Өмнөговь аймгийн Соёл, урлаг, аялал жуулчлал, залуучуудын газар

29/07/2026

ЦАГ ҮЕИЙН НӨХЦӨЛ БАЙДЛААС ШАЛТГААЛАН ЗАРИМ НИЙТИЙГ ХАМАРСАН АРГА ХЭМЖЭЭГ ЦУЦАЛЛАА

Улсын хэмжээнд үүсээд буй шатахууны хангамжийн хүндрэл, цаг үеийн нөхцөл байдалтай холбогдуулан Өмнөговь аймгийн Засаг даргын Тамгын газрын 2026 оны наймдугаар сарын төлөвлөгөөнд тусгагдсан олон нийтийг хамарсан дараах арга хэмжээг цуцалсныг мэдэгдэж байна.

* 2026 оны 8 дугаар сарын 7–9-ний өдрүүдэд зохион байгуулахаар төлөвлөсөн “Оюутан, залуучуудын Урлаг, спорт, оюуны их наадам”
* 2026 оны 8 дугаар сарын 7–10-ны өдрүүдэд зохион байгуулахаар төлөвлөсөн “Өмнийн говийн Хүлэг морин спорт, уяачдын холбооны 30 жилийн ой”
* 2026 оны 8 дугаар сарын 14–16-ны өдрүүдэд зохион байгуулахаар төлөвлөсөн “Алтан элс - Элсэн манхны баяр - 2026”

Эх сурвалж: Өмнөговь

19/07/2026

ӨМНӨГОВЬ АЙМГИЙН ДАЛАНЗАДГАД ХОТЫН ГУРВАНСАЙХАН НИСЭХ ОНГОЦНЫ БУУДАЛ- ЯПОН УЛСЫН НАГАНО МУЖИЙН МАЦУМОТО ХОТООС АНХНЫ ШУУД НИСЛЭГИЙГ АМЖИЛТТАЙ ХҮЛЭЭН АВЛАА.
✅”Өсөлттэй-Өмнөговь" хөтөлбөрийн хүрээнд Өмнөговь аймгийн Даланзадгад хотод 1 цагт @ 500 зорчигч хүлээн авах хүчин чадалтай 4D ангиллын "Гурвансайхан" олон улсын нисэх онгоцны буудал барих төсөл хэрэгжүүлэхээр төлөвлөн ажиллаж байна.
✅Энэхүү томоохон төслийн эхлэл болж 2026 оны 07 дугаар сарын 18-ны өдрийн 20:00 цагт Өмнөговь аймгийн Даланзадгад хотын “Гурвансайхан” нисэх онгоцны буудалд Япон Улсын Нагано мужийн Мацумото хотоос анхны 80 гаруй жуулчинтай олон улсын шууд нислэгийг “Хаан трэвел” ХХК-ийн захиалгаар агаарын тээврийн "Hunnu air" компани амжилттай үйлдлээ.

✅Шууд нислэг нь бүс нутгийн хөгжлийг дэмжих, жуулчдын зорчих хугацаа болон зардлыг хэмнэх, аймаг орон нутаг дахь гадаадын жуулчдын урсгалыг нэмэгдүүлэх, орон нутгийн эдийн засгийн өсөлтийг дэмжих зэрэг олон шинэ боломжийг нээж байгаагаараа онцлог юм.

✅”Гурвансайхан" нисэх онгоцны буудалд Олон улсын анхны шууд нислэгийг амжилттай үйлдсэн үндэсний агаарын тээвэрлэгч “Хүннү Эйр” ХХК, “Хаан трэвел” ХХК-ийн удирдлага, хамт олон болон баг бүрэлдэхүүнд баяр хүргэж, ажлын өндөр амжилт хүсье.
✅Анхны түүхэн арга хэмжээг амжилттай зохион байгуулж, хамтарч ажилласан байгууллага хамт олон, хүн бүхэнд талархал илэрхийлье.

18/07/2026

✈️ХҮННҮ ЭЙР ОРОН НУТГИЙГ ОЛОН УЛСТАЙ ДАХИН ХОЛБОЛОО

🔹2026 оны 7 дугаар сарын 18-ны өдөр Хүннү Эйр компани Япон Улсын Нагано мужийн Мацумото хотоос Өмнөговь аймгийн Гурвансайхан нисэх буудалд анхны олон улсын нислэгийг амжилттай үйлдэж, орон нутгийг олон улсын агаарын тээврийн сүлжээнд дахин холбосон түүхэн үйл явдлыг бүтээлээ.

🔹Энэхүү нислэг нь Гурвансайхан нисэх буудлын анхны олон улсын нислэг бөгөөд Өмнөговь аймаг болон Япон улсын хооронд шууд агаарын холбоог бий болгож, аялал жуулчлал, эдийн засгийн хамтын ажиллагааг өргөжүүлэх шинэ боломжийг нээж байна.

🔹Хүннү Эйр нь Монголын агаарын тээврийн салбарт шинэ зах зээл, шинэ чиглэлийг хөгжүүлэх бодлогоо тууштай хэрэгжүүлж, 2025 онд БНСУ-ын Чонжу–Мөрөн чиглэлд орон нутгийн анхны олон улсын нислэгийг амжилттай хэрэгжүүлсэн бол энэ удаад Гурвансайхан нисэх буудлыг олон улсын нислэгийн шинэ гарц болгож байна.

🔹Хүннү Эйр цаашид орон нутгийн нисэх буудлуудыг дэлхийтэй шууд холбосон шинэ боломжуудыг бий болгож, Монгол Улсын аялал жуулчлал, бүсчилсэн хөгжил, агаарын тээврийн салбарын өрсөлдөх чадварыг нэмэгдүүлэхэд манлайлан ажиллах болно.

Hunnu Air

18/07/2026

18/07/2026

18/07/2026