14/05/2026
🌳 Сонирхолтой баримт:
Нэг том мод өдөрт дунджаар 400 литр хүртэл ус ууршуулж, орчны температурыг байгалийн аргаар бууруулдаг байна. Тиймээс мод ихтэй газар илүү сэрүүн, таатай уур амьсгалтай байдаг. Мөн мод ихтэй орчинд хүмүүсийн стрессийн түвшин буурч, сэтгэл санаа илүү тайван болдог нь судалгаагаар тогтоогдсон байдаг. 🌿🌱
🌿 Ногоон ирээдүйн төлөө хамтдаа 🌿
"Цайртминерал" ХХК нь Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн мөн тогтвортой хөгжлийн хүрээнд 2026 оны 5 дугаар сарын 13-ны өдөр нийт ажилтнуудаа хамруулсан мод тарих өдөрлөгөө амжилттай зохион байгууллаа.
Энэ удаагийн өдөрлөгөөр хамт олон маань нэгдэн
🌱 400 гаруй мод суулгаж, байгаль орчноо хамгаалах, ногоон хөгжлийг дэмжих үйлсэд бодит хувь нэмрээ орууллаа. 2026 оны хаврын мод тарилтаар манай компани уурхайн бүсэд нийт 4000 ш (2000 хайлаас, 450 улиас, 250 агч, 150 монос, 150 голт бор) мод тарьж суулгаж байна. Мөн асгат суманд нийт 1000 ширхэг улиас модыг хүлээлгэн өглөө.
Мод бүхэн ирээдүйд үлдэх амьд хөрөнгө, өнөөдөр тарьсан суулгац бүхэн маргаашийн цэвэр агаар, эрүүл орчин, ногоон ирээдүйн эхлэл билээ.
👏 Мод тарих өдөрлөгт идэвх санаачилгатай оролцсон нийт ажилтан, алба хэлтэс, цех нэгжүүддээ талархал илэрхийлье.
🌳 “Өнөөдөр тарьсан мод — Ирээдүйдээ үлдээж буй хамгийн үнэт өв.”
Tsairt Mineral LLC
#ТэрбумМод
