင့် ဒေသခံပြည်သူများအနေဖြင့် ရေလွှမ်းမိုးမှုနှင့် တောင်ပြို၊ မြေပြိုမှုဒဏ်များကို ဆိုးရွားစွာ ရင်ဆိုင်ခဲ့ကြရသည်။

အဆိုပါ သဘာဝဘေးဒဏ်ကြောင့် လက်ရှိအချိန်ထိ သေဆုံးသူဦးရေ (၃၀) နှင့်အထက် ရှိလာနေပြီဖြစ်ပြီး ပျောက်ဆုံးနေသူများအား ရှာဖွေနေရဆဲဖြစ်သည်။ ထို့အပြင် လမ်းတံတားပျက်စီးနေမှုများကြောင့် ဆက်သွယ်ရေး ပြတ်တောက်နေသည့် သဘာဝဘေးသင့် ပြည်သူများအတွက် အရေးပေါ်ကူညီထောက်ပံ့ရေး၊ ပြန်လည်နေရာ ချထားရေး စသည့်လုပ်ငန်းစဉ်များအား အားသွန်ခွန်စိုက် ဆောင်ရွက်နိုင်ရန် အရေးတကြီး လိုအပ်နေသည့် ကာလဖြစ်သည်။

လက်ရှိတွင် သဘာဝဘေးသင့်ပြည်သူများအား ကူညီကယ်ဆယ်ရေးလုပ်ငန်းများကို ဒေသအတွင်းရှိ လူမှုကူညီရေးအဖွဲ့အစည်းများအပြင် မြန်မာနိုင်ငံတဝန်းရှိ လူမှုကူညီကယ်ဆယ်ရေးအဖွဲ့အစည်းများကပါ အခက်အခဲ စိန်ခေါ်မှုများကြားမှ အင်တိုက်အားတိုက် လာရောက်ကူညီဆောင်ရွက်လျှက်ရှိသည်။

သို့ဖြစ်ပါ၍ ကူညီကယ်ဆယ်ရေးလုပ်ငန်းစဉ်များအား ထိခိုက်ကြန့်ကြာစေနိုင်သည့် အခြေအနေများ မပေါ်ပေါက် လာစေရန် သဘာဝဘေးဒဏ် ကူညီကယ်ဆယ်ရေးကာလအတွင်း အပစ်အခတ်ရပ်စဲပေးကြရန် ဒေသအတွင်းရှိ တော်လှန်ရေးတပ်ဖွဲ့များနှင့် မြန်မာစစ်တပ် နှစ်ဖက်စလုံးအား ကျွန်ုပ်တို့ ဒီမိုကရေစီအရေးလှုပ်ရှားမှု သပိတ်ကော်မတီ အနေဖြင့် အနူးအညွတ်တိုက်တွန်းနှိုးဆော်ပါသည်။

ထို့အပြင် လက်ရှိအချိန်တွင် မြန်မာစစ်တပ်သည် ရေဖြူမြို့နယ်၊ ထားဝယ်မြို့နယ်နှင့် သရက်ချောင်းမြို့နယ်တို့အတွင်း စစ်ရေးလှုပ်ရှားခြင်း လေကြောင်းတိုက်ခိုက်ခြင်းများ ပြုလုပ်နေသဖြင့် နှစ်ဖက်ထိတွေ့တိုက်ပွဲများ ဖြစ်ပေါ်လာနိုင်သည့် အဆိုပါလုပ်ရပ်များအား ချက်ချင်းရပ်တန့်ပေးပါရန် သဘာဝဘေးသင့် ပြည်သူများကိုယ်စား ကျွန်ုပ်တို့အနေဖြင့် ထပ်မံတောင်းဆိုအပ်ပါသည်။

ဆက်သွယ်ရန် - (Telegram)

29/09/2026

မြန်မာနိုင်ငံတဝန်းရှိ လူမှုကယ်ဆယ်ရေးနှင့် ပရဟိတအဖွဲ့များအား အကူအညီတောင်းခံခြင်း။

တနင်္သာရီတိုင်း၊ ထားဝယ်ခရိုင်အတွင်းရှိ ထားဝယ်မြို့နယ်၊ သရက်ချောင်းမြို့နယ်နှင့် လောင်းလုံးမြို့နယ် အထူးသဖြင့် လောင်းလုံးမြို့နယ်အတွင်း စက်တင်ဘာ ၂၇ ရက်နေ့မှ၍ မကြုံစဖူး မိုးသည်းထန်စွာရွာသွန်းမှုများကြောင့် ဒေသခံပြည်သူများအနေဖြင့် ရေလွှမ်းမိုးမှုများနှင့် တောင်ပြို၊ မြေပြိုမှုများကို ဆိုးရွားစွာ ရင်ဆိုင်နေကြရပါသည်။

အဆိုပါ သဘာဝဘေးဒဏ်ကြောင့် လက်ရှိတွင် သေဆုံးသူ ၁၇ ဦးထက်မနည်း ရှိလာနေပြီဖြစ်ပြီး ပျောက်ဆုံးနေသူများလည်း ရာချီရှိပြီဖြစ်သည်။ ထို့အပြင် နေအိမ် ထောင်နှင့်ချီ ထိခိုက်ပျက်စီးထားပြီး ဒေသခံသောင်းချီ သောက်သုံးရေနှင့် အရေးပေါ် စားနပ်ရိက္ခာများ အကူအညီ လိုအပ်လျက်ရှိပြီး။

လက်ရှိတွင် ရှာဖွေကယ်ဆယ်ရေးနှင့် ကူညီထောက်ပံ့ရေးအစီအစဥ်များကို ဒေသအတွင်းရှိ ကယ်ဆယ်ရေးအဖွဲ့အစည်းအနည်းငယ်နှင့် ဒေသခံများက ကိုယ်ထူကိုယ်ထ အစီအစဥ်ဖြင့်သာ လုပ်ဆောင်နေကြရသဖြင့် ဝန်နှင့်အား လုံးဝ(လုံးဝ) မမျှတတော့သည့် အခြေအနေဖြစ်ပါသည်။

သို့ဖြစ်ပါ၍ ရန်ကုန်တိုင်း၊ မန္တလေးတိုင်း၊ ပဲခူးတိုင်းနှင့် မွန်ပြည်နယ်အပါအဝင် မြန်မာနိုင်ငံတဝန်းရှိ လူမှုကူညီကယ်ဆယ်ရေးအဖွဲ့အစည်းများအနေဖြင့် သဘာဝဘေးဒဏ် ဆိုးရွားစွာ ခံစားနေရသည့် ထားဝယ်ဒေသသို့ လာရောက်ပြီး ကူညီကယ်ဆယ်ရေး လုပ်ငန်းများ ဆောင်ရွက်ပေးကြဖို့ အကူအညီတောင်းခံအပ်ပါသည်။

တစ်ဆက်တည်းတွင် မြန်မာစစ်တပ်အနေဖြင့် လာရောက်ကူညီသည့် လူမှုကယ်ဆယ်ရေးအဖွဲ့အစည်းများအား ဟန့်တားပိတ်ပင်ခြင်းများ မပြုလုပ်ဘဲ လွတ်လပ်စွာ ကူညီခွင့်ပြုဖို့ သဘာဝဘေးသင့် ပြည်သူများကိုယ်စား မေတ္တာရပ်ခံ တောင်းဆိုအပ်ပါသည်။

ဘွန်း
သတင်းနှင့် ပြန်ကြားရေးတာဝန်ခံ
ဒီမိုကရေစီအရေး လှုပ်ရှားမှုသပိတ်ကော်မတီ(ထားဝယ်ခရိုင်)

သတင်းမီဒီယာများဆက်သွယ်ရန် - (Telegram)

28/09/2026

DDMSC / စက်တင်ဘာလ ၂၈ရက်

တောင်ပြိုမှုများနှင့် တောင်ကျရေများကြောင့် လောင်းလုံး-ပညစ်ကျေးရွာ လမ်းပိုင်း ပျက်စီးသွားသည့် မှတ်တမ်းဓာတ်ပုံများဖြစ်ပါသည်။ ပညစ်ကျေးရွာတွင် လူသေဆုံးထိခိုက်မှုများမရှိသော်လည်း လက်ရှိတွင် လောင်းလုံးမြို့နှင့် လမ်းပန်းဆက်သွယ်ရေး ပြတ်တောက်သွားပြီဖြစ်ပါသဖြင့် စားနပ်ရိက္ခာအခက်အခဲများ ရှိနေပါသည်။

ပညစ်ကျေးရွာအနီးရှိ ရှမ်းမော်ကျေးရွာတွင်လည်း လူသေဆုံးထိခိုက်မှုများ မရှိသော်လည်း စားနပ်ရိက္ခာအကူအညီ လိုအပ်လာနိုင်သည်။ ပညစ်ကျေးရွာနှင့် ရှမ်းမော်ကျေးရွာတို့သည် လောင်းလုံးတောင်တန်း၏ အနောက်ဘက်တောင်ခြေရင်းတွင် ကပ္ပလီပင်လယ်ပြင်နှင့် ကပ်လျက်တည်ရှိသည်။

ကျွန်တော်တို့ DDMSC ကော်မတီဝင်များအနေဖြင့် လောင်းလုံးမြို့နယ်အတွင်းရှိ သဘာဝဘေးသင့် ပြည်သူများအား ရှာဖွေကယ်ဆယ်ရေး၊ ကူညီရေး လုပ်ငန်းများ ဆောက်ရွက်လျက်ရှိပြီး ရရှိလာသည့် သတင်းအချက်အလက်များကိုလည်း ထပ်မံဖော်ပြပေးသွားမည်ဖြစ်ပါသည်။

ဆက်သွယ်ရန် - (Telegram)

27/09/2026

DDMSC/ စက်တင်ဘာလ ၂၇ရက်

ပြည်သူလူထုထံ မေတ္တာရပ်ခံပန်ကြားချက်

မိုးသည်းထန်စွာရွာသွန်းမှုများကြောင့် လက်ရှိတွင် ထားဝယ်ခရိုင်၊ လောင်းလုံးမြို့နယ်နှင့် သရက်ချောင်းမြို့နယ်တို့အတွင်းရှိ ပြည်သူများအနေဖြင့် ရေလွှမ်းမှုမိုးမှုများနှင့် တောင်ပြိုမှုများကို ဆိုးရွားစွာ ခံစားရလျက်ရှိပါသည်။

လက်ရှိအချိန်ထိ လောင်းလုံးမြို့နယ်အတွင်းရှိ ကျေးရွာပေါင်း ၃၀ ခန့်က ဒေသခံသောင်းချီ ရေဘေးသင့်နေပြီး တောင်ပြိုမှုများကြောင့် အသက်သေဆုံးမှုများနှင့် ပျောက်ဆုံးမှုများလည်း ရှိနေပါသည်။

ကျွန်တော်တို့ ထားဝယ်ခရိုင် ဒီမိုကရေစီအရေးလှုပ်ရှားမှုသပိတ်ကော်မတီဝင်များအနေဖြင့် သဘာဝဘေးသင့်နေသည့် အချို့နေရာများတွင် ဒေသခံများနှင့် ပူးပေါင်း၍ ကူညီကယ်ဆယ်ရေးလုပ်ငန်းများ ဆောင်ရွက်လျက်ရှိပါသည်။

သဘာဝဘေးသင့် ပြည်သူများအနေဖြင့် လက်ရှိတွင် အရေးပေါ်ကူညီကယ်ဆယ်ရေး၊ သောက်သုံးရေနှင့် စားနပ်ရိက္ခာများ အထူးအရေးတကြီး လိုအပ်လျက်ရှိပါသည်။

သို့ဖြစ်ပါ၍ မိဘပြည်သူများအနေဖြင့် နီးစပ်ရာ ကူညီကယ်ဆယ်ရေးအဖွဲ့များမှတဆင့် ထားဝယ်ခရိုင်အတွင်းရှိ သဘာဝဘေးသင့်ပြည်သူများထံ ဝိုင်းဝန်းကူညီပေးကြရန် မေတ္တာရပ်ခံအပ်ပါသည်။

လောင်းလုံးမြို့နယ်အတွင်း ကူညီကယ်ဆယ်ရေးလာရောက်ဆောင်ရွက်ပေးမည့် ကယ်ဆယ်ရေးအဖွဲ့များကိုလည်း ကျွန်တော်တို့အနေဖြင့် လိုအပ်သည်များကို ပံ့ပိုးကူညီပေးသွားမည်ဖြစ်ကြောင်း အသိပေးအပ်ပါသည်။

ဆက်သွယ်ရန် -

11/09/2026

DDMSC/ စက်တင်ဘာလ ၁၀ ရက်

■ စစ်အာဏာရှင်စနစ်ဆန့်ကျင်ရေး လူထုသပိတ်လှုပ်ရှားမှုများတွင် အသုံးပြုနိုင်ရန်အတွက် 'နွေဦးတမာန် အထောက်ပို့အဖွဲ့'မှ THB 2,900 ထောက်ပံ့လှူဒါန်းခဲ့သည့်အပေါ် ကျွန်ုပ်တို့ DDMSC အနေဖြင့် ဝမ်းမြောက်စွာ မှတ်တမ်းတင် ဂုဏ်ပြုပါသည်။

01/09/2026

■ ရ/သုံး/လက်ကျန် ငွေစာရင်းရှင်းတမ်း
DDMSC/ စက်တင်ဘာလ ၁ ရက်

ဒီမိုကရေစီအရေးလှုပ်ရှားမှုသပိတ်ကော်မတီ(DDMSC) ၏ ဩဂုတ်လကုန်အထိ ရ/သုံးငွေ လက်ကျန်စာရင်းရှင်းတမ်းအား အများပြည်သူသိရှိနိုင်ရန် တင်ပြအပ်ပါသည်။

01/08/2026

■ ငွေစာရင်းရှင်းတမ်း

DDMSC/ ဩဂုတ်လ ၁ ရက်

ဒီမိုကရေစီအရေးလှုပ်ရှားမှုသပိတ်ကော်မတီ(DDMSC)၊ လူမှုကူညီရေးဆပ်ကော်မတီ၏ ဂျူလိုင်ကုန်အထိ ငွေစာရင်းရှင်းတမ်းအား အများပြည်သူသိရှိနိုင်ရန် တင်ပြအပ်ပါသည်။

#လူမှုကူညီရေးဆပ်ကော်မတီ

01/08/2026

■ ရ/သုံး/လက်ကျန် ငွေစာရင်းရှင်းတမ်း

DDMSC/ ဩဂုတ်လ ၁ ရက်

ဒီမိုကရေစီအရေးလှုပ်ရှားမှုသပိတ်ကော်မတီ(DDMSC) ၏ ဂျူလကုန်အထိ ရ/သုံးငွေ လက်ကျန်စာရင်းရှင်းတမ်းအား အများပြည်သူသိရှိနိုင်ရန် တင်ပြအပ်ပါသည်။

$◾ ဝမ်းနည်းကြောင်းသဝဏ်လွှာDDMSC\ဂျူလိုင်လ ၂၂ ရက်ထားဝယ်ဒေသအတွင်း လူသားချင်းစာနာထောက်ထားရေး၊ ပညာရေး လုပ်ငန်းများ ဆောင်ရွက်န...$

22/07/2026

◾ ဝမ်းနည်းကြောင်းသဝဏ်လွှာ
DDMSC\ဂျူလိုင်လ ၂၂ ရက်

ထားဝယ်ဒေသအတွင်း လူသားချင်းစာနာထောက်ထားရေး၊ ပညာရေး လုပ်ငန်းများ ဆောင်ရွက်နေသည့် The Ants- Humanitarian Aid Team - Tanintharyi အဖွဲ့ ဦးဆောင်သူများဖြစ်ကြသော ကိုအောင်ဇော်ဖြိုး(ခ) ကိုအသာ၊ ကိုဝေယံအောင်(ခ) Leon နှင့် ကိုအောင်မြတ်သူ(ခ) ကိုသားငယ် တို့ (၃)ဦးကို အကြမ်းဖက်စစ်တပ်က ဖမ်းဆီးပြီး ရက်ရက်စက်စက် သတ်ဖြတ်ခဲ့ကြောင်း ဝမ်းနည်းကြေကွဲဖွယ် ကျွန်တော်တို့ကြားသိရပါသည်။

ကိုအောင်ဇော်ဖြိုး၊ ကိုဝေယံအောင်နှင့် ကိုအောင်မြတ်သူတို့ (၃) ဦးသည် ဒေသလိုအပ်ချက်ဖြစ်သည့် စစ်ရှောင်အရေး၊ ပညာရေးလုပ်ငန်းများကို အစဥ်တစိုက် ဆောင်ရွက်ခဲ့ကြသူများဖြစ်သည့်အပြင် တစ်ဖက်တွင်လည်း ဘဝတက်လမ်းအတွက် ပညာသင်ကြားခွင့်ရရေး အားသွန်ခွန်စိုက် ကြိုးပမ်းနေ ကြသည့် လူငယ်များဖြစ်သည့်အတွက် ယခုကဲ့သို့ သတ်ဖြတ်ခံရမှုအပေါ် လွန်စွာ ယူကြုံးမရဖြစ်ရသည်။

ဒေသအကျိုး အားသွန်ခွန်စိုက် ထမ်းဆောင်ရင်း ရက်ရက်စက်စက် သတ်ဖြတ်ခံလိုက်ရသည့် ၎င်းတို့အား ဆုံးရှုံးရမှုသည် ထားဝယ်ဒေသအတွက် တန်ဖိုးမဖြတ်နိုင်သည့် လူသားအရင်းအမြစ် ဆုံးရှုံးမှုတစ်ခုလည်း ဖြစ်သည်။

ကိုအောင်ဇော်ဖြိုး၊ ကိုဝေယံအောင်နှင့် ကိုအောင်မြတ်သူတို့ (၃) ဦး သတ်ဖြတ်ခံရမှုအပေါ် ကျန်ရစ်သူ မိသားစုဝင်များ၊ The Ants အဖွဲ့သားများနှင့်အတူ ကျွန်တော်တို့သည်လည်း အထူးဝမ်းနည်း ကြေကွဲရ ကြောင်းနှင့် ၎င်းတို့ (၃)ဦး ကောင်းရာသုဂတိ လားပါစေကြောင်း ဆုမွန်ကောင်း တောင်းရင်း ဤဝမ်းနည်း ကြောင်း သဝဏ်လွှာကို ပေးပို့လိုက်ရပါသည်။

Democracy Movement Strike Committee-Dawei

03/10/2026

01/10/2026

29/09/2026

28/09/2026

27/09/2026

11/09/2026

01/09/2026

01/08/2026

01/08/2026

22/07/2026

Address

Telephone

Website

Alerts

Contact The Organization

Shortcuts

Share

Category

Listing takedown request