Department of Archaeology & National Museum, Yangon, Myanmar, 32 Avenue, Pyay Road, Yangon (2026)

01/08/2026

ရန်ကုန်တိုင်းဒေသကြီးအတွင်းရှိ နှစ် ၁၀၀ နှင့်အထက် သက်တမ်းရှိ ရှေးဟောင်းအဆောက်အအုံများအား ရှေးဟောင်းအဆောက်အအုံအဖြစ် သတ်မှတ်၍ ကမ္ပည်းမော်ကွန်းတင်ခြင်း အခမ်းအနားများ ကျင်းပ

ရန်ကုန်၊ [ဇူလိုင် ၂၈]

ရန်ကုန်တိုင်းဒေသကြီးအတွင်းရှိ နှစ် ၁၀၀ နှင့်အထက် သက်တမ်းရှိ ရှေးဟောင်းအဆောက်အအုံ (၁၅၃) လုံးကို ရှေးဟောင်းအဆောက်အအုံ အဖြစ် သတ်မှတ်ခဲ့ပြီးဖြစ်ရာ ၎င်းတို့အနက် ကမ္ဘောဇရိပ်သာ (ချင်းချောင်းနန်းတော်) နှင့် ဗိုလ်ချုပ်အောင်ဆန်းပြတိုက် တို့တွင် ရှေးဟောင်းအဆောက်အအုံ ကမ္ပည်းမော်ကွန်းကြေးပြားတပ်ဆင်ခြင်း အခမ်းအနားကို ၂၈-၇-၂၀၂၆ ရက်နေ့ မွန်းလွဲပိုင်းက သက်ဆိုင်ရာ အဆောက်အအုံများ၌ ကျင်းပပြုလုပ်ခဲ့ပါသည်။
အဆိုပါအခမ်းအနားတွင် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးမောင်မြင့် ၊ ရခိုင်တိုင်းရင်းသားလူမျိုးများရေးရာဝန်ကြီး နှင့် တာဝန်ရှိသူများ တက်ရောက်ခဲ့ပြီး ရှေးဟောင်းအဆောက်အအုံ အထိမ်းအမှတ် ကမ္ပည်းမော်ကွန်းအား အောင်သပြေခက်နှင့် အမွှေးနံ့သာရည်များ ပက်ဖျန်းပေးခဲ့ကြကြောင်း သိရှိရသည်။

16/07/2026

ရန်ကုန်၊ ဇူလိုင် ၁၆

ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန၊ ဒုတိယဝန်ကြီး ဦးအေးထွန်း သည် ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်း နှင့် တာဝန်ရှိသူများ လိုက်ပါလျက် ယနေ့နံနက် (၀၉:၀၀) နာရီတွင် ရန်ကုန်တိုင်းဒေသကြီး သန်လျင်မြို့ရှိ နတ်သျှင်နောင် အထိမ်းအမှတ်ဂူ၊ ဝန်ကြီးပဒေသရာဇာ အထိမ်းအမှတ်ဂူ နှင့် ပေါ်တူဂီဘုရားရှိခိုး ကျောင်းဟောင်း တို့၏ အခြေအနေများအား သွားရောက်ကြည့်ရှု စစ်ဆေးခဲ့ပါသည်။

16/07/2026

ရန်ကုန်၊ ဇူလှိုင် ၁၄

ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ရန်ကုန်ဌာနခွဲ)မှ ညွှန်ကြားရေးမှူး ဦးဆောင်သော အဖွဲ့သည် ၁၄-၇-၂၀၂၆ ရက်နေ့ နံနက်ပိုင်းတွင် ရန်ကုန်တိုင်းဒေသကြီး၊ သန်လျင်မြို့နယ်အတွင်းရှိ နတ်သျှင်နောင် အထိမ်းအမှတ်ဂူ၊ ဝန်ကြီးပဒေသရာဇာ အထိမ်းအမှတ်ဂူ နှင့် ပေါ်တူဂီဘုရားရှိခိုးကျောင်းဟောင်း နေရာများသို့ သွားရောက်၍ ရှေးဟောင်းအဆောက်အအုံ များ၏ အခြေအနေနှင့် ရေရှည်တည်တံ့ခိုင်မြဲရေး ကာကွယ်ထိန်းသိမ်းထားရှိမှု အခြေအနေများကို ကြည့်ရှုစစ်ဆေးခဲ့ပါသည်။

20/05/2026

ကျောက်ဖြစ်ရုပ်ကြွင်း (၁၉) ခုကို သက်ဆိုင်ရာဌာနသို့ တရားဝင် လွှဲပြောင်းပေးအပ်ပွဲအခမ်းအနား

ရန်ကုန်၊ [၂၀၂၆ ခုနှစ်၊ မေလ ၁၈ ရက်]

ဖမ်းဆီးရမိသော ကျောက်ဖြစ်ရုပ်ကြွင်းများကို သက်ဆိုင်ရာ တာဝန်ရှိသည့်ဌာနသို့ တရားဝင် ပြန်လည်လွှဲပြောင်းပေးအပ်သည့် အခမ်းအနားကို ၂၀၂၆ ခုနှစ်၊ မေလ ၁၈ ရက်တွင် ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ရန်ကုန်ဌာနခွဲ၌ ကျင်းပပြုလုပ်ခဲ့ပါသည်။

လွှဲပြောင်းပေးအပ်သည့် ကျောက်ဖြစ်ရုပ်ကြွင်းများသည် လွန်ခဲ့သော နှစ်ပေါင်း (၈) သန်းခန့်က ဖြစ်ပေါ်ခဲ့သော ရှေးဟောင်းဇီဝရုပ်ကြွင်းများဖြစ်ကြောင်း မှတ်တမ်းတင်ထားပြီး စုစုပေါင်း (၁၉) ခု ပါဝင်သည်။ အဆိုပါ ရုပ်ကြွင်းများတွင် စတီဂိုလိုဖိုဒွန် (Stegolophodon) ရှေးဦးဆင်၏ သွားပါအောက်မေးရိုးနှင့် အံသွားအစုံများ၊ ရှေးဦးကြံ့၏ သွားပါအောက်မေးရိုး၊ အောက်အံသွားနှင့် မေးရိုးအပိုင်းအစများ၊ ရေမြင်းမူလမျိုးနွယ်၏ အောက်မေးရိုးအပိုင်းအစ၊ ရှေးဦးကျွဲနွား၏ ခြေဆစ်လက်ဆစ်ရိုး၊ ရှေးဦးသစ်ကုလားအုတ်၏ သွားပါအောက်မေးရိုး၊ ဆင်အံသွားအပိုင်းအစများနှင့် အခြားနို့တိုက်သတ္တဝါများ၏ အရိုးအပိုင်းအစများ ပါဝင်ပါသည်။

ရှေးဟောင်းဝတ္ထုပစ္စည်းများနှင့် ကျောက်ဖြစ်ရုပ်ကြွင်းများသည် နိုင်ငံတော်၏ သမိုင်းတန်ဖိုးရှိသော ယဉ်ကျေးမှုအမွေအနှစ်များ ဖြစ်သဖြင့် ယင်းတို့ကို “ခွင့်ပြုချက်မရှိဘဲ ပြည်ပသို့သယ်ယူခြင်း သို့မဟုတ် ပို့ဆောင်ခြင်း၊ မူလပုံစံပျက်ယွင်းစေခြင်း၊ ဖျက်ဆီးခြင်း၊ ခွင့်ပြုချက်မရှိဘဲ မြေပေါ်မြေအောက်၊ ရေပေါ်ရေအောက်မှ တူးဖော်ခြင်း သို့မဟုတ် ရှာဖွေခြင်း၊ စီးပွားရေးအလို့ငှာရောင်းချရန် ရည်ရွယ်ချက်ဖြင့် စုဆောင်းထားရှိခြင်း၊ လက်ဝယ်ထားရှိခြင်း၊ ရောင်းချခြင်း သို့မဟုတ် ဝယ်ယူခြင်း၊ ပြည်တွင်းတစ်နေရာမှ တစ်နေရာသို့သယ်ယူခြင်း သို့မဟုတ် ပို့ဆောင်ခြင်း၊ ဦးစီးဌာန၏ လက်ဝယ်တွင်ထိန်းသိမ်းထားရှိသော ရှေးဟောင်းဝတ္ထုပစ္စည်းများကို စီးပွားရေးအလို့ငှာ ရှေးဟောင်းဝတ္ထုပစ္စည်း၏ ပုံကို ဓာတ်ပုံ၊ ဗီဒီယို သို့မဟုတ် ရုပ်ရှင်ရိုက်ကူးခြင်း၊ မိတ္တူပွားယူခြင်း သို့မဟုတ် ပုံတူပွားခြင်း၊ ပုံတူကူးယူခြင်း” တို့ကို မပြုလုပ်ရန် “ရှေးဟောင်းဝတ္ထုပစ္စည်းများ ကာကွယ်ထိန်းသိမ်းရေးဥပဒေ”အရ တားမြစ်ပြဋ္ဌာန်းထားပါကြောင်း၊
ရှေးဟောင်းဝတ္ထုပစ္စည်းများကို ကိုယ်ပိုင်ထိန်းသိမ်းလိုပါက ရှေးဟောင်းသုတေသနနှင့် အမျိုးသားပြတိုက်ဦးစီးဌာနတွင် “ရှေးဟောင်းဝတ္ထုပစ္စည်း ထိန်းသိမ်းခွင့်လက်မှတ်ရရှိရေး ခွင့်ပြုရန်လျှောက်လွှာ”ဖြင့် လာရောက်လျှောက်ထားရမည် ဖြစ်ပါသည်။ ထိန်းသိမ်းခွင့်ရရှိသူသည် မိမိ သို့မဟုတ် မိမိ၏ မိသားစုတွင် ပါဝင်သူတစ်ဦးဦး (သင့်လျော်သောအကြောင်းပြချက်ဖြင့် ထိန်းသိမ်းခွင့် လျှောက်ထားပါက)နှင့် ပတ်သက်၍ ဥပဒေပါ စည်းကမ်းသတ်မှတ်ချက်များနှင့်အညီ ရာသက်ပန် ထိန်းသိမ်းခွင့်ရရှိမည် ဖြစ်ပါသည်။ သို့ရာတွင် “ရှေးဟောင်းဝတ္ထုပစ္စည်း ထိန်းသိမ်းခွင့်လက်မှတ်” သတ်မှတ်ထားသော ခွင့်ပြုချက် သက်တမ်းမကုန်ဆုံးမီ (၆)လ ကြိုတင်၍ ဦးစီးဌာနသို့ သက်တမ်းတိုး လျှောက်ထားရမည် ဖြစ်ပါသည်။

ရှေးဟောင်းဝတ္ထုပစ္စည်းများကို သက်ဆိုင်ရာဌာနများသို့ မှန်ကန်စွာ အပ်နှံခြင်းသည် မြန်မာ့ယဉ်ကျေးမှုအမွေအနှစ်များကို ကာကွယ်ထိန်းသိမ်းစောင့်ရှောက်ရာတွင် အရေးကြီးသော ကဏ္ဍတစ်ခုဖြစ်ပြီး၊ ရှေးဟောင်းဝတ္ထုပစ္စည်းနှင့် ကျောက်ဖြစ်ရုပ်ကြွင်းများ တွေ့ရှိပါက ရှေးဟောင်းသုတေသနနှင့် အမျိုးသားပြတိုက်ဦးစီးဌာန သို့မဟုတ် အုပ်ချုပ်ရေးအဖွဲ့အစည်းများသို့ အပ်နှံ၍ နိုင်ငံတော်၏ အမွေအနှစ်များကို ပူးပေါင်းကာကွယ်ထိန်းသိမ်းပေးကြပါရန် အသိပေးအပ်ပါသည်။

10/05/2026

ရန်ကုန်တိုင်းဒေသကြီး၊ မရမ်းကုန်းမြို့နယ်၊ သီရိမင်္ဂလာကမ္ဘာအေးကုန်းမြေရှိ မဟာပါသာဏလိုဏ်ဂူတော်ကြီးတွင် ကျင်းပပြုလုပ်လျက်ရှိသော ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်ပြခန်းသို့ ဧည့်ပရိသတ်များ စိတ်ပါဝင်စားစွာ လာရောက်လေ့လာလျက်ရှိပါသည်။
ယမန်နေ့ ၁၀-၅-၂၀၂၆ ရက်နေ့တွင် အဆိုပါပြခန်းများသို့ သံဃာတော်များ၊ သီလရှင်များ၊ ကျောင်းသား/သူများနှင့် ပြည်တွင်းဧည့်သည် အများအပြား လာရောက် ကြည့်ရှုလေ့လာခဲ့ကြပါသည်။ ပြပွဲသို့ လာရောက်ကြသူများကို ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ရန်ကုန်ဌာနခွဲ) မှ အမှုထမ်းများက ပြကွက်များအလိုက် လိုက်လံရှင်းလင်းပြသခြင်းနှင့် သိရှိလိုသည်များကို ပြန်လည်ဖြေကြားပေးခြင်းဖြင့် ဝိုင်းဝန်းကူညီ ဆောင်ရွက်ပေးခဲ့ကြပါသည်။

10/05/2026

ရန်ကုန်တိုင်းဒေသကြီး၊ မရမ်းကုန်းမြို့နယ်၊ သီရိမင်္ဂလာကမ္ဘာအေးကုန်းမြေရှိ မဟာပါသာဏလိုဏ်ဂူတော်ကြီးတွင် ကျင်းပပြုလုပ်လျက်ရှိသော ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်ပြခန်းသို့ ဧည့်ပရိသတ်များ စိတ်ပါဝင်စားစွာ လာရောက်လေ့လာလျက်ရှိပါသည်။
ယမန်နေ့ ၉-၅-၂၀၂၆ ရက်နေ့တွင် အဆိုပါပြခန်းများသို့ သံဃာတော်များ၊ သီလရှင်များ၊ ကျောင်းသား/သူများနှင့် ပြည်တွင်းဧည့်သည် အများအပြား လာရောက် ကြည့်ရှုလေ့လာခဲ့ကြပါသည်။ ပြပွဲသို့ လာရောက်ကြသူများကို ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ရန်ကုန်ဌာနခွဲ) မှ အရာထမ်း၊ အမှုထမ်းများက ပြကွက်များအလိုက် လိုက်လံရှင်းလင်းပြသခြင်းနှင့် သိရှိလိုသည်များကို ပြန်လည်ဖြေကြားပေးခြင်းဖြင့် ဝိုင်းဝန်းကူညီ ဆောင်ရွက်ပေးခဲ့ကြပါသည်။

08/05/2026

ရန်ကုန်တိုင်းဒေသကြီး၊ မရမ်းကုန်းမြို့နယ်၊ သီရိမင်္ဂလာကမ္ဘာအေးကုန်းမြေရှိ မဟာပါသာဏလိုဏ်ဂူတော်ကြီးတွင် ကျင်းပပြုလုပ်လျက်ရှိသော ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်ပြခန်းသို့ ဧည့်ပရိသတ်များ စိတ်ပါဝင်စားစွာ လာရောက်လေ့လာလျက်ရှိပါသည်။
ယမန်နေ့ ၈-၅-၂၀၂၆ ရက်နေ့တွင် အဆိုပါပြခန်းများသို့ လှည်းကူးပညာရေးကောလိပ်မှ ကျောင်းသားများနှင့် ဆရာ/မများ၊ မှော်ဘီဘ/ကကျောင်းမှ သံဃာတော်များ၊ သီလရှင်များနှင့် ကျောင်းသားများ၊ သီတဂူဝိဟာရကျောင်းတိုက်မှ သံဃာတော်များ၊ ရတနာမြိုင်ကျောင်းမှ သံဃာတော်များ၊ ဘုံပျံကျောင်းပရိယတ္တိစာသင်တိုက်မှ သံဃာတော်များ၊ သီလရှင်များဓမ္မာစရိယဥယျာဉ်မှ သံဃာတော်များ၊ လှည်းကူးမြို့နယ်မှ သီလရှင်များနှင့် ပြည်တွင်းဧည့်သည် အများအပြား လာရောက် ကြည့်ရှုလေ့လာခဲ့ကြပါသည်။ ပြပွဲသို့ လာရောက်ကြသူများကို ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ရန်ကုန်ဌာနခွဲ) မှ အမှုထမ်းများက ပြခန်းများအလိုက် လိုက်လံရှင်းလင်းပြသခြင်းနှင့် သိရှိလိုသည်များကို ပြန်လည်ဖြေကြားပေးခြင်းဖြင့် ဝိုင်းဝန်းကူညီ ဆောင်ရွက်ပေးခဲ့ကြပါသည်။

07/05/2026

ရန်ကုန်တိုင်းဒေသကြီး၊ မရမ်းကုန်းမြို့နယ်၊ သီရိမင်္ဂလာကမ္ဘာအေးကုန်းမြေရှိ မဟာပါသာဏလိုဏ်ဂူတော်ကြီးတွင် ကျင်းပပြုလုပ်လျက်ရှိသော ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်ပြခန်းသို့ ဧည့်ပရိသတ်များ စိတ်ပါဝင်စားစွာ လာရောက်လေ့လာလျက်ရှိပါသည်။
ယမန်နေ့ ၆-၅-၂၀၂၆ ရက်နေ့နှင့် ၇-၅-၂၀၂၆ ရက်နေ့တို့တွင် အဆိုပါပြခန်းများသို့ ဘာသာပေါင်းစုံချစ်ကြည်ညီညွတ်ရေးအဖွဲ့(ဗဟို)မှ ၈၁ ဦး၊ သမ္မိဒ္ဓေါဓယသီလရှင်စာသင်တိုက် မုန့်(တောင်)ရပ်ကွက်မှ ၃၀ ပါး၊ တောတိုက်ဓမ္မရိပ်သာဘ/ကကျောင်းတောတိုက်ရိပ်သာရပ်ကွက်၊ မင်္ဂလာဒုံမှ သံဃာတော် ၁၂၀ ပါး၊ မာဂဓီ-သာစည် ဘ/ကကျောင်း၊ ဒဂုံမြို့သစ်(အရှေ့ပိုင်း)မြို့နယ်မှ ၇၅ ဦး၊ လှည်းကူးပညာရေးကောလိပ်မှ ကျောင်းသားများနှင့် ဆရာ/မများ ၂၅၀ ဦး၊ ကမ္ဘာအေးပရိယတ္တိစာသင်တိုက်/ ဗုဒ္ဓတက္ကသိုလ်မှ ၂၅၀ ဦးခန့်၊ ရွှေတိဂုံဂေါပကအဖွဲ့ဝင်မိသားစုမှ ၁၅၀ ဦးခန့်၊ ဗိုလ်တထောင်ဂေါပကအဖွဲ့ဝင်မိသားစုမှ ၇၀ ကျော်နှင့် ပြည်တွင်းဧည့်သည်အများအပြား လာရောက်ကြည့်ရှုလေ့လာခဲ့ကြပါသည်။ ပြပွဲသို့ လာရောက်ကြသူများကို ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ရန်ကုန်ဌာနခွဲ) မှ တာဝန်ကျအရာထမ်း၊ အမှုထမ်းများက ပြခန်းများအလိုက် လိုက်လံရှင်းလင်းပြသခြင်းနှင့် သိရှိလိုသည်များကို ပြန်လည်ဖြေကြားပေးခြင်းဖြင့် ဝိုင်းဝန်းကူညီ ဆောင်ရွက်ပေးခဲ့ကြပါသည်။

05/05/2026

ရန်ကုန်တိုင်းဒေသကြီး၊ မရမ်းကုန်းမြို့နယ်၊ သီရိမင်္ဂလာကမ္ဘာအေးကုန်းမြေရှိ မဟာပါသာဏလိုဏ်ဂူတော်ကြီးတွင် ကျင်းပပြုလုပ်လျက်ရှိသော ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်ပြခန်းသို့ ဧည့်ပရိသတ်များ စိတ်ပါဝင်စားစွာ လာရောက်လေ့လာလျက်ရှိပါသည်။
ယမန်နေ့ ၅-၅-၂၀၂၆ ရက်နေ့တွင် အဆိုပါပြခန်းများသို့ သံဃာတော် ၂၉၃ ပါး၊ မယ်သီလရှင် ၁၂၅ ပါး၊ ပြည်တွင်းဧည့်သည် ဦးရေ ၅၇၀ ကျော်နှင့် ပြည်ပဧည့်သည် ၅၇ ဦးတို့ လာရောက်ကြည့်ရှုလေ့လာခဲ့ကြပါသည်။ ပြပွဲသို့ လာရောက်ကြသူများကို ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ရန်ကုန်ဌာနခွဲ) မှ တာဝန်ကျအရာထမ်း၊ အမှုထမ်းများက ပြခန်းများအလိုက် လိုက်လံရှင်းလင်းပြသခြင်းနှင့် သိရှိလိုသည်များကို ပြန်လည်ဖြေကြားပေးခြင်းဖြင့် ဝိုင်းဝန်းကူညီ ဆောင်ရွက်ပေးခဲ့ကြပါသည်။
အဆိုပါ ပြခန်း/ပြကွက်များကို ဧပြီလ (၃၀) ရက်နေ့မှ မေလ (၁၀) ရက်နေ့အထိ ခင်းကျင်းပြသသွားမည်ဖြစ်ကြောင်း သိရှိရပါသည်။

Department of Archaeology & National Museum, Yangon, Myanmar

01/08/2026

16/07/2026

16/07/2026

20/05/2026

10/05/2026

10/05/2026

08/05/2026

07/05/2026

05/05/2026

Address

Telephone

Website

Alerts

Shortcuts

Share

Category

Listing takedown request