Хөвсгөл аймгийн иргэдийн Төлөөлөгчдийн Хурал

  • Home
  • Mongolia
  • Mörön
  • Хөвсгөл аймгийн иргэдийн Төлөөлөгчдийн Хурал

Хөвсгөл аймгийн иргэдийн Төлөөлөгчдийн Хурал Хөвсгөл аймгийн иргэдийн Төлөөлөгчдийн Хурлын албан ёсны хуудас

XVII жарны "Сүрээр дарагч" хэмээх Гал морин жилийн зуны адаг сарын арван есний өдөр Монгол Улсын Ерөнхийлөгчийн зарлигаа...
03/08/2026

XVII жарны "Сүрээр дарагч" хэмээх Гал морин жилийн зуны адаг сарын арван есний өдөр Монгол Улсын Ерөнхийлөгчийн зарлигаар Хөвсгөл нуурын лусыг тахих төрийн тахилгын ёслол Чөчү хайрхны тахилгат овоонд болж өндөрлөлөө.

Тахилгын ёслолд Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүх оролцож, Мөрөнгийн хүрээ Гандандаржайлин хийдийн лам нар тахилгын ном хурав.

Хөх нүдэн Хөвсгөл далай маань Монгол орны гадаргын цэвэр усны 70 гаруй хувийг, дэлхийн цэвэр усны нөөцийн ойролцоогоор нэг хувийг дангаар бүрдүүлдэг, Төв азийн цэнгэг усны эх, ховор амьтан ургамлын өлгий нутаг билээ.

Тахилгын үеэр Далай ээжийн мандал дээгүүр өтгөн цагаан манан хөшиглөн, Модонхүй арлын дээгүүр бурхны дүрсийг санагдуулам үүл бүрхэхийн зэрэгцээ хойд зүгт солонго татсан нь эзэн лус тахилгыг соёрхон хүлээн авлаа гэж нутгийн зон олон ихэд сүсэглэн бишрэв.

Нуурыг хамгаалах ажлын хүрээнд 2021-2025 онд ёроолд живсэн усан онгоц , машин техникийг татан гаргаж, 50 орчим мянган литр шатахуун, тос, аюултай хог хаягдал алдагдахаас сэргийлсэн. Мөн энэ жил нуурын орчмыг цэвэрлэх хоёр сарын аян өрнүүлж, Хөвсгөл нуурыг судлах Олон улсын төв байгуулагдаад байгаа нь тус нуурыг тогтвортой хамгаалах чиглэлээр авч хэрэгжүүлж буй ажлын нэг хэсэг болж байна.

Хөвсгөл нуурыг Төрийн тахилгатай болгосон нь зөвхөн ёслолын хэмжээнд хязгаарлагдахгүй, харин цаашид энэ ариун усан сан, байгаль экосимтемийг бүрэн бүтнээр нь хойч үедээ уламжлан үлдээх Төрийн бодлого, үйл ажиллагааны эхлэл болж байгаагаараа онцлог юм.

Далай ээж хэмээн хүндэтгэн дээдэлдэг Хөвсгөл нуурын онгон дагшин байдал, түүх соёлын өвийг хамгаалах нь бидний нэн тэргүүний зорилт хэвээр байна.

ШИНЭ-ИДЭР СУМЫН ЭРҮҮЛ МЭНДИЙН ТӨВД СУУРИН КОМПЬЮТЕР БОЛОН ТҮРГЭН ТУСЛАМЖИЙН АВТОМАШИН ГАРДУУЛЛАА.Түүхт ойн арга хэмжээни...
30/07/2026

ШИНЭ-ИДЭР СУМЫН ЭРҮҮЛ МЭНДИЙН ТӨВД СУУРИН КОМПЬЮТЕР БОЛОН ТҮРГЭН ТУСЛАМЖИЙН АВТОМАШИН ГАРДУУЛЛАА.

Түүхт ойн арга хэмжээний үер орон нутгийн эрүүл мэндийн тусламж үйлчилгээний чанар, хүртээмжийг дээшлүүлэх, эмнэлгийн тусламжийн бэлэн байдал болон цахимжилтыг дэмжих зорилгоор:
🇲🇳 УИХ-ын гишүүн Боловсролын сайд Л.Энх-Амгалан иж бүрэн тоноглогдсон түргэн тусламжийн автомашин;
🇲🇳Аймгийн ИТХ-ын дарга Д.Пүрэвдорж сумын эрүүл мэндийн төвийн өдөр тутмын үйл ажиллагааг дэмжиж суурин компьютер тус тус гардуулан өглөө.

Шинэ-Идэр сумын Эрүүл мэндийн төвийн үе үеийн ажилтнууд, ахмад буурлууд болон нийт эмч, эмнэлгийн ажилтнууддаа түүхт 90 жилийн ойн баярын халуун мэндчилгээг өргөн дэвшүүлж, цаашдын ажилд нь амжилт хүсье.

ЖАРГАЛАНТ СУМЫН ЭРҮҮЛ МЭНДИЙН ТӨВД СУУРИН КОМПЬЮТЕР БОЛОН ТҮРГЭН ТУСЛАМЖИЙН АВТОМАШИН ГАРДУУЛЛАА.Түүхт ойн арга хэмжээни...
29/07/2026

ЖАРГАЛАНТ СУМЫН ЭРҮҮЛ МЭНДИЙН ТӨВД СУУРИН КОМПЬЮТЕР БОЛОН ТҮРГЭН ТУСЛАМЖИЙН АВТОМАШИН ГАРДУУЛЛАА.

Түүхт ойн арга хэмжээний үер орон нутгийн эрүүл мэндийн тусламж үйлчилгээний чанар, хүртээмжийг дээшлүүлэх, эмнэлгийн тусламжийн бэлэн байдал болон цахимжилтыг дэмжих зорилгоор:
🇲🇳 УИХ-ын гишүүн Боловсролын сайд Л.Энх-Амгалан иж бүрэн тоноглогдсон түргэн тусламжийн автомашин;
🇲🇳Аймгийн ИТХ-ын дарга Д.Пүрэвдорж сумын эрүүл мэндийн төвийн өдөр тутмын үйл ажиллагааг дэмжиж суурин компьютер тус тус гардуулан өглөө.

Жаргалант сумын Эрүүл мэндийн төвийн үе үеийн ажилтнууд, ахмад буурлууд болон нийт эмч, эмнэлгийн ажилтнууддаа түүхт 90 жилийн ойн баярын халуун мэндчилгээг өргөн дэвшүүлж, цаашдын ажилд нь амжилт хүсье.

22/07/2026

СОНГОН ШАЛГАРУУЛАЛТЫН ЗАР
Компанийн тухай хуулийн 76 дугаар зүйлийн 76.1.8, 81 дүгээр зүйлийн 81.5, Компанийн дүрмийн 10 дугаар зүйлийн 10.8.1 дахь заалтыг үндэслэн “Хөдөөгийн шийдэл ХХК” -ийн гүйцэтгэх захирлын сонгон шалгаруулалтыг зарлаж байна.
ТАВИГДАХ ШААРДЛАГА:
1. Менежментийн ур чадвартай, салбарын мэргэжлийн чиглэлээр бакалавр болон түүнээс дээш зэрэгтэй байх, төрийн албанд 5-аас доошгүй жил удирдах албан тушаалд ажил гүйцэтгэж байсан, удирдлагын зохих дадлага туршлагатай байх.
2. Зээл буюу батлан даалтын гэрээгээр хүлээсэн хугацаа хэтэрсэн аливаа өргүй байх;
3. Ял шийтгэлгүй байх;
4. Компанийг удирдахад ашиг сонирхлын зөрчил үүсэхгүй байх.

БҮРДҮҮЛЭХ МАТЕРИАЛ:
1. Сонгон шалгаруулалтад оролцох хүсэлт
2. Анкет /Төрийн албан хаагчийн анкет/
3. Иргэний үнэмлэхийн хуулбар
4. Нэр дэвшигчид тавигдах шаардлагыг хангасан гэдгээ нотолсон баталгаа
/ШШЕГ-ын тодорхойлолт, татварын хугацаа хэтэрсэн өр төлбөргүй тодорхойлолт, банкны өр зээлгүй тодорхойлолт, нэр дэвшсэн компанийн үйл ажиллагаатай холбоотой ашиг сонирхлын зөрчилгүй мэдүүлэг/
5. Боловсролын түвшинг тодорхойлсон баримт бичиг /диплом/-ийн эх хувь, хуулбарын хамт
6. 4х6-ийн хэмжээтэй 2 хувь цээж зураг. /1 ш нь анкет дээр наагдсан байх/
7. Ажилласан хугацаа болон ажил эрхлэлтийг гэрчлэх баримт /Хөдөлмөрийн болон нийгмийн даатгалын дэвтэр/ -ийн эх хувь, холбогдох материал
8. Гүйцэтгэх захирлаар ажиллахад дэвшүүлсэн зорилт хэрэгжүүлэх ажлын хөтөлбөр
Дээрх материалыг дутуу бүрдүүлсэн иргэнийг бүртгэхгүй.
ТУСГАЙ ШААРДЛАГА:
Хөдөө аж ахуйн чиглэлийн мэргэжилтэй байх
Байгууллагын нууц хадгалах, харилцааны өндөр соёлтой байх, ажлын ачаалал даах чадвартай, удирдах манлайлах чадвартай байх.
Дараах этгээдийг компанийн гүйцэтгэх захиралд нэр дэвшүүлэхийг хязгаарлана.
1. Тодорхой албан тушаал эрхлэх буюу тодорхой үйл ажиллагаа явуулах эрхийг нь шүүхийн шийдвэрээр хассан.
2. Шүүхээр ял шийтгүүлсэн, ялгүйд тооцох хугацаа нь дуусаагүй.
3. Төрийн албанд тодорхой хугацаанд эргэж орохгүйгээр халагдаж тухайн хугацаа нь дуусаагүй этгээдийн материалыг хүлээн авахаас татгалзах.
МАТЕРИАЛ АВАХ ХҮЛЭЭН АВАХ ХАЯГ:
Хөвсгөл аймаг, Мөрөн сум, аймгийн Удирдлагын ордон А байр, 3 давхар, ТУЗ-ийн нарийн бичгийн дарга Б.Болдбаатар хүлээн авна.
Холбогдох утас: 88029586
Материал хүлээн авах хугацаа: Ажлын өдрүүдэд 2026 оны 07 дугаар сарын 22-ны өдрөөс 28-ний өдрийн 17:00 цаг хүртэл хүлээн авна.

“ХӨДӨӨГИЙН ШИЙДЭЛ” ХХК-ИЙН ТӨЛӨӨЛӨН УДИРДАХ ЗӨВЛӨЛИЙН
НЭР ДЭВШҮҮЛЭХ ХОРОО

20/07/2026

СОНГОН ШАЛГАРУУЛАЛТЫН ЗАР
Компанийн тухай хуулийн 76 дугаар зүйлийн 76.1.8, 81 дүгээр зүйлийн 81.5, Компанийн дүрмийн 10 дугаар зүйлийн 10.7.1 дахь заалтыг үндэслэн “Хөвсгөл Эрчим Хүч” ХХК-ийн гүйцэтгэх захирлын сонгон шалгаруулалтыг зарлаж байна.

ТАВИГДАХ ШААРДЛАГА:
1. Менежментийн ур чадвартай, салбарын мэргэжлийн чиглэлээр бакалавр болон түүнээс дээш зэрэгтэй байх, салбартаа 5-аас доошгүй жил удирдах албан тушаалд ажил гүйцэтгэж байсан, удирдлагын зохих дадлага туршлагатай байх.
2. Зээл буюу батлан даалтын гэрээгээр хүлээсэн хугацаа хэтэрсэн аливаа өргүй байх;
3. Ял шийтгэлгүй байх;
4. Компанийг удирдахад ашиг сонирхлын зөрчил үүсэхгүй байх.

БҮРДҮҮЛЭХ МАТЕРИАЛ:
1. Сонгон шалгаруулалтад оролцох хүсэлт
2. Анкет /Төрийн албан хаагчийн анкет/
3. Иргэний үнэмлэхийн хуулбар
4. Нэр дэвшигчид тавигдах шаардлагыг хангасан гэдгээ нотолсон баталгаа
/ШШЕГ-ын тодорхойлолт, татварын хугацаа хэтэрсэн өр төлбөргүй тодорхойлолт, банкны өр зээлгүй тодорхойлолт, нэр дэвшсэн компанийн үйл ажиллагаатай холбоотой ашиг сонирхлын зөрчилгүй мэдүүлэг/
5. Боловсролын түвшинг тодорхойлсон баримт бичиг /диплом/-ийн эх хувь, хуулбарын хамт
6. 4х6-ийн хэмжээтэй 2 хувь цээж зураг. /1 ш нь анкет дээр наагдсан байх/
7. Ажилласан хугацаа болон ажил эрхлэлтийг гэрчлэх баримт /Хөдөлмөрийн болон нийгмийн даатгалын дэвтэр/ -ийн эх хувь, холбогдох материал
8. Гүйцэтгэх захирлаар ажиллахад дэвшүүлсэн зорилт хэрэгжүүлэх ажлын хөтөлбөр
Дээрх материалыг дутуу бүрдүүлсэн иргэнийг бүртгэхгүй.
ТУСГАЙ ШААРДЛАГА:
Цахилгааны Мэргэшсэн инженерийн зэрэгтэй байх
Байгууллагын нууц хадгалах, харилцааны өндөр соёлтой байх, ажлын ачаалал даах чадвартай, удирдах манлайлах чадвартай байх.
Дараах этгээдийг компанийн гүйцэтгэх захиралд нэр дэвшүүлэхийг хязгаарлана.
1. Тодорхой албан тушаал эрхлэх буюу тодорхой үйл ажиллагаа явуулах эрхийг нь шүүхийн шийдвэрээр хассан.
2. Шүүхээр ял шийтгүүлсэн, ялгүйд тооцох хугацаа нь дуусаагүй.
3. Төрийн албанд тодорхой хугацаанд эргэж орохгүйгээр халагдаж тухайн хугацаа нь дуусаагүй этгээдийн материалыг хүлээн авахаас татгалзах.
4. Хөвсгөл эрчим хүч ХХК-ийн гүйцэтгэх удирдлагад нэр дэвшигч нь эрчим хүчний хэрэгсэл худалдах, борлуулах чиглэлийн үйлчилгээ хэрэгжүүлэх аж ахуйн нэгжийн үүсгэн байгуулагч, хувь эзэмшигч, эсхүл түүний ажилтан байхыг хориглоно.
МАТЕРИАЛ АВАХ ХҮЛЭЭН АВАХ ХАЯГ:
Хөвсгөл аймаг, Мөрөн сум, аймгийн Удирдлагын ордон А байр, 3 давхар, ТУЗ-ийн нарийн бичгийн дарга Б.Батзаяа хүлээн авна.
Холбогдох утас: 96382020, 94602009
Материал хүлээн авах хугацаа: Ажлын өдрүүдэд 2026 оны 07 дугаар сарын 20-ны өдрөөс 24-ний өдрийн 17:00 цаг хүртэл хүлээн авна.

“ХӨВСГӨЛ ЭРЧИМ ХҮЧ” ХХК-ИЙН ТӨЛӨӨЛӨН УДИРДАХ ЗӨВЛӨЛИЙН
НЭР ДЭВШҮҮЛЭХ ХОРОО

Хөвсгөл аймгийн Бүрэнтогтох сумын Сангийн далай баг байгуулагдсаны 70 жилийн ойн баярт оролцож, тус багийн хөдөлмөрч, б...
19/07/2026

Хөвсгөл аймгийн Бүрэнтогтох сумын Сангийн далай баг байгуулагдсаны 70 жилийн ойн баярт оролцож, тус багийн хөдөлмөрч, бүтээлч түмэнд баярын мэндчилгээ дэвшүүлж, ахмадуудад хүндэтгэл үзүүллээ.

Мөн төрийн дээд шагнал АЛТАН ГАДАС одонгоор шагнагдсан эрхэм хүмүүст хүндэтгэн гардууллаа.

Хөвсгөл аймгийн Алаг-Эрдэнэ сумын түүхт 100 жилийн ойн баярын хуралд оролцож төрийн дээд одон медаль хүртсэн эрхмүүдэд ш...
19/07/2026

Хөвсгөл аймгийн Алаг-Эрдэнэ сумын түүхт 100 жилийн ойн баярын хуралд оролцож төрийн дээд одон медаль хүртсэн эрхмүүдэд шагналыг гардууллаа.

Хөвсгөл аймаг Алаг-Эрдэнэ сум байгуулагдсаны түүхт 100 жилийн ойн баяр наадмын сумын цол олгох хүчит 64 бөхийн барилдаан...
17/07/2026

Хөвсгөл аймаг Алаг-Эрдэнэ сум байгуулагдсаны түүхт 100 жилийн ойн баяр наадмын сумын цол олгох хүчит 64 бөхийн барилдаанд. Галт сумын харъяат Чулуунбаатарын Галбадрах түрүүлж сумын ЗААН боллоо.

Тулгар төрийн 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 1...
08/07/2026

Тулгар төрийн 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жил, Хөвсгөл аймаг байгуулагдсаны 95 жил, Мөрөн хот үүсэн байгуулагдсаны 217 жилийн ойн баяр наадмын мэндийг наадамчин олондоо өргөн дэвшүүлье.

Монгол түмний минь хийморь лундаа өөдөө байж, Хөвсгөл нутгийн минь хөгжил цэцэглэлт үргэлж бадарч байх болтугай. Та бүхэн минь дэнж хотойтол дэлгэр сайхан наадаарай 🇲🇳

АРДЫН ХУВЬСГАЛЫН 105 ЖИЛ, ХӨВСГӨЛ АЙМАГ БАЙГУУЛАГДСАНЫ ТҮҮХТ 95 ЖИЛИЙН ОЙН ҮНДЭСНИЙ ИХ БАЯР НААДМЫН БАЯРЫН ХУРАЛ БОЛЛООТ...
07/07/2026

АРДЫН ХУВЬСГАЛЫН 105 ЖИЛ, ХӨВСГӨЛ АЙМАГ БАЙГУУЛАГДСАНЫ ТҮҮХТ 95 ЖИЛИЙН ОЙН ҮНДЭСНИЙ ИХ БАЯР НААДМЫН БАЯРЫН ХУРАЛ БОЛЛОО

Тулгар төрийн 2235 жил, Их Монгол Улс байгуулагдсаны 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жил, Хөвсгөл аймаг байгуулагдсаны түүхт 95 жилийн ой, Үндэсний их баяр наадмыг тохиолдуулсан баярын хурал ёслол төгөлдөр болж өндөрлөлөө.

Баярын хуралд Улсын Их Хурлын гишүүд, аймаг, орон нутгийн удирдлагууд, төрийн байгууллагуудын төлөөлөл, ахмад зүтгэлтнүүд, хөдөлмөрийн алдартнууд, иргэдийн төлөөлөл өргөнөөр оролцож, үндэсний их баяр наадмын мэндчилгээ, хүндэтгэлийг дэвшүүлэв.

Хурлын үеэр Хөвсгөл аймгийн Иргэдийн Төлөөлөгчдийн Хурлын дарга Д.Пүрэвдорж хэлсэн үгэндээ, 2025–2026 онд аймгийн Иргэдийн Төлөөлөгчдийн Хурлын шийдвэрээр Их-Уул сумын Их-Уул хайрхан, Рэнчинлхүмбэ сумын Дэлгэрхаан уулыг аймгийн тахилгат уул, мөн Хөвсгөл нуурыг төрийн тахилгат нуур болгох саналыг уламжилж, холбогдох тогтоолыг батлан гаргасны үр дүнд Монгол Улсын Ерөнхийлөгчийн зарлигаар төрийн тахилгат нуурын зэрэглэлд хүрснийг онцлон тэмдэглэлээ. Энэхүү шийдвэр нь байгаль, түүх, соёлын өвийг хамгаалах, хойч үедээ өвлүүлэн үлдээхэд чухал ач холбогдолтой болохыг дурдсан юм.

Мөн баярын хурлын үеэр Хөвсгөл нутгийнхаа хөгжил дэвшил, улс эх орныхоо бүтээн байгуулалт, нийгэм, эдийн засаг, боловсрол, эрүүл мэнд, соёл урлаг, хууль сахиулах болон бусад салбарт олон жил үр бүтээлтэй хөдөлмөрлөж, үнэтэй хувь нэмэр оруулсан нэр бүхий эрхмүүдэд төрийн дээд одон, медаль, салбарын болон аймгийн шагналыг гардуулан өгч, хөдөлмөр зүтгэл, амжилт бүтээлийг нь өндрөөр үнэлэн хүндэтгэл үзүүллээ.

Түүхт ой, Үндэсний их баяр наадмын баярын хурал нь төрт ёс, үндэсний уламжлал, түүхэн бахархлаа дээдлэн хүндэтгэхийн зэрэгцээ эх орон, төрөлх нутгийнхаа хөгжил цэцэглэлтэд хувь нэмрээ оруулсан шилдэг хүмүүсийн гавьяа зүтгэлийг алдаршуулсан хүндэтгэлийн арга хэмжээ болж өнгөрөв.

Address

Хөвсгөл аймаг, Мөрөн сум, 8-р баг, Удирдлагын ордон, 3-р давхар
Mörön
67120

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+97670383330

Website

Alerts

Be the first to know and let us send you an email when Хөвсгөл аймгийн иргэдийн Төлөөлөгчдийн Хурал posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Хөвсгөл аймгийн иргэдийн Төлөөлөгчдийн Хурал:

Shortcuts

Share

Category