Дорнод аймгийн - Ардчилсан нам

09/08/2026

Дорнод аймгийн Ардчилсан намын харьяа Ардчилсан Залуучуудын холбооны хурал өнөөдөр буюу 2026.08.09-ны өдөр амжилттай болж өндөрлөлөө.

Залуучуудын дуу хоолой болж, хүсэл мөрөөдлийг нь бодит үйл хэрэг болгохыг хүсэн ерөөж Ардчилсан Залуучуудын холбооны Тэргүүнээр Хэрлэн сумын ИТХ-ын төлөөлөгч
Буян-Итгэлийн Бат-эрдэнийг 93%-ийн саналаар сонгож, батламжиллаа.

Дорнод аймгийн АЗХ-ын шинэ бүтэц бүрэлдэхүүнд амжилт хүсье 💙

01/08/2026

Дорнод аймгийн Дашбалбар сумын уугуул төр нийгмийн нэрт зүтгэлтэн Санжаасүрэнгийн ЗОРИГ агсны хөшөөг Монголын ард түмний хандиваар эрх чөлөө, ардчиллын үнэт зүйлсийн төлөөх үйл хэргийг нь хүндэтгэн босгосон түүхтэй. Хөшөөг дур мэдэн аль нэг дарга шилжүүлж болохгүй. Түүний хөшөө байх ёстой газраа үлдэх ёстой. Яаралтай буцаан, анхны байршилд нь сэргээн байршуулахыг шаардаж байна.

Дорнод аймгийн Ардчилсан нам

28/07/2026

11/07/2026

Тулгар төрийн түүх, өв соёлоо эрхэмлэн дээдэлсэн Монгол түмэндээ Үндэсний их баяр наадмын мэндийг өргөн дэвшүүлье!

Хурдан хүлэг нь цойлж,
Хүчит бөх нь давж,
Мэргэн харваачийн сум нь цэц мэргэн байж,
Хотол олноороо аз жаргал, эв нэгдэл дүүрэн сайхан наадаарай.

Элгээрээ энх амгалан, төрлөөрөө төвшин сайхан байж, Монгол наадмын баяр цэнгэл тань мөнхөд дэлгэрэх болтугай!

ДОРНОД АЙМГИЙН АРДЧИЛСАН НАМ

10/07/2026

🇲🇳 Тулгар төрийн 2235 жил, Их Монгол Улс байгуулагдсаны 820 жил, Үндэсний их эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жил, Үндэсний их баяр наадам, Дорнод аймаг байгуулагдсаны 95 жилийн ойн баяр наадам өргөн дэлгэр, ёслол төгөлдөр болж өндөрллөө.

Энэхүү түүхэн баярын өдрүүдэд Дорнод аймгийн Ардчилсан нам Хүндэтгэлийн гэртээ намынхаа үе үеийн удирдлага, ахмад гишүүд, дэмжигчид, нийт хүрэлцэн ирсэн зочдоо хүлээн авч, эв нэгдэл, нөхөрлөлийн уур амьсгал дор сайхан баярлалаа.

Бидний урилгыг хүлээн авч, баярын хүндэтгэлийг хамтдаа хуваалцсан нийт гишүүд, дэмжигчид, иргэд Та бүхэндээ чин сэтгэлийн талархал илэрхийлье.

Та бүхэндээ эрүүл энх, аз жаргал, сайн сайхан бүхнийг хүсэн ерөөж, үндэсний их баяр наадмын мэндийг дахин өргөн дэвшүүлье.

Монгол түмэн минь мөнхөд мандан бадарч, Дорнод нутаг маань хөгжин дэвжих болтугай💙

08/07/2026

Ардчилсан хувьсгалын 36 жил, Дорнод аймаг байгуулагдсаны түүхт 95 жилийн ойн баяр наадам өргөн дэлгэр болж байна.

Дорнод аймгийн Ардчилсан намын “Хүндэтгэлийн гэр”-т ирж амар мэндээ мэдэлцэж буй гишүүд, дэмжигчиддээ талархал илэрхийлье 🇲🇳🇲🇳

07/07/2026

Эрхэм хүндэт Ардчилсан намын гишүүд, дэмжигчид та бүхэндээ Тулгар төрийн 2235 жил, Их Монгол улс байгуулагдсаны 820 жил, Үндэсний их эрх чөлөө, тусгаар тогтнолоо сэргээн мандуулсаны 115 жил, Ардын Хувьсгалын 105 жилийн ой, Ардчилсан хувьсгалын 36 жилийн ой, Үндэсний их баяр наадам, Дорнод аймаг байгуулагдсаны 95 жилийн ойн баяр наадмын мэнд дэвшүүлье.

24/06/2026

23/06/2026

💙💙

21/06/2026

БАЯТҮМЭН СУМ

Дорнод аймгийн Ардчилсан намын удирдлагууд өнөөдөр буюу 2026.06.21-ны өдөр Баянтүмэн суманд ажиллалаа.

“Дорнод 100” хөгжлийн хөтөлбөрийн санал болон “Ардчилалын Гэрэгэ” гардуулав.