31/05/2026
🏃♀️🏃♂️ “ХҮҮХЭД БҮР ЯЛАГЧ – ХҮҮХЭД БҮР ХАМГААЛАГЧ” ХҮҮХДИЙН МАРАФОН-2026 АМЖИЛТТАЙ ЗОХИОН БАЙГУУЛАГДЛАА
Олон улсын хүүхдийн эрхийг хамгаалах өдрийг тохиолдуулан зохион байгуулсан “Хүүхэд бүр ялагч – Хүүхэд бүр хамгаалагч” хүүхдийн марафон арга хэмжээ амжилттай болж өндөрлөлөө.
Тус арга хэмжээнд хүүхэд багачууд идэвхтэй оролцож, эрүүл амьдралын хэв маягийг төлөвшүүлэх, спортоор хичээллэх сонирхлыг нэмэгдүүлэхийн зэрэгцээ хүүхдийн эрх, хамгааллын талаарх мэдлэг мэдээллээ өргөжүүлсэн үр өгөөжтэй өдөр боллоо.
Марафонд оролцсон хүүхэд бүр бариандаа амжилттай орж, “Хүүхэд бүр ялагч” уриаг бодитоор хэрэгжүүлэн баяр хөөр, инээд дүүрэн нэгэн өдрийг хамтдаа өнгөрүүллээ.
Арга хэмжээг амжилттай зохион байгуулахад үнэтэй хувь нэмэр оруулж хамтран ажилласан Залуучуудын холбоо, МСҮТ-ийн сайн дурын оролцогчид, хүүхэд хамгаалагч Э.Энхтуяа, Хүүхдийн элч Ган-Оюу нартаа талархал илэрхийлье.
Мөн хүүхэд багачуудаа дэмжин хамтран ажилласан аймаг дахь банк, банк бус санхүүгийн байгууллагууд, төрийн болон төрийн бус байгууллагууд, эцэг эх, асран хамгаалагчид, сайн дурын ажилтнууддаа чин сэтгэлийн талархал илэрхийлье.
✨ Хүүхэд бүрийн инээмсэглэл, аз жаргал бидний хамгийн том амжилт байлаа.
#ХүүхэдБүрЯлагч
#ХүүхэдБүрХамгаалагч
#ХүүхдийнМарафон2026
#ХүүхдийнЭрхийнӨдөр
#СүхбаатарАймаг
