Өмнөговь аймаг дахь Бүсийн шүүх шинжилгээний төв

20/08/2026

20/08/2026

📌ХҮҮХЭДДЭЭ АВРАХ ХАНТААЗ ЗААВАЛ ӨМСҮҮЛЭЭРЭЙ. ГОЛ НУУРТ ТОГЛОЖ БАЙХАД НЬ ХАНТААЗТАЙ БАЙЛГААРАЙ.🤿🏊‍♀️

20/08/2026

1. ВАННТАЙ УСАНД ГАНЦХАН СЕКУНД Ч ГАНЦААРАНГ НЬ ОРХИЖ БОЛОХГҮЙ
Хүүхдийг усанд оруулж байх үед утас авах, хаалга тайлах, алчуур авахаар өөр өрөө рүү орох зэргээр анхаарлаа сарниулж огт болохгүй. Шаардлагатай зүйлсийг (саван, алчуур, хувцас) усанд оруулахаасаа өмнө бэлдсэн байх хэрэгтэй.

ТӨХӨӨРӨМЖИНД БҮҮ ИТГЭ: Усан доторх зориулалтын суудал, цагариг зэрэг нь хүүхдийг осолдохоос бүрэн хамгаалж чадахгүй. Эдгээр нь хөмрөх эсвэл хүүхэд мултран унах эрсдэлтэй тул байнгын гараар тулах эсвэл дэргэд нь байх шаардлагатай.

АХ ЭГЧИД НЬ ДААТГАЖ БОЛОХГҮЙ: Бага насны хүүхдийг арай ахмад ах эгчид нь даатган үлдээх нь аюултай. Тэд аюулыг бүрэн ухамсарлаж, шуурхай арга хэмжээ авч чадахгүй.

УСАНД ОРУУЛЖ ДУУССАНЫ ДАРААХ АЮУЛГҮЙ БАЙДАЛ: Усанд оруулж дууссан даруйдаа ванны усыг асгаж хэвших хэрэгтэй. Мөн гэрт ус хийсэн сав, хувин, түгшүүрийг таглаатай байлгах эсвэл усыг нь асгах нь зүйтэй.

АРИУН ЦЭВРИЙН ӨРӨӨНИЙ ХААЛГЫГ ЦООЖЛОХ: Хүүхэд суултуур эсвэл угаалтуурын усаар тоглохоор орж унах эрсдэлтэй тул ариун цэврийн өрөөний хаалгыг хаалттай байлгаж, шаардлагатай бол хүүхдээс хамгаалсан цоож эсвэл бариулын хамгаалалт хийх хэрэгтэй.

СУУЛТУУРЫН ТАГИЙГ ХААЛТТАЙ БАЙЛГАХ: Бага насны хүүхэд суултуур руу толгойгоороо унаж аюулд орохоос сэргийлж тагийг нь тогтмол хааж, түгжигч хэрэглээрэй.😀

20/08/2026

БАГА НАСНЫ ХҮҮХЭДТЭЙ АЙЛ ӨРХӨД ЗОРИУЛСАН УТАА БОЛОН УГААРЫН ХИЙ МЭДРЭГЧИЙН ЗӨВЛӨМЖ

Бага насны хүүхдүүд гүн унтдаг, аюулыг эрт мэдэрч биеэ хамгаалах чадваргүй байдаг тул тэдний аюулгүй байдлыг хангахад мэдрэгч чухал туслагч болдог. Хүүхэдтэй гэр бүлүүд дараах зүйлсийг онцгойлон анхаарна уу.

1. Төхөөрөмжийн сонголт
Хосолсон мэдрэгч сонгох: Утаа болон Угаарын хий (CO)-г давхар мэдэрдэг хосолсон мэдрэгч сонгох нь зүйтэй.

Дуу болон гэрэлтүүлэгтэй мэдрэгч: Зарим орчин үеийн төхөөрөмжүүд зөвхөн чанга дуунаас гадна дуут заавар өгдөг (жишээ нь: "Гал гарлаа, гадагшаа гарна уу") эсвэл хурц гэрэл цацруулдаг. Хүүхэд айдсаас болон нуугдахаас сэргийлж, юу хийхийг нь тодорхой зааж өгдөг төхөөрөмж илүү үр дүнтэй.

Чанга дууны давтамж: Хүүхдүүд насанд хүрэгчдээс илүү гүн унтдаг тул тэднийг сэрээж чадахуйц хангалттай чанга (85 дб-ээс дээш) дохиотой байх шаардлагатай.

2. Байршуулах онцлог
Хүүхдийн гар хүрэхгүй газар суурилуулах: Мэдрэгчийг заавал таазанд суурилуулна. Хүүхэд тоглоом болгон оролдох, батерейг нь сугалах, товчийг нь дарж хуурмаг дохио ажиллуулахаас сэргийлнэ.

Хүүхдийн унтлагын өрөөнд заавал байх: Өрөөний хаалгыг хааж унтдаг бол өрөөн дотор нь болон хаалганы гадна талын коридорт тус бүр нэгийг байршуулна.

3. Дадал ба аюулгүй байдлын бэлтгэл
Дохионы дууг хүүхдэд сонсгож дасгах: Сар бүр мэдрэгчээ шалгахдаа хүүхдэдээ "Энэ дуу гарвал гал гарч байна гэсэн үг, айж болохгүй, шууд гадагшаа гарна" гэж ойлгуулан дууг нь сонсгож хэвшүүлээрэй.

Нүүлгэн шилжүүлэх сургуулилалт хийх: Дохио дуугарах үед хаашаа гүйх, хаана цугларах ёстойг тоглоом хэлбэрээр гэртээ дадлагажуулж үзээрэй. Өөрөө явж чадахгүй бага насны хүүхдийг аль эцэг эх нь авч гарах үүргийг өмнө нь хуваарилж тохирсон байх хэрэгтэй.

Батерейны аюулгүй байдал: Мэдрэгчийн батерейны таглаа нь хүүхэд онгойлгож чадахааргүй чанга, эрэг боолтоор бэхлэгддэг эсэхийг шалгаарай (жижиг батерейг хүүхэд амандаа хийх эрсдэлтэй).

20/08/2026