07/03/2025
တိုက်ပွဲသတင်းထုတ်ပြန်ချက်
(၂၀၂၅)ခုနှစ်၊ မတ်လ၊ (၇)ရက်
========================
စစ်ကိုင်းတိုင်း၊ မုံရွာခရိုင်၊ ချောင်းဦးမြို့နယ်၊ ကင်မွန်းတော်(ပျူ)ရွာအား ဖေဖော်ဝါရီလ (၁၅)ရက် မနက် (၁၁)နာရီ (၂၃)မိနစ်အချိန်တွင် စစ်ကိုင်းတိုင်း၊ယင်းမာပင်မြို့နယ် ၊ တိုက်နယ်(၁) ပြည်သူ့ကာကွယ်ရေးအဖွဲ့ဖြစ်သည့် ကျနော်တို့ Chindwin Tiger Force အပါဝင် ယင်းမာပင်ခရိုင်အတွင်းမှ တော်လှန်ရေးအဖွဲ့များစွာဖြင့် ဖွဲ့စည်းထားသော ပြည်ထောင်စုလွတ်မြောက်ရေးတပ်ဦး Union liberation front (ULF)စစ်ကြောင်း (ယင်းမာပင်မြို့နယ် ပ.က.ဖ လက်ရုံးတပ်တော်) မှ
စတင်တိုက်ခိုက်ခဲ့ပြီး တိုက်ပွဲစတင်ဖြစ်ပွားချိန်၏ (၁)နာရီခန့်အကြာတွင် ချောင်းဦးမြို့ပေါ်ထွေအုပ်ရုံး၊ မိုးကောင်းဘုန်းကြီးကျောင်း၊ မြပုလဲ၊ ခင်မွန်ဘက်စုံံမွေးမြူရေး စစ်ကောင်စီအထိုင်စခန်းများမှ တိုက်ပွဲဖြစ်ပွားနေစဉ် (၁၂၀) မမ လက်နက်ကြီးများဖြင့် (၅၂)ကြိမ် ပစ်ကူပေးခဲ့ကြသည်။
ထို့အပြင် မိတ္ထီလာလေတပ် မှ FTC-2000G Jetfighter ဖြင့် ညနေ (၄)နာရီ (၁၂)မိနစ်တွင် လေကြောင်းတိုက်ခိုက်မှု (၅)ကြိမ်ပြုလုပ်ခဲ့ပါသည်။
ထို့နောက် ညနေ (၆)နာရီ (၁၇)မိနစ်ချိန် မုံရွာမြို့နယ် ညောင်ဖြူပင်စခန်း၊ မုံရွာမြို့နယ် တောပုပျူစောထီးရွာမှ စ.ခ ပူးပေါင်းအင်အား (၂၀၀)ခန့်ရှိသော စစ်ကူစစ်ကြောင်းနှင့် မိမိတို့၏ လမ်းကြောင်းဖြတ်တောက်ရေးတာဝန်ယူထားသော ရဲဘော်များနှင့် (၁၅)မိနစ်ခန့် ထိတွေ့တိုက်ပွဲဖြစ်ပွားခဲ့ပါသည်။
ကင်မွန်းတော်(ပျူ)ရွာ အရှေ့ဘက်ခြမ်းရှိ ဘန်ကာများ၊ ရွာမြောက်ဘက်ခြမ်းရှိ ဘန်ကာများ၊ စာသင်ကျောင်း၊ ဘုန်းကြီးကျောင်းတို့ကို သိမ်းပိုက်နိုင်ခဲ့ပြီး ည (၈)နာရီခန့်တွင် စစ်ကူစစ်ကြောင်း ကင်မွန်းတော်ရွာအနီး ချဉ်းကပ်လာ၍ မိမိတို့ရဲဘော်များ ဆုတ်ခွာပေးခဲ့ကြသည်။
ဖေဖော်ဝါရီလ (၁၆)ရက်ညနေ (၅)နာရီ (၄၂)မိနစ်ချိန်တွင် ချောင်းဦးမြို့တွင်းရောက် မုံရွာနမခ မှအင်အား (၇၀)ခန့်ဖြင့် အင်အားဖြည့် ရိက္ခာပို့ စစ်ကြောင်းသည် မိမိတို့ အသင့်ထောင်ထားသော မိုင်းထိပြီးအထိနာခဲ့ပါသည်။
ထို့နောက် (၇)နာရီ (၂)မိနစ်ခန့်တွင် ၎င်းစစ်ကြောင်းနှင့် ကျွန်ုပ်တို့ ဖြတ်တောက်ရေး ရဲဘော်များ ထိတွေ့တိုက်ပွဲဖြစ်ပွားခဲ့ပြီး ထိတွေ့ဖြစ်ပွားချိန်အတွင်း မြပုလဲ စကစ အထိုင်စခန်းမှ (၁၂၀) မမ လက်ကြီး (၂၁)ကြိမ် ပစ်ကူပေးခဲ့ပါသည်။
ထို့နောက် မိတ္ထီလာလေတပ်မှလည်း FTC-2000G Jet fighter ဖြင့် လေကြောင်းပစ်ကူ (၁)ကြိမ် ၊ နမခ မှ paramotor (၂)စီး ဖြင့် လေကြောင်း ပစ်ကူ (၂)ကြိမ် ပြုလုပ်ခဲ့ပါသည်။
ဖေဖော်ဝါရီလ(၁၇)ရက် ညနေ (၄)နာရီ (၃၀)မိနစ်ခန့်တွင် နမခ ၊ ညောင်ဖြူပင် စခန်း၊ တော်ပုပျူရွာမှ ကင်းမွန်တော်ရွာအတွင်းရောက်ရှိခဲ့သော စစ်ကူစစ်ကြောင်းမှ အင်အား အချို့ပြန်လည်ထွက်ခွာလာရာ မိမိတော်ရဲဘော်များနှင့် ထိတွေတိုက်ပွဲဖြစ်ပွားခဲ့ပါသည်။
၎င်းတိုက်ပွဲတွင် မြပုလဲ စကစ အထိုင်မှ (၁၂၀)မမ လက်နက်ကြီး (၂၃)ကြိမ်ပစ်ကူပေးခဲ့ပါသည်။ မိတ္ထီလာလေတပ်မှ Jet fighter ဖြင့် ည(၈)နာရီ (၃၁)မိနစ် နှင့် (၃၄)မိနစ်တို့တွင် လေကြောင်းတိုက်ခိုက် (၂)ကြိမ်ပစ်ကူပြုလုပ်ခဲ့ပါသည်။
၎င်းတိုက်ခိုက်မှုများအတွင်း ရန်သူ့ဘက်မှ (၂၃)ဦးခန့်သေဆုံးကာ ကျနော်တို့ စစ်ကြောင်းမှ ရဲဘော် (၂)ဦး နှင့်မဟာမိတ်တပ်ဖွဲ့မှ ရဲဘော် (၂)ဦး မြင့်မြတ်စွာ ကျဆုံးခဲ့ပါသည်။
ထို့နောက် (၂၀၂၅)ခု မတ်လ (၄)ရက် ညနေ (၃)နာရီ (၁၀)မိနစ် အချိန် မုံရွာမြို့တွင်းမှ ထွက်လာသော သံပြားကာကား (၂)စီးသည် ချောင်းဦးမြို့ကို ဖြတ်၍ မြင်းမူဘက်သို့ ဦးတည်ထွက်ခွာစဉ် မုံရွာ-မန္တလေး လမ်းတနေရာ မိမိတို့ ပူးပေါင်းမဟာမိတ်တပ်ဖွဲ့များက စောင့်ကြိုတိုက်ခိုက်ခဲ့ရာ စစ်ကောင်စီတပ်အထိနာခဲ့ပါသည်။
၎င်းတိုက်ခိုက်မှုအတွင်း ချောင်းဦးမြို့ပေါ် စစ်ကောင်စီ အထိုင်စခန်းဖြစ်သော စိုက်ကွင်းရုံးနှင့် မြပုလဲ စကစ အထိုင်စခန်း တို့မှ (၁၂၀)မမ လက်နက်ကြီး (၁၀၆) ကြိမ်ပစ်ကူပေးခဲ့ကာ နမခ မှ အင်ဂျင်တပ်လေထီးဖြင့် (၂)ကြိမ် လေကြောင်းပစ်ကူပေးခဲ့ပါသည်။
၎င်းတိုက်ခိုက်မှုမှ စစ်ကောင်စီ၏ သံပြားကာကား (၂) စီး၊ MA 1 (၄) လက်၊ MA 3 (၁) လက်၊ MA 11 (၃) လက်၊ G 3 (၁) လက်၊G 1(၁)လက် ၊ 60 mm စိန်ပြောင်း (၁) လက်၊ Lala (၁) လက် ၊ ကျည်ဘောက်မျိုးစုံ (၂၂)ဘောက် သိမ်းဆည်းရရှိပါသည်။သံပြားကာ ကား (၂) စီးမှာ မောင်းနှင်မရတော့သဖြင့် မီးရှို့ဖျက်ဆီးခဲ့ပါသည်။
၎င်းတိုက်ခိုက်မှုကို စစ်ကိုင်းတိုင်း၊ယင်းမာပင်မြို့နယ် ၊ တိုက်နယ်(၁) ပြည်သူ့ကာကွယ်ရေးအဖွဲ့ဖြစ်သည့် ကျနော်တို့ Chindwin Tiger Forceအပါဝင် ယင်းမာပင်ခရိုင်အတွင်းမှ တော်လှန်ရေးအဖွဲ့များစွာဖြင့် ဖွဲ့စည်းထားသော ပြည်ထောင်စုလွတ်မြောက်ရေးတပ်ဦး Union liberation front (ULF)စစ်ကြောင်း (ယင်းမာပင်မြို့နယ် ပ.က.ဖ လက်ရုံးတပ်တော်) နှင့် ပူးတွဲတာဝန်ထမ်းဆောင်လျှက်ရှိသော ချောင်းဦးမြို့နယ် ပကဖ တိုက်ခိုက်ရေးတပ် CHU PDF ၊ B21 PDF ယင်းမာပင်ခရိုင် တပ်ရင်း ၁၇ ၊ ရတနာပုံ ၊ Chindwin Brother ၊ Bandula Defence Force (ဘုတလင်) ၊ Three Brothers Force (ကနီ) ၊ Special Force 11 ၊ Immortal Guerrilla Force ၊ Sagaing District Drone Team (SDDT) တို့မှ ပူးတွဲ မစ်ရှင်ဆောင်ရွက်ခဲ့ကြသည်။
SRC (Spring Revolution Cilinic) မှ ဆေးဘက်ဆိုင်ရာ အကူအညီပေးခဲ့ပြီး ရင်းမြစ်ဌာနေ လေကြောင်းအထိုင်မှ လေကြောင်းကင်းထောက်မှု ကူညီပေးခဲ့ပါသည်။
# အရေးတော်ပုံ မုချအောင်ရမည်။
# chindwintigerforce
