21/07/2021
Oxygen Concentrator ဆိုတာ ဘာလဲ။
ဘယ်လိုရွေးချယ်ဝယ်ယူရမလဲ။
အတိုချုံ့ပြောရင် (Grade and Purity မှန်တဲ့စက်) Oxygen flow rate တင်လိုက်လည်း Oxygen သန့်စင်မှုမကျဆင်းတဲ့ စက်ကိုဝယ်ပါ။
Oxygen concentrator ဆိုတာဘာလဲဆိုတော့ Oxygen ထုတ်ပေးတဲ့စက်လို့ အများသိကြပါတယ်။
ဘာကိုဘယ်လိုရွေးဝယ်ရမလဲဆိုတာကတော့ အချက်အလက်အချို့နဲ့ ရှင်းပြပေးပါမယ် မှတ်သားထားပေးပါခင်ဗျ။
Grade
Home use grade နဲ့ Medical use grade ဆိုပြီး ၂ မျိုးရှိပါတယ်။ ဘာကိုဝယ်သင့်သလဲဆိုရင် Medical grade ကိုဝယ်ပါ။ တချို့စက်တွေမှာ medical grade လို့ product specifications ထဲမှာပါတယ်။ Medical grade လို့ရေးထားတာမတွေ့ရင် equipment classification ဆိုတာကို ရှာကြည့်ပါ။ equipment classification / Electricity safety => Class II / Class II B ဆိုတာပါရင် Medical grade စက်ပါ။
Time
အကြမ်းဖျဉ်းအနေနဲ့ Home grade နဲ့ Medical grade က အသုံးပြုနိုင်တဲ့အချိန်ကွာခြားပါတယ်။
Home use grade တွေက နာရီအကန့်အသတ်နဲ့ဖွင့်ပြီး စက်ကိုအနားပေးပြီးမှ ပြန်သုံးလို့ရပါတယ်။
Medical grade စက်တွေက 24 hr ဆက်တိုက် သုံးလို့ရပါတယ်။
Oxygen concentrator ဆိုင်ရာ အခေါ်အဝေါ်များ
အသုံးအနှုန်းများကို မှတ်ရလွယ်စေရန် စာလုံးအတိုကောက်များကို မှတ်သားထားပေးပါဗျ။
1 min ကို အမြင့်ဆုံး 10 Litre ထုတ်ပေးတဲ့စက်တွေမှာ 1/10 L လို့ ရေးပါတယ်။
Oxygen = O2
1/1 L = 1 LPM = 1 Litre per minute (1 minute ကို O2 1 Litre ထုတ်ပေးနိုင်တာကိုပြောတာ)
1/10 L = 10 LPM (1 minute ကို O2 10 Litre ထုတ်ပေးနိုင်တာကိုပြောတာ)
အဲ့ဒါတွေကို Oxygen flow rate (အောက်ဆီဂျင်စီးဆင်းမှုနှုန်း) လို့ခေါ်ပါတယ်။
FLOW RATE
Oxygen ထုတ်ပေးတဲ့အခါမှာ ၁ မိနစ်မှာ ထုတ်ပေးတဲ့ Oxygen ပမာဏကို Flow rate လို့ခေါ်ပါတယ်။
1/10 L ၊ 1/5 L ဆိုပြီး ရေးတာတွေက Oxygen ထုတ်ပေးတဲ့အခါမှာ ၁ မိနစ်ကို အများဆုံးထုတ်ပေးနိုင်တဲ့ Oxygen ပမာဏ Flow ကို ရေးတာပါ။
Home grade စက်တွေမှာ flow rate 1 LPM မှာ O2 ပါဝင်မှု 90% ရှိပေမယ့် လူနာက များများပိုရှုဖို့လိုလို့ flow rate 5 LPM (5 Litre per minute) 1 minute ကို 5 Litre အထိတင်လိုက်ရင် Oxygen ပါဝင်မှု 35% ထိကျသွားပါတယ်။ Oxygen ရှုနေပေမဲ့ Oxygen ပါဝင်မှုကနည်းတဲ့အတွက် COVID ကြောင့်ဖြစ်တဲ့ severe hypoxia ကို ထိထိရောက်ရောက် မသက်သာစေပါဘူး။
Medical grade စက်တွေမှာတော့ flow rate ကို 1 2 3 4 5 6 7 စသဖြင့် တင်လိုက်လည်း Oxygen purity က 90%~95% ကနေ ကျမသွားပါဘူး။
Flow rate များရင် ကောင်းသလား။
Clinical guidelines တွေအရ patient က Oxygen 5 LPM ထက်ပိုပြီး လိုအပ်နေပြီဆိုရင် ICU တင်ပြီး ကုရမှာပါ။
အဲဒီတော့ အိမ်မှာပဲကုလို့ အများဆုံးအကျိုးရှိနိုင်တဲ့ O2 ပမာဏက 5 LPM ပါ။
Clinical guidelines တွေအရပြောတာပါ ဒီထက်ပိုပြိး capacity များတဲ့စက် ဝယ်မယ်ဆိုရင်လည်း ဝယ်နိုင်ပါတယ်။
ဘယ်လို Flow rate နဲ့ ဘယ်လိုအမျိုးအစားတွေဝယ်သင့်သလဲ။
5 LPM / 7 LPM/ 10 LPM အမျိုးမျိုးရှိတဲ့အထဲမှာ ကိုယ်တတ်နိုင်တဲ့ငွေပမာဏ ဝယ်လို့ရတဲ့ အဆင်ပြေတဲ့စက်ကိုဝယ်ပါ။
Output flow
တချို့ 10L စက်တွေက dual output နဲ့လာပါတယ်။
တပြိုင်နက် နှစ်ယောက်ရှူလို့ရပါတယ်။
10 L ကို နှစ်ယောက်ရှုဆိုရင်တော့ တယောက် maximum 5 LPM ပဲ ထွက်ပါမယ်။
Oxygen purity အနည်းဆုံး 90-93% အထက်ထုတ်ပေးနိုင်တဲ့စက်ကိုဝယ်ပါ။ Flow rate တင်လိုက်ရင် purity ကျသွားတဲ့စက်မျိုး COVID patient အတွက် အသုံးမဝင်ပါ။
****************************************
တခြားသောအချက်အလက်တွေနဲ့လည်း medical grade စက် ဟုတ်လားဆိုတာ ကြည့်လို့ရပါတယ်။
Power consumption
Medical grade 5 L စက်တလုံးရဲ့ power consumption က 300-450 watts လောက် အနည်းဆုံးရှိသင့်တယ်။
10 L စက်ဆို 450-800 watts လောက်ရှိသင့်တယ်။
Medical grade စက်တွေက heavy duty ဖြစ်တဲ့အတွက် wattage များများသုံးရတယ်။ Wattage အရမ်းနည်းတဲ့စက် performance မကောင်းနိုင်ပါ medical grade မဖြစ်နိုင်ပါ။
Product weight
Medical grade 5 L စက်တလုံးရဲ့ အလေးချိန်က 13-17 kg လောက်အထိလေးတတ်ပါတယ်။
10L စက်ဆိုရင် 18-28 kg လောက်အထိ လေးတတ်တယ်။
စက်က 10kg အောက်ဆိုရင် medical grade မဖြစ်နိုင်ပါ။
Equipment classification and Device Safety Ratings
ဒါကတော့ ဆေးရုံးသုံး medical equipment တခုအတွက် လျှပ်စစ်နဲ့ဆိုင်တဲ့ safety rating ဖြစ်တယ်။ ဆေးရုံသုံးစက်တခု တောက်လျောက် ရက် 30 အထိ run ပြီး QC pass ရတယ် ဆိုရင် Class II B လို့ သတ်မှတ်ခွင့်ရှိတယ်။ Class II B ရတဲ့ စက်တွေက medical grade အဖြစ်သုံးလို့ရတဲ့ စက်ဖြစ်တယ်။ ဒါပေမဲ့ rating အခေါ်အဝေါ်က ထုတ်တဲ့နိုင်ငံ အပေါ်ကွာတတ်လို့ သေချာချင်ရင် Google မှာ ပြန်ရှာပါ။
Specifications
ရောင်းသူဆီက စက်ရဲ့ Specifications ကိုတောင်းကြည့်ဖို့ အားမနာပါနဲ့။
Specifications ပြမထားပဲရောင်းတာဆို လုံးဝ မဝယ်ပါနဲ့။
ငွေကုန်ပြီး အသုံးမဝင်ဖို့များပါတယ်။ Specifications ကို ဘယ်လိုဖတ်ရမလဲဆိုတာ အောက်မှာ တခုချင်းစီပြထားပါတယ်။
ထပ်ပြီးသတိပေးရရင် အဓိကအရေးအကြီးဆုံးကြည့်ရမဲ့ အချက်က Medical grade နှင့် Oxygen purity မှန်ကန်တဲ့ စက်ဖြစ်ဖို့လိုတယ်။
Specifications ဖတ်တဲ့အခါ Oxygen purity နဲ့ English လို အဓိပ္ပာယ်တူတဲ့ စကားလုံးတွေက
Oxygen purity
Oxygen density
Oxygen concentration
Oxygen percentage
Oxygen content
Medical grade ရဲ့ English လို အဓိပ္ပာယ်တူတဲ့ စကားလုံးတွေက
Medical grade
Hospital use
Clinic use
ICU use
Home grade ရဲ့ English လို အဓိပ္ပာယ်တူတဲ့ စကားလုံးတွေက
Non medical
Home use
Household use
Personal use
ထပ်ပြီး သတိပေးရရင် Product Specifications ကို သေချာဖတ်ပြီးမှ စက်ကိုဝယ်ပါ။
Credit and References:
1.
Post of Dr. Nora, Clinical Nutritionist, MBBS, MSc, HPPF (LSHTM, LSE), MSc Clinical Nutrition (University of Aberdeen UK)
https://m.facebook.com/story.php?story_fbid=1052198465313306&id=391474811385678
2.
Photo from other internet sharing
