Tai Youth Support SNLD

06/09/2026

နေပြည်တော်မှာ သားဖြစ်သူ ပေါ်တာဆွဲခံရကြောင်း တစ်တော့ပေါ် ရင်ဖွင့်ခဲ့တဲ့မိခင် အဖမ်းခံရ

နေပြည်တော်ကောင်စီနယ်မြေ၊ လယ်ဝေးမြို့နယ်ထဲက ဒေါ်ခင်ဌေးမြင့် (ခ) ဒေါ်ဌေးဟာ သူ့ကို လုပ်ကိုင်ကျွေးနေတဲ့ သားဖြစ်သူ ပေါ်တာဆွဲခံရလို့ ကူညီပေးကြဖို့ တစ်တော့ပေါ်မှာ ဗီဒီယိုတင်အပြီး နောက်တစ်ရက်မှာပဲ နေအိမ်မှာ ဖမ်းဆီးခံလိုက်ရတယ်လို့ ဒေသခံတချို့ဆီကနေ သိရပါတယ်။

စက်တင်ဘာ ၄ ရက်တုန်းက ဒေါ်ခင်ဌေးမြင့်ဟာ Khin Htay Myint ဆိုတဲ့ တစ်တော့အကောင့်ကနေ “မိဘကို လုပ်ကျွေးနေတဲ့ကလေးကို ၂၀၃၀ တပ်က ဗိုလ်မှူးအောင်မင်း ကိုယ်တိုင်ခေါ်ပြီးတော့ ပြည်သူ့စစ်ထဲ ထည့်လိုက်ပါတယ်။ ပေါ်တာလည်း လာဆွဲသွားပါတယ်ရှင်” ဆိုတဲ့ပြောဆိုချက်တွေ ပါဝင်တဲ့ ၅၉ စက္ကန့်စာ ရုပ်သံဗီဒီယိုကို တင်ခဲ့ပါတယ်။

သတင်းအပြည့်အစုံ - https://www.bbc.com/burmese/articles/clyegx1v51zo

#ဘီဘီစီမြန်မာပိုင်း #နေပြည်တော် #လယ်ဝေး #စစ်မှုထမ်း #မိခင်

06/09/2026

06/09/2026

■ KNU/KNLA/PDF အဖွဲ့များထံ သတင်းပေးပို့နေသူဟုဆိုကာ သံဖြူဇရပ်မြို့နယ် ဝယ်ဝင်္ကရာကျေးရွာနေ ဇနီးမောင်နှံနှစ်ဦး ဖမ်းဆီးခံရ

KNU/KNLA/PDF အဖွဲ့များထံ သတင်းပေးပို့နေသူဟုဆိုကာ သံဖြူဇရပ်မြို့နယ် ဝယ်ဝင်္ကရာကျေးရွာနေ ဇနီးမောင်နှံနှစ်ဦး ဖမ်းဆီးခံခဲ့ရကြောင်း သတင်းရရှိသည်။

ဖမ်းဆီးခံခဲ့ရသူများမှာ ဝယ်ဝင်္ကရာတွင် နေထိုင်သည့် အသက် (၃၁) နှစ်အရွယ် အောင်မြင့်မိုရ်ထက် (ခ) မောင်ဖြူဆိုသူနှင့် ၎င်း၏ဇနီးဖြစ်သူ မဖြူဖြူအောင် (ခ) မဖြူဆိုသူတို့ဖြစ်ကြကြောင်းနှင့် ၎င်းတို့နှစ်ဦးမှာ ရော်ဘာစေးခြစ်ကြသည့် ရွှေ့ပြောင်းလုပ်သားများဖြစ်သည်ဟု သိရကြောင်း ဒေသခံတစ်ဦးက ပြောသည်။

၎င်းက ဆက်လက်ပြီး “သူတို့က ပိန္နဲတောကျေးရွာဘက်က ရော်ဘာခြံတွေနဲ့ အွန်စောမွန် ရော်ဘာအထပ်သားစက်ရုံအနီးက ရော်ဘာခြံတွေမှာ ရော်ဘာစေး လိုက်ခြစ်နေကြသူတွေလို့ သိရပါတယ်။ သူတို့က တပ်မတာ်ရဲ့ သွားလာလှုပ်ရှားမှုတွေနဲ့ပတ်သက်လို့ KNU/KNLA/PDF အဖွဲ့တွေကို သတင်းပေးတယ်ဆိုပြီး ဖမ်းဆီးခံရတာလို့ သိရပါတယ်” ဟု ပြောကြားသည်။

၎င်းတို့နှစ်ဦးမှာ သံဖြူဇရပ်မြို့နယ်အတွင်းရှိ တပ်မတော်စစ်ကြောင်းများ လှုပ်ရှားသွားလာမှုအား KNU/KNLA/PDF အဖွဲ့များထံ သတင်းပေးခြင်းနှင့် KNU/KNLA/PDF အဖွဲ့များဟု သိပါလျက် သက်ဆိုင်ရာသို့ သတင်းပးပို့ခြင်းမရှိဘဲ ပျက်ကွက်ခဲ့ကြသူများဖြစ်သည့်အတွက်ကြောင့် ဖမ်းဆီးရခြင်းဖြစ်ကြောင်း လုံခြုံရေးတပ်ဖွဲ့နှင့် နီးစပ်သူတစ်ဦး၏ ပြောကြားချက်များအရ သိရသည်။

လက်ရှိတွင် အောင်မြင့်မိုရ်ထက် (ခ) မောင်ဖြူဆိုသူနှင့် ၎င်း၏ဇနီးဖြစ်သူ မဖြူဖြူအောင် (ခ) မဖြူဆိုသူတို့နှစ်ဦးအား သံဖြူဇရပ်မြို့မရဲစခန်းတွင် အကြမ်းဖက်မှုတိုက်ဖျက်ရေးဥပဒေပုဒ်မ - ၅၂ (က) အရ အမှုဖွင့်အရေးယူထားကြောင်း သိရသည်။

အဆိုပါ သံဖြူဇရပ်မြို့နယ်အတွင်း သံဖြူဇရပ် - ရေးကားလမ်းတစ်လျှောက်နှင့် သံဖြူဇရပ် - ဘုရားသုံးဆူ ကားလမ်းတစ်လျှောက်တွင် လက်နက်ကိုင်အဖွဲ့မျိုးစုံ လှုပ်ရှားနေကြကြောင်းလည်း ဒေသခံများ၏ ပြောကြားချက်များအရ သိရသည်။

/KNLA/PDF #သတင်းပေးပို့နေသူဟုဆို #သံဖြူဇရပ်မြို့နယ် #ဝယ်ဝင်္ကရာကျေးရွာ #ဇနီးမောင်နှံနှစ်ဦး #ဖမ်းဆီးခံရ

■ Read More - - - >>> https://news-eleven.com/article/314820

06/09/2026

စစ်သင်္ဘောတွေ အပါအဝင် သင်္ဘော ၃၈ စင်းဟာ မန္တလေး ဂေါဝန်ဆိပ်ကမ်းကနေ ဧရာဝတီမြစ်ကြောင်းအတိုင်း အထက်ကို ဆန်တက်နေတယ်လို့ ဒေသခံတွေနဲ့ စစ်ရေးသတင်းရင်းမြစ်တွေဆီကနေ သိရပါတယ်။

“အစီးအရေအတွက်ကတော့ စုစုပေါင်း ၃၈ စင်းလို့ သတင်းရထားတယ်ဗျ။ မနေ့ညပိုင်း ၁၀ နာရီအချိန်က တိုက်ခိုက်ရေးသင်္ဘော ၁ စင်းနဲ့ အခြား ၅ စင်းက ညပိုင်းကို ဆန်တက်လာတာဗျ။ အဲဒီလိုဆန်တက်လာပြီး ကျနော်တို့ မတ္တရာနယ်ထဲက ရှင်လှတောင်ရွာမှာ ကမ်းကပ်စခန်းချတယ်ဗျ။ ကျန်တဲ့အစီး‌တွေကတော့ ဒီနေ့ စက်တင်ဘာ ၆ ရက်နေ့ မနက်ခင်းပိုင်းမှ မန္တလေးဂေါဝန်ဆိပ်ကမ်းကနေ ဆန်တက်လာတာဗျ။ အခု‌ နောက်ဆုံးသိရတာက စဉ့်ကူးမြို့နယ်အထဲ ရောက်သွားပြီ”

Photo : ဒေသခံ
အပြည့်အစုံ Comment မှာ ဆက်လက်ဖတ်ရှုနိုင်ပါတယ်။

06/09/2026

❏ အောင်ပန်းတွင် အကောက်ခွန်မဲ့ကုန်ပစ္စည်းများ တင်ဆောင်လာသည့် ၁၂ ဘီးယာဉ် ၃ စီး ဖမ်းဆီးခံရ
၂၀၂၆ ခုနှစ်၊ စက်တင်ဘာလ ၅ ရက်
ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းမြို့တွင် ယမန်နေ့ စက်တင်ဘာလ ၄ ရက်၊ ညနေပိုင်းက အကောက်ခွန်မဲ့ တရားမဝင်ကုန်ပစ္စည်းများ တင်ဆောင်လာသည့် ၁၂ ဘီး ကုန်တင်ယာဉ် ၃ စီး ဖမ်းဆီးခံခဲ့ရကြောင်း သိရသည်။
အောင်ပန်မြို့၊ လွယ်မောကျေးရွာအရှေ့ဘက်၊ ရတောင်ဘုရားအနီး တောတွင်း၌ တရားမဝင် ကုန်ပစ္စည်းများ တင်ဆောင်လာသည့် ၁၂ ဘီးမော်တော်ယာဉ် ၃ စီး တောင်နီကျေးရွာဘက်သို့ မောင်းနှင်နေကြောင်း သတင်း အရ ယမန်နေ့ စက်တင်ဘာလ ၄ ရက်၊ ညနေပိုင်းက ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့က သွားရောက် စစ်ဆေးခဲ့ကြောင်း သိရသည်။
ထိုသို့ သွားရောက်စစ်ဆေးရာတွင် ကသာမြို့နယ်နေ ယာဉ်မောင်း ထွန်းနိုင်ဇော် မောင်းနှင်လာသည့် NISSAN DISEL အမျိုးအစား စိမ်းပြာရောင် ၁၂ ဘီး ကုန်တင်ယာဉ် တစ်စီး၊ အမရပူရမြို့နယ်နေ ယာဉ်မောင်း ဖြိုးကိုကို မောင်းနှင်ပြီး ပုဗ္ဗသီရိမြို့နယ်နေ ထင်လင်းဦး လိုက်ပါလာသည့် MITSUBISHI FUSO အမျိုးအစား အနီရောင် ၁၂ ဘီး ကုန်တင်ယာဉ် တစ်စီးနှင့် မုံရွာမြို့နယ်နေ ယာဉ်မောင်း မြင့်ဇင် မောင်းနှင်ပြီး ပြည်ကြီးတံခွန် မြို့နယ်နေ အောင်ထွန်းလင်း လိုက်ပါလာသည့် NISSAN DIESEL အမျိုးအစား အပြာရောင် ၁၂ ဘီး ကုန်တင်ယာဉ် တို့ကို တွေ့ရှိရပြီး ယာဉ်များပေါ်တွင် အကောက်ခွန်မဲ့ တရားမဝင် တင်ဆောင်လာသည့် ပန်ကာ၊ ကော်ဇာ၊ ဓါတ်ဘူး၊ ဓါတ်မီး စသည့် လူသုံးကုန်ပစ္စည်းများအား ဖမ်းဆီးရမိခဲ့ခြင်းဖြစ်ကြောင်း သိရသည်။
အဆိုပါ ဖမ်းဆီးရမိ ယာဉ်မောင်းနှင့် ယာဉ်နောက်လိုက်များ၊ သက်သေခံပစ္စည်းများအား အောင်ပန်း နယ်မြေ ရဲစခန်းတွင် ထိန်းသိမ်း ထားရှိပြီး ပို့ကုန်သွင်းကုန် ဥပဒေဖြင့် အမှုဖွင့်အရေးယူသွားမည်ဖြစ်ကြောင်း သိရသည်။
https://shorturl.at/10bBm

06/09/2026

❏ နမ့်စန်တွင် မိုးသည်းထန်စွာရွာသွန်းမှုကြောင့် နေအိမ်များ ရေဝင်ရောက်
၂၀၂၆ ခုနှစ်၊ စက်တင်ဘာလ ၅ ရက်
ရှမ်းပြည်နယ်‌တောင်ပိုင်း၊ နမ့်စန်မြို့၌ ယနေ့ စက်တင်ဘာလ ၅ ရက်၊ နံနက်ပိုင်းက မိုးသည်းထန်စွာ ရွာသွန်းမှုကြောင့် နေအိမ်များတွင် ရေဝင်ရောက်မှု ဖြစ်ပေါ်ခဲ့ကြောင်း သိရသည်။
နမ့်လတ်ချောင်းရေ မြင့်တက်လာမှုကြောင့် ချောင်းဘေးရှိ အမှတ် (၁)၊ (၃)၊ (၄) ရပ်ကွက်များရှိ နေအိမ်များအတွင်း ရေဝင်‌ရောက်ခဲ့ခြင်းဖြစ်ကြောင်း သိရသည်။
“မိုးဆက်တိုက်ရွာတော့ မနက် ၄ နာရီလောက်ကစပြီး ချောင်းရေ တက်လာတာပါ။ အခုညနေပိုင်းတော့ နည်းနည်း ပြန်ကျပါပြီ။ ဒါပေမဲ့ ဒီည မိုးထပ်ရွာမရွာတော့ စောင့်ကြည့်ရမှာပေါ့။ နမ့်စန်မှာက နှစ်စဉ် မိုးရွာတိုင်း ဖြစ်နေကျပါ” ဟု နမ့်စန်မြို့နေ ဒေသခံတစ်ဦးက ပြောသည်။
ရေဝင်ရောက်မှု ဖြစ်ပွားသည့် နေအိမ်များမှ အိမ်ထောင်စုများကို နမ့်စန်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများ၊ လူမှုကူညီရေးအသင်းများ ပူးပေါင်း၍ ရေဘေးလွတ်ရာ သို့ ကူညီရွှေ့ပြောင်းပေးခဲ့ကြောင်း သိရသည်။
https://shorturl.at/l2rWq

06/09/2026

❏ ဆီဆိုင်မြို့နယ်ရှိ အိမ်ထောင်စုများအတွက် ဆန်နှင့် တစ်ကိုယ်ရည် အသုံးအဆောင်များ ဖြန့်ဝေပေးမည်
၂၀၂၆ ခုနှစ်၊ စက်တင်ဘာလ ၆ ရက်
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်အတွင်းရှိ တိုက်ပွဲများကြောင့် ထိခိုက်ခံစားခဲ့ရသည့် အိမ်ထောင်စုများအတွက် ဆန်နှင့် တစ်ကိုယ်ရေအသုံးအဆောင် Kit များကို ဖြန့်ဝေ ပေးသွားမည်ဖြစ်ကြောင်း သိရသည်။
ASEAN Health Association ၏ ထောက်ပံ့မှုဖြင့် မြန်မာနိုင်ငံကြက်ခြေနီအသင်းက ဖြန့်ဝေပေးခြင်းဖြစ်ပြီး ဆီဆိုင်မြို့ပေါ် ၆ ရပ်ကွက်နှင့် တောင်ရှေ့၊ နောင်ကျော၊ တပဲ၊ နားခိုက်၊ နားသံကျေးရွာအုပ်စုများမှ အိမ်ထောင်စု ၅၂၀၀ တို့ကို ဖြန့်ဝေပေးသွားမည် ဖြစ်ကြောင်း သိရသည်။
“ဆီဆိုင်မြို့ပေါ် ၆ ရပ်ကွက်ပါမယ်။ ကျေးရွာအုပ်စု ၆ အုပ်စု ပါမယ်။ ၁၄ ရက်နေ့မှ စ ဝေမှာပါ။ အကုန်လုံးတော့ ဖြန့်ဝေနိုင်မှာ မဟုတ်ဘူးပေါ့။ သတ်မှတ်ချက်တွေတော့ ရှိတာပေါ့။ အဓိက ကတော့ နောင်ကျောတို့ တောင်ရှေ့တို့ ဆိုတာ အရမ်း ထိခိုက်ခံစားခဲ့ရတာပေါ့။ စစ်ရှောင်ပြီးတော့မှ သူတို့ရွာတွေမှာ ပြန်ပြီး အခြေချနေထိုင်တဲ့ သူတွေပါ” ဟု ဆီဆိုင်မြို့နယ် ကြက်ခြေနီတပ်ဖွဲ့မှ တာဝန်ရှိသူတစ်ဦးက ပြောသည်။
ထိုသို့ ဖြန့်ဝေရာတွင် အိမ်ထောင်စု ၅၂၀၀ စုတို့အတွက် တစ်အိမ်ထောင်လျှင် ဆန် ၂၄ ပြည် တစ်အိတ်၊ မိသားစုဝင် ၅ ဦးနှင့်အထိ အိမ်ထောင်စု တစ်စုလျှင် Family Kit တစ်ပုံး၊ လူတစ်ဦးလျှင် သွားတိုက်ဆေး၊ သွားတိုက်တံ၊ ဆပ်ပြာ၊ ခေါင်းလျှော်ရည် စသည့် တစ်ကိုယ်ရည်သုံး ပစ္စည်းများ ပါဝင်သည့် Personal Hyginene Kit တစ်ပုံးစီ တို့ကို ဖြန့်ဝေပေးသွားမည်ဖြစ်ကြောင်း သိရသည်။
ဆီဆိုင်မြို့နယ်အတွင်းရှိ အိမ်ထောင်စု ၅၂၀၀ စုမှ ခန့်မှန်းခြေ လူဦးရေ ၂၀၀၀၀ ကျော်ကို ဖြန့်ဝေပေးသွား မည်ဖြစ်ကြောင်း အဆိုပါ ကြက်ခြေနီတပ်ဖွဲ့ တာဝန်ရှိသူက ပြောသည်။
“အရင်တုန်းကတော့ WFP က လည်း လာထောက်ပံ့တာ ၃ ကြိမ်လောက် ရှိတယ်။ အဲဒီလို လာထောက်ပံ့တဲ့ အခါမှာ သူတို့သတ်မှတ်တဲ့ အချက် ၆ ချက်နဲ့ ဖြန့်ဝေတာမှာ သူတို့အချက်တွေနဲ့ ကိုက်ညီပေမဲ့ သူတို့ ထောက် ပံ့တဲ့ ရိက္ခာက လုံလောက်မှုမရှိတော့ အပြည့်အဝ မပေးဝေနိုင်ခဲ့ဘူး။ လူထုနဲ့ သူတို့နဲ့ အငြင်းပွားရတာ ရှိဖူးတယ်။ အခုကတော့ ကြက်ခြေနီက ပထမဆုံးအကြိမ် လာထောက်ပံ့တာလို့ သိရပါတယ်” ဟု ဆီဆိုင် ဒေသခံတစ်ဦးက ပြောသည်။
ပြီးခဲ့သည့် ၂၀၂၄ ခုနှစ်၊ နှစ်ဆန်းပိုင်းက ဆီဆိုင်မြို့နယ်တွင် နှစ်ဖက်တိုက်ပွဲများ ဖြစ်ပွားခဲ့ပြီး အိမ်ခြေအများ အပြား ပျက်စီးခဲ့ကာ ဒေသခံအများအပြား နေရပ်စွန့်ခွာ ထွက်ပြေးတိမ်းရှောင်ခဲ့ရဖူးသည်။ လက်ရှိတွင် ဒေသခံများ နေရပ်သို့ ပြန်လည်ဝင်ရောက်နေထိုင်နေပြီဖြစ်သော်လည်း လိုအပ်ချက်များ ရှိနေဆဲဖြစ်သည်ဟု သိရသည်။
https://shorturl.at/InjRZ

06/09/2026

❏ ကားကို သော့တုသုံး၍ သိန်း ၃၂၀၀ ကျော် တန်ဖိုးရှိ ရွှေနှင့် ငွေ ခိုးယူသူများအား ဖမ်းမိ
၂၀၂၆ ခုနှစ်၊ စက်တင်ဘာလ ၆ ရက်
ရှမ်းပြည်နယ်မြို့တော် တောင်ကြီးမြို့၊ ကျောင်းကြီးစုရပ်ကွက်တွင် ယမန်နေ့ စက်တင်ဘာလ ၅ ရက်၊ ညနေပိုင်းက ကားအတွင်း ထည့်ထားသည့် ကျပ်သိန်း ၃၂၀၀ ကျော် တန်ဖိုးရှိ ရွှေထည်နှင့် ငွေသားများ အား ကားသော့တုဖြင့်ဖွင့်၍ ခိုးယူသွားသူ ၂ ဦးကို ဖမ်းဆီးရမိခဲ့သည်ဟု သိရသည်။
တောင်ကြီးမြို့နေ အမျိုးသမီးတစ်ဦးသည် ယမန်နေ့ စက်တင်ဘာလ ၅ ရက်၊ ညနေ ၃ နာရီခွဲခန့်က ကျောင်းကြီးစု ရပ်ကွက်၊ နယ်မြေ (၂)၊ ဘုန်းကြီးလမ်းဘေး၌ ရပ်၍ မြေကွက် အရောင်းအဝယ် ပြုလုပ်နေစဉ် ကားပေါ်ရှိ ရွှေထည်နှင့် ငွေသား ကျပ်သိန်း ၂၈၀ တို့ ခိုးယူခံခဲ့ရခြင်းဖြစ်ကြောင်း သိရသည်။
အဆိုပါ ရွှေထည်နှင့် ငွေသားများ ပျောက်ဆုံးမှုနှင့် ပတ်သက်၍ အမျိုးသမီးက တောင်ကြီးမြို့မရဲစခန်းသို့ တိုင်တန်းသဖြင့် ရဲတပ်ဖွဲ့ဝင်များသည် အခင်းဖြစ်နေရာရှိ CCTV မှတ်တမ်းများရှာဖွေစစ်ဆေးခြင်း၊ အနီးပတ်ဝန်းကျင်ရှိ သက်သေများစစ် ဆေးခြင်း၊ အခြားမြင်တွေ့သူများအား ရှာဖွေစစ် ဆေးခြင်းများဆောင်ရွက်ခဲ့ပြီး ပစ္စည်းများ ပျောက်ဆုံးမှုနှင့်ပတ်သက်၍ မသင်္ကာသူ တောင်ကြီးမြို့၊ ချမ်းမြသာစည်ရပ်ကွက်နေ မင်းခန့်ဇော် (ခ) စိုင်းလုံနှင့် အိအိသွယ် (ခ) အိသွယ် တို့နှစ်ဦးအား ခေါ်ယူစစ်ဆေးခဲ့ကြောင်း သိရသည်။
စစ်ဆေးမေးမြန်းချက်အရ ကားပေါ်တွင် တင်ထားသည့် ဒေါ်သန္တာလွင်ပိုင် ရွှေထည်ပစ္စည်းများ စုစုပေါင်း ၂၉ ကျပ်သား၊ ၁၄ ပဲ၊ ၇ ဒသမ ၇၅ ရွေးနှင့် ငွေစက္ကူရောရာ ကျပ်သိန်း ၂၈၀ တို့အား ကားသော့တုဖြင့် ဖွင့်၍ ခိုးယူပြီး ချမ်းမြသာစည်ရပ်ကွက်ရှိ ၎င်းတို့နေအိမ် ဧည့်ခန်းအတွင်း သိုဝှက်သိမ်းဆည်းထားကြောင်း စစ်ဆေး ပေါ်ပေါက်ခဲ့သည်ဟု သိရသည်။
“ကားသော့အတုနဲ့ ဖွင့်ပြီး ခိုးယူသွားတာဖြစ်ပါတယ်။ ဖြစ်ပွားပြီး ၂ နာရီအတွင်းမှာ ကျူးလွန်သူ ၂ ဦးကို ဖမ်းဆီးရမိခဲ့ပါတယ်” ဟု တောင်ကြီးမြို့မရဲစခန်းမှ တာဝန်ရှိသူတစ်ဦးက ပြောသည်။
အဆိုပါ ငွေသားနှင့် ရွှေထည်ပစ္စည်းများ ခိုးယူမှုနှင့် ပတ်သက်၍ မင်းခန့်ဇော် (ခ) စိုင်းလုံနှင့် အိအိသွယ် (ခ) အိသွယ် တို့နှစ်ဦးအား တောင်ကြီးမြို့မရဲစခန်းတွင် ထိန်းသိမ်းထားရှိပြီး အမှုဖွင့်အရေးယူ ဆောင်ရွက်လျက် ရှိကြောင်း သိရသည်။
https://shorturl.at/RV8bi

06/09/2026

စစ်တပ်ဂိတ်က တရုတ်ကုန်ပစ္စည်းများ တင်းကြပ်စစ်ဆေးမှုကြောင့် ကုန်စျေးနှုန်း ထပ်မံမြင့်တက်မည်ကို ဒေသခံများ စိုးရိမ်..........................
ခမ်းသားငေါဝ်း
စက်တင်ဘာ ၅၊၂၀၂၆

မူဆယ်၊ လားရှိုးနှင့် သီပေါမြို့များသို့ စီးဝင်နေသည့် ကုန်ပစ္စည်းတင်ကုန်ကားများကို ယခုရက်ပိုင်းအတွင်း စစ်တပ်စစ်ဆေးရေးဂိတ်များကတင်းကြပ်စွာစစ်ဆေးမှုကြောင့် ကုန်ပစ္စည်းစျေးနှုန်းများ ထပ်မံ မြင့်တက်လာမည်ကို ဒေသခံများနှင့် ကုန်သည်များက စိုးရိမ်နေကြကြောင်း သိရသည်။

ရှမ်းပြည်နယ်မြောက်ပိုင်းတရုတ်-မြန်မာ နယ်စပ်ဂိတ်များမှတစ်ဆင့် တင်သွင်းလာသော အဝတ် အထည်နှင့် အခြေခံလူသုံးကုန်ပစ္စည်းများကို စစ်တပ််စစ်ဆေးရေးဂိတ်များက တရားမဝင်ကုန်စည် တိုက်ဖျက်ရေး အကြောင်းပြချက်ဖြင့် ယခင်ထက် ပိုမိုဖမ်းဆီးစစ်ဆေးနေခြင်းဖြစ်ကြောင်း သိရသည်။

"အရင်က အဝတ်အထည်တွေဆို တံဆိတ်တွေ မပါရင် သယ်လို့ရသေးတယ်။ အခုနောက်ပိုင်း တအားကြပ်လာတယ်။ ကျွန်မတို့ ရွှေလီ၊ မူဆယ်ကတစ်ဆင့် ပစ္စည်းမှာရောင်းတဲ့သူတွေအတွက် လုံးဝ အဆင်မပြေတော့ဘူး။ အစစ်အဆေးတွေများ၊ လမ်းမှာ ငွေပေးရတာတွေများတော့ ကုန်ပစ္စည်းတွေက ဒီထက် စျေးပိုတက်လာဖို့ပဲ ရှိတော့တယ်" ဟု လားရှိုးမြို့မှ အဝတ်အထည် ရောင်းချသူ ဒေသခံအမျိုးသမီးတစ်ဦးက ပြောသည်။

ထို့ပြင် သီပေါမြို့အထွက်ရှိ စစ်ဆေးရေးဂိတ်များတွင်လည်း တရုတ်ကုန်ပစ္စည်းများ တင်ဆောင်လာသည့် ယာဥ်များကို တားဆီးစစ်ဆေးမှု ပိုမိုဆိုးရွားလာနေပြီး လမ်းပန်းဆက်သွယ်ရေး အခက်အခဲများနှင့်ပါ ပေါင်းစပ်ကာ ကုန်စည်စီးဆင်းမှု ရပ်လုနီးပါး ဖြစ်ပေါ်နေကြောင်း သိရသည်။

သီပေါမြို့မှ ဒေသခံတစ်ဦးက"တံတားကလည်း မဖွင့်သေးဘူး၊ စစ်ဆေးမှုကလည်း အခုလို တင်းကြပ်နေတော့ ပြည်သူလူထုမှာ ပိုပြီး အသက်ရှူကြပ်ဖို့ပဲ ရှိတော့တယ်။ အခုဆို ရှမ်းမြောက်ကနေ ဆင်းလာမယ့် ကုန်တွေက မရှိသလောက် ဖြစ်သွားလို့ ကုန်ကားအချို့ဆို ရပ်နားထားရတဲ့အထိပါပဲ" ဟုပြော သည်။

လက်ရှိတွင် စစ်ဆေးရေးဂိတ်များ၌ စစ်ဆေးမှု တင်းကြပ်ခြင်း၊ ကုန်ပစ္စည်းအသိမ်းခံရခြင်းနှင့် လမ်း ကြောင်းတစ်လျှောက် ကုန်ကျစရိတ် မြင့်မားလာခြင်းတို့ကြောင့် နယ်စပ်ကုန်သည်များ ကုန်စည်တင်သွင်းရခက်ခဲနေကြောင်း သိရသည်။


me perspective
#ကုန်စည်
#ရှမ်းမြောက်
#စစ်တပ်ဂိတ်
#စစ်ဆေးမှု၊

06/09/2026

NCA ကို ပစ်ပယ်လို့ PNLO ပြိုကွဲသလို ဖြစ်ခဲ့ရတယ်လို့ ပြော

Homeland News Agency၊ စက်တင်ဘာ ၅၊ ၂၀၂၆

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ကို ပစ်ပယ်လိုက်တာကြောင့် ပအိုဝ်းအမျိုးသား လွတ်မြောက်ရေးအဖွဲ့ (PNLO/PNLA) ဟာ ပြိုကွဲသလို ဖြစ်ခဲ့ရတယ်လို့ PNLO/NCA/S ဘက်က ဗိုလ်မှူးကြီး ခွန်ဥက္ကာက ပြောပါတယ်။

၂၀၂၄ ခုနှစ်မှာ PNLO တပ်ဖွဲ့ဟာ ပေါ်လစီ ပြောင်းလိုက်ပြီး NCA ကို ပစ်ပယ်ခဲ့တာကြောင့် မိမိတို့ရဲ့ ရဲဘော်တွေ ဒုက္ခရောက်ခဲ့ရသလို နယ်မြေတွေလည်း ဆုံးရှုံးခဲ့ရတယ်လို့ သူက ပြောပါတယ်။

ဗိုလ်မှူးကြီး ခွန်ဥက္ကာက “အခုဟာက ကျနော် ဝေဖန်ချက် သိပ်မပေးချင်ပါဘူး။ ကျနော်တို့ ကိုယ်ပိုင်အဖွဲ့တွေ ဖြစ်နေလို့ပါ။ အဓိကကတော့ ဒီ NCA လက်မှတ်ထိုးပြီး ပအိုဝ်းနယ်မြေထဲမှာ သိက္ခာရှိရှိ ရပ်တည်နေတဲ့ ကျနော်တို့ PNLO ဟာ ၂၀၂၄ မှာ ပေါ်လစီပြောင်း၊ ပေါ်လစီမှားပြီး NCA ကို ပစ်ပယ်တယ်လို့ လုပ်လိုက်တဲ့အခါကျတော့ အဲဒီမှာ ရပ်တည်ဖို့ ခက်သွားတာပါ။ ကျနော်တို့ကတော့ NCA အတိုင်းပဲ သွားပါ၊ NCA အပေါ်မှာပဲ ရပ်တည်ပါလို့ ပြောပေမဲ့ အင်အားက ကျနော်တို့ဘက်မှာ မပါဘဲ အရင်တုန်းက ဥက္ကဋ္ဌ စတဲ့သူတွေ လက်ထဲ ပါသွားတာပါ။ အဲဒီအခါကျတော့ သူတို့ရဲ့ ပေါ်လစီအမှားကြောင့် ရဲဘော်တွေ ဒုက္ခရောက်ကြ၊ စားဝတ်နေရေး ခက်ခဲကြ၊ နယ်မြေ ဆုံးရှုံးကြနဲ့ ထိန်းမနိုင် သိမ်းမရဖြစ်ပြီး အဖွဲ့အစည်း ပြိုကွဲတဲ့သဘော ဖြစ်သွားတာပါ” လို့ ပြောပါတယ်။

ပြီးခဲ့တဲ့ ဩဂုတ် ၂၇ ရက်နေ့က သျှမ်းပြည်တောင်ပိုင်း၊ မောက်မယ်မြို့နယ်၊ ကဒူးကြီးဒေသမှာရှိတဲ့ PNLO တပ်ဖွဲ့ဝင်တွေဟာ မိသားစုဝင်တွေအပါအဝင် စုစုပေါင်း လူဦးရေ ၇၈ ဦး သျှမ်းပြည်ပြန်လည်ထူထောင်ရေးကောင်စီ (RCSS/SSA) ထံ သွားရောက်ပူးပေါင်းခဲ့ကြတယ်လို့ သိရပါတယ်။

RCSS/SSA တာဝန်ရှိသူတွေက ဝမ်းမြောက်စွာ ကြိုဆိုလက်ခံခဲ့ကြပြီး ပူးပေါင်းလာသူ တစ်ဦးကို ၅ သိန်းကျပ်နှုန်းနဲ့ ၇၈ ဦးလုံးအတွက် ထောက်ပံ့ငွေတွေ ပေးအပ်ခဲ့တယ်လို့ ဆိုပါတယ်။

အဲဒီ PNLO တပ်ဖွဲ့ဝင်တွေနဲ့ မိသားစုတွေကို သူတို့ရဲ့ ဆန္ဒသဘောထား မေးမြန်းတဲ့အခါမှာတော့ စစ်ပွဲတွေမှာရော ဘယ်အဖွဲ့အစည်းမှာမှမဆို မပါဝင်ချင်တော့ဘဲ နေရပ်ပြန်ပြီး အေးအေးချမ်းချမ်း ဝမ်းစာရှာဖွေ စားသောက်ချင်တယ်လို့ ပြောတာကြောင့် သူတို့တောင်းဆိုတဲ့အတိုင်း နေရပ်ပြန်ခွင့်ပြုခဲ့တယ်လို့ RCSS/SSA တာဝန်ရှိသူက ပြောထားပါတယ်။

အဲဒီနောက် ဩဂုတ် ၃၁ ရက်နေ့မှာတော့ PNLO တပ်ဖွဲ့ဝင် ၃၇ ဦးဟာ မိသားစုထံ ပြန်နိုင်ဖို့အတွက် မောက်မယ်မြို့နယ်၊ ကဒူးကြီးအုပ်စုထဲက နားဟီးကျေးရွာမှာ လက်နက်တွေနဲ့အတူ ပအိုဝ်းအမျိုးသားအဖွဲ့ (PNO-ပြည်သူ့စစ်) ထံ အပ်နှံခဲ့တယ်လို့ Hsan Loi Voice က ဖော်ပြပါတယ်။

ကျန်ရှိတဲ့ PNLO/PNLA တပ်ဖွဲ့ဝင်တွေကတော့ မောက်မယ်မြို့နယ်၊ ဟိုနမ့်အုပ်စုထဲက ဖြစ်တာကြောင့် မိမိအစီအစဉ်နဲ့ မိမိ ပြန်သွားကြတာဖြစ်တယ်လို့ ပြောဆိုထားပါတယ်။

ဗိုလ်မှူးကြီး ခွန်ဥက္ကာက “ပြိုကွဲတယ်ဆိုပေမဲ့ NCA ကို လက်ခံထားတဲ့ ဗဟိုကော်မတီတွေ၊ ရဲဘော်တွေနဲ့ ခေါင်းဆောင်တွေ ကျန်ပါသေးတယ်။ ဒါကို ကျနော်တို့က NCA/S/PNLO ဆိုပြီး ခေါ်တာပေါ့။ ဒါကြောင့် NCA ကို ဆက်လက်ဆုပ်ကိုင်ထားတဲ့ PNLO ကတော့ ရှိပါသေးတယ်။ ဒါပေမဲ့ အင်အားမရှိတော့ နာမည်သိပ်မထွက်တာပါ။ NCA ကို ပစ်ပယ်တဲ့ PNLO ကတော့ ပွဲသိမ်းသလောက် ဖြစ်သွားပါပြီ” လို့ ပြောပါတယ်။

ပအိုဝ်းအမျိုးသား လွတ်မြောက်ရေးအဖွဲ့ချုပ် (PNLO) ဟာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ကို ၂၀၁၅ ခုနှစ်၊ အောက်တိုဘာလ ၁၅ ရက်နေ့မှာ အခြား တိုင်းရင်းသား လက်နက်ကိုင်အဖွဲ့ ၇ ဖွဲ့နဲ့အတူ လက်မှတ်ရေးထိုးခဲ့တာဖြစ်ပါတယ်။

၂၀၂၁ ခုနှစ် နောက်ပိုင်းမှာ ဖြစ်ပေါ်လာတဲ့ နိုင်ငံရေးအပြောင်းအလဲတွေကြောင့် NCA လမ်းကြောင်းကို ဆက်လက်ဆုပ်ကိုင်ထားတဲ့ ဗိုလ်မှူးကြီး ခွန်ဥက္ကာ ဦးဆောင်တဲ့ PNLO-NCA/S အဖွဲ့နဲ့ ဥက္ကဋ္ဌ ဗိုလ်ချုပ် ခွန်သူရိန် ဦးဆောင်ပြီး နွေဦးတော်လှန်ရေး အင်အားစုတွေနဲ့ ပူးပေါင်းကာ စစ်တပ်ကို တိုက်ခိုက်နေတဲ့အဖွဲ့ စသဖြင့် ကွဲပြားသွားခဲ့ရတာ ဖြစ်ပါတယ်။

Website - https://homelandnewsmm.com/
YouTube - https://www.youtube.com/-7
Telegram - https://t.me/+InLvdXLY8MdmNzE1