Public Voice Television

Public Voice Television Public Voice is Public Power.
(729)

ပြည်သူ့ကာကွယ်ရေးတပ်မတော် SOG တပ်ရင်းတည်ထောင်ခြင်း (၃)နှစ်ပြည့် အခမ်းအနား ကျင်းပသြဂုတ် ၁၄ ၊ ၂၀၂၆အမျိုးသားညီညွတ်ရေးအစိုးရ...
14/08/2026

ပြည်သူ့ကာကွယ်ရေးတပ်မတော် SOG တပ်ရင်းတည်ထောင်ခြင်း (၃)နှစ်ပြည့် အခမ်းအနား ကျင်းပ
သြဂုတ် ၁၄ ၊ ၂၀၂၆

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ အထူးတိုင်းစစ်ဌာန၊ နည်းဗျူဟာ(၃၇)၊ - Special Operation Group - SOG တပ်ရင်းတည်ထောင်ခြင်း (၃)နှစ်ပြည့် အခမ်းအနားကို မနေ့က ကျင်းပခဲ့တယ်လို့ သိရပါတယ်။

Special Operation Group - SOG တပ်ရင်းတည်ထောင်ခြင်း (၃)နှစ်ပြည့် အခမ်းအနားကို သြဂုတ် ၁၃ ရက်က တပ်ရင်းအထိုင်ချရာ စခန်းမှာ အစီအစဥ် (၄) ရပ်နဲ့ ပြုလုပ်ခဲ့တာပါ။

အခမ်းအနားမှာ ပြည်သူ့ကာကွယ်ရေးတပ်မတော် အလံတော်အား အလေးပြုခြင်း နဲ့ သစ္စာအဓိဌာန်ရွတ်ဆိုကာ ဒု-တပ်ရင်းမှူးမှ ကာကွယ်ရေးဝန်ကြီးဌာနမှ ပေးပို့တဲ့ ဂုဏ်ပြုသဝဏ်လွှာအား ဖတ်ကြားခဲ့တယ်လို့ ဆိုပါတယ်။

ဒါ့အပြင် SOG တပ်ရင်းရှိ Column တာဝန်ခံအသီးသီးမှ တပ်တည်ထောင်ခြင်း(၃)ပြည့် နှစ်ပတ်လည်အတွက် အမှတ်တရစကား ပြောကြားတာ နဲ့ SOG တပ်ရင်းရှိ ရဲဘော်များမှ နှစ်ပတ်လည်အတွက် အမှတ်တရ စကားများ ပြောကြားတာတွေ ပြုလုပ်ခဲ့ကြပါတယ်။

Special Operation Group - SOG တပ်ရင်းကို ၂၀၂၃ ခုနှစ်၊ ဩဂုတ်လ ၁၃ရက်မှာ တရားဝင် စတင်ဖွဲ့စည်းခဲ့ပြီး ကရင်ပြည်နယ် တပ်မဟာ(၆)၊ ကော့ကရိတ် တောင်ပိုင်း စခန်းသိမ်းတိုက်ပွဲများ နဲ့ စစ်ဆင်ရေးများစွာကို အကောင်အထည်ဖော်ဆောင်ရွက်ခဲ့တယ်လို့ သိရှိရပါတယ်။





Telegram Channel -https://t.me/pvtvmyanmar
PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တတပ်တအား ပါဝင်ကူညီနိုင်ပြီဖြစ်ပါတယ်။

ပြည်သူ့ကာကွယ်ရေး တပ်မတော် (PDF) တပ်ရင်း၊ တပ်ဖွဲ့၊ စစ်ကြောင်း (၃၆၀) ကျော်အထိ ရှိတယ်လို့ ကာကွယ်ရေးဝန်ကြီးဌာန အသိပေး◾တပ်ရင်...
14/08/2026

ပြည်သူ့ကာကွယ်ရေး တပ်မတော် (PDF) တပ်ရင်း၊ တပ်ဖွဲ့၊ စစ်ကြောင်း (၃၆၀) ကျော်အထိ ရှိတယ်လို့ ကာကွယ်ရေးဝန်ကြီးဌာန အသိပေး
◾တပ်ရင်းထောက်ပံ့မှုကို ယခုနှစ်မှစတင်ပြီး တစ်ကြိမ်လျှင် အမေရိကန်ဒေါ်လာ ၁ဒသမ၃သန်း ခန့် အထိ တိုးမြှင့်ထောက်ပံ့နေ
ဩဂုတ် ၁၄ ၊ ၂၀၂၆

ပြည်သူ့ကာကွယ်ရေး တပ်မတော် (PDF) တပ်ရင်း၊ တပ်ဖွဲ့၊ စစ်ကြောင်း (၃၆၀) ကျော်အထိ ရှိတယ်လို့ အမျိုးသားညီညွတ်ရေးအစိုးရ ၊ ကာကွယ်ရေးဝန်ကြီးဌာန က ဒီနေ့မှာ အသိပေးထုတ်ပြန်ပါတယ်။

ကာကွယ်ရေးဝန်ကြီးဌာနအနေဖြင့် ပြည်သူ့ကာကွယ်ရေး တပ်မတော် (PDF) တပ်ရင်း၊ တပ်ဖွဲ့များ စတင်ဖွဲ့စည်းတဲ့ အချိန်မှစတင်ပြီး တပ်ရင်းထောက်ပံ့မှု စုစုပေါင်း (၃၈) ကြိမ်အထိ ပေးအပ်ခဲ့ပြီး တစ်ကြိမ်လျှင် ပျမ်းမျှအားဖြင့် ခန့်မှန်းအမေရိကန်ဒေါ်လာ ၀ဒသမ၉၆ သန်းခန့် အထိ သုံးစွဲခဲ့တယ် လို့ အသိပေးထားပါတယ်။

အဲဒီလိုထောက်ပံ့မှုကို နိုင်ငံနဲ့တဝှမ်း ဖွဲ့စည်းထားရှိတဲ့ ပြည်သူ့ကာကွယ်ရေး တပ်မတော် (PDF) တပ်ရင်း၊ တပ်ဖွဲ့၊ စစ်ကြောင်း (၃၆၀) ကျော်ကို ဖြန့်ဝေခဲ့ခြင်းဖြစ်ပြီး ၂၀၂၆ ခုနှစ်မှ စတင်ကာ တပ်ရင်း ထောက်ပံ့မှု တစ်ကြိမ်လျှင် အမေရိကန်ဒေါ်လာ (၁.၃) သန်းခန့်အထိ တိုးမြှင့် ထောက်ပံ့လျက်ရှိတယ်လို့ ဖော်ပြထားပါတယ်။

ဒါအပြင် ပြည်သူ့ကာကွယ်ရေးအဖွဲ့ (ပကဖ) တိုက်ခိုက်ရေး တပ်ရင်း၊ အဖွဲ့ များကိုလည်း (၃၆) ကြိမ်မြောက်မှ စတင်ပြီး တိုးချဲ့ ထောက်ပံ့လျက်ရှိတယ်လို့ ထုတ်ပြန်ချက်မှာ အသိပေးထားပါတယ်။

ယနေ့အချိန်အထိ သုံးစွဲခဲ့တဲ့ တပ်ရင်းထောက်ပံ့စရိတ်တွေရဲ့ (၈၅) ရာခိုင်နှုန်းကျော် ခန့်မှန်း အမေရိကန်ဒေါ်လာ သန်း (၃၀) ကို ပြည်သူ့တော်လှန်ရေးထောက်ပို့တပ် (PRF) အစီအစဥ်ရဲ့ (၄၆) လ တာအတွင်း (၂၀၂၁ ခုနှစ် ဒီဇင်ဘာလမှ ၂၀၂၅ ခုနှစ် စက်တင်ဘာလအထိ) ကောက်ခံရရှိတဲ့ ဘဏ္ဍာငွေများ မှ ထုတ်နှုတ်ပြီး သုံးစွဲခဲ့တာဖြစ်တယ်လို့ ဆိုပါတယ်။

ကာကွယ်ရေးဝန်ကြီးဌာနအနေဖြင့် ပြည်သူ့တော်လှန်ရေးထောက်ပို့တပ် (PRF) စတင်တဲ့ အချိန်မှ ယနေ့တိုင် ခိုင်မာတဲ့ သန္နိဋ္ဌာန်၊ ပြတ်သားတဲ့ ယုံကြည်ချက်တို့ဖြင့် တာဝန်ထမ်းဆောင် ခဲ့ကြသူ တစ်ဦးချင်းစီကို အထူးဂုဏ်ပြုမှတ်တမ်းတင်တယ်လို့ ဖော်ပြထားပါတယ်။

လက်ရှိပြည်သူ့တော်လှန်ရေးက အရေးကြီးဆုံးသော အဆုံးအဖြတ်ကာလသို့ ရောက်ရှိနေပြီဖြစ်ရာ ပြည်သူတစ်ရပ်လုံးရဲ့ စုပေါင်း အင်အားဖြင့်သာ မလွဲဧကန် အောင်ပွဲရရှိမှာ ဖြစ်တယ်ဆိုတာနဲ့ ပြည်သူတွေအနေနဲ့ PRF အစီအစဥ်နဲ့တွ အမျိုးသားညီညွတ်ရေးအစိုးရရဲ့ ဘဏ္ဍာငွေ ရှာဖွေရေး လုပ်ငန်းစဥ်တွေမှာ တတ်စွမ်းသမျှ အင်တိုက်အားတိုက် ပါဝင်ပူးပေါင်းပေးကြဖို့အတွက်လည်း ကာကွယ်ရေးဝန်ကြီးဌာနက တိုက်တွန်းနှိုးဆော်ထားပါတယ်။





Telegram Channel -https://t.me/pvtvmyanmar
PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တတပ်တအား ပါဝင်ကူညီနိုင်ပြီဖြစ်ပါတယ်

14/08/2026

PVTV Daily News (14 August 2026)

ဒီနေ့ ဩဂုတ် ၁၄ ရက် သောကြာနေ့အတွက် တင်ဆက်ပေးမယ့် သတင်းခေါင်းစဉ်တွေကတော့.....

- ကြားကာလဒေသန္တရပြည်သူ့အုပ်ချုပ်ရေးဖော်ဆောင်မှု ဗဟိုကော်မတီ အစည်းအဝေး ပြုလုပ်ခဲ့တဲ့သတင်း၊

- အမျိုးသားညီညွတ်ရေးအစိုးရ ဒုဝန်ကြီးနှစ်ဦး ဦးဆောင်တဲ့အဖွဲ့က ထိခိုက်မှုအများဆုံး ရေဘေးသင့်ဒေသတွေကို သွားရောက်ပြီး ထောက်ပံ့ကူညီမှုတွေ ပြုလုပ်နေတဲ့သတင်း၊

- အကြမ်းဖက်စစ်အုပ်စုက အာရက္ခပြည်ထဲ ထိုးဖောက်ဝင်ရောက်နိုင်ဖို့ တိုင်းနဲ့ပြည်နယ် (၄) ခုကနေ ထိုးစစ်ဆင်နေတာကြောင့် တိုက်ပွဲတွေ ပြင်းထန်နေတဲ့သတင်း၊

- တောင်သာမြို့နယ်မှာ အကြမ်းဖက်စစ်တပ်ရဲ့ ဒုဗိုလ်ကြီးတစ်ဦးကို အသေဖမ်းဆီးခဲ့တဲ့ သတင်းနဲ့

- တပ်ကုန်းမြို့နယ်ကို စစ်ကြောင်းထိုးဝင်လာတဲ့ အကြမ်းဖက်စစ်တပ်ကို မိုင်းဆွဲတိုက်ခိုက်ခဲ့ရာ ရန်သူ (၆) ဦး သေဆုံးခဲ့တဲ့ သတင်းတွေပဲဖြစ်ပါတယ်။




14/08/2026

ဦးသူပိုင်တဲ့ ဦးပိုင်စုငွေ

ဒီတစ်ပတ်စကားသံအစီအစဉ်မှာတော့ စစ်တပ်တွင်းကအောက်ခြေရဲဘော်တွေနဲ့ ရဲမေတွေကြုံတွေ့ရတဲ့ဒုက္ခတွေအပါအဝင် ဦးပိုင်စုငွေတွေကိုလည်း အထက်အရာရှိတွေအဆင့်ဆင့် ခေါင်းပုံဖြတ်ပုံတွေကို တင်ဆက်ပေးလိုက်ပါတယ်။

+ #စစ်ကောင်စီ #ဦးပိုင်

"စစ်ကိုင်းရေဘေး ဖေးမစာနာကူညီပေး" ကမ်ပိန်းကနေ ရရှိငွေတွေထဲက ကျပ်သိန်း ၅၀၀ ကို ရေဘေးသင့်ပြည်သူတွေရဲ့ စားနပ်ရိက္ခာထောက်ပံ့မ...
14/08/2026

"စစ်ကိုင်းရေဘေး ဖေးမစာနာကူညီပေး" ကမ်ပိန်းကနေ ရရှိငွေတွေထဲက ကျပ်သိန်း ၅၀၀ ကို ရေဘေးသင့်ပြည်သူတွေရဲ့ စားနပ်ရိက္ခာထောက်ပံ့မှုအဖြစ် ပထမအကြိမ်လွှဲပြောင်းပေး
ဩဂုတ် ၁၄ ၊ ၂၀၂၆

နွေဦးလူထုရန်ပုံငွေ (Spring CrowdFund - SCF) က ပြုလုပ်တဲ့ "စစ်ကိုင်းရေဘေး ဖေးမစာနာကူညီပေး" ကမ်ပိန်းကနေ ရရှိငွေတွေထဲက ကျပ်သိန်း ၅၀၀ ကို ရေဘေးသင့်ပြည်သူတွေရဲ့ စားနပ်ရိက္ခာထောက်ပံ့မှုအဖြစ် အမျိုးသားညီညွတ်ရေးအစိုးရ ထံ လွှဲပြောင်းပေးအပ်ခဲ့တယ်လို့ ဒီနေ့မှာ ထုတ်ပြန်ပါတယ်။

"စစ်ကိုင်းရေဘေး ဖေးမစာနာကူညီပေး" ကမ်ပိန်းကနေ ရရှိငွေတွေကို Spring CrowdFund (SCF) က လူမှုရေးရာ ၊ အလုပ်သမား နှင့် လူသားချင်းစာနာထောက်ထားရေးဝန်ကြီးဌာန ထံ အမြန်ဆုံး လွှဲပြောင်းပေးနိုင်ခဲ့တယ်လို့ အသိပေးထားပါတယ်။

ဒါအပြင် ထပ်မံရရှိလာတဲ့ အရေးပေါ် ထောက်ပံ့လှူဒါန်းငွေတွေကိုလည်း ရေဘေးသင့် ပြည်သူ များအတွက် အမြန်ဆုံးလွှဲပြောင်းပေးသွားမှာဖြစ်ပြီး၊ ပြည်တွင်းပြည်ပမှ အလှူရှင်ပြည်သူ များအားလုံးကို ဆက်လက် ပါဝင်ပေးကြဖို့အတွက်လည်း အလေးအနက်ထား မေတ္တာရပ်ခံထားပါ တယ်။

နွေဦးလူထုရန်ပုံငွေ (Spring CrowdFund - SCF) က ရေဘေးသင့် စစ်ကိုင်းယူနစ်အတွက် “စစ်ကိုင်းရေဘေး ဖေးမစာနာကူညီပေး” ကမ်ပိန်း ကို လုပ်ဆောင်နေပါတယ်။ ကမ်ပိန်းကာလက ဩဂုတ် ၁၀ ရက် ကနေ စက်တင်ဘာ ၁ ရက်အထိ ဖြစ်ပါတယ်။

ဒီကမ်ပိန်းကနေရရှိလာမယ့် အလှူငွေတွေ အားလုံးကို အမျိုးသားညီညွတ်ရေးအစိုးရ ၊ လူသားချင်း စာနာထောက်ထားရေး ဝန်ကြီးဌာန ဆီသို့ အမြန်ဆုံး လွှဲပြောင်းပေးသွားမှာဖြစ်ပြီး ကူညီကယ်ဆယ်ရေးတွေအတွက် တိုက်ရိုက် ထောက်ပံ့ပေးသွားမှာပါ။

ရေဘေးသင့် ဒေသမှာ အထူးလိုအပ်နေတာတွေက စက်လှေ နဲ့ သယ်ယူပို့ဆောင်ရေး ၊ စားနပ်ရိက္ခာ သောက်သုံးရေ ၊ ဆေးဝါး နဲ့ ကျန်းမာရေးစောင့်ရှောက်မှု ၊ ယာယီနေရာထိုင်ခင်း နဲ့ ကယ်ဆယ်ရေး ပစ္စည်းတွေ ဖြစ်တယ်လို့ SCF အသိပေးထားပါတယ်။

“စစ်ကိုင်းရေဘေး ဖေးမစာနာကူညီပေး” အတွက် လှူဒါန်းမယ်ဆိုရင် springcrowdfund.org/c/i1Y1jk ကနေ လှူဒါန်းနိုင်ပါတယ်။





Telegram Channel -https://t.me/pvtvmyanmar
PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တတပ်တအား ပါဝင်ကူညီနိုင်ပြီဖြစ်ပါတယ်။

ရွှေဘို‌ထောင်မှာ အသက် (၈၂) နှစ်အရွယ် နိုင်ငံရေးအကျဥ်းသူ ၁ ဦး အစာအိမ်ကင်ဆာရောဂါနဲ့ ကျဆုံးသြဂုတ် ၁၄၊ ၂၀၂၆အကြမ်းဖက်စစ်အုပ်...
14/08/2026

ရွှေဘို‌ထောင်မှာ အသက် (၈၂) နှစ်အရွယ် နိုင်ငံရေးအကျဥ်းသူ ၁ ဦး အစာအိမ်ကင်ဆာရောဂါနဲ့ ကျဆုံး

သြဂုတ် ၁၄၊ ၂၀၂၆

အကြမ်းဖက်စစ်အုပ်စု လက်အောက်ခံ စစ်ကိုင်း၊ ရွှေဘိုထောင်မှာ မတရားထိန်းသိမ်းခံထားရတဲ့ အသက် (၈၂) နှစ်အရွယ် နိုင်ငံရေးအကျဥ်းသူ ၁ ဦး အစာအိမ်ကင်ဆာနဲ့ မနေ့က ကျဆုံးခဲ့တယ်လို့ နိုင်ငံရေးအကျဥ်းသူများအဖွဲ့မှ ဒီနေ့ ထုတ်ပြန်ပါတယ်။

အသက် (၈၂) နှစ်အရွယ် နိုင်ငံရေးအကျဥ်းသူဟာ အစာအိမ်ကင်ဆာရောဂါနဲ့ သြဂုတ် ၁၃ ရက်၊ နေ့လည်ပိုင်းအချိန်မှာ ကျဆုံးခဲ့ရတာပါ။

ကျဆုံးသွားတဲ့ နိုင်ငံရေးအကျဥ်းသူဟာ ၂၀၂၃ ခုနှစ်မှာ ပုဒ်မ ၅၂(က)နဲ့ ထောင် ၇ နှစ် မတရားချခံထားရပြီး၊ ဗိုက်အောင့်ဝေဒေနာ ခံစားနေရ သူတစ်ဦးဖြစ်ပါတယ်။

ဖမ်းဆီးခံရပြီးတဲ့နောက် ထောင်တွင်း လုံလောက်တဲ့ ဆေးဝါးကုသမှုရရှိဖို့ အကြိမ်ကြိမ်‌‌တောင်းဆိုခဲ့ရာ၊ ငြင်းပယ်ခံရပြီး၊ ရောဂါအခြေအနေ အလွန်ဆိုးရွာလာချိန် အသက်ဆုံးရှုံးဖို့ ၃ လ ခန့် အလို မေလမှာ ပြင်ပဆေးရုံသို့ တက်ရောက်ကုသခွင့်ရခဲ့ပြီး၊ အချိန်မီ ဆေးကုသခွင့်မရခဲ့တဲ့အတွက် ရောဂါကျွမ်းကာ ကျဆုံးသွားခဲ့တာပါ။

အခုအခါ အကျဥ်းထောင်တွေအတွင်း ကင်ဆာရောဂါ ဖြစ်ပွားမှုမှာ နိုင်ငံရေးအကျဥ်းသူ အမျိုးသမီး ၈ ဦးခန့် ရှိလာပြီဖြစ်ပြီး၊ အချိန်မီ ဆေးကုသခွင့်မရခြင်း၊ ထောင်ပြင်ပဆေးရုံသို့ တက်ရောက်ကုသခွင့် ပိတ်ပင်ခံရခြင်း၊ ကုသခွင့်ရဖို့ ရက်အကန့်အသတ်မရှိ စောင့်ဆိုင်းနေ နေရတယ်လို့ ဆိုပါတယ်။

အကြမ်းဖက်စစ်အုပ်စု အာဏာသိမ်းပြီးနောက်ပိုင်း အကျဥ်းထောင်တွေမှာ မတရားဖမ်းဆီးခံ နိုင်ငံရေးအကျဥ်းသူတွေဟာ ထောင်တွင်း အာဟာရပြည့်ဝစွာ မရတာ၊ သန့်ရှင်းသပ်ရပ်တဲ့ ပတ်ဝန်းကျင်မရှိတာတို့ကြောင့် နိုင်ငံရေး အကျဥ်းသူတွေမှာ ပါးစောင်ကင်ဆာ၊ အစာအိမ်ကင်ဆာ၊ သားအိမ်ခေါင်းကင်ဆာ ၊ ရင်သားကင်ဆာ စတဲ့ ကင်ဆာရောဂါတွေနဲ့ အမျိုးသမီးရောဂါ ဝေဒနာတွေကို ဆိုးရွားပြင်းထန်စွာ ခံစားနေကြရပါတယ်။

ဆက်လက်ပြီး မတရား ဖမ်းဆီးခံ နိုင်ငံရေးအကျဥ်းသူတွေရဲ့ လူ့အခွင့်အရေး ချိုးဖောက်ခံရမှု၊ ရုပ်ပိုင်း၊ စိတ်ပိုင်း ဖိနှိပ်ခံရမှုတွေနဲ့ လုံလောက်တဲ့ ဆေးဝါးကုသခွင့် ရရှိရေးတို့အတွက် စဥ်ဆက်မပြတ် စောင့်ကြည့်ကာ၊ နိုင်ငံရေးအကျဥ်းသူတွေ ပြန်လည်လွတ်မြောက် လာတဲ့အထိ ဆက်လက်ရပ်တည်သွားမယ်လို့ ဖော်ပြထားပါတယ်။





Telegram Channel -https://t.me/pvtvmyanmar
PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တတပ်တအား ပါဝင်ကူညီနိုင်ပြီဖြစ်ပါတယ်။

14/08/2026

အမျိုးသားညီညွတ်ရေးအစိုးရ၊ လူမှုရေးရာ၊ အလုပ်သမားနှင့် လူသားချင်းစာနာ ထောက်ထားရေး ဝန်ကြီးဌာနမှ ဒုတိယဝန်ကြီး ဒေါက်တာငိုင်းတမ်မောင်း နဲ့ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ ဒုတိယဝန်ကြီး ခွန်းစောဖူးတို့ ဦးဆောင်တဲ့အဖွဲ့ က စစ်ကိုင်းဖက်ဒရယ် ယူနစ်အစိုးရ ရဲ့ သက်ဆိုင်ရာ မြို့နယ်ပြည်သူ့အုပ်ချုပ်‌ရေး၊ ကျန်းမာရေးနဲ့ လူသားချင်းစာနာ ထောက်ထားရေး တာဝန်ခံတွေနဲ့အတူ ထိခိုက်မှုအများဆုံးမြို့နယ်တွေကို သွားရောက်ကာ ကွင်းဆင်း ထောက်ပံ့မှုတွေ ပြုလုပ်ခဲ့တာပါ။

14/08/2026

ဥရောပသမဂ္ဂ(အီးယူ) က မြန်မာနိုင်ငံအတွင်းက ထိခိုက်ခံစားရတဲ့သူတွေအတွက် လူသားချင်းစာနာမှု အကူအညီအဖြစ် ယူရို ၁၀ဒသမ ၅ သန်း ထောက်ပံ့ခဲ့တယ်လို့ မနေ့က ထုတ်ပြန်ပါတယ်။

အခုထပ်မံပေးအပ်တဲ့ ယူရို ၁၀ ဒသမ ၅ သန်းကြောင့် ယခုနှစ်အတွက် အီးယူရဲ့ လူသားချင်စာနာမှု ဆိုင်ရာအကူအညီ စုစုပေါင်း ပမာဏက ယူရို ၄၉ဒဿမ၁ သန်းအထိ ရှိလာခဲ့ပြီလို့လည်း သိရပါတယ်။

အကြမ်းဖက်စစ်အုပ်စုရဲ့ မတရားအာဏာလုယူမှုစတင်ချိန် ၂၀၂၁ ခုနှစ် ဖေဖော်ဝါရီကစတင်ဖြစ်ပွား နေတဲ့ ပဋိပက္ခတွေကြောင့် လူပေါင်း တစ်သိန်းကျော် သေဆုံးခဲ့ရပြီဖြစ်တယ်လို့လည်း အီးယူက ထုတ်ပြန်ထားပါတယ်။

တပ်ကုန်းမြို့နယ်ကို စစ်ကြောင်းထိုးဝင်လာတဲ့ အကြမ်းဖက်စစ်တပ်ကို မိုင်းဆွဲတိုက်ခိုက်ခဲ့ရာ ရန်သူ ၆ ဦးသေဆုံးသြဂုတ် ၁၄ ၊ ၂၀၂၆...
14/08/2026

တပ်ကုန်းမြို့နယ်ကို စစ်ကြောင်းထိုးဝင်လာတဲ့ အကြမ်းဖက်စစ်တပ်ကို မိုင်းဆွဲတိုက်ခိုက်ခဲ့ရာ ရန်သူ ၆ ဦးသေဆုံး

သြဂုတ် ၁၄ ၊ ၂၀၂၆

နေပြည်တော်ကောင်စီနယ်မြေ၊ တပ်ကုန်းမြို့နယ်အတွင်းကို စစ်ကြောင်းထိုးဝင်ရောက်လာတဲ့ အကြမ်းဖက်စစ်ကြောင်းကို မိုင်းဆွဲတိုက်ခိုက်ခဲ့ရာ ရန်သူတပ်သား ၆ ဦးသေဆုံးပြီး ၈ ဦးထိခိုက်ဒဏ်ရာရရှိသွားတယ်လို့ ဗိဿနိုးပြည်သူ့ကာကွယ်ရေးတပ်မတော်၊ စစ်ဦးစီးတပ်ထံမှ သိရပါတယ်။

သြဂုတ် ၁၀ ရက်မှာ တပ်ကုန်းမြို့၊ ရတနာမြေဘက်မှ ကန်နှစ်ဆင့်ရွာဘက်သို့ အင်အား ၆၀ ခန့်စီနဲ့ စစ်ကြောင်း ၂ ကြောင်းအပြိုင်ထိုးလာခဲ့တဲ့ အကြမ်းဖက်စစ်တပ်ကို မနက် ၁၀ နာရီ ၄၈ မိနစ်မှာ ချောင်းဆုံရွာနဲ့ ကန်နှစ်ဆင့်ရွာကြားမှာ ပဒေသာမိုင်း ၈ လုံးနဲ့ အနီးကပ်မိုင်းဆွဲ တိုက်ခိုက်ခဲ့တာပါ။

အဲဒီမိုင်းဆွဲ တိုက်ခိုက်မှုကြောင့် အကြမ်းဖက်စစ်သား ၆ ဦးနေရာမှာတင် ပွဲချင်းပြီးသေဆုံးကာ နောက်ထပ် တပ်သား ၈ ဦး ထိခိုက်ဒဏ်ရာ ပြင်းထန်စွာ ရရှိခဲ့တယ်လို့ ဆိုပါတယ်။

မိုင်းဆွဲခံလိုက်ရတဲ့ အကြမ်းဖက်စစ်ကြောင်းဟာ ထပ်မံ မိုင်းဆွဲခံရမှာကို စိုးရိမ်တဲ့အတွက် မောင်းခွက်ရွာမှ ပြည်သူ့လှည်းတွေကို မတရားသိမ်းဆည်းသွားတဲ့အပြင် လှည်းမရှိတဲ့ ပြည်သူတွေကို လူသားဒိုင်းအဖြစ် မတရားအတင်းအဓမ္မ ဖမ်းဆီးခေါ်ဆောင်ကာ သေဆုံး၊ ဒဏ်ရာရသူတွေကို သယ်ဆောင်ပြီး အမြန်လမ်းဘက်သို့ ပြန်လည်ဆုတ်ခွာသွားခဲ့ပါတယ်။

ဒါ့အပြင် မောင်းခွက်မှ အောင်သပြေရွာဘက်ကို အပြိုင်စစ်ကြောင်းထိုးလာတဲ့ အင်အား ၆၀ ခန့်ပါ အခြားစစ်ကြောင်းတစ်ကြောင်းမှာလည်း မိုင်းဆွဲခံရတဲ့ အသံကြားပြီးနောက် ချောင်းဆုံရွာဘက်သို့ လမ်းကြောင်းပြောင်းလာခဲ့ပြီး လက်ရှိကန်နှစ်ဆင့်ရွာမှာ ရောက်ရှိနေတယ်လို့ ဆိုပါတယ်။

အဲဒီစစ်ဆင်ရေးကို ဗိဿနိုးပြည်သူ့ကာကွယ်ရေးတပ်မတော်၊ စစ်ဦးစီးတပ်က တိုက်ခိုက်ခဲ့တာဖြစ်ပြီး၊ ပါဝင်ခဲ့တဲ့ ကာကွယ်ရေးရဲဘော်တွေအားလုံး ထိခိုက်အန္တရာယ်မရှိဘဲ ဘေးကင်းစွာ ပြန်လည်ဆုတ်ခွာနိုင်ခဲ့တယ်လို့ ထုတ်ပြန်ထားပါတယ်။





Telegram Channel -https://t.me/pvtvmyanmar
PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တတပ်တအား ပါဝင်ကူညီနိုင်ပြီဖြစ်ပါတယ်။

အကြမ်းဖက်စစ်အုပ်စုက အာရက္ခပြည်ထဲ ဝင်နိုင်ဖို့ တိုင်းနဲ့ပြည်နယ် ၄ ခုကနေ ထိုးစစ်ဆင်နေလို့ တိုက်ပွဲတွေ ပြင်းထန်နေဩဂုတ် ၁၄၊ ...
14/08/2026

အကြမ်းဖက်စစ်အုပ်စုက အာရက္ခပြည်ထဲ ဝင်နိုင်ဖို့ တိုင်းနဲ့ပြည်နယ် ၄ ခုကနေ ထိုးစစ်ဆင်နေလို့ တိုက်ပွဲတွေ ပြင်းထန်နေ

ဩဂုတ် ၁၄၊ ၂၀၂၆

အာရက္ခပြည်ထဲ ထိုးဖောက်ဝင်နိုင်ဖို့အတွက် အကြမ်းဖက်စစ်အုပ်စုက တိုင်းနဲ့ပြည်နယ် ၄ ခုကနေ ထိုးစစ်ဆင်နေတာကြောင့် တိုက်ပွဲတွေ ပြင်းထန်နေတယ်လို့ အာရက္ခတပ်တော် သတင်းနှင့်ပြန်ကြားရေးက ထုတ်ပြန်ပါတယ်။

အာရက္ခပြည်အတွင်းကို ထိုးဖောက်ဝင်ရောက်ဖို့အတွက် အာရက္ခဒေသနဲ့ ထိစပ်နေတဲ့တိုင်း (၃) တိုင်း၊ ပြည်နယ် (၁) ခုကနေ ထိုးစစ်ဆင်တိုက်ခိုက်မှုကို ပုံစံအမျိုးမျိုး၊ နည်းလမ်းအမျိုးမျိုးနဲ့အကြိမ်ကြိမ် ပြုလုပ်နေခဲ့တာ တစ်နှစ်ကျော် နှစ်နှစ်နီးပါးခန့် ရှိလာခဲ့ပြီဖြစ်တယ်လို့ ဖော်ပြထားပါတယ်။

အဲဒီလို့ ထိုးဖောက်ဝင်ရောက်ဖို့ အားထုတ်နေတဲ့နေရာတစ်ခုဖြစ်တဲ့ ရက္ခိုင်-ဧရာဝတီ အစပ်နေရာတွေမှာ တိုက်ပွဲတွေ အခုရက်တွေအတွင်း ဆက်လက်ပြင်းထန်လာနေခဲ့တယ်လို့ ဆိုပါတယ်။

အဲဒီ ဩဂုတ်လ ၁၂ ရက်နေ့မှာပဲ ဧရာဝတီတိုင်း၊ ရေကြည်မြို့နယ်၊ ပွိုင့် (၁၀၁) အနီးဝန်းကျင်နဲ့ သာပေါင်းမြို့နယ်၊ သာပေါင်းကလေးကျေးရွာအနီးဝန်းကျင်ရှိ အာရက္ခတပ်တော်စစ်ကြောင်းတွေရှိရာ နေရာတွေကို အကြမ်းဖက်စစ်အုပ်စုက အင်အားအလုံးအရင်းနဲ့ ထိုးစစ်ဆင်လာတာကြောင့် တစ်ရက်တည်း နေရာ (၅) နေရာမှာ တိုက်ပွဲတွေ တစ်နေ့လုံးနီးပါး တောက်လျှောက်ဖြစ်ပွါးနေခဲ့တယ်လို့ သိရပါတယ်။

ဒါ့အပြင် သာပေါင်းမြို့နယ်ဘက်က ထိုးစစ်ဆင်လာတဲ့ အကြမ်းဖက်စစ်အုပ်စုရဲ့ တပ်မ (၆၆) လက်အောက်ခံ၊ ခလရ (၁၀၁) တပ်ရင်းနဲ့ အာရက္ခတပ်တော်တို့ သာပေါင်းကလေးကျေးရွာရဲ့ အရှေ့ဘက် မီတာ (၁၀၀၀) ခန့်အကွာမှာ မနက် ၆ နာရီ ၅၃ မိနစ်ကနေ ၉ နာရီ ၅၃ မိနစ်အချိန်အထိ (၃) နာရီကြာ တိုက်ပွဲ ဖြစ်ပွါးခဲ့ပါတယ်။

အကြမ်းဖက် စစ်အုပ်စုအနေနဲ့ သူတို့ရဲ့အားသာချက်ဖြစ်တဲ့ လေကြောင်း၊ ဒရုန်းနဲ့ မြေပြင်က လက်နက်ကြီးပစ်ကူတို့ကို အများအပြားသုံးပြီး အပြင်းအထန် ထိုးစစ်ဆင်လာခဲ့သော်လည်း အာရက္ခတပ်တော် စစ်သည်တော်က ခုခံစစ်၊ တန်ပြန်ထိုးစစ်တွေနဲ့ အကောင်းဆုံး ခုခံတိုက်ခိုက်နိုင်ခဲ့တာကြောင့် အကြမ်းဖက်တွေ အကျအဆုံးများပြီး တပ်လန်ကာ ထွက်ပြေး ဆုတ်ခွါသွားခဲ့တယ်လို့ ဆိုပါတယ်။

အဲဒီနောက် အာရက္ခတပ်တော်က လိုက်လံရှင်းလင်းခဲ့ရာ ရန့်သူ့အလောင်းအချို့နဲ့ လက်နက်ခဲယမ်းအချို့ကို သိမ်းဆည်းရမိခဲ့သလို ရေကြည်မြို့နယ်ဘက်က ထိုးစစ်ဆင်လာတဲ့ အကြမ်းဖက်တပ်မ (၆၆) လက်အောက်ခံ၊ ခလရ (၁) ၊ (၁၁) တပ်ရင်းတွေနဲ့ အာရက္ခတပ်တော် စစ်ကြောင်းအချို့ဟာ ပွိုင့် (၁၀၁) ကုန်းရဲ့တောင်ဘက် မီတာ (၃၇၃) ခန့်မှာ မနက် ၇ နာရီမှ နေ့လယ် ၂ နာရီ ၃၉ မိနစ်အထိ ထိတွေ့တိုက်ပွဲ ဖြစ်ပွါးခဲ့တယ်လို့ သိရပါတယ်။

ပွိုင့် (၁၀၁) ကုန်းရဲ့ အနောက်တောင်ဘက် (၁.၁၃) ကီလိုမီတာခန့် အကွာမှာလည်း မနက် ၉ နာရီ ၂၄ မိနစ်မှ နေ့လယ် ၁ နာရီ ၄၀ မိနစ် အထိ တိုက်ပွဲဖြစ်ပွါးခဲ့သလို တိုက်ပွဲဖြစ်ပွားရာ မလှမ်းမကမ်းနေရာ (၂) ခုမှာလည်း အာရက္ခတပ်တော်ရှိရာကို ထိုးစစ်ဆင်တိုက်ခိုက်လာခဲ့တာကြောင့် တိုက်ပွဲဖြစ်ပွါးခဲ့တယ်လို့ ထုတ်ပြန်ပါတယ်။

အကြမ်းဖက်စစ်အုပ်စုရဲ့ ထိုးစစ်တိုင်းကို တည်ငြိမ်စွာ ခုခံစစ်ဆင်နွှဲရင်း ရန်သူတပ်လန်သွားတဲ့အထိ ရဲရင့်ပြောင်မြောက်စွာတိုက်ပွဲဝင်ခဲ့ကြတဲ့ အာရက္ခစစ်သည်တော်တွေကို အာရက္ခတပ်တော်၊ စစ်ရုံးချုပ်က မှတ်တမ်းတင်ဂုဏ်ပြုတယ်လို့ ထုတ်ပြန်ထားပါတယ်။

(ဓာတ်ပုံ - ၂၀၂၆ ခုနှစ်၊ ဩဂုတ်လ (၁၂) ရက်နေ့တွင် ဖြစ်ပွားခဲ့သော တိုက်ပွဲများအတွင်း သိမ်းဆည်းရမိခဲ့သော လက်နက်ခဲယမ်းအချို့)





Telegram Channel -https://t.me/pvtvmyanmar
PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တတပ်တအား ပါဝင်ကူညီနိုင်ပြီဖြစ်ပါတယ်။

Address

Yangon

Website

Alerts

Be the first to know and let us send you an email when Public Voice Television posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Public Voice Television:

Shortcuts

Share

Category