Өмнөговь аймгийн Гэр бүл, Хүүхэд, Залуучуудын хөгжлийн газар

06/08/2026

06/08/2026

🛎️🛎️🚌 "МЭДЭЭЛЭЛТЭЙ АВТОБУС" АЯН ҮРГЭЛЖИЛЖ БАЙНА🤝
✨"ХАЙРЫН ГАР" аяны хүрээнд Өмнөговь аймгийн Гурвантэс сумаас Улаанбаатар хотын чиглэлд зорчдог 5 автобусанд хүүхэд хамгаалал, гэр бүлийн боловсрол, эерэг хүмүүжлийн талаарх мэдээллийн буланг байршууллаа.

✨Ингэснээр холын замд зорчиж буй иргэд, эцэг эхчүүд хүүхдээ хайрлан хамгаалах, зөв хүмүүжүүлэх, гэр бүлийн халуун дулаан харилцааг бэхжүүлэхэд чиглэсэн зөвлөгөө, мэдээллийг аяллын турш уншиж, өдөр тутмын амьдралдаа хэрэгжүүлэх боломжтой болж байна.

🤝 "ХАЙРЫН ГАР" аян нь хайр, халамж, хариуцлагаас эхэлдэг гэр бүлийн үнэт зүйлсийг түгээн дэлгэрүүлж, хүүхэд бүрийг аюулгүй, аз жаргалтай орчинд өсөж хөгжихөд иргэн бүрийн оролцоог нэмэгдүүлэх зорилготой юм.
Бид хамтдаа:
✅ Зөв мэдээллийг иргэн бүрт хүргэнэ.
✅ Хүүхэд, гэр бүлийн эрхийг хамгаална.
✅ Эерэг хүмүүжил, зөв дадлыг түгээнэ.
✅ Хайр, халамж, хариуцлагыг нийгэмд түгээн дэлгэрүүлнэ.

👌 Та бүхнийг "ХАЙРЫН ГАР"аянд нэгдэж, хүүхэд, гэр бүлдээ зориулсан эерэг үйлдэл бүрийг амьдралын хэвшил болгон, эрүүл, аюулгүй, аз жаргалтай нийгмийг хамтдаа бүтээхийг уриалж байна.

06/08/2026

# # 💙 "ХАЙРЫН ГАР" АЯН АМЖИЛТТАЙ ҮРГЭЛЖИЛЖ БАЙНА

"Хайрын гар" аяны хүрээнд хамтран ажиллаж буй ресторан, зоогийн газруудаар ажиллан аяны хэрэгжилттэй танилцлаа.

QR мэдээллийн булангуудыг үйлчилгээний байгууллагууд тогтмол байршуулан ажиллаж, аяныг идэвхтэй дэмжин хамтран ажиллаж байна.

Иргэд та бүхэн хоол хүлээх хэдхэн минутыг үр бүтээлтэй өнгөрүүлж, ширээн дээрх QR кодыг уншуулан гэр бүлийн халуун яриа өрнүүлэх асуулт, хүүхдийн хүмүүжлийн эерэг арга, эцэг эхчүүдэд зориулсан зөвлөгөө болон бусад сонирхолтой мэдээллийг авах боломжтой.
Жич: Хувийн орон зай тул үйлчлүүлэгчдийн царайг эможигоор нуусан болно.
🤝 Аяныг дэмжин хамтран ажиллаж буй ресторан, зоогийн газрууддаа талархал илэрхийлье.
"Хайрын гар" байршсан газрууд:
📍Samgyeopsal & Beer House
📍Alpha Lounge
📍Аянчин Төв
📍Yuna Korean Restaurant
📍Гоймондоо
📍MM Lounge
📍Khishig Evento Restobar
📍"Эрхэс" ресторан
📍"Хот айл" зоогийн газар
📍Sukhait Restaurant
💙 Гэр бүлийн үнэ цэнтэй харилцаа хамтдаа өнгөрүүлэх жижигхэн мөчөөс эхэлдэг.

#ХайрынГар #ГэрБүлийнҮнэЦэнэ #ХүүхэдХамгаалал #ЭерэгХүмүүжил #ЧанартайЦаг

06/08/2026

💙 ААВУУДЫН ӨДРИЙН МЭНД ХҮРГЭЕ* 💙

👨‍👧‍👦 8 дугаар сарын 8 — ААВУУДЫН ӨДӨР

Монгол Улс Аавуудын өдрийг 21 дэх жилдээ тэмдэглэн өнгөрүүлэх гэж байна.

Аав гэдэг бол хүүхдийнхээ амьдралын анхны баатар, түшиг тулгуур, хамгаалагч, үлгэр дуурайлал билээ.

Хүүхэд бүр аавынхаа хайр, халамж, урмын үг, хамтдаа өнгөрүүлсэн цаг мөчөөс өөртөө итгэх итгэл, зориг, амьдралын үнэт зүйлсийг суралцан өсдөг.

💙 Хүүхдээ сонсдог ААВ байя.
🧡 Хүүхэдтэйгээ ярилцдаг ААВ байя.
💙 Хамтдаа цагийг өнгөрүүлдэг ААВ байя.
🧡 Хайраа үгээр болон үйлдлээрээ илэрхийлдэг ААВ байя.
💙 Хүүхдийнхээ хамгийн сайн үлгэр дуурайлал нь байя.

✨ Аавын хайр — хүүхдийн насан туршийн хүч.
Аавын үлгэрлэл — хүүхдийн ирээдүйн зам.

Монголынхоо гэр бүл, үр хүүхдийн сайн сайхны төлөө хайр халамж, хөдөлмөр зүтгэлээ зориулж яваа нийт аавууддаа ААВУУДЫН ӨДРИЙН БАЯРЫН МЭНД ХҮРГЭЕ. 👏💙

👨‍👩‍👧‍👦 Аз жаргалтай гэр бүл – Эрхэм баян Монголын ирээдүй

06/08/2026

👔💙 ААВУУДЫН ӨДРИЙН МЭНД ХҮРГЭЕ!

Эрхэм хүндэт аавууд, ирээдүйн аавууд, эрчүүд та бүхэндээ 8 дугаар сарын 8-ны "Аавуудын өдөр"-ийн баярын мэндийг өргөн дэвшүүлье.

Аав хүний хайр, халамж, зөв үлгэр дуурайл нь үр хүүхдийн ирээдүйг гэрэлтүүлж, аз жаргалтай, аюулгүй гэр бүлийг бүтээх үнэт хүч билээ. Хариуцлагатай, эрүүл, боловсролтой аав бүхэн зөвхөн гэр бүлийнхээ төдийгүй нийгмийн хөгжил, эх орны ирээдүйн бат бөх тулгуур байдаг.

2026 оны хагас жилийн байдлаар Өмнөговь аймагт 41,529 эрэгтэй амьдарч байгаа нь нийт хүн амын 51.9 хувийг эзэлж байна. Та бүхэн бол хөдөлмөрийн гол хүч, гэр бүлийн түшиг, үр хүүхдийн хамгийн анхны багш, амьдралын үнэт үлгэр дуурайл юм.

💙 Хүүхэд бүр аавын хайр, халамж, дэмжлэгийг мэдэрч өсөх эрхтэй.
💙 Аав бүр хүүхдийнхээ ирээдүйд үнэлж баршгүй хөрөнгө оруулалт хийдэг.

Эрүүл аав – Аз жаргалтай гэр бүл.
Аз жаргалтай гэр бүл – Хөгжсөн Өмнөговийн үндэс.

🎉 Аавуудын өдрийн баярын мэнд хүргэж, эрүүл энх, аз жаргал, ажил үйлсэд нь амжилтын дээдийг хүсэн ерөөе!

#АавуудынӨдөр2026 #ЭрчүүдХөгжлийнТулгуур #ХүүхэдХамгаалал #ЭрүүлГэрБүл #ӨсөлттэйӨмнөговь2028

06/08/2026

📊 2026 ОНЫ ЭХНИЙ ХАГАС ЖИЛИЙН ҮЙЛ АЖИЛЛАГААНЫ ҮР ДҮН | ЦУВРАЛ-4

Өмнөговь аймгийн Хүүхэд, гэр бүлийн хөгжил, хамгааллын газраас 2026 оны эхний хагас жилийн хугацаанд хүүхэд хамгааллын үйлчилгээний чанар, хүртээмжийг сайжруулах, байгууллагын засаглал, хүний нөөцийн чадавхыг бэхжүүлэх, хууль тогтоомж, стандартын хэрэгжилтийг хангах, төрийн үйлчилгээний ил тод, шуурхай байдлыг нэмэгдүүлэх чиглэлээр хэрэгжүүлсэн онцлох ажлуудыг танилцуулж байна.

📌 Энэхүү цувралд:
🔹 Хүүхэд харах үйлчилгээний тухай хууль, журам, "MNS 6450:2015" стандартын хэрэгжилтийн үр дүн
🔹 Нэг цэгийн үйлчилгээний төв, Түр хамгаалах байраар дамжуулан хүчирхийллийн хохирогчдод үзүүлсэн үйлчилгээний үр дүн
🔹 Сүм, хийдийн үйл ажиллагаанд хийсэн хяналт-шинжилгээ, хүүхэд хамгааллын бодлогын хэрэгжилтийн үр дүн
🔹 Хүүхдийн эрхийг хамгаалах чиглэлээр хэрэгжүүлсэн хяналт, зөвлөмж, арга зүйн дэмжлэгийн үр дүн
🔹 Хүүхдийн эрхийн улсын байцаагчийн төлөвлөгөөт болон төлөвлөгөөт бус хяналт шалгалтын ажлын үр дүн
🔹 Ёс зүйн дэд хорооны үйл ажиллагаа, төлөвлөгөөний хэрэгжилтийн үр дүн
🔹 Албан хаагчдын нийгмийн баталгааг хангах, сургах, хөгжүүлэх, мэргэшүүлэх үйл ажиллагааны үр дүн
🔹 Иргэдээс ирүүлсэн өргөдөл, гомдлын шийдвэрлэлт, төрийн үйлчилгээний шуурхай байдлын үр дүн
🔹"ABLE", Нэг цэгийн үйлчилгээ, Түр хамгаалах байр, "ХИМС" программын ашиглалт, цахим сургалтын хэрэгжилтийн үр дүн зэрэг байгууллагын үйл ажиллагааны чанар, үр нөлөөг дээшлүүлэхэд чиглэсэн ажлуудыг танилцуулж байна.

Бид цаашид хүүхэд, гэр бүлд үзүүлэх үйлчилгээний чанар, хүртээмжийг тасралтгүй сайжруулж, хүний нөөцийн чадавх, цахим үйлчилгээ, байгууллагын засаглалыг бэхжүүлэх замаар иргэдэд хүрэх төрийн үйлчилгээний үр нөлөөг нэмэгдүүлэн ажиллах болно.

🤝 "Чанартай үйлчилгээ – Хүүхэд, гэр бүлийн сайн сайхны төлөө. Хамтын хариуцлага – Тогтвортой хөгжлийн үндэс"

05/08/2026

ХАНБОГД СУМЫН ХҮҮХЭД, ГЭР БҮЛИЙН НИЙГМИЙН АЖИЛТНЫ ОРОН ТООНД НИЙГМИЙН АЖИЛТАН СОНГОН ШАЛГАРУУЛЖ АВНА.

05/08/2026

НОЁН СУМЫН ХҮҮХЭД, ГЭР БҮЛИЙН НИЙГМИЙН АЖИЛТНЫ ОРОН ТООНД НИЙГМИЙН АЖИЛТАН СОНГОН ШАЛГАРУУЛЖ АВНА.

05/08/2026

2026 оны Олон улсын 3-р ЖЕМБОРИ-д Монгол орны 21 аймаг, нийслэлийн 9 дүүрэг, гадаадын 7 улс орны скаутын гишүүн 800 гаруй хүүхэд багачууд, 250 гаруй багш болон скаутын үйл ажиллагааг сонирхогч зүтгэлтнүүд оролцож, 2026 оны 07-р сарын 26-аас 8-р сарын 1-г хүртэл 7 хоногийн хугацаанд Монголын бахархалт түүх, өв соёлтой танилцаж, нөхөрлөл, харилцан ойлголцол, хамтын ажиллагааг бэхжүүллээ.

05/08/2026

📊2026 ОНЫ ЭХНИЙ ХАГАС ЖИЛИЙН ҮЙЛ АЖИЛЛАГААНЫ ҮР ДҮН | ЦУВРАЛ-3

Өмнөговь аймгийн Хүүхэд, гэр бүлийн хөгжил, хамгааллын газраас 2026 оны эхний хагас жилийн хугацаанд хүүхдийн эрхийг хангах, хамгааллын тогтолцоог бэхжүүлэх, эрсдэлт нөхцөлөөс урьдчилан сэргийлэх, хүүхдэд ээлтэй орчин бүрдүүлэх, салбар дундын хамтын ажиллагааг өргөжүүлэх чиглэлээр хэрэгжүүлсэн онцлох ажлуудаа танилцуулж байна.

📌 Энэхүү цувралд:
🔹 Хүүхдийн эрхийг хангах, ялгаварлан гадуурхалт, үе тэнгийн дээрэлхэлт, цахим гадуурхалтаас урьдчилан сэргийлэх аян, нөлөөллийн ажлын үр дүн
🔹 Хүүхдийн зуслангийн үйл ажиллагаанд MNS 5633:2019 стандартын хэрэгжилт, хүүхдийн хөгжлийг дэмжсэн үйл ажиллагааны үр дүн
🔹 Соёл, спортын үйл ажиллагаанд хүүхдийн оролцоо, эрхийг хамгаалах журмын хэрэгжилт, салбар дундын хамтын ажиллагааны үр дүн
🔹 "Хүүхдэд ээлтэй сум", "Оны онцлох хүүхэд", "Гэр бүл, хүүхдэд ээлтэй байгууллага, иргэн, аж ахуйн нэгж"-ийг алдаршуулж, сайн туршлагыг түгээн дэлгэрүүлсэн ажлын үр дүн
🔹 Хүүхэд хамгааллын явуулын үйлчилгээг 15 суманд зохион байгуулсан ажлын үр дүн
🔹 Хүүхдийн тусламжийн 108 тусгай дугаарын үйлчилгээ, кейс менежментийн хэрэгжилтийн үр дүн
🔹 Хамтарсан багийн үйл ажиллагааг бэхжүүлж, кейс шийдвэрлэлтийн чанарыг сайжруулсан ажлын үр дүн
🔹 Гамшиг, онцгой нөхцөл байдлын үед хүүхдийн эрхийг хамгаалах бэлэн байдал, урьдчилан сэргийлэх арга хэмжээний хэрэгжилтийн үр дүн

Хүүхэд бүрийн эрхийг дээдэлж, аюулгүй орчинд өсөж хөгжих нөхцөлийг бүрдүүлэхийн төлөө төрийн болон төрийн бус байгууллага, хувийн хэвшил, орон нутгийн хамтын ажиллагааг улам бэхжүүлэн, хүүхэд, гэр бүлд ээлтэй үйлчилгээний чанар, хүртээмжийг нэмэгдүүлэн ажиллаж байна.

🤝 Хүүхдийн эрхийг хамгаалах үйлсэд хүн бүрийн оролцоо чухал.
Хүүхэд бүр аюулгүй, аз жаргалтай өсөх орчныг хамтдаа бүтээцгээе.