14/08/2026
МЭНДЧИЛГЭЭ
Өмнөговь аймгийн төв Даланзадгад хотынхоо ард иргэд, айл өрхүүдийг амьдралын чухал хэрэгцээ болсон илч дулаанаар хангах хариуцлагатай үүргийг нэр төртэйгээр гүйцэтгэж яваа Даланзадгадын дулаан хангамжийн газрын нийт инженер техникийн ажилчид, албан хаагчид болон говь нутгийн эрчим хүчний системийг хамтдаа бүрдүүлж, мөр зэрэгцэн ажилладаг "Өмнөд бүсийн цахилгаан түгээх сүлжээ" ТӨХК, "Даланзадгадын цахилгаан станц" ТӨХК-ийн нийт хамт олон, салбарын үе үеийн ахмадууд та бүхэндээ "Эрчим хүчний салбарт ажиллагсдын өдөр"-ийн баярын халуун мэндийг өргөн дэвшүүлье.
Говийн хүйтэн өвөл, байгаль цаг уурын ямар ч хүнд нөхцөлд айл бүрийн гал голомтыг дулаан байлгаж, хэрэглэгчдээ найдвартай дулааны эрчим хүчээр хангахын төлөө цаг наргүй, сэтгэл зүрхээ зориулан хөдөлмөрлөдөг манай байгууллагын нийт ажилчдын үйлс хамгийн бахархам билээ. Та бүхний минь шургуу зүтгэл, мэргэжилдээ эзэн болсон ур чадварын үр дүнд хотын маань иргэд тав тухтай орчинд амьдарч байна.
Цахилгаан, дулаан хоёр бол нэгэн цул бөгөөд бидний ажлын амжилт салбарын байгууллагуудын нягт хамтын ажиллагаанаас шууд хамаардаг. Тиймээс тулгарсан бэрхшээл бүрийг хамтдаа даван туулж, аймгийнхаа үйлдвэрлэл, үйлчилгээ, айл өрх бүрийн амьдралыг гэрэлтэй, дулаан байлгахын төлөө хоёргүй сэтгэлээр зүтгэж буй салбарын нөхдөөрөө болон өөрийн байгууллагын хамт олноороо үргэлж бахархаж байдгаа энэ өдөр онцлон хэлэхэд таатай байна.
Эрчим хүчний салбарын ачааны хүндийг хамтдаа үүрэлцэж яваа нийт ажилтнууд, албан хаагчид та бүхнийхээ цаашдын ажил хөдөлмөрт арвин их амжилт, гэр бүлд нь эрүүл энх, аз жаргал, сайн сайхан бүхнийг хүсэн ерөөе.
Өмнөговь нутгийн маань гал голомт үүрд дулаан байж, өөдөө мандан бадрах болтугай!
ДАЛАНЗАДГАДЫН ДУЛААН ХАНГАМЖИЙН ГҮЙЦЭТГЭХ ГҮЙЦЭТГЭХ ЗАХИРАЛ Б. МӨНХ-АМАР
