31/07/2026
"ХААДЫН ЗАМ" АРГА ХЭМЖЭЭНИЙ ХҮРЭЭНД "МИНИЙ НУТАГ" ЯРУУ НАЙРГИЙН ӨДӨРЛӨГ БАЯНДЭЛГЭР СУМАНД ЗОХИОН БАЙГУУЛАГДЛАА.
🍀 Орчин цагийн утга зохиолыг үндэслэгч, их зохиолч Дашдоржийн Нацагдоржийн мэндэлсний 120 жилийн ойд зориулсан “Миний хэнз хурга” хүүхдийн шүлгийн уралдааныг 2026 оны 05 дугаар сарын 29-нөөс 07 дугаар сарын 04-ний хооронд аймгийн Соёл, урлаг, аялал жуулчлал, залуучуудын газар, “Шувуун саарал” утга зохиолын нэгдэл, 27 сумын Соёлын төв хамтран зохион байгуулсан.
🍀 “Хаадын зам” арга хэмжээний хүрээнд “Миний нутаг” яруу найргийн өдөрлөгийг Баяндэлгэр сумын нутаг Гүн галуутай буюу Алтан ургийн язгууртан, Их зохиолч Дашдоржийн Нацагдоржийн мэндэлсэн гэрийн буурь дээр 07 дугаар сарын 30-ны өдөр зохион байгуулагдлаа. Тус өдөрлөгт аймгийн 27 сумаас шалгарсан ЕБС-ийн сурагчид өөрсдийн зохиосон шүлэгээр оролцож, авьяас билэг, уран үгээрээ өрсөлдлөө.
🍀“Миний нутаг” яруу найргийн өдөрлөгийг нээж аймгийн Засаг даргын зөвлөх Б.Отгонбаяр үг хэлж, МУ-ын Шинжлэх ухааны гавьяат ажилтан, түүхийн ухааны доктор, профессор, Чингис хаан үндэсний музейн захирал С.Чулуун мэндчилгээ дэвшүүллээ.
🍀 Мөн аймгийн СУАЖЗГ-ын дарга Б. Тунгалаг, Баяндэлгэр сумын Засаг дарга Д.Энхсүх, МЗЭ-ийн хорооны гүйцэтгэх захирал, МУСГЗ, “Үндэсний номын сангийн захирал Б.Ичинхорлоо, МУ-ын гавьяат хуульч, яруу найрагч Ш.Сүхбаатар, МУ-ын СГЗ, Д.Нацагдоржийн шагналт, "Болор цом"-ын эзэн, яруу найрагч Ж.Баяржаргал, МУ-ын СГЗ, Д.Нацагдоржийн шагналт, хүүхдийн зохиолч О.Сундуй, Д.Нацагдорж сангийн тэргүүн Ө.Мягмар болон Баяндэлгэр сумын иргэд оролцлоо.
Арга хэмжээний ерөнхий шүүгчээр: ШУА-ийн Хэл зохиолын хүрээлэнгийн захирал, доктор, дэд профессор О.Шинэбаяр, ШУА-ийн Хэл зохиолын хүрээлэнгийн Утга зохиол, салбарын эрхлэгч, доктор, дэд профессор Д.Цэвээндорж, ШУА-ийн ХЗХүрээлэнгийн компьютер хэл шинжлэлийн лабораторын эрхлэгч, доктор Т.Пүрэвсүрэн нар ажилласан.
Хоёрдугаар шатанд шалгарсан сурагчид:
🏅 Төв аймгийн Батсүмбэр сумын Ерөнхий боловсролын сургуулийн 12б ангийн сурагч Оюунболдын Онон
🏅 Төв аймгийн Баянжаргалан сумын Ерөнхий боловсролын сургуулийн 7а ангийн сурагч Нарантунгалагийн Бат-Ерөөлт
🏅 Төв аймгийн Баянцагаан сумын Ерөнхий боловсролын сургуулийн 11а ангийн сурагч Болдбаатарын Биндэръя
🏅 Төв аймгийн Бүрэн сумын Ерөнхий боловсролын сургуулийн 11а ангийн сурагч Баярсайханы Найдан
🏅 Төв аймгийн Зуунмод сумын 3 дугаар сургуулийн 11а ангийн сурагч Батцэнгэлийн Аззаяа
🏅 Төв аймгийн Лүн сумын Ерөнхий боловсролын сургуулийн 11а ангийн сурагч Батболдын Үржинлхам
🏅 Төв аймгийн Угтаалцайдам сумын Ерөнхий боловсролын сургуулийн 10а ангийн сурагч Батмөнхийн Адъяасүрэн
🏅 Төв аймгийн Эрдэнэсант сумын Ерөнхий боловсролын сургуулийн 11а ангийн сурагч Сэргэлэнгийн Баясгалан нар тус тус шалгарлаа.
🍀 Шилдэг оролцогчоор Батсүмбэр сумын сурагч О. Онон -"Тэргүүн" байр
Лүн сумын оролцогч -Б.Үржинлхам "Дэд" байр,
Зуунмод сумын оролцонч Б. Аззаяа -"Гутгаар" байрт тус тус шалгарч "Өргөмжлөл", мөнгөн шагналаар шагнагдлаа.
