04/06/2026
ЭМГЭНЭЛ
ЛОСОЛЫН ЦЭДЭНЖАВ
/1955-2026/
Бидний дотно нөхөр, ажлын хамтрагч Лосолын Цэдэнжав 2026 оны 06 дугаар сарын 02-ны өдөр хүнд өвчний улмаас тэнгэрт дэвшиж бидэнд нөхөж баршгүй хүнд гарз тохиолоо.
Л.Цэдэнжав нь 1955 онд Сүхбаатар аймгийн Сүхбаатар суманд Сөрт хэмээх газар Лосолын ОТГОН хүү болон мэндэлсэн. Тэрээр бага насаа эцэг эхийн гар дээр мал маллан өсөж, бага болон дунд сургууль төгсөөд
1973-1977 онд Улаанбаатар хотын Улиастайн цэргийн ангид 3 жил алба хааж, Архустын жолооны курст мэргэжил эзэмшин Нэгдэл дундын үйлдвэрт богино тээврийн жолоочоор ажлын гараагаа эхэлсэн.
1971-1995 он хүртэлх хугацаанд Сүхбаатар аймгийн Нэгдэл дундын үйлдвэрт үр бүтээлтэй ажилласан. Ажиллах хугацаандаа норм төлөвлөгөөгөө давуулан биелүүлж 1983,1988 онд байгууллагын аварга жолоочоор шалгарч байв.
1995-1998 онд Зэвсэгт хүчний 168 дугаар ангид харуул хамгаалалтын ажилтан, 2000-2008 он хүртэл Баруун Урт сумын Засаг даргын тамгын газарт үйлчилгээний ажилтнаар ажиллаж байгаад гавьяаны амралтдаа гарсан билээ.
Л.Цэдэнжав нь улсад 38 жил тасралтгүй үр бүтээлтэй ажилласан, “Осолгүй манлай”, “Онц тээвэрчин” жолооч байлаа.
Түүний ажил хөдөлмөрийг төр засгаас өндрөөр үнэлж Байгууллагын “Тэргүүний ажилтан”, “Хүндэт жуух”, “Үйлдвэрийн шагнал”, АХ-ын 80, 90 жилийн ойн медаль, “Онц тээвэрчин” Осолгүй манлай жолооч, Авто тээврийн байгууллагын 90,100 жилийн ойн медаль, төрийн дээд шагнал “Хөдөлмөрийн хүндэт медаль”, Алтан гадас одонгоор тус тус шагнасан.
Талийгаачийн төлөв түвшин, хүнлэг энэрэнгүй, жудагтай, ноён нуруутай, хөдөлмөрч, нийтэч, нөхөрсөг, шударга дайчин зан, амгалан төрх, зөөлөн дулаан, эв эеийг дээдэлсэн хүнлэг нөхөрсөг зан олон түмэндээ хүндлэгдсэн эрхэм чанарууд үеийн үед үүрд хадгалагдан үлдэх болно.
Гэр бүл, үр, хүүхэд, төрөл төрөгсдөд нь гүн эмгэнэл илэрхийлье.
Ум сайн амгалан болтугай 🙏
