Дундговь аймгийн Хүнс, хөдөө аж ахуйн газар

28/07/2026

28/07/2026

28/07/2026

Харилцан туршлага судлах талбайн өдөрлөгт Дундговь аймгийн ногоочид оролцлоо

MON-SHEP төслийн хүрээнд 2026 оны 7 дугаар сарын 27-ны өдөр зохион байгуулсан "Харилцан туршлага судлах талбайн өдөрлөг"-т Дундговь аймгийн хүнсний ногоо тариалагчид амжилттай оролцлоо.

Өдөрлөгийн үеэр төслийн мэргэжилтнүүд тариаланчдын орлогыг нэмэгдүүлэхэд чиглэсэн орчин үеийн хөдөө аж ахуйн технологи, зах зээлийн эрэлт хэрэгцээнд суурилсан тариалалтын төлөвлөлт, хүлэмжийн аж ахуйн дэвшилтэт арга технологи, хөрсний чийг хадгалах хучлага ашиглах аргачлал, ургамал хамгааллын цогц менежментийн талаар мэдээлэл, зөвлөгөө өглөө.

Мөн оролцогч тариаланчид өөрсдийн үйлдвэрлэлийн туршлага, шинэ санаа, сайн дадлыг харилцан хуваалцаж, бие биенээсээ суралцан мэдлэг, ур чадвараа нэмэгдүүлэх боломжийг бүрдүүлсэн үр өгөөжтэй өдөрлөг боллоо.

Ийнхүү талбайн сургалт, туршлага солилцох арга хэмжээ нь тариаланчдад шинэ технологийг үйлдвэрлэлдээ нэвтрүүлэх, бүтээмж болон орлогоо нэмэгдүүлэх, уур амьсгалын өөрчлөлтийн нөлөөнд дасан зохицох чадавхаа сайжруулахад бодит дэмжлэг үзүүлж байна.

MON-SHEP төсөл цаашид ч тариаланчдын хэрэгцээ шаардлагад нийцсэн шинэ технологи, мэдлэгийг түгээн дэлгэрүүлж, тогтвортой газар тариалангийн хөгжлийг дэмжих чиглэлээр хамтын ажиллагаагаа үргэлжлүүлэх юм.

23/07/2026