30/07/2026
ТӨРИЙН ТАХИЛГАТ ХӨВСГӨЛ НУУРЫН ТАХИЛГЫН ЁСЛОЛД ИРЭХДЭЭ ЭРХЭМЛЭН САХИХ ЁСЫГ ТА БҮХЭНДЭЭ ХҮРГЭЖ БАЙНА.
🙏 Ариун сэтгэлээр ирэх
• Бие, хэл, сэтгэлээ ариун байлгаж, даруу төлөв, хүндэтгэлтэй оролцоно.
• Монгол үндэсний дээл, малгай, гутлаа иж бүрэн өмсөнө.
• Нутгийн уламжлал, тахилгын дэг журмыг чандлан сахина.
🌏 Байгаль дэлхийгээ дээдлэх
• Хог хаяхгүй, орчноо бохирдуулахгүй.
• Мод, чулуу, ургамал, булаг шанд, ан амьтан, шувууг гэмтээхгүй.
• Галын аюулаас сэрэмжлэх.
🕊 Ариун газрыг хүндэтгэх
• Архи, согтууруулах ундаа хэрэглэхгүй, согтуу ирэхгүй.
• Хашгирах, чанга хөгжим тавих, хараалын үг хэлэх, элэг доог хийхгүй.
• Тамхи татахгүй.
• Гар утсаа чимээгүй горимд байлгана.
🪨 Овоо, хайрхны ёсыг сахих
• Овоог зөвхөн нар зөв тойрно.
• Зам товчилж, овоог хөндлөн гарахгүй.
• Чулуу, мод, дарцагийг дур мэдэн хөдөлгөхгүй.
• Овоо, тахилгын газрын ойролцоо бие засахгүй.
🥣 Өргөл, тахилыг ёсоор үйлдэх
• Зөвхөн дүлзэнгийн элс, маанийн үрэл өргөх бөгөөд бусад төрлийн эд зүйлс өргөхгүй.
🔔 Тахилгын дэгийг чанд сахих
• Ёслолын үеэр дэг журам сахиж, лам хувраг, ахмадын зааврыг дагана.
• Дур мэдэн тахилга, зан үйл зохион байгуулахгүй.
• Бусдын мөргөл, бясалгалд саад учруулахгүй.
🏔 Ариун шүтээнийг хамгаалах
• Хуучирсан, бохирдсон зүйлсийг цэвэрлэж, ариутгана.
• Ариун шүтээнээ ирээдүй хойч үедээ өвлүүлэн хамгаална.
✨ Ариун газар бол хүн бүрийн хүндлэл, зөв үйл, ариун сэтгэлээр хамгаалагдан үлддэг үнэт өв юм. Хүн бүр энэхүү ёс дэгийг сахиж, байгаль, өв уламжлал, ариун шүтээнээ эрхэмлэн хамгаалцгаая.
