https://www.facebook.com/1884065168487757/

LP Library - Online, Yangon (2026)

25/12/2025

ပထမထပ်မှာ ကိုယ်ရပ်နေတုန်း
လူတစ်ယောက် ကိုယ့်ကို ဆဲတာ ကိုယ်ကြားပြီး
ဒေါသထွက်မိတယ်။

ဆယ်ထပ်ကို ကိုယ်ရောက်တော့
သူဆဲတာကို သိပ်မကြားတော့ဘူး။
ကိုယ့်ကို သူ နှုတ်ဆက်နေတယ်လို့တောင် ကိုယ်ထင်တယ်။

အထပ် ၁၀၀ ရောက်တော့
တစ်ယောက်ယောက်က ကိုယ့်ကို ဆဲနေပေမယ့်
ကိုယ်က မျက်စိရှေ့က ကျယ်ပြန့်တဲ့ ရှုခင်းကိုပဲ မြင်တော့တယ်။

လူတစ်ယောက်မှာ ရှုထောင့်အမြင် ချို့တဲ့ရင်
သူမြင်တာက ပြဿနာတွေပဲဖြစ်တယ်။

သူ့စိတ်ထဲမှာလည်း အသေးအဖွဲကိစ္စတွေပဲ
ပြည့်နှက်နေတယ်။

ဒါကြောင့် ကိုယ့်ရှုထောင့်ကို ချဲ့ထွင်ရပါတယ်။
ရှုထောင့်ကျယ်ပြန့်လာတာနဲ့အမျှ
ကိစ္စတော်တော်များများက
ကိုယ့်စိတ်ခံစားမှုကို ထိခိုက်ဖို့ မတန်ဘူးဆိုတာ တွေ့ရပါလိမ့်မယ်။

ကိုယ်လိုချင်တဲ့ ဘဝမျိုးမှာ ဆက်လက်ရှင်သန်နေထိုင်ပါ။

30/11/2025

ဗုဒ္ဓဘာသာလူငယ်များသိမှတ်ဖွယ်ရာ။

01/11/2025

တိုက်နံရံသားအသစ်ကိုဆေးသုတ်တော့မယ်ဆိုရင် ဘာတွေလိုအပ်လဲ

၁/ တိုက်အသစ်နံရံသားအသစ်ကိုဆေးစမသုတ်ခင်
သုတ်မဲ့နံရံကို ပန်းရံသားချောပြီး အနည်းဆုံးသုံးပတ်
ကြာထားပေးသင့်ပါတယ် သုံးပတ်ကြာတဲ့အခါမှာ ပန်းရံချေားသားကခြောက်သွေ့ပြီး ရေစိုပြန်တာ
ရေငွေ့ရိုက်တာတွေမရှိတော့ပါဘူး
နံရံချောသားအသစ်ကို အချိန်အားဖြင့် သုံးပတ်ကြာတဲ့အထိ ထားဖို့ အချိန်မရခဲ့ရင် တစ်ပတ်အတွင်းဆေးသုတ်လို့ရတဲ့ ပရိုင်မာ (သို့မဟုတ်)ဆီလာခံဆေးအမျိုးအစားတွေ သုံးပြီး သုတ်လို့ရပါတယ် ခင်ဗျာ

၂/ နံရံသားခြောက်သွေ့သွားမှ ဆေးသုတ်ဖို့ နံရံကို
ကော်ပတ်တိုက် နံရံထဲမှာရှိတတ်တဲ့ သစ်စအမှိုက်တွေထွင်းထုတ် အဖုထစ်တွေထိုးချပြီး နံရံကို
သန့်ရှင်းရေးလုပ်ရပါမယ်

၃/ သန့်ရှင်းရေးပြီးရင်တော့ ဆီလာချုပ်ရပါမယ် ဆီလာကိုရေအချိုးစား
အတိုင်းရောစပ်ပြီး နံရံများအားလုံးကိုသုတ်ရပါ
မယ် ဆီလာ‌ခြောက်သွေ့ချိန်ထိထားရပါမယ်

၄/ ဆီလာခြောက်သွေ့ရင် ပတ်တီး တစ်ကုတ်စရိုက်လို့ရပါပြီ ရိုက်ထားတဲ့ ပတ်တီးတစ်ကုတ်ကို ခြောက်သွေ့အောင်ထားရပါမယ် ခင်ဗျာ

၅/ ပတ်တီးတစ်ကုတ်‌ခြောက်သွေ့ပြီဆိုရင် ဒုတိယပတ်တီး နှစ်ကုတ်မြောက်ထပ်တင်ရိုက်လို့ရပါပြီ ရိုက်ထားတဲ့ ပတ်တီးနှစ်ကုတ်မြောက်ကိုလည်း ခြောက်သွေ့အောင် ထားရပါတယ် ခင်ဗျာ

၆/ ကော်ပတ်တိုက်မယ် ပတ်တီးသား ခြောက်သွေ့ပြီးရင်
ကော်ပတ်တိုက်လို့ရပါပြီ ကော်ပတ်တိုက်တဲ့အခါနံရံ
သားညီညာချောမွှေ့စေဖို့ ကော်ပတ်တိုက်
စက်(သို့မဟုတ်)ကော်ပတ်ကိုင်းတို့နဲ့ တိုက်လို့ရပါတယ်

၇/ ဆီလာချုပ်မယ် ကော်ပတ်တိုက်ပြီးသားနံရံကို ကော်ပတ်အမှုံတွေခါချပြီး သန့်ရှင်းရေးလုပ်ရပါမယ် သန့်ရှင်းရေးအားလုံးပြီးရင် ဆီလာချုပ်လို့ရပါပြီ

၈/ ဆေးသုတ်မယ် ဆီလာများခြောက်သွေ့ပြီးရင် ကော်ပတ်တိုက်ပြီးသားအဟောင်းနဲ့ နံရံကို ဖွဖွလေးတိုက်ပေးဖို့လိုပါတယ် ကော်ပတ်အဟောင်းနဲ့တိုက်လိုက်တဲ့အခါ နံရံမှာ‌ဆီလာချုပ်လိုက်တုန်းက အနည်းငယ်ကျန်ရှိတဲ့အမှုံအမွှားများကို ဖယ်ရှာပေးပါတယ် ပြီးရင်ဆေး၀မ်းကုတ် သုတ်လိုရပါပြီ

၉/ နံရံအနာစာများ ပတ်တီးတက်ရှင်ဖာရပါမယ် ဆေး၀မ်းကုတ်‌‌ခြောက်သွေ့ပြီးရင် အနာဆာများပတ်တီးတက်ရှင်ဖာလို့ရပါပြီ ပတ်တီးတက်ရှင်များ ‌ခြောက်သွေ့ပြီးရင် ပတ်တီးတက်ရှင်များကော်ပတ်တိုက် ဆီလာပြန်ချုပ်ရပါမယ် ဆီလာခြောက်သွေ့ပြီးရင် တက်ရှင်နေရာကို ဆေး၀မ်းကုတ်ပြန်သုတ်ရပါမယ်

၁၀/ ဆေးတူးကုတ်သုတ်မယ်
ဆေး၀မ်းကုတ်ဖာထားသေား‌ဆေးများ ခြောက်သွေ့ပြီးရင် ကော်ပတ်အဟောင်းနဲ့ ပြန်တိုက်ပြီး နံရံကအမှုံမွှားများကို ဖယ်ရှားပြီး ဆေးတူးကုတ်
(ဖိုင်နယ်)သုတ်လို့ရပါပြီ
ဆေးတူးကုတ်သုတ်လို့ ဆေးမပိတ်သေးရင်နောက်တစ်ကုတ်ထပ်သုတ်လို့ရပါတယ်

#ရန်ကုန်ဆေးသုတ်လုပ်ငန်း

29/09/2025

#အိမ်ဆောက်ဖို့ ဒီဇိုင်းဆွဲတော့မယ် ဆိုရင်
အရင်ဦးစွာ အရေးအကြီးဆုံး စလုပ်ရတာက
အိမ်ရှင် စိတ်ကြိုက်ထည့်လိုထားလိုတဲ့ ပုံစံဆွဲရတာပါ

အခန်းတွေ ဘယ်လိုဖွဲ့မလဲ ?
အခန်းတွေရဲ့ အကျယ်တွေအဝန်းတွေက ဘယ်လောက်အကျယ် ထားချင်လဲ ?
ဘယ်လောက်အကျယ်အဝန်း ထားသင့်သလဲ ?

အဲဒီလိုအခြေနေ မျိုးမှာ
ထားရှိသင့် ထားရှိထိုက်တဲ့ Standard Size လေးတွေ သိထားဖို့လိုပါမယ်

#ဧည့်ခန်း
#ဟောခန်း
#ပုံဆွဲ_စာရေးစာဖတ်ခန်း တွေရဲ့အကျယ်အဝန်းဟာ

အနည်းဆုံး 10'×12'~ပေ
ပုံမှန်ဆိုက် 12'×14' ~ပေ
ဆိုက်ကြီး 16'×20' ~ပေ ဖြစ်ပါတယ်

#အိပ်ခန်း
်း
်း တွေရဲ့ အကျယ်အဝန်းဟာ

အနည်းဆုံး 10'×10' ~ပေ
ပုံမှန်ဆိုက် 11'×12' ~ပေ
ဆိုက်ကြီး 12'×14' ~ပေ ဖြစ်ပါတယ်

#အိမ်ရှင်မတို့အတွက်_မီးဖိုချောင် အကျယ်အဝန်းဟာ

အနည်းဆုံး 10'×7' ~ပေ
ပုံမှန်ဆိုက် 10'×10' ~ပေ
ဆိုက်ကြီး 10'×12' ~ပေ ဖြစ်ပါတယ်

#ရေချိုုးခန်းတစ်ခန်း ရဲ့အကျယ်အဝန်းဟာ

အနည်းဆုံး 3'6"×4' ~ပေ
ပုံမှန်ဆိုက် 4'×5' ~ပေ
ဆိုက်ကြီး 5'×7' ~ပေ ဖြစ်ပါတယ်

#အိမ်သာခန်းတခု ရဲ့အကျယ်အဝန်းဟာ

အနည်းဆုံး 3'3"×3' ~ပေ
ပုံမှန်ဆိုက် 4'×4' ~ပေ ဖြစ်ပါတယ်

#ရေချိုးခန်း_အိမ်သာတွဲရက် အကျယ်အဝန်းဟာ

အနည်းဆုံး 4'×5' ~ပေ
ပုံမှန်ဆိုက် 4'×6' ~ပေ
ဆိုက်ကြီး 5'×7' ~ပေ ဖြစ်ပါတယ်

#ထမင်းစားခန်း ရဲ့အကျယ်အဝန်းဟာ

အနည်းဆုံး 10'×10' ~ပေ
ပုံမှန်ဆိုက် 10'×12' ~ပေ ဖြစ်ပါတယ်

#ဘာသာတရား_ဝတ်ပြုရာနေရာ အကျယ်အဝန်းဟာ

အနည်းဆုံး 4'×5' ~ပေ
ပုံမှန်ဆိုက် 4'×6' ~ပေ ဖြစ်ပါတယ်

#ဝရန်တာဆိုက် ရဲ့အကျယ်ကတော့

အနည်းဆုံး 3' ~ပေဖြစ်ပါတယ် {လူနှစ်ယောက်ရှောင်ကွင်းသာ}

#တစ်စီးစာကားပါကင်တခု ရဲ့အကျယ်အဝန်းဟာ

အနည်းဆုံး 11'×15' ~ပေ
ပုံမှန်ဆိုက် 12'×16' ~ပေ ဖြစ်ပါတယ်

#အိမ်မိန်းတခါးမကြီး ရဲ့ဝင်ပေါက်အကျယ်ဟာ

အနည်းဆုံး 3'~ပေ '6" ~လက်မ ဖြစ်ပါတယ်

#ရေချိုးခန်း
#အိမ်သာ
#မီးဖိုချောင်_တခါးပေါက် တို့ရဲ့ဝင်ပေါက်အကျယ်ဟာ

အနည်းဆုံး 2'~ပေ ,6"~လက်မ ဖြစ်ပါတယ်

#အိပ်ခန်းတခါးပေါက် တို့ရဲ့ဝင်ပေါက်အကျယ်ဟာ

အနည်းဆုံး 3' ~ပေ ဖြစ်ပါတယ်

#ပုံမှန်အိမ်လှေခါး {stair} တစ်စင်းရဲ့

အကျယ်ဟာ 3'~ပေ
အကျော် ဟာ 7"~ လက်မခွဲ
အနင်းဟာ 10"~လက်မ ဖြစ်ပါတယ် တဲ့ဗျား။

Floor Plan ကိုကိုယ်တိုင်ရေးဆွဲချင်တဲ့ မိတ်ဆွေများအတွက်လည်း Free အသုံးပြုလို့ရမယ့်ဆော့ဝဲကိုမျှဝေပေးလိုက်ပါတယ်။

25/09/2025

တစ်ခါသားမှာ ချာလီချက်ပလင်ဟာ စင်ပေါ်ကနေ ဟာသတစ်ခုပြောလိုက်တယ်။ သူ့ဟာသအဆုံးမှာ ပရိသတ်က အုန်းအုန်းထအောင် ရယ်ကြပါတော့တယ်။

ခဏကြာတော့ အဲဒီဟာသကိုပဲ ချာလီချက်ပလင်က နောက်တစ်ခါပြန်ပြောပြန်ပါတယ်။ ဒီတစ်ခါမှာတော့ ပရိသတ်နည်းနည်းပဲ ရယ်ကြပါတယ်။

အဲဒီဟာသကို တတိယအကြိမ်ထပ်ပြောတဲ့အခါမှာတော့ ဘယ်သူမှ မရယ်ကြတော့ပါဘူး။

အဲဒီတော့မှ ချာလီချက်ပလင်က အခုလို အလေးအနက်ပြောခဲ့ပါတယ်။

"ခင်ဗျားတို့ဟာ ဟာသတစ်ခုတည်းကို ထပ်ခါထပ်ခါကြားရတဲ့အခါ မရယ်နိုင်ကြတော့ဘူးဆိုရင် တူညီတဲ့ နာကျင်မှုတစ်ခုအတွက် ဘာဖြစ်လို့ အကြိမ်ကြိမ်ငိုကြွေးနေကြတာလဲ... "

သူပြောချင်တဲ့အချက်က ရှင်းပါတယ်။ ဘဝဆိုတာ ရှေ့ဆက်ပြီးရှင်သန်ဖို့ပါပဲ။ ဝမ်းနည်းပူဆွေးမှုတွေကို ပြန်စဉ်းစားပြီး ကြေကွဲနေဖို့အတွက် မဟုတ်ပါဘူး။ ဘဝမှာ ကိုယ်လက်ရှိပိုင်ဆိုင်နေတဲ့အချိန်ကာလတိုင်းကို ကျေနပ်ဖို့ပါပဲ။

ချာလီချက်ပလင်ဟာ ကမ္ဘာကြီးအတွက် ထူးခြားလှတဲ့ အမွေအနှစ်တွေကို ချန်ရစ်ထားခဲ့တဲ့သူပါ။ သူဟာ ဘယ်သူ့ကိုမှ မထိခိုက်စေခဲ့ဘဲ ကမ္ဘာကြီးကို ရယ်အောင်လုပ်ပေးခဲ့ပါတယ်။

အမှတ်ရနေစရာကောင်းတဲ့ ချာလီချက်ပလင်ရဲ့ အဆိုအမိန့်တချို့ကို ကောက်နုတ်ပေးလိုက်ပါတယ်။

"ဘဝမှာ ဘယ်အရာမှ မတည်မြဲဘူး... ငါတို့ရဲ့ ပြဿနာတွေဟာလည်း အမြဲတမ်းရှိမနေနိုင်ဘူး..."

"ကျုပ်က မိုးရွာထဲမှာ လမ်းလျှောက်ရတာကို ကြိုက်တယ်ဗျ... ကျုပ်မျက်ရည်တွေကို ဘယ်သူမှ မမြင်နိုင်တော့ဘူးလေ..."

"မရယ်လိုက်ရတဲ့နေ့ဟာ မင်းအတွက် အချည်းနှီးကုန်ဆုံးသွားတဲ့နေ့တစ်နေ့ပဲ..."

(Translated by )

Charlie Chaplin once told a joke on stage.
The audience burst out laughing.

He told the same joke a second time—this time only a few people laughed.
By the third time, no one laughed at all.

That’s when Chaplin said something profound:
“If you can’t laugh again and again at the same joke, why do you keep crying over the same pain?”

His point was simple—life is meant to be lived, not replayed in sorrow. Enjoy each moment while you have it.

Chaplin left behind an extraordinary legacy—he made the world laugh without ever hurting anyone.

Here are a few of his quotes worth remembering:

“Nothing in life is permanent, not even our troubles.”

“I love walking in the rain because nobody can see my tears.”

“The day you don’t laugh is the day you’ve wasted.”
#ဘာသာပြန်

24/09/2025

ဖတ်လို့ မအားသေးရင် ဆေ့ထား၊သိမ်းထား

နေစရာအိမ်ဆောက်မယ်ဆိုရင်(သိထားသင့်တယ်)
*****************************************
(တန်ဖိုးရှိလွန်းလို့ သိမ်းထားခဲ့တာပါ။ အခုခေတ်မှာ လုပ်ဖို့မပြောနဲ့ သိသူတောင်နည်းသွားပြီ)

ဆရာကြီးဒဂုန်ရဲ့စာတွေဖတ်ရင်း တွေ့မိလို့သိမ်းထားခဲ့တဲ့ထဲက
အိမ်ဆောက်ရင် လိုအပ်ချက်တွေကို
သိနိုင်ဖို့ ဖော်ပြလိုက်ပါတယ်။
မြင်လဲမြင်ဆရာပါ။
သူရေးခဲ့တဲ့ စာစုကို
ပြန်ဖော်ပြလိုက်ပါတယ်။

အသက်တွက်ပြီးမှအိမ်ဆောက်ပါ။
အိမ်ဆောက်တော့မယ်ဆိုရင် အသက်တွက်ပြီးမှ
အိမ်ဆောက်သင့်တယ်လို့ ဆိုပါတယ်။
ဒီအချက်ကို လင်္ကာလေးနဲ့ညွှန်းထားပုံက
အိမ်သစ်ဆောက်လိုများလူဗိုလ်၊
သက်ကိုရှစ်နဲ့စား
တစ်ခုကြွင်းမူသူဌေးယူ၊
နှစ်မူသူကြွယ်သား။ လေးခုကြွင်းငြားရွှေလှေခါး၊
ငါးကားရွှေပြဿဒ်။
သုံး၊ခြောက်၊ခုနှစ်၊သုံးဘုံလစ်၊
အိမ်သစ်မဆောက်အပ်တဲ့။
လင်္ကာရဲ့သဘောကဒီလိုပါ။

ကိုယ့်ရဲ့ အသက်ကို (၈)နဲ့ စားလိုက်ပါ။
၁=ကြွင်းရင် ဒီနှစ်မှာ
အိမ်ဆောက်တဲ့အတွက် သူဌေးဖြစ်နိုင်သလို၊
၂=ကြွင်းရင်လည်း သူကြွယ်ဖြစ်တတ်ပါသတဲ့။
၄-ကြွင်းရင် ဘ၀ရဲ့ အဆင့်မြင့်မှုကို ရရှိပြီး၊
၅=ကြွင်းရင် လည်း တို့ထက်ကောင်းပါတယ်။

၃၊ ၆၊၇နဲ့ ၀ ကြွင်းရင်တော့ ဒီအသက်၊
ဒီနှစ်ထဲမှာ အိမ်သစ် မဆောက်သင့်ပါဘူး။ ဆောက်ရင် ဆောက်သူအဖို့ ဘေးရန်များတာ၊ စီးပွားပျက်တာ၊ ရောဂါဘယများပြားတာတွေ ဖြစ်နိုင်တယ်နဲ့တူပါတယ်။

အိမ်သစ်ဆောက်မယ့်မြေရွေးရဦးမယ်အိမ်သစ်ဆောက်သင့်တဲ့ အသက်ရောက်လိုက အိမ်သစ်ဆောက်ဖို့စီစဉ်ပြီဆိုရင်၊ ဆောက်မယ့်မြေလည်းရွေးချယ်ရပါဦးမယ်။ စနစ်တကျရွေးချယ်မှအိမ်ရှင်အတွက် ကောင်းမွန်ပြီး ဘေးရန်အသွယ် ကင်းဝေးနိုင်ပါမယ်၊ မြေရွေးနည်း လင်္ကာကတော့ ဒီလိုပါ။

အဆင်းဖြူငြားမြေပုဏ္ဏား၊စီးပွားဖြစ်တတ်စွာ။
အဆင်းနီလွင်မြေဘုရင်၊မင်းလျှင်ဖြစ်တတ်ပါ။
အဆင်းနက်ကမြေဒါသ၊ဒုက္ခဘေးတွေ့ရာ။
အဆင်းဝါဘိမြေပကတိ၊သုခိအဝေရာ။
အဆင်းပြာလျှံ၊ကေသပံ၊နိုင်ငံတည်ထောင်ရာ။
မြေမင်းပုဏ္ဏားကျောင်းအိမ်များ၊ ဆောက်ထားဇရပ်သာ။
မြေဒါသမှာဥယျာဉ်သာ၊
လယ်မှာလုပ်လေပါ၊
မြေပကတိကိုရဟန်းဆို၊
နေလို့ကောင်းလေစွ။

လင်္ကာရဲ့သဘောက မြေရဲ့အဆင်းအရောင်ကိုကြည့်ပြီး အိမ်၊ ကျောင်း၊ ဇရပ်၊ ဥယျာဉ်တို့ တည်ထားသင့်တယ်ဆိုတဲ့သဘောပါ။ သေသေချာချာပြောရရင်
အဆင်းဖြူတဲ့ မြေကို မြေပုဏ္ဏားလို့ ခေါ်တယ်။
ဒီမြေမှာအိမ်ဆောက်ရင် အိမ်ရှင်ဟာစီးပွားတက်မယ်။ ချမ်းသာမယ်။
မြေအဆင်းနီရင် ဒီမြေကိုမြေဘုရင်လို့ သတ်မှတ် တယ်။ ဒီမြေမှာ အိမ်ဆောက်ရင် အိမ်ရှင်ဟာအကြီး အကဲဖြစ်မယ်။ အများရဲ့ ကြည်ညိုလေးစားမှုကို ခံရမယ်။
အဆင်းနက်တဲ့ (မြေသြဇာ၊ မြေဆီမြေနှစ်များတဲ့) မြေကို မြေဒါသလို့ ခေါ်တယ်။
ဒီမြေမှာ အိမ်မဆောက်သင့်ဘူး။ ဘေးရန်များတတ်တယ်။
ဒီမြေဟာ (မြေဆီ မြေနှစ် များတဲ့အတွက် ) ဥယျာဉ် စိုက်ပျိုးတာ၊ လယ်လုပ်ကိုင်တာသာ
လုပ်သင့်ပါ သတဲ့။
အဆင်းအရောင် ခပ်ပြာပြာရှိတဲ့မြေကိုတော့ ကေသပ လို့ခေါ်ပြီး နိုင်ငံအကြီးအကဲတွေရဲ့
အေရးပါတဲ့ အဆောက်အအုံတွေ ဆောက်သင့်တယ်လို့ယူဆရပါ တယ်။
မြေအဆင်းဟာ ဝါရင်ပကတိ မြေသားအဖြစ် သတ်မှတ်ပါတယ်။
ဒီမြေဟာ အိမ်တို့၊ ဇရပ်တို့ ထက်ရဟန်း သံဃာတော်များ သီတင်းသုံးရာ ကျောင်းဆောက်သင့်ပါတယ်။ ရဟန်းသံဃာတော် များကြည်လင် အေးချမ်းစွာ သီတင်းသုံးပျော်မွေ့စေနိုင်တဲ့မြေမျိုးပါ။
ဒီလမှာအိမ်သစ်ဆောက်ပါအိမ်သစ်ဆောက်ဖို့ အသက်လဲရောက်ပြီ၊ ဆောက်သင့်တဲ့ မြေလဲရပြီ၊ ကဲ အိမ်သစ်ဆောက်ကြစို့။ အဲတစ်ခု ကျန်သေးတယ်။ ဘယ္လမွာ ဆောက်မလဲ။ လင်္ကာလေးကို ဖတ်ကြည့်ပါဦး။

လတန်ခူးမှာအိမ်ဆောက်ခါ၊ ချမ်းသာပြည့်ကြွယ်၀။
လကဆုန္ကားဆန္စပါး၊ ပေါများကြွယ်တက်လှ။
ဝါခေါငျလမှာအိမျဆောကျခါ၊ ဥစ္စာတိုးပွားရ။
နတ်တော်လတွင်အိမ်ဆောက်လျှင်၊ ပေါ်ထင်ကျော် စောစွ။
ပြာသိုလမှာလူတကာ၊များစွာချီးမွမ်းရ။
တပေါင်းလ၀ယ်၊ချမ်းသာကြွယ်၊ဆောင်းဖွယ်
ဤခြောက်လ။
လင်္ကာက ပြောထားတာကလေးက ရှင်းရှင်းကလေးပါနော်၊
အကျဉ်းရုံးပြောရရင် တန်ခူးလ၊ ကဆုန်လ၊ ဝါခေါင်လ၊ နတ်တော်လ၊ ပြာသိုလ၊ တပေါင်းလ စတဲ့ မြန်မာလတွေမှာ အိမ်သစ်ဆောက်သင့်တယ်။ ဆောက်ရင် ကောင်းတယ်။ သူ့လနဲ့သူစီးပွားတက်တာ၊ စပါးထွက်တာ၊ ချမ်းသာတာ၊ ထင်ပေါ်ကျော်ကြားတာတွေ ဖြစ်မယ်။ ဒါကြောင့် အဲဒီခြောက်လမှာ အိမ်သစ်ဆောက်သင့်ပြီး စပါးစိုက်တဲ့လ၊ အလုပ်များတဲ့လတွေမှာဖြစ်တဲ့ နယုန်လ၊ ဝါဆိုလ၊ ဝါဆိုလ၊ တော်သလင်း၊ သီတင်းကျွတ်၊ တန်ဆောင်မုန်း။ တပိုတွဲ စတဲ့ လတွေမှာ အိမ်သစ်မဆောက်သင့်ပါဘူး။ လရွေးပြီးရင်၊နေ့လဲရွေးပေးဦး။ အဲဒီလိုအိမ်သစ်ဆောက်ဖို့ လရွေးပြီးတာနဲ့ ကြိုက်တဲ့နေ့မှာ စတင်ပြီးဆောက်လို့မဖြစ်သေးပါဘူး သင့်လျှော်တဲ့နေ့ ရွေးဖို့ကိုလဲ လင်္ကာနဲ့ပဲ လမ်းညွန်ထားပါတယ်။
လင်္ကာကလေးကဒီလိုပါ။
တနင်္ဂနွေတွင်အိမ်ဆောက်လျှင်၊ မရွှင်စိတ်သောက။
နေ့တနင်္လာလွန်ချမ်းသာ၊ အင်္ဂါ လာဘ်ကြီးရ။
ဗုဒ္ဓဆောက်ခါဆင်းရဲစွာ၊ ရံခါ ချမ်းသာရ။
ကြာသပတေးမှာအိမ်ဆောက်ခါ၊ ရောဂါကင်းစင်ပ။
နေ့ကားသောကြာအေးကြည်စွာ၊ ရံဖန်ပူပင်ရ။
စနေနေ့မူအိမ်ဆောက်သူ၊ ဗိုလ်လူညှင်းပမ်းကြ။

ဒီလင်္ကာသဘောအရ တနင်္ဂနွေ၊ ဗုဒ္ဓဟူး၊ သောကြာ၊ စနေတို့မှာ အိမ်သစ်စမဆောက်သင့်ဘူး၊ ဗုဒ္ဓဟူးနဲ့ သောကြာနေ့မှာ အသင့်အသင့်ကောင်းပေမယ့် စနေ၊ တနင်္ဂနွေ မှာတော့ လုံး၀မကောင်းနိုင်ဘူး။ စပြီး ဆောက်သင့်တဲ့ ရက်တွေကတော့ တနင်္လာနေ့၊ အင်္ဂါနေ့၊ ကြာသပတေးနေ့ တို့ပါပဲ။ ဘာကြောင့် ဆောက်လုပ်သင့်သလဲဆိုတာကတော့ လင်္ကာမှာပါပြီးသားပါ။
မြေကျစ်အားကဟောတဲ့ဗေဒင် ကိုယ်အိမ်ဆောက်ဖို့ရွေးထားတဲ့မြေရဲ့ မြေကျစ်အား(မြေရဲ့သိပ်သည်းခြင်း)က ကိုယ့်ကိုဗေဒင်ဟောတတ်ပါသတဲ့။
ဟောပုံက-
အိမ်ကျောင်းဆောက်ရာ၊ မြေကိုသာ၊ သေချာမှတ်ပြီးမှ။
ပေါက်ပေါက်ဆန်ပန်း ဓိဌာန်မှန်း၊ ချိန်နော်ကြည့်အပ်လှ။
တစ်ကျပ်ပြည့်လတန်၊ ဆင်းရဲတက် နှစ်ကျပ်ဒုက္ခရ။
သုံးကျပ်လေးကျပ်၊ မတောင်းတက်၊ ငါးကျပ်မေတ္တာမျှ။
ခြောက်ကျပ်မှာ လာဘ်၊ ခုနှစ်ကျပ် အရပ်ပြောင်းရွေ့ရ။
ရှစ်ကျပ်ဥစ္စာ ၊ ပေါများပါ၊ ကိုးမွာ သိဒ္ဓိကပ်၊
တစ်ဆယ်ဘေးမှတ်၊ ဆယ့်တစ်ကျပ်၊ တိုးတက်သက်ဇီ၀။
ဆယ့်နှစ်ဆယ့်သုံး၊ ချိန်ကျပ်နှုန်း၊ ရွှင်ပြုံးချမ်းသုခ။
ဆယ့်လေးချစ်ခင်၊ ဆယ့်ငါးကွင်းလူရှင်မှန်တတ်စွ။
ဆယ့်ခြောက်ကောင်းစွန်၊ တစ်ဆယ့်ခွန်၊ အလွန်မျက်ထွက်စွ။
ချိန်ကျပ်ကောင်းစွာ၊ အိမ်ကျောင်းရာ၊ ဆောက်ခါနေထိုင်ကြ။
ကြံတိုင်းလည်းအောင်၊ သိဒ္ဓိဆောင်၊ လူ့ဘောင်ကျော်ဇောလှ။ တဲ့

ဒီလင်္ကာကို (Burmese to Burmese)
ဘာသာပြန်ရရင်- အိမ်တို့၊ ကျောင်းတို့ဆောက်ဖို့ မြေနေရာတိတိကျကျရပြီဆိုရင် မြေပေါ်မှာ ဆန်၊ ပန်း၊ ပေါက်ပေါက် နဲ့ဖြန့်ကြဲပူဇော်ရမယ်၊ အဓိဋ္ဌာန်ပြု သစ္စာဆိုပြီး တိကျမှန်ကန်တဲ့ အတိတ်နမိတ်ပေါ်အောင် ဆုတောင်းရမယ်။
ပြီးရင်တူရွင်းနဲ့မြေကိုတစ်ကော်ကော်လိုက်ရမယ်။
ရတဲ့ မြေ တစ်ကော်စာကို ကျပ်သားနဲ့ ချိန်ကြည့်ရမယ်။ မြေတစ်ကော်စာချင်း တူပေမယ့် အလေးချိန်မတူနိုင်ဘူး။ ဒါက မြေကျပ်အား (ဝါ) မြေရဲ့ သိပ်သည်းမှုချင်း မတူလို့ပါ။ ဒီမြေကျစ်အားဟာ အိမ်ဆောက်မယ့်သူအတွက် အတိတ်နိမိတ်ပါပဲ။ ဘယ်လိုအတိတ်နမိတ်လဲဆိုတော့-
တူရင်းမြေတစ်ကော်စာဟာ-
တစ်ကျပ်သားရှိရင်ဆင်းရဲမယ်။
နှစ်ကျပ်သားရှိရင်ဘေးဒုက္ခတွေ့မယ်။
သုံးကျပ်သားရှိရင် လေးကျပ်သားရှိရင် သိပ်မကောင်းဘူး။ ငါးကျပ်သားရှိရင် လူတကာရဲ့ချစ်ခင်မှုကိုခံရမယ်။
ခြောက်ကျပ်သားရှိရင် လာဘ်ရမယ်။
ခုနှစ်ကျပ်သားရှိရင် အရပ်တစ်ပါးကို ပြောင်းရွေ့ ရတတ်တယ်။
ရှစ်ကျပ်သားရှိရင် ဥစ္စာဓနပေါများမယ်။
ကိုးကျပ်သားရှိရင် သိဒ္ဓိအပေါင်းနဲ့ပြည့်စုံနိုင်တယ်။
ဆယ်ကျပ်သားရှိရင်တော့ ဘေးဥပါဒ်အန္တရာယ်တွေ့ ကြုံရတက်တယ်။
ဆယ့်တစ်ကျပ်သားရှိရင် အသက်ရှင်မယ်။
ဆယ့်နှစ်ကျပ်၊ ဆယ့်သုံးကျပ်သားရှိရင် ပျော်ရွှင် ချမ်းသာစွာနေရမယ်။
ဆယ့်လေးကျပ်သားရှိရင် ချစ်သူခင်သူပေါများမယ်။
ဆယ့်ငါးကျပ်သားရှိရင် တော်မှန်တဲ့သူဖြစ်မယ်။
ဆယ့်ခြောက်ကျပ်သားရှိရင် ကောင်းတယ်။
ဆယ့်ခုနှစ်ကျပ်သားရှိရင်တော့ ဒေါသထွက်စရာ။ အမျက်ထွက်တာတွေ ဖြစ်မယ်။

ရိုးရာဓလေ့ပန္နက်ရိုက်ပုံ
*****************
ဒီလိုမြေကို စနစ်တကျရွေး၊ အိမ်ဆောက်မယ့်၊ နှစ်၊ လ၊ ရက်တွေ သေသေချာချာရွေးပြီးလို့ အိမ်ဆောက်ပြီဆိုရင် စစချင်းဆောင်ရွက်ရမှာက ပန္နက်ရိုက်ခြင်းပါပဲ။

ပန္နက်ရိုက်ရာမှာ ထုံးတမ်းအစဉ်အလာအရ မြေစောင့်နတ်ကို ပူဇော်ရပါတယ်။ ပူဇော်ရာမှာ တင်လှူရတဲ့၊ အရာတွေကတော့ အသားသက်လွတ် ထမင်းနှင့်ယိုစုံပါ။
ဒါတွေကို ဖက်သန့်သန့်နဲ့ထည့်ပြီး ပူဇော်ရပါတယ်။ ပူဇော်ရာမှာရတဲ့ ဆုတောင်းကတော့ ဒီလိုပါ။ (ရိုးရာအစဉ်အလာ ထိန်းသိမ်းမှတ်တမ်းတင်တဲ့အနေနဲ့ ထည့်သွင်းဖော်ပြပါရစေ)။
ဥုံ ဘုမ္မိရာဇာ၊ မြေသင်္ချာကို၊ အစိုးရသည့် နဂါး သနင်း၊မြေနတ်မင်း၊ ကောင်းခြင်းတိုင်မြဲ၊ ပန္နက်သဲက၊ စသည်ရုံပေါင်း၊ ခြပုန်းတောင်ပို့၊ ဤသို့တစ်ကြောင်း၊ ရှေးသူဟောင်းတို့၊
မကောင်းချွတ်လွဲ၊မြေထဲလားမြုပ်၊ အရုပ်ဆင်းချ၊ ဆိုရေးစသား၊ ဒေါသကင်းရေး၊ ကောင်းရာဆေးလော့၊ သူ့သွေးသွန်ရာ၊ ဆရာပြုဟောင်း၊ မကောင်းတစ်ဆေ၊ နေ့တွင်သည်ကား၊ ဝေးဝေးရှား၊ ဘုရားရုပ်တု၊ ဆင်းတုမလွတ်၊ ဓာတ်တော် မွေတော်ရှိငြားသော်လည်း၊ ကော်ရော်ရိုညွတ် နတ်တကာတို့၊ မပါစေကြောင်း။ ရေကြောင်းဆေး မည်။ အလျှံတည်၊ အရောင်ညီးညီး၊ လင်ပန်းကြီး နှင့်၊ ပွဲကြိုနတ်ယကာ၊ ကိုင်စွဲကာဖြင့်၊ အင်းကားလက်ယျာ၊ ဆေးကားလက်ဝဲ၊ ကိုင်စွဲအနေ မြေတွင်ချ၊ ပသမလွတ်၊ ယွင်းချွတ်သော်လည်း၊ နတ်ရှင့်ပွဲတော်၊ စားတော်ခေါ်လော့၊ ဇဟိ ံတတ္တိ ံဘုံဉ္ဇာဟိ ဘုဉ္ဇာဟိဒီလို ပူဇော်ဆုတောင်းပြီးရင် ဆန်ပေါက်ပေါက်တွေနဲ့ မြေကွက်အနှံ့ ကြဲဖြန့်ရပါတယ်။ ပြီးတော့မှ ပန္နက်ချကြလေ့ရှိကြပါတယ်။

တိုင်ထူရင် ရှောင်ရမယ့်အသား
**********************
အိမ်ဆောက်ရာမှာ မသုံးသင့်တဲ့အသားတွေကိုလဲ ညွန်ပြထားတာရှိပါသေးတယ်။ အဲဒီအသားတွေကတော့ မိချောင်း၊ မအူ၊ သခွပ်၊ သျှိသျှား၊ သီးသား၊ သပြေသား၊ သစ်ဆိမ့်သား၊ ရေသာသား၊ ကေလာသား၊ လက်ပံသား၊ လဲဝါတို့ဖြစ်ပါတယ်။

မိဘတိုင်ခြောက်လုံးရဲ့ အမည်သညာမြန်မာ့ရိုးရာ အိမ်ပုံစံအရ အဓိကကျတဲ့ တိုင်ခြောက်လုံးရှိပါတယ်။ ဒီတိုင်ခြောက်လုံးတည်ပုံနဲ့ အမည်တွေကတော့ ဟောဒီပုံစံအတိုင်းပါပဲ။

အရှေ့မြောက် (စုံပင်လယ်)
အရှေ့တောင် ( ဦးယူ )
အလယ်မြောက် ( ကျငန်းမ )
အလယ်တောင် ( ကျငန်းဖို )
အနောက်မြောက် ( သပြေ )
အနောက်တောင် ( ကုမ်ဘီ )

အဲဒီတိုင်ခြောက်လုံးမထူခင်မှာ တိုင်စိုက်မယ့်ကျင်းထဲကို ဟောဒီအတိုင်း ဆိုင်ရာရာ သွန်းလောင်းမြုပ်နှံရပါတယ်။
ကျငန်းဖိုကျင်းထဲ ပတ္တမြားစိမ်းရေလောင်းရမယ်။
ကျငန်းမကျင်းထဲကို ခဲရေ လောင်းရမယ်။
ဦးယူတိုင်စိုက်မယ့်ကျင်းထဲကို ကြေးနီမြုပ်ရမယ်။
စုံပင်လယ်တိုင်စိုက်မယ့်ကျင်းထဲကို ဆန်မြုပ်ရမယ်။
ကုမ်ဘီတိုင်စိုက်မယ့် ကျင်းထဲကို ကြေးဖြူမြုပ်ရမယ်။
သပြေတိုင်စိုက်မယ့်ကျင်းထဲကို ခဲမဖြူမြှုပ်ရမယ်။
ဒီတိုင်တွေကို မစိုက်မီက တစ်ခါတည်းမှန်ကန်အောင် စနစ်တကျစိုက်ထူရမယ်။ ပန္နတ်သေသေချာချာချပြီးမှ ထူရမယ်။ ထူပြီးတော့မှ မကြိုက်လို့ သဘောမကျလို့ဆိုပြီး ပြန်နှုတ်၊ ပြန်စိုက်တာမျိုးမဖြစ်စေရဘူး။
ဒါတွေလဲရှောင်ရဦးမယ် ။
အိမ်ဆောက်ရာမှာ ရှောင်သင့်တာတွေလဲ ရှိပါသေးတယ်။
အဲဒါတွေကတော့ -
အိမ်ဖြစ်တဲ့အတွက် တိုင်တွေ၊ ဘောင်တွေမှာ ကနုတ် ပန်းဆွဲတွေ ဘာတွေနဲ့ တန်ဆာမဆင်ရဘူး။
ထုတ်တန်းမစွပ်ခင် ယက်မတင်တာမျိုး မလုပ်ရဘူး။ ယက်မတင်ပြီးမှ ထုတ်တန်းစွပ်ရမယ်။ ကြမ်းခင်းထက်ကျော်ပြီး ရှည်ထွက်နေတဲ့ တိုင်တွေမရှိသင့်ဘူး။ ရှိနေရင် ဖြတ်ပစ်ရမယ်။ ခေါင်ရိုးနဲ့ (ခေါင်လျှောက်ခွ) မတင်ခင်မှာလဲ ကြမ်းမဖောက်ရဘူး။ ထုတ်တွေ၊ တန်းတွေ အစွန်းထွက်တာ မရှိစေရဘူး။ ရှည်ထွက်နေရင်ဖြတ်ပစ်ရမယ်။ ပြီးတော့ အိမ်မဆောက်ခင်က ၀ငျးထရံကို ကြိုပြီး ခတ်မထားရဘူး။ အိမ်ဆောက်ပြီးမှ ၀ငျးခတျရမယျ။ အိမ်သစ်ပြီးလို့ အိမ်သစ်တက်တော့မယ်ဆိုရင် သပြေသားကိုင်ပြီးမှ တတ်ရပါမယ်။ ကျောင်းသစ် တက်တော့မယ်ဆိုရင် သနပ်သားဆောင်ပြီးမှ တက်ရမယ်။ ဒါမှ ဘေးရန်ခပ်သိမ်း ကင်းငြိမ်းမယ်လို့ ဆိုပါတယ်။

အိမ်အကာအကွယ်
**************
အိမ်သစ်မှာနေထိုင်ကြမယ့် မိသားစုတွေ ဘေးဥပါဒ်အန္တရာယ်တွေကင်းဝေးအောင် ကာကွယ်ကြပုံလဲ ရှိပါသေးတယ်။
ကာကွယ်ပုံမှာ --
အရှေ့တောင်ကတိုင်မှာ သိ
အနောက်တောင်က တိုင်မှာ န
အနောက်မြောက်ကတိုင်မှာ ဗိ
အရှေ့မြောက်ကတိုင်မှာ ဘု
ဆိုပြီး ရေးသားရခြင်းပါပဲ။
အဲဒီ စာတစ်လုံးစီရဲ့ အရှည်ကတော့ -
သိ = သိကြား
န = နဂါး
ဗိ = ဗိဿနိုး
ဘု = ဘုရား ဖြစ်ပါတယ်။
ဒီစာရေးထားတဲ့ တိုင်တွေကိုလဲ ရွှေရည်၊ ငွေရည်၊ စိန်ရည်၊ ကျောက်ရည်တို့ သွန်းလောင်းပေးရပါတယ်။ ဒီလိုပြုခြင်းအားဖြင့် အိမ်သူအိမ်သားများဖို့ ဥပါဒ်အန္တရာယ်ကင်းရှင်းပြီး စိတ်ရဲ့ချမ်းသာခြင်း၊ ကိုယ်ရဲ့ချမ်းသာခြင်းတို့နဲ့ ပြည့်စုံနိုင်ပါသတဲ့ ။

အခုတင်ပြခဲ့တဲ့ အကြောင်းအရာတွေကတော့ မြန်မာ့ရိုးရာ ထုံးတမ်းအစဉ်အလာအရ အိမ်သစ်၊ ကျောင်းသစ် ဆောက်ရာမှာ ပြုလုပ်ဆောင်ရွက်၊ ရှောင်ကြ၊ ဆောင်ကြတဲ့အချက်တွေပါ။
ခေတ်နဲ့ လျော်ညီစွာရှိတယ်၊ မလျော်ညီတယ်ဆိုတာကိုတော့ စာဖတ်သူတို့ကို ဆုံးဖြတ်ခွင့်ပေးပြီး ရိုးရာဓလေ့ထုံးစံတစ်ရပ်ကို မှတ်တမ်းတင်တဲ့အနေနဲ့ ဖော်ပြလိုက်ရပါတယ်။ 🤍🌿

02/09/2025

” သားရီး လာ
မင်းကို ငါ ဗေဒင်ဟောပေးမယ် ”

” မင်း ဘာနေ့သားလဲ ”

”😎 အေး ဟောပေး
ငါက အင်္ဂါသား ”

”အင်း
မင်းက လူထူးလူဆန်းတယောက်ပဲ
သူများတွေလို မဟုတ်ဘူး
လူတိုင်းကြိုက်တဲ့အရာကို မင်းမကြိုက်တတ်ဘူး ”

” ဟာ
အဲတာတော့ ဟုတ်တယ်ကွ ”

” နောက်
မင်းက အပျင်းကြီးပေမယ့်
မင်းလုပ်ချင်ပြီဟေ့ဆိုရင်
မဖြစ် ဖြစ်အောင်လုပ်တတ်တယ် ”

” ဟုတ်တယ် ဒါ ငါ့အကျင့်ပဲ ”

” ပြီးတော့
မင်းက အပြင်ပန်း အေးဆေးတယ်ထင်ရပေမယ့်
မင်းကို ထိလာပြီဆို ဆယ်ဆလောက်ပြန်ပြီး
လက်တုန့်ပြန်ရမှ ကျေနပ်တဲ့လူ ”

” အေး
အဲ့တစ်ခုတော့သေအောင်မှန်တယ် ”

” နောက်
မင်းက တယောက်တည်းနေရင်
တည်ငြိမ်တယ်လို့ ထင်ရပေမယ့်
အပေါင်းအသင်း သူငယ်ချင်တွေကြားရောက်ရင်
အားလုံးထဲမှာ အပေါဆုံးလူ ဖြစ်သွားရော ”

” ဟား ဟား ဟား
ဟုတ်တယ် ဟုတ်တယ် 😂”

” အေး
မင်းမှာ ကံဆိုးတဲ့ အချက်တစ်ခုက
မင်း ယုံကြည်ရတဲ့လူတွေက မင်းကို
လှည့်စားသွားတတ်တာပဲ ”

” မှန်လိုက်တာ သားရီးရာ မှန်ချက်
နေပါဦး မင်း ဒါတွေကိုဘယ်လိုသိတာလဲ ”

”ဘယ်လိုမှမသိဘူး
လူတိုင်းကို ငါ ဒါပဲ လိုက်ပြောနေတာ
ထူးဆန်းတာက ဘာနေ့သားဖြစ်ဖြစ်
ငါ အဲ့ဒါတွေပြောရင် မင်းလိုပဲ
မှန်လိုက်တာလို့ ပြောတဲ့သူချည်းပဲ ” 😁

15/08/2025

ပုရွက်ဆိတ်နီ အကောင် ၁၀၀ နဲ့ ပုရွက်ဆိတ်နက် အကောင် ၁၀၀ ကို ပုလင်းတစ်လုံးထဲ ထည့်လိုက်ရင် ဘာမှမဖြစ်ပါဘူး။
ဒါပေမဲ့ အဲဒီပုလင်းကို အားနဲ့ လှုပ်ခါလိုက်ရင်တော့ တစ်ကောင်နဲ့တစ်ကောင် စပြီး သတ်ကြပါတော့မယ်။

ပုရွက်ဆိတ်နီတွေက ပုရွက်ဆိတ်နက်တွေကို ရန်သူလို့ ထင်တယ်။
ပုရွက်ဆိတ်နက်တွေကလည်း ပုရွက်ဆိတ်နီတွေကို ရန်သူလို့ ထင်တယ်။
တကယ်တော့ အမှန်တကယ်ရန်သူက အဲဒီပုလင်းကို လှုပ်ခါလိုက်တဲ့သူပါပဲ။

ဒါဟာ ကျွန်တော်တို့ လူ့အဖွဲ့အစည်းအတွက်လည်း အမှန်ပါပဲ။
ကျွန်တော်တို့ဟာ တစ်ခါတလေ အရောင်တွေ၊ အယူအဆတွေ၊ ယုံကြည်ချက်တွေကြောင့် အချင်းချင်း တိုက်ခိုက်ကြတယ်၊ ငြင်းခုံကြတယ်၊ အုပ်စုကွဲကြတယ်။

ဒါပေမဲ့ တစ်ယောက်နဲ့တစ်ယောက် မတိုက်ခိုက်ခင်မှာ ဘယ်သူက ပုလင်းကို လှုပ်ခါနေတာလဲ ဆိုတာကိုတော့ ကျွန်တော်တို့ မေးသင့်ပါတယ်။

မတုံ့ပြန်ခင် ပိုပြီးနက်နက်ရှိုင်းရှိုင်း စဉ်းစားဖို့အတွက် သတိပေးလိုက်တာပါပဲ။

Kurt Vonnegut ကို မှီငြမ်းထားသည်။

Credit

03/08/2025

#ဖားကန့်မှော်တစ်ခုမှာ
လောပန်းတစ်ယောက်အိမ်
အလည်ရောက် စကားပြောနေတုန်း

ရေမဆေးတစ်ယောက်
အတန်သင့်ကြီးတဲ့
ကျောက်တုံးတစ်တုံး
ထမ်းပြီး ဝင်လာတယ်။

ရေမဆေး
လောပန်း ကျောက်ကြည့်ပါ

လောပန်း
အေး ဘယ်လာက်လဲ

ရေမဆေး
၁၀ သိန်းရရင် ရောင်းမယ်လောပန်း

လောပန်း
၅ ထောင်ပေးမယ်

ရေမဆေး ဟာဗျာ ဆိုပြီး
သူ့ကျောက်ကို ပြန်ထမ်းပြီး
ထွက်သွားပါရော

ခြံပေါက်ဝ ရောက်တော့
ပြန်လှည့်လာပြီး ကျောက် ကို ပစ်ချပြီး
လောပန်း
၅ထောင်ပဲ ပေးတော့ဗျာ ဆိုပြီး
စျေးတည့် ငွေ ၅၀၀၀ ယူပြီး
ထွက်သွားရော

ကိုယ်တွေက ကျောက်အကြောင်းလဲ
သိပ်နားမလည်သေးခင်
သူတို့ ခေါ်တဲ့စျေးနဲ့ ပေးတဲ့စျေး ကို
အံသြမိပြီး လောပန်းကိုမေးမိတယ်

ခင်ဗျားဗျာ
၁၀ သိန်းခေါ်တဲ့ ကျောက်ကို
၅၀၀၀ ပဲပေးတာ
မိုက်လှချည့်လား ဆိုတော့

သူ့ဟာက ကျောက် မှ မဟုတ်တာဗျာ
ပလွမ် ကြီးဗျ

တကယ်ဆို တစ်ပြားမှ မတန်ဘူးဗျ
ဒီကောင်လဲသိပါတယ် ရမလားလို့
ဂျင်းလာထည့်တာ

အံ့သြပြီးရင်းအံ့သြမိတယ်

ဒါဆို ခင်ဗျားက ဘာလို့
၅၀၀၀ ပေးလိုက်တာလဲဆိုတော့

ကိုယ့်ဆရာကလဲဗျာ
ကျနော့်အတွက် ငွေ ၅၀၀၀ က
ပဲလှော်တစ်စေ့စာပဲရှိတာ

သူတို့အတွက်တော့ တန်ဖိုးရှိတယ်ဗျ

ဒီလို ရင်းထားမှ
ကျောက်ရတိုင်း
ကျနော်ဆီလာပြမှာပေါ့တဲ့

သင်ခန်းစာနှစ်ခုရလိုက်တယ်။

ဘဝမှာ
လူတိုင်းလူတိုင်း ကိုယ့်ကိုယ်ကို
ကြေးတင်ဂုဏ်မောက်နေပေမယ့်

မရိုးသားတဲ့ သူဟာ
နောက်ဆုံးတော့ ပေးတဲ့စျေးနဲ့
ရောင်းလိုက်ရတဲ့အခြေအနေပဲ
ပိုင်ဆိုင်ရမှာ။

နောက်တစ်ခုကတော့
မင်းအလကားရတယ်လို့ ထင်ထားတဲ့
အဖိုးအခ တစ္ခုဟာ
မင်းကိုမသိမသာ
ချည်နှောင်လိုက်တဲ့

ကြိုးတစ်ချောင်းလဲ
ဖြစ်နေနိုင်ပါသေးတယ်။

15/07/2025

တိုက်ဆိုင်မှုရှိခဲ့လျှင်...
တည့်တည့် ပြောတယ်မှတ်ပါ ..!!

တစ်ခါက ရွာတစ်ရွာမှာ ရွာဦး နတ်ကွန်းနံဘေး ရေနှုတ်မြောင်းက ဖြတ်စီးနေတယ်။
နတ်ကွန်းထဲမှာ နတ်ရုပ်က မတ်တတ် ကိုယ်တော်ကြီး။

တစ်နေ့တော့ လူတစ်ယောက်ဟာ
မြောင်းဘောင်အတိုင်း လျှောက်လာပြီး
ဟိုဘက်ကမ်းကို ကူးမယ်လုပ်တယ်။

အဲ့မြောင်းထဲမှာကရေတော်တော်များနေတယ်။
ခုန်ကူးရအောင်ကလည်း မမီမကမ်းနဲ့။

မြောင်းထဲ ဆင်းကူးရင်လည်း ရေစိုမယ်လေ။
ဒီလူကလည်း ခပ်ရွတ်ရွတ်ဆိုတော့
နတ်ကွန်းထဲက နတ်ရုပ်ကြီးကိုဆွဲချ
မြောင်းပေါ်ခွကျော်ထားပြီးမှနတ်ရုပ်ကြီးကို
တုံးတံတားလုပ်ပြီးမြောင်းကို ကူးသွားတယ်။

ဟိုဘက်ကမ်း အဆင်းမှာ နတ်ရုပ်ကြီး မျက်ခွက်ကိုတောင်
ဆောင့်နင်း သွားလိုက်သေးသတဲ့။

သိပ်မကြာလိုက်ပါဘူး။ လယ်သမားကြီး
တစ်ယောက် ရောက်လာတယ်။

သူကတော့ နတ်ရုပ်ကြီးမျက်ခွက်မှာရွှံ့ခြေရာကြီး
ပေနေတာတွေ့တော့မျက်စေ့တောင် ပြာခနဲ ဖြစ်သွားပြီး
မြောင်းထဲဆင်း၊ ရေတွေ လက်ခုပ်နဲ့ခပ်၊
နတ်ရုပ်ကြီးကိုဆေး၊ မနိုင့်တနိုင်နဲ့,မ၊
နတ်ကွန်းထဲ ပြန်ထူထားလိုက်တယ်။

အဲ့ဒီမှာ..သူ့ကိုမထီမဲ့မြင် လုပ်တယ်ဆိုပြီး
နတ်ကြီးက ဖမ်းစားတော့တာပဲ။

ဘယ်သူ့ကိုဖမ်းစားသလဲ ဆိုတော့
သူ့ကို ချနင်းသွားတဲ့လူကို မဟုတ်ဘဲ
အပင်ပန်းခံ နတ်ကွန်းထဲပြန်ထားတဲ့လယ်သမားကြီးကိုပါ။

အကြောင်းပြချက် Reason ကနတ်ရုပ်ကို ရွှေ့ပြောင်းရာမှာ
အစဉ်အလာရှိတဲ့အတိုင်း အမွှေးတိုင်ထွန်းပြီး
မပင့် မလျှောက်လို့တဲ့၊ နတ်ဆရာတွေက ဒီလိုပြောလို့
လယ်သမားကြီးခမျာဝက်တစ်ကောင်ပေါ်ပြီး ပူဇော်ရသတဲ့။

ဒါနဲ့ သူ့သူငယ်ချင်း နတ်တွေက
အဲ့နတ်ကို ဝိုင်းလှောင်ကြတယ်။

" မင်းကွာ ..မင့်ကို တက်နင်းသွားတဲ့ကောင်ကိုတော့..
ဖမ်းမစားရဲဘူးပေါ့.."

ဒီတော့မှ ..အဲ့ဒီ မတ်တပ်ကိုယ်တော်နတ်ကြီးက... အားရပါးရ ရယ်ပြီး ...
ပြန်ပြောလိုက်တာကတော့ ...

” ဟေ့ကောင်တွေ...ငပိန်းတွေကို ..
အနိုင်ကျင့်ရတာ လွယ်တယ်ကွ..
ငါ့ကိုတက်နင်းသွားတဲ့ကောင်ကို ...သွားဖမ်းစားမိရင်...
နောက်တစ်ခါဆို..ငါ့ကို မီးပါအရှို့ခံနေရမှာ..ဟား ..ဟား "

(မှတ်ချက်။ ။ တချို့လူတွေက
သူတို့အခွက်ကို
တက်နင်းသွားတဲ့ကောင်တွေနဲ့ပဲ
တန်ပါတယ်။)

-To Original Writer

24/06/2025

သိမှတ်ဖွယ်ရာ ဘုန်းရွေပညာ။

01/06/2025

" ခွေးတွေဟာ ဘာလို့ လူတွေထက် သက်တမ်းပိုတိုတာလဲ..''
ဒီမေးခွန်းအတွက် ၆ နှစ်သား ကလေးတစ်ယောက်ရဲ့ အဖြေဟာ အံ့အားသင့်စရာ အဖြေတစ်ခုပါ။

ကျွန်တော့်သူငယ်ချင်း တိရစ္ဆာန်ဆရာဝန်တစ်ဦးက တစ်ခါက ထိမိတဲ့ဇာတ်လမ်းတစ်ပုဒ်ကို မျှဝေခဲ့ဖူးပါတယ်။

တစ်ခါက အသက်ဆယ်နှစ်အရွယ် ဂျာမန်သိုးထိမ်းခွေးတစ်ကောင်ကို စစ်ဆေးဖို့ ကျွန်တော့်ကို သူ့အိမ် ဖိတ်ခေါ်ခဲ့ပါတယ်။ ပိုင်ရှင်တွေနဲ့ သူတို့ရဲ့သားငယ်လေးက Astro( ခွေးအမည်) ကို အရမ်း ချစ်ကြပါတယ်။

ကျွန်တော် Astro ကို စစ်ဆေးကြည့်တော့ သူက ကင်ဆာကြောင့် သေဆုံးတော့မယ်ဆိုတာ တွေ့ရှိခဲ့ရပါတယ်။

ဘာမှထပ်မလုပ်ပေးနိုင်တော့ဘူးလို့ မိသားစုကို ကျွန်တော်ပြောပြခဲ့ပြီး သူတို့အိမ်မှာပဲ သက်သက် သာသာ သေဆုံးအောင် ဆောင်ရွက်ပေးဖို့ အကြံပေးခဲ့ပါတယ်။ဒီကိစ္စအတွက် ကူညီပေးဖို့လည်း ကတိပေးခဲ့ပါတယ်။

သူတို့ မိသားစုလည်း သဘောတူခဲ့ကြပါတယ်။ ဒါဟာ အမှန်ကန်ဆုံး လူသားဆန်တဲ့ ရွေးချယ်မှုပါ၊ မဟုတ်ရင် တိလေးမှာ ကင်ဆာဝေဒနာကြောင့် အရမ်းခံစားရမှာဖြစ်လို့ပါ။

ကျွန်တော်တို့ ပြင်ဆင်နေတုန်းမှာ မိဘတွေက သူတို့ရဲ့ ၆ နှစ်အရွယ်သားလေးကလည်း အနားမှာ ရှိနေချင်တယ်လို့ ပြောခဲ့ပါတယ်။

နောက်နေ့မှာ မိသားစုအားလုံး Astro ရဲ့ဘေးမှာ ဝိုင်းရံနေကြပါတယ်။ ကလေးငယ်လေးက သူ့ခွေးလေးကို နောက်ဆုံးတစ်ကြိမ် ညင်သာစွာ ပွတ်သပ်ပေးနေခဲ့ပါတယ်။ ခဏအကြာမှာ Astro လည်း အေးချမ်းစွာ ငြိမ်သက်သွားခဲ့ပါတယ်။

အဲ့ဒီနောက်မှာတော့ ကျွန်တော်တို့အားလုံး တိတ်ဆိတ်စွာ အတူထိုင်ပြီး ခွေးတွေဟာ ဘာလို့ လူတွေထက် အသက်ပိုတိုရတာလဲဆိုတာကို စဉ်းစားနေခဲ့ကြပါတယ်။

ကျွန်တော်တို့စကားဝိုင်းမှာ တိတ်တိတ်ဆိတ်ဆိတ် နားထောင်နေတဲ့ ကလေးငယ်လေးက ရုတ်တရက် ထပြောခဲ့ပါတယ်။

"ကျွန်တော် သိတယ် ဘာလို့လဲဆိုတာ...?"တဲ့။

ကျွန်တော်တို့အားလုံး သူ့ဘက်ကို အံ့အားသင့်စွာ လှည့်ကြည့်မိကြပါတယ်။

သူနောက်တစ်ခွန်းပြောလိုက်တဲ့စကားက ကျွန်တော့်ကို အံ့သြသွားစေခဲ့ပါတယ်။ အဲ့ဒီလောက်ကောင်းတဲ့ရှင်းပြချက်ကို ကျွန်တော်ဘယ်တုန်းကမှ မကြားဖူးခဲ့ပါဘူး။

သူက ပြောပါတယ်....

"လူတွေက ဘဝမှာ ဘယ်လို ကောင်းအောင် နေထိုင်ရမလဲဆိုတာ သင်ယူဖို့ မွေးဖွားလာကြတာ။ ချစ်တတ်ဖို့ မေတ္တာနဲ့ ကြင်နာတတ်ဖို့လိုပေါ့၊ ဟုတ်တယ်မလား...ဖေဖေ ? ခွေးလေးတွေကတော့ အဲ့ဒါတွေကို သိပြီးသားလေ.. ဒါကြောင့် သူတို့က သားတို့လို ကြာကြာနေစရာမှ မလိုတော့တာ..." တဲ့။

ခွေးတစ်ကောင်ဆီကနေ သင်ယူနိုင်တဲ့အရာတွေက-

🍀 ကိုယ်ချစ်တဲ့သူတွေ အိမ်ပြန်လာရင် ထွက်ကြိုပါ။
🍀 ဟိုနားဒီနား လမ်းလျှောက်ထွက်ဖို့ အခွင့်အရေးကို ဘယ်တော့မှ လက်မလွှတ်ပါနဲ့။
🍀 ခဏတစ်ဖြုတ် အိပ်ပါ။
🍀အိပ်ရာက မထခင် ကိုယ်လက်ဆန့်ပါ။
🍀 နေ့တိုင်း ပြေးပါ၊ တစ်ခုခူ ကစားပါ၊ ပျော်ရွှင်ပါ။
🍀 ဟိန်းဟောက်ရုံနဲ့ လုံလောက်ပြီဆိုရင် မကိုက်ပါနဲ့။
( ပြောပြယုံနဲ့လုံလောက်လျင် ဒေါသမထွက်ပါနဲ့။ )
🍀 ရေအများကြီးသောက်ပြီး အရိပ်ထဲမှာ အနားယူပါ။
🍀 တစ်ဦးပေါ်တစ်ဦး သစ္စာရှိပါ။
🍀 သင်လိုချင်တာ မြှုပ်ထားရင် ရှာတွေ့တဲ့အထိ တူးပါ။
( ဖြစ်ချင်တာကို ရအောင်လုပ်ပါ။)
🍀 တစ်စုံတစ်ယောက် စိတ်မကောင်းဖြစ်နေတဲ့အခါ တိတ်တိတ်နေပါ၊ ဘေးနား နီးနီးလေး ထိုင်ပြီး ရှိနေပေးပါ။

ဒီအချက်အလက်တွေက ခွေးတစ်ကောင်ရဲ့ နှလုံးသားကနေ တိုက်ရိုက်လာတာပါ။

LP Library - Online

25/12/2025

30/11/2025

01/11/2025

29/09/2025

25/09/2025

24/09/2025

02/09/2025

15/08/2025

03/08/2025

15/07/2025

24/06/2025

01/06/2025

Address

Website

Alerts

Shortcuts

Share

Category