Сүхбаатар аймгийн Засаг даргын Тамгын газар

Сүхбаатар аймгийн Засаг даргын Тамгын газар Аймгийн Засаг даргын Тамгын газрын үйл ажиллагаа, цаг үеийн мэдээ мэдээлэл

МОНГОЛЫН МАСТЕРУУДЫН БИЕИЙН ТАМИР, СПОРТЫН X НААДАМ АМЖИЛТТАЙ ӨНДӨРЛӨЛӨӨМонголын Мастеруудын Биеийн тамир, спортын X наа...
01/08/2026

МОНГОЛЫН МАСТЕРУУДЫН БИЕИЙН ТАМИР, СПОРТЫН X НААДАМ АМЖИЛТТАЙ ӨНДӨРЛӨЛӨӨ
Монголын Мастеруудын Биеийн тамир, спортын X наадам Сүхбаатар аймагт амжилттай зохион байгуулагдаж, улс орны өнцөг булан бүрээс хүрэлцэн ирсэн 17 аймаг, нийслэлийн 9 дүүрэг, спортын холбоодын нийт 35 байгууллагын 1500 гаруй тамирчин спортын 10 төрөлд ур чадвар, авхаалж самбаагаа сорин өрсөлдлөө.
Өрсөлдөөн ихтэй, нөхөрсөг уур амьсгал дунд болсон наадмын багийн нэгдсэн дүнгээр:
Тэргүүн байр – Улаанбаатар хотын Баянзүрх дүүрэг
Дэд байр – Сүхбаатар аймаг
Гутгаар байр – Өвөрхангай аймаг
Тусгай байр – Хэнтий аймаг
Энэхүү наадам нь ахмад үеийн тамирчдын идэвхтэй амьдралын хэв маягийг түгээн дэлгэрүүлэх, биеийн тамир, спортыг бүх нийтийн хөдөлгөөн болгон хөгжүүлэх, харилцан туршлага солилцох чухал арга хэмжээ болж өндөрлөлөө.

💧🌿 БУЛГИЙН ЭХИЙГ БАЙГАЛЬД ЭЭЛТЭЙ ТЕХНОЛОГИОР ХАШИЖ, ХАМГААЛЛАА2026 онд АДАПТ төслийн 70 хувь, Байгаль хамгаалах, нөхөн с...
31/07/2026

💧🌿 БУЛГИЙН ЭХИЙГ БАЙГАЛЬД ЭЭЛТЭЙ ТЕХНОЛОГИОР ХАШИЖ, ХАМГААЛЛАА
2026 онд АДАПТ төслийн 70 хувь, Байгаль хамгаалах, нөхөн сэргээх арга хэмжээний зардлын 30 хувь, нийт 82.0 сая төгрөгийн санхүүжилтээр Сүхбаатар аймгийн 4 сумын булгийн эхийг байгальд ээлтэй технологиор хашиж, хамгаалах ажлыг хийж гүйцэтгэлээ.
📍 Наран сум – Сөдөтын булагй
📍 Баяндэлгэр сум – Цагаан булаг
📍 Уулбаян сум – Навцангийн булаг
📍 Түмэнцогт сум – Гурван чулууны булаг
Хийж гүйцэтгэсэн ажлыг аймгийн Засаг даргын захирамжаар байгуулагдсан ажлын хэсэг газар дээр нь ажиллаж хүлээн авлаа.
🌱 Булгийн эхийг хашиж хамгаалснаар:
✅ Усны эх үүсвэр бохирдохоос хамгаалагдана;
✅ Малын хөлөөс чөлөөлөгдөж, булгийн эхийн хэвийн байдал хадгалагдана;
✅ Усны ундарга, урсацыг хамгаалах нөхцөл бүрдэнэ;
✅ Цөлжилт, газрын доройтлоос урьдчилан сэргийлнэ;
✅ Экологийн тэнцвэр, экосистемийн тогтвортой байдлыг хадгалахад чухал ач холбогдолтой.
Энэхүү хашаа хамгаалалтын цаашдын ашиглалт, арчилгаа, засвар үйлчилгээ болон шаардлагатай сайжруулалтын ажлыг тухайн сум орон нутаг, ойр орчмын малчид, иргэд хамтран хариуцаж, булгийн эхийн хамгаалалтын бүрэн бүтэн байдлыг ханган ажиллах юм.
#АДАПТТөсөл
#БулгийнЭхийгХамгаалъя
#УсааХамгаалъя
#БайгальОрчнооХамгаалъя
#СүхбаатарАймаг

Мастеруудын спортын Х наадмын сүүлийн тэмцээн Нийтийн бүжиг эхэллээ. 2027 оны Мастеруудын спортын ХI наадам Өмнөговь айм...
31/07/2026

Мастеруудын спортын Х наадмын сүүлийн тэмцээн Нийтийн бүжиг эхэллээ. 2027 оны Мастеруудын спортын ХI наадам Өмнөговь аймагт зохион байгуулагдахаар болж туг, цомыг хүлээн авлаа.

Монголын мастеруудын биеийн тамир спортын Х наадмын Дугуйн уралдаан, Кросс гүйлтийн шагнал гардууллаа
30/07/2026

Монголын мастеруудын биеийн тамир спортын Х наадмын Дугуйн уралдаан, Кросс гүйлтийн шагнал гардууллаа

Монголын мастеруудын биеийн тамир спортын Х наадам Сүхбаатар аймагт эхэллээ. 1500 гаруй тамирчид биеийн тамир спортын 10...
30/07/2026

Монголын мастеруудын биеийн тамир спортын Х наадам Сүхбаатар аймагт эхэллээ. 1500 гаруй тамирчид биеийн тамир спортын 10 төрлөөр өрсөлдөж байна.

“Мөнххаан сумын төвлөрсөн цэвэр ус, дулааны шугам сүлжээ, түүний барилга байгууламж барих” төсөлд Хувийн хэвшлийн түншлэ...
29/07/2026

“Мөнххаан сумын төвлөрсөн цэвэр ус, дулааны шугам сүлжээ, түүний барилга байгууламж барих” төсөлд Хувийн хэвшлийн түншлэгчийг сонгон шалгаруулалтын зар
Сүхбаатар аймгийн Иргэдийн Төлөөлөгчдийн Хурлын 2026 оны 03 дугаар сарын 03-ны өдийн “Төр, хувийн хэвшлийн түншлэлээр хэрэгжүүлэх төслийн жагсаалт батлах тухай” 01 дугаар тогтоолоор баталсан “Мөнххаан сумын төвлөрсөн цэвэр ус, дулааны шугам сүлжээ, түүний барилга байгууламж барих” төсөл, арга хэмжээг төр хувийн хэвшлийн түншлэлээр хэрэгжүүлэхээр төлөвлөж байна. Уг төсөлд хувийн хэвшлийн түншлэгчийг хамтран ажиллахыг урьж байна.
Энэхүү төсөл нь Мөнххаан сумын төвийн төр байгууллагууд, хувийн аж ахуйн нэгж, байгууллагуудын, нийтийн болон амины орон сууцуудыг төвлөрсөн ус, дулаан, хангамж, бохир ус татан зайлуулах системээр хангах цогц төсөл юм.
Уг төсөл нь сумын төвийн Хөгжлийн Ерөнхий төлөвлөгөөний дагуу төлөвлөлтийн 558 га талбайд боловсруулагдсан ажлын зураг төсөвтэй бөгөөд Монгол Улсын Засгийн газрын 2021 оны 161 дүгээр тогтоолоор батлагдсан “Сумын хөгжил: Инженерийн дэд бүтцийн хангамж” төсөл, арга хэмжээний зорилго, зорилтын хүрээнд байгуулахаар төлөвлөж байна. Иймд хувийн хэвшлийн байгууллагууд өөрсдийн санал, шийдлийг боловсруулан оролцох бүрэн нээлттэй.
Сонгон шалгаруулалтыг Засгийн газрын 2026 оны 404 дугаар тогтоолын хавсралтаар баталсан “Хувийн хэвшлийн түншлэгч болон зөвлөх үйлчилгээг сонгон шалгаруулах журам”-д заасны дагуу уралдаант шалгаруулалтыг зохион байгуулна.
Сонгон шалгаруулалтад оролцогч нь Төр, хувийн хэвшлийн түншлэлийн тухай хуулийн 18, 27 дугаар зүйлд заасан шаардлага болон Сонгон шалгаруулалтын баримт бичигт заасан тусгайлсан шаардлагыг хангасан байна.

Төслийн саналыг бичгээр болон цахимаар 2026 оны 08 дугаар сарын 25-ны өдрийн 16:00 цаг хүртэл хүлээн авна.
Сонирхсон этгээд оролцох хүсэлтээ дараах хаягаар ирүүлнэ үү.
Хаана: Сүхбаатар аймгийн Засаг даргын Тамгын газрын Бүс, орон нутгийн хөрөнгө оруулалт, бодлого, төлөвлөлтийн хэлтэс
Хаяг: Сүхбаатар аймаг, Баруун-Урт сум, Нутгийн удирдлагын ордон, 210 тоот
Утас: 976 70510447 | 976 88840506
Цахим шуудан: [email protected]
Хүлээн авах хэлбэр: Бичгээр болон цахимаар
Төсөлтэй холбоотой материал: https://drive.google.com/drive/folders/1Dd6GhBMDi82IM7nUAetgUrhbL4_TkIPd?usp=sharing

АЙМГИЙН ХҮҮХЭД, ГЭР БҮЛИЙН ХӨГЖИЛ, ХАМГААЛЛЫН ГАЗРААС ХУРДАН МОРИНЫ УРАЛДААНЧ ХҮҮХДҮҮДИЙН АЮУЛГҮЙ БАЙДАЛД ХЯНАЛТ ТАВЬЖ А...
28/07/2026

АЙМГИЙН ХҮҮХЭД, ГЭР БҮЛИЙН ХӨГЖИЛ, ХАМГААЛЛЫН ГАЗРААС ХУРДАН МОРИНЫ УРАЛДААНЧ ХҮҮХДҮҮДИЙН АЮУЛГҮЙ БАЙДАЛД ХЯНАЛТ ТАВЬЖ АЖИЛЛАЛАА

"Зүүн бүсийн хурд-2026", Сүхбаатар аймгийн баяр наадмын үеэр Аймгийн Хүүхэд, гэр бүлийн хөгжил, хамгааллын газраас хурдан морины уралдаанч хүүхдүүдийн аюулгүй байдлыг хангах, хүүхэд хамгааллын үйлчилгээ үзүүлэх чиглэлээр хяналт тавин ажиллалаа.
Энэ удаагийн баяр наадмын хурдан морины уралдаанд есөн насны ангиллаар нийт 1191 хурдан морь бүртгүүлснээс хэмжилтийн шалгалтаар 94 морь хасагдаж, 1097 морь уралдсан байна.
Уралдааны явцад 37 хүүхэд мориноос унасан бөгөөд морь дагасан эмч нарын анхан шатны үзлэгийн дараа 28 хүүхдийг Хүүхэд, гэр бүлийн хөгжил, хамгааллын газрын Хүүхэд хамгааллын асарт хүлээн авч, 9 хүүхдийг урьдчилан сэргийлэх зорилгоор Яаралтай тусламжийн 103 төвд хүргэн нарийн мэргэжлийн эмчийн үзлэгт хамрууллаа.
Эмчийн үзлэгээр мориноос унасан хүүхдүүдэд ноцтой бэртэл, гэмтэл илрээгүй бөгөөд хүүхэд бүрийг холбогдох Хүүхдийн эрхийн улсын байцаагчийн хяналтан дор уяач, эцэг эх, асран хамгаалагчдад нь хүлээлгэн өгч ажилласан юм.

БНХАУ-ЫН ӨМӨЗО-НЫ ШИЛИЙН ГОЛ АЙМГИЙН ЗАСАГ ДАРГЫН ОРЛОГЧТОЙ АЛБАН УУЛЗАЛТ ЗОХИОН БАЙГУУЛЛАА🇲🇳🇨🇳✅ 2026 оны 07 дугаар сары...
28/07/2026

БНХАУ-ЫН ӨМӨЗО-НЫ ШИЛИЙН ГОЛ АЙМГИЙН ЗАСАГ ДАРГЫН ОРЛОГЧТОЙ АЛБАН УУЛЗАЛТ ЗОХИОН БАЙГУУЛЛАА🇲🇳🇨🇳

✅ 2026 оны 07 дугаар сарын 27-ны өдөр БНХАУ-ын Өвөр Монголын Өөртөө Засах Орны Шилийн гол аймгийн Засаг даргын орлогч Чулуу тэргүүтэй төлөөлөгчдийг Сүхбаатар аймгийн Засаг дарга М.Идэрбат хүлээн авч албан уулзалт хийлээ.
✅ Уулзалтын үеэр талууд 2025 онд байгуулсан хамтын ажиллагааны санамж бичгийн хэрэгжилтийг эрчимжүүлж, эдийн засаг, худалдаа болон нийгмийн бүх салбаруудад хамтын ажиллагаагаа өргөжүүлэн хөгжүүлэх талаар санал солилцов.
✅ Түүнчлэн дараах чиглэлээр хамтын ажиллагааг идэвхжүүлэхээр санал нэгдэв. Үүнд:
-Хот байгуулалт, тохижилт, ногоон байгууламжийн чиглэлээр туршлага солилцож, мэргэжилтэн харилцан ажиллуулах;
-Соёл, аялал жуулчлалын салбарт хамтарсан арга хэмжээ, нөхөрсөг тэмцээн, уралдаан зохион байгуулж, хоёр талын иргэдийн харилцан ойлголцол, найрамдалт харилцааг бэхжүүлэх;
-Эрүүл мэндийн салбарт эмч, эмнэлгийн мэргэжилтнүүдийг сургах, мэргэшүүлэх, иргэдийг хамтарсан үзлэг, оношилгоонд хамруулах;
-Хоёр талын хилийн боомтоор 8-аас дээш суудалтай тээврийн хэрэгслийг нэвтрүүлэх боломжийг хамтран судалж, холбогдох байгууллагуудтай уялдуулан ажиллах.
✅ Уулзалт нь хоёр орны хил залгаа орон нутгийн хамтын ажиллагааг шинэ шатанд гаргах, харилцан ашигтай хамтын ажиллагааг бодит үр дүнд хүргэхэд чухал ач холбогдолтой болсныг талууд онцлон тэмдэглэлээ.

28/07/2026

МАСТЕРУУДЫН СПОРТЫН ИХ НААДАМ СҮХБААТАР АЙМАГТ ЭХЭЛЛЭЭ
2026 оны 7 дугаар сарын 28–31-ний өдрүүдэд Сүхбаатар аймагт Монголын Мастеруудын биеийн тамир, спортын 10 төрөлт 10 дугаар наадам зохион байгуулагдаж байна.
Тус наадамд 1500 гаруй мастер тамирчин, дасгалжуулагч, төлөөлөгчид оролцож, спортын 10 төрлөөр ур чадвараа сорин өрсөлдөнө.

Сүхбаатар аймаг байгуулагдсаны 84 жил Зүүн бүсийн хурд 2026 наадмын үндэсний сурын харвааны Өсвөр эмэгтэй (9–14 нас)1. Д...
28/07/2026

Сүхбаатар аймаг байгуулагдсаны 84 жил Зүүн бүсийн хурд 2026 наадмын үндэсний сурын харвааны Өсвөр эмэгтэй (9–14 нас)
1. Дорноговь аймаг, Сайншанд сум, Шижирхүүгийн Энэрэл – 26 оноо.
2. Сүхбаатар аймаг, Биеийн тамир, спортын газар, Жавхлант клуб, ЕБ-ын 2-р сургуулийн 5б ангийн сурагч Содбилэгийн Ану-Эрдэнэ – 25 оноо.
3. Хэнтий аймаг, Баянмөнх сум, "Мөнх Идэр мэргэн" сурын холбоо, "Улаан-Эрэг" трейд ХХК-ийн харваач Золжаргалын Болор-Гүнж – 25 оноо.
4. Хэнтий аймаг, Батноров сум, Норовхааны мэргэд сурын холбооны харваач Алтанбаганын Наран-Эрдэнэ – 23 оноо.
5. Сүхбаатар аймаг, Сүхбаатар сум, "Мэргэн жанжин" клубын харваач, ЕБС-ийн 8б ангийн сурагч Батцэнгэлийн Мөнгөнтуул – 23 оноо.
6. Хэнтий аймаг, Дадал сум, "Цэцэн хааны мэргэд" сурын холбооны харваач Чулуунбатын Сондор – 23 оноогоор тус тус байр эзэллээ.

Address

Baruun-Urt

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+97670510111

Website

Alerts

Be the first to know and let us send you an email when Сүхбаатар аймгийн Засаг даргын Тамгын газар posts news and promotions. Your email address will not be used for any other purpose, and you can unsubscribe at any time.

Shortcuts

Share

Category